त्रिशंकु के शाप-निवारण हेतु विश्वामित्र का सांत्वन

श्लोक 1 (devibhagavatam.7.13.1)

राजोवाच - हरिश्चन्द्रः कृतो राजा सचिवैर्नृपशासनात् । त्रिशङ्कुस्तु कथं मुक्तस्तस्माच्चाण्डालदेहतः

rājovāca - hariścandraḥ kṛto rājā sacivairnṛpaśāsanāt triśaṅkustu kathaṁ muktastasmāccāṇḍāladehataḥ

राजा ने कहा — मंत्रियों ने राजा की आज्ञा से हरिश्चन्द्र को राजा बना दिया। परन्तु त्रिशंकु उस चांडाल-देह से कैसे मुक्त हुए?

श्लोक 2 (devibhagavatam.7.13.2)

मृतो वा वनमध्ये तु गङ्गातीरे परिप्लुतः । गुरुणा वा कृपां कृत्वा शापात्तस्माद्विमोचितः

mṛto vā vanamadhye tu gaṅgātīre pariplutaḥ guruṇā vā kṛpāṁ kṛtvā śāpāttasmādvimocitaḥ

क्या वे वन के मध्य गंगा-तट पर बहते हुए मर गए, या गुरु की कृपा से उस शाप से मुक्त हुए?

श्लोक 3 (devibhagavatam.7.13.3)

एतद् वृत्तान्तमखिलं कथयस्व ममाग्रतः । चरितं तस्य नृपतेः श्रोतुकामोऽस्मि सर्वथा

etad vṛttāntamakhilaṁ kathayasva mamāgrataḥ caritaṁ tasya nṛpateḥ śrotukāmo'smi sarvathā

यह सम्पूर्ण वृत्तान्त मुझे बताइए। मैं उस राजा की कथा सर्वथा सुनना चाहता हूँ।

श्लोक 4 (devibhagavatam.7.13.4)

व्यास उवाच । अभिषिक्तं सुतं कृत्वा राजा सन्तुष्टमानसः । कालातिक्रमणं तत्र चकार चिन्तयञ्छिवाम्

vyāsa uvāca abhiṣiktaṁ sutaṁ kṛtvā rājā santuṣṭamānasaḥ kālātikramaṇaṁ tatra cakāra cintayañchivām

व्यास जी ने कहा — पुत्र को अभिषिक्त करके संतुष्ट मन वाले राजा वहाँ शिव-कल्याणी का चिंतन करते हुए समय बिताने लगे।

श्लोक 5 (devibhagavatam.7.13.5)

एवं गच्छति काले तु तपस्तप्त्वा समाहितः । द्रष्टुं दारान्सुतादींश्च तदागात्कौशिको मुनिः

evaṁ gacchati kāle tu tapastaptvā samāhitaḥ draṣṭuṁ dārānsutādīṁśca tadāgātkauśiko muniḥ

इस प्रकार समय बीतते हुए, एकाग्रचित्त से तपस्या करके कौशिक मुनि उस समय अपनी पत्नी-पुत्र आदि को देखने आए।

श्लोक 6 (devibhagavatam.7.13.6)

आगत्य स्वजनं दृष्ट्वा सुस्थितं मुदमाप्तवान् । भार्यां पप्रच्छ मेधावी स्थितामग्रे सपर्यया

āgatya svajanaṁ dṛṣṭvā susthitaṁ mudamāptavān bhāryāṁ papraccha medhāvī sthitāmagre saparyayā

आकर अपने परिवार को सुखी देखकर उन्हें प्रसन्नता हुई; उस बुद्धिमान ने आदरपूर्वक सामने खड़ी अपनी पत्नी से पूछा —

श्लोक 7 (devibhagavatam.7.13.7)

दुर्भिक्षे तु कथं कालस्तया नीतः सुलोचने । अन्नं विना त्विमे बालाः पालिता केन तद्वद

durbhikṣe tu kathaṁ kālastayā nītaḥ sulocane annaṁ vinā tvime bālāḥ pālitā kena tadvada

"हे सुलोचने! दुर्भिक्ष में तुमने समय कैसे बिताया? अन्न के बिना ये बालक किसके द्वारा पाले गए, यह बताओ।

श्लोक 8 (devibhagavatam.7.13.8)

अहं तपसि सन्नद्धो नागतः शृणु सुन्दरि । किं कृतं तु त्वया कान्ते विना द्रव्येण शोभने

ahaṁ tapasi sannaddho nāgataḥ śṛṇu sundari kiṁ kṛtaṁ tu tvayā kānte vinā dravyeṇa śobhane

मैं तपस्या में लीन होकर नहीं आया, हे सुन्दरी, सुनो। हे कान्ते! तुमने बिना साधनों के क्या किया, हे शोभने?

श्लोक 9 (devibhagavatam.7.13.9)

मया चिन्ता कृता तत्र श्रुत्वा दुर्भिक्षमद्भुतम् । नागतोऽहं विचार्यैवं किं करिष्यामि निर्धनः

mayā cintā kṛtā tatra śrutvā durbhikṣamadbhutam nāgato'haṁ vicāryaivaṁ kiṁ kariṣyāmi nirdhanaḥ

मुझे भी वहाँ चिंता हुई, यह अद्भुत दुर्भिक्ष सुनकर; फिर भी मैं नहीं आया, यह सोचकर कि निर्धन होकर मैं क्या करूँगा।

श्लोक 10 (devibhagavatam.7.13.10)

अहमप्यति वामोरु पीडितः क्षुधया वने । प्रविष्टश्चौरभावेन कुत्रचिच्छ्वपचालये

ahamapyati vāmoru pīḍitaḥ kṣudhayā vane praviṣṭaścaurabhāvena kutracicchvapacālaye

हे सुन्दर जांघों वाली! मैं भी वन में भूख से अत्यंत पीड़ित हुआ, और चोर की भाँति किसी चांडाल के घर में घुस गया।

श्लोक 11 (devibhagavatam.7.13.11)

श्वपचं निद्रितं दृष्ट्वा क्षुधया पीडितो भृशम् । महानसं परिज्ञाय भक्ष्यार्थं समुपस्थितः

śvapacaṁ nidritaṁ dṛṣṭvā kṣudhayā pīḍito bhṛśam mahānasaṁ parijñāya bhakṣyārthaṁ samupasthitaḥ

उस चांडाल को सोया हुआ देखकर, भूख से अत्यंत पीड़ित होकर, मैंने रसोई पहचानकर भोजन के लिए वहाँ पहुँचा।

श्लोक 12 (devibhagavatam.7.13.12)

यदा भाण्डं समुद्घाट्य पक्वं श्वतनुजामिषम् । गृह्णामि भक्षणार्थाय तदा दृष्टस्तु तेन वै

yadā bhāṇḍaṁ samudghāṭya pakvaṁ śvatanujāmiṣam gṛhṇāmi bhakṣaṇārthāya tadā dṛṣṭastu tena vai

जब मैंने बर्तन खोलकर पका हुआ कुत्ते का मांस भक्षण के लिए उठाया, तभी उसने मुझे देख लिया।

श्लोक 13 (devibhagavatam.7.13.13)

पृष्टः कस्त्वं कथं प्राप्तो गृहे मे निशि सादरम् । ब्रूहि कार्यं किमर्थं त्वमुद्घाटयसि भाण्डकम्

pṛṣṭaḥ kastvaṁ kathaṁ prāpto gṛhe me niśi sādaram brūhi kāryaṁ kimarthaṁ tvamudghāṭayasi bhāṇḍakam

उसने पूछा — 'तुम कौन हो, रात में मेरे घर आदरपूर्वक कैसे पहुँचे? बताओ, तुम मेरा बर्तन क्यों खोल रहे हो?'

श्लोक 14 (devibhagavatam.7.13.14)

इत्युक्तः श्वपचेनाहं क्षुधया पीडितो भृशम् । तमवोचं सुकेशान्ते कामं गद्गदया गिरा

ityuktaḥ śvapacenāhaṁ kṣudhayā pīḍito bhṛśam tamavocaṁ sukeśānte kāmaṁ gadgadayā girā

चांडाल द्वारा इस प्रकार कहे जाने पर, भूख से अत्यंत पीड़ित मैंने, हे सुकेशान्ते, गद्गद वाणी में उससे यह कहा —

श्लोक 15 (devibhagavatam.7.13.15)

ब्राह्मणोऽहं महाभाग तापसः क्षुधयार्दितः । चौरभावमनुप्राप्तो भक्ष्यं पश्यामि भाण्डके

brāhmaṇo'haṁ mahābhāga tāpasaḥ kṣudhayārditaḥ caurabhāvamanuprāpto bhakṣyaṁ paśyāmi bhāṇḍake

'हे महाभाग! मैं ब्राह्मण हूँ, तपस्वी हूँ, भूख से पीड़ित हूँ; चोर की भाँति आया हूँ, तुम्हारे बर्तन में भोजन देख रहा हूँ।

श्लोक 16 (devibhagavatam.7.13.16)

चौरभावेन सम्प्राप्तोऽस्म्यतिथिस्ते महामते । क्षुधितोऽस्मि ददस्वाज्ञां मांसमद्मि सुसंस्कृतम्

caurabhāvena samprāpto'smyatithiste mahāmate kṣudhito'smi dadasvājñāṁ māṁsamadmi susaṁskṛtam

हे महामते! मैं चोर की भाँति तुम्हारे यहाँ आया हूँ, तुम्हारा अतिथि हूँ; मैं भूखा हूँ, आज्ञा दो, यह सुसंस्कृत मांस खाऊँगा।'

श्लोक 17 (devibhagavatam.7.13.17)

विश्वामित्र उवाच । श्वपचस्तु वचः श्रुत्वा मामुवाच सुनिश्चितम् । भक्षं मा कुरु वर्णाग्र्य जानीहि श्वपचालयम्

viśvāmitra uvāca śvapacastu vacaḥ śrutvā māmuvāca suniścitam bhakṣaṁ mā kuru varṇāgrya jānīhi śvapacālayam

विश्वामित्र ने कहा — चांडाल ने यह वचन सुनकर मुझसे स्पष्ट रूप से कहा — 'हे वर्णश्रेष्ठ! यह मत खाओ, जानो यह चांडाल का घर है।

श्लोक 18 (devibhagavatam.7.13.18)

दुर्लभं खलु मानुष्यं तत्रापि च द्विजन्मता । द्विजत्वे ब्राह्मणत्वं च दुर्लभं वेत्सि किं न हि

durlabhaṁ khalu mānuṣyaṁ tatrāpi ca dvijanmatā dvijatve brāhmaṇatvaṁ ca durlabhaṁ vetsi kiṁ na hi

मनुष्य-जन्म वास्तव में दुर्लभ है, उसमें भी द्विजत्व दुर्लभ; द्विजत्व में भी ब्राह्मणत्व दुर्लभ है, क्या यह नहीं जानते?

श्लोक 19 (devibhagavatam.7.13.19)

दुष्टाहारो न कर्तव्यः सर्वथा लोकमिच्छता । अग्राह्या मनुना प्रोक्ताः कर्मणा सप्त चान्त्यजाः

duṣṭāhāro na kartavyaḥ sarvathā lokamicchatā agrāhyā manunā proktāḥ karmaṇā sapta cāntyajāḥ

लोक-कल्याण चाहने वाले को दुष्ट आहार सर्वथा नहीं करना चाहिए। मनु ने सात अंत्यज कर्म से अग्राह्य बताए हैं।

श्लोक 20 (devibhagavatam.7.13.20)

त्याज्योऽहं कर्मणा विप्र श्वपचो नात्र संशयः । निवारयामि भक्ष्यात्त्वां न लोभेनाञ्जसा द्विज

tyājyo'haṁ karmaṇā vipra śvapaco nātra saṁśayaḥ nivārayāmi bhakṣyāttvāṁ na lobhenāñjasā dvija

हे विप्र! मैं तो कर्म से चांडाल के रूप में त्याज्य हूँ, इसमें संशय नहीं। मैं तुम्हें इस भोजन से लोभवश नहीं, बल्कि हे द्विज, सचमुच रोक रहा हूँ।

श्लोक 21 (devibhagavatam.7.13.21)

वर्णसङ्करदोषोऽयं मा यातु त्वां द्विजोत्तम । विश्वामित्र उवाच । सत्यं वदसि धर्मज्ञ मतिस्ते विशदान्त्यज

varṇasaṅkaradoṣo'yaṁ mā yātu tvāṁ dvijottama viśvāmitra uvāca satyaṁ vadasi dharmajña matiste viśadāntyaja

हे द्विजोत्तम! यह वर्ण-संकर का दोष तुम्हें न लगे।' विश्वामित्र ने कहा — 'हे धर्मज्ञ! तुम सत्य कहते हो, हे अंत्यज! तुम्हारी बुद्धि स्पष्ट है —

श्लोक 22 (devibhagavatam.7.13.22)

तथाप्यापदि धर्मस्य सूक्ष्ममार्गं ब्रवीम्यहम् । देहस्य रक्षणं कार्यं सर्वथा यदि मानद

tathāpyāpadi dharmasya sūkṣmamārgaṁ bravīmyaham dehasya rakṣaṇaṁ kāryaṁ sarvathā yadi mānada

— फिर भी विपत्ति के समय धर्म का सूक्ष्म मार्ग मैं तुम्हें बताता हूँ। हे मानद! शरीर की रक्षा सर्वथा करनी चाहिए, यदि इसे बचाना है।

श्लोक 23 (devibhagavatam.7.13.23)

पापस्यान्ते पुनः कार्यं प्रायश्चित्तं विशुद्धये । दुर्गतिस्तु भवेत्पापादनापदि न चापदि

pāpasyānte punaḥ kāryaṁ prāyaścittaṁ viśuddhaye durgatistu bhavetpāpādanāpadi na cāpadi

पाप के बाद शुद्धि के लिए प्रायश्चित्त फिर करना चाहिए; दुर्गति तो पाप से तब होती है जब आपत्ति न हो, आपत्ति के समय नहीं।

श्लोक 24 (devibhagavatam.7.13.24)

मरणात्क्षुधितस्याथ नरको नात्र संशयः । तस्मात्क्षुधापहरणं कर्तव्यं शुभमिच्छता

maraṇātkṣudhitasyātha narako nātra saṁśayaḥ tasmātkṣudhāpaharaṇaṁ kartavyaṁ śubhamicchatā

भूखे व्यक्ति की मृत्यु से नरक निश्चित है, इसमें संशय नहीं। इसलिए कल्याण चाहने वाले को भूख दूर करनी ही चाहिए।

श्लोक 25 (devibhagavatam.7.13.25)

तेनाहं चौर्यधर्मेण देहं रक्षेऽप्यथान्त्यज । अवर्षणे च चौर्येण यत्पापं कथितं बुधैः

tenāhaṁ cauryadharmeṇa dehaṁ rakṣe'pyathāntyaja avarṣaṇe ca cauryeṇa yatpāpaṁ kathitaṁ budhaiḥ

इसी नियम से, हे अंत्यज, मैं चोरी के धर्म से अपना शरीर बचाऊँगा। और जो पाप विद्वानों द्वारा वर्षा-अभाव में चोरी के कारण बताया गया है —

श्लोक 26 (devibhagavatam.7.13.26)

यो न वर्षति पर्जन्यस्तत्तु तस्मै भविष्यति । इत्युक्ते वचने कान्ते पर्जन्यः सहसापतत्

yo na varṣati parjanyastattu tasmai bhaviṣyati ityukte vacane kānte parjanyaḥ sahasāpatat

— वह उस वर्षा-देवता को लगे जो वर्षा नहीं करता।' जैसे ही यह वचन कहा गया, हे कान्ते, वर्षा तुरन्त बरस पड़ी —

श्लोक 27 (devibhagavatam.7.13.27)

गगनाद्धस्तिहस्ताभिर्धाराभिरभिकाङ्क्षितः । मुदितोऽहं घनं वीक्ष्य वर्षन्तं विद्युता सह

gaganāddhastihastābhirdhārābhirabhikāṅkṣitaḥ mudito'haṁ ghanaṁ vīkṣya varṣantaṁ vidyutā saha

— आकाश से हाथी की सूंड जैसी मोटी धाराओं में, जिसकी बड़ी आतुरता से प्रतीक्षा थी। बिजली सहित बरसते बादल को देखकर मैं आनंदित हो उठा।

श्लोक 28 (devibhagavatam.7.13.28)

तदाहं तद्गृहं त्यक्त्वा निःसृतः परया मुदा । कथय त्वं वरारोहे कालो नीतस्त्वया कथम्

tadāhaṁ tadgṛhaṁ tyaktvā niḥsṛtaḥ parayā mudā kathaya tvaṁ varārohe kālo nītastvayā katham

तब मैं उस घर को छोड़कर परम आनंद से निकल गया। अब तुम बताओ, हे वरारोहे, तुमने समय कैसे बिताया?

श्लोक 29 (devibhagavatam.7.13.29)

कान्तारे परमः क्रूरः क्षयकृत्प्राणिनामिह । व्यास उवाच । इति तस्य वचः श्रुत्वा पतिमाह प्रियंवदा

kāntāre paramaḥ krūraḥ kṣayakṛtprāṇināmiha vyāsa uvāca iti tasya vacaḥ śrutvā patimāha priyaṁvadā

यह वन प्राणियों के लिए अत्यंत क्रूर और विनाशक है।" व्यास जी ने कहा — उनका यह वचन सुनकर मधुरभाषिणी पत्नी ने पति से कहा —

श्लोक 30 (devibhagavatam.7.13.30)

यथा शृणु मया नीतः कालः परमदारुणः । गते त्वयि मुनिश्रेष्ठ दुर्भिक्षं समुपागतम्

yathā śṛṇu mayā nītaḥ kālaḥ paramadāruṇaḥ gate tvayi muniśreṣṭha durbhikṣaṁ samupāgatam

"सुनिए, मैंने वह अत्यंत भयंकर समय कैसे बिताया। हे मुनिश्रेष्ठ! आपके जाने के बाद दुर्भिक्ष आ पहुँचा।

श्लोक 31 (devibhagavatam.7.13.31)

अन्नार्थं पुत्रकाः सर्वे बभूवुश्चातिदुःखिताः । क्षुधितान्बालकान्वीक्ष्य नीवारार्थं वने वने

annārthaṁ putrakāḥ sarve babhūvuścātiduḥkhitāḥ kṣudhitānbālakānvīkṣya nīvārārthaṁ vane vane

अन्न के अभाव में सभी बालक अत्यंत दुःखी हो गए; भूखे बालकों को देखकर मैं नीवार की खोज में वन-वन भटकती रही।

श्लोक 32 (devibhagavatam.7.13.32)

भ्रान्ताहं चिन्तयाऽऽविष्टा किञ्चित्प्राप्तं फलं तदा । एवं च कतिचिन्मासा नीवारेणातिवाहिताः

bhrāntāhaṁ cintayā''viṣṭā kiñcitprāptaṁ phalaṁ tadā evaṁ ca katicinmāsā nīvāreṇātivāhitāḥ

चिंता से व्याकुल होकर भटकती रही, कभी कुछ फल मिल जाता था। इस प्रकार कुछ महीने नीवार से बीत गए।

श्लोक 33 (devibhagavatam.7.13.33)

तदभावे मया कान्त चिन्तितं मनसा पुनः । न भिक्षा किल दुर्भिक्षे नीवारा नापि कानने

tadabhāve mayā kānta cintitaṁ manasā punaḥ na bhikṣā kila durbhikṣe nīvārā nāpi kānane

जब वह भी न मिला, हे कान्त, तो मैंने मन में फिर सोचा — 'दुर्भिक्ष में न तो भिक्षा मिलती है, न वन में नीवार।

श्लोक 34 (devibhagavatam.7.13.34)

न वृक्षेषु फलान्यासुर्न मूलानि धरातले । क्षुधया पीडिता बाला रुदन्ति भृशमातुराः

na vṛkṣeṣu phalānyāsurna mūlāni dharātale kṣudhayā pīḍitā bālā rudanti bhṛśamāturāḥ

पेड़ों पर फल नहीं हैं, भूमि पर मूल भी नहीं। भूख से पीड़ित बालक अत्यंत व्याकुल होकर रो रहे हैं।

श्लोक 35 (devibhagavatam.7.13.35)

किं करोमि क्व गच्छामि किं ब्रवीमि क्षुधार्तितान् । एवं विचिन्त्य मनसा निश्चयस्तु मया कृतः

kiṁ karomi kva gacchāmi kiṁ bravīmi kṣudhārtitān evaṁ vicintya manasā niścayastu mayā kṛtaḥ

मैं क्या करूँ, कहाँ जाऊँ, इन भूख से पीड़ित बच्चों से क्या कहूँ?' इस प्रकार मन में सोचकर मैंने एक निश्चय किया —

श्लोक 36 (devibhagavatam.7.13.36)

पुत्रमेकं ददाम्यद्य कस्मैचिद्धनिने किल । गृहीत्वा तस्य मौल्यं तु तेन द्रव्येण बालकान्

putramekaṁ dadāmyadya kasmaiciddhanine kila gṛhītvā tasya maulyaṁ tu tena dravyeṇa bālakān

— कि आज एक पुत्र किसी धनी को दे दूँ; उसका मूल्य लेकर उसी धन से बाकी बालकों का —

श्लोक 37 (devibhagavatam.7.13.37)

पालयेऽहं क्षुधार्तांस्तु नान्योपायोऽस्ति पालने । इति सञ्चिन्त्य मनसा पुत्रोऽयं प्रहितो मया

pālaye'haṁ kṣudhārtāṁstu nānyopāyo'sti pālane iti sañcintya manasā putro'yaṁ prahito mayā

— भूखे बच्चों का पालन करूँगी, इसके अलावा पालन का कोई अन्य उपाय नहीं है। ऐसा मन में सोचकर यह पुत्र मेरे द्वारा भेजा गया,

श्लोक 38 (devibhagavatam.7.13.38)

विक्रयार्थं महाभाग क्रन्दमानो भृशातुरः । क्रन्दमानं गृहीत्वैनं निर्गताहं गतत्रपा

vikrayārthaṁ mahābhāga krandamāno bhṛśāturaḥ krandamānaṁ gṛhītvainaṁ nirgatāhaṁ gatatrapā

— हे महाभाग! बेचने के लिए, अत्यंत व्याकुल होकर रोता हुआ। रोते हुए इसे लेकर मैं लज्जा त्यागकर निकल पड़ी।

श्लोक 39 (devibhagavatam.7.13.39)

तदा सत्यव्रतो मार्गे मामुद्वीक्ष्य भृशातुराम् । पप्रच्छ स च राजर्षिः कस्माद्रोदिति बालकः

tadā satyavrato mārge māmudvīkṣya bhṛśāturām papraccha sa ca rājarṣiḥ kasmādroditi bālakaḥ

तभी मार्ग में सत्यव्रत ने मुझे अत्यंत व्याकुल देखकर पूछा — उस राजर्षि ने कहा — 'यह बालक क्यों रो रहा है?'

श्लोक 40 (devibhagavatam.7.13.40)

तदाहं तमुवाचेदं वचनं मुनिसत्तम । विक्रयार्थं नीयतेऽसौ बालकोऽद्य मया नृप

tadāhaṁ tamuvācedaṁ vacanaṁ munisattama vikrayārthaṁ nīyate'sau bālako'dya mayā nṛpa

तब, हे मुनिसत्तम, मैंने उससे यह वचन कहा — 'हे राजन्! इस बालक को आज मैं बेचने के लिए ले जा रही हूँ।'

श्लोक 41 (devibhagavatam.7.13.41)

श्रुत्वा मे वचनं राजा दयार्द्रहृदयस्ततः । मामुवाच गृहं याहि गृहीत्वैनं कुमारकम्

śrutvā me vacanaṁ rājā dayārdrahṛdayastataḥ māmuvāca gṛhaṁ yāhi gṛhītvainaṁ kumārakam

मेरा वचन सुनकर दया से द्रवित हृदय वाले उस राजा ने मुझसे कहा — 'इस बालक को लेकर घर जाओ।

श्लोक 42 (devibhagavatam.7.13.42)

भोजनार्थे कुमाराणामामिषं विहितं तव । प्रापयिष्याम्यहं नित्यं यावन्मुनिसमागमः

bhojanārthe kumārāṇāmāmiṣaṁ vihitaṁ tava prāpayiṣyāmyahaṁ nityaṁ yāvanmunisamāgamaḥ

बालकों के भोजन हेतु मांस की व्यवस्था मैं तुम्हारे लिए करूँगा। मुनि (पति) के लौटने तक मैं इसे नित्य पहुँचाता रहूँगा।'

श्लोक 43 (devibhagavatam.7.13.43)

अहन्यहनि भूपालो वृक्षेऽस्मिन्मृगसूकरान् । विन्यस्य याति हत्वासौ प्रत्यहं दययान्वितः

ahanyahani bhūpālo vṛkṣe'sminmṛgasūkarān vinyasya yāti hatvāsau pratyahaṁ dayayānvitaḥ

प्रतिदिन वह राजा दयायुक्त होकर मृगों और सूकरों को मारकर इस वृक्ष पर रखकर चला जाता था।

श्लोक 44 (devibhagavatam.7.13.44)

तेनैव बालकाः कान्त पालिता वृजिनार्णवात् । वसिष्ठेनाथ शप्ताऽसौ भूपतिर्मम कारणात्

tenaiva bālakāḥ kānta pālitā vṛjinārṇavāt vasiṣṭhenātha śaptā'sau bhūpatirmama kāraṇāt

हे कान्त! उसी से हमारे बालक इस विपत्ति-सागर से बचे रहे। फिर वसिष्ठ द्वारा वह राजा मेरे ही कारण शापित हुआ —

श्लोक 45 (devibhagavatam.7.13.45)

कस्मिंश्चिद्दिवसे मांसं न प्राप्तं तेन कानने । हता दोग्ध्री वसिष्ठस्य तेनासौ कुपितो मुनिः

kasmiṁściddivase māṁsaṁ na prāptaṁ tena kānane hatā dogdhrī vasiṣṭhasya tenāsau kupito muniḥ

— किसी दिन उसे वन में मांस नहीं मिला, तो उसने वसिष्ठ की दुधारू गाय मार डाली; इस पर वे मुनि अत्यंत क्रुद्ध हुए।

श्लोक 46 (devibhagavatam.7.13.46)

त्रिशङ्कुरिति भूपस्य कृतं नाम महात्मना । कुपितेन वधाद्धेतोश्चाण्डालश्च कृतो नृपः

triśaṅkuriti bhūpasya kṛtaṁ nāma mahātmanā kupitena vadhāddhetoścāṇḍālaśca kṛto nṛpaḥ

उस महात्मा ने क्रोधित होकर उस वध के कारण राजा का नाम त्रिशंकु रखा और राजा को चांडाल बना दिया।

श्लोक 47 (devibhagavatam.7.13.47)

तेनाहं दुःखिता जाता तस्य दुःखेन कौशिक । श्वपचत्वमसौ प्राप्तो मत्कृते नृपनन्दनः

tenāhaṁ duḥkhitā jātā tasya duḥkhena kauśika śvapacatvamasau prāpto matkṛte nṛpanandanaḥ

हे कौशिक! इसलिए मैं उसके दुःख से दुःखी हो गई हूँ — मेरे ही कारण वह राजपुत्र चांडालत्व को प्राप्त हुआ।

श्लोक 48 (devibhagavatam.7.13.48)

येन केनाप्युपायेन भवता नृपतेः किल । तस्माद्रक्षा प्रकर्तव्या तपसा प्रबलेन ह

yena kenāpyupāyena bhavatā nṛpateḥ kila tasmādrakṣā prakartavyā tapasā prabalena ha

आपके द्वारा जिस किसी भी उपाय से उस राजा की रक्षा अपनी प्रबल तपस्या से अवश्य की जानी चाहिए।"

श्लोक 49 (devibhagavatam.7.13.49)

व्यास उवाच । इति भार्यावचः श्रुत्वा कौशिको मुनिसत्तमः । तामाह कामिनीं दीनां सान्त्वपूर्वमरिन्दम

vyāsa uvāca iti bhāryāvacaḥ śrutvā kauśiko munisattamaḥ tāmāha kāminīṁ dīnāṁ sāntvapūrvamarindama

व्यास जी ने कहा — पत्नी का यह वचन सुनकर मुनिश्रेष्ठ, शत्रुदमन कौशिक ने उस दुःखी पत्नी से सांत्वनापूर्वक कहा।

श्लोक 50 (devibhagavatam.7.13.50)

विश्वामित्र उवाच । मोचयिष्यामि तं शापान्नृपं कमललोचने । उपकारः कृतो येन कान्ताराद्रक्षितासि वै

viśvāmitra uvāca mocayiṣyāmi taṁ śāpānnṛpaṁ kamalalocane upakāraḥ kṛto yena kāntārādrakṣitāsi vai

विश्वामित्र ने कहा — "हे कमलनयने! मैं उस राजा को शाप से मुक्त करूँगा; उसने मुझ पर उपकार किया है, जिससे तुम इस वन-संकट से बच सकीं।

श्लोक 51 (devibhagavatam.7.13.51)

विद्यातपोबलेनाहं करिष्ये दुःखसङ्क्षयम् । इत्याश्वास्य प्रियां तत्र कौशिकः परमार्थवित्

vidyātapobalenāhaṁ kariṣye duḥkhasaṅkṣayam ityāśvāsya priyāṁ tatra kauśikaḥ paramārthavit

मैं विद्या और तप के बल से उसके दुःख का नाश करूँगा।" इस प्रकार अपनी प्रिया को आश्वस्त करके, परमार्थवेत्ता कौशिक —

श्लोक 52 (devibhagavatam.7.13.52)

चिन्तयामास नृपतेः कथं स्याद्दुःखनाशनम् । संविमृश्य मुनिस्तत्र जगाम यत्र पार्थिवः

cintayāmāsa nṛpateḥ kathaṁ syādduḥkhanāśanam saṁvimṛśya munistatra jagāma yatra pārthivaḥ

— यह सोचने लगे कि राजा का यह दुःख कैसे मिटे। विचार करके वह मुनि वहाँ गए, जहाँ वह राजा था।

श्लोक 53 (devibhagavatam.7.13.53)

त्रिशङ्कुः पक्वणे दीनः संस्थितः श्वपचाकृतिः । आगच्छन्तं मुनिं दृष्ट्वा विस्मितोऽसौ नराधिपः

triśaṅkuḥ pakvaṇe dīnaḥ saṁsthitaḥ śvapacākṛtiḥ āgacchantaṁ muniṁ dṛṣṭvā vismito'sau narādhipaḥ

त्रिशंकु दीन होकर चांडाल-रूप में एक पाकस्थान पर बैठे थे। आते हुए मुनि को देखकर वह राजा विस्मित हो गया।

श्लोक 54 (devibhagavatam.7.13.54)

दण्डवन्निपपातोर्व्यां पादयोस्तरसा मुनेः । गृहीत्वा तं करे भूपं पतितं कौशिकस्तदा

daṇḍavannipapātorvyāṁ pādayostarasā muneḥ gṛhītvā taṁ kare bhūpaṁ patitaṁ kauśikastadā

वह तुरन्त दण्ड की भाँति मुनि के चरणों में भूमि पर गिर पड़ा। तब कौशिक ने गिरे हुए उस राजा को हाथ पकड़कर —

श्लोक 55 (devibhagavatam.7.13.55)

उत्थाप्योवाच वचनं सान्त्वपूर्वं द्विजोत्तमः । मत्कृते त्वं महीपाल शप्तोऽसि मुनिना यतः

utthāpyovāca vacanaṁ sāntvapūrvaṁ dvijottamaḥ matkṛte tvaṁ mahīpāla śapto'si muninā yataḥ

— उठाकर उस द्विजोत्तम ने सांत्वनापूर्वक यह वचन कहा — "हे महीपाल! चूँकि तुम मेरे ही कारण मुनि द्वारा शापित हुए हो —

श्लोक 56 (devibhagavatam.7.13.56)

वाञ्छितं ते करिष्यामि ब्रूहि किं करवाण्यहम् । राजोवाच - मया सम्प्रार्थितः पूर्वं वसिष्ठो मखहेतवे

vāñchitaṁ te kariṣyāmi brūhi kiṁ karavāṇyaham rājovāca - mayā samprārthitaḥ pūrvaṁ vasiṣṭho makhahetave

— अतः मैं तुम्हारी इच्छा पूर्ण करूँगा। बताओ, मैं क्या करूँ?" राजा ने कहा — "मैंने पहले वसिष्ठ से यज्ञ हेतु प्रार्थना की थी —

श्लोक 57 (devibhagavatam.7.13.57)

मां याजय मुनिश्रेष्ठ करोमि मखमुत्तमम् । यथेष्टं कुरु विप्रेन्द्र यथा स्वर्गं व्रजाम्यहम्

māṁ yājaya muniśreṣṭha karomi makhamuttamam yatheṣṭaṁ kuru viprendra yathā svargaṁ vrajāmyaham

— 'हे मुनिश्रेष्ठ! मुझसे यज्ञ करवाइए, मैं उत्तम यज्ञ करूँगा। हे विप्रेन्द्र! जैसे मैं स्वर्ग जा सकूँ, वैसा ही कीजिए —

श्लोक 58 (devibhagavatam.7.13.58)

अनेनैव शरीरेण शक्रलोकं सुखालयम् । कोपं कृत्वा वसिष्ठोऽसौ मामाहेति सुदुर्मते

anenaiva śarīreṇa śakralokaṁ sukhālayam kopaṁ kṛtvā vasiṣṭho'sau māmāheti sudurmate

— इसी शरीर से सुखालय इन्द्रलोक को।' क्रोधित होकर उस वसिष्ठ ने मुझसे कहा — 'हे दुर्मते!

श्लोक 59 (devibhagavatam.7.13.59)

मानुषेण हि देहेन स्वर्गवासः कुतस्तव । पुनर्मयोक्तो भगवान्स्वर्गलुब्धेन चानघ

mānuṣeṇa hi dehena svargavāsaḥ kutastava punarmayokto bhagavānsvargalubdhena cānagha

मानव देह से स्वर्ग-वास तुम्हें कहाँ प्राप्त होगा?' हे निष्पाप! स्वर्ग के लोभ में पड़कर मैंने पुनः उन भगवान से कहा —

श्लोक 60 (devibhagavatam.7.13.60)

अन्यं पुरोहितं कृत्वा यक्ष्येऽहं यज्ञमुत्तमम् । तदा तेनैव शप्तोऽहं चाण्डालो भव पामर

anyaṁ purohitaṁ kṛtvā yakṣye'haṁ yajñamuttamam tadā tenaiva śapto'haṁ cāṇḍālo bhava pāmara

— 'मैं किसी अन्य पुरोहित को नियुक्त करके यह उत्तम यज्ञ करूँगा।' तब उन्होंने ही मुझे शाप दिया — 'हे पामर! तू चांडाल हो जा।'

श्लोक 61 (devibhagavatam.7.13.61)

इत्येतत्कथितं सर्वं कारणं शापसम्भवम् । मम दुःखविनाशाय समर्थोऽसि मुनीश्वर

ityetatkathitaṁ sarvaṁ kāraṇaṁ śāpasambhavam mama duḥkhavināśāya samartho'si munīśvara

यह मैंने शाप के उत्पन्न होने का सम्पूर्ण कारण बता दिया। हे मुनीश्वर! मेरे इस दुःख को मिटाने में आप ही समर्थ हैं।"

श्लोक 62 (devibhagavatam.7.13.62)

इत्युक्त्वा विररमासौ राजा दुःखरुजार्दितः । कौशिकोऽपि निराकर्तुं शापं तस्य व्यचिन्तयत्

ityuktvā viraramāsau rājā duḥkharujārditaḥ kauśiko'pi nirākartuṁ śāpaṁ tasya vyacintayat

ऐसा कहकर दुःख की पीड़ा से पीड़ित वह राजा चुप हो गया। कौशिक भी उसके शाप को दूर करने का उपाय सोचने लगे।