कंटेश्वर की महिमा

श्लोक 1 (skanda.5.125.1)

श्रीमहादेव उवाच। चतुःपंचाशतं विद्धि देवं कंटेश्वरं प्रिये। यस्य दर्शनमात्रेण कृतकृत्यो नरो भवेत॥

śrīmahādeva uvāca| catuḥpaṁcāśataṁ viddhi devaṁ kaṁṭeśvaraṁ priye| yasya darśanamātreṇa kṛtakṛtyo naro bhaveta||

श्रीमहादेव ने कहा - हे प्रिये! चौवनवें देव कंटेश्वर को जानो, जिनके दर्शनमात्र से मनुष्य कृतकृत्य हो जाता है।

श्लोक 2 (skanda.5.125.2)

आद्यकल्पे पुरा देवि राजाभूत्सत्यविक्रमः। स शत्रुभिर्जितः संख्ये हृतकोशोऽतिदुःखितः॥

ādyakalpe purā devi rājābhūtsatyavikramaḥ| sa śatrubhirjitaḥ saṁkhye hṛtakośo'tiduḥkhitaḥ||

हे देवी! आद्यकल्प में पूर्वकाल में सत्यविक्रम नामक राजा हुआ। वह युद्ध में शत्रुओं से पराजित हो गया, उसका कोष लूट लिया गया, और वह अत्यंत दुःखी हुआ।

श्लोक 3 (skanda.5.125.3)

वनं जगाम गहनमेकाकी श्रमकर्शितः। तत्राश्रमं ददर्शाथ वसिष्ठस्य महात्मनः॥

vanaṁ jagāma gahanamekākī śramakarśitaḥ| tatrāśramaṁ dadarśātha vasiṣṭhasya mahātmanaḥ||

वह अकेला ही घने वन में गया, थकान से क्षीण होकर; वहां उसने महात्मा वसिष्ठ के आश्रम को देखा।

श्लोक 4 (skanda.5.125.4)

तेनर्षिणा वसिष्ठेन दृष्टमात्रः स भूपतिः। पूजितो विष्टराद्येन राजार्हेण च सादरम्॥

tenarṣiṇā vasiṣṭhena dṛṣṭamātraḥ sa bhūpatiḥ| pūjito viṣṭarādyena rājārheṇa ca sādaram||

उस ऋषि वसिष्ठ ने उस राजा को देखते ही आदरपूर्वक आसन आदि राजोचित सामग्री से उसका सत्कार किया।

श्लोक 5 (skanda.5.125.5)

ज्ञात्वा तपःप्रभावेन सूर्यवंशोद्भवं नृपम्। पप्रच्छागमनं देवि कुशलं च पुनः पुनः॥

jñātvā tapaḥprabhāvena sūryavaṁśodbhavaṁ nṛpam| papracchāgamanaṁ devi kuśalaṁ ca punaḥ punaḥ||

अपने तप के प्रभाव से यह जानकर कि यह राजा सूर्यवंश में उत्पन्न है, हे देवी! उन्होंने बार-बार उसके आगमन और कुशलता के विषय में पूछा।

श्लोक 6 (skanda.5.125.6)

स नृपः कथयामास वसिष्ठाय सुदुःखितः। राज्यं च सकलं ब्रह्मन्हृतं विद्वेषिभिर्मम॥

sa nṛpaḥ kathayāmāsa vasiṣṭhāya suduḥkhitaḥ| rājyaṁ ca sakalaṁ brahmanhṛtaṁ vidveṣibhirmama||

उस अत्यंत दुःखी राजा ने वसिष्ठ से कहा - हे ब्रह्मन्! मेरा संपूर्ण राज्य शत्रुओं द्वारा छीन लिया गया है।

श्लोक 7 (skanda.5.125.7)

त्वामहं शरणं प्राप्तो दुःखैकायतनो यतः। निष्कण्टकं कथं राज्यं भविष्यति पुनः प्रभो। उपदेशप्रदानेन प्रसादं कर्तुमर्हसि॥

tvāmahaṁ śaraṇaṁ prāpto duḥkhaikāyatano yataḥ| niṣkaṇṭakaṁ kathaṁ rājyaṁ bhaviṣyati punaḥ prabho| upadeśapradānena prasādaṁ kartumarhasi||

मैं दुःख का ही आश्रयस्थल होने के कारण आपकी शरण में आया हूं। हे प्रभो! मेरा राज्य पुनः निष्कंटक कैसे होगा? उपदेश देकर मुझ पर कृपा करने की कृपा करें।

श्लोक 8 (skanda.5.125.8)

तस्य तद्वचनं श्रुत्वा वसिष्ठो भगवानृषिः। ध्यात्वा च कथयामास बहुकौतू हलान्वितः॥

tasya tadvacanaṁ śrutvā vasiṣṭho bhagavānṛṣiḥ| dhyātvā ca kathayāmāsa bahukautū halānvitaḥ||

उसके ये वचन सुनकर भगवान ऋषि वसिष्ठ ने ध्यान करके, अत्यंत कौतूहल से युक्त होकर कहा।

श्लोक 9 (skanda.5.125.9)

महाकालवनं भूप व्रज त्वं कार्यसिद्धये। दिव्या नदी वने तत्र विश्रुता भुवनत्रये॥

mahākālavanaṁ bhūpa vraja tvaṁ kāryasiddhaye| divyā nadī vane tatra viśrutā bhuvanatraye||

हे भूप! तुम अपने कार्य की सिद्धि के लिए महाकालवन जाओ। उस वन में एक दिव्य नदी है, जो त्रिभुवन में विख्यात है।

श्लोक 10 (skanda.5.125.10)

तस्यास्तीरे शुभं लिंगं पृथुकेश्वर दक्षिणे। द्रक्ष्यसे नृपशार्दूल तपस्यंतं च तापसम्। अस्थिचर्मावशेषं तु चीरवल्कलधारिणम्॥

tasyāstīre śubhaṁ liṁgaṁ pṛthukeśvara dakṣiṇe| drakṣyase nṛpaśārdūla tapasyaṁtaṁ ca tāpasam| asthicarmāvaśeṣaṁ tu cīravalkaladhāriṇam||

उसी के तट पर, पृथुकेश्वर के दक्षिण में, एक शुभ लिंग है। हे नृपशार्दूल! वहां तुम तपस्या करते हुए एक तपस्वी को देखोगे, जो हड्डी और चमड़ी मात्र शेष रह गया है और वल्कल वस्त्र धारण किए है।

श्लोक 11 (skanda.5.125.11)

वचनात्तस्य विप्रस्य वसिष्ठस्य महात्मनः। जगाम सहसा राजा महाकालवनं शुभम्॥

vacanāttasya viprasya vasiṣṭhasya mahātmanaḥ| jagāma sahasā rājā mahākālavanaṁ śubham||

उस महात्मा विप्र वसिष्ठ के वचन से राजा तुरंत ही शुभ महाकालवन को गया।

श्लोक 12 (skanda.5.125.12)

ददर्श तापसं तत्र चिरंजीविनमव्ययम्। उपवासकृतक्षामं द्वादशादित्यवर्चसम्॥

dadarśa tāpasaṁ tatra ciraṁjīvinamavyayam| upavāsakṛtakṣāmaṁ dvādaśādityavarcasam||

वहां उसने उस चिरंजीवी, अविनाशी तपस्वी को देखा, जो उपवास से कृश हो गया था, फिर भी बारह सूर्यों के समान तेजस्वी था।

श्लोक 13 (skanda.5.125.13)

तापसेन नृपो दृष्टो मित्रोऽयं मम वल्लभः। प्राप्तो राज्यपरिभ्रष्टो ज्ञात्वा वचनमब्रवीत्॥

tāpasena nṛpo dṛṣṭo mitro'yaṁ mama vallabhaḥ| prāpto rājyaparibhraṣṭo jñātvā vacanamabravīt||

तपस्वी ने राजा को देखा - यह मेरा प्रिय मित्र है; उसे राज्यभ्रष्ट होकर आया जानकर उसने यह वचन कहा।

श्लोक 14 (skanda.5.125.14)

एह्येहि नृपशार्दूल दिष्ट्या प्राप्तोऽसि मेंऽतिके। इत्युक्त्वा तापसेनैव हुंकारश्च कृतस्तदा॥

ehyehi nṛpaśārdūla diṣṭyā prāpto'si meṁ'tike| ityuktvā tāpasenaiva huṁkāraśca kṛtastadā||

आओ, आओ, हे नृपशार्दूल! सौभाग्य से तुम मेरे समीप आ पहुंचे हो। ऐसा कहकर उस तपस्वी ने तभी हुंकार किया।

श्लोक 15 (skanda.5.125.15)

तद्धुंकारात्तु पातालं भित्त्वा पंच च कन्यकाः। निर्ययुः कांचनं पीठमेका तासां प्रगृह्य वै॥

taddhuṁkārāttu pātālaṁ bhittvā paṁca ca kanyakāḥ| niryayuḥ kāṁcanaṁ pīṭhamekā tāsāṁ pragṛhya vai||

उस हुंकार से पाताल को भेदकर पांच कन्याएं निकलीं; उनमें से एक ने स्वर्ण का आसन ग्रहण कर रखा था।

श्लोक 16 (skanda.5.125.16)

भृंगारं तु गृहीत्वान्या निःसृता जलसंभृतम्। पादप्रक्षालनार्थाय तृतीया समुपस्थिता॥

bhṛṁgāraṁ tu gṛhītvānyā niḥsṛtā jalasaṁbhṛtam| pādaprakṣālanārthāya tṛtīyā samupasthitā||

दूसरी जल से भरा हुआ कलश लेकर निकली; तीसरी पैर धोने के लिए उपस्थित हुई।

श्लोक 17 (skanda.5.125.17)

अन्ये द्वे व्यजने गृह्य पार्श्वाभ्यां च व्यवस्थिते। ततो हुंकारमकरोत्पुनरेव महातपाः॥

anye dve vyajane gṛhya pārśvābhyāṁ ca vyavasthite| tato huṁkāramakarotpunareva mahātapāḥ||

अन्य दो पंखा लेकर दोनों ओर खड़ी हो गईं। फिर उस महातपस्वी ने पुनः हुंकार किया।

श्लोक 18 (skanda.5.125.18)

तेन हुंकारशब्देन देवलोकात्समागतम्। दृष्ट्वा चाप्सरसां संघं नृत्यगीतमनो हरम्॥

tena huṁkāraśabdena devalokātsamāgatam| dṛṣṭvā cāpsarasāṁ saṁghaṁ nṛtyagītamano haram||

उस हुंकार शब्द से देवलोक से आया हुआ नृत्य-गीत से मन हरने वाला अप्सराओं का समूह देखा गया।

श्लोक 19 (skanda.5.125.19)

अनंतरं ददर्शाथ लिंगं ज्योतिष्करं परम्। उत्पन्नं च जगद्यस्मिँल्लीयते सचराचरम्॥

anaṁtaraṁ dadarśātha liṁgaṁ jyotiṣkaraṁ param| utpannaṁ ca jagadyasmi~llīyate sacarācaram||

इसके बाद उसने उस परम ज्योतिर्मय लिंग को देखा, जिससे यह चराचर जगत उत्पन्न होता है और जिसमें वह लीन हो जाता है।

श्लोक 20 (skanda.5.125.20)

तद्दृष्ट्वा विस्मयाविष्टो बभूव नृपसत्तमः। प्रणम्य शिरसा विप्रं किमिदं द्विजसत्तम॥

taddṛṣṭvā vismayāviṣṭo babhūva nṛpasattamaḥ| praṇamya śirasā vipraṁ kimidaṁ dvijasattama||

यह देखकर वह श्रेष्ठ राजा विस्मय से भर गया; सिर झुकाकर उस विप्र को प्रणाम करते हुए पूछा - हे द्विजसत्तम! यह क्या है?

श्लोक 21 (skanda.5.125.21)

एवं पृष्टो नृपेणाथ स विप्रो वाक्यमब्रवीत्। सप्तजन्मानि राजेंद्र त्वयाहं परितोषितः॥

evaṁ pṛṣṭo nṛpeṇātha sa vipro vākyamabravīt| saptajanmāni rājeṁdra tvayāhaṁ paritoṣitaḥ||

राजा द्वारा इस प्रकार पूछे जाने पर उस विप्र ने यह वचन कहा - हे राजेंद्र! सात जन्मों तक तुमने मुझे संतुष्ट किया है।

श्लोक 22 (skanda.5.125.22)

अतस्ते दर्शिता माया तपसा दुष्करेण तु। लिंगस्यास्य प्रभावेण पश्य मे तपसो बलम्॥

ataste darśitā māyā tapasā duṣkareṇa tu| liṁgasyāsya prabhāveṇa paśya me tapaso balam||

इसलिए तुम्हें यह माया दिखाई गई है, दुष्कर तप से, इस लिंग के प्रभाव से। मेरे तप का बल देखो।

श्लोक 23 (skanda.5.125.23)

हुंकारेण कृता पृथ्वी जलपूर्णा तु तत्क्षणात्। हुंकाराच्च जलं ग्रस्तं मुखादग्निरजायत॥

huṁkāreṇa kṛtā pṛthvī jalapūrṇā tu tatkṣaṇāt| huṁkārācca jalaṁ grastaṁ mukhādagnirajāyata||

हुंकार से पृथ्वी तत्क्षण जल से परिपूर्ण हो गई; हुंकार से ही जल को निगल लिया गया और मुख से अग्नि उत्पन्न हुई।

श्लोक 24 (skanda.5.125.24)

हुंकारात्पृथिवी सर्वा जाता वह्निमयी तदा। संहृत्य तत्क्षणाद्वह्निं मुखाद्वायुर्विनिर्ययौ॥

huṁkārātpṛthivī sarvā jātā vahnimayī tadā| saṁhṛtya tatkṣaṇādvahniṁ mukhādvāyurviniryayau||

हुंकार से संपूर्ण पृथ्वी तभी अग्निमय हो गई; उस अग्नि का तत्क्षण संहार करके मुख से वायु निकली।

श्लोक 25 (skanda.5.125.25)

हुंकारेण कृतं सर्वं तत्क्षणादेव पार्वति। न दिशः प्रदिशो वापि न नक्षत्रग्रहास्तदा॥

huṁkāreṇa kṛtaṁ sarvaṁ tatkṣaṇādeva pārvati| na diśaḥ pradiśo vāpi na nakṣatragrahāstadā||

हे पार्वती! यह सब हुंकार से तत्क्षण ही किया गया; तब न दिशाएं थीं, न उपदिशाएं, न नक्षत्र, न ग्रह।

श्लोक 26 (skanda.5.125.26)

ततो बभ्राम तन्नास्ति स नृपो विस्मयान्वितः। चिंतयामास सहसा क्व लिंगं क्व च तापसः॥

tato babhrāma tannāsti sa nṛpo vismayānvitaḥ| ciṁtayāmāsa sahasā kva liṁgaṁ kva ca tāpasaḥ||

तब वह राजा विस्मय से युक्त होकर इधर-उधर घूमा - वहां कुछ भी नहीं था; उसने अचानक सोचा - लिंग कहां है, और तपस्वी कहां है?

श्लोक 27 (skanda.5.125.27)

एवं चिंतयतस्तस्य ततः शब्दो महानभूत्। तस्माच्छब्दाच्च संजातं पुरं प्राकारसंवृतम्॥

evaṁ ciṁtayatastasya tataḥ śabdo mahānabhūt| tasmācchabdācca saṁjātaṁ puraṁ prākārasaṁvṛtam||

उसके इस प्रकार सोचते ही एक महान शब्द हुआ; उस शब्द से प्राकार से घिरा हुआ एक नगर उत्पन्न हो गया।

श्लोक 28 (skanda.5.125.28)

सुहर्म्यकक्ष्यारचितं विशालं विशुद्धजांबूनदभूषितं च। दिव्यैर्जनैः सेवितमात्मविद्भिर्ददर्श राजा सहसा पुरं तत्॥

suharmyakakṣyāracitaṁ viśālaṁ viśuddhajāṁbūnadabhūṣitaṁ ca| divyairjanaiḥ sevitamātmavidbhirdadarśa rājā sahasā puraṁ tat||

उस राजा ने अचानक उस नगर को देखा, जो उत्तम भवनों और प्रांगणों से रचित, विशाल, शुद्ध स्वर्ण से अलंकृत, और आत्मज्ञानी दिव्य जनों द्वारा सेवित था।

श्लोक 29 (skanda.5.125.29)

भूयोभवन्महाशब्दस्तस्मात्स्त्रीयुगलं वभौ। सितवस्त्रधरा चैका कृष्णवस्त्रधरा सिता॥

bhūyobhavanmahāśabdastasmātstrīyugalaṁ vabhau| sitavastradharā caikā kṛṣṇavastradharā sitā||

फिर एक महान शब्द हुआ, जिससे दो स्त्रियां प्रकट हुईं - एक श्वेत वस्त्र धारण किए हुए, और दूसरी, सुंदर रूपवाली, काले वस्त्र धारण किए हुए।

श्लोक 30 (skanda.5.125.30)

पुनः शब्दो बभूवाथ तस्मात्पुरुषसत्तमः। द्विशिराः षण्मुखश्चैव पादैर्द्वादशभिर्युतः॥

punaḥ śabdo babhūvātha tasmātpuruṣasattamaḥ| dviśirāḥ ṣaṇmukhaścaiva pādairdvādaśabhiryutaḥ||

पुनः एक शब्द हुआ, जिससे एक श्रेष्ठ पुरुष प्रकट हुआ, जो दो सिरों, छह मुखों और बारह पैरों से युक्त था।

श्लोक 31 (skanda.5.125.31)

पुनः शब्दाच्च संजज्ञे पुरुषः सप्तधा गतः। संहृतं हि पुनस्तच्च दर्शयित्वा द्विजेन तु। प्रोक्तमित्थं विशालाक्षि जातकंटकितं नृपम्॥

punaḥ śabdācca saṁjajñe puruṣaḥ saptadhā gataḥ| saṁhṛtaṁ hi punastacca darśayitvā dvijena tu| proktamitthaṁ viśālākṣi jātakaṁṭakitaṁ nṛpam||

पुनः शब्द से ही एक पुरुष उत्पन्न हुआ, जो सात रूपों में विभक्त हो गया; उसे भी दिखाकर उस विप्र ने पुनः संहृत कर लिया। हे विशालाक्षि! इस प्रकार रोमांचित हुए राजा से यह कहा गया।

श्लोक 32 (skanda.5.125.32)

पश्य लोकमिमं मह्यं तपसा निर्मितं नृप। त्वत्प्रियार्थमयं लोको दर्शितस्ते नृपोत्तम॥

paśya lokamimaṁ mahyaṁ tapasā nirmitaṁ nṛpa| tvatpriyārthamayaṁ loko darśitaste nṛpottama||

हे राजन्! मेरे इस तप से निर्मित लोक को देखो। हे नृपोत्तम! यह लोक तुम्हारी प्रसन्नता के लिए ही दिखाया गया है।

श्लोक 33 (skanda.5.125.33)

एवमुक्तस्तदा तेन तापसेन नराधिपः। विस्मयापन्नहृदयः पप्रच्छ प्रयतः सुधीः॥

evamuktastadā tena tāpasena narādhipaḥ| vismayāpannahṛdayaḥ papraccha prayataḥ sudhīḥ||

उस तपस्वी द्वारा इस प्रकार कहे जाने पर, विस्मित हृदय वाले उस सुधी राजा ने संयत होकर पूछा।

श्लोक 34 (skanda.5.125.34)

भगवन्सितकृष्णे द्वे के स्त्रियौ द्विजस त्तम। कोऽसौ द्वादशपाद्विप्र द्विशिराः षण्मुखः पुनः॥

bhagavansitakṛṣṇe dve ke striyau dvijasa ttama| ko'sau dvādaśapādvipra dviśirāḥ ṣaṇmukhaḥ punaḥ||

हे भगवन्! हे द्विजसत्तम! ये श्वेत और श्याम दो स्त्रियां कौन हैं? हे विप्र! वह बारह पैरों, दो सिरों और छह मुखों वाला कौन है?

श्लोक 35 (skanda.5.125.35)

कश्चासौ पुरुषो ब्रह्मन्य एकः सप्तधाऽभवत्। तस्य तद्वचनं श्रुत्वा कथयामास तापसः॥

kaścāsau puruṣo brahmanya ekaḥ saptadhā'bhavat| tasya tadvacanaṁ śrutvā kathayāmāsa tāpasaḥ||

हे ब्रह्मन्! वह कौन पुरुष है जो एक होकर भी सात रूपों में हो गया? उसके ये वचन सुनकर तपस्वी ने कहा।

श्लोक 36 (skanda.5.125.36)

एते स्त्रियौ त्वया दृष्टे सितकृष्णे नृपोत्तम। ते च रात्र्यहनी प्रोक्ते ब्रह्मणा निर्मिते पुरा॥

ete striyau tvayā dṛṣṭe sitakṛṣṇe nṛpottama| te ca rātryahanī prokte brahmaṇā nirmite purā||

हे नृपोत्तम! तुमने जो ये श्वेत और श्याम दो स्त्रियां देखीं, वे रात्रि और दिन कही गई हैं, जिन्हें ब्रह्मा ने पूर्वकाल में रचा था।

श्लोक 37 (skanda.5.125.37)

शीर्षद्वयं च यद्दृष्टं तेऽयने द्वे प्रकीर्तिते। मुखानि यानि दृष्टानि षट् च ते ह्यृतवः स्मृताः। पादा द्वादश ये दृष्टा मासा द्वादश ते स्मृताः॥

śīrṣadvayaṁ ca yaddṛṣṭaṁ te'yane dve prakīrtite| mukhāni yāni dṛṣṭāni ṣaṭ ca te hyṛtavaḥ smṛtāḥ| pādā dvādaśa ye dṛṣṭā māsā dvādaśa te smṛtāḥ||

जो दो सिर तुमने देखे, वे दोनों अयन कहे गए हैं; जो छह मुख देखे, वे छह ऋतुएं स्मरण की जाती हैं; और जो बारह पैर देखे, वे बारह मास स्मरण किए जाते हैं।

श्लोक 38 (skanda.5.125.38)

यः पुमान्सप्तधा जात एकीभूतो नरेश्वर। स समुद्रस्तु विज्ञेयः सप्तधैको व्यवस्थितः॥

yaḥ pumānsaptadhā jāta ekībhūto nareśvara| sa samudrastu vijñeyaḥ saptadhaiko vyavasthitaḥ||

हे नरेश्वर! जो पुरुष एक होकर भी सात रूपों में उत्पन्न हुआ, उसे समुद्र जानो, जो एक होकर भी सात रूपों में स्थित है।

श्लोक 39 (skanda.5.125.39)

एतत्संवत्सरं चक्रं त्वत्प्रियार्थं निदर्शितम्। एवं विदित्वा राजेंद्र न शोकं कर्तुमर्हसि॥

etatsaṁvatsaraṁ cakraṁ tvatpriyārthaṁ nidarśitam| evaṁ viditvā rājeṁdra na śokaṁ kartumarhasi||

यह संवत्सर-चक्र तुम्हारी प्रसन्नता के लिए दिखाया गया है। हे राजेंद्र! यह जानकर तुम्हें शोक नहीं करना चाहिए।

श्लोक 40 (skanda.5.125.40)

सर्वो विनश्वरो लोकः सदेवासुरमानुषः। मया दृष्टो हि बहुशो लिंगस्यास्य प्रभावतः॥

sarvo vinaśvaro lokaḥ sadevāsuramānuṣaḥ| mayā dṛṣṭo hi bahuśo liṁgasyāsya prabhāvataḥ||

देव, असुर और मनुष्यों सहित यह संपूर्ण लोक नाशवान है - यह मैंने इस लिंग के प्रभाव से बार-बार देखा है।

श्लोक 41 (skanda.5.125.41)

कुरु शत्रुविनाशाय लिंग स्यास्य च दर्शनम्। राज्यं निष्कण्टकं राजन्भविप्यति न संशयः॥

kuru śatruvināśāya liṁga syāsya ca darśanam| rājyaṁ niṣkaṇṭakaṁ rājanbhavipyati na saṁśayaḥ||

शत्रुओं के विनाश के लिए इस लिंग का दर्शन करो। हे राजन्! तुम्हारा राज्य निःसंदेह निष्कंटक हो जाएगा।

श्लोक 42 (skanda.5.125.42)

एवमुक्तस्तदा राजा दृष्टवाँल्लिंगमुत्तमम्। दर्शनात्तस्य लिंगस्य कण्टका ये महीभृतः। विद्वेषिणो मृतास्तेऽपि श्रुतास्तेन महीभृता॥

evamuktastadā rājā dṛṣṭavā~lliṁgamuttamam| darśanāttasya liṁgasya kaṇṭakā ye mahībhṛtaḥ| vidveṣiṇo mṛtāste'pi śrutāstena mahībhṛtā||

इस प्रकार कहे जाने पर उस राजा ने उस उत्तम लिंग का दर्शन किया; उस लिंग के दर्शन से राजाओं के कंटकरूप द्वेषी शत्रु मर गए - यह भी उस राजा ने सुना।

श्लोक 43 (skanda.5.125.43)

गतस्तं विषयं राजा चक्रवर्ती बभूव ह। लिंगस्यास्य प्रभावेन राज्यं कृत्वा महाधनैः॥

gatastaṁ viṣayaṁ rājā cakravartī babhūva ha| liṁgasyāsya prabhāvena rājyaṁ kṛtvā mahādhanaiḥ||

राजा अपने राज्य में जाकर चक्रवर्ती हो गया; इस लिंग के प्रभाव से महाधनों सहित राज्य करके—

श्लोक 44 (skanda.5.125.44)

यज्ञैश्च विविधैरिष्ट्वा परं निर्वाणमाप्तवान्। तापसेन श्रुतं सर्वं दृष्टं ध्यानेन तेन वै॥

yajñaiśca vividhairiṣṭvā paraṁ nirvāṇamāptavān| tāpasena śrutaṁ sarvaṁ dṛṣṭaṁ dhyānena tena vai||

—और विविध यज्ञों का अनुष्ठान करके उसने परम निर्वाण प्राप्त किया। यह सब उस तपस्वी ने अपने ध्यान से सुना और देखा।

श्लोक 45 (skanda.5.125.45)

लब्धं निष्कण्टकं राज्यं लिंगस्यास्य च दर्शनात्। मम मित्रेण सहसा राज्यभ्रष्टेन तेन वै॥

labdhaṁ niṣkaṇṭakaṁ rājyaṁ liṁgasyāsya ca darśanāt| mama mitreṇa sahasā rājyabhraṣṭena tena vai||

मेरे उस मित्र ने, जो सहसा राज्यभ्रष्ट हो गया था, इस लिंग के दर्शन से ही निष्कंटक राज्य प्राप्त किया।

श्लोक 46 (skanda.5.125.46)

अतो नाम सुविख्यातं कण्टेश्वर इति क्षितौ। भविष्यति न संदेहो दर्शनाद्राज्यदायकः॥

ato nāma suvikhyātaṁ kaṇṭeśvara iti kṣitau| bhaviṣyati na saṁdeho darśanādrājyadāyakaḥ||

इसलिए पृथ्वी पर उसका सुविख्यात नाम कंटेश्वर होगा - निःसंदेह, दर्शनमात्र से राज्य देने वाला।

श्लोक 47 (skanda.5.125.47)

अद्यप्रभृति पश्यन्ति देवं कण्टेश्वरं शिवम्। तेषां च कण्टकाः सद्यो विनश्यन्ति न संशयः॥

adyaprabhṛti paśyanti devaṁ kaṇṭeśvaraṁ śivam| teṣāṁ ca kaṇṭakāḥ sadyo vinaśyanti na saṁśayaḥ||

आज से जो भी देव कंटेश्वर शिव का दर्शन करेंगे, उनके कंटक निःसंदेह तत्काल नष्ट हो जाएंगे।

श्लोक 48 (skanda.5.125.48)

नैमिषेथ कुरुक्षेत्रे गंगाद्वारे च पुष्करे। स्नानात्संसेवनाद्वापि यत्पुण्यं च भविष्यति। तत्पुण्यं भविता सम्यक्छ्रीगणेश्वरदर्शनात्॥

naimiṣetha kurukṣetre gaṁgādvāre ca puṣkare| snānātsaṁsevanādvāpi yatpuṇyaṁ ca bhaviṣyati| tatpuṇyaṁ bhavitā samyakchrīgaṇeśvaradarśanāt||

नैमिष, कुरुक्षेत्र, गंगाद्वार और पुष्कर में स्नान अथवा सेवा से जो पुण्य प्राप्त होगा, वही पुण्य श्रीगणेश्वर के दर्शन से भलीभांति प्राप्त होगा।

श्लोक 49 (skanda.5.125.49)

गृहिणो लिंगिनो वापि ये पश्यंति यतव्रताः। देवं कण्टेश्वरं भक्त्या तेषां सिद्धिर्भविष्यति॥

gṛhiṇo liṁgino vāpi ye paśyaṁti yatavratāḥ| devaṁ kaṇṭeśvaraṁ bhaktyā teṣāṁ siddhirbhaviṣyati||

गृहस्थ हों अथवा लिंगधारी संन्यासी, जो भी संयमव्रती होकर देव कंटेश्वर का भक्तिपूर्वक दर्शन करेंगे, उन्हें सिद्धि प्राप्त होगी।

श्लोक 50 (skanda.5.125.50)

जन्मांतरसहस्रेण यत्पापं पूर्वसंचितम्। तत्सर्वं यास्यति क्षिप्रं श्रीकण्टेश्वरदर्शनात्॥

janmāṁtarasahasreṇa yatpāpaṁ pūrvasaṁcitam| tatsarvaṁ yāsyati kṣipraṁ śrīkaṇṭeśvaradarśanāt||

हजार पूर्वजन्मों में जो पाप संचित हुआ हो, वह सब श्रीकंटेश्वर के दर्शन से शीघ्र नष्ट हो जाएगा।

श्लोक 51 (skanda.5.125.51)

दत्तं जप्तं हुतं चेष्टं तपस्तप्तं कृतं च यत्। ध्यानमध्ययनं चैव सर्वं भवति चाक्षयम्॥

dattaṁ japtaṁ hutaṁ ceṣṭaṁ tapastaptaṁ kṛtaṁ ca yat| dhyānamadhyayanaṁ caiva sarvaṁ bhavati cākṣayam||

जो कुछ दान दिया गया हो, जप किया गया हो, हवन किया गया हो, इष्ट किया गया हो, तप तपा गया हो, कर्म किया गया हो, तथा ध्यान और अध्ययन - वह सब अक्षय हो जाता है।

श्लोक 52 (skanda.5.125.52)

एवं ब्रुवाणं तं विप्रं तापसं संशितव्रतम्। लिंगेनोक्तं विशालाक्षि तुष्टेन वरपूर्वकम्॥

evaṁ bruvāṇaṁ taṁ vipraṁ tāpasaṁ saṁśitavratam| liṁgenoktaṁ viśālākṣi tuṣṭena varapūrvakam||

इस प्रकार कहने वाले उस दृढ़व्रती विप्र तपस्वी से, हे विशालाक्षि! प्रसन्न हुए उस लिंग ने वर देते हुए कहा।

श्लोक 53 (skanda.5.125.53)

जरारोगविनिर्मुक्तः सर्वशोकविवर्जितः। भविष्यति गणाध्यक्षो वरदः सर्वपूजितः। अवध्यश्चापि सर्वेषां योगैश्वर्यसमन्वितः॥

jarārogavinirmuktaḥ sarvaśokavivarjitaḥ| bhaviṣyati gaṇādhyakṣo varadaḥ sarvapūjitaḥ| avadhyaścāpi sarveṣāṁ yogaiśvaryasamanvitaḥ||

जरा और रोग से मुक्त, समस्त शोक से रहित होकर तुम गणों के अध्यक्ष, वरदाता, सबके द्वारा पूजित, सबके लिए अवध्य तथा योगैश्वर्य से संपन्न होगे।

श्लोक 54 (skanda.5.125.54)

एवमुक्तोऽथ लिंगेन तापसो गणतां गतः। गणैः परिवृतो देवि मम पार्श्वमुपागतः॥

evamukto'tha liṁgena tāpaso gaṇatāṁ gataḥ| gaṇaiḥ parivṛto devi mama pārśvamupāgataḥ||

इस प्रकार लिंग द्वारा कहे जाने पर वह तपस्वी गणपद को प्राप्त हुआ; हे देवी! गणों से घिरा हुआ वह मेरे समीप आ गया।

श्लोक 55 (skanda.5.125.55)

अन्धकेन पुरा युद्धे सिंहनादो यदा कृतः। तदा देवि मदीयं तु जातं कण्टकितं वपुः॥

andhakena purā yuddhe siṁhanādo yadā kṛtaḥ| tadā devi madīyaṁ tu jātaṁ kaṇṭakitaṁ vapuḥ||

जब पूर्वकाल में अंधकासुर के साथ युद्ध में सिंहनाद किया गया था, तब हे देवी! मेरा शरीर रोमांचित (कंटकित) हो गया था।

श्लोक 56 (skanda.5.125.56)

उत्पन्नं च तदा लिंगमशेषारिविनाशनम्। देवानां कण्टका ये च दग्धा लिंगाग्निना यतः। अतः कंटेश्वरो देवो विख्यातो भुवनत्रये॥

utpannaṁ ca tadā liṁgamaśeṣārivināśanam| devānāṁ kaṇṭakā ye ca dagdhā liṁgāgninā yataḥ| ataḥ kaṁṭeśvaro devo vikhyāto bhuvanatraye||

तभी संपूर्ण शत्रुओं का नाश करने वाला वह लिंग उत्पन्न हुआ; और चूंकि देवताओं के कंटकरूप शत्रु उस लिंग की अग्नि से जल गए, इसीलिए यह देव त्रिभुवन में कंटेश्वर के नाम से विख्यात हुआ।

श्लोक 57 (skanda.5.125.57)

एष ते कथितो देवि प्रभावः पापनाशनः। कंटेश्वरस्य देवस्य शृणु सिंहेश्वरं परम्॥

eṣa te kathito devi prabhāvaḥ pāpanāśanaḥ| kaṁṭeśvarasya devasya śṛṇu siṁheśvaraṁ param||

हे देवी! यह मैंने तुम्हें भगवान कंटेश्वर का पापनाशक प्रभाव बताया; अब सुनो परम सिंहेश्वर के विषय में।