चित्रेश्वरमाहात्म्यवर्णनम्

श्लोक 1 (skanda.7.142.1)

ईश्वर उवाच। ततो गच्छेन्महादेवि चित्रेश्वरमनुत्तमम्। धनुषां सप्तके तस्य स्थितमाग्नेयदक्षिणे

īśvara uvāca| tato gacchenmahādevi citreśvaramanuttamam| dhanuṣāṁ saptake tasya sthitamāgneyadakṣiṇe

ईश्वर ने कहा—हे महादेवि, तदनन्तर उस अनुपम चित्रेश्वर के पास जाना चाहिए, जो उसी स्थान से आग्नेय-दक्षिण दिशा में सात धनुष की दूरी पर स्थित है।

श्लोक 2 (skanda.7.142.2)

लिंगं महाप्रभावं हि सर्वपातकनाशनम्। तत्र चित्रेश्वरं पूज्य नरकान्न भवेद्भयम्

liṁgaṁ mahāprabhāvaṁ hi sarvapātakanāśanam| tatra citreśvaraṁ pūjya narakānna bhavedbhayam

वह लिंग अत्यन्त प्रभावशाली और समस्त पापों का नाश करने वाला है; वहाँ चित्रेश्वर की पूजा करने पर नरक का भय नहीं रहता।

श्लोक 3 (skanda.7.142.3)

पटस्थितं तस्य पापं चित्रो मार्जयति प्रिये। तस्मात्सर्वप्रयत्नेन चित्रेशं पूजयेत्सदा। यः स्यात्पापयुतो वापि नरकं नैव पश्यति

paṭasthitaṁ tasya pāpaṁ citro mārjayati priye| tasmātsarvaprayatnena citreśaṁ pūjayetsadā| yaḥ syātpāpayuto vāpi narakaṁ naiva paśyati

हे प्रिये, चित्र उस पूजक के पट पर अंकित पाप को मिटा देता है; अतः सर्वप्रयत्न से सदा चित्रेश की पूजा करनी चाहिए; जो पापयुक्त भी हो, वह भी कभी नरक नहीं देखता।