नागरार्क माहात्म्य वर्णन

श्लोक 1 (skanda.7.239.1)

ईश्वर उवाच। ततो गच्छेन्महादेवि हिरण्यापार्श्वतः स्थितम्। प्रत्युक्तं नागरादित्यं सर्वव्याधिविनाशनम्

īśvara uvāca| tato gacchenmahādevi hiraṇyāpārśvataḥ sthitam| pratyuktaṁ nāgarādityaṁ sarvavyādhivināśanam

ईश्वर ने कहा—हे महादेवी, इसके बाद हिरण्या नदी के किनारे स्थित, जिसका पहले उल्लेख किया जा चुका है, उस नागरादित्य के पास जाना चाहिए, जो समस्त रोगों का नाश करने वाला है।

श्लोक 2 (skanda.7.239.2)

पुरा सत्राजिता राज्ञा द्वारवत्यां गतेन तु। आराधितो भास्करोऽभूद्यादवेन महात्मना

purā satrājitā rājñā dvāravatyāṁ gatena tu| ārādhito bhāskaro'bhūdyādavena mahātmanā

प्राचीन काल में द्वारका में रहने वाले राजा सत्राजित नामक महात्मा यादव ने भगवान सूर्य की आराधना की थी।

श्लोक 3 (skanda.7.239.3)

महाव्रतमुपास्थाय निघ्नपुत्रेण धीमता। तस्य तुष्टस्तदा भानुः स्यमन्तकमणिं ददौ

mahāvratamupāsthāya nighnaputreṇa dhīmatā| tasya tuṣṭastadā bhānuḥ syamantakamaṇiṁ dadau

बुद्धिमान् निघ्नपुत्र सत्राजित ने कठोर महाव्रत का पालन करते हुए सूर्यदेव की आराधना की, जिससे प्रसन्न होकर भगवान भानु ने उसे स्यमन्तक मणि प्रदान की।

श्लोक 4 (skanda.7.239.4)

स मणिः सवते नित्यं भारानष्टौ दिनेदिने। सुवर्णस्य सुशुद्धस्य भक्त्या व्रततपोयुतः

sa maṇiḥ savate nityaṁ bhārānaṣṭau dinedine| suvarṇasya suśuddhasya bhaktyā vratatapoyutaḥ

वह मणि प्रतिदिन आठ भार अत्यंत शुद्ध सुवर्ण उत्पन्न करती थी; भक्तिपूर्वक व्रत और तप में लगे रहने के फलस्वरूप यह वर उसे प्राप्त हुआ था।

श्लोक 5 (skanda.7.239.5)

भूयोऽपि भानुना प्रोक्तो वरं ब्रूहि वरानने। स चाह देवदेवेशं भास्करं वारितस्करम्

bhūyo'pi bhānunā prokto varaṁ brūhi varānane| sa cāha devadeveśaṁ bhāskaraṁ vāritaskaram

हे वरानने, भानु ने पुनः उससे वर माँगने को कहा; तब उसने चोरों के भय को दूर रखने वाले देवाधिदेव भास्कर से यह कहा—

श्लोक 6 (skanda.7.239.6)

यदि तुष्टोऽसि मे देव वरदानं करोषि च। अत्रैव चाश्रमे पुण्ये नित्यं संनिहितो भव

yadi tuṣṭo'si me deva varadānaṁ karoṣi ca| atraiva cāśrame puṇye nityaṁ saṁnihito bhava

हे देव, यदि आप मुझसे प्रसन्न हैं और मुझे वर देना चाहते हैं, तो कृपया इसी पवित्र आश्रम में सदैव प्रत्यक्ष रूप में निवास करें।

श्लोक 7 (skanda.7.239.7)

एवं भविष्यतीत्युक्त्वा सूर्यः सत्राजितं नृपम्। अभिनंद्य वरं तस्य तत्रैवादर्शनं गतः

evaṁ bhaviṣyatītyuktvā sūryaḥ satrājitaṁ nṛpam| abhinandya varaṁ tasya tatraivādarśanaṁ gataḥ

'ऐसा ही होगा' यह कहकर सूर्यदेव ने राजा सत्राजित के इस वर की सराहना की और वहीं अंतर्धान हो गए।

श्लोक 8 (skanda.7.239.8)

तेनापि निघ्नपुत्रेण देवदेवस्य भास्वतः। स्थापिता प्रतिमा शुभ्रा तत्रैव वरवर्णिनि

tenāpi nighnaputreṇa devadevasya bhāsvataḥ| sthāpitā pratimā śubhrā tatraiva varavarṇini

हे वरवर्णिनि, तब निघ्नपुत्र सत्राजित ने भी वहीं देवाधिदेव भास्वान् की एक उज्ज्वल प्रतिमा स्थापित की।

श्लोक 9 (skanda.7.239.9)

शंखदुंदुभिनिर्घोषैर्ब्रह्मघोषैश्चपुष्कलैः। ततस्तुनागरान्सर्वान्समाहूय द्विजोत्तमान्। अब्रवीत्प्रणतो भूत्वा दत्त्वा वृत्तिमनुत्तमाम्

śaṅkhaduṁdubhinirghoṣairbrahmaghoṣaiśca puṣkalaiḥ| tatastu nāgarān sarvān samāhūya dvijottamān| abravītpraṇato bhūtvā dattvā vṛttimanuttamām

शंख और दुन्दुभि की ध्वनियों तथा वेदघोष की प्रचुर गूँज के साथ, उसने फिर नागर नामक समस्त श्रेष्ठ ब्राह्मणों को बुलाकर उन्हें उत्तम वृत्ति प्रदान की और नतमस्तक होकर यह कहा—

श्लोक 10 (skanda.7.239.10)

युष्मत्पादप्रसादेन सूर्यस्यानुग्रहेण वै। साधयित्वा तपश्चोग्रं स्थापिता प्रतिमा मया

yuṣmatpādaprasādena sūryasyānugraheṇa vai| sādhayitvā tapaścograṁ sthāpitā pratimā mayā

'आप लोगों के चरणों की कृपा से और सूर्यदेव के अनुग्रह से ही मैंने उग्र तप का अनुष्ठान करके यह प्रतिमा स्थापित की है।'

श्लोक 11 (skanda.7.239.11)

इंद्रलोकादिहानीता जित्वा शक्रं सुरारिणा। दशाननस्य पुत्रेण लंकायां स्थापिता पुरा

indralokādihānītā jitvā śakraṁ surāriṇā| daśānanasya putreṇa laṅkāyāṁ sthāpitā purā

पूर्वकाल में दशानन (रावण) के पुत्र ने, देवताओं का शत्रु होने के कारण, इंद्र को जीतकर इसे इंद्रलोक से यहाँ ले आकर लंका में स्थापित किया था।

श्लोक 12 (skanda.7.239.12)

तं निहत्य तु रामेण लक्ष्मणानुगतेन वै। अयोध्यायां समानीता सौमित्रिजयलक्षिका

taṁ nihatya tu rāmeṇa lakṣmaṇānugatena vai| ayodhyāyāṁ samānītā saumitrijayalakṣikā

उसे लक्ष्मणसहित श्रीराम ने युद्ध में मारकर, विजय की सूचक इस प्रतिमा को अयोध्या ले आए।

श्लोक 13 (skanda.7.239.13)

मित्रावरुणपुत्राय वसिष्ठाय समर्पिता। तेनापि मम तुष्टेन द्वारकायां निवेदिता

mitrāvaruṇaputrāya vasiṣṭhāya samarpitā| tenāpi mama tuṣṭena dvārakāyāṁ niveditā

फिर उन्होंने इसे मित्रावरुण-पुत्र वसिष्ठ मुनि को अर्पित कर दिया, और उन्होंने भी प्रसन्न होकर मुझे यह द्वारका में सौंप दी।

श्लोक 14 (skanda.7.239.14)

मयापि स्थापिता चात्र ज्ञात्वा क्षेत्रमनुत्तमम्। किमत्र बहुनोक्तेन भवद्भिः सर्वथैव हि

mayāpi sthāpitā cātra jñātvā kṣetramanuttamam| kimatra bahunoktena bhavadbhiḥ sarvathaiva hi

और मैंने भी इस क्षेत्र को सर्वश्रेष्ठ जानकर यहाँ इसे स्थापित किया है। अब इस विषय में अधिक कहने से क्या लाभ, आप सब लोगों को सर्वथा ही—

श्लोक 15 (skanda.7.239.15)

परिपाल्या प्रयत्नेन यावच्चंद्रार्कतारकम्। तस्माद्युष्माकमादिष्टा प्रतिमेयं मया शुभा

paripālyā prayatnena yāvaccandrārkatārakam| tasmādyuṣmākamādiṣṭā pratimeyaṁ mayā śubhā

जब तक चंद्रमा, सूर्य और तारे विद्यमान रहें, तब तक प्रयत्नपूर्वक इसकी रक्षा करते रहें। इसीलिए मैंने यह शुभ प्रतिमा आप लोगों को सौंपी है।

श्लोक 16 (skanda.7.239.16)

नागराणां तु विप्राणां सोमेशपुरवासिनाम्। तस्मान्नाम मया दत्तं नागरादित्यमेव हि

nāgarāṇāṁ tu viprāṇāṁ someśapuravāsinām| tasmānnāma mayā dattaṁ nāgarādityameva hi

चूँकि यह सोमेश्वरपुर में रहने वाले नागर ब्राह्मणों को सौंपी गई है, इसलिए मैंने इसका नाम 'नागरादित्य' रखा है।

श्लोक 17 (skanda.7.239.17)

ब्राह्मणा ऊचुः। सर्वमेव करिष्यामो देवस्य परिपालनम्। यावन्मही च चंद्रार्कौ यावत्तिष्ठति सागरः। तावत्ते ह्यक्षया कीर्तिः स्थाने चास्मिन्भविष्यति

brāhmaṇā ūcuḥ| sarvameva kariṣyāmo devasya paripālanam| yāvanmahī ca candrārkau yāvattiṣṭhati sāgaraḥ| tāvatte hyakṣayā kīrtiḥ sthāne cāsminbhaviṣyati

ब्राह्मणों ने कहा—हम इस देव की सम्पूर्ण रक्षा अवश्य करेंगे। जब तक यह पृथ्वी, सूर्य-चंद्र और समुद्र विद्यमान रहेंगे, तब तक इस स्थान पर आपकी कीर्ति अक्षय बनी रहेगी।

श्लोक 18 (skanda.7.239.18)

एवमुक्त्वा तु ते सर्वे नागरा द्विजपुंगवाः। राजापि तुष्टः प्रययौ तदा द्वारवतीं पुरीम्

evamuktvā tu te sarve nāgarā dvijapuṅgavāḥ| rājāpi tuṣṭaḥ prayayau tadā dvāravatīṁ purīm

यह कहकर वे सभी श्रेष्ठ नागर ब्राह्मण चले गए, और राजा सत्राजित भी संतुष्ट होकर उस समय द्वारकापुरी लौट गए।

श्लोक 19 (skanda.7.239.19)

ईश्वर उवाच। शृणु देवि प्रवक्ष्यामि तस्मिन्दृष्टे तु यत्फलम्। गोशतस्य प्रयागेषु सम्यग्दत्तस्य यत्फलम्। तत्फलं समवाप्नोति नागरार्कस्य दर्शनात्

īśvara uvāca| śṛṇu devi pravakṣyāmi tasmindṛṣṭe tu yatphalam| gośatasya prayāgeṣu samyagdattasya yatphalam| tatphalaṁ samavāpnoti nāgarārkasya darśanāt

ईश्वर ने कहा—हे देवी, सुनो, अब मैं यह बताऊँगा कि उसके दर्शन का क्या फल है। प्रयाग में सौ गौओं का विधिपूर्वक दान करने से जो फल प्राप्त होता है, वही फल नागरार्क के दर्शन मात्र से प्राप्त हो जाता है।

श्लोक 20 (skanda.7.239.20)

दारिद्र्यदुःखशोकार्त्तेः कोन्योस्ति हरणक्षमः। प्रभासे पावने क्षेत्रे मुक्त्वा नागरभास्करम्

dāridryaduḥkhaśokārtteḥ ko'nyo'sti haraṇakṣamaḥ| prabhāse pāvane kṣetre muktvā nāgarabhāskaram

इस पवित्र प्रभासक्षेत्र में नागरभास्कर के अतिरिक्त और कौन है जो दरिद्रता, दुःख और शोक की पीड़ा को दूर करने में समर्थ हो?

श्लोक 21 (skanda.7.239.21)

बंधकुष्ठादिकं दुःखं ये भजंत्यल्पबुद्धयः। तत्र ते नैव जानंति वैद्यं नागरभास्करम्

bandhakuṣṭhādikaṁ duḥkhaṁ ye bhajaṁtyalpabuddhayaḥ| tatra te naiva jānaṁti vaidyaṁ nāgarabhāskaram

जो अल्पबुद्धि लोग बंधन, कुष्ठ आदि दुःखों को भोगते रहते हैं, वे यह नहीं जानते कि नागरभास्कर ही उनके लिए सच्चे वैद्य हैं।

श्लोक 22 (skanda.7.239.22)

स्नात्वा हिरण्यातोयेन यस्तं पूजयते नरः। कल्पकोटिसहस्राणि सूर्यलोके महीयते

snātvā hiraṇyātoyena yastaṁ pūjayate naraḥ| kalpakoṭisahasrāṇi sūryaloke mahīyate

जो मनुष्य हिरण्या नदी के जल में स्नान करके उसकी पूजा करता है, वह हजारों करोड़ों कल्पों तक सूर्यलोक में पूजित होता है।

श्लोक 23 (skanda.7.239.23)

शुक्लपक्षे तु सप्तम्यां यदा संक्रमते रविः। महाजया तदा ख्याता सप्तमी भास्करप्रिया

śuklapakṣe tu saptamyāṁ yadā saṁkramate raviḥ| mahājayā tadā khyātā saptamī bhāskarapriyā

शुक्ल पक्ष की सप्तमी को जब सूर्य संक्रांति करता है, तब वह सप्तमी 'महाजया' कहलाती है और भास्कर को अत्यंत प्रिय होती है।

श्लोक 24 (skanda.7.239.24)

स्नानं दानं जपो होमः पितृदेवाभिपूजनम्। सर्वं कोटिगुणं प्रोक्तं भास्करस्यवचो यथा

snānaṁ dānaṁ japo homaḥ pitṛdevābhipūjanam| sarvaṁ koṭiguṇaṁ proktaṁ bhāskarasya vaco yathā

उस दिन किया गया स्नान, दान, जप, होम और पितरों तथा देवताओं की पूजा—यह सब भास्कर के वचनानुसार करोड़ गुना फलदायी कहा गया है।

श्लोक 25 (skanda.7.239.25)

एकं यो भोजयेत्तत्र ब्राह्मणं सूर्यसंनिधौ। कोटिभोज्यं कृतं तेन इत्याह भगवान्हरिः

ekaṁ yo bhojayettatra brāhmaṇaṁ sūryasaṁnidhau| koṭibhojyaṁ kṛtaṁ tena ityāha bhagavānhariḥ

जो व्यक्ति वहाँ सूर्य के समीप एक भी ब्राह्मण को भोजन कराता है, उसने मानो करोड़ों ब्राह्मणों को भोजन कराया है—ऐसा भगवान् हरि ने कहा है।

श्लोक 26 (skanda.7.239.26)

एतन्मया ते कथितं पुरा नोक्तं वरानने। यः शृणोति नरो भक्त्या स गच्छेद्भास्करं पदम्

etanmayā te kathitaṁ purā noktaṁ varānane| yaḥ śṛṇoti naro bhaktyā sa gacchedbhāskaraṁ padam

हे वरानने, यह मैंने तुम्हें बताया, जो पहले कभी नहीं कहा गया था। जो मनुष्य इसे भक्तिपूर्वक सुनता है, वह भास्कर के परमपद को प्राप्त करता है।

श्लोक 27 (skanda.7.239.27)

सूर्यस्य देवि नामानि रहस्यानि शृणुश्व मे। अलं नामसहस्रेण पठस्वैनं शुभं स्तवम्

sūryasya devi nāmāni rahasyāni śṛṇuśva me| alaṁ nāmasahasreṇa paṭhasvainaṁ śubhaṁ stavam

हे देवी, अब सूर्य के गुह्य नामों को मुझसे सुनो। सहस्र नामों के जप की आवश्यकता नहीं है—इस शुभ स्तोत्र का ही पाठ करो।

श्लोक 28 (skanda.7.239.28)

विकर्त्तनो विवस्वांश्च मार्त्तंडो भास्करो रविः। लोकप्रकाशकः श्रीमाँल्लोकचक्षुर्ग्रहेश्वरः

vikarttano vivasvāṁśca mārttaṇḍo bhāskaro raviḥ| lokaprakāśakaḥ śrīmāṁllokacakṣurgraheśvaraḥ

विकर्तन, विवस्वान्, मार्तण्ड, भास्कर, रवि, लोकप्रकाशक, श्रीमान्, लोकचक्षु और ग्रहेश्वर—

श्लोक 29 (skanda.7.239.29)

लोकसाक्षी त्रिलोकेशः कर्त्ता हर्त्ता तमिस्रहा। तपनस्तापनश्चैव शुचिः सप्ताश्ववाहनः

lokasākṣī trilokeśaḥ karttā harttā tamisrahā| tapanastāpanaścaiva śuciḥ saptāśvavāhanaḥ

लोकसाक्षी, त्रिलोकेश, कर्ता, हर्ता, तमिस्रहा, तपन, तापन, शुचि और सप्ताश्ववाहन—

श्लोक 30 (skanda.7.239.30)

गभस्तिहस्तो ब्रह्मा च सर्वदेवनमस्कृतः। एकविंशक इत्येष नागरार्कस्तवः स्मृतः

gabhastihasto brahmā ca sarvadevanamaskṛtaḥ| ekaviṁśaka ityeṣa nāgarārkastavaḥ smṛtaḥ

गभस्तिहस्त, ब्रह्मा और सर्वदेवनमस्कृत—इन इक्कीस नामों से युक्त यह नागरार्क का स्तोत्र कहा गया है।

श्लोक 31 (skanda.7.239.31)

स्तवराज इति ख्यातः शरीरारोग्यवृद्धिदः

stavarāja iti khyātaḥ śarīrārogyavṛddhidaḥ

यह स्तोत्रराज नाम से प्रसिद्ध है और शरीर के आरोग्य और वृद्धि को प्रदान करने वाला है।

श्लोक 32 (skanda.7.239.32)

य एतेन महादेवि द्वे संध्येऽस्तमनोदये। नागरार्कं तु संस्तौति स लभेद्वांछितं फलम्

ya etena mahādevi dve saṁdhye'stamanodaye| nāgarārkaṁ tu saṁstauti sa labhedvāṁchitaṁ phalam

हे महादेवी, जो व्यक्ति इस स्तोत्र से प्रातः और सायं दोनों संध्याओं में, उदय और अस्त के समय, नागरार्क की स्तुति करता है, वह अपना इच्छित फल प्राप्त करता है।