कृष्ण-कथा की महिमा और वैष्णव के लक्षण

श्लोक 1 (padma.4.1.1)

शौनक उवाच । कलौ समागते सूत प्राणिनां केन कर्मणा । उद्धारो वै भवेत्तस्मात्कथयस्व ममाग्रतः ।

śaunaka uvāca kalau samāgate sūta prāṇināṁ kena karmaṇā uddhāro vai bhavettasmātkathayasva mamāgrataḥ

शौनक ने कहा — हे सूत! कलियुग के आने पर प्राणी किस कर्म से उद्धार पाते हैं? यह मुझसे पहले कहिए।

श्लोक 2 (padma.4.1.2)

सूत उवाच । साधुसाधु मुनिश्रेष्ठ पुण्यात्मनां वरो भवान् । सर्वेषां च जनानां च शुभवाञ्छो निरंतरम् ।

sūta uvāca sādhusādhu muniśreṣṭha puṇyātmanāṁ varo bhavān sarveṣāṁ ca janānāṁ ca śubhavāñcho niraṁtaram

सूत ने कहा — साधु-साधु, हे मुनिश्रेष्ठ! आप पुण्यात्माओं में श्रेष्ठ हैं तथा सदा समस्त जनों का कल्याण चाहने वाले हैं।

श्लोक 3 (padma.4.1.3)

एतद्व्यासः पुरा विप्रः सर्वज्ञः सर्वपूजितः । पृष्टो जैमिनिना तं स यदाह शृणु वैष्णव ।

etadvyāsaḥ purā vipraḥ sarvajñaḥ sarvapūjitaḥ pṛṣṭo jaimininā taṁ sa yadāha śṛṇu vaiṣṇava

यही प्रश्न पूर्वकाल में सर्वज्ञ, सर्वपूजित विप्र व्यास जी से जैमिनि ने पूछा था; हे वैष्णव! उन्होंने जो उत्तर दिया, उसे सुनिए।

श्लोक 4 (padma.4.1.4)

दंडवत्प्रणिपत्यासौ व्यासं सर्वार्थपारगम् । गुरुं सत्यवतीसूनुं पप्रच्छ मुनिपुंगवः ।

daṁḍavatpraṇipatyāsau vyāsaṁ sarvārthapāragam guruṁ satyavatīsūnuṁ papraccha munipuṁgavaḥ

दंडवत् प्रणाम करके उस मुनिश्रेष्ठ ने सत्यवती-पुत्र, सर्वार्थ के पारगामी अपने गुरु व्यास जी से यह प्रश्न पूछा।

श्लोक 5 (padma.4.1.5)

जैमिनिरुवाच । कलौ नृणां भवेत्केन मोक्षो वै कथयस्व मे । अल्पेनापि च पुण्येन मर्त्याश्चाल्पायुषो यतः ।

jaiminiruvāca kalau nṛṇāṁ bhavetkena mokṣo vai kathayasva me alpenāpi ca puṇyena martyāścālpāyuṣo yataḥ

जैमिनि ने कहा — कलियुग में मनुष्यों को किस उपाय से मोक्ष प्राप्त होता है, मुझसे कहिए; क्योंकि मनुष्य अल्पायु हैं, इसलिए उन्हें अल्प पुण्य से ही मोक्ष मिलना चाहिए।

श्लोक 6 (padma.4.1.6)

व्यास उवाच । साधुसंगाद्भवेद्विप्र शास्त्राणां श्रवणं प्रभो । हरिभक्तिर्भवेत्तस्मात्ततो ज्ञानं ततो गतिः ।

vyāsa uvāca sādhusaṁgādbhavedvipra śāstrāṇāṁ śravaṇaṁ prabho haribhaktirbhavettasmāttato jñānaṁ tato gatiḥ

व्यास जी ने कहा — हे विप्र! साधु-संग से शास्त्रों का श्रवण होता है, हे प्रभो! उससे हरि-भक्ति होती है, उससे ज्ञान और उससे परम गति प्राप्त होती है।

श्लोक 7 (padma.4.1.7)

न रोचते कथा भूमौ पापिष्ठाय जनाय वै । वैष्णवी स तु विज्ञेयः पापिष्ठप्रवरो द्विजः ।

na rocate kathā bhūmau pāpiṣṭhāya janāya vai vaiṣṇavī sa tu vijñeyaḥ pāpiṣṭhapravaro dvijaḥ

पृथ्वी पर अत्यंत पापी जन को वैष्णवी कथा नहीं रुचती; उसे पापियों में श्रेष्ठ, ऐसा पापी द्विज ही जानना चाहिए।

श्लोक 8 (padma.4.1.8)

श्रीकृष्णस्य कथां श्रुत्वाऽऽनंदी भवति वैष्णवः । असत्यां तां तु यो ब्रूयाज्ज्ञेयः स पापिनां गुरुः ।

śrīkṛṣṇasya kathāṁ śrutvā''naṁdī bhavati vaiṣṇavaḥ asatyāṁ tāṁ tu yo brūyājjñeyaḥ sa pāpināṁ guruḥ

श्रीकृष्ण की कथा सुनकर वैष्णव आनंदित हो जाता है; परंतु जो उसे असत्य कहे, उसे पापियों का गुरु जानना चाहिए।

श्लोक 9 (padma.4.1.9)

यस्मिन्यस्मिन्स्थले विप्र कृष्णस्य वर्तते कथा । तस्मात्तस्माज्जगन्नाथो याति त्यक्त्वा न कर्हिचित् ।

yasminyasminsthale vipra kṛṣṇasya vartate kathā tasmāttasmājjagannātho yāti tyaktvā na karhicit

हे विप्र! जिस-जिस स्थान पर कृष्ण की कथा होती है, उस-उस स्थान को जगन्नाथ छोड़कर कभी नहीं जाते।

श्लोक 10 (padma.4.1.10)

कृष्णस्य यः कथारंभे कुर्याद्विघ्नं नराधमः । नरकान्निष्कृतिर्नास्ति मन्वंतरशतावधि ।

kṛṣṇasya yaḥ kathāraṁbhe kuryādvighnaṁ narādhamaḥ narakānniṣkṛtirnāsti manvaṁtaraśatāvadhi

जो नराधम कृष्ण-कथा के आरंभ में विघ्न डालता है, उसे सौ मन्वंतरों तक नरक से मुक्ति नहीं मिलती।

श्लोक 11 (padma.4.1.11)

ये पुराणकथां श्रुत्वा निंदंत्युपहसंति वै । तेषां करस्था नरका बहुक्लेशकराः सदा ।

ye purāṇakathāṁ śrutvā niṁdaṁtyupahasaṁti vai teṣāṁ karasthā narakā bahukleśakarāḥ sadā

जो पुराण-कथा सुनकर उसकी निंदा और उपहास करते हैं, उनके हाथ में सदा अनेक क्लेशकारी नरक होते हैं।

श्लोक 12 (padma.4.1.12)

जन्मांतरार्जितं पापं तत्क्षणादेव नश्यति । श्रीकृष्णचरितं यो वै श्रोतुमिच्छां करोत्यपि ।

janmāṁtarārjitaṁ pāpaṁ tatkṣaṇādeva naśyati śrīkṛṣṇacaritaṁ yo vai śrotumicchāṁ karotyapi

जो श्रीकृष्ण-चरित्र सुनने की इच्छामात्र भी करता है, उसका जन्मांतर में अर्जित पाप उसी क्षण नष्ट हो जाता है।

श्लोक 13 (padma.4.1.13)

भक्त्या यो वै नरः कुर्यात्श्रीकृष्णचरितं तथा । न जाने श्रवणे तस्य का गतिर्वा भविष्यति ।

bhaktyā yo vai naraḥ kuryātśrīkṛṣṇacaritaṁ tathā na jāne śravaṇe tasya kā gatirvā bhaviṣyati

जो मनुष्य भक्तिपूर्वक श्रीकृष्ण-चरित्र का वास्तव में श्रवण करता है, उसके उस श्रवण से कौन-सी गति प्राप्त होगी, यह मैं नहीं जानता।

श्लोक 14 (padma.4.1.14)

ब्रह्महत्यादिकं पापं अकालमरणं तथा । सुरापानं तथास्तेयं सर्वं नश्यति पापिनः ।

brahmahatyādikaṁ pāpaṁ akālamaraṇaṁ tathā surāpānaṁ tathāsteyaṁ sarvaṁ naśyati pāpinaḥ

ब्रह्महत्या आदि पाप, अकाल-मृत्यु, सुरापान तथा चोरी — पापी का यह सब कुछ उस श्रवण से नष्ट हो जाता है।

श्लोक 15 (padma.4.1.15)

पापं कृत्वा तु यो मर्त्यः पश्चात्पापं निवर्तयेत् । तस्य पापं व्रजेन्नाशमग्निना तूलराशिवत् ।

pāpaṁ kṛtvā tu yo martyaḥ paścātpāpaṁ nivartayet tasya pāpaṁ vrajennāśamagninā tūlarāśivat

परंतु जो मनुष्य पाप करके पश्चात् पाप से निवृत्त हो जाता है, उसका पाप अग्नि में रुई के ढेर के समान नष्ट हो जाता है।

श्लोक 16 (padma.4.1.16)

श्रीकृष्णचरितं विप्र तिष्ठेद्वै पुस्तकं गृहे । तस्य गृहसमीपं हि नायांति यमकिंकराः ।

śrīkṛṣṇacaritaṁ vipra tiṣṭhedvai pustakaṁ gṛhe tasya gṛhasamīpaṁ hi nāyāṁti yamakiṁkarāḥ

हे विप्र! जिसके घर में श्रीकृष्ण-चरित्र की पुस्तक रहती है, उसके घर के समीप यमदूत नहीं आते।

श्लोक 17 (padma.4.1.17)

जैमिनिरुवाच । वदंति वैष्णवान्कांश्च वांच्छा ब्रूहि गुरो मम । इदानीं तान्समाज्ञातुं तेषां माहात्म्यमुत्तमम् ।

jaiminiruvāca vadaṁti vaiṣṇavānkāṁśca vāṁcchā brūhi guro mama idānīṁ tānsamājñātuṁ teṣāṁ māhātmyamuttamam

जैमिनि ने कहा — हे गुरो! किन्हें वैष्णव कहते हैं, मुझे कहिए; अब मेरी इच्छा है कि उन्हें तथा उनकी उत्तम महिमा को जानूँ।

श्लोक 18 (padma.4.1.18)

व्यास उवाच । यो नरो मस्तके भक्त्या वैष्णवांघ्रिजलं द्विज । करोति सेचनं पापी तीर्थस्नानेन तस्य किम् ।

vyāsa uvāca yo naro mastake bhaktyā vaiṣṇavāṁghrijalaṁ dvija karoti secanaṁ pāpī tīrthasnānena tasya kim

व्यास जी ने कहा — हे द्विज! जो मनुष्य पापी होते हुए भी भक्तिपूर्वक वैष्णव के चरणों के जल को मस्तक पर सींचता है, उसे तीर्थ-स्नान से क्या प्रयोजन?

श्लोक 19 (padma.4.1.19)

साधुसंगं तु यः कुर्य्यात्क्षणं वार्द्धक्षणं द्विज । तस्य नश्यंति पापानि ब्रह्महत्यामुखानि च ।

sādhusaṁgaṁ tu yaḥ kuryyātkṣaṇaṁ vārddhakṣaṇaṁ dvija tasya naśyaṁti pāpāni brahmahatyāmukhāni ca

हे द्विज! जो साधु-संग क्षणमात्र या आधे क्षण के लिए भी करता है, उसके ब्रह्महत्या आदि पाप नष्ट हो जाते हैं।

श्लोक 20 (padma.4.1.20)

यत्रयत्र कुले चैव एको भवति वैष्णवः । कुलं तस्य यदा पापैर्युक्तं तन्मोक्षगामि वै ।

yatrayatra kule caiva eko bhavati vaiṣṇavaḥ kulaṁ tasya yadā pāpairyuktaṁ tanmokṣagāmi vai

जिस-जिस कुल में एक भी वैष्णव उत्पन्न होता है, वह कुल — चाहे पापों से युक्त हो — निश्चय ही मोक्ष को प्राप्त करता है।

श्लोक 21 (padma.4.1.21)

हिंसादंभकामक्रोधैर्वर्जिताश्चैव ये नराः । लोभमोहपरित्यक्ता ज्ञेयास्ते वैष्णवा द्विज ।

hiṁsādaṁbhakāmakrodhairvarjitāścaiva ye narāḥ lobhamohaparityaktā jñeyāste vaiṣṇavā dvija

हे द्विज! जो मनुष्य हिंसा, दंभ, काम और क्रोध से रहित तथा लोभ-मोह से त्यक्त हैं, वे वैष्णव जानने योग्य हैं।

श्लोक 22 (padma.4.1.22)

पितृभक्ता दयायुक्ताः सर्वप्राणिहिते रताः । अमत्सरा वैष्णवा ये विज्ञेयाः सत्यभाषिणः ।

pitṛbhaktā dayāyuktāḥ sarvaprāṇihite ratāḥ amatsarā vaiṣṇavā ye vijñeyāḥ satyabhāṣiṇaḥ

जो पितरों के भक्त, दयायुक्त, समस्त प्राणियों के हित में रत, ईर्ष्यारहित और सत्यभाषी हैं, वे वैष्णव जानने योग्य हैं।

श्लोक 23 (padma.4.1.23)

विप्रभक्तिरता ये च परस्त्रीषु नपुंसकाः । एकादशीव्रतरता विज्ञेयास्ते च वैष्णवाः ।

viprabhaktiratā ye ca parastrīṣu napuṁsakāḥ ekādaśīvrataratā vijñeyāste ca vaiṣṇavāḥ

जो विप्रों की भक्ति में रत, पराई स्त्रियों के प्रति नपुंसकवत् तथा एकादशी-व्रत में रत हैं, वे भी वैष्णव जानने योग्य हैं।

श्लोक 24 (padma.4.1.24)

गायंति हरिनामानि तुलसीमाल्यधारकाः । हर्यंघ्रिसलिलैः सिक्ता विज्ञेयास्ते च वैष्णवाः ।

gāyaṁti harināmāni tulasīmālyadhārakāḥ haryaṁghrisalilaiḥ siktā vijñeyāste ca vaiṣṇavāḥ

जो हरि के नामों का गान करते हैं, तुलसी की माला धारण करते हैं तथा हरि के चरण-जल से सिंचित हैं, वे भी वैष्णव जानने योग्य हैं।

श्लोक 25 (padma.4.1.25)

श्रोत्रयोर्मस्तके येषां तुलस्याः पर्णमुत्तमम् । कर्हिचिद्दृश्यते विप्र विज्ञेयास्ते च वैष्णवाः ।

śrotrayormastake yeṣāṁ tulasyāḥ parṇamuttamam karhiciddṛśyate vipra vijñeyāste ca vaiṣṇavāḥ

हे विप्र! जिनके कानों या मस्तक पर तुलसी का उत्तम पत्र कभी भी दिखाई दे, वे भी वैष्णव जानने योग्य हैं।

श्लोक 26 (padma.4.1.26)

पाखंडसंगरहिता विप्रद्वेषविवर्जिताः । सिंचेयुस्तुलसीं ये च ज्ञातव्या वैष्णवा नराः ।

pākhaṁḍasaṁgarahitā vipradveṣavivarjitāḥ siṁceyustulasīṁ ye ca jñātavyā vaiṣṇavā narāḥ

जो पाखंड के संग से रहित, विप्र-द्वेष से वर्जित तथा तुलसी को सींचते हैं, वे मनुष्य वैष्णव जानने चाहिए।

श्लोक 27 (padma.4.1.27)

पूजयंति हरिं ये च तुलस्या चार्चयंति ये । कन्यादानरता ये च ये वै ह्यतिथिपूजकाः ।

pūjayaṁti hariṁ ye ca tulasyā cārcayaṁti ye kanyādānaratā ye ca ye vai hyatithipūjakāḥ

जो हरि की पूजा करते हैं, तुलसी से उनकी अर्चा करते हैं, कन्यादान में रत हैं तथा अतिथियों के पूजक हैं —

श्लोक 28 (padma.4.1.28)

शृण्वंति विष्णुचरितं विज्ञेया वैष्णवा नराः । यस्य गृहे सुप्रतिष्ठेत्शालग्रामशिलापि च ।

śṛṇvaṁti viṣṇucaritaṁ vijñeyā vaiṣṇavā narāḥ yasya gṛhe supratiṣṭhetśālagrāmaśilāpi ca

जो विष्णु-चरित्र सुनते हैं, वे मनुष्य वैष्णव जानने योग्य हैं; तथा जिसके घर में शालग्राम-शिला सुप्रतिष्ठित है,

श्लोक 29 (padma.4.1.29)

मार्जयंति हरेः स्थानं पितृयज्ञप्रवर्तकाः । जने दीने दयायुक्ता विज्ञेयास्ते च वैष्णवाः ।

mārjayaṁti hareḥ sthānaṁ pitṛyajñapravartakāḥ jane dīne dayāyuktā vijñeyāste ca vaiṣṇavāḥ

जो हरि के स्थान को साफ करते हैं, पितृ-यज्ञ को आगे बढ़ाने वाले हैं तथा दीन जनों पर दयायुक्त हैं, वे भी वैष्णव जानने योग्य हैं।

श्लोक 30 (padma.4.1.30)

परस्वं ब्राह्मणद्रव्यं पश्यंति विषवच्च ये । हरिनैवेद्यं येऽश्नन्ति विज्ञेया वैष्णवा जनाः ।

parasvaṁ brāhmaṇadravyaṁ paśyaṁti viṣavacca ye harinaivedyaṁ ye'śnanti vijñeyā vaiṣṇavā janāḥ

जो दूसरे के धन तथा ब्राह्मण के द्रव्य को विष के समान देखते हैं, और जो हरि को अर्पित नैवेद्य का ही भोजन करते हैं, वे लोग वैष्णव जानने योग्य हैं।

श्लोक 31 (padma.4.1.31)

वेदशास्त्रानुरक्ता ये तुलसीवनपालकाः । राधाष्टमीव्रतरता विज्ञेयास्ते च वैष्णवाः ।

vedaśāstrānuraktā ye tulasīvanapālakāḥ rādhāṣṭamīvrataratā vijñeyāste ca vaiṣṇavāḥ

जो वेद-शास्त्रों में अनुरक्त, तुलसी-वन के रक्षक तथा राधाष्टमी-व्रत में रत हैं, वे भी वैष्णव जानने योग्य हैं।

श्लोक 32 (padma.4.1.32)

श्रीकृष्णपुरतो ये च दीपं यच्छंति श्रद्धया । परनिंदां न कुर्वंति विज्ञेयास्ते च वैष्णवाः ।

śrīkṛṣṇapurato ye ca dīpaṁ yacchaṁti śraddhayā paraniṁdāṁ na kurvaṁti vijñeyāste ca vaiṣṇavāḥ

जो श्रद्धापूर्वक श्रीकृष्ण के समक्ष दीप अर्पित करते हैं तथा दूसरों की निंदा नहीं करते, वे भी वैष्णव जानने योग्य हैं।

श्लोक 33 (padma.4.1.33)

सूत उवाच । पृष्टो जैमिनिना व्यास इत्युक्तः स यथाक्रमम् । मयेदं कथ्यते ब्रह्मन्यत्प्रसंगाद्गुरोः श्रुतम् ।

sūta uvāca pṛṣṭo jaimininā vyāsa ityuktaḥ sa yathākramam mayedaṁ kathyate brahmanyatprasaṁgādguroḥ śrutam

सूत ने कहा — इस प्रकार जैमिनि के पूछने पर व्यास जी ने जैसा क्रमशः कहा, हे ब्रह्मन्! अपने गुरु से जिस प्रसंग में सुना था, वही मैंने आपसे कहा है।

श्लोक 34 (padma.4.1.34)

अध्यायं श्रद्धया युक्तं ये शृण्वंति नरोत्तमाः । सर्वपापविनिर्मुक्ता यांति विष्णोः परं पदम् ।

adhyāyaṁ śraddhayā yuktaṁ ye śṛṇvaṁti narottamāḥ sarvapāpavinirmuktā yāṁti viṣṇoḥ paraṁ padam

जो श्रेष्ठ मनुष्य इस अध्याय को श्रद्धापूर्वक सुनते हैं, वे समस्त पापों से मुक्त होकर विष्णु के परम पद को प्राप्त करते हैं।