सुमेरु शिखर पर नारद का यज्ञवराह-दर्शन

श्लोक 1 (skanda.2.1.1)

पावने नैमिषारण्ये शौनकाद्या महर्षयः। चक्रिरे लोकरक्षार्थं सत्रं द्वादशवार्षिकम्

pāvane naimiṣāraṇye śaunakādyā maharṣayaḥ| cakrire lokarakṣārthaṁ satraṁ dvādaśavārṣikam

पवित्र नैमिषारण्य में शौनक आदि महर्षियों ने लोकरक्षा हेतु बारह वर्ष तक चलने वाला यज्ञ-सत्र आरम्भ किया।

श्लोक 2 (skanda.2.1.2)

तानभ्यगच्छत्कथको व्यासशिष्यो महामतिः। मुनिरुग्रश्रवा नाम रोमहर्षणसम्भवः

tānabhyagacchatkathako vyāsaśiṣyo mahāmatiḥ| munirugraśravā nāma romaharṣaṇasambhavaḥ

उनके पास व्यासजी के शिष्य, महाबुद्धिमान रोमहर्षण-पुत्र उग्रश्रवा नामक मुनि कथावाचक के रूप में पधारे।

श्लोक 3 (skanda.2.1.3)

सम्यगभ्यर्चितस्त्वेषां सूतः पौराणिकोत्तमः। कथयामास तद्दिव्यं पुराणं स्कन्दनामकम्

samyagabhyarcitastveṣāṁ sūtaḥ paurāṇikottamaḥ| kathayāmāsa taddivyaṁ purāṇaṁ skandanāmakam

उनके द्वारा भलीभाँति पूजित पौराणिकश्रेष्ठ सूतजी ने उस दिव्य स्कन्द नामक पुराण का वर्णन किया।

श्लोक 4 (skanda.2.1.4)

सृष्टिसंहारवंशानां वंशानुचरितस्य च। कथां मन्वन्तराणां च विस्तरात्स न्यवेदयत्

sṛṣṭisaṁhāravaṁśānāṁ vaṁśānucaritasya ca| kathāṁ manvantarāṇāṁ ca vistarātsa nyavedayat

उन्होंने सृष्टि और संहार, वंशों के चरित्र तथा मन्वन्तरों की कथा विस्तारपूर्वक सुनाई।

श्लोक 5 (skanda.2.1.5)

कथास्तीर्थप्रभावाणां श्रुत्वा ते मुनिपुङ्गवाः। ऊचिरे वशिनं सूतं कथाश्रवणकाङ्क्षया

kathāstīrthaprabhāvāṇāṁ śrutvā te munipuṅgavāḥ| ūcire vaśinaṁ sūtaṁ kathāśravaṇakāṅkṣayā

तीर्थों के प्रभाव की कथाएँ सुनकर मुनिश्रेष्ठों ने कथा सुनने की उत्कण्ठा से संयमी सूतजी से निवेदन किया।

श्लोक 6 (skanda.2.1.6)

ऋषय ऊचुः। रोमहर्षण सर्वज्ञ पुराणार्थविशारद। माहात्म्यं श्रोतुमिच्छामो गिरीन्द्राणां महीतले। ब्रूहि त्वं नो महाभाग के प्रधाना महीधराः

ṛṣaya ūcuḥ| romaharṣaṇa sarvajña purāṇārthaviśārada| māhātmyaṁ śrotumicchāmo girīndrāṇāṁ mahītale| brūhi tvaṁ no mahābhāga ke pradhānā mahīdharāḥ

ऋषियों ने कहा — हे रोमहर्षण, हे सर्वज्ञ, पुराणों के अर्थ में निपुण! हम पृथ्वी पर के गिरिराजों की महिमा सुनना चाहते हैं। हे महाभाग! हमें बताइए, कौन-से पर्वत प्रधान हैं।

श्लोक 7 (skanda.2.1.7)

श्रीसूत उवाच। एतमेव पुरा प्रश्नमपृच्छं जाह्नवीतटे। व्यासं मुनिवरश्रेष्ठं सोऽब्रवीन्मे गुरूत्तमः

śrīsūta uvāca| etameva purā praśnamapṛcchaṁ jāhnavītaṭe| vyāsaṁ munivaraśreṣṭhaṁ so'bravīnme gurūttamaḥ

श्रीसूतजी ने कहा — यही प्रश्न मैंने पूर्वकाल में गंगातट पर मुनिवरश्रेष्ठ व्यासजी से पूछा था; तब मेरे परम गुरु ने मुझसे यह कहा।

श्लोक 8 (skanda.2.1.8)

व्यास उवाच। पुरा देवयुगे सूत नारदो मुनिसत्तमः। सुमेरुशिखरं गत्वा नानारत्नसुशोभिनम्

vyāsa uvāca| purā devayuge sūta nārado munisattamaḥ| sumeruśikharaṁ gatvā nānāratnasuśobhinam

व्यासजी ने कहा — हे सूत! प्राचीनकाल में, देवयुग में, मुनिश्रेष्ठ नारद अनेक रत्नों से सुशोभित सुमेरु-शिखर पर गए।

श्लोक 9 (skanda.2.1.9)

तन्मध्ये विपुलं दीप्तं ब्रह्मणो दिव्यमालयम्। दृष्ट्वा तस्योत्तरे देशे पिप्पलद्रुममुत्तमम्

tanmadhye vipulaṁ dīptaṁ brahmaṇo divyamālayam| dṛṣṭvā tasyottare deśe pippaladrumamuttamam

वहाँ उन्होंने ब्रह्माजी का विशाल, तेजोमय, दिव्य निवास-स्थान देखा, और उसके उत्तर में एक उत्तम पिप्पल वृक्ष देखा।

श्लोक 10 (skanda.2.1.10)

सहस्रयोजनोच्छ्रायं विस्तीर्णं द्विगुणं तथा। तन्मूले मण्डपं दिव्यं नानारत्नसमन्वितम्

sahasrayojanocchrāyaṁ vistīrṇaṁ dviguṇaṁ tathā| tanmūle maṇḍapaṁ divyaṁ nānāratnasamanvitam

वह वृक्ष एक सहस्र योजन ऊँचा और उससे दुगुना विस्तृत था; उसके मूल में अनेक रत्नों से युक्त एक दिव्य मण्डप था।

श्लोक 11 (skanda.2.1.11)

पद्मरागमणिस्तम्भैः सहस्रैः समलंकृतम्। वैडूर्यमुक्तामणिभिः कृतस्वस्तिकमालिकम्

padmarāgamaṇistambhaiḥ sahasraiḥ samalaṁkṛtam| vaiḍūryamuktāmaṇibhiḥ kṛtasvastikamālikam

वह पद्मराग मणि के सहस्रों स्तम्भों से अलंकृत था, वैडूर्य और मुक्तामणियों से बनी स्वस्तिक-मालाओं से सुसज्जित था।

श्लोक 12 (skanda.2.1.12)

नवरत्नसमाकीर्णं दिव्यतोरणशोभितम्। मृगपक्षिभिराकीर्णं नवरत्नमयैः शुभैः

navaratnasamākīrṇaṁ divyatoraṇaśobhitam| mṛgapakṣibhirākīrṇaṁ navaratnamayaiḥ śubhaiḥ

वह नवरत्नों से भरा हुआ, दिव्य तोरणों से सुशोभित तथा नवरत्नमय शुभ मृगों और पक्षियों से व्याप्त था।

श्लोक 13 (skanda.2.1.13)

पुष्परागमहाद्वारं सप्तभूमिकगोपुरम्। सन्दीप्तवज्रसुकृतकवाटद्वयशोभितम्

puṣparāgamahādvāraṁ saptabhūmikagopuram| sandīptavajrasukṛtakavāṭadvayaśobhitam

उसका महाद्वार पुष्पराग मणि का था, सात भूमियों वाला गोपुर था, चमकते वज्रों से निर्मित दोनों किवाड़ों से सुशोभित था।

श्लोक 14 (skanda.2.1.14)

प्रविश्याऽसौ ददर्शान्तर्दिव्यमौक्तिकमण्डपम्। वैडूर्यवेदिकं तुङ्गमारुरोह महामुनिः

praviśyā'sau dadarśāntardivyamauktikamaṇḍapam| vaiḍūryavedikaṁ tuṅgamāruroha mahāmuniḥ

भीतर प्रवेश करके उन्होंने दिव्य मौक्तिकों से बना मण्डप देखा, और वह महामुनि वैडूर्यमय ऊँची वेदी पर चढ़ गए।

श्लोक 15 (skanda.2.1.15)

तन्मध्ये तुङ्गमतुलं वसुपादविराजितम्। ददर्श मुक्तासङ्कीर्णं सिंहासनं महाद्युति

tanmadhye tuṅgamatulaṁ vasupādavirājitam| dadarśa muktāsaṅkīrṇaṁ siṁhāsanaṁ mahādyuti

उसके मध्य में उन्होंने आठ पावों वाला, अतुलनीय, अत्यंत तेजस्वी, मुक्ताओं से जड़ा हुआ सिंहासन देखा।

श्लोक 16 (skanda.2.1.16)

तन्मध्ये पुष्करं दिव्यं सहस्रदलशोभितम्। श्वेतं चन्द्रसहस्राभं कर्णिकाकेसरोज्ज्वलम्

tanmadhye puṣkaraṁ divyaṁ sahasradalaśobhitam| śvetaṁ candrasahasrābhaṁ karṇikākesarojjvalam

उसके मध्य में सहस्रदल से सुशोभित एक दिव्य श्वेत कमल था, जो सहस्र चन्द्रमाओं के समान कान्तिमान था और अपनी केसर-कर्णिका से उज्ज्वल था।

श्लोक 17 (skanda.2.1.17)

तस्य मध्ये समासीनं पूर्णचन्द्रायुतप्रभम्। कैलासपर्वताकारं सुन्दरं पुरुषाकृतिम्

tasya madhye samāsīnaṁ pūrṇacandrāyutaprabham| kailāsaparvatākāraṁ sundaraṁ puruṣākṛtim

उसके मध्य में विराजमान थे वे, जो दस सहस्र पूर्णचन्द्रों के समान तेजस्वी, कैलास पर्वत के समान आकार वाले, सुंदर, पुरुषाकार थे।

श्लोक 18 (skanda.2.1.18)

चतुर्बाहुमुदारांगं वराहवदनं शुभम्। शंखचक्राभयवरान्बिभ्राणं पुरुषोत्तमम्

caturbāhumudārāṁgaṁ varāhavadanaṁ śubham| śaṁkhacakrābhayavarānbibhrāṇaṁ puruṣottamam

वे चतुर्भुज, उदार अंगों वाले, वराह-मुख से युक्त, शंख-चक्र तथा अभय-वरद मुद्राओं को धारण करने वाले पुरुषोत्तम थे।

श्लोक 19 (skanda.2.1.19)

पीताम्बरधरं देवं पुंडरीकायतेक्षणम्। पूर्णेंदुसौम्यवदनं धूपगंधिमुखांबुजम्

pītāmbaradharaṁ devaṁ puṁḍarīkāyatekṣaṇam| pūrṇeṁdusaumyavadanaṁ dhūpagaṁdhimukhāṁbujam

वे पीताम्बर धारण किए हुए थे, उनके नेत्र पुण्डरीक के समान विशाल थे, मुख पूर्णचन्द्र के समान सौम्य था, और उनका कमल-मुख धूप की सुगंध से सुवासित था।

श्लोक 20 (skanda.2.1.20)

सामध्वनिं यज्ञमूर्तिं स्रुक्तुण्डं स्रुवनासिकम्। क्षीरसागरसंकाशं किरीटोज्ज्वलिताननम्

sāmadhvaniṁ yajñamūrtiṁ sruktuṇḍaṁ sruvanāsikam| kṣīrasāgarasaṁkāśaṁ kirīṭojjvalitānanam

उनकी ध्वनि साम के समान थी, वे यज्ञमूर्ति थे, उनका मुख स्रुक् के समान और नासिका स्रुव के समान थी; वे क्षीरसागर के समान कान्तिमान तथा मुकुट से उद्भासित मुखवाले थे।

श्लोक 21 (skanda.2.1.21)

श्रीवत्सवक्षसं शुभ्रयज्ञसूत्रविराजितम्। कौस्तुभश्रीसमुद्द्योतं समुन्नतमहोरसम्

śrīvatsavakṣasaṁ śubhrayajñasūtravirājitam| kaustubhaśrīsamuddyotaṁ samunnatamahorasam

उनके वक्षस्थल पर श्रीवत्स का चिह्न था, वे उज्ज्वल यज्ञोपवीत से सुशोभित थे, कौस्तुभमणि की श्री से देदीप्यमान तथा उन्नत विशाल वक्षवाले थे।

श्लोक 22 (skanda.2.1.22)

जांबूनदमयैर्दिव्यैः सुरत्नाभरणैर्युतम्। विद्युन्मालापरिक्षिप्तशरन्मेघमिवोज्ज्वलम्

jāṁbūnadamayairdivyaiḥ suratnābharaṇairyutam| vidyunmālāparikṣiptaśaranmeghamivojjvalam

वे अनेक दिव्य आभूषणों तथा उत्तम रत्नों से युक्त थे, बिजली की माला से घिरे शरत्कालीन मेघ के समान उज्ज्वल थे।

श्लोक 23 (skanda.2.1.23)

वामपादतलाक्रांतपादपीठविराजितम्। कटकांगदकेयूरकुण्डलोज्ज्वलितं सदा

vāmapādatalākrāṁtapādapīṭhavirājitam| kaṭakāṁgadakeyūrakuṇḍalojjvalitaṁ sadā

उनका बायाँ चरण-तल एक सुंदर पादपीठ पर टिका था; वे सदा कटक, अंगद, केयूर और कुण्डलों से देदीप्यमान रहते थे।

श्लोक 24 (skanda.2.1.24)

चतुर्मुखवसिष्ठात्रिमार्कण्डेयैर्मुनीश्वरैः। भृग्वादिभिरनेकैश्च सेव्यमानमहर्निशम्

caturmukhavasiṣṭhātrimārkaṇḍeyairmunīśvaraiḥ| bhṛgvādibhiranekaiśca sevyamānamaharniśam

वे चतुर्मुख ब्रह्मा, वसिष्ठ, अत्रि, मार्कण्डेय आदि मुनीश्वरों तथा भृगु आदि अनेक ऋषियों द्वारा दिन-रात सेवित होते थे।

श्लोक 25 (skanda.2.1.25)

इन्द्रादिलोकपालैश्च गन्धर्वाप्सरसां गणैः। सेवितं देवदेवेशं प्रणिपत्याभिगम्य च

indrādilokapālaiśca gandharvāpsarasāṁ gaṇaiḥ| sevitaṁ devadeveśaṁ praṇipatyābhigamya ca

वे इन्द्र आदि लोकपालों तथा गंधर्व और अप्सराओं के समूहों द्वारा सेवित उस देवाधिदेव के पास प्रणाम करके नारदजी पहुँचे।

श्लोक 26 (skanda.2.1.26)

दिव्यैरुपनिषद्भागैरभिष्टूय धराधरम्। नारदः परमप्रीतः स्थितो देवस्य सन्निधौ

divyairupaniṣadbhāgairabhiṣṭūya dharādharam| nāradaḥ paramaprītaḥ sthito devasya sannidhau

दिव्य उपनिषद्-मंत्रों से पृथ्वी के धारण करनेवाले उस प्रभु की स्तुति करके नारदजी अत्यंत प्रसन्नचित्त होकर भगवान के समीप खड़े हो गए।

श्लोक 27 (skanda.2.1.27)

एतस्मिन्नंतरे चाभूद्दिव्यदुन्दुभिनिःस्वनः

etasminnaṁtare cābhūddivyadundubhiniḥsvanaḥ

इसी बीच एक दिव्य दुन्दुभि की ध्वनि हुई।

श्लोक 28 (skanda.2.1.28)

ततस्तमागता देवी धरणी सखिसंयुता। सुरत्नसागराकारदिव्यांबरसमुज्ज्वला

tatastamāgatā devī dharaṇī sakhisaṁyutā| suratnasāgarākāradivyāṁbarasamujjvalā

तब सखियों सहित देवी धरणी वहाँ पधारीं, जो रत्नमय सागर के समान वर्णवाले दिव्य वस्त्रों से उज्ज्वल थीं।

श्लोक 29 (skanda.2.1.29)

सुमेरुमन्दराकारस्तनभारावनामिता। नवदूर्वादलश्यामा सर्वाभरणभूषिता

sumerumandarākārastanabhārāvanāmitā| navadūrvādalaśyāmā sarvābharaṇabhūṣitā

सुमेरु और मन्दर पर्वत के समान स्तनों के भार से झुकी हुई, नई दूर्वा के समान श्याम वर्णवाली, सभी आभूषणों से विभूषित थीं।

श्लोक 30 (skanda.2.1.30)

इलया वै पिंगलया सखीभ्यां च समन्विता। ततस्ताभ्यां समानीतं पुष्पाणां निचयं मही

ilayā vai piṁgalayā sakhībhyāṁ ca samanvitā| tatastābhyāṁ samānītaṁ puṣpāṇāṁ nicayaṁ mahī

वे इला और पिंगला नामक अपनी दो सखियों सहित थीं; तब उन दोनों के साथ पृथ्वी ने पुष्पों का ढेर लाकर -

श्लोक 31 (skanda.2.1.31)

श्रीमद्वराहदेवस्य पादमूले विकीर्य च। प्रणम्य देवदेवेशं कृताञ्जलिपुटा स्थिता

śrīmadvarāhadevasya pādamūle vikīrya ca| praṇamya devadeveśaṁ kṛtāñjalipuṭā sthitā

श्रीमान् वराहदेव के चरणों में बिखेर दिया, और देवाधिदेव को प्रणाम करके हाथ जोड़कर खड़ी हो गईं।

श्लोक 32 (skanda.2.1.32)

तां देवीं श्रीवराहोऽपि ह्यालिंग्यांके निधाय च

tāṁ devīṁ śrīvarāho'pi hyāliṁgyāṁke nidhāya ca

श्रीवराह भगवान ने भी उस देवी का आलिंगन करके उन्हें अपनी गोद में बिठा लिया।

श्लोक 33 (skanda.2.1.33)

पप्रच्छ कुशलं पृथ्वीं प्रीतिप्रवणमानसः

papraccha kuśalaṁ pṛthvīṁ prītipravaṇamānasaḥ

और स्नेहपूर्ण चित्त से पृथ्वी का कुशल-क्षेम पूछा।

श्लोक 34 (skanda.2.1.34)

श्रीवराह उवाच। त्वां निवेश्य महीदेवि शेषशीर्षे सुखावहे। लोकं त्वयि निवेश्यैव त्वत्सहायान्धराधरान्। हहागतोऽस्म्यहं देवि किमर्थं त्वमिहागता

śrīvarāha uvāca| tvāṁ niveśya mahīdevi śeṣaśīrṣe sukhāvahe| lokaṁ tvayi niveśyaiva tvatsahāyāndharādharān| hahāgato'smyahaṁ devi kimarthaṁ tvamihāgatā

श्रीवराह भगवान ने कहा — हे महीदेवि! तुम्हें सुखदायी शेषनाग के मस्तक पर स्थापित करके, और तुम पर तुम्हारे सहायक पर्वतों सहित सम्पूर्ण लोक को बसाकर, हे देवि! मैं अभी यहाँ आया हूँ — तुम यहाँ किस कारण आई हो?

श्लोक 35 (skanda.2.1.35)

पृथिव्युवाच। मां समुद्धृत्य पातालात्सहस्रफणशोभिते। रत्नपीठ इवोत्तुंगे सरत्नेऽनन्तमूर्धनि। कृत्वा मां सुस्थिरां देव भूधरान्संनिवेश्य च

pṛthivyuvāca| māṁ samuddhṛtya pātālātsahasraphaṇaśobhite| ratnapīṭha ivottuṁge saratne'nantamūrdhani| kṛtvā māṁ susthirāṁ deva bhūdharānsaṁniveśya ca

पृथ्वी ने कहा — हे देव! सहस्रफणों से सुशोभित, रत्नमय, ऊँचे, अनंतमूर्धा (शेषनाग) के रत्नपीठ के समान शिर पर मुझे पाताल से उठाकर स्थिर करके, और मुझ पर पर्वतों को स्थापित करके -

श्लोक 36 (skanda.2.1.36)

मद्धारणक्षमान्पुण्यांस्त्वन्मयान्पुरुषोत्तम। तेषु मुख्यान्महाबाहो मदाधारान्वदस्व मे

maddhāraṇakṣamānpuṇyāṁstvanmayānpuruṣottama| teṣu mukhyānmahābāho madādhārānvadasva me

हे पुरुषोत्तम! मेरा धारण करने में समर्थ, तुमसे युक्त पवित्र पर्वतों में से, हे महाबाहो! मुझे बताइए कि उनमें प्रमुख और मेरे आधार कौन-से हैं।

श्लोक 37 (skanda.2.1.37)

श्रीवराह उवाच। सुमेरुर्हिमवान्विंध्यो मन्दरो गंधमादनः। सालग्रामश्चित्रकूटो माल्यवान्पारियात्रकः

śrīvarāha uvāca| sumerurhimavānviṁdhyo mandaro gaṁdhamādanaḥ| sālagrāmaścitrakūṭo mālyavānpāriyātrakaḥ

श्रीवराह भगवान ने कहा — सुमेरु, हिमवान्, विंध्य, मन्दर, गंधमादन, सालग्राम, चित्रकूट, माल्यवान्, पारियात्रक -

श्लोक 38 (skanda.2.1.38)

महेंद्रो मलयः सह्यः सिंहाद्रिरपि रैवतः। मेरुपुत्रोऽञ्जनो नाम शैलः स्वर्णमयो महान्

maheṁdro malayaḥ sahyaḥ siṁhādrirapi raivataḥ| meruputro'ñjano nāma śailaḥ svarṇamayo mahān

महेन्द्र, मलय, सह्य, सिंहाद्रि तथा रैवत, और मेरु के पुत्र अंजन नामक विशाल स्वर्णमय पर्वत -

श्लोक 39 (skanda.2.1.39)

एते शैलवराः सर्वे त्वदाधारा वसुन्धरे। ये मया देवसंघैश्च ऋषिसंघैश्च सेविताः

ete śailavarāḥ sarve tvadādhārā vasundhare| ye mayā devasaṁghaiśca ṛṣisaṁghaiśca sevitāḥ

हे वसुन्धरे! ये सभी श्रेष्ठ पर्वत तुम्हारे आधार हैं, जो देवसमूहों और ऋषिसमूहों के साथ मेरे द्वारा भी सेवित हैं।

श्लोक 40 (skanda.2.1.40)

एतेषु प्रवरान्वक्ष्ये तत्त्वतः शृणु माधवि। सालग्रामश्च सिंहाद्रिश्शैलेंद्रो गन्धमादनः

eteṣu pravarānvakṣye tattvataḥ śṛṇu mādhavi| sālagrāmaśca siṁhādriśśaileṁdro gandhamādanaḥ

हे माधवि! इनमें से जो सर्वश्रेष्ठ हैं, वे मैं तत्त्वतः बताता हूँ, सुनो — सालग्राम, सिंहाद्रि और शैलेन्द्र गंधमादन -

श्लोक 41 (skanda.2.1.41)

एते शैलवरा देवि दिशं हैमवतीं श्रिताः। दक्षिणस्यां प्रतीतांस्तु वक्ष्ये शैलान्वसुन्धरे

ete śailavarā devi diśaṁ haimavatīṁ śritāḥ| dakṣiṇasyāṁ pratītāṁstu vakṣye śailānvasundhare

हे देवि! ये उत्तम पर्वत हिमालय की दिशा में स्थित हैं; अब हे वसुन्धरे! दक्षिण दिशा में प्रसिद्ध पर्वतों के विषय में बताता हूँ।

श्लोक 42 (skanda.2.1.42)

अरुणाद्रिर्हस्तिशैलो गृध्राद्रिर्घटिकाचलः। एते शैलवराः सर्वे क्षीरनद्यास्समीपगाः

aruṇādrirhastiśailo gṛdhrādrirghaṭikācalaḥ| ete śailavarāḥ sarve kṣīranadyāssamīpagāḥ

अरुणाद्रि, हस्तिशैल, गृध्राद्रि, घटिकाचल — ये सभी श्रेष्ठ पर्वत क्षीरनदी के समीप स्थित हैं।

श्लोक 43 (skanda.2.1.43)

हस्तिशैलादुत्तरतः पंचयोजनमात्रतः। सुवर्णमुखरीनाम नदीनां प्रवरा नदी

hastiśailāduttarataḥ paṁcayojanamātrataḥ| suvarṇamukharīnāma nadīnāṁ pravarā nadī

हस्तिशैल से उत्तर की ओर मात्र पाँच योजन दूरी पर नदियों में श्रेष्ठ सुवर्णमुखरी नामक नदी है।

श्लोक 44 (skanda.2.1.44)

तस्या एवोत्तरे तीरे कमलाख्यं सरोवरम्। तत्तीरे भगवानास्ते शुकस्य वरदो हरिः

tasyā evottare tīre kamalākhyaṁ sarovaram| tattīre bhagavānāste śukasya varado hariḥ

उसी नदी के उत्तर तट पर कमल नामक एक सरोवर है; उसके तट पर शुक को वर देने वाले भगवान हरि विराजमान हैं।

श्लोक 45 (skanda.2.1.45)

बलभद्रेण संयुक्तः कृष्णो भक्तार्तिनाशनः। वैखानसैर्मुनिगणैर्नित्यमाराधितोऽमलैः

balabhadreṇa saṁyuktaḥ kṛṣṇo bhaktārtināśanaḥ| vaikhānasairmunigaṇairnityamārādhito'malaiḥ

वहाँ बलभद्र सहित, भक्तों के दुःख का नाश करने वाले कृष्ण, निष्कलंक वैखानस मुनिगणों द्वारा नित्य आराधित होते हैं।

श्लोक 46 (skanda.2.1.46)

कमलाख्यस्य सरस उत्तरे काननोत्तमे। क्रोशद्वयार्धमात्रे तु हरिचंदनशोभिते। श्रीवेंकटाचलोनाम वासुदेवालयो महान्

kamalākhyasya sarasa uttare kānanottame| krośadvayārdhamātre tu haricaṁdanaśobhite| śrīveṁkaṭācalonāma vāsudevālayo mahān

कमल नामक सरोवर के उत्तर में, हरिचन्दन से सुशोभित उत्तम वन में, केवल ढाई कोस की दूरी पर, श्रीवेंकटाचल नामक वासुदेव का महान् धाम है।

श्लोक 47 (skanda.2.1.47)

सप्तयोजनविस्तीर्णः शैलेन्द्रो योजनोच्छ्रितः। अस्ति स्वर्णमयो देवि रत्नसानुभृदायतः

saptayojanavistīrṇaḥ śailendro yojanocchritaḥ| asti svarṇamayo devi ratnasānubhṛdāyataḥ

वह पर्वतराज सात योजन विस्तृत और एक योजन ऊँचा है; हे देवि! वह स्वर्णमय है और उसकी लंबी श्रेणियाँ रत्नों से लदी हुई हैं।

श्लोक 48 (skanda.2.1.48)

इन्द्राद्या दैवतगणा वसिष्ठाद्या मुनीश्वराः। सिद्धाः साध्याश्च मरुतो दानवा दैत्यराक्षसाः। रम्भाद्या अप्सरःसंघा वसन्ति नियतं धरे

indrādyā daivatagaṇā vasiṣṭhādyā munīśvarāḥ| siddhāḥ sādhyāśca maruto dānavā daityarākṣasāḥ| rambhādyā apsaraḥsaṁghā vasanti niyataṁ dhare

इन्द्र आदि देवगण, वसिष्ठ आदि मुनीश्वर, सिद्ध, साध्य, मरुद्गण, दानव, दैत्य-राक्षस, तथा रम्भा आदि अप्सराओं के समूह हे धरे! वहाँ सदा निवास करते हैं।

श्लोक 49 (skanda.2.1.49)

तपश्चरंति नागाश्च गरुडाः किन्नरास्तथा। एतैरधिष्ठितास्तत्र सरितः पुण्यदर्शनाः। सरांसि विविधान्यत्र संति दिव्यानि माधवि

tapaścaraṁti nāgāśca garuḍāḥ kinnarāstathā| etairadhiṣṭhitāstatra saritaḥ puṇyadarśanāḥ| sarāṁsi vividhānyatra saṁti divyāni mādhavi

वहाँ नाग तपस्या करते हैं, गरुड़ और किन्नर भी; हे माधवि! वहाँ इन्हीं से अधिष्ठित पवित्र दर्शनवाली नदियाँ हैं, और वहाँ अनेक प्रकार के दिव्य सरोवर हैं।

श्लोक 50 (skanda.2.1.50)

तीर्थानां चैव सर्वेषां शृणुष्व प्रवराणि वै

tīrthānāṁ caiva sarveṣāṁ śṛṇuṣva pravarāṇi vai

अब सभी तीर्थों में जो सर्वश्रेष्ठ हैं, उनके विषय में सुनो।

श्लोक 51 (skanda.2.1.51)

चक्रतीर्थं दैवतीर्थं वियद्गंगा तथैव च। कुमारधारिकातीर्थं पापनाशनमेव च। पाण्डवं नाम तीर्थं च स्वामिपुष्करिणी तथा

cakratīrthaṁ daivatīrthaṁ viyadgaṁgā tathaiva ca| kumāradhārikātīrthaṁ pāpanāśanameva ca| pāṇḍavaṁ nāma tīrthaṁ ca svāmipuṣkariṇī tathā

चक्रतीर्थ, दैवतीर्थ, तथा आकाशगंगा, कुमारधारिका-तीर्थ, पापनाशन, पाण्डव नामक तीर्थ, तथा स्वामिपुष्करिणी -

श्लोक 52 (skanda.2.1.52)

सप्तैतानि वराण्याहुर्नारायणगिरौ शुभे। एतेषु प्रवरा देवि स्वामिपुष्करिणी शुभा

saptaitāni varāṇyāhurnārāyaṇagirau śubhe| eteṣu pravarā devi svāmipuṣkariṇī śubhā

ये सात नारायणगिरि पर श्रेष्ठ कहे गए हैं; हे देवि! इनमें भी शुभ स्वामिपुष्करिणी सर्वश्रेष्ठ है।

श्लोक 53 (skanda.2.1.53)

अस्यास्तु पश्चिमे तीरं निवसामि त्वया सह। आस्तेऽस्या दक्षिणे तीरं श्रीनिवासो जगत्पतिः

asyāstu paścime tīraṁ nivasāmi tvayā saha| āste'syā dakṣiṇe tīraṁ śrīnivāso jagatpatiḥ

इसके पश्चिमी तट पर मैं तुम्हारे साथ निवास करता हूँ; इसके दक्षिणी तट पर जगत्पति श्रीनिवास विराजमान हैं।

श्लोक 54 (skanda.2.1.54)

गंगाद्यैः सकलैस्तीर्थैः समा सा सागराम्बरे। त्रैलोक्ये यानि तीर्थानि सरांसि सरितस्तथा। तेषां स्वामित्वमापन्नं धरे स्वामिसरोवरे

gaṁgādyaiḥ sakalaistīrthaiḥ samā sā sāgarāmbare| trailokye yāni tīrthāni sarāṁsi saritastathā| teṣāṁ svāmitvamāpannaṁ dhare svāmisarovare

हे सागराम्बरे! वह गंगा आदि सभी तीर्थों के समान है; त्रिलोक में जितने भी तीर्थ, सरोवर और नदियाँ हैं, उन सबका स्वामित्व हे धरे! स्वामि-सरोवर में समाहित है।

श्लोक 55 (skanda.2.1.55)

स्वामिपुष्करिणीं पुण्यां सेवितुं दिव्यभूधरे। वसन्ति सर्वतीर्थानि तेषां संख्यां वदामि ते

svāmipuṣkariṇīṁ puṇyāṁ sevituṁ divyabhūdhare| vasanti sarvatīrthāni teṣāṁ saṁkhyāṁ vadāmi te

उस दिव्य पर्वत पर पवित्र स्वामिपुष्करिणी की सेवा हेतु सभी तीर्थ निवास करते हैं; मैं तुम्हें उनकी संख्या बताता हूँ।

श्लोक 56 (skanda.2.1.56)

षट्षष्टिकोटितीर्थानि पुण्येऽस्मिन्भूधरोत्तमे। तेषु चात्यंतमुख्यानि षट् तीर्थानि वसुन्धरे

ṣaṭṣaṣṭikoṭitīrthāni puṇye'sminbhūdharottame| teṣu cātyaṁtamukhyāni ṣaṭ tīrthāni vasundhare

हे वसुन्धरे! इस पुण्यमय श्रेष्ठ पर्वत पर छाछठ करोड़ तीर्थ हैं, और उनमें भी छह तीर्थ अत्यंत मुख्य हैं।

श्लोक 57 (skanda.2.1.57)

पञ्चानां तीर्थराजानां तुम्बो गर्भसमो महान्। गर्भवासभयध्वंसी स्नातानां भूधरोत्तमे

pañcānāṁ tīrtharājānāṁ tumbo garbhasamo mahān| garbhavāsabhayadhvaṁsī snātānāṁ bhūdharottame

पाँच तीर्थराजों में तुम्ब गर्भ के समान महान् है, जो उस श्रेष्ठ पर्वत पर स्नान करने वालों के गर्भवास के भय का नाश करता है।

श्लोक 58 (skanda.2.1.58)

धरण्युवाच। षट् तीर्थानि महाबाहो त्वयोक्तानि महीधरे। माहात्म्यं वद तेषां मे यथाकालं यथाविधि। फलानि तेषु स्नातानां नराणां वद भूधर

dharaṇyuvāca| ṣaṭ tīrthāni mahābāho tvayoktāni mahīdhare| māhātmyaṁ vada teṣāṁ me yathākālaṁ yathāvidhi| phalāni teṣu snātānāṁ narāṇāṁ vada bhūdhara

धरणी ने कहा — हे महाबाहो! आपने इस पर्वत पर छह तीर्थों का उल्लेख किया; कृपया उनकी महिमा यथाक्रम और यथाविधि बताइए, तथा हे भूधर! उनमें स्नान करने वाले मनुष्यों को मिलने वाले फलों के विषय में भी बताइए।

श्लोक 59 (skanda.2.1.59)

श्रीवराह उवाच। नारायणाद्रिमाहात्म्यं वदामि शृणु माधवि

śrīvarāha uvāca| nārāyaṇādrimāhātmyaṁ vadāmi śṛṇu mādhavi

श्रीवराह भगवान ने कहा — हे माधवि! मैं नारायणाद्रि की महिमा बताता हूँ, सुनो।

श्लोक 60 (skanda.2.1.60)

देवाश्च ऋषयश्चैव योगिनः सनकादयः। कृतेंऽजनाद्रिं त्रेतायां नारायणगिरिं तथा

devāśca ṛṣayaścaiva yoginaḥ sanakādayaḥ| kṛteṁ'janādriṁ tretāyāṁ nārāyaṇagiriṁ tathā

देवगण, ऋषिगण तथा सनक आदि योगियों ने कृतयुग में इसे अंजनाद्रि, त्रेतायुग में नारायणगिरि कहा।

श्लोक 61 (skanda.2.1.61)

द्वापरे सिंहशैलं च कलौ श्रीवेङ्कटाचलम्। प्रवदन्तीह विद्वांसः परमात्मालयं गिरिम्

dvāpare siṁhaśailaṁ ca kalau śrīveṅkaṭācalam| pravadantīha vidvāṁsaḥ paramātmālayaṁ girim

द्वापर में सिंहशैल तथा कलियुग में श्रीवेंकटाचल — इस प्रकार यहाँ विद्वान् इस परमात्मा के धाम पर्वत को कहते हैं।

श्लोक 62 (skanda.2.1.62)

योजनानां सहस्रान्ते द्वीपांतरगतोऽपि वा। यो नमेद्भूधरेन्द्रं तद्दिशमुद्दिश्य भक्तितः। सर्वपापविनिर्मुक्तो विष्णुलोकं स गच्छति

yojanānāṁ sahasrānte dvīpāṁtaragato'pi vā| yo namedbhūdharendraṁ taddiśamuddiśya bhaktitaḥ| sarvapāpavinirmukto viṣṇulokaṁ sa gacchati

सहस्रों योजन दूर या किसी अन्य द्वीप में स्थित रहकर भी जो व्यक्ति भक्तिपूर्वक इस पर्वतराज की दिशा की ओर मुख करके नमन करता है, वह सर्वपापों से मुक्त होकर विष्णुलोक जाता है।

श्लोक 63 (skanda.2.1.63)

तस्मिन्षट्तीर्थमाहात्म्यं यथाकालं वदामि ते

tasminṣaṭtīrthamāhātmyaṁ yathākālaṁ vadāmi te

उस पर्वत पर स्थित छह तीर्थों की महिमा मैं यथाक्रम तुम्हें बताता हूँ।

श्लोक 64 (skanda.2.1.64)

शृणुष्वावहिता भद्रे सर्वपापप्रणाशनम्। कुभसंस्थे रवौ माघे पौर्णमास्यां महातिथौ

śṛṇuṣvāvahitā bhadre sarvapāpapraṇāśanam| kubhasaṁsthe ravau māghe paurṇamāsyāṁ mahātithau

हे भद्रे! सावधान होकर सुनो — सभी पापों का नाश करने वाला वह समय है जब सूर्य कुम्भ राशि में, माघ मास में, पूर्णिमा की महातिथि पर स्थित हो -

श्लोक 65 (skanda.2.1.65)

मघानक्षत्रयुक्तायां भूधरेन्द्रे वसुन्धरे। कुमारधारिकानाम सरसी लोकपावनी

maghānakṣatrayuktāyāṁ bhūdharendre vasundhare| kumāradhārikānāma sarasī lokapāvanī

हे वसुन्धरे! उस पर्वतराज पर, मघा नक्षत्र से युक्त होने पर, कुमारधारिका नामक लोकपावन सरोवर है।

श्लोक 66 (skanda.2.1.66)

यत्रास्ते पार्वतीसूनुः कार्तिकेयोऽग्निसंभवः। देवसेनासमायुक्तः श्रीनिवासार्चकोऽमले

yatrāste pārvatīsūnuḥ kārtikeyo'gnisaṁbhavaḥ| devasenāsamāyuktaḥ śrīnivāsārcako'male

जहाँ पार्वतीपुत्र, अग्निजात कार्तिकेय, देवसेना सहित, श्रीनिवास के निर्मल अर्चक के रूप में विराजमान हैं।

श्लोक 67 (skanda.2.1.67)

तस्यां यः स्नाति मध्याह्ने तस्य पुण्यफलं शृणु। गंगादिसर्वतीर्थेषु यः स्नाति नियमाद्धरं। द्वादशाब्दं जगद्धात्रि तत्फलं समवाप्नुयात्

tasyāṁ yaḥ snāti madhyāhne tasya puṇyaphalaṁ śṛṇu| gaṁgādisarvatīrtheṣu yaḥ snāti niyamāddharaṁ| dvādaśābdaṁ jagaddhātri tatphalaṁ samavāpnuyāt

जो मध्याह्न में वहाँ स्नान करता है, उसके पुण्यफल को सुनो — हे जगद्धात्रि! गंगा आदि सभी तीर्थों में नियमपूर्वक बारह वर्षों तक स्नान करने से जो फल मिलता है, वही फल वह पाता है।

श्लोक 68 (skanda.2.1.68)

योऽन्नं ददाति तत्तीर्थे शक्त्या दक्षिणयान्वितम्। स तावत्फलमाप्नोति स्नाने तूक्तं फलं यथा

yo'nnaṁ dadāti tattīrthe śaktyā dakṣiṇayānvitam| sa tāvatphalamāpnoti snāne tūktaṁ phalaṁ yathā

जो अपनी सामर्थ्य के अनुसार उस तीर्थ में दक्षिणा सहित अन्नदान करता है, वह भी स्नान से कहे गए उतने ही फल को प्राप्त करता है।

श्लोक 69 (skanda.2.1.69)

मानसंस्थे सवितरि पौर्णमासीतिथौ धरे। उत्तराफाल्गुनीयुक्ते चतुर्थे काल उत्तमे

mānasaṁsthe savitari paurṇamāsītithau dhare| uttarāphālgunīyukte caturthe kāla uttame

हे धरे! जब सूर्य तुला राशि में स्थित हो, पूर्णिमा तिथि पर, उत्तराफाल्गुनी नक्षत्र से युक्त, उत्तम चतुर्थ काल में -

श्लोक 70 (skanda.2.1.70)

पंचानामपि तीर्थानां तुंबेऽथ गिरिगह्वरे। यः स्नाति मनुजो देवि पुनर्गर्भे न जायते

paṁcānāmapi tīrthānāṁ tuṁbe'tha girigahvare| yaḥ snāti manujo devi punargarbhe na jāyate

हे देवि! उस समय पर्वत की गुफा में स्थित तुम्ब में, जो पाँचों तीर्थों में से एक है, जो मनुष्य स्नान करता है, वह पुनः गर्भ में जन्म नहीं लेता।

श्लोक 71 (skanda.2.1.71)

अग्निवाहस्थिते भानौ चित्रानक्षत्रसंयुते। पूर्णिमाख्ये तिथौ पुण्ये प्रातःकाले तथैव च। आकाशगंगासरिति स्नातो मोक्षमवाप्नुयात्

agnivāhasthite bhānau citrānakṣatrasaṁyute| pūrṇimākhye tithau puṇye prātaḥkāle tathaiva ca| ākāśagaṁgāsariti snāto mokṣamavāpnuyāt

जब सूर्य मेष राशि में, चित्रा नक्षत्र से युक्त, पवित्र पूर्णिमा तिथि पर, तथा प्रातःकाल में हो, तब आकाशगंगा नदी में स्नान करने वाला मोक्ष पाता है।

श्लोक 72 (skanda.2.1.72)

वृषभस्थे रवौ राधे द्वादश्यां रविवासरे। शुक्ले वाप्यथ वा कृष्णे पक्षे भौमसमन्विते

vṛṣabhasthe ravau rādhe dvādaśyāṁ ravivāsare| śukle vāpyatha vā kṛṣṇe pakṣe bhaumasamanvite

हे राधे! जब सूर्य वृषभ राशि में हो, द्वादशी तिथि को, रविवार के दिन, शुक्ल अथवा कृष्ण पक्ष में, मंगल से युक्त होने पर -

श्लोक 73 (skanda.2.1.73)

शुक्ले वाप्यथवा कृष्णे भानुवारेण संयुते। पुष्यनक्षत्रसंयुक्त हस्तर्क्षेण युतेऽपि वा

śukle vāpyathavā kṛṣṇe bhānuvāreṇa saṁyute| puṣyanakṣatrasaṁyukta hastarkṣeṇa yute'pi vā

शुक्ल अथवा कृष्ण पक्ष में, रविवार से युक्त, पुष्य नक्षत्र से संयुक्त, अथवा हस्त नक्षत्र से युक्त होने पर -

श्लोक 74 (skanda.2.1.74)

तीर्थे पांडवनाम्न्यत्र संगवे स्नाति यो नरः। नेह दुःखमवाप्नोति परत्र सुखमश्नुते

tīrthe pāṁḍavanāmnyatra saṁgave snāti yo naraḥ| neha duḥkhamavāpnoti paratra sukhamaśnute

जो मनुष्य संगव-काल में यहाँ पाण्डव नामक तीर्थ में स्नान करता है, उसे इस लोक में दुःख नहीं होता, और परलोक में सुख प्राप्त होता है।

श्लोक 75 (skanda.2.1.75)

शुक्ले पक्षेऽथ वा कृष्णे यार्कवारेण सप्तमी। पुष्यनक्षत्रसंयुक्ता हस्तर्क्षेण युतापि वा

śukle pakṣe'tha vā kṛṣṇe yārkavāreṇa saptamī| puṣyanakṣatrasaṁyuktā hastarkṣeṇa yutāpi vā

शुक्ल अथवा कृष्ण पक्ष में, रविवार से युक्त सप्तमी, पुष्य नक्षत्र से संयुक्त, अथवा हस्त नक्षत्र से युक्त होने पर -

श्लोक 76 (skanda.2.1.76)

तस्यां तिथौ महाभागे पापनाशनसंज्ञके। तीर्थे यः स्नाति नियमाद्भूधरेन्द्रस्य मस्तके

tasyāṁ tithau mahābhāge pāpanāśanasaṁjñake| tīrthe yaḥ snāti niyamādbhūdharendrasya mastake

उस महाभाग्यशाली तिथि पर, पर्वतराज के शिखर पर स्थित पापनाशन नामक तीर्थ में जो नियमपूर्वक स्नान करता है -

श्लोक 77 (skanda.2.1.77)

कोटिजन्मार्जितैः पापैर्मुच्यते स नरोत्तमः

koṭijanmārjitaiḥ pāpairmucyate sa narottamaḥ

वह श्रेष्ठ पुरुष करोड़ों जन्मों में अर्जित पापों से मुक्त हो जाता है।

श्लोक 78 (skanda.2.1.78)

शृणु देवि परं गुह्यमनन्ताख्ये महागिरौ। मद्दिव्यालयवायव्ये शिखरे गिरिगह्वरे। देवतीर्थमिति ख्यातं तटाकमतिशोभनम्

śṛṇu devi paraṁ guhyamanantākhye mahāgirau| maddivyālayavāyavye śikhare girigahvare| devatīrthamiti khyātaṁ taṭākamatiśobhanam

हे देवि! सुनो एक परम गुह्य रहस्य — अनंत नामक महापर्वत पर, मेरे दिव्य निवास से वायव्य दिशा में स्थित शिखर की पर्वतगुफा में देवतीर्थ नामक अत्यंत सुंदर सरोवर है।

श्लोक 79 (skanda.2.1.79)

तस्मिन्पुण्यतमे देवि स्नानकालं वदामि ते

tasminpuṇyatame devi snānakālaṁ vadāmi te

हे देवि! उस परम पवित्र तीर्थ में स्नान का समय मैं तुम्हें बताता हूँ।

श्लोक 80 (skanda.2.1.80)

गुरुपुष्ये व्यतीपाते सोमश्रवणके तथा। दिनेष्वेतेषु यः स्नाति तस्य पुण्यफलं शृणु

gurupuṣye vyatīpāte somaśravaṇake tathā| dineṣveteṣu yaḥ snāti tasya puṇyaphalaṁ śṛṇu

गुरुपुष्य, व्यतीपात तथा सोमश्रवण के दिनों में — इन दिनों स्नान करने वाले के पुण्यफल को सुनो।

श्लोक 81 (skanda.2.1.81)

यानि कानीह पापानि ज्ञानाज्ञानकृतानि च। तानि सर्वाणि नश्यंति देवतीर्थेऽतिपावने

yāni kānīha pāpāni jñānājñānakṛtāni ca| tāni sarvāṇi naśyaṁti devatīrthe'tipāvane

यहाँ ज्ञानपूर्वक अथवा अज्ञानपूर्वक किए गए जितने भी पाप हैं, वे सब अत्यंत पवित्र देवतीर्थ में नष्ट हो जाते हैं।

श्लोक 82 (skanda.2.1.82)

पुण्यान्यपि च वर्धंते देवतीर्थनिमज्जनात। दीर्घमायुरवाप्नोति पुत्रपौत्रसमन्वितः। अन्ते स्वर्गं समासाद्य चन्द्रलोके महीयते

puṇyānyapi ca vardhaṁte devatīrthanimajjanāta| dīrghamāyuravāpnoti putrapautrasamanvitaḥ| ante svargaṁ samāsādya candraloke mahīyate

देवतीर्थ में स्नान करने से पुण्य भी बढ़ता है; व्यक्ति दीर्घायु, पुत्र-पौत्रों से युक्त होकर, अंत में स्वर्ग प्राप्त कर चन्द्रलोक में सम्मानित होता है।

श्लोक 83 (skanda.2.1.83)

तद्दिनेष्वन्नदो देवि यावज्जीवान्नदो भवेत्। अतिगुह्यतमं देवि प्रोक्तं तुभ्यं वसुन्धरे

taddineṣvannado devi yāvajjīvānnado bhavet| atiguhyatamaṁ devi proktaṁ tubhyaṁ vasundhare

हे देवि! उन दिनों अन्नदान करने वाला जीवनभर अन्नदान करने के समान फल पाता है। हे देवि, हे वसुन्धरे! यह अत्यंत गुह्य रहस्य तुम्हें बताया गया।

श्लोक 84 (skanda.2.1.84)

व्यास उवाच। श्रुत्वाथ पृथिवी देवी प्रीतिप्रवणमानसा। इष्टाभिर्वाग्भिरतुलं तुष्टाव धरणीधरम्

vyāsa uvāca| śrutvātha pṛthivī devī prītipravaṇamānasā| iṣṭābhirvāgbhiratulaṁ tuṣṭāva dharaṇīdharam

व्यासजी ने कहा — यह सुनकर स्नेहपूर्ण चित्तवाली पृथ्वी देवी ने प्रिय वचनों से उस अतुलनीय धरणीधर की स्तुति की।

श्लोक 85 (skanda.2.1.85)

धरण्युवाच। नमस्ते देवदेवेश वराहवदनाच्युत। क्षीरसागरसंकाश वज्रशृंग महाभुज

dharaṇyuvāca| namaste devadeveśa varāhavadanācyuta| kṣīrasāgarasaṁkāśa vajraśṛṁga mahābhuja

धरणी ने कहा — हे देवाधिदेव! हे वराहमुख अच्युत! हे क्षीरसागर के समान कान्तिमान्, वज्रशृंग, महाभुज! आपको नमस्कार है।

श्लोक 86 (skanda.2.1.86)

उद्धृतास्मि त्वया देव कल्पादौ सागरांभसः। सहस्रबाहुना विष्णो धारयामि जगन्त्यहम्

uddhṛtāsmi tvayā deva kalpādau sāgarāṁbhasaḥ| sahasrabāhunā viṣṇo dhārayāmi jagantyaham

हे देव! कल्प के आरम्भ में आपने मुझे सागर के जल से उठाया; और हे विष्णो! आपकी सहस्र भुजाओं के सहारे मैं संसार को धारण करती हूँ।

श्लोक 87 (skanda.2.1.87)

अनेकदिव्याभरणयज्ञसूत्रविराजित। अरुणारुणांबरधर दिव्यरत्नविभूषित

anekadivyābharaṇayajñasūtravirājita| aruṇāruṇāṁbaradhara divyaratnavibhūṣita

हे अनेक दिव्य आभूषणों और यज्ञोपवीत से सुशोभित! हे उदीयमान अरुणवर्ण वस्त्र धारण करने वाले! हे दिव्य रत्नों से विभूषित!

श्लोक 88 (skanda.2.1.88)

उद्यद्भानुप्रतीकाशपादपद्म नमोनमः। बालचंद्राभदंष्ट्राग्रमहाबलपराक्रम

udyadbhānupratīkāśapādapadma namonamaḥ| bālacaṁdrābhadaṁṣṭrāgramahābalaparākrama

हे उदयाचल के सूर्य के समान कान्तिमय चरणकमलों वाले, आपको बारंबार नमस्कार है; हे बालचन्द्र के समान दंष्ट्राग्र वाले, महाबली, पराक्रमी!

श्लोक 89 (skanda.2.1.89)

दिव्यचन्दनलिप्तांग तप्तकांचनकुण्डल। इन्द्रनीलमणिद्योतिहेमांगदविभूषित

divyacandanaliptāṁga taptakāṁcanakuṇḍala| indranīlamaṇidyotihemāṁgadavibhūṣita

हे दिव्य चन्दन से लिप्त अंगों वाले, तपाए हुए स्वर्ण के कुण्डलों वाले! हे इन्द्रनीलमणि की कान्ति से युक्त सुवर्ण अंगदों से विभूषित!

श्लोक 90 (skanda.2.1.90)

वज्रदंष्ट्राग्रनिर्भिन्नहिणयाक्ष महाबल। पुण्डरीकाभिरामाक्ष सामस्वनमनोहर

vajradaṁṣṭrāgranirbhinnahiṇayākṣa mahābala| puṇḍarīkābhirāmākṣa sāmasvanamanohara

हे वज्र के समान दंष्ट्राग्र से हिरण्याक्ष को विदीर्ण करने वाले महाबली! हे पुण्डरीक के समान सुंदर नेत्रों वाले, साम-ध्वनि से मनोहर!

श्लोक 91 (skanda.2.1.91)

श्रुतिसीमन्तभूषात्मन्सर्वात्मश्चारुविक्रम। चतुराननशंभुभ्यां वन्दिताऽऽयतलोचन

śrutisīmantabhūṣātmansarvātmaścāruvikrama| caturānanaśaṁbhubhyāṁ vanditā''yatalocana

हे वेदों के सीमन्त के आभूषणस्वरूप, सर्वात्मा, सुंदर पराक्रमी! हे चतुर्मुख ब्रह्मा और शंभु द्वारा वंदित, विशाल नेत्रों वाले!

श्लोक 92 (skanda.2.1.92)

सर्वविद्यामयाकार शब्दातीत नमो नमः। आनंदविग्रहाऽनन्त कालकाल नमोनमः

sarvavidyāmayākāra śabdātīta namo namaḥ| ānaṁdavigrahā'nanta kālakāla namonamaḥ

हे सर्वविद्यामय स्वरूप, शब्दातीत! आपको बारंबार नमस्कार है। हे आनंदस्वरूप, अनंत, काल के भी काल! आपको बारंबार नमस्कार है।

श्लोक 93 (skanda.2.1.93)

इति स्तुत्वाऽचला देवी ववन्दे पादयोर्विभुम्। वन्दमाना समुद्वीक्ष्य देवः फुल्लविलोचनः

iti stutvā'calā devī vavande pādayorvibhum| vandamānā samudvīkṣya devaḥ phullavilocanaḥ

इस प्रकार स्तुति करके अचल देवी ने प्रभु के चरणों में वंदना की; वंदना करती हुई उसे देखकर प्रफुल्ल नेत्रों वाले भगवान ने -

श्लोक 94 (skanda.2.1.94)

उद्धृत्य धरणीं देवीमालिलिंगेऽथ बाहुभिः। आघ्राय धरणीवक्त्रं वामांके सन्निवेश्य च

uddhṛtya dharaṇīṁ devīmāliliṁge'tha bāhubhiḥ| āghrāya dharaṇīvaktraṁ vāmāṁke sanniveśya ca

धरणी देवी को उठाकर अपनी भुजाओं से आलिंगन किया, और उनके मुख को सूँघकर उन्हें अपनी बाईं जाँघ पर बिठा लिया।

श्लोक 95 (skanda.2.1.95)

आरुह्य गरुडेशानं जगाम वृषभाचलम्। मुनींद्रैर्नारदाद्यैश्च स्तूयमानो महीपतिः

āruhya garuḍeśānaṁ jagāma vṛṣabhācalam| munīṁdrairnāradādyaiśca stūyamāno mahīpatiḥ

गरुड़ पर आरूढ़ होकर वे पृथ्वीपति नारद आदि मुनीन्द्रों द्वारा स्तुति किए जाते हुए वृषभाचल की ओर गए।

श्लोक 96 (skanda.2.1.96)

स्वामिपुष्करिणीतीरे पश्चिमे लोकपूजिते। आस्ते वराहवदनो मुनीन्द्रैस्तत्र पूजितः। वैखानसैर्महाभागैर्ब्रह्मतुल्यैर्महात्मभिः

svāmipuṣkariṇītīre paścime lokapūjite| āste varāhavadano munīndraistatra pūjitaḥ| vaikhānasairmahābhāgairbrahmatulyairmahātmabhiḥ

लोकपूजित स्वामिपुष्करिणी के पश्चिमी तट पर वराहमुख भगवान विराजमान हैं, जहाँ वे मुनीन्द्रों तथा ब्रह्मा के समान महाभाग्यशाली, महात्मा वैखानसों द्वारा पूजित होते हैं।

श्लोक 97 (skanda.2.1.97)

व्यास उवाच। तं दृष्ट्वा नारदः सूत मुनीनामुक्तवान्पुरा। तदेतदहमश्रौषं तत्र वै मुनिसंसदि

vyāsa uvāca| taṁ dṛṣṭvā nāradaḥ sūta munīnāmuktavānpurā| tadetadahamaśrauṣaṁ tatra vai munisaṁsadi

व्यासजी ने कहा — हे सूत! उन्हें देखकर नारदजी ने पूर्वकाल में मुनियों से यह कहा था, और यही मैंने वहाँ मुनियों की सभा में सुना था।

श्लोक 98 (skanda.2.1.98)

यत्पृष्टोऽहं त्वया सूत माहात्म्यं धरणीभृताम्। मया तूक्तं यथावद्धि नारदाच्च पुरा श्रुतम्

yatpṛṣṭo'haṁ tvayā sūta māhātmyaṁ dharaṇībhṛtām| mayā tūktaṁ yathāvaddhi nāradācca purā śrutam

हे सूत! तुमने मुझसे जो पर्वतों की महिमा पूछी थी, वह मैंने ठीक वैसे ही बताई है जैसे मैंने पूर्वकाल में नारदजी से सुनी थी।

श्लोक 99 (skanda.2.1.99)

य इदं धर्मसंवादमावयोः सूत पावनम्। पठेद्वा देवपुरतो ब्राह्मणानां पुरस्तथा

ya idaṁ dharmasaṁvādamāvayoḥ sūta pāvanam| paṭhedvā devapurato brāhmaṇānāṁ purastathā

जो कोई, हे सूत! हम दोनों के इस पवित्र धर्म-संवाद को देवताओं के समक्ष अथवा ब्राह्मणों के समक्ष पढ़ता है,

श्लोक 100 (skanda.2.1.100)

सर्वेषामपि वर्णानां शृण्वतां भक्तिपूर्वकम्। स प्रतिष्ठामवाप्नोति पुत्रपौत्रैः समन्वितः

sarveṣāmapi varṇānāṁ śṛṇvatāṁ bhaktipūrvakam| sa pratiṣṭhāmavāpnoti putrapautraiḥ samanvitaḥ

अथवा भक्तिपूर्वक सुनने वाले सभी वर्णों के समक्ष पढ़ता है, वह पुत्र-पौत्रों सहित प्रतिष्ठा प्राप्त करता है।

श्लोक 101 (skanda.2.1.101)

शृण्वतामपि सर्वेषां यदिष्टं तद्भविष्यति

śṛṇvatāmapi sarveṣāṁ yadiṣṭaṁ tadbhaviṣyati

और सुनने वाले सभी लोगों की जो भी इच्छा होगी, वह अवश्य पूर्ण होगी।

श्लोक 102 (skanda.2.1.102)

सूत उवाच। इति मे भगवान्व्यासः प्रोवाच मुनिसेवितः। यथाश्रुतं मया पूर्वं कृष्णद्वैपायनाद्गुरोः

sūta uvāca| iti me bhagavānvyāsaḥ provāca munisevitaḥ| yathāśrutaṁ mayā pūrvaṁ kṛṣṇadvaipāyanādguroḥ

सूतजी ने कहा — इस प्रकार मुनियों द्वारा सेवित भगवान व्यास ने मुझसे कहा, जैसा मैंने पहले अपने गुरु कृष्णद्वैपायन से सुना था।

श्लोक 103 (skanda.2.1.103)

तत्तथा सर्वमेवात्र मयाप्युक्तं मुनीश्वराः। श्रुत्वा सूतवचस्त्वित्थं ते प्रीतमनसोऽभवन्

tattathā sarvamevātra mayāpyuktaṁ munīśvarāḥ| śrutvā sūtavacastvitthaṁ te prītamanaso'bhavan

हे मुनीश्वरो! वही सब कुछ मैंने भी यहाँ आपसे कहा है; सूत के इन वचनों को सुनकर वे प्रसन्नचित्त हो गए।

श्लोक 104 (skanda.2.1.104)

ऋषय ऊचुः। सूत त्वयोक्तं भुवि पर्वतेषु पुण्येषु पुण्यस्य महीधरस्य। माहात्म्यमस्माकमहीन्द्रनाम्नः पापापहं मोक्षफलप्रदायकम्

ṛṣaya ūcuḥ| sūta tvayoktaṁ bhuvi parvateṣu puṇyeṣu puṇyasya mahīdharasya| māhātmyamasmākamahīndranāmnaḥ pāpāpahaṁ mokṣaphalapradāyakam

ऋषियों ने कहा — हे सूत! तुमने हमें पृथ्वी के पुण्य पर्वतों में, महेन्द्र नामक इस हमारे पवित्र पर्वत की महिमा बताई, जो पाप का नाश करने वाली और मोक्षफल देने वाली है।

श्लोक 105 (skanda.2.1.105)

ततो वृषाद्रिं संप्राप्य वराहो धरणीयुतः। किमुक्तवान्धरण्यै स तन्नो ब्रूहि महामते

tato vṛṣādriṁ saṁprāpya varāho dharaṇīyutaḥ| kimuktavāndharaṇyai sa tanno brūhi mahāmate

तत्पश्चात् धरणी सहित वृषाद्रि पर पहुँचकर वराह भगवान ने धरणी से क्या कहा — हे महामते! वह हमें बताइए।