जनक द्वारा नरकवासी जीवों की मुक्ति

श्लोक 1 (padma.5.30.1)

शेष उवाच। अथ तेजःपुरं प्राप्तस्तुरगः पत्रशोभितः । यस्यां पालयते राजा प्रजाः सत्येन सत्यवान्

śeṣa uvāca atha tejaḥpuraṁ prāptasturagaḥ patraśobhitaḥ yasyāṁ pālayate rājā prajāḥ satyena satyavān

शेष जी ने कहा — तत्पश्चात् पत्र-चिह्न से सुशोभित वह घोड़ा तेजःपुर नामक नगर में पहुँचा, जहाँ सत्यवान नामक राजा सत्य से प्रजा का पालन करता था।

श्लोक 2 (padma.5.30.2)

अथ कोटिपरीवारो रघुनाथानुजस्ततः । हयानुगो ययौ तस्य पुरतः पुरधर्षणः

atha koṭiparīvāro raghunāthānujastataḥ hayānugo yayau tasya purataḥ puradharṣaṇaḥ

तब करोड़ों की सेना से घिरे, रघुनाथ के अनुज, नगरों के विजेता शत्रुघ्न घोड़े का अनुसरण करते हुए उस नगर के समक्ष पहुँचे।

श्लोक 3 (padma.5.30.3)

तद्दृष्ट्वा नगरं रम्यं चित्रप्राकारशोभितम् । कांचनैः कलशैस्तत्र परितः प्रतिभासितम्

taddṛṣṭvā nagaraṁ ramyaṁ citraprākāraśobhitam kāṁcanaiḥ kalaśaistatra paritaḥ pratibhāsitam

उस रमणीय नगर को देखकर, जो विचित्र प्राकारों से सुशोभित तथा चारों ओर स्वर्ण-कलशों से जगमगा रहा था,

श्लोक 4 (padma.5.30.4)

देवायतनसाहस्रैः सर्वतश्च विराजितम् । यतीनां तु मठास्तत्र शोभंते यतिपूरिताः

devāyatanasāhasraiḥ sarvataśca virājitam yatīnāṁ tu maṭhāstatra śobhaṁte yatipūritāḥ

जो सर्वत्र सहस्रों देवमंदिरों से सुशोभित था, जहाँ यतियों के मठ यतियों से भरे हुए शोभित होते थे —

श्लोक 5 (padma.5.30.5)

वहत्यत्र महादेवी शिखिलोचनमूर्धगा । हंसकारंडवाकीर्णामुनिवृंदनिषेविता

vahatyatra mahādevī śikhilocanamūrdhagā haṁsakāraṁḍavākīrṇāmunivṛṁdaniṣevitā

वहाँ अग्नि-नेत्र शिव के मस्तक पर स्थित वह महादेवी गंगा प्रवाहित होती थी, जो हंसों और कारंडवों से भरी तथा मुनि-समूहों द्वारा सेवित थी।

श्लोक 6 (padma.5.30.6)

ब्राह्मणानां प्रत्यगारमग्निहोत्रभवः पुनः । धूमस्तत्र पुनात्यंग पातकाप्लुतमानसान्

brāhmaṇānāṁ pratyagāramagnihotrabhavaḥ punaḥ dhūmastatra punātyaṁga pātakāplutamānasān

और वहाँ प्रत्येक ब्राह्मण के घर से उठने वाला अग्निहोत्र का धुआँ, हे प्रिय! पापों में डूबे हुए मन वालों को भी पवित्र कर देता था।

श्लोक 7 (padma.5.30.7)

उवाच सुमतिं राजा शत्रुघ्नः शत्रुतापनः । तत्पुरप्रेक्षणोद्भूतहर्षविस्मितमानसः

uvāca sumatiṁ rājā śatrughnaḥ śatrutāpanaḥ tatpuraprekṣaṇodbhūtaharṣavismitamānasaḥ

शत्रुओं को संतप्त करने वाले राजा शत्रुघ्न ने उस नगर के दर्शन से उत्पन्न हर्ष और विस्मय से भरे मन से सुमति से कहा।

श्लोक 8 (padma.5.30.8)

शत्रुघ्न उवाच। मंत्रिन्कथय कस्येदं पुरं मे दृष्टिगोचरम् । करोति मानसाह्लादं धर्मेण प्रतिपालितम्

śatrughna uvāca maṁtrinkathaya kasyedaṁ puraṁ me dṛṣṭigocaram karoti mānasāhlādaṁ dharmeṇa pratipālitam

शत्रुघ्न ने कहा — "हे मंत्री! बताओ, यह नगर जो मेरी दृष्टि में आया है, जो मन को आह्लादित करता है तथा धर्म से पालित है, यह किसका है?"

श्लोक 9 (padma.5.30.9)

शेष उवाच। इति वाक्यं समाकर्ण्य शत्रुघ्नस्य महीपतेः । उवाच सुमतिः सर्वं यथातथमनुद्धतम्

śeṣa uvāca iti vākyaṁ samākarṇya śatrughnasya mahīpateḥ uvāca sumatiḥ sarvaṁ yathātathamanuddhatam

शेष जी ने कहा — राजा शत्रुघ्न के इन वचनों को सुनकर सुमति ने सब कुछ यथावत्, बिना किसी अतिशयोक्ति के कह सुनाया।

श्लोक 10 (padma.5.30.10)

सुमतिरुवाच। शृणुष्वावहितः स्वामिन्वैष्णवस्य कथाः शुभाः । याः श्रुत्वा मुच्यते पापाद्ब्रह्महत्यासमादपि

sumatiruvāca śṛṇuṣvāvahitaḥ svāminvaiṣṇavasya kathāḥ śubhāḥ yāḥ śrutvā mucyate pāpādbrahmahatyāsamādapi

सुमति ने कहा — "हे स्वामी! सावधान होकर इस वैष्णव की शुभ कथाएँ सुनिए, जिन्हें सुनकर मनुष्य ब्रह्महत्या के समान पाप से भी मुक्त हो जाता है।

श्लोक 11 (padma.5.30.11)

जीवन्मुक्तो वरीवर्ति रामांघ्र्यंबुजषट्पदः । सत्यवान्यज्ञयज्ञांग ज्ञाता कर्ताऽविता महान्

jīvanmukto varīvarti rāmāṁghryaṁbujaṣaṭpadaḥ satyavānyajñayajñāṁga jñātā kartā'vitā mahān

वे जीवन्मुक्त राम के चरण-कमलों के भ्रमर सत्यवान यहाँ निवास करते हैं — हे यज्ञ-अंग! वे ज्ञाता, कर्ता और महान् रक्षक हैं।

श्लोक 12 (padma.5.30.12)

धेनुं प्रसाद्य बहुभिर्व्रतैर्यं प्राप तत्पिता । ऋतंभराख्यो जगति ख्यातः परमधार्मिकः

dhenuṁ prasādya bahubhirvratairyaṁ prāpa tatpitā ṛtaṁbharākhyo jagati khyātaḥ paramadhārmikaḥ

अनेक व्रतों द्वारा गौ को प्रसन्न करके उसके पिता ने, जो संसार में ऋतंभर नाम से प्रसिद्ध तथा परम धार्मिक थे, उन्हें प्राप्त किया।

श्लोक 13 (padma.5.30.13)

गौः प्रसन्ना ददौ पुत्रमनेकगुणसंस्कृतम् । सत्यवंतं सुशोभाढ्यं तं जानीहि नृपोत्तमम्

gauḥ prasannā dadau putramanekaguṇasaṁskṛtam satyavaṁtaṁ suśobhāḍhyaṁ taṁ jānīhi nṛpottamam

प्रसन्न हुई गौ ने उन्हें अनेक गुणों से संस्कृत पुत्र प्रदान किया; उस अत्यंत शोभासंपन्न नृपश्रेष्ठ को ही सत्यवान जानिए।

श्लोक 14 (padma.5.30.14)

शत्रुघ्न उवाच। को वा ऋतंभरो राजा किमर्थं धेनुपूजनम् । कथं प्राप्तः सुतस्तस्य वैष्णवो विष्णुसेवकः

śatrughna uvāca ko vā ṛtaṁbharo rājā kimarthaṁ dhenupūjanam kathaṁ prāptaḥ sutastasya vaiṣṇavo viṣṇusevakaḥ

शत्रुघ्न ने कहा — "कौन थे राजा ऋतंभर? किस कारण उन्होंने गौ-पूजन किया? किस प्रकार उन्हें विष्णु के सेवक, वैष्णव पुत्र की प्राप्ति हुई?

श्लोक 15 (padma.5.30.15)

सर्वमेतत्समाचक्ष्व वैष्णवस्य कथानकम् । श्रुतं हरति जंतूनां महापातकपर्वतम्

sarvametatsamācakṣva vaiṣṇavasya kathānakam śrutaṁ harati jaṁtūnāṁ mahāpātakaparvatam

इस वैष्णव की समस्त कथा मुझे सुनाइए, जिसका श्रवण जीवों के महापाप के पर्वत को भी हर लेता है।"

श्लोक 16 (padma.5.30.16)

शेष उवाच। इति वाक्यं समाकर्ण्य शत्रुघ्नस्य महार्थकम् । कथयामास विशदं तदुत्पत्तिकथानकम्

śeṣa uvāca iti vākyaṁ samākarṇya śatrughnasya mahārthakam kathayāmāsa viśadaṁ tadutpattikathānakam

शेष जी ने कहा — शत्रुघ्न के इस गंभीर वचन को सुनकर सुमति ने उनके जन्म की कथा विस्तार से सुनाई।

श्लोक 17 (padma.5.30.17)

ऋतंभरो नरपतिरनपत्यः पुराऽभवत् । कलत्राणि बहून्यस्य न पुत्रं प्राप तेषु वै

ṛtaṁbharo narapatiranapatyaḥ purā'bhavat kalatrāṇi bahūnyasya na putraṁ prāpa teṣu vai

प्राचीन काल में ऋतंभर नामक एक राजा थे, जो संतानहीन थे। उनकी अनेक पत्नियाँ थीं, किंतु उनमें से किसी से भी पुत्र प्राप्त नहीं हुआ।

श्लोक 18 (padma.5.30.18)

तदा जाबालिनामानं मुनिं दैवादुपागतम् । प्रपच्छ कुशलोद्युक्तः सपुत्रोत्पत्तिकारणम्

tadā jābālināmānaṁ muniṁ daivādupāgatam prapaccha kuśalodyuktaḥ saputrotpattikāraṇam

तभी दैवयोग से जाबालि नामक मुनि के पधारने पर, कुशलक्षेम में तत्पर राजा ने उनसे पुत्र-प्राप्ति का उपाय पूछा।

श्लोक 19 (padma.5.30.19)

ऋतंभर उवाच। स्वामिन्वंध्यस्य मे ब्रूहि पुत्रोत्पत्तिकरं वचः । यत्कृत्वा जायतेऽपत्यं मम वंशधरं वरम्

ṛtaṁbhara uvāca svāminvaṁdhyasya me brūhi putrotpattikaraṁ vacaḥ yatkṛtvā jāyate'patyaṁ mama vaṁśadharaṁ varam

ऋतंभर ने कहा — "हे स्वामी! मुझ संतानहीन को पुत्र-प्राप्ति का वह उपाय बताइए, जिसे करने से मुझे अपने वंश को धारण करने वाली उत्तम संतान प्राप्त हो सके।

श्लोक 20 (padma.5.30.20)

तज्ज्ञात्वा भवतो भव्यं प्रकुर्यां निश्चितं वचः । दानं व्रतं वा तीर्थं वा मखं वा मुनिसत्तम

tajjñātvā bhavato bhavyaṁ prakuryāṁ niścitaṁ vacaḥ dānaṁ vrataṁ vā tīrthaṁ vā makhaṁ vā munisattama

आपके इस कल्याणकारी वचन को जानकर मैं निश्चित रूप से उसका पालन करूँगा — चाहे वह दान हो, व्रत हो, तीर्थ हो अथवा यज्ञ हो, हे मुनिश्रेष्ठ!"

श्लोक 21 (padma.5.30.21)

इति राज्ञोवचः श्रुत्वा जगाद मुनिसत्तमः । सुतोत्पत्तिकरं वाक्यं प्रणतस्य सुतार्थिनः

iti rājñovacaḥ śrutvā jagāda munisattamaḥ sutotpattikaraṁ vākyaṁ praṇatasya sutārthinaḥ

राजा के ये वचन सुनकर मुनिश्रेष्ठ ने पुत्र चाहने वाले, नतमस्तक राजा से पुत्र-प्राप्ति का उपाय बताया।

श्लोक 22 (padma.5.30.22)

अपत्यप्राप्तिकामस्य संत्युपायास्त्रयः प्रभो । विष्णोः प्रसादो गोश्चापि शिवस्याप्यथवा पुनः

apatyaprāptikāmasya saṁtyupāyāstrayaḥ prabho viṣṇoḥ prasādo gośchāpi śivasyāpyathavā punaḥ

"हे प्रभो! संतान-प्राप्ति की इच्छा रखने वाले के लिए तीन उपाय हैं — विष्णु की कृपा, अथवा गौ की, अथवा शिव की।

श्लोक 23 (padma.5.30.23)

तस्मात्त्वं कुरु वै पूजां धेनोर्देवतनोर्नृप । यस्याः पुच्छे मुखे शृंगे पृष्ठे देवाः प्रतिष्ठिताः

tasmāttvaṁ kuru vai pūjāṁ dhenordevatanornṛpa yasyāḥ pucche mukhe śṛṁge pṛṣṭhe devāḥ pratiṣṭhitāḥ

अतः हे राजन्! आप उस गौ की पूजा कीजिए, जिसका शरीर ही देवमय है, जिसकी पूँछ, मुख, सींग और पीठ में देवता प्रतिष्ठित हैं।

श्लोक 24 (padma.5.30.24)

सा तुष्टा दास्यति क्षिप्रं वांछितं धर्मसंयुतम् । एवं विदित्वा गोपूजां विधेहि त्वमृतंभर

sā tuṣṭā dāsyati kṣipraṁ vāṁchitaṁ dharmasaṁyutam evaṁ viditvā gopūjāṁ vidhehi tvamṛtaṁbhara

प्रसन्न होकर वह शीघ्र ही आपकी धर्मयुक्त कामना पूर्ण करेगी। यह जानकर हे ऋतंभर! तुम गौ-पूजन करो।

श्लोक 25 (padma.5.30.25)

यो वै नित्यं पूजयति गां गेहे यवसादिभिः । तस्य देवाश्च पितरो नित्यं तृप्ता भवंति हि

yo vai nityaṁ pūjayati gāṁ gehe yavasādibhiḥ tasya devāśca pitaro nityaṁ tṛptā bhavaṁti hi

जो व्यक्ति घर में नित्य घास आदि से गौ की पूजा करता है, उसके लिए देवता और पितर सदा तृप्त रहते हैं।

श्लोक 26 (padma.5.30.26)

यो वै गवाह्निकं दद्यान्नियमेन शुभव्रतः । तेन सत्येन तस्य स्युः सर्वे पूर्णा मनोरथाः

yo vai gavāhnikaṁ dadyānniyamena śubhavrataḥ tena satyena tasya syuḥ sarve pūrṇā manorathāḥ

जो शुभव्रत धारण कर नियमपूर्वक गौ को उसका आहार देता है, उस सत्य से उसके सभी मनोरथ पूर्ण होते हैं।

श्लोक 27 (padma.5.30.27)

तृषिता गौर्गृहे बद्धा गेहे कन्या रजस्वला । देवता च सनिर्माल्या हंति पुण्यं पुराकृतम्

tṛṣitā gaurgṛhe baddhā gehe kanyā rajasvalā devatā ca sanirmālyā haṁti puṇyaṁ purākṛtam

घर में बँधी प्यासी गौ, घर में रजस्वला कन्या, तथा बासी निर्माल्य सहित देवता — ये पूर्वसंचित पुण्य का नाश कर देते हैं।

श्लोक 28 (padma.5.30.28)

यो वै गां प्रतिषिद्ध्येत चरंतीं स्वं तृणं नरः । तस्य पूर्वे च पितरः कंपंते पतनोन्मुखाः

yo vai gāṁ pratiṣiddhyeta caraṁtīṁ svaṁ tṛṇaṁ naraḥ tasya pūrve ca pitaraḥ kaṁpaṁte patanonmukhāḥ

जो पुरुष अपनी घास चरती हुई गौ को रोकता है, उसके पूर्वज पतन के कगार पर काँपने लगते हैं।

श्लोक 29 (padma.5.30.29)

यो वै यष्ट्या ताडयति धेनुं मर्त्यो विमूढधीः । धर्मराजस्य नगरं स याति करवर्जितः

yo vai yaṣṭyā tāḍayati dhenuṁ martyo vimūḍhadhīḥ dharmarājasya nagaraṁ sa yāti karavarjitaḥ

जो मूढ़बुद्धि मनुष्य लाठी से गौ को मारता है, वह हाथों से रहित होकर धर्मराज के नगर को जाता है।

श्लोक 30 (padma.5.30.30)

यो वै दंशान्वारयति तस्य पूर्वे ह्यधोगताः । नृत्यंति मत्सुतो ह्यस्मांस्तारयिष्यति भाग्यवान्

yo vai daṁśānvārayati tasya pūrve hyadhogatāḥ nṛtyaṁti matsuto hyasmāṁstārayiṣyati bhāgyavān

जो गौ पर बैठने वाले डाँस-मच्छरों को दूर करता है, उसके अधोगति को प्राप्त पूर्वज नाचने लगते हैं, यह कहते हुए कि 'हमारा भाग्यशाली पुत्र हमें तार देगा।'

श्लोक 31 (padma.5.30.31)

अत्रैवोदाहरंतीममितिहासं पुरातनम् । जनकस्य पुरावृत्तं धर्मराजपुरेऽद्भुतम्

atraivodāharaṁtīmamitihāsaṁ purātanam janakasya purāvṛttaṁ dharmarājapure'dbhutam

यहाँ इस प्राचीन इतिहास का उदाहरण दिया जाता है — जनक के साथ धर्मराज की नगरी में घटित वह अद्भुत प्राचीन वृत्तांत।

श्लोक 32 (padma.5.30.32)

एकदा जनको राजा योगेनासून्समत्यजत् । तदा विमानं संप्राप्तं किंकिणीजालभूषितम्

ekadā janako rājā yogenāsūnsamatyajat tadā vimānaṁ saṁprāptaṁ kiṁkiṇījālabhūṣitam

एक बार राजा जनक ने योग द्वारा अपने प्राण त्याग दिए; तब घंटियों के जाल से सुसज्जित एक विमान वहाँ आ पहुँचा।

श्लोक 33 (padma.5.30.33)

तदारुह्य गतो राजा सेवकैरूढदेहवान् । मार्गे जगाम धर्मस्य संयमिन्याः पुरोंऽतिके

tadāruhya gato rājā sevakairūḍhadehavān mārge jagāma dharmasya saṁyaminyāḥ puroṁ'tike

उस पर आरूढ़ होकर राजा, सेवकों द्वारा वहन किए गए शरीर सहित, चल पड़े; मार्ग में वे संयमी धर्मराज की नगरी के समीप पहुँचे।

श्लोक 34 (padma.5.30.34)

तदा नरककोटीषु पीड्यंते पापकारिणः । जनकस्यांगपवनं प्राप्य सौख्यं प्रपेदिरे

tadā narakakoṭīṣu pīḍyaṁte pāpakāriṇaḥ janakasyāṁgapavanaṁ prāpya saukhyaṁ prapedire

उस समय करोड़ों नरकों में पापी पीड़ित हो रहे थे; जनक के शरीर की वायु पाकर उन्हें सुख की अनुभूति हुई।

श्लोक 35 (padma.5.30.35)

निरये दाहजापीडा जातैषां सुखकारिणी । महादुःखं तदा नष्टं जनकस्यांगवायुना

niraye dāhajāpīḍā jātaiṣāṁ sukhakāriṇī mahāduḥkhaṁ tadā naṣṭaṁ janakasyāṁgavāyunā

नरक की दाह-पीड़ा उनके लिए सुखदायी हो उठी; जनक के शरीर की वायु से उनका महान् दुःख नष्ट हो गया।

श्लोक 36 (padma.5.30.36)

तदा तं निर्गतं दृष्ट्वा जंतवः पापपीडिताः । अत्यंतं चुक्रुशुर्भीतास्तद्वियोगमनिच्छवः

tadā taṁ nirgataṁ dṛṣṭvā jaṁtavaḥ pāpapīḍitāḥ atyaṁtaṁ cukruśurbhītāstadviyogamanicchavaḥ

तब उसे जाते हुए देखकर पाप-पीड़ित जीव अत्यंत भयभीत होकर तथा उसके वियोग की इच्छा न करते हुए ज़ोर से चिल्लाने लगे।

श्लोक 37 (padma.5.30.37)

ऊचुस्ते करुणां वाचं मा गच्छ सुकृतिन्नितः । त्वदंगवायुसंस्पर्शात्सुखिनः स्यामपीडिताः

ūcuste karuṇāṁ vācaṁ mā gaccha sukṛtinnitaḥ tvadaṁgavāyusaṁsparśātsukhinaḥ syāmapīḍitāḥ

वे करुणा-भरे स्वर में बोले — "हे पुण्यात्मन्! यहाँ से मत जाइए। आपके शरीर की वायु के स्पर्श से हम सुखी और पीड़ारहित हो जाते हैं।"

श्लोक 38 (padma.5.30.38)

इति वाक्यं समाकर्ण्य राजा परमधार्मिकः । मानसे चिंतयामास करुणापूरपूरितः

iti vākyaṁ samākarṇya rājā paramadhārmikaḥ mānase ciṁtayāmāsa karuṇāpūrapūritaḥ

यह वचन सुनकर परम धार्मिक राजा करुणा से भरकर मन में विचार करने लगे।

श्लोक 39 (padma.5.30.39)

चेन्मत्तः प्राणिनां सौख्यं भवेदिह तदा पुनः । अत्रैव च पुरे स्थास्ये स्वर्ग एष मनोरमः

cenmattaḥ prāṇināṁ saukhyaṁ bhavediha tadā punaḥ atraiva ca pure sthāsye svarga eṣa manoramaḥ

"यदि मुझसे इन प्राणियों को यहाँ सुख प्राप्त होता है, तो मैं इसी नगर में रहूँगा — यही मेरे लिए मनोरम स्वर्ग है।"

श्लोक 40 (padma.5.30.40)

एवं कृत्वा नृपस्तस्थौ तत्रैव निरयाग्रतः । विदधत्प्राणिनां सौख्यमनुकंपितमानसः

evaṁ kṛtvā nṛpastasthau tatraiva nirayāgrataḥ vidadhatprāṇināṁ saukhyamanukaṁpitamānasaḥ

ऐसा निश्चय करके राजा दयालु मन से वहीं नरक के सामने ठहर गए, प्राणियों को सुख प्रदान करते हुए।

श्लोक 41 (padma.5.30.41)

तत्र धर्मस्तु संप्राप्तो निरयद्वारि दुःखदे । कारयन्यातनास्तीव्रा नानापातककारिणाम्

tatra dharmastu saṁprāpto nirayadvāri duḥkhade kārayanyātanāstīvrā nānāpātakakāriṇām

वहाँ उस दुःखदायी नरक-द्वार पर स्वयं धर्मराज पधारे, जो नाना पापों के करने वालों को तीव्र यातनाएँ दिला रहे थे।

श्लोक 42 (padma.5.30.42)

तदा ददर्श राजानं जनकं द्वारिसंस्थितम् । विमानेन महापुण्यकारिणं दययायुतम्

tadā dadarśa rājānaṁ janakaṁ dvārisaṁsthitam vimānena mahāpuṇyakāriṇaṁ dayayāyutam

तब उन्होंने द्वार पर खड़े राजा जनक को देखा, जो विमान में स्थित, महापुण्यकर्ता तथा दया से युक्त थे।

श्लोक 43 (padma.5.30.43)

तमुवाच प्रेतपतिर्जनकं सहसन्गिरा । राजन्कुतस्त्वं संप्राप्तः सर्वधर्मशिरोमणिः

tamuvāca pretapatirjanakaṁ sahasangirā rājankutastvaṁ saṁprāptaḥ sarvadharmaśiromaṇiḥ

प्रेतों के स्वामी (यमराज) ने मुस्कुराते हुए स्वर में जनक से कहा — "हे राजन्! हे सर्वधर्मशिरोमणे! आप कहाँ से यहाँ पधारे?

श्लोक 44 (padma.5.30.44)

एतत्स्थानं पातकिनां दुष्टानां प्राणघातिनाम् । नायांति पुरुषा भूप त्वादृशाः पुण्यकारिणः

etatsthānaṁ pātakināṁ duṣṭānāṁ prāṇaghātinām nāyāṁti puruṣā bhūpa tvādṛśāḥ puṇyakāriṇaḥ

यह स्थान तो पापियों, दुष्टों तथा प्राणिघातकों का है; हे भूप! आपके समान पुण्यकर्मी पुरुष यहाँ नहीं आते।

श्लोक 45 (padma.5.30.45)

अत्रायांति नरास्ते वै ये परद्रोहतत्पराः । परापवादनिरताः परद्रव्यपरायणाः

atrāyāṁti narāste vai ye paradrohatatparāḥ parāpavādaniratāḥ paradravyaparāyaṇāḥ

यहाँ वे लोग आते हैं जो दूसरों को कष्ट पहुँचाने में तत्पर, दूसरों की निंदा में लीन तथा दूसरों के धन के लोभी होते हैं,

श्लोक 46 (padma.5.30.46)

यो वै कलत्रं धर्मिष्ठं निजसेवापरायणम् । अपराधादृते जह्यात्सनरोऽत्र समाव्रजेत्

yo vai kalatraṁ dharmiṣṭhaṁ nijasevāparāyaṇam aparādhādṛte jahyātsanaro'tra samāvrajet

जो पुरुष अपनी सेवा में तत्पर धर्मपरायण पत्नी को बिना किसी अपराध के त्याग देता है, वह भी यहीं आता है।

श्लोक 47 (padma.5.30.47)

मित्रं वञ्चयते यस्तु धनलोभेन लोभितः । आगत्यात्र नरः पीडां मत्तः प्राप्नोति दारुणाम्

mitraṁ vañcayate yastu dhanalobhena lobhitaḥ āgatyātra naraḥ pīḍāṁ mattaḥ prāpnoti dāruṇām

जो धन के लोभ से प्रलोभित होकर मित्र को धोखा देता है, वह मनुष्य यहाँ आकर मुझसे भीषण पीड़ा पाता है।

श्लोक 48 (padma.5.30.48)

यो रामं मनसा वाचा कर्मणा दंभतोऽपि वा । द्वेषाद्वाचोपहासाद्वा न स्मरत्येव मूढधीः

yo rāmaṁ manasā vācā karmaṇā daṁbhato'pi vā dveṣādvācopahāsādvā na smaratyeva mūḍhadhīḥ

जो मूढ़बुद्धि व्यक्ति अभिमानवश, द्वेषवश अथवा वाणी के उपहासवश मन, वचन और कर्म से राम का कभी स्मरण नहीं करता,

श्लोक 49 (padma.5.30.49)

तं बध्नामि पुनस्त्वेषु निक्षिप्य श्रपयामि च । यैः स्मृतो न रमानाथो नरकक्लेशवारकः

taṁ badhnāmi punastveṣu nikṣipya śrapayāmi ca yaiḥ smṛto na ramānātho narakakleśavārakaḥ

उसे मैं बाँधकर अग्नि में डालकर पकाता हूँ — उन्हें, जिन्होंने नरक-क्लेश के निवारक लक्ष्मीपति को स्मरण नहीं किया।

श्लोक 50 (padma.5.30.50)

तावत्पापं मनुष्याणामंगेषु नृप तिष्ठति । यावद्रामं न रसना गृणाति कलि दुर्मतेः

tāvatpāpaṁ manuṣyāṇāmaṁgeṣu nṛpa tiṣṭhati yāvadrāmaṁ na rasanā gṛṇāti kali durmateḥ

हे राजन्! मनुष्यों के अंगों में तब तक पाप टिका रहता है, जब तक दुर्बुद्धि की जिह्वा इस कलियुग में राम-नाम का उच्चारण नहीं करती।

श्लोक 51 (padma.5.30.51)

महापापकरा राजन्ये भवंति महामते । तानानयंति मद्भृत्यास्त्वादृशान्द्रष्टुमक्षमाः

mahāpāpakarā rājanye bhavaṁti mahāmate tānānayaṁti madbhṛtyāstvādṛśāndraṣṭumakṣamāḥ

हे महामते राजन्! जो महापापी होते हैं, उन्हें ही मेरे सेवक यहाँ लाते हैं — जो आपके जैसे पुण्यात्माओं को देखने में असमर्थ हैं।

श्लोक 52 (padma.5.30.52)

तस्माद्गच्छ महाराज भुंक्ष्व भोगाननेकशः । विमानवरमारुह्य भुंक्ष्व पुण्यमुपार्जितम्

tasmādgaccha mahārāja bhuṁkṣva bhogānanekaśaḥ vimānavaramāruhya bhuṁkṣva puṇyamupārjitam

अतः हे महाराज! जाइए, अनेक भोगों का उपभोग कीजिए; इस श्रेष्ठ विमान पर आरूढ़ होकर अपने अर्जित पुण्य का उपभोग कीजिए।"

श्लोक 53 (padma.5.30.53)

इति वाक्यं समाकर्ण्य धर्मराजस्य तत्पतेः । उवाच धर्मराजानं करुणापूरपूरितः

iti vākyaṁ samākarṇya dharmarājasya tatpateḥ uvāca dharmarājānaṁ karuṇāpūrapūritaḥ

धर्मराज के इन वचनों को सुनकर करुणा से भरे जनक ने धर्मराज से कहा।

श्लोक 54 (padma.5.30.54)

जनक उवाच। अहं गच्छामि नो नाथ जीवानामनुकम्पया । मदंगवायुना ह्येते सुखं प्राप्ताः स्म संस्थिताः

janaka uvāca ahaṁ gacchāmi no nātha jīvānāmanukampayā madaṁgavāyunā hyete sukhaṁ prāptāḥ sma saṁsthitāḥ

जनक ने कहा — "हे नाथ! मैं इन जीवों पर अनुकम्पा के कारण नहीं जाऊँगा; मेरे शरीर की वायु से ये यहाँ स्थित प्राणी सुख पा चुके हैं।

श्लोक 55 (padma.5.30.55)

एतान्मुंचसि चेद्राजन्सर्वान्वै निरयस्थितान् । ततो गच्छामि सुखितः स्वर्गं पुण्यजनाश्रितम्

etānmuṁcasi cedrājansarvānvai nirayasthitān tato gacchāmi sukhitaḥ svargaṁ puṇyajanāśritam

हे राजन्! यदि आप नरकवासी इन सभी को मुक्त कर दें, तो मैं प्रसन्नतापूर्वक पुण्यजनों द्वारा अधिवासित स्वर्ग को जाऊँ।"

श्लोक 56 (padma.5.30.56)

जाबालिरुवाच। इति वाक्यमथाश्रुत्य जनकं प्रत्युवाच सः । प्रत्येकं निर्दिशञ्जीवान्निरयस्थाननेकशः

jābāliruvāca iti vākyamathāśrutya janakaṁ pratyuvāca saḥ pratyekaṁ nirdiśañjīvānnirayasthānanekaśaḥ

जाबालि ने कहा — यह वचन सुनकर धर्मराज ने जनक को उत्तर दिया, तथा नरक में स्थित जीवों को एक-एक करके अनेक प्रकार से इंगित करने लगे।

श्लोक 57 (padma.5.30.57)

धर्म उवाच। अयं मित्र कलत्रं वै विश्वस्तमनुजग्मिवान् । तस्मादेनं लोहशंकौ वर्षायुतमपीपचम्

dharma uvāca ayaṁ mitra kalatraṁ vai viśvastamanujagmivān tasmādenaṁ lohaśaṁkau varṣāyutamapīpacam

धर्मराज ने कहा — "यह, हे मित्र! एक विश्वासी पत्नी के प्रति अनुचित आचरण करने वाला था; इसलिए मैंने इसे लौह-शूल पर दस हजार वर्षों तक पकाया है।

श्लोक 58 (padma.5.30.58)

पश्चादेनं सूकराणां योनौ निक्षिप्य दोषिणम् । मानुषेष्ववतार्योऽयं षंढचिह्नेन चिह्नितः

paścādenaṁ sūkarāṇāṁ yonau nikṣipya doṣiṇam mānuṣeṣvavatāryo'yaṁ ṣaṁḍhacihnena cihnitaḥ

तत्पश्चात् इस दोषी को शूकर-योनि में डालकर, फिर इसे मनुष्यों में जन्म दिलाकर नपुंसक-चिह्न से चिह्नित किया गया।

श्लोक 59 (padma.5.30.59)

अनेन परदाराश्च बलादालिगिता मुहुः । तस्मादयं पच्यतेऽत्र रौरवे शतहायनम्

anena paradārāśca balādāligitā muhuḥ tasmādayaṁ pacyate'tra raurave śatahāyanam

इसने बलपूर्वक बार-बार दूसरों की पत्नियों का आलिंगन किया था; इसलिए यह यहाँ रौरव नरक में सौ वर्षों तक पकाया जा रहा है।

श्लोक 60 (padma.5.30.60)

अयं तु परकीयं स्वं मुषित्वा बुभुजे कुधीः । तस्मादस्य करौ छित्त्वा पचेयं पूयशोणिते

ayaṁ tu parakīyaṁ svaṁ muṣitvā bubhuje kudhīḥ tasmādasya karau chittvā paceyaṁ pūyaśoṇite

यह दुर्बुद्धि दूसरों के धन को चुराकर अपना मानकर भोगता रहा; इसलिए इसके हाथ काटकर मैं इसे पीब और रक्त में पका रहा हूँ।

श्लोक 61 (padma.5.30.61)

अयं सायंतने प्राप्तमतिथिं क्षुधयार्दितम् । वाण्यापि नाकरोत्तस्य पूजनं स्वागतं न च

ayaṁ sāyaṁtane prāptamatithiṁ kṣudhayārditam vāṇyāpi nākarottasya pūjanaṁ svāgataṁ na ca

इसने सायंकाल आए हुए भूख से पीड़ित अतिथि का न तो वाणी से सम्मान किया और न ही स्वागत किया।

श्लोक 62 (padma.5.30.62)

तस्मादयं पातनीयस्तामिस्रेंधनपूरिते । भ्रमरैः पीडितो यातु यातनां शतहायनम्

tasmādayaṁ pātanīyastāmisreṁdhanapūrite bhramaraiḥ pīḍito yātu yātanāṁ śatahāyanam

इसलिए इसे ईंधन से भरे तामिस्र नरक में गिराया जाना चाहिए; भ्रमरों द्वारा पीड़ित होकर यह सौ वर्षों तक यातना भोगे।

श्लोक 63 (padma.5.30.63)

अयं तावत्परस्योच्चैर्निंदां कुर्वन्नलज्जितः । अयमप्यशृणोत्कर्णौ प्रेरयन्बहुशस्तु ताम्

ayaṁ tāvatparasyoccairniṁdāṁ kurvannalajjitaḥ ayamapyaśṛṇotkarṇau prerayanbahuśastu tām

यह निर्लज्ज होकर ऊँचे स्वर से दूसरे की निंदा करता था; और यह दूसरा भी बार-बार अपने कान लगाकर उसे सुनता था।

श्लोक 64 (padma.5.30.64)

तस्मादिमावंधकूपे पतितौ दुःखदुःखितौ । अयं मित्रध्रुगुद्विग्नः पच्यते रौरवे भृशम्

tasmādimāvaṁdhakūpe patitau duḥkhaduḥkhitau ayaṁ mitradhrugudvignaḥ pacyate raurave bhṛśam

इसलिए ये दोनों अंधकूप में गिरे हुए दुःख पर दुःख भोग रहे हैं; तथा यह मित्रद्रोही व्याकुल होकर रौरव नरक में अत्यंत पकाया जा रहा है।

श्लोक 65 (padma.5.30.65)

तस्मादेतान्पापभोगान्कारयित्वा विमोचये । त्वं गच्छ नरशार्दूल पुण्यराशिविधायकः

tasmādetānpāpabhogānkārayitvā vimocaye tvaṁ gaccha naraśārdūla puṇyarāśividhāyakaḥ

इसलिए मैं इन्हें उनके पापों का फल भुगतवा कर मुक्त कर दूँगा। हे नरश्रेष्ठ! हे पुण्यराशि के विधाता! आप जाइए।"

श्लोक 66 (padma.5.30.66)

जाबालिरुवाच। एवं स निर्दिशञ्जीवांस्तूष्णीमासाघकारिणः । प्रोवाच रामभक्तोऽसौ करुणापूरितेक्षणः

jābāliruvāca evaṁ sa nirdiśañjīvāṁstūṣṇīmāsāghakāriṇaḥ provāca rāmabhakto'sau karuṇāpūritekṣaṇaḥ

जाबालि ने कहा — इस प्रकार पापकर्मी जीवों को इंगित करते हुए, राम के उस भक्त ने करुणा से भरे नेत्रों से चुप होकर फिर कहा।

श्लोक 67 (padma.5.30.67)

जनक उवाच। कथं निरयनिर्मुक्तिर्जीवानां दुःखिनां भवेत् । तदाशु कथय त्वं वै यत्कृत्वा सुखमाप्नुयुः

janaka uvāca kathaṁ nirayanirmuktirjīvānāṁ duḥkhināṁ bhavet tadāśu kathaya tvaṁ vai yatkṛtvā sukhamāpnuyuḥ

जनक ने कहा — "इन दुःखी जीवों की नरक से मुक्ति कैसे हो सकती है? आप शीघ्र बताइए कि क्या करने से इन्हें सुख प्राप्त हो।"

श्लोक 68 (padma.5.30.68)

धर्म उवाच। नैभिराराधितो विष्णुर्नैभिस्तस्य कथाः श्रुताः । कथं निरयनिर्मुक्तिर्भवेद्वै पापकारिणाम्

dharma uvāca naibhirārādhito viṣṇurnaibhistasya kathāḥ śrutāḥ kathaṁ nirayanirmuktirbhavedvai pāpakāriṇām

धर्मराज ने कहा — "इन्होंने न तो कभी विष्णु की आराधना की और न ही उनकी कथाएँ सुनीं; फिर इन पापियों की नरक से मुक्ति कैसे हो सकती है?

श्लोक 69 (padma.5.30.69)

यदि त्वं मोचयस्येतान्महापापकरानपि । तर्ह्यर्पय महाराज पुण्यं तत्कथयामि यत्

yadi tvaṁ mocayasyetānmahāpāpakarānapi tarhyarpaya mahārāja puṇyaṁ tatkathayāmi yat

यदि आप इन महापापियों को भी मुक्त करना चाहते हैं, तो हे महाराज! वह पुण्य इन्हें अर्पित कीजिए, जो मैं अभी बताता हूँ।

श्लोक 70 (padma.5.30.70)

एकदा प्रातरुत्थाय शुद्धभावेन चेतसा । ध्यातः श्रीरघुनाथोऽसौ महापापहराभिधः

ekadā prātarutthāya śuddhabhāvena cetasā dhyātaḥ śrīraghunātho'sau mahāpāpaharābhidhaḥ

एक बार प्रातःकाल उठकर, शुद्ध भाव वाले चित्त से, आपने उन श्रीरघुनाथ का ध्यान किया था, जिनका नाम ही महापापों का हरण करने वाला है —

श्लोक 71 (padma.5.30.71)

रामरामेति यच्चोक्तं त्वया शुद्धेन चेतसा । तत्पुण्यमर्पयैतेभ्यो येन स्यान्निरयाच्च्युतिः

rāmarāmeti yaccoktaṁ tvayā śuddhena cetasā tatpuṇyamarpayaitebhyo yena syānnirayāccyutiḥ

और 'राम-राम' कहने से जो पुण्य आपको शुद्ध चित्त से प्राप्त हुआ था, वह पुण्य इन्हें अर्पित कर दीजिए, जिससे इनकी नरक से मुक्ति हो जाए।"

श्लोक 72 (padma.5.30.72)

जाबालिरुवाच। एतच्छ्रुत्वा वचस्तस्य धर्मराजस्य धीमतः । पुण्यं ददौ महाराज आजन्मसमुपार्जितम्

jābāliruvāca etacchrutvā vacastasya dharmarājasya dhīmataḥ puṇyaṁ dadau mahārāja ājanmasamupārjitam

जाबालि ने कहा — बुद्धिमान धर्मराज के इन वचनों को सुनकर महाराज जनक ने जन्म से संचित अपना पुण्य दान कर दिया —

श्लोक 73 (padma.5.30.73)

यदा जन्मकृतैः पुण्यै रघुनाथार्चनोद्भवैः । एतेषां निरयान्मुक्तिर्भवत्वत्र मनोरमा

yadā janmakṛtaiḥ puṇyai raghunāthārcanodbhavaiḥ eteṣāṁ nirayānmuktirbhavatvatra manoramā

"जन्म भर में अर्जित, रघुनाथ की उपासना से उत्पन्न इस पुण्य से यहाँ इन जीवों की सुंदर मुक्ति हो।"

श्लोक 74 (padma.5.30.74)

एवं कथयतस्तस्य जीवा निरयसंस्थिताः । तत्क्षणान्निरयान्मुक्ता जाता दिव्यवपुर्धराः

evaṁ kathayatastasya jīvā nirayasaṁsthitāḥ tatkṣaṇānnirayānmuktā jātā divyavapurdharāḥ

उनके ऐसा कहते ही नरकवासी वे जीव उसी क्षण नरक से मुक्त हो गए और दिव्य शरीर धारण करने लगे।

श्लोक 75 (padma.5.30.75)

ऊचुस्ते जनकं राजंस्त्वत्प्रसादाद्वयं क्षणात् । दुःखदान्निरयान्मुक्ता यास्यामः परमं पदम्

ūcuste janakaṁ rājaṁstvatprasādādvayaṁ kṣaṇāt duḥkhadānnirayānmuktā yāsyāmaḥ paramaṁ padam

उन्होंने राजा जनक से कहा — "हे राजन्! आपकी कृपा से हम एक ही क्षण में दुःखदायी नरक से मुक्त हो गए और अब परम पद को जाएँगे।"

श्लोक 76 (padma.5.30.76)

तान्दृष्ट्वा सूर्यसंकाशान्नरान्निरयनिःसृतान् । तुतोष चित्ते सुभृशं सर्वभूतदयापरः

tāndṛṣṭvā sūryasaṁkāśānnarānnirayaniḥsṛtān tutoṣa citte subhṛśaṁ sarvabhūtadayāparaḥ

नरक से निकले, सूर्य के समान तेजस्वी उन पुरुषों को देखकर सर्वभूत-दयालु राजा जनक हृदय से अत्यंत संतुष्ट हुए।

श्लोक 77 (padma.5.30.77)

ते सर्वे प्रययुर्लोकं दिवं देवैरलंकृतम् । जनकं तु प्रशंसंतो महाराजं दयानिधिम्

te sarve prayayurlokaṁ divaṁ devairalaṁkṛtam janakaṁ tu praśaṁsaṁto mahārājaṁ dayānidhim

वे सब देवताओं से सुशोभित स्वर्गलोक को गए, महाराज जनक — उस दयानिधि — की प्रशंसा करते हुए।