इन्द्र द्वारा सर्पों पर वर्षा

श्लोक 1 (1.26.1)

एवं स्तुतस्तदा कद्र्वा भगवान्हरिवाहनः । नीलजीमूतसंघातैः सर्वमम्बरमावृणोत् ॥

evaṃ stutastadā kadrvā bhagavānharivāhanaḥ | nīlajīmūtasaṃghātaiḥ sarvamambaramāvṛṇot

कद्रू द्वारा इस प्रकार स्तुति किए जाने पर हरे घोड़ों वाले भगवान इन्द्र ने नीले मेघों के समूहों से सारा आकाश ढक दिया।

श्लोक 2 (1.26.2)

मेघानाज्ञापयामास वर्षध्वममृतं शुभम् । ते मेघा मुमुचुस्तोयं प्रभूतं विद्युदुज्ज्वलाः ॥

meghānājñāpayāmāsa varṣadhvamamṛtaṃ śubham | te meghā mumucustoyaṃ prabhūtaṃ vidyudujjvalāḥ

उन्होंने मेघों को आज्ञा दी — "शुभ अमृत बरसाओ।" बिजली से चमकते उन मेघों ने प्रचुर जल बरसाया,

श्लोक 3 (1.26.3)

परस्परमिवात्यर्थं गर्जन्तः सततं दिवि । संवर्तितमिवाकाशं जलदैः सुमहाद्भुतैः ॥

parasparamivātyarthaṃ garjantaḥ satataṃ divi | saṃvartitamivākāśaṃ jaladaiḥ sumahādbhutaiḥ

मानो आपस में होड़ करते हुए आकाश में निरन्तर गरजते हुए। उन अत्यन्त विशाल और अद्भुत मेघों से आकाश मानो लिपट गया था,

श्लोक 4 (1.26.4)

सृजद्भिरतुलं तोयमजस्रं सुमहारवैः । संप्रनृत्तमिवाकाशं धारोर्मिभिरनेकशः ॥

sṛjadbhiratulaṃ toyamajasraṃ sumahāravaiḥ | saṃpranṛttamivākāśaṃ dhārormibhiranekaśaḥ

जो भारी गर्जना के साथ बिना रुके अतुल जल बरसा रहे थे। असंख्य धाराओं की लहरों से आकाश मानो नाच उठा।

श्लोक 5 (1.26.5)

मेघस्तनितनिर्घोषैर्विद्युत्पवनकम्पितैः । तैर्मेघैः सततासारं वर्षद्भिरनिशं तदा ॥

meghastanitanirghoṣairvidyutpavanakampitaiḥ | tairmeghaiḥ satatāsāraṃ varṣadbhiraniśaṃ tadā

मेघों के गर्जन-घोष से, बिजली और पवन से कम्पित, दिन-रात निरन्तर मूसलाधार वर्षा करते उन मेघों के कारण

श्लोक 6 (1.26.6)

नष्टचन्द्रार्ककिरणमम्बरं समपद्यत । नागानामुत्तमो हर्षस्तथा वर्षति वासवे ॥

naṣṭacandrārkakiraṇamambaraṃ samapadyata | nāgānāmuttamo harṣastathā varṣati vāsave

आकाश ऐसा हो गया कि चन्द्रमा और सूर्य की किरणें लुप्त हो गईं। इन्द्र के इस प्रकार बरसने पर नागों को परम हर्ष हुआ।

श्लोक 7 (1.26.7)

आपूर्यत मही चापि सलिलेन समन्ततः । रसातलमनुप्राप्तं शीतलं विमलं जलम् ॥

āpūryata mahī cāpi salilena samantataḥ | rasātalamanuprāptaṃ śītalaṃ vimalaṃ jalam

पृथ्वी भी चारों ओर जल से भर गई; शीतल और निर्मल जल रसातल तक पहुँच गया।

श्लोक 8 (1.26.8)

तदा भूरभवच्छन्ना जलोर्मिभिरनेकशः । रामणीयकमागच्छन्मात्रा सह भुजंगमाः ॥

tadā bhūrabhavacchannā jalormibhiranekaśaḥ | rāmaṇīyakamāgacchanmātrā saha bhujaṃgamāḥ

तब पृथ्वी जल की असंख्य लहरों से ढक गई, और सर्प अपनी माता के साथ रमणीयक पहुँच गए।