शंकरादित्य माहात्म्य वर्णन

श्लोक 1 (skanda.7.251.1)

ईश्वर उवाच। ततो गच्छेन्महादेवि शंकरादित्यमुत्तमम्। गंगेश्वरस्य पूर्वेण शंकरेण प्रतिष्ठितम्

īśvara uvāca| tato gacchenmahādevi śaṁkarādityamuttamam| gaṅgeśvarasya pūrveṇa śaṁkareṇa pratiṣṭhitam

ईश्वर ने कहा—हे महादेवी, इसके पश्चात् उत्तम शंकरादित्य के पास जाना चाहिए, जो गंगेश्वर के पूर्व में स्थित हैं और शंकर द्वारा प्रतिष्ठित किए गए हैं।

श्लोक 2 (skanda.7.251.2)

षष्ठ्यां चैव तु शुक्लायामेनं यः पूजयिष्यति। गमिष्यति परं स्थानं यत्र देवो दिवाकरः

ṣaṣṭhyāṁ caiva tu śuklāyāmenaṁ yaḥ pūjayiṣyati| gamiṣyati paraṁ sthānaṁ yatra devo divākaraḥ

जो कोई शुक्ल पक्ष की षष्ठी को इसकी पूजा करेगा, वह उस परम स्थान को प्राप्त होगा जहाँ भगवान दिवाकर विराजते हैं।

श्लोक 3 (skanda.7.251.3)

रक्तचंदनमिश्रैश्च रक्तपुष्पैः समाहितः। ताम्रपात्रे समाधाय योऽर्घ्यं दास्यति मानवः। स यास्यति परां सिद्धिं न च याति दरिद्रताम्

raktacaṁdanamiśraiśca raktapuṣpaiḥ samāhitaḥ| tāmrapātre samādhāya yo'rghyaṁ dāsyati mānavaḥ| sa yāsyati parāṁ siddhiṁ na ca yāti daridratām

जो मनुष्य समाहित चित्त से रक्तचंदन-मिश्रित रक्त पुष्पों को ताम्रपात्र में रखकर अर्घ्य देता है, वह परम सिद्धि प्राप्त करेगा और कभी दरिद्रता को प्राप्त नहीं होगा।

श्लोक 4 (skanda.7.251.4)

तस्मात्सर्वप्रयत्नेन तस्मिन्क्षेत्रे वरानने। पूजयेच्छंकरादित्यं सर्वकामफलप्रदम्

tasmātsarvaprayatnena tasminkṣetre varānane| pūjayecchaṁkarādityaṁ sarvakāmaphalapradam

इसलिए, हे वरानने, इस क्षेत्र में पूरे प्रयत्न से समस्त कामनाओं का फल देने वाले शंकरादित्य की पूजा करनी चाहिए।