उन्नतस्थानमाहात्म्यवर्णनम्

श्लोक 1 (skanda.7.319.1)

ईश्वर उवाच। ततो गच्छेन्महादेवि ह्युन्नतस्थानमुत्तमम्। तस्यैवोत्तरदिग्भाग ऋषितोयातटे शुभे

īśvara uvāca| tato gacchenmahādevi hyunnatasthānamuttamam| tasyaivottaradigbhāga ṛṣitoyātaṭe śubhe

ईश्वर ने कहा—हे महादेवि, फिर उसी के उत्तर दिशा में, ऋषितोया के शुभ तट पर स्थित उत्तम उन्नतस्थान को जाना चाहिए।

श्लोक 2 (skanda.7.319.2)

एतत्स्थानं महादेवि विप्रेभ्यः प्राददां बलात्। सर्वसीमासमायुक्तं चंडीगणसुरक्षितम्

etatsthānaṁ mahādevi viprebhyaḥ prādadāṁ balāt| sarvasīmāsamāyuktaṁ caṁḍīgaṇasurakṣitam

हे महादेवि, यह स्थान मैंने बलपूर्वक विप्रों को दे दिया, जो अपनी समस्त सीमाओं सहित चण्डी के गणों द्वारा सुरक्षित है।

श्लोक 3 (skanda.7.319.3)

देव्युवाच। कथमुन्नतनामास्य बभूव सुरसत्तम। कथं त्वया बलाद्दत्तं कियत्सीमासमन्वितम्

devyuvāca| kathamunnatanāmāsya babhūva surasattama| kathaṁ tvayā balāddattaṁ kiyatsīmāsamanvitam

देवी ने कहा—हे देवश्रेष्ठ, इसका नाम उन्नत कैसे हुआ? आपने इसे बलपूर्वक कैसे दिया, और कितनी सीमा सहित?

श्लोक 4 (skanda.7.319.4)

एतत्सर्वं ममाचक्ष्व संक्षेपान्नातिविस्तरात्

etatsarvaṁ mamācakṣva saṁkṣepānnātivistarāt

यह सब मुझसे संक्षेप में कहिए, अधिक विस्तार से नहीं।

श्लोक 5 (skanda.7.319.5)

ईश्वर उवाच। शृणु देवि प्रवक्ष्यामि कथां पापप्रणाशिनीम्। यां श्रुत्वा मानवो देवि मुच्यते सर्वपातकैः

īśvara uvāca| śṛṇu devi pravakṣyāmi kathāṁ pāpapraṇāśinīm| yāṁ śrutvā mānavo devi mucyate sarvapātakaiḥ

ईश्वर ने कहा—हे देवि, सुनो, मैं पापों का नाश करने वाली कथा कहूँगा, जिसे सुनकर, हे देवि, मनुष्य समस्त पापों से मुक्त हो जाता है।

श्लोक 6 (skanda.7.319.6)

एतत्सर्वं पुरा प्रोक्तं स्थानसंकेतकारणम्। तृतीये ब्रह्मणः कुंडे सृष्टिसंक्षेपसूचके

etatsarvaṁ purā proktaṁ sthānasaṁketakāraṇam| tṛtīye brahmaṇaḥ kuṁḍe sṛṣṭisaṁkṣepasūcake

यह सब कारण पहले ब्रह्माकुण्ड के तीसरे प्रकरण में, जो सृष्टि का संक्षेप में सूचक है, इस स्थान के नामकरण के विषय में कहा जा चुका है।

श्लोक 7 (skanda.7.319.7)

तथापि ते प्रवक्ष्यामि संक्षेपाच्छृणु पार्वति

tathāpi te pravakṣyāmi saṁkṣepācchṛṇu pārvati

फिर भी मैं तुम्हें कहूँगा; हे पार्वति, संक्षेप में सुनो।

श्लोक 8 (skanda.7.319.8)

उन्नामितं पुनस्तत्र यत्र लिंगं महोदये। तदुन्नतमिति प्रोक्तं स्थानं स्थानवतां वरम्

unnāmitaṁ punastatra yatra liṁgaṁ mahodaye| tadunnatamiti proktaṁ sthānaṁ sthānavatāṁ varam

वहाँ जहाँ वह महान् लिंग पुनः उन्नत किया गया, वह स्थान 'उन्नत' कहलाया, जो समस्त स्थानों में श्रेष्ठ है।

श्लोक 9 (skanda.7.319.9)

अथवा चोन्नतं द्वारं पूर्वं प्राभासिकस्य वै। तदुन्नतमिति प्रोक्तं स्थानं स्थानवतां वरम्

athavā connataṁ dvāraṁ pūrvaṁ prābhāsikasya vai| tadunnatamiti proktaṁ sthānaṁ sthānavatāṁ varam

अथवा, यह प्राभासिक क्षेत्र का पूर्वी 'उन्नत' द्वार होने से, वह स्थान 'उन्नत' कहलाया, जो समस्त स्थानों में श्रेष्ठ है।

श्लोक 10 (skanda.7.319.10)

विद्यया तपसा चैव यत्रोत्कृष्टा महर्षयः। तदुन्नतमिति प्रोक्तं स्थानं स्थानवतां वरम्

vidyayā tapasā caiva yatrotkṛṣṭā maharṣayaḥ| tadunnatamiti proktaṁ sthānaṁ sthānavatāṁ varam

अथवा, जहाँ महर्षि विद्या और तप से उन्नत हुए, वह स्थान 'उन्नत' कहलाया, जो समस्त स्थानों में श्रेष्ठ है।

श्लोक 11 (skanda.7.319.11)

यदा देवकुले विप्रा मूलचंडीशसंज्ञकम्। प्रसाद्य च महादेवं पुनः प्राप्ता महोदयम्

yadā devakule viprā mūlacaṁḍīśasaṁjñakam| prasādya ca mahādevaṁ punaḥ prāptā mahodayam

जब देवकुल में विप्रों ने मूलचण्डीश नामक महादेव को प्रसन्न करके पुनः महान् समृद्धि प्राप्त की—

श्लोक 12 (skanda.7.319.12)

षष्टिवर्षसहस्राणि तपस्तेपुर्महर्षयः। ध्यायमाना महेशानमनादिनिधनं परम्

ṣaṣṭivarṣasahasrāṇi tapastepurmaharṣayaḥ| dhyāyamānā maheśānamanādinidhanaṁ param

—महर्षियों ने साठ हजार वर्षों तक तप किया, अनादि-अनंत परम महेश्वर का ध्यान करते हुए।

श्लोक 13 (skanda.7.319.13)

तेषु वै तप्यमानेषु कोटिसंख्येषु पार्वति। ऋषितोयातटे रम्ये पवित्रे पापनाशने। भिक्षुर्भूत्वा गतश्चाहं पुनस्तत्रैव भामिनि

teṣu vai tapyamāneṣu koṭisaṁkhyeṣu pārvati| ṛṣitoyātaṭe ramye pavitre pāpanāśane| bhikṣurbhūtvā gataścāhaṁ punastatraiva bhāmini

हे पार्वति, जब उन करोड़ों की संख्या में तपस्या करते हुए ऋषियों के, ऋषितोया के रमणीय, पवित्र, पापनाशक तट पर—हे भामिनि, मैं भिक्षुक बनकर पुनः वहीं गया।

श्लोक 14 (skanda.7.319.14)

त्रिकालं दर्शिभिस्तत्र दोषरागविवर्जितैः। तपस्विभिस्तदा सर्वैर्लक्षितोऽहं वरानने

trikālaṁ darśibhistatra doṣarāgavivarjitaiḥ| tapasvibhistadā sarvairlakṣito'haṁ varānane

हे वरानने, वहाँ दोष और राग से रहित उन सब तपस्वियों ने, जो त्रिकाल दर्शन करते थे, तब मुझे देख लिया।

श्लोक 15 (skanda.7.319.15)

दृष्टमात्रस्तदा विप्रैर्विरराम महेश्वरः। क्व यासि विदितो देव इत्युक्त्वानुययुर्द्विजाः

dṛṣṭamātrastadā viprairvirarāma maheśvaraḥ| kva yāsi vidito deva ityuktvānuyayurdvijāḥ

उन विप्रों द्वारा देखते ही महेश्वर रुक गए। 'हे देव, अब जब आप पहचाने जा चुके हैं, कहाँ जाते हैं?' ऐसा कहकर द्विजगण पीछे-पीछे चलने लगे।

श्लोक 16 (skanda.7.319.16)

यावदायांति मुनय ईशेशेति प्रभाषकाः। धावमानाः स्वतपसा द्योतयन्तो दिशोदश

yāvadāyāṁti munaya īśeśeti prabhāṣakāḥ| dhāvamānāḥ svatapasā dyotayanto diśodaśa

जैसे-जैसे मुनि 'हे ईश, हे ईश' पुकारते हुए दौड़ते आए, अपने तप के तेज से दसों दिशाओं को प्रकाशित करते हुए—

श्लोक 17 (skanda.7.319.17)

लिंगमेव प्रपश्यंति न पश्यंति महेश्वरम्

liṁgameva prapaśyaṁti na paśyaṁti maheśvaram

—वे केवल लिंग को ही देखते थे, महेश्वर को नहीं देख पाते थे।

श्लोक 18 (skanda.7.319.18)

येये च ददृशुर्लिंगं मूलचण्डीशसंज्ञकम्। तदा च मुनयः सर्वे सदेहाः स्वर्गमाययुः

yeye ca dadṛśurliṁgaṁ mūlacaṇḍīśasaṁjñakam| tadā ca munayaḥ sarve sadehāḥ svargamāyayuḥ

और जिन-जिन मुनियों ने मूलचण्डीश नामक उस लिंग को देखा, वे सब उसी क्षण अपने शरीर सहित स्वर्ग को चले गए।

श्लोक 19 (skanda.7.319.19)

यदा त्रिविष्टपं व्याप्तं दृष्टं वै शतयज्वना। आयांति च तथैवान्ये मुनयस्तपसोज्वलाः

yadā triviṣṭapaṁ vyāptaṁ dṛṣṭaṁ vai śatayajvanā| āyāṁti ca tathaivānye munayastapasojjvalāḥ

जब इन्द्र ने देखा कि स्वर्ग भर गया है, और उसी प्रकार अन्य तपस्तेजस्वी मुनि भी आते ही जा रहे हैं—

श्लोक 20 (skanda.7.319.20)

एतदंतरमासाद्य समागत्य महीतले। लिंगमाच्छादयामास वज्रेणैव शतक्रतुः

etadaṁtaramāsādya samāgatya mahītale| liṁgamācchādayāmāsa vajreṇaiva śatakratuḥ

—इस अवसर को पाकर, इन्द्र स्वयं पृथ्वीतल पर आकर, वज्र से ही उस लिंग को ढँक दिया।

श्लोक 21 (skanda.7.319.21)

अष्टादशसहस्राणि मुनीनामूर्ध्वरेतसाम्। स्थितानि न तु पश्यंति लिंगमेतदनुत्तमम्

aṣṭādaśasahasrāṇi munīnāmūrdhvaretasām| sthitāni na tu paśyaṁti liṁgametadanuttamam

अठारह हजार ऊर्ध्वरेता मुनि वहाँ खड़े रहे, किन्तु वे इस अत्युत्तम लिंग को देख नहीं पाए।

श्लोक 22 (skanda.7.319.22)

शक्रस्तु सहसा दृष्टो वज्रेणैव समन्वितः। यावद्वदंति शापं ते तावन्नष्टः पुरंदरः

śakrastu sahasā dṛṣṭo vajreṇaiva samanvitaḥ| yāvadvadaṁti śāpaṁ te tāvannaṣṭaḥ puraṁdaraḥ

किन्तु शक्र सहसा वज्र सहित ही दिखाई दे गया। मुनि जब तक शाप का उच्चारण करें, तब तक पुरन्दर अन्तर्धान हो गया।

श्लोक 23 (skanda.7.319.23)

दृष्ट्वा तान्कोपसंयुक्तान्भगवांस्त्रिपुरांतकः। उवाच सांत्वयन्देवो वाचा मधुरया मुनीन्

dṛṣṭvā tānkopasaṁyuktānbhagavāṁstripurāṁtakaḥ| uvāca sāṁtvayandevo vācā madhurayā munīn

उन क्रोध से युक्त मुनियों को देखकर, भगवान् त्रिपुरान्तक देव ने मधुर वाणी से सान्त्वना देते हुए मुनियों से कहा।

श्लोक 24 (skanda.7.319.24)

कथं खिन्ना द्विजश्रेष्ठाः सदा शांतिपरायणाः। प्रसन्नवदना भूत्वा श्रूयतां वचनं मम

kathaṁ khinnā dvijaśreṣṭhāḥ sadā śāṁtiparāyaṇāḥ| prasannavadanā bhūtvā śrūyatāṁ vacanaṁ mama

'हे द्विजश्रेष्ठो, जो सदा शान्ति में लीन रहते हैं, वे इस प्रकार खिन्न क्यों हैं? प्रसन्न मुख होकर मेरा वचन सुनो।

श्लोक 25 (skanda.7.319.25)

भवद्भिर्ज्ञानसंयुक्तैः स्वर्गः किं मन्यते बहु। यत्रैके वसवः प्रोक्ता आदित्याश्च तथा परे

bhavadbhirjñānasaṁyuktaiḥ svargaḥ kiṁ manyate bahu| yatraike vasavaḥ proktā ādityāśca tathā pare

—ज्ञानयुक्त आप लोगों द्वारा स्वर्ग को इतना महान् क्यों माना जाता है, जहाँ कुछ को वसु कहा जाता है, और अन्य को आदित्य—

श्लोक 26 (skanda.7.319.26)

रुद्रसंज्ञास्तथा चैके ह्यश्विनावपि चापरौ। एतेषामधिपः कश्चिदेक इन्द्रः प्रकीर्तितः

rudrasaṁjñāstathā caike hyaśvināvapi cāparau| eteṣāmadhipaḥ kaścideka indraḥ prakīrtitaḥ

—कुछ रुद्र नाम से, और दो अश्विनीकुमार नाम से जाने जाते हैं; इन सबके ऊपर कोई एक अधिपति इन्द्र कहलाता है।

श्लोक 27 (skanda.7.319.27)

स्वपुण्यसंख्यया प्राप्ते यस्माद्विभ्रश्यते नरैः। एवं दुःखसमायुक्तः स्वर्गो नैवेष्यते बुधैः

svapuṇyasaṁkhyayā prāpte yasmādvibhraśyate naraiḥ| evaṁ duḥkhasamāyuktaḥ svargo naiveṣyate budhaiḥ

—क्योंकि अपने पुण्य के परिमाण से प्राप्त उस पद से मनुष्य फिर च्युत हो जाते हैं, इसलिए इस प्रकार दुःख से युक्त स्वर्ग बुद्धिमानों द्वारा कभी वांछित नहीं किया जाता।

श्लोक 28 (skanda.7.319.28)

एतस्मात्कारणाद्विप्राः कुरुध्वं वचनं मम। गृह्णीध्वं नगरं रम्यं निवासाय महाप्रभम्

etasmātkāraṇādviprāḥ kurudhvaṁ vacanaṁ mama| gṛhṇīdhvaṁ nagaraṁ ramyaṁ nivāsāya mahāprabham

'इस कारण, हे विप्रो, मेरे वचन का पालन करो। निवास के लिए एक रमणीय और अत्यन्त तेजस्वी नगर स्वीकार करो।

श्लोक 29 (skanda.7.319.29)

हूयंतामग्निहोत्राणि देवताः सर्वदा द्विजाः। इज्यंतां विविधैर्यागैः क्रियतां पितृपूजनम्

hūyaṁtāmagnihotrāṇi devatāḥ sarvadā dvijāḥ| ijyaṁtāṁ vividhairyāgaiḥ kriyatāṁ pitṛpūjanam

—अग्निहोत्र सदा हवन किए जाएँ, हे द्विजो, देवताओं का विविध यज्ञों से पूजन हो, तथा पितरों का पूजन किया जाए।

श्लोक 30 (skanda.7.319.30)

आतिथ्यं क्रियतां नित्यं वेदाभ्यासस्तथैव हि

ātithyaṁ kriyatāṁ nityaṁ vedābhyāsastathaiva hi

अतिथि-सत्कार सदा किया जाए, और उसी प्रकार वेदाभ्यास भी।

श्लोक 31 (skanda.7.319.31)

एवं हि कुर्वतां नित्यं विना ज्ञानस्य संचयैः। प्रसादान्मम विप्रेन्द्राः प्रांते मुक्तिर्भविष्यति

evaṁ hi kurvatāṁ nityaṁ vinā jñānasya saṁcayaiḥ| prasādānmama viprendrāḥ prāṁte muktirbhaviṣyati

—इस प्रकार सदा करने वालों को, हे विप्रेन्द्रो, ज्ञान के संचय के बिना भी, मेरे प्रसाद से अंत में मुक्ति प्राप्त होगी।

श्लोक 32 (skanda.7.319.32)

ऋषय ऊचुः। असमर्थाः परित्राणे जिताहारास्तपोन्विताः। नगरेणेह किं कुर्मस्तव भक्तिमभीप्सवः

ṛṣaya ūcuḥ| asamarthāḥ paritrāṇe jitāhārāstaponvitāḥ| nagareṇeha kiṁ kurmastava bhaktimabhīpsavaḥ

ऋषियों ने कहा—हम आत्मरक्षा में असमर्थ, आहार को जीत चुके, तपस्या में लीन, केवल आपकी भक्ति चाहने वाले हैं; हम यहाँ नगर लेकर क्या करेंगे?

श्लोक 33 (skanda.7.319.33)

ईश्वर उवाच। भविष्यति सदा भक्तिर्युष्माकं परमेश्वरे। गृह्णीध्वं नगरं रम्यं कुरुध्वं वचनं मम

īśvara uvāca| bhaviṣyati sadā bhaktiryuṣmākaṁ parameśvare| gṛhṇīdhvaṁ nagaraṁ ramyaṁ kurudhvaṁ vacanaṁ mama

ईश्वर ने कहा—परमेश्वर में तुम्हारी भक्ति सदा बनी रहेगी। रमणीय नगर स्वीकार करो, मेरे वचन का पालन करो।

श्लोक 34 (skanda.7.319.34)

इत्युक्त्वा भगवान्देव ईषन्मीलितलोचनः। सस्मार विश्वकर्माणं सर्वशिल्पवतां वरम्

ityuktvā bhagavāndeva īṣanmīlitalocanaḥ| sasmāra viśvakarmāṇaṁ sarvaśilpavatāṁ varam

ऐसा कहकर, नेत्र थोड़े से मूँदे हुए, भगवान् देव ने समस्त शिल्पियों में श्रेष्ठ विश्वकर्मा का स्मरण किया।

श्लोक 35 (skanda.7.319.35)

स्मृतमात्रो विश्वकर्मा प्रांजलिश्चाग्रतः स्थितः। आज्ञापयतु मां देवो वचनं करवाणि ते

smṛtamātro viśvakarmā prāṁjaliścāgrataḥ sthitaḥ| ājñāpayatu māṁ devo vacanaṁ karavāṇi te

स्मरण करते ही विश्वकर्मा हाथ जोड़े हुए सामने आ खड़े हुए—'देव मुझे आज्ञा दें, मैं आपकी बात पूर्ण करूँगा।'

श्लोक 36 (skanda.7.319.36)

ईश्वर उवाच। नगरं क्रियतां त्वष्टर्विप्रार्थं सुंदरं शुभम्

īśvara uvāca| nagaraṁ kriyatāṁ tvaṣṭarviprārthaṁ suṁdaraṁ śubham

ईश्वर ने कहा—हे त्वष्टा, विप्रों के लिए एक सुन्दर और शुभ नगर बनाया जाए।

श्लोक 37 (skanda.7.319.37)

इत्युक्तो विश्वकर्मा स भूमिं वीक्ष्य समंततः। उवाच प्रणतो भूत्वा शंकरं लोकशंकरम्

ityukto viśvakarmā sa bhūmiṁ vīkṣya samaṁtataḥ| uvāca praṇato bhūtvā śaṁkaraṁ lokaśaṁkaram

यह सुनकर विश्वकर्मा ने भूमि को चारों ओर देखकर, प्रणाम करते हुए लोककल्याणकारी शंकर से कहा—

श्लोक 38 (skanda.7.319.38)

परीक्षिता मया भूमिर्न युक्तं नगरं त्विह। अत्र देवकुलं साक्षाल्लिंगस्य पतनं तथा

parīkṣitā mayā bhūmirna yuktaṁ nagaraṁ tviha| atra devakulaṁ sākṣālliṁgasya patanaṁ tathā

—'मैंने भूमि की परीक्षा कर ली है; यहाँ नगर बनाना उचित नहीं है। यहाँ तो साक्षात् देवकुल है, और यहीं लिंग का पतन-स्थल भी है।

श्लोक 39 (skanda.7.319.39)

यतिभिश्चात्र वस्तव्यं न युक्तं गृहमेधिनाम्

yatibhiścātra vastavyaṁ na yuktaṁ gṛhamedhinām

—यहाँ यतियों को ही रहना चाहिए; गृहस्थों के लिए यह उचित नहीं है।

श्लोक 40 (skanda.7.319.40)

त्रिरात्रं पंचरात्रं वा सप्तरात्रं महेश्वर। पक्षं मासमृतुं वापि ह्ययनं यावदेव च। पुत्रदारयुतैस्तीर्थे वस्तव्यं गृहमेधिभिः

trirātraṁ paṁcarātraṁ vā saptarātraṁ maheśvara| pakṣaṁ māsamṛtuṁ vāpi hyayanaṁ yāvadeva ca| putradārayutaistīrthe vastavyaṁ gṛhamedhibhiḥ

—हे महेश्वर, तीन रात, पाँच रात, सात रात, अथवा एक पक्ष, एक मास, एक ऋतु, या अधिक से अधिक छह मास तक, गृहस्थों को पुत्र-पत्नी सहित तीर्थ में निवास करना चाहिए।

श्लोक 41 (skanda.7.319.41)

वसत्यूर्ध्वं तु षण्मासाद्यदा तीर्थे गृहाधिपः। अवज्ञा जायते तस्य मनश्चापल्यभावतः। तदा धर्माद्विनश्यंति सकला गृहमेधिनः

vasatyūrdhvaṁ tu ṣaṇmāsādyadā tīrthe gṛhādhipaḥ| avajñā jāyate tasya manaścāpalyabhāvataḥ| tadā dharmādvinaśyaṁti sakalā gṛhamedhinaḥ

—जब गृहस्वामी छह मास से अधिक तीर्थ में रहता है, तब मन की चंचलता के कारण उसमें अनादर उत्पन्न हो जाता है, और तब सभी गृहस्थ धर्म से भ्रष्ट हो जाते हैं।

श्लोक 42 (skanda.7.319.42)

इत्युक्तः स तदा देवस्तेन वै विश्वकर्मणा। पुनः प्रोवाच तं तस्य प्रशस्य वचनं शिवः

ityuktaḥ sa tadā devastena vai viśvakarmaṇā| punaḥ provāca taṁ tasya praśasya vacanaṁ śivaḥ

विश्वकर्मा द्वारा इस प्रकार कहे जाने पर, शिव ने उसके वचन की प्रशंसा करते हुए उससे पुनः कहा—

श्लोक 43 (skanda.7.319.43)

रोचते मे न वासोऽत्र विप्राणां गृहमेधिनाम्। यत्र चोन्नामितं लिंगमृषितोयातटे शुभे। तत्र निर्मापय त्वष्टर्नगरं शिल्पिनां वर

rocate me na vāso'tra viprāṇāṁ gṛhamedhinām| yatra connāmitaṁ liṁgamṛṣitoyātaṭe śubhe| tatra nirmāpaya tvaṣṭarnagaraṁ śilpināṁ vara

—मुझे भी यहाँ गृहस्थ विप्रों का निवास पसन्द नहीं है। जहाँ ऋषितोया के शुभ तट पर वह लिंग उन्नत किया गया था, हे त्वष्टा, हे शिल्पियों में श्रेष्ठ, वहीं नगर का निर्माण करवाओ।

श्लोक 44 (skanda.7.319.44)

तस्य तद्वचनं श्रुत्वा विश्वकर्मा त्वरान्वितः। गत्वा चकार नगरं शिल्पिकोटिभिरावृतः

tasya tadvacanaṁ śrutvā viśvakarmā tvarānvitaḥ| gatvā cakāra nagaraṁ śilpikoṭibhirāvṛtaḥ

उसका वह वचन सुनकर, विश्वकर्मा शीघ्रता से जाकर, करोड़ों शिल्पियों से घिरे हुए नगर का निर्माण करने लगा।

श्लोक 45 (skanda.7.319.45)

उन्नतं नाम यल्लोके विख्यातं सुरसुन्दरि। ततो हृष्टमना भूत्वा विलोक्य नगरं शिवः। आहूय ब्राह्मणान्सर्वानुवाचानतकन्धरः

unnataṁ nāma yalloke vikhyātaṁ surasundari| tato hṛṣṭamanā bhūtvā vilokya nagaraṁ śivaḥ| āhūya brāhmaṇānsarvānuvācānatakandharaḥ

हे सुरसुन्दरी, वह नगर लोक में 'उन्नत' नाम से विख्यात हुआ। फिर उस नगर को देखकर हर्षित मन वाले शिव ने, सब ब्राह्मणों को बुलाकर, सिर झुकाकर कहा—

श्लोक 46 (skanda.7.319.46)

इदं स्थानं वरं रम्यं निर्मितं विश्वकर्मणा। ग्रामाणां च सहस्रैस्तु प्रोक्तं सर्वासु दिक्षु च

idaṁ sthānaṁ varaṁ ramyaṁ nirmitaṁ viśvakarmaṇā| grāmāṇāṁ ca sahasraistu proktaṁ sarvāsu dikṣu ca

—'यह उत्तम, रमणीय स्थान विश्वकर्मा द्वारा निर्मित है, जो सब दिशाओं में हजारों ग्रामों से युक्त बताया गया है।

श्लोक 47 (skanda.7.319.47)

नगरात्सर्वतः पुण्यो देशो नग्नहरः स्मृतः। अष्टयोजनविस्तीर्ण आयामव्यासतस्तथा

nagarātsarvataḥ puṇyo deśo nagnaharaḥ smṛtaḥ| aṣṭayojanavistīrṇa āyāmavyāsatastathā

नगर के चारों ओर का पुण्य प्रदेश 'नग्नहर' कहलाता है, जो लम्बाई-चौड़ाई में आठ योजन विस्तृत है।

श्लोक 48 (skanda.7.319.48)

नग्नो भूत्वा हरो यत्र देशे भ्रांतो यदृच्छया। तं नग्नहरमित्याहुर्देशं पुण्यतमं जनाः

nagno bhūtvā haro yatra deśe bhrāṁto yadṛcchayā| taṁ nagnaharamityāhurdeśaṁ puṇyatamaṁ janāḥ

जिस प्रदेश में हर नग्न होकर स्वेच्छा से विचरण करते थे, उस अत्यन्त पुण्यमय प्रदेश को लोग 'नग्नहर' कहते हैं।

श्लोक 49 (skanda.7.319.49)

पूर्वे तु शांकरी चार्या पश्चिमे न्यंकुमत्यपि। उत्तरे कनकनंदा दक्षिणे सागरावधिः। एतदंतरमासाद्य देशो नग्नहरः स्मृतः

pūrve tu śāṁkarī cāryā paścime nyaṁkumatyapi| uttare kanakanaṁdā dakṣiṇe sāgarāvadhiḥ| etadaṁtaramāsādya deśo nagnaharaḥ smṛtaḥ

पूर्व में शांकरी और आर्या, पश्चिम में न्यंकुमती, उत्तर में कनकनन्दा, और दक्षिण में समुद्र की सीमा—इस विस्तार तक का प्रदेश 'नग्नहर' कहलाता है।

श्लोक 50 (skanda.7.319.50)

अष्टयोजनमानेन आयामव्यासतस्तथा। प्रोक्तोऽयं सकलो देश उन्नतेन समं मया

aṣṭayojanamānena āyāmavyāsatastathā| prokto'yaṁ sakalo deśa unnatena samaṁ mayā

आठ योजन के परिमाण से लम्बाई-चौड़ाई में यह समस्त प्रदेश, उन्नत के साथ, मेरे द्वारा घोषित किया गया है।

श्लोक 51 (skanda.7.319.51)

गृह्यतां नगरश्रेष्ठं प्रसीदध्वं द्विजोत्तमाः। अत्र भक्तिश्च मुक्तिश्च भविष्यति न संशयः

gṛhyatāṁ nagaraśreṣṭhaṁ prasīdadhvaṁ dvijottamāḥ| atra bhaktiśca muktiśca bhaviṣyati na saṁśayaḥ

—इस श्रेष्ठ नगर को स्वीकार करो, हे द्विजोत्तमो, प्रसन्न होओ। यहाँ भक्ति और मुक्ति दोनों प्राप्त होंगी, इसमें कोई संशय नहीं है।

श्लोक 52 (skanda.7.319.52)

इत्युक्तास्ते तदा सर्वे विप्रा ऊचुर्महेश्वरम्

ityuktāste tadā sarve viprā ūcurmaheśvaram

इस प्रकार कहे जाने पर, वे सब विप्र तब महेश्वर से बोले।

श्लोक 53 (skanda.7.319.53)

विप्रा ऊचुः। ईश्वराज्ञा वृथा कर्तुं न शक्या परमात्मनः। तपोऽग्निहोत्रनिष्ठानां वेदाध्ययनशालिनाम्

viprā ūcuḥ| īśvarājñā vṛthā kartuṁ na śakyā paramātmanaḥ| tapo'gnihotraniṣṭhānāṁ vedādhyayanaśālinām

विप्रों ने कहा—तप, अग्निहोत्र और वेदाध्ययन में निरत हम लोगों के लिए, परमात्मा की आज्ञा को व्यर्थ करना संभव नहीं है।

श्लोक 54 (skanda.7.319.54)

अस्माकं रक्षिता कोऽस्ति कलिकाले च दारुणे। को दाताऽऽरोग्यदः कश्च को वै मुक्तिं प्रदास्यति

asmākaṁ rakṣitā ko'sti kalikāle ca dāruṇe| ko dātā'rogyadaḥ kaśca ko vai muktiṁ pradāsyati

किन्तु भयानक कलिकाल में हमारा रक्षक कौन होगा? दाता कौन होगा, आरोग्य देने वाला कौन होगा, और मुक्ति कौन देगा?

श्लोक 55 (skanda.7.319.55)

ईश्वर उवाच। महाकाल स्वरूपेण स्थित्वा तीर्थे महोदये। नाशयिष्यामि शत्रून्वः सम्यगाराधितो ह्यहम्

īśvara uvāca| mahākāla svarūpeṇa sthitvā tīrthe mahodaye| nāśayiṣyāmi śatrūnvaḥ samyagārādhito hyaham

ईश्वर ने कहा—मैं इस महान् तीर्थ में महाकाल के स्वरूप में स्थित रहकर, भलीभाँति आराधित होने पर तुम्हारे शत्रुओं का नाश करूँगा।

श्लोक 56 (skanda.7.319.56)

उन्नतो विघ्नराजस्तु विघ्नच्छेत्ता भविष्यति। गणनाथस्वरूपोऽयं धनदो निधीनां पतिः

unnato vighnarājastu vighnacchettā bhaviṣyati| gaṇanāthasvarūpo'yaṁ dhanado nidhīnāṁ patiḥ

उन्नत स्थान का विघ्नराज विघ्नों को दूर करने वाला होगा; गणनाथ के स्वरूप में यह धन देने वाला, निधियों का स्वामी है।

श्लोक 57 (skanda.7.319.57)

युष्मभ्यं दास्यति द्रव्यं सम्यगाराधितोऽपि सः। आरोग्यदायको नित्यं दुर्गादित्यो भविष्यति

yuṣmabhyaṁ dāsyati dravyaṁ samyagārādhito'pi saḥ| ārogyadāyako nityaṁ durgādityo bhaviṣyati

भलीभाँति आराधित होने पर वह तुम्हें धन देगा। दुर्गादित्य सदा आरोग्य देने वाला होगा।

श्लोक 58 (skanda.7.319.58)

महोदयं महानन्ददायकं वो भविष्यति। सम्यगाराधितो ब्रह्मा सर्वकार्येषु सर्वदा। सर्वान्कामांश्च मुक्तिं च युष्मभ्यं संप्रदास्यति

mahodayaṁ mahānaṁdadāyakaṁ vo bhaviṣyati| samyagārādhito brahmā sarvakāryeṣu sarvadā| sarvānkāmāṁśca muktiṁ ca yuṣmabhyaṁ saṁpradāsyati

महोदय (ब्रह्मा) तुम्हें महान् आनन्द देने वाले होंगे। भलीभाँति आराधित ब्रह्मा सभी कार्यों में सदा तुम्हें सब कामनाएँ और मुक्ति प्रदान करेंगे।

श्लोक 59 (skanda.7.319.59)

विप्रा ऊचुः। यदि तीर्थानि तिष्ठंति सर्वाणि सुरसत्तम। संगालेश्वरतीर्थे च तथा देवकुले शिवे

viprā ūcuḥ| yadi tīrthāni tiṣṭhaṁti sarvāṇi surasattama| saṁgāleśvaratīrthe ca tathā devakule śive

विप्रों ने कहा—हे देवश्रेष्ठ, यदि संगालेश्वर तीर्थ में तथा मंगलमय देवकुल में भी सभी तीर्थ इसी प्रकार बने रहें—

श्लोक 60 (skanda.7.319.60)

कलावपि महारौद्रे ह्यस्माकं पावनाय वै। स्थातव्यं तर्हि गृह्णीमो नान्यथा च महेश्वर

kalāvapi mahāraudre hyasmākaṁ pāvanāya vai| sthātavyaṁ tarhi gṛhṇīmo nānyathā ca maheśvara

—अत्यन्त भयानक कलियुग में भी हमारी पवित्रता के लिए, तो हम इसे स्वीकार करेंगे, अन्यथा नहीं, हे महेश्वर।

श्लोक 61 (skanda.7.319.61)

स तथेति प्रतिज्ञाय ददौ तेभ्यः पुरं वरम्। सप्तभौमैः शशांकाभैः प्रासादैः परिभूषितम्। नानाग्रामसमायुक्तं सर्वतः सीमयान्वितम्

sa tatheti pratijñāya dadau tebhyaḥ puraṁ varam| saptabhaumaiḥ śaśāṁkābhaiḥ prāsādaiḥ paribhūṣitam| nānāgrāmasamāyuktaṁ sarvataḥ sīmayānvitam

उसने 'ऐसा ही हो' कहकर प्रतिज्ञा की और उन्हें एक उत्तम नगर दिया, जो चन्द्रमा के समान कान्तिमान् सात मंजिले भवनों से सुशोभित, विविध ग्रामों से युक्त, और सब ओर सीमाओं से घिरा था।

श्लोक 62 (skanda.7.319.62)

सूत उवाच। एवं तेभ्यो हि नगरं दत्त्वा देवो महेश्वरः। ददर्श विश्वकर्माणं प्राञ्जलिं पुरतः स्थितम्

sūta uvāca| evaṁ tebhyo hi nagaraṁ dattvā devo maheśvaraḥ| dadarśa viśvakarmāṇaṁ prāñjaliṁ purataḥ sthitam

सूत ने कहा—इस प्रकार उन्हें नगर देकर, देव महेश्वर ने अपने सामने हाथ जोड़े खड़े विश्वकर्मा को देखा।

श्लोक 63 (skanda.7.319.63)

विश्वकर्मोवाच। विलोक्यतां महादेव नगरं नगरोपमम्। सौवर्णस्थलमारुह्य निर्मितं त्वत्प्रसादतः

viśvakarmovāca| vilokyatāṁ mahādeva nagaraṁ nagaropamam| sauvarṇasthalamāruhya nirmitaṁ tvatprasādataḥ

विश्वकर्मा ने कहा—हे महादेव, इस नगर को देखिए, जो अद्वितीय है, और जो आपकी कृपा से स्वर्ण-स्थल पर बनाया गया है।

श्लोक 64 (skanda.7.319.64)

विश्वकर्मवचः श्रुत्वा भगवांस्त्रिपुरान्तकः। समारुरोह स्थलकं सह सर्वैर्महर्षिभिः

viśvakarmavacaḥ śrutvā bhagavāṁstripurāntakaḥ| samāruroha sthalakaṁ saha sarvairmaharṣibhiḥ

विश्वकर्मा के वचन सुनकर, भगवान् त्रिपुरान्तक ने समस्त महर्षियों के साथ उस स्थल पर आरोहण किया।

श्लोक 65 (skanda.7.319.65)

नगरं विलोकयामास रम्यं प्राकारमण्डितम्। ऋषयस्तुष्टुवुः सर्वे तत्रस्थं त्रिपुरान्तकम्। तानुवाच महादेवो वृणुध्वं वरमुत्तमम्

nagaraṁ vilokayāmāsa ramyaṁ prākāramaṁḍitam| ṛṣayastuṣṭuvuḥ sarve tatrasthaṁ tripurāntakam| tānuvāca mahādevo vṛṇudhvaṁ varamuttamam

उसने प्राकार से सुशोभित उस रमणीय नगर को देखा। वहाँ खड़े सभी ऋषियों ने त्रिपुरान्तक की स्तुति की। महादेव ने उनसे कहा—'उत्तम वर माँगो।'

श्लोक 66 (skanda.7.319.66)

ऋषय ऊचुः। यदि तुष्टो महादेव स्थलकेश्वरनामभृत्। अवलोकयंश्च नगरं सदा तिष्ठ स्थले हर

ṛṣaya ūcuḥ| yadi tuṣṭo mahādeva sthalakeśvaranāmabhṛt| avalokayaṁśca nagaraṁ sadā tiṣṭha sthale hara

ऋषियों ने कहा—यदि आप प्रसन्न हैं, हे महादेव, तो स्थलकेश्वर नाम धारण कर, नगर को देखते हुए, हे हर, सदा इस स्थल पर विराजमान रहें।

श्लोक 67 (skanda.7.319.67)

इत्युक्तस्तैस्तदा देवः स्थलकेऽस्मिन्सदा स्थितः। कृते रत्नमयं देवि त्रेतायां च हिरण्मयम्

ityuktastaistadā devaḥ sthalake'sminsadā sthitaḥ| kṛte ratnamayaṁ devi tretāyāṁ ca hiraṇmayam

उनके द्वारा इस प्रकार कहे जाने पर, तब से वह देव इस स्थल पर सदा स्थित है। हे देवि, कृतयुग में वह रत्नमय है, त्रेतायुग में स्वर्णमय—

श्लोक 68 (skanda.7.319.68)

रौप्यं च द्वापरे प्रोक्तं स्थलमश्ममयं कलौ। एवं तत्र स्थितो देवः स्थलकेश्वरनामतः

raupyaṁ ca dvāpare proktaṁ sthalamaśmamayaṁ kalau| evaṁ tatra sthito devaḥ sthalakeśvaranāmataḥ

—द्वापरयुग में रजतमय कहा गया है, और कलियुग में वह स्थल पाषाणमय है। इस प्रकार वहाँ 'स्थलकेश्वर' नाम से देव स्थित है।

श्लोक 69 (skanda.7.319.69)

सदा पूज्यो महादेव उन्नतस्थानवासिभिः। माघे मासि चतुर्दश्यां विशेषस्तत्र जागरे

sadā pūjyo mahādeva unnatasthānavāsibhiḥ| māghe māsi caturdaśyāṁ viśeṣastatra jāgare

वह महादेव उन्नतस्थान के निवासियों द्वारा सदा पूजनीय है; माघ मास की चतुर्दशी को वहाँ जागरण विशेष फलदायी है।

श्लोक 70 (skanda.7.319.70)

इत्येतत्कथितं देवि ह्युन्नतस्य महोदयम्। श्रुतं पापहरं नॄणां सर्वकामफलप्रदम्

ityetatkathitaṁ devi hyunnatasya mahodayam| śrutaṁ pāpaharaṁ nṝṇāṁ sarvakāmaphalapradam

हे देवि, इस प्रकार उन्नत की यह महान् महिमा कही गई; इसे सुनना ही मनुष्यों के पापों का नाशक और सब कामनाओं का फल देने वाला है।