श्वेताश्वतरोपनिषद्

शांतिपाठ (कृष्ण यजुर्वेद)

ॐ सह नाववतु । सह नौ भुनक्तु । सह वीर्यं करवावहै । तेजस्वि नावधीतमस्तु । मा विद्विषावहै ।। ॐ शान्तिः शान्तिः शान्तिः ।।

oṃ saha nāvavatu | saha nau bhunaktu | saha vīryaṃ karavāvahai | tejasvi nāvadhītamastu | mā vidviṣāvahai || oṃ śāntiḥ śāntiḥ śāntiḥ ||

हम दोनों (गुरु और शिष्य) साथ रक्षित हों। हम दोनों साथ पोषित हों। हम दोनों साथ वीर्य (सामर्थ्य) का कार्य करें। हमारा पढ़ा हुआ तेजस्वी हो। हम परस्पर द्वेष न करें। ॐ शान्ति शान्ति शान्ति।

मंत्र 1

ॐ ब्रह्मवादिनो वदन्ति । किं कारणं ब्रह्म कुतः स्म जाता जीवाम केन क्व च सम्प्रतिष्ठाः । अधिष्ठिताः केन सुखेतरेषु वर्तामहे ब्रह्मविदो व्यवस्थाम् ।। १ ।।

oṃ brahmavādino vadanti | kiṃ kāraṇaṃ brahma kutaḥ sma jātā jīvāma kena kva ca sampratiṣṭhāḥ | adhiṣṭhitāḥ kena sukhetareṣu vartāmahe brahmavido vyavasthām || 1 ||

ब्रह्म के जिज्ञासु पूछते हैं: कारण क्या है? ब्रह्म क्या है? हम कहाँ से उत्पन्न हुए? किसके द्वारा जीते हैं और किसमें प्रतिष्ठित हैं? हे ब्रह्मवेत्ताओ, किसके अधीन रहकर हम सुख-दुःख की व्यवस्था में रहते हैं?

मंत्र 2

कालः स्वभावो नियतिर्यदृच्छा भूतानि योनिः पुरुष इति चिन्त्यम् । संयोग एषां न त्वात्मभावादात्माप्यनीशः सुखदुःखहेतोः ।। २ ।।

kālaḥ svabhāvo niyatiryadṛcchā bhūtāni yoniḥ puruṣa iti cintyam | saṃyoga eṣāṃ na tvātmabhāvādātmāpyanīśaḥ sukhaduḥkhahetoḥ || 2 ||

काल, स्वभाव, नियति, यदृच्छा (संयोग), भूत, योनि अथवा पुरुष: इनमें से किसे कारण मानें? इनका संयोग भी कारण नहीं हो सकता, क्योंकि आत्मा (जीव) स्वयं परतंत्र होने से सुख-दुःख का स्वामी नहीं है।

मंत्र 3

ते ध्यानयोगानुगता अपश्यन् देवात्मशक्तिं स्वगुणैर्निगूढाम् । यः कारणानि निखिलानि तानि कालात्मयुक्तान्यधितिष्ठत्येकः ।। ३ ।।

te dhyānayogānugatā apaśyan devātmaśaktiṃ svaguṇairnigūḍhām | yaḥ kāraṇāni nikhilāni tāni kālātmayuktānyadhitiṣṭhatyekaḥ || 3 ||

ध्यानयोग में लगे हुए उन ऋषियों ने देवात्मशक्ति को देखा, जो अपने ही गुणों से छिपी हुई है; वह एक ही देव उन समस्त कारणों को, जो काल और आत्मा (जीव) से युक्त हैं, अधिष्ठित करके रहता है।

मंत्र 4

तमेकनेमिं त्रिवृतं षोडशान्तं शतार्धारं विंशतिप्रत्यराभिः । अष्टकैः षड्भिर्विश्वरूपैकपाशं त्रिमार्गभेदं द्विनिमित्तैकमोहम् ।। ४ ।।

tamekanemiṃ trivṛtaṃ ṣoḍaśāntaṃ śatārdhāraṃ viṃśatipratyarābhiḥ | aṣṭakaiḥ ṣaḍbhirviśvarūpaikapāśaṃ trimārgabhedaṃ dvinimittaikamoham || 4 ||

उस (ब्रह्मचक्र) को हम जानें, जिसकी एक परिधि है, तीन आवरण, सोलह अन्त, पचास अरे और बीस प्रत्यरे; जिसमें छह अष्टक हैं, जिसका एक पाश विश्वरूप है, जिसके तीन मार्ग हैं और जिसका एक मोह दो निमित्तों (पुण्य-पाप) से उत्पन्न है।

मंत्र 5

पञ्चस्रोतोम्बुं पञ्चयोन्युग्रवक्रां पञ्चप्राणोर्मिं पञ्चबुद्ध्यादिमूलाम् । पञ्चावर्तां पञ्चदुःखौघवेगां पञ्चाशद्भेदां पञ्चपर्वामधीमः ।। ५ ।।

pañcasrotombuṃ pañcayonyugravakrāṃ pañcaprāṇormiṃ pañcabuddhyādimūlām | pañcāvartāṃ pañcaduḥkhaughavegāṃ pañcāśadbhedāṃ pañcaparvāmadhīmaḥ || 5 ||

हम उस (संसाररूपी नदी) का ध्यान करते हैं, जिसके पाँच स्रोत हैं, जो पाँच योनियों से तीव्र और वक्र है, जिसकी पाँच प्राण-लहरें हैं, जिसका मूल पाँच बुद्धियाँ हैं; जिसके पाँच आवर्त हैं, जिसका वेग पाँच दुःखों का प्रवाह है, जिसके पचास भेद और पाँच पर्व हैं।

मंत्र 6

सर्वाजीवे सर्वसंस्थे बृहन्ते अस्मिन् हंसो भ्राम्यते ब्रह्मचक्रे । पृथगात्मानं प्रेरितारं च मत्वा जुष्टस्ततस्तेनामृतत्वमेति ।। ६ ।।

sarvājīve sarvasaṃsthe bṛhante asmin haṃso bhrāmyate brahmacakre | pṛthagātmānaṃ preritāraṃ ca matvā juṣṭastatastenāmṛtatvameti || 6 ||

इस विशाल ब्रह्मचक्र में, जो सबका जीवन और सबका आधार है, हंस (जीव) घूमता रहता है। जब वह अपने को और प्रेरक (ईश्वर) को पृथक् जान लेता है, तब उसके द्वारा अनुगृहीत होकर अमरत्व को प्राप्त करता है।

मंत्र 7

उद्गीतमेतत्परमं तु ब्रह्म तस्मिंस्त्रयं सुप्रतिष्ठाक्षरं च । अत्रान्तरं ब्रह्मविदो विदित्वा लीना ब्रह्मणि तत्परा योनिमुक्ताः ।। ७ ।।

udgītametatparamaṃ tu brahma tasmiṃstrayaṃ supratiṣṭhākṣaraṃ ca | atrāntaraṃ brahmavido viditvā līnā brahmaṇi tatparā yonimuktāḥ || 7 ||

यह जो गाया गया है वह परम ब्रह्म है; उसमें तीन (भोक्ता, भोग्य, प्रेरक) प्रतिष्ठित हैं और वह अक्षर है। इस भेद को जानकर ब्रह्मवेत्ता, उसमें तत्पर होकर, ब्रह्म में लीन हो जाते हैं और जन्म (योनि) से मुक्त हो जाते हैं।

मंत्र 8

संयुक्तमेतत्क्षरमक्षरं च व्यक्ताव्यक्तं भरते विश्वमीशः । अनीशश्चात्मा बध्यते भोक्तृभावाज्ज्ञात्वा देवं मुच्यते सर्वपाशैः ।। ८ ।।

saṃyuktametatkṣaramakṣaraṃ ca vyaktāvyaktaṃ bharate viśvamīśaḥ | anīśaścātmā badhyate bhoktṛbhāvājjñātvā devaṃ mucyate sarvapāśaiḥ || 8 ||

ईश्वर इस संयुक्त जगत् को धारण करता है: क्षर और अक्षर, व्यक्त और अव्यक्त। किन्तु अनीश (परतंत्र) आत्मा भोक्तापन के कारण बँध जाता है; उस देव को जानकर वह समस्त बन्धनों से मुक्त हो जाता है।

मंत्र 9

ज्ञाज्ञौ द्वावजावीशनीशावजा ह्येका भोक्तृभोग्यार्थयुक्ता । अनन्तश्चात्मा विश्वरूपो ह्यकर्ता त्रयं यदा विन्दते ब्रह्ममेतत् ।। ९ ।।

jñājñau dvāvajāvīśanīśāvajā hyekā bhoktṛbhogyārthayuktā | anantaścātmā viśvarūpo hyakartā trayaṃ yadā vindate brahmametat || 9 ||

दो अजन्मा हैं: ज्ञ (ईश्वर) और अज्ञ (जीव), ईश और अनीश; और एक अजन्मा (प्रकृति) है जो भोक्ता और भोग्य के प्रयोजन से युक्त है। आत्मा अनन्त, विश्वरूप और अकर्ता है। जब मनुष्य इन तीनों को जान लेता है, तब वही ब्रह्म है।

मंत्र 10

क्षरं प्रधानममृताक्षरं हरः क्षरात्मानावीशते देव एकः । तस्याभिध्यानाद्योजनात्तत्त्वभावाद्भूयश्चान्ते विश्वमायानिवृत्तिः ।। १० ।।

kṣaraṃ pradhānamamṛtākṣaraṃ haraḥ kṣarātmānāvīśate deva ekaḥ | tasyābhidhyānādyojanāttattvabhāvādbhūyaścānte viśvamāyānivṛttiḥ || 10 ||

प्रधान (प्रकृति) क्षर है, अमृत और अक्षर हर (ईश्वर) है; वह एक देव क्षर और आत्मा (जीव) दोनों पर शासन करता है। उसके अभिध्यान, योग और तत्त्वभाव से अन्त में समस्त विश्वमाया की निवृत्ति हो जाती है।

मंत्र 11

ज्ञात्वा देवं सर्वपाशापहानिः क्षीणैः क्लेशैर्जन्ममृत्युप्रहाणिः । तस्याभिध्यानात्तृतीयं देहभेदे विश्वैश्वर्यं केवल आप्तकामः ।। ११ ।।

jñātvā devaṃ sarvapāśāpahāniḥ kṣīṇaiḥ kleśairjanmamṛtyuprahāṇiḥ | tasyābhidhyānāttṛtīyaṃ dehabhede viśvaiśvaryaṃ kevala āptakāmaḥ || 11 ||

देव को जान लेने पर समस्त बन्धन नष्ट हो जाते हैं; क्लेशों के क्षीण होने पर जन्म-मृत्यु मिट जाती है। उसके अभिध्यान से, देह के छूटने पर, तीसरी अवस्था प्राप्त होती है: विश्व का ऐश्वर्य, केवलता, और पूर्ण-काम स्थिति।

मंत्र 12

एतज्ज्ञेयं नित्यमेवात्मसंस्थं नातः परं वेदितव्यं हि किञ्चित् । भोक्ता भोग्यं प्रेरितारं च मत्वा सर्वं प्रोक्तं त्रिविधं ब्रह्ममेतत् ।। १२ ।।

etajjñeyaṃ nityamevātmasaṃsthaṃ nātaḥ paraṃ veditavyaṃ hi kiñcit | bhoktā bhogyaṃ preritāraṃ ca matvā sarvaṃ proktaṃ trividhaṃ brahmametat || 12 ||

यह जानने योग्य तत्त्व सदा आत्मा में स्थित है; इससे परे और कुछ जानने योग्य नहीं है। भोक्ता, भोग्य और प्रेरक को जानकर, यह सब त्रिविध ब्रह्म कहा गया है।

मंत्र 13

वह्नेर्यथा योनिगतस्य मूर्तिर्न दृश्यते नैव च लिङ्गनाशः । स भूय एवेन्धनयोनिगृह्यस्तद्वोभयं वै प्रणवेन देहे ।। १३ ।।

vahneryathā yonigatasya mūrtirna dṛśyate naiva ca liṅganāśaḥ | sa bhūya evendhanayonigṛhyastadvobhayaṃ vai praṇavena dehe || 13 ||

जैसे काष्ठ में स्थित अग्नि का रूप दिखाई नहीं देता, फिर भी उसका लिंग (सूक्ष्म रूप) नष्ट नहीं होता, और वह मंथन द्वारा पुनः काष्ठरूप योनि से ग्रहण किया जा सकता है; वैसे ही देह में प्रणव (ॐ) के द्वारा वह (आत्मा) ग्रहण किया जाता है।

मंत्र 14

स्वदेहमरणिं कृत्वा प्रणवं चोत्तरारणिम् । ध्याननिर्मथनाभ्यासाद्देवं पश्येन्निगूढवत् ।। १४ ।।

svadehamaraṇiṃ kṛtvā praṇavaṃ cottarāraṇim | dhyānanirmathanābhyāsāddevaṃ paśyennigūḍhavat || 14 ||

अपने शरीर को नीचे की अरणि और प्रणव (ॐ) को ऊपर की अरणि बनाकर, ध्यानरूपी मंथन के अभ्यास से मनुष्य उस छिपे हुए देव को देख लेता है।

मंत्र 15

तिलेषु तैलं दधिनीव सर्पिरापः स्रोतःस्वरणीषु चाग्निः । एवमात्माऽऽत्मनि गृह्यतेऽसौ सत्येनैनं तपसा योऽनुपश्यति ।। १५ ।।

tileṣu tailaṃ dadhinīva sarpirāpaḥ srotaḥsvaraṇīṣu cāgniḥ | evamātmā''tmani gṛhyate'sau satyenainaṃ tapasā yo'nupaśyati || 15 ||

जैसे तिलों में तेल, दही में घी, स्रोतों में जल और अरणियों में अग्नि (छिपी रहती है), वैसे ही वह आत्मा उसमें ग्रहण किया जाता है, जो सत्य और तप के द्वारा उसे देखता है।

मंत्र 16

सर्वव्यापिनमात्मानं क्षीरे सर्पिरिवार्पितम् । आत्मविद्यातपोमूलं तद्ब्रह्मोपनिषत्परम् ।। १६ ।।

sarvavyāpinamātmānaṃ kṣīre sarpirivārpitam | ātmavidyātapomūlaṃ tadbrahmopaniṣatparam || 16 ||

उस सर्वव्यापी आत्मा को, जो दूध में घी के समान (सर्वत्र) व्याप्त है, आत्मविद्या और तप को मूल बनाकर (जाना जाता है)। यही परम ब्रह्मोपनिषद् है।

मंत्र 1

युञ्जानः प्रथमं मनस्तत्त्वाय सविता धियः । अग्नेर्ज्योतिर्निचाय्य पृथिव्या अध्याभरत् ।। १ ।।

yuñjānaḥ prathamaṃ manastattvāya savitā dhiyaḥ | agnerjyotirnicāyya pṛthivyā adhyābharat || 1 ||

पहले मन को और बुद्धियों को सत्य (तत्त्व) की ओर लगाकर, सविता (प्रेरक देव) ने अग्नि की ज्योति को जानकर उसे पृथ्वी से ऊपर धारण किया।

मंत्र 2

युक्तेन मनसा वयं देवस्य सवितुः सवे । सुवर्ग्याय शक्त्या ।। २ ।।

yuktena manasā vayaṃ devasya savituḥ save | suvargyāya śaktyā || 2 ||

एकाग्र मन से, देव सविता की प्रेरणा में, हम अपनी सामर्थ्य के अनुसार स्वर्ग (परम पद) की प्राप्ति के लिए (यत्न करें)।

मंत्र 3

युक्त्वाय मनसा देवान्त्सुवर्यतो धिया दिवम् । बृहज्ज्योतिः करिष्यतः सविता प्रसुवाति तान् ।। ३ ।।

yuktvāya manasā devāntsuvaryato dhiyā divam | bṛhajjyotiḥ kariṣyataḥ savitā prasuvāti tān || 3 ||

मन से इन्द्रियों को और बुद्धि को नियुक्त करके, जो स्वर्ग (परम ज्योति) की ओर जाते हैं और महान ज्योति को प्रकट करना चाहते हैं, उन्हें सविता प्रेरित करता है।

मंत्र 4

युञ्जते मन उत युञ्जते धियो विप्रा विप्रस्य बृहतो विपश्चितः । वि होत्रा दधे वयुनाविदेक इन्मही देवस्य सवितुः परिष्टुतिः ।। ४ ।।

yuñjate mana uta yuñjate dhiyo viprā viprasya bṛhato vipaścitaḥ | vi hotrā dadhe vayunāvideka inmahī devasya savituḥ pariṣṭutiḥ || 4 ||

उस महान् और सर्वज्ञ विप्र (ब्रह्म) के लिए ज्ञानी जन अपने मन को और अपनी बुद्धियों को लगाते हैं। सब कर्मों के विधान को जानने वाला वह एक ही है। महान् है देव सविता की स्तुति।

मंत्र 5

युजे वां ब्रह्म पूर्व्यं नमोभिर्विश्लोक एतु पथ्येव सूरेः । शृण्वन्तु विश्वे अमृतस्य पुत्रा आ ये धामानि दिव्यानि तस्थुः ।। ५ ।।

yuje vāṃ brahma pūrvyaṃ namobhirviśloka etu pathyeva sūreḥ | śṛṇvantu viśve amṛtasya putrā ā ye dhāmāni divyāni tasthuḥ || 5 ||

नमन के साथ मैं उस सनातन ब्रह्म से युक्त होता हूँ। मेरी वाणी सूर्य के मार्ग के समान फैले। हे अमृत के पुत्रो, तुम सब सुनो, जो दिव्य धामों में स्थित हो।

मंत्र 6

अग्निर्यत्राभिमथ्यते वायुर्यत्राधिरुध्यते । सोमो यत्रातिरिच्यते तत्र संजायते मनः ।। ६ ।।

agniryatrābhimathyate vāyuryatrādhirudhyate | somo yatrātiricyate tatra saṃjāyate manaḥ || 6 ||

जहाँ अग्नि मथी जाती है, जहाँ वायु को रोका जाता है, जहाँ सोम भर उठता है, वहाँ (उस साधना में) मन (उच्चतर चेतना में) जाग उठता है।

मंत्र 7

सवित्रा प्रसवेन जुषेत ब्रह्म पूर्व्यम् । तत्र योनिं कृणवसे न हि ते पूर्तमक्षिपत् ।। ७ ।।

savitrā prasavena juṣeta brahma pūrvyam | tatra yoniṃ kṛṇavase na hi te pūrtamakṣipat || 7 ||

सविता की प्रेरणा से सनातन ब्रह्म का सेवन करे। वहीं अपना आधार बना; तब तेरा किया हुआ पुण्य कर्म तुझे नीचे नहीं गिराएगा।

मंत्र 8

त्रिरुन्नतं स्थाप्य समं शरीरं हृदीन्द्रियाणि मनसा संनिवेश्य । ब्रह्मोडुपेन प्रतरेत विद्वान् स्रोतांसि सर्वाणि भयावहानि ।। ८ ।।

trirunnataṃ sthāpya samaṃ śarīraṃ hṛdīndriyāṇi manasā saṃniveśya | brahmoḍupena pratareta vidvān srotāṃsi sarvāṇi bhayāvahāni || 8 ||

शरीर के तीन ऊपरी भागों (छाती, ग्रीवा, सिर) को सीधा और सम रखकर, इन्द्रियों को मन सहित हृदय में स्थापित करके, विद्वान् ब्रह्मरूपी नौका से समस्त भयावह स्रोतों (संसार-प्रवाहों) को पार कर जाए।

मंत्र 9

प्राणान्प्रपीड्येह संयुक्तचेष्टः क्षीणे प्राणे नासिकयोच्छ्वसीत । दुष्टाश्वयुक्तमिव वाहमेनं विद्वान्मनो धारयेताप्रमत्तः ।। ९ ।।

prāṇānprapīḍyeha saṃyuktaceṣṭaḥ kṣīṇe prāṇe nāsikayocchvasīta | duṣṭāśvayuktamiva vāhamenaṃ vidvānmano dhārayetāpramattaḥ || 9 ||

प्राणों को नियंत्रित कर, चेष्टाओं को संयत रखकर, प्राण के क्षीण होने पर नासिका से धीरे श्वास ले। जैसे दुष्ट घोड़ों से जुते रथ को सारथी सँभालता है, वैसे ही विद्वान् सावधान रहकर इस मन को धारण करे।

मंत्र 10

समे शुचौ शर्करावह्निवालुकाविवर्जिते शब्दजलाश्रयादिभिः । मनोऽनुकूले न तु चक्षुपीडने गुहानिवाताश्रयणे प्रयोजयेत् ।। १० ।।

same śucau śarkarāvahnivālukāvivarjite śabdajalāśrayādibhiḥ | mano'nukūle na tu cakṣupīḍane guhānivātāśrayaṇe prayojayet || 10 ||

समतल, स्वच्छ, कंकड़-अग्नि-रेत से रहित, शोर और जल आदि से दूर, मन के अनुकूल तथा आँखों को न कष्ट देने वाले, वायुरहित एकान्त गुहा-सदृश स्थान में (योग का) अभ्यास करना चाहिए।

मंत्र 11

नीहारधूमार्कानिलानलानां खद्योतविद्युत्स्फटिकशशीनाम् । एतानि रूपाणि पुरःसराणि ब्रह्मण्यभिव्यक्तिकराणि योगे ।। ११ ।।

nīhāradhūmārkānilānalānāṃ khadyotavidyutsphaṭikaśaśīnām | etāni rūpāṇi puraḥsarāṇi brahmaṇyabhivyaktikarāṇi yoge || 11 ||

कुहरा, धुआँ, सूर्य, वायु, अग्नि, जुगनू, बिजली, स्फटिक और चन्द्रमा: योग में ये रूप पूर्वगामी (आरम्भिक) चिह्न हैं, जो ब्रह्म के प्रकट होने के सूचक हैं।

मंत्र 12

पृथ्व्यप्तेजोऽनिलखे समुत्थिते पञ्चात्मके योगगुणे प्रवृत्ते । न तस्य रोगो न जरा न मृत्युः प्राप्तस्य योगाग्निमयं शरीरम् ।। १२ ।।

pṛthvyaptejo'nilakhe samutthite pañcātmake yogaguṇe pravṛtte | na tasya rogo na jarā na mṛtyuḥ prāptasya yogāgnimayaṃ śarīram || 12 ||

पृथ्वी, जल, तेज, वायु और आकाश: इन पंचभूतों से बना योग का गुण जब प्रकट हो जाता है, तब जिसका शरीर योगाग्नि से बन गया है, उसे न रोग होता है, न बुढ़ापा, न मृत्यु।

मंत्र 13

लघुत्वमारोग्यमलोलुपत्वं वर्णप्रसादं स्वरसौष्ठवं च । गन्धः शुभो मूत्रपुरीषमल्पं योगप्रवृत्तिं प्रथमां वदन्ति ।। १३ ।।

laghutvamārogyamalolupatvaṃ varṇaprasādaṃ svarasauṣṭhavaṃ ca | gandhaḥ śubho mūtrapurīṣamalpaṃ yogapravṛttiṃ prathamāṃ vadanti || 13 ||

शरीर में हलकापन, आरोग्य, निर्लोभता, कान्ति की स्वच्छता, स्वर की मधुरता, शुभ गन्ध, तथा मल-मूत्र का अल्प होना: इन्हें योग की प्रथम प्रगति के लक्षण कहते हैं।

मंत्र 14

यथैव बिम्बं मृदयोपलिप्तं तेजोमयं भ्राजते तत्सुधौतम् । तद्वाऽऽत्मतत्त्वं प्रसमीक्ष्य देही एकः कृतार्थो भवते वीतशोकः ।। १४ ।।

yathaiva bimbaṃ mṛdayopaliptaṃ tejomayaṃ bhrājate tatsudhautam | tadvā''tmatattvaṃ prasamīkṣya dehī ekaḥ kṛtārtho bhavate vītaśokaḥ || 14 ||

जैसे मिट्टी से लिपा हुआ (धातु का) दर्पण भली-भाँति स्वच्छ करने पर तेजोमय होकर चमक उठता है, वैसे ही देही आत्मतत्त्व का साक्षात्कार करके एकत्व को प्राप्त होता है, कृतार्थ और शोकरहित हो जाता है।

मंत्र 15

यदाऽऽत्मतत्त्वेन तु ब्रह्मतत्त्वं दीपोपमेनेह युक्तः प्रपश्येत् । अजं ध्रुवं सर्वतत्त्वैर्विशुद्धं ज्ञात्वा देवं मुच्यते सर्वपापैः ।। १५ ।।

yadā''tmatattvena tu brahmatattvaṃ dīpopameneha yuktaḥ prapaśyet | ajaṃ dhruvaṃ sarvatattvairviśuddhaṃ jñātvā devaṃ mucyate sarvapāpaiḥ || 15 ||

जब योगी अपने आत्मतत्त्व के दीपक-समान प्रकाश से ब्रह्मतत्त्व को देख लेता है, तब उस अजन्मा, ध्रुव, समस्त तत्त्वों से विशुद्ध देव को जानकर वह सब पापों से मुक्त हो जाता है।

मंत्र 16

एष ह देवः प्रदिशोऽनु सर्वाः पूर्वो ह जातः स उ गर्भे अन्तः । स एव जातः स जनिष्यमाणः प्रत्यङ्जनांस्तिष्ठति सर्वतोमुखः ।। १६ ।।

eṣa ha devaḥ pradiśo'nu sarvāḥ pūrvo ha jātaḥ sa u garbhe antaḥ | sa eva jātaḥ sa janiṣyamāṇaḥ pratyaṅjanāṃstiṣṭhati sarvatomukhaḥ || 16 ||

यह देव सब दिशाओं में व्याप्त है; वही सबसे पहले उत्पन्न हुआ और वही (सृष्टि के) गर्भ के भीतर है। वही उत्पन्न हुआ और वही उत्पन्न होने वाला है; सब मुखों वाला वह सब प्राणियों के सम्मुख विद्यमान रहता है।

मंत्र 17

यो देवोऽग्नौ योऽप्सु यो विश्वं भुवनमाविवेश । य ओषधीषु यो वनस्पतिषु तस्मै देवाय नमो नमः ।। १७ ।।

yo devo'gnau yo'psu yo viśvaṃ bhuvanamāviveśa | ya oṣadhīṣu yo vanaspatiṣu tasmai devāya namo namaḥ || 17 ||

जो देव अग्नि में है, जो जल में है, जिसने इस समस्त भुवन में प्रवेश किया है, जो ओषधियों में और वनस्पतियों में है, उस देव को बार-बार नमस्कार है।

मंत्र 1

य एको जालवानीशत ईशनीभिः सर्वाँल्लोकानीशत ईशनीभिः । य एवैक उद्भवे सम्भवे च य एतद्विदुरमृतास्ते भवन्ति ।। १ ।।

ya eko jālavānīśata īśanībhiḥ sarvāṃllokānīśata īśanībhiḥ | ya evaika udbhave sambhave ca ya etadviduramṛtāste bhavanti || 1 ||

जो एक ही, जाल (माया) को धारण करने वाला, अपनी शक्तियों से शासन करता है, अपनी शक्तियों से समस्त लोकों पर शासन करता है; जो सृष्टि के उद्भव और स्थिति में भी एक ही रहता है: जो इसे जानते हैं, वे अमर हो जाते हैं।

मंत्र 2

एको हि रुद्रो न द्वितीयाय तस्थुर्य इमाँल्लोकानीशत ईशनीभिः । प्रत्यङ्जनांस्तिष्ठति संचुकोचान्तकाले संसृज्य विश्वा भुवनानि गोपाः ।। २ ।।

eko hi rudro na dvitīyāya tasthurya imāṃllokānīśata īśanībhiḥ | pratyaṅjanāṃstiṣṭhati saṃcukocāntakāle saṃsṛjya viśvā bhuvanāni gopāḥ || 2 ||

रुद्र एक ही है; किसी दूसरे के लिए वह स्थान नहीं छोड़ता, जो अपनी शक्तियों से इन लोकों पर शासन करता है। वह रक्षक समस्त भुवनों की रचना करके, सब प्राणियों के भीतर स्थित रहता है, और अन्तकाल में सबको समेट लेता है।

मंत्र 3

विश्वतश्चक्षुरुत विश्वतोमुखो विश्वतोबाहुरुत विश्वतस्पात् । सं बाहुभ्यां धमति सम्पतत्रैर्द्यावाभूमी जनयन्देव एकः ।। ३ ।।

viśvataścakṣuruta viśvatomukho viśvatobāhuruta viśvataspāt | saṃ bāhubhyāṃ dhamati sampatatrairdyāvābhūmī janayandeva ekaḥ || 3 ||

उसके नेत्र सब ओर हैं, मुख सब ओर, भुजाएँ सब ओर और चरण सब ओर हैं। वह एक ही देव द्युलोक और पृथ्वी को उत्पन्न करते हुए, अपनी भुजाओं और पंखों से (उन्हें) दृढ़ करता है।

मंत्र 4

यो देवानां प्रभवश्चोद्भवश्च विश्वाधिपो रुद्रो महर्षिः । हिरण्यगर्भं जनयामास पूर्वं स नो बुद्ध्या शुभया संयुनक्तु ।। ४ ।।

yo devānāṃ prabhavaścodbhavaśca viśvādhipo rudro maharṣiḥ | hiraṇyagarbhaṃ janayāmāsa pūrvaṃ sa no buddhyā śubhayā saṃyunaktu || 4 ||

जो देवताओं का उद्गम और उत्पत्ति है, विश्व का अधिपति रुद्र, महान् ऋषि, जिसने पहले हिरण्यगर्भ को उत्पन्न किया: वह हमें शुभ बुद्धि से युक्त करे।

मंत्र 5

या ते रुद्र शिवा तनूरघोराऽपापकाशिनी । तया नस्तनुवा शन्तमया गिरिशन्ताभिचाकशीहि ।। ५ ।।

yā te rudra śivā tanūraghorā'pāpakāśinī | tayā nastanuvā śantamayā giriśantābhicākaśīhi || 5 ||

हे रुद्र, तुम्हारा जो शिव (कल्याणकारी), अघोर (सौम्य) और पाप को दूर करने वाला रूप है, हे गिरिशन्त (पर्वत पर शान्ति देने वाले), उस अत्यन्त शान्त रूप से हमें देखो।

मंत्र 6

यामिषुं गिरिशन्त हस्ते बिभर्ष्यस्तवे । शिवां गिरित्र तां कुरु मा हिंसीः पुरुषं जगत् ।। ६ ।।

yāmiṣuṃ giriśanta haste bibharṣyastave | śivāṃ giritra tāṃ kuru mā hiṃsīḥ puruṣaṃ jagat || 6 ||

हे गिरिशन्त, फेंकने के लिए जो बाण तुम हाथ में धारण करते हो, हे गिरि के रक्षक, उसे कल्याणकारी बना दो; किसी मनुष्य या प्राणी को हानि न पहुँचाओ।

मंत्र 7

ततः परं ब्रह्म परं बृहन्तं यथानिकायं सर्वभूतेषु गूढम् । विश्वस्यैकं परिवेष्टितारमीशं तं ज्ञात्वाऽमृता भवन्ति ।। ७ ।।

tataḥ paraṃ brahma paraṃ bṛhantaṃ yathānikāyaṃ sarvabhūteṣu gūḍham | viśvasyaikaṃ pariveṣṭitāramīśaṃ taṃ jñātvā'mṛtā bhavanti || 7 ||

उससे भी परे, परम विशाल ब्रह्म है, जो प्रत्येक शरीर के अनुसार समस्त प्राणियों में छिपा है। समस्त विश्व को घेरने वाले उस एक ईश्वर को जानकर मनुष्य अमर हो जाते हैं।

मंत्र 8

वेदाहमेतं पुरुषं महान्तमादित्यवर्णं तमसः परस्तात् । तमेव विदित्वाति मृत्युमेति नान्यः पन्था विद्यतेऽयनाय ।। ८ ।।

vedāhametaṃ puruṣaṃ mahāntamādityavarṇaṃ tamasaḥ parastāt | tameva viditvāti mṛtyumeti nānyaḥ panthā vidyate'yanāya || 8 ||

मैं इस महान् पुरुष को जानता हूँ, जो सूर्य के समान वर्ण वाला और अन्धकार से परे है। उसी को जानकर मनुष्य मृत्यु को पार कर जाता है; (मुक्ति के) मार्ग के लिए दूसरा कोई पथ नहीं है।

मंत्र 9

यस्मात्परं नापरमस्ति किंचिद्यस्मान्नाणीयो न ज्यायोऽस्ति कश्चित् । वृक्ष इव स्तब्धो दिवि तिष्ठत्येकस्तेनेदं पूर्णं पुरुषेण सर्वम् ।। ९ ।।

yasmātparaṃ nāparamasti kiṃcidyasmānnāṇīyo na jyāyo'sti kaścit | vṛkṣa iva stabdho divi tiṣṭhatyekastenedaṃ pūrṇaṃ puruṣeṇa sarvam || 9 ||

जिससे बढ़कर और कुछ नहीं है, न जिससे कुछ सूक्ष्मतर या महत्तर है; जो वृक्ष के समान अचल होकर द्युलोक (परम आकाश) में एक ही स्थित है: उस पुरुष से यह सब कुछ परिपूर्ण है।

मंत्र 10

ततो यदुत्तरतरं तदरूपमनामयम् । य एतद्विदुरमृतास्ते भवन्ति अथेतरे दुःखमेवापियन्ति ।। १० ।।

tato yaduttarataraṃ tadarūpamanāmayam | ya etadviduramṛtāste bhavanti athetare duḥkhamevāpiyanti || 10 ||

उससे भी जो श्रेष्ठतर है, वह रूपरहित और रोगरहित (क्लेशरहित) है। जो इसे जानते हैं, वे अमर हो जाते हैं; किन्तु अन्य लोग दुःख को ही प्राप्त होते हैं।

मंत्र 11

सर्वाननशिरोग्रीवः सर्वभूतगुहाशयः । सर्वव्यापी स भगवांस्तस्मात्सर्वगतः शिवः ।। ११ ।।

sarvānanaśirogrīvaḥ sarvabhūtaguhāśayaḥ | sarvavyāpī sa bhagavāṃstasmātsarvagataḥ śivaḥ || 11 ||

उसके मुख, सिर और ग्रीवा सब ओर हैं; वह समस्त प्राणियों की हृदय-गुहा में निवास करता है। वह भगवान् सर्वव्यापी है; इसीलिए वह सर्वगत और शिव (कल्याणस्वरूप) है।

मंत्र 12

महान्प्रभुर्वै पुरुषः सत्त्वस्यैष प्रवर्तकः । सुनिर्मलामिमां प्राप्तिमीशानो ज्योतिरव्ययः ।। १२ ।।

mahānprabhurvai puruṣaḥ sattvasyaiṣa pravartakaḥ | sunirmalāmimāṃ prāptimīśāno jyotiravyayaḥ || 12 ||

पुरुष निश्चय ही महान् प्रभु है; वह बुद्धि (सत्त्व) का प्रवर्तक है। वह ईशान इस अत्यन्त निर्मल प्राप्ति (मोक्ष) का स्वामी है, और अविनाशी ज्योति है।

मंत्र 13

अङ्गुष्ठमात्रः पुरुषोऽन्तरात्मा सदा जनानां हृदये संनिविष्टः । हृदा मनीषा मनसाभिक्लृप्तो य एतद्विदुरमृतास्ते भवन्ति ।। १३ ।।

aṅguṣṭhamātraḥ puruṣo'ntarātmā sadā janānāṃ hṛdaye saṃniviṣṭaḥ | hṛdā manīṣā manasābhiklṛpto ya etadviduramṛtāste bhavanti || 13 ||

अँगूठे के परिमाण वाला पुरुष अन्तरात्मा है, जो सदा मनुष्यों के हृदय में स्थित रहता है। वह हृदय, बुद्धि और मन से जाना जाता है; जो इसे जानते हैं, वे अमर हो जाते हैं।

मंत्र 14

सहस्रशीर्षा पुरुषः सहस्राक्षः सहस्रपात् । स भूमिं विश्वतो वृत्वात्यतिष्ठद्दशाङ्गुलम् ।। १४ ।।

sahasraśīrṣā puruṣaḥ sahasrākṣaḥ sahasrapāt | sa bhūmiṃ viśvato vṛtvātyatiṣṭhaddaśāṅgulam || 14 ||

पुरुष के सहस्र सिर, सहस्र नेत्र और सहस्र चरण हैं। वह पृथ्वी को सब ओर से घेरकर, उससे भी दस अंगुल आगे विद्यमान रहा।

मंत्र 15

पुरुष एवेदं सर्वं यद्भूतं यच्च भव्यम् । उतामृतत्वस्येशानो यदन्नेनातिरोहति ।। १५ ।।

puruṣa evedaṃ sarvaṃ yadbhūtaṃ yacca bhavyam | utāmṛtatvasyeśāno yadannenātirohati || 15 ||

यह सब कुछ पुरुष ही है: जो हो चुका है और जो होने वाला है। वह अमरत्व का स्वामी भी है, और वही है जो अन्न के द्वारा (इस जगत् रूप में) बढ़ता है।

मंत्र 16

सर्वतःपाणिपादं तत्सर्वतोऽक्षिशिरोमुखम् । सर्वतःश्रुतिमल्लोके सर्वमावृत्य तिष्ठति ।। १६ ।।

sarvataḥpāṇipādaṃ tatsarvato'kṣiśiromukham | sarvataḥśrutimalloke sarvamāvṛtya tiṣṭhati || 16 ||

उसके हाथ और पैर सब ओर हैं, नेत्र, सिर और मुख सब ओर, तथा कान सब ओर हैं। वह इस लोक में सब कुछ व्याप्त करके स्थित है।

मंत्र 17

सर्वेन्द्रियगुणाभासं सर्वेन्द्रियविवर्जितम् । सर्वस्य प्रभुमीशानं सर्वस्य शरणं बृहत् ।। १७ ।।

sarvendriyaguṇābhāsaṃ sarvendriyavivarjitam | sarvasya prabhumīśānaṃ sarvasya śaraṇaṃ bṛhat || 17 ||

वह समस्त इन्द्रियों के गुणों से प्रकाशित होता है, फिर भी समस्त इन्द्रियों से रहित है। वह सबका प्रभु, सबका ईशान, सबकी शरण और परम विशाल है।

मंत्र 18

नवद्वारे पुरे देही हंसो लेलायते बहिः । वशी सर्वस्य लोकस्य स्थावरस्य चरस्य च ।। १८ ।।

navadvāre pure dehī haṃso lelāyate bahiḥ | vaśī sarvasya lokasya sthāvarasya carasya ca || 18 ||

नौ द्वारों वाले नगर (शरीर) में देही हंस (आत्मा) रहता है, और (उससे बद्ध जैसा प्रतीत होते हुए भी) बाहर विचरण करता है। वह समस्त लोक का, चर और अचर सबका स्वामी है।

मंत्र 19

अपाणिपादो जवनो ग्रहीता पश्यत्यचक्षुः स शृणोत्यकर्णः । स वेत्ति वेद्यं न च तस्यास्ति वेत्ता तमाहुरग्र्यं पुरुषं महान्तम् ।। १९ ।।

apāṇipādo javano grahītā paśyatyacakṣuḥ sa śṛṇotyakarṇaḥ | sa vetti vedyaṃ na ca tasyāsti vettā tamāhuragryaṃ puruṣaṃ mahāntam || 19 ||

हाथ-पैर के बिना भी वह वेगवान् है और ग्रहण करता है; नेत्र के बिना देखता है, कान के बिना सुनता है। वह जानने योग्य सब कुछ जानता है, किन्तु उसे जानने वाला कोई नहीं। उसे ही सबसे अग्रणी महान् पुरुष कहते हैं।

मंत्र 20

अणोरणीयान्महतो महीयानात्मा गुहायां निहितोऽस्य जन्तोः । तमक्रतुं पश्यति वीतशोको धातुः प्रसादान्महिमानमीशम् ।। २० ।।

aṇoraṇīyānmahato mahīyānātmā guhāyāṃ nihito'sya jantoḥ | tamakratuṃ paśyati vītaśoko dhātuḥ prasādānmahimānamīśam || 20 ||

आत्मा अणु से भी सूक्ष्म और महान् से भी महान् है, जो इस प्राणी की हृदय-गुहा में स्थित है। कामनाओं से रहित होकर, विधाता की कृपा से मनुष्य उस महिमाशाली ईश्वर को देख लेता है और शोकरहित हो जाता है।

मंत्र 21

वेदाहमेतमजरं पुराणं सर्वात्मानं सर्वगतं विभुत्वात् । जन्मनिरोधं प्रवदन्ति यस्य ब्रह्मवादिनो हि प्रवदन्ति नित्यम् ।। २१ ।।

vedāhametamajaraṃ purāṇaṃ sarvātmānaṃ sarvagataṃ vibhutvāt | janmanirodhaṃ pravadanti yasya brahmavādino hi pravadanti nityam || 21 ||

मैं इस अजर, पुराण, सर्वात्मा को जानता हूँ, जो अपनी व्यापकता के कारण सर्वगत है, जिसके विषय में ब्रह्मवादी जन्म का निरोध (जन्मरहितता) बताते हैं, और जिसे वे नित्य कहते हैं।

मंत्र 1

य एकोऽवर्णो बहुधा शक्तियोगाद्वर्णाननेकान्निहितार्थो दधाति । वि चैति चान्ते विश्वमादौ स देवः स नो बुद्ध्या शुभया संयुनक्तु ।। १ ।।

ya eko'varṇo bahudhā śaktiyogādvarṇānanekānnihitārtho dadhāti | vi caiti cānte viśvamādau sa devaḥ sa no buddhyā śubhayā saṃyunaktu || 1 ||

जो एक ही, वर्णरहित (रंगरहित) होकर, अपनी शक्ति के योग से, अपने गुप्त प्रयोजन के अनुसार अनेक वर्ण धारण करता है; जो आदि में और अन्त में इस विश्व को समेट लेता है, वह देव हमें शुभ बुद्धि से युक्त करे।

मंत्र 2

तदेवाग्निस्तदादित्यस्तद्वायुस्तदु चन्द्रमाः । तदेव शुक्रं तद्ब्रह्म तदापस्तत्प्रजापतिः ।। २ ।।

tadevāgnistadādityastadvāyustadu candramāḥ | tadeva śukraṃ tadbrahma tadāpastatprajāpatiḥ || 2 ||

वही अग्नि है, वही सूर्य, वही वायु, वही चन्द्रमा है। वही शुक्र (तेज) है, वही ब्रह्मा, वही जल और वही प्रजापति है।

मंत्र 3

त्वं स्त्री त्वं पुमानसि त्वं कुमार उत वा कुमारी । त्वं जीर्णो दण्डेन वञ्चसि त्वं जातो भवसि विश्वतोमुखः ।। ३ ।।

tvaṃ strī tvaṃ pumānasi tvaṃ kumāra uta vā kumārī | tvaṃ jīrṇo daṇḍena vañcasi tvaṃ jāto bhavasi viśvatomukhaḥ || 3 ||

तुम स्त्री हो, तुम पुरुष हो, तुम किशोर हो और किशोरी भी। तुम ही वृद्ध होकर लाठी के सहारे चलते हो; तुम ही उत्पन्न होकर सब ओर मुख वाले (विश्वरूप) हो जाते हो।

मंत्र 4

नीलः पतङ्गो हरितो लोहिताक्षस्तडिद्गर्भ ऋतवः समुद्राः । अनादिमत्त्वं विभुत्वेन वर्तसे यतो जातानि भुवनानि विश्वा ।। ४ ।।

nīlaḥ pataṅgo harito lohitākṣastaḍidgarbha ṛtavaḥ samudrāḥ | anādimattvaṃ vibhutvena vartase yato jātāni bhuvanāni viśvā || 4 ||

तुम नीला भ्रमर हो, हरा तोता हो, लाल नेत्रों वाला हो; तुम बिजली के गर्भ वाले (मेघ) हो, तुम ऋतुएँ और समुद्र हो। तुम अनादि हो और अपनी व्यापकता से सर्वत्र विद्यमान हो, जिससे समस्त भुवन उत्पन्न हुए हैं।

मंत्र 5

अजामेकां लोहितशुक्लकृष्णां बह्वीः प्रजाः सृजमानां सरूपाः । अजो ह्येको जुषमाणोऽनुशेते जहात्येनां भुक्तभोगामजोऽन्यः ।। ५ ।।

ajāmekāṃ lohitaśuklakṛṣṇāṃ bahvīḥ prajāḥ sṛjamānāṃ sarūpāḥ | ajo hyeko juṣamāṇo'nuśete jahātyenāṃ bhuktabhogāmajo'nyaḥ || 5 ||

एक अजा (अजन्मा प्रकृति) है, लाल, श्वेत और कृष्ण वर्ण वाली, जो अपने ही सदृश अनेक प्रजाओं को उत्पन्न करती है। एक अज (जीव) उससे आसक्त होकर उसके साथ रहता है; किन्तु दूसरा अज (मुक्त पुरुष) उसे, जिसका भोग वह भोग चुका, छोड़ देता है।

मंत्र 6

द्वा सुपर्णा सयुजा सखाया समानं वृक्षं परिषस्वजाते । तयोरन्यः पिप्पलं स्वाद्वत्त्यनश्नन्नन्यो अभिचाकशीति ।। ६ ।।

dvā suparṇā sayujā sakhāyā samānaṃ vṛkṣaṃ pariṣasvajāte | tayoranyaḥ pippalaṃ svādvattyanaśnannanyo abhicākaśīti || 6 ||

दो सुन्दर पंखों वाले पक्षी, सदा साथ रहने वाले सखा, एक ही वृक्ष पर बसे हुए हैं। उनमें से एक मीठे पिप्पल-फल को खाता है, और दूसरा बिना खाए केवल देखता रहता है।

मंत्र 7

समाने वृक्षे पुरुषो निमग्नोऽनीशया शोचति मुह्यमानः । जुष्टं यदा पश्यत्यन्यमीशमस्य महिमानमिति वीतशोकः ।। ७ ।।

samāne vṛkṣe puruṣo nimagno'nīśayā śocati muhyamānaḥ | juṣṭaṃ yadā paśyatyanyamīśamasya mahimānamiti vītaśokaḥ || 7 ||

उसी वृक्ष पर मग्न हुआ जीव, अपनी असमर्थता के कारण मोहित होकर शोक करता है। किन्तु जब वह दूसरे को, पूजित ईश्वर को और उसकी महिमा को देख लेता है, तब शोकरहित हो जाता है।

मंत्र 8

ऋचो अक्षरे परमे व्योमन्यस्मिन्देवा अधि विश्वे निषेदुः । यस्तं न वेद किमृचा करिष्यति य इत्तद्विदुस्त इमे समासते ।। ८ ।।

ṛco akṣare parame vyomanyasmindevā adhi viśve niṣeduḥ | yastaṃ na veda kimṛcā kariṣyati ya ittadvidusta ime samāsate || 8 ||

ऋचाएँ उस परम अविनाशी आकाश (ब्रह्म) में स्थित हैं, जिसमें समस्त देव निवास करते हैं। जो उसे नहीं जानता, वह ऋचाओं से क्या करेगा? जो इसे जानते हैं, वे ही (यहाँ) समरूप में स्थित हैं।

मंत्र 9

छन्दांसि यज्ञाः क्रतवो व्रतानि भूतं भव्यं यच्च वेदा वदन्ति । अस्मान्मायी सृजते विश्वमेतत्तस्मिंश्चान्यो मायया संनिरुद्धः ।। ९ ।।

chandāṃsi yajñāḥ kratavo vratāni bhūtaṃ bhavyaṃ yacca vedā vadanti | asmānmāyī sṛjate viśvametattasmiṃścānyo māyayā saṃniruddhaḥ || 9 ||

छन्द, यज्ञ, क्रतु, व्रत, भूत, भविष्य और जो कुछ वेद कहते हैं: इस सबको मायावी (ईश्वर) इसी (प्रकृति) से रचता है; और उसी में दूसरा (जीव) माया से बँधा रहता है।

मंत्र 10

मायां तु प्रकृतिं विद्यान्मायिनं तु महेश्वरम् । तस्यावयवभूतैस्तु व्याप्तं सर्वमिदं जगत् ।। १० ।।

māyāṃ tu prakṛtiṃ vidyānmāyinaṃ tu maheśvaram | tasyāvayavabhūtaistu vyāptaṃ sarvamidaṃ jagat || 10 ||

माया को प्रकृति जानो, और मायी (माया का स्वामी) को महेश्वर जानो। यह समस्त जगत् उसी के अंगभूत तत्त्वों से व्याप्त है।

मंत्र 11

यो योनिं योनिमधितिष्ठत्येको यस्मिन्निदं सं च वि चैति सर्वम् । तमीशानं वरदं देवमीड्यं निचाय्येमां शान्तिमत्यन्तमेति ।। ११ ।।

yo yoniṃ yonimadhitiṣṭhatyeko yasminnidaṃ saṃ ca vi caiti sarvam | tamīśānaṃ varadaṃ devamīḍyaṃ nicāyyemāṃ śāntimatyantameti || 11 ||

जो एक ही प्रत्येक योनि पर अधिष्ठित है, जिसमें यह सब कुछ मिल जाता है और फिर विस्तृत होता है, उस वरदायक, पूज्य ईशान देव का साक्षात्कार करके मनुष्य इस परम शान्ति को प्राप्त होता है।

मंत्र 12

यो देवानां प्रभवश्चोद्भवश्च विश्वाधिपो रुद्रो महर्षिः । हिरण्यगर्भं पश्यत जायमानं स नो बुद्ध्या शुभया संयुनक्तु ।। १२ ।।

yo devānāṃ prabhavaścodbhavaśca viśvādhipo rudro maharṣiḥ | hiraṇyagarbhaṃ paśyata jāyamānaṃ sa no buddhyā śubhayā saṃyunaktu || 12 ||

जो देवताओं का उद्गम और उत्पत्ति है, विश्व का अधिपति रुद्र, महान् ऋषि, जिसने हिरण्यगर्भ को उत्पन्न होते देखा: वह हमें शुभ बुद्धि से युक्त करे।

मंत्र 13

यो देवानामधिपो यस्मिँल्लोका अधिश्रिताः । य ईशे अस्य द्विपदश्चतुष्पदः कस्मै देवाय हविषा विधेम ।। १३ ।।

yo devānāmadhipo yasmiṃllokā adhiśritāḥ | ya īśe asya dvipadaścatuṣpadaḥ kasmai devāya haviṣā vidhema || 13 ||

जो देवताओं का अधिपति है, जिसमें समस्त लोक आश्रित हैं, जो इस द्विपद और चतुष्पद (मनुष्य और पशु) जगत् पर शासन करता है: उस देव की हम हवि से किस प्रकार पूजा करें?

मंत्र 14

सूक्ष्मातिसूक्ष्मं कलिलस्य मध्ये विश्वस्य स्रष्टारमनेकरूपम् । विश्वस्यैकं परिवेष्टितारं ज्ञात्वा शिवं शान्तिमत्यन्तमेति ।। १४ ।।

sūkṣmātisūkṣmaṃ kalilasya madhye viśvasya sraṣṭāramanekarūpam | viśvasyaikaṃ pariveṣṭitāraṃ jñātvā śivaṃ śāntimatyantameti || 14 ||

सूक्ष्म से भी सूक्ष्म, इस दुर्गम (सृष्टि) के मध्य में स्थित, विश्व के स्रष्टा, अनेक रूपों वाले, समस्त विश्व को अकेले घेरने वाले उस शिव को जानकर मनुष्य परम शान्ति को प्राप्त होता है।

मंत्र 15

स एव काले भुवनस्य गोप्ता विश्वाधिपः सर्वभूतेषु गूढः । यस्मिन्युक्ता ब्रह्मर्षयो देवताश्च तमेवं ज्ञात्वा मृत्युपाशांश्छिनत्ति ।। १५ ।।

sa eva kāle bhuvanasya goptā viśvādhipaḥ sarvabhūteṣu gūḍhaḥ | yasminyuktā brahmarṣayo devatāśca tamevaṃ jñātvā mṛtyupāśāṃśchinatti || 15 ||

वही (उचित) समय पर संसार का रक्षक है, विश्व का अधिपति, समस्त प्राणियों में छिपा हुआ, जिसमें ब्रह्मर्षि और देवता युक्त (लीन) रहते हैं। उसे इस प्रकार जानकर मनुष्य मृत्यु के पाशों को काट देता है।

मंत्र 16

घृतात्परं मण्डमिवातिसूक्ष्मं ज्ञात्वा शिवं सर्वभूतेषु गूढम् । विश्वस्यैकं परिवेष्टितारं ज्ञात्वा देवं मुच्यते सर्वपाशैः ।। १६ ।।

ghṛtātparaṃ maṇḍamivātisūkṣmaṃ jñātvā śivaṃ sarvabhūteṣu gūḍham | viśvasyaikaṃ pariveṣṭitāraṃ jñātvā devaṃ mucyate sarvapāśaiḥ || 16 ||

घी से भी सूक्ष्म उसके सार (मलाई) के समान अत्यन्त सूक्ष्म, समस्त प्राणियों में छिपे हुए शिव को जानकर, समस्त विश्व को अकेले घेरने वाले उस देव को जानकर, मनुष्य समस्त बन्धनों से मुक्त हो जाता है।

मंत्र 17

एष देवो विश्वकर्मा महात्मा सदा जनानां हृदये संनिविष्टः । हृदा मनीषा मनसाभिक्लृप्तो य एतद्विदुरमृतास्ते भवन्ति ।। १७ ।।

eṣa devo viśvakarmā mahātmā sadā janānāṃ hṛdaye saṃniviṣṭaḥ | hṛdā manīṣā manasābhiklṛpto ya etadviduramṛtāste bhavanti || 17 ||

यह देव विश्वकर्मा और महात्मा है, जो सदा मनुष्यों के हृदय में स्थित है। वह हृदय, बुद्धि और मन से जाना जाता है; जो इसे जानते हैं, वे अमर हो जाते हैं।

मंत्र 18

यदाऽतमस्तन्न दिवा न रात्रिर्न सन्न चासच्छिव एव केवलः । तदक्षरं तत्सवितुर्वरेण्यं प्रज्ञा च तस्मात्प्रसृता पुराणी ।। १८ ।।

yadā'tamastanna divā na rātrirna sanna cāsacchiva eva kevalaḥ | tadakṣaraṃ tatsaviturvareṇyaṃ prajñā ca tasmātprasṛtā purāṇī || 18 ||

जहाँ अन्धकार नहीं है, वहाँ न दिन है, न रात्रि; न सत् है, न असत्: केवल शिव ही है। वह अक्षर है, वह सविता का वरणीय (तेज) है, और उसी से सनातन प्रज्ञा प्रसृत हुई है।

मंत्र 19

नैनमूर्ध्वं न तिर्यञ्चं न मध्ये न परिजग्रभत् । न तस्य प्रतिमा अस्ति यस्य नाम महद्यशः ।। १९ ।।

nainamūrdhvaṃ na tiryañcaṃ na madhye na parijagrabhat | na tasya pratimā asti yasya nāma mahadyaśaḥ || 19 ||

न ऊपर से, न आजू-बाजू से, न मध्य से किसी ने उसे पकड़ा (सीमित किया) है। उसकी कोई प्रतिमा (उपमा) नहीं है, जिसका नाम ही महान् यश है।

मंत्र 20

न संदृशे तिष्ठति रूपमस्य न चक्षुषा पश्यति कश्चनैनम् । हृदा हृदिस्थं मनसा य एनमेवं विदुरमृतास्ते भवन्ति ।। २० ।।

na saṃdṛśe tiṣṭhati rūpamasya na cakṣuṣā paśyati kaścanainam | hṛdā hṛdisthaṃ manasā ya enamevaṃ viduramṛtāste bhavanti || 20 ||

उसका रूप दृष्टि के सामने नहीं आता; कोई भी उसे नेत्र से नहीं देख सकता। जो इस हृदय में स्थित को हृदय और मन से इस प्रकार जानते हैं, वे अमर हो जाते हैं।

मंत्र 21

अजात इत्येवं कश्चिद्भीरुः प्रपद्यते । रुद्र यत्ते दक्षिणं मुखं तेन मां पाहि नित्यम् ।। २१ ।।

ajāta ityevaṃ kaścidbhīruḥ prapadyate | rudra yatte dakṣiṇaṃ mukhaṃ tena māṃ pāhi nityam || 21 ||

'वह अजन्मा है' ऐसा जानकर कोई श्रद्धालु भयभीत होकर शरण में आता है। हे रुद्र, तुम्हारा जो दक्षिण (सौम्य, अनुग्रहकारी) मुख है, उससे मेरी सदा रक्षा करो।

मंत्र 22

मा नस्तोके तनये मा न आयुषि मा नो गोषु मा नो अश्वेषु रीरिषः । वीरान्मा नो रुद्र भामितोऽवधीर्हविष्मन्तः सदमित्त्वा हवामहे ।। २२ ।।

mā nastoke tanaye mā na āyuṣi mā no goṣu mā no aśveṣu rīriṣaḥ | vīrānmā no rudra bhāmito'vadhīrhaviṣmantaḥ sadamittvā havāmahe || 22 ||

हे रुद्र, हमारे बालकों और सन्तानों में, हमारी आयु में, हमारी गौओं और अश्वों में हमें हानि मत पहुँचाओ। क्रोध में आकर हमारे वीरों का वध मत करो; हवि धारण करते हुए हम सदा तुम्हारा आवाहन करते हैं।

मंत्र 1

द्वे अक्षरे ब्रह्मपरे त्वनन्ते विद्याविद्ये निहिते यत्र गूढे । क्षरं त्वविद्या ह्यमृतं तु विद्या विद्याविद्ये ईशते यस्तु सोऽन्यः ।। १ ।।

dve akṣare brahmapare tvanante vidyāvidye nihite yatra gūḍhe | kṣaraṃ tvavidyā hyamṛtaṃ tu vidyā vidyāvidye īśate yastu so'nyaḥ || 1 ||

उस अनन्त परब्रह्म में दो अविनाशी तत्त्व छिपे हुए हैं: विद्या और अविद्या। अविद्या क्षर (नाशवान्) है और विद्या अमृत है; किन्तु जो विद्या और अविद्या दोनों पर शासन करता है, वह इन दोनों से भिन्न है।

मंत्र 2

यो योनिं योनिमधितिष्ठत्येको विश्वानि रूपाणि योनीश्च सर्वाः । ऋषिं प्रसूतं कपिलं यस्तमग्रे ज्ञानैर्बिभर्ति जायमानं च पश्येत् ।। २ ।।

yo yoniṃ yonimadhitiṣṭhatyeko viśvāni rūpāṇi yonīśca sarvāḥ | ṛṣiṃ prasūtaṃ kapilaṃ yastamagre jñānairbibharti jāyamānaṃ ca paśyet || 2 ||

जो एक ही प्रत्येक योनि पर, समस्त रूपों और समस्त योनियों पर अधिष्ठित है; जो आदि में उत्पन्न हुए कपिल ऋषि को ज्ञानों से पोषित करता है और उसे उत्पन्न होते हुए देखता है (वही परमेश्वर है)।

मंत्र 3

एकैकं जालं बहुधा विकुर्वन्नस्मिन्क्षेत्रे संहरत्येष देवः । भूयः सृष्ट्वा पतयस्तथेशः सर्वाधिपत्यं कुरुते महात्मा ।। ३ ।।

ekaikaṃ jālaṃ bahudhā vikurvannasminkṣetre saṃharatyeṣa devaḥ | bhūyaḥ sṛṣṭvā patayastatheśaḥ sarvādhipatyaṃ kurute mahātmā || 3 ||

यह देव प्रत्येक जाल (माया की रचना) को अनेक प्रकार से विस्तृत करके इस क्षेत्र (संसार) में समेट लेता है। फिर से रचना करके, वह ईश महात्मा शासकों पर भी शासन करता है और सर्वोपरि आधिपत्य करता है।

मंत्र 4

सर्वा दिश ऊर्ध्वमधश्च तिर्यक्प्रकाशयन्भ्राजते यद्वनड्वान् । एवं स देवो भगवान्वरेण्यो योनिस्वभावानधितिष्ठत्येकः ।। ४ ।।

sarvā diśa ūrdhvamadhaśca tiryakprakāśayanbhrājate yadvanaḍvān | evaṃ sa devo bhagavānvareṇyo yonisvabhāvānadhitiṣṭhatyekaḥ || 4 ||

जैसे सूर्य सब दिशाओं को, ऊपर, नीचे और तिरछे प्रकाशित करता हुआ चमकता है, वैसे ही वह वरणीय भगवान् देव एक ही समस्त योनियों और स्वभावों पर अधिष्ठित रहता है।

मंत्र 5

यच्च स्वभावं पचति विश्वयोनिः पाच्यांश्च सर्वान्परिणामयेद्यः । सर्वमेतद्विश्वमधितिष्ठत्येको गुणांश्च सर्वान्विनियोजयेद्यः ।। ५ ।।

yacca svabhāvaṃ pacati viśvayoniḥ pācyāṃśca sarvānpariṇāmayedyaḥ | sarvametadviśvamadhitiṣṭhatyeko guṇāṃśca sarvānviniyojayedyaḥ || 5 ||

वह विश्वयोनि जो प्रकृति (स्वभाव) को परिपक्व करता है और समस्त पकने योग्य वस्तुओं को परिणत करता है; जो इस समस्त विश्व पर अकेला अधिष्ठित रहता है और समस्त गुणों को उनके कार्यों में नियुक्त करता है।

मंत्र 6

तद्वेदगुह्योपनिषत्सु गूढं तद्ब्रह्मा वेदते ब्रह्मयोनिम् । ये पूर्वं देवा ऋषयश्च तद्विदुस्ते तन्मया अमृता वै बभूवुः ।। ६ ।।

tadvedaguhyopaniṣatsu gūḍhaṃ tadbrahmā vedate brahmayonim | ye pūrvaṃ devā ṛṣayaśca tadviduste tanmayā amṛtā vai babhūvuḥ || 6 ||

वह (ब्रह्म) वेदों के गुह्य भाग उपनिषदों में छिपा है; ब्रह्मा उस ब्रह्म की योनि (उद्गम) को जानता है। जो पूर्वकाल के देव और ऋषि उसे जानते थे, वे उसमें तन्मय होकर निश्चय ही अमर हो गए।

मंत्र 7

गुणान्वयो यः फलकर्मकर्ता कृतस्य तस्यैव स चोपभोक्ता । स विश्वरूपस्त्रिगुणस्त्रिवर्त्मा प्राणाधिपः संचरति स्वकर्मभिः ।। ७ ।।

guṇānvayo yaḥ phalakarmakartā kṛtasya tasyaiva sa copabhoktā | sa viśvarūpastriguṇastrivartmā prāṇādhipaḥ saṃcarati svakarmabhiḥ || 7 ||

जो जीव गुणों से युक्त होकर फल देने वाले कर्मों का कर्ता है, वही अपने किए हुए का भोक्ता भी होता है। वह विश्वरूप, त्रिगुणमय, तीन मार्गों वाला, प्राणों का स्वामी, अपने ही कर्मों के अनुसार (संसार में) विचरण करता है।

मंत्र 8

अङ्गुष्ठमात्रो रवितुल्यरूपः संकल्पाहंकारसमन्वितो यः । बुद्धेर्गुणेनात्मगुणेन चैव आराग्रमात्रोऽप्यपरोऽपि दृष्टः ।। ८ ।।

aṅguṣṭhamātro ravitulyarūpaḥ saṃkalpāhaṃkārasamanvito yaḥ | buddherguṇenātmaguṇena caiva ārāgramātro'pyaparo'pi dṛṣṭaḥ || 8 ||

अँगूठे के परिमाण वाला, सूर्य के समान रूप वाला, संकल्प और अहंकार से युक्त वह जीव; बुद्धि के गुण और आत्मा के गुण के कारण, सुई की नोक के परिमाण जितना सूक्ष्म भी देखा जाता है।

मंत्र 9

वालाग्रशतभागस्य शतधा कल्पितस्य च । भागो जीवः स विज्ञेयः स चानन्त्याय कल्पते ।। ९ ।।

vālāgraśatabhāgasya śatadhā kalpitasya ca | bhāgo jīvaḥ sa vijñeyaḥ sa cānantyāya kalpate || 9 ||

बाल के अग्रभाग के सौवें भाग को फिर से सौ बार विभाजित करने पर जो अंश हो, उतना सूक्ष्म जीव जानना चाहिए; फिर भी वही अनन्तता (मोक्ष) के योग्य होता है।

मंत्र 10

नैव स्त्री न पुमानेष न चैवायं नपुंसकः । यद्यच्छरीरमादत्ते तेन तेन स युज्यते ।। १० ।।

naiva strī na pumāneṣa na caivāyaṃ napuṃsakaḥ | yadyaccharīramādatte tena tena sa yujyate || 10 ||

यह (जीव) न स्त्री है, न पुरुष, न ही नपुंसक। जो-जो शरीर वह धारण करता है, उसी-उसी के साथ वह जुड़ जाता (सम्बद्ध हो जाता) है।

मंत्र 11

संकल्पनस्पर्शनदृष्टिमोहैर्ग्रासाम्बुवृष्ट्या चात्मविवृद्धिजन्म । कर्मानुगान्यनुक्रमेण देही स्थानेषु रूपाण्यभिसंप्रपद्यते ।। ११ ।।

saṃkalpanasparśanadṛṣṭimohairgrāsāmbuvṛṣṭyā cātmavivṛddhijanma | karmānugānyanukrameṇa dehī sthāneṣu rūpāṇyabhisaṃprapadyate || 11 ||

संकल्प, स्पर्श, दृष्टि और मोह के द्वारा, तथा अन्न और जल की वर्षा से जीव के शरीर की वृद्धि और जन्म होता है। देही अपने कर्मों के अनुसार, क्रमशः विभिन्न स्थानों में विभिन्न रूपों को प्राप्त करता है।

मंत्र 12

स्थूलानि सूक्ष्माणि बहूनि चैव रूपाणि देही स्वगुणैर्वृणोति । क्रियागुणैरात्मगुणैश्च तेषां संयोगहेतुरपरोऽपि दृष्टः ।। १२ ।।

sthūlāni sūkṣmāṇi bahūni caiva rūpāṇi dehī svaguṇairvṛṇoti | kriyāguṇairātmaguṇaiśca teṣāṃ saṃyogaheturaparo'pi dṛṣṭaḥ || 12 ||

देही अपने गुणों के अनुसार स्थूल, सूक्ष्म और अनेक रूपों को ग्रहण करता है। कर्म के गुणों और आत्मा के गुणों के कारण उनका संयोग होता है; किन्तु इस संयोग का हेतु एक अन्य (परमेश्वर) भी देखा जाता है।

मंत्र 13

अनाद्यनन्तं कलिलस्य मध्ये विश्वस्य स्रष्टारमनेकरूपम् । विश्वस्यैकं परिवेष्टितारं ज्ञात्वा देवं मुच्यते सर्वपाशैः ।। १३ ।।

anādyanantaṃ kalilasya madhye viśvasya sraṣṭāramanekarūpam | viśvasyaikaṃ pariveṣṭitāraṃ jñātvā devaṃ mucyate sarvapāśaiḥ || 13 ||

आदि और अन्त से रहित, इस दुर्गम (सृष्टि) के मध्य में स्थित, विश्व के स्रष्टा, अनेक रूपों वाले, समस्त विश्व को अकेले घेरने वाले उस देव को जानकर मनुष्य समस्त बन्धनों से मुक्त हो जाता है।

मंत्र 14

भावग्राह्यमनीडाख्यं भावाभावकरं शिवम् । कलासर्गकरं देवं ये विदुस्ते जहुस्तनुम् ।। १४ ।।

bhāvagrāhyamanīḍākhyaṃ bhāvābhāvakaraṃ śivam | kalāsargakaraṃ devaṃ ye viduste jahustanum || 14 ||

जो भाव (शुद्ध हृदय) से ग्रहण किया जाता है, जो 'अनीड' (शरीररहित, निराकार) कहलाता है, जो भाव (सृष्टि) और अभाव (प्रलय) का कर्ता, कल्याणस्वरूप शिव है, जो कलाओं (सृष्टि के अंशों) का रचयिता है: उस देव को जो जानते हैं, वे शरीर (देहबन्धन) को त्याग देते हैं।

मंत्र 1

स्वभावमेके कवयो वदन्ति कालं तथान्ये परिमुह्यमानाः । देवस्यैष महिमा तु लोके येनेदं भ्राम्यते ब्रह्मचक्रम् ।। १ ।।

svabhāvameke kavayo vadanti kālaṃ tathānye parimuhyamānāḥ | devasyaiṣa mahimā tu loke yenedaṃ bhrāmyate brahmacakram || 1 ||

कुछ विद्वान् स्वभाव को (जगत् का कारण) कहते हैं, और कुछ मोहित होकर काल को कहते हैं। किन्तु यह तो देव की महिमा है, जिसके द्वारा इस लोक में यह ब्रह्मचक्र घुमाया जाता है।

मंत्र 2

येनावृतं नित्यमिदं हि सर्वं ज्ञः कालकारो गुणी सर्वविद्यः । तेनेशितं कर्म विवर्तते ह पृथिव्यप्तेजोऽनिलखानि चिन्त्यम् ।। २ ।।

yenāvṛtaṃ nityamidaṃ hi sarvaṃ jñaḥ kālakāro guṇī sarvavidyaḥ | teneśitaṃ karma vivartate ha pṛthivyaptejo'nilakhāni cintyam || 2 ||

जिसके द्वारा यह सब कुछ सदा आवृत है, वह ज्ञाता, काल का भी कर्ता, गुणों का स्वामी और सर्वज्ञ है। उसी के द्वारा शासित होकर यह कर्म प्रवर्तित होता है; और पृथ्वी, जल, तेज, वायु तथा आकाश (इस सब का आधार) उसे ही चिन्तन करना चाहिए।

मंत्र 3

तत्कर्म कृत्वा विनिवर्त्य भूयस्तत्त्वस्य तत्त्वेन समेत्य योगम् । एकेन द्वाभ्यां त्रिभिरष्टभिर्वा कालेन चैवात्मगुणैश्च सूक्ष्मैः ।। ३ ।।

tatkarma kṛtvā vinivartya bhūyastattvasya tattvena sametya yogam | ekena dvābhyāṃ tribhiraṣṭabhirvā kālena caivātmaguṇaiśca sūkṣmaiḥ || 3 ||

वह (देव) उस सृष्टि-कर्म को करके, फिर उसे समेटकर, तत्त्व के साथ तत्त्व का योग (संयोजन) करता है: एक, दो, तीन अथवा आठ तत्त्वों के द्वारा, तथा काल और सूक्ष्म आत्म-गुणों के द्वारा।

मंत्र 4

आरभ्य कर्माणि गुणान्वितानि भावांश्च सर्वान्विनियोजयेद्यः । तेषामभावे कृतकर्मनाशः कर्मक्षये याति स तत्त्वतोऽन्यः ।। ४ ।।

ārabhya karmāṇi guṇānvitāni bhāvāṃśca sarvānviniyojayedyaḥ | teṣāmabhāve kṛtakarmanāśaḥ karmakṣaye yāti sa tattvato'nyaḥ || 4 ||

जो गुणों से युक्त कर्मों को आरम्भ करके समस्त भावों को उनके कार्यों में नियुक्त करता है; उन (गुणों और कर्मों) के अभाव में किए हुए कर्म का नाश हो जाता है, और कर्म के क्षय होने पर वह जीव अपने वास्तविक स्वरूप में (जो इन तत्त्वों से भिन्न है) पहुँच जाता है।

मंत्र 5

आदिः स संयोगनिमित्तहेतुः परस्त्रिकालादकलोऽपि दृष्टः । तं विश्वरूपं भवभूतमीड्यं देवं स्वचित्तस्थमुपास्य पूर्वम् ।। ५ ।।

ādiḥ sa saṃyoganimittahetuḥ parastrikālādakalo'pi dṛṣṭaḥ | taṃ viśvarūpaṃ bhavabhūtamīḍyaṃ devaṃ svacittasthamupāsya pūrvam || 5 ||

वह आदि है, (सृष्टि के) संयोग का निमित्त-कारण है; वह तीनों कालों से परे है और कलारहित (अंशरहित) भी देखा जाता है। उस विश्वरूप, कल्याणस्वरूप, पूज्य देव की, जो अपने ही चित्त में स्थित है, पहले उपासना करके (मनुष्य मुक्त होता है)।

मंत्र 6

स वृक्षकालाकृतिभिः परोऽन्यो यस्मात्प्रपञ्चः परिवर्ततेऽयम् । धर्मावहं पापनुदं भगेशं ज्ञात्वात्मस्थममृतं विश्वधाम ।। ६ ।।

sa vṛkṣakālākṛtibhiḥ paro'nyo yasmātprapañcaḥ parivartate'yam | dharmāvahaṃ pāpanudaṃ bhageśaṃ jñātvātmasthamamṛtaṃ viśvadhāma || 6 ||

वह वृक्ष (संसार), काल और आकृतियों से परे और भिन्न है, जिससे यह सम्पूर्ण प्रपंच घूमता रहता है। धर्म को लाने वाले, पाप को दूर करने वाले, ऐश्वर्य के स्वामी, अमर, विश्व के आश्रय उस देव को अपने भीतर स्थित जानकर (मनुष्य मुक्त होता है)।

मंत्र 7

तमीश्वराणां परमं महेश्वरं तं देवतानां परमं च दैवतम् । पतिं पतीनां परमं परस्ताद्विदाम देवं भुवनेशमीड्यम् ।। ७ ।।

tamīśvarāṇāṃ paramaṃ maheśvaraṃ taṃ devatānāṃ paramaṃ ca daivatam | patiṃ patīnāṃ paramaṃ parastādvidāma devaṃ bhuvaneśamīḍyam || 7 ||

उस ईश्वरों के परम महेश्वर को, देवताओं के परम देवता को, स्वामियों के परम स्वामी को, जो सबसे परे है: उस पूज्य, भुवनों के ईश देव को हम जानें।

मंत्र 8

न तस्य कार्यं करणं च विद्यते न तत्समश्चाभ्यधिकश्च दृश्यते । परास्य शक्तिर्विविधैव श्रूयते स्वाभाविकी ज्ञानबलक्रिया च ।। ८ ।।

na tasya kāryaṃ karaṇaṃ ca vidyate na tatsamaścābhyadhikaśca dṛśyate | parāsya śaktirvividhaiva śrūyate svābhāvikī jñānabalakriyā ca || 8 ||

उसका न कोई कार्य (कर्तव्य) है, न कोई करण (साधन-अंग); उसके समान या उससे बढ़कर कोई दिखाई नहीं देता। उसकी परा शक्ति अनेक प्रकार की सुनी जाती है, जो स्वाभाविक है और ज्ञान, बल तथा क्रिया के रूप में प्रकट होती है।

मंत्र 9

न तस्य कश्चित्पतिरस्ति लोके न चेशिता नैव च तस्य लिङ्गम् । स कारणं करणाधिपाधिपो न चास्य कश्चिज्जनिता न चाधिपः ।। ९ ।।

na tasya kaścitpatirasti loke na ceśitā naiva ca tasya liṅgam | sa kāraṇaṃ karaṇādhipādhipo na cāsya kaścijjanitā na cādhipaḥ || 9 ||

इस लोक में उसका कोई स्वामी नहीं है, न कोई शासक, और न ही उसका कोई (उत्पादक) लिंग (चिह्न) है। वह कारण है, इन्द्रियों के अधिपतियों का भी अधिपति है; उसका न कोई जनक है, न कोई अधिपति।

मंत्र 10

यस्तन्तुनाभ इव तन्तुभिः प्रधानजैः स्वभावतः । देव एकः स्वमावृणोत्स नो दध्याद्ब्रह्माप्ययम् ।। १० ।।

yastantunābha iva tantubhiḥ pradhānajaiḥ svabhāvataḥ | deva ekaḥ svamāvṛṇotsa no dadhyādbrahmāpyayam || 10 ||

जैसे मकड़ी अपने ही तन्तुओं से (स्वयं को ढक लेती है), वैसे ही वह एक देव प्रधान (प्रकृति) से उत्पन्न तन्तुओं से स्वभावतः स्वयं को ढक लेता है। वह हमें ब्रह्म में लय (मोक्ष) प्रदान करे।

मंत्र 11

एको देवः सर्वभूतेषु गूढः सर्वव्यापी सर्वभूतान्तरात्मा । कर्माध्यक्षः सर्वभूताधिवासः साक्षी चेता केवलो निर्गुणश्च ।। ११ ।।

eko devaḥ sarvabhūteṣu gūḍhaḥ sarvavyāpī sarvabhūtāntarātmā | karmādhyakṣaḥ sarvabhūtādhivāsaḥ sākṣī cetā kevalo nirguṇaśca || 11 ||

एक ही देव समस्त प्राणियों में छिपा है, सर्वव्यापी है, समस्त भूतों का अन्तरात्मा है। वह कर्मों का अध्यक्ष है, समस्त प्राणियों में निवास करने वाला, साक्षी, चेतन, केवल (अद्वितीय) और निर्गुण है।

मंत्र 12

एको वशी निष्क्रियाणां बहूनामेकं बीजं बहुधा यः करोति । तमात्मस्थं येऽनुपश्यन्ति धीरास्तेषां सुखं शाश्वतं नेतरेषाम् ।। १२ ।।

eko vaśī niṣkriyāṇāṃ bahūnāmekaṃ bījaṃ bahudhā yaḥ karoti | tamātmasthaṃ ye'nupaśyanti dhīrāsteṣāṃ sukhaṃ śāśvataṃ netareṣām || 12 ||

वह एक ही, अनेक निष्क्रिय (जीवों) का नियन्ता है, जो एक बीज को अनेक प्रकार से (अनेक रूपों में) कर देता है। जो धीर उसे अपने भीतर स्थित देखते हैं, उन्हीं को शाश्वत सुख मिलता है, दूसरों को नहीं।

मंत्र 13

नित्यो नित्यानां चेतनश्चेतनानामेको बहूनां यो विदधाति कामान् । तत्कारणं सांख्ययोगाधिगम्यं ज्ञात्वा देवं मुच्यते सर्वपाशैः ।। १३ ।।

nityo nityānāṃ cetanaścetanānāmeko bahūnāṃ yo vidadhāti kāmān | tatkāraṇaṃ sāṃkhyayogādhigamyaṃ jñātvā devaṃ mucyate sarvapāśaiḥ || 13 ||

जो नित्यों में नित्य है, चेतनों में चेतन है, जो एक होकर अनेक जीवों की कामनाओं को पूर्ण करता है: उस कारणस्वरूप देव को, जो सांख्य और योग के द्वारा जाना जाता है, जानकर मनुष्य समस्त बन्धनों से मुक्त हो जाता है।

मंत्र 14

न तत्र सूर्यो भाति न चन्द्रतारकं नेमा विद्युतो भान्ति कुतोऽयमग्निः । तमेव भान्तमनुभाति सर्वं तस्य भासा सर्वमिदं विभाति ।। १४ ।।

na tatra sūryo bhāti na candratārakaṃ nemā vidyuto bhānti kuto'yamagniḥ | tameva bhāntamanubhāti sarvaṃ tasya bhāsā sarvamidaṃ vibhāti || 14 ||

वहाँ न सूर्य प्रकाशित होता है, न चन्द्रमा और तारे, न ये बिजलियाँ चमकती हैं, फिर यह अग्नि कहाँ (चमकेगी)? उसी के प्रकाशित होने पर सब कुछ प्रकाशित होता है; उसी के प्रकाश से यह सब कुछ चमकता है।

मंत्र 15

एको हंसो भुवनस्यास्य मध्ये स एवाग्निः सलिले संनिविष्टः । तमेव विदित्वाति मृत्युमेति नान्यः पन्था विद्यतेऽयनाय ।। १५ ।।

eko haṃso bhuvanasyāsya madhye sa evāgniḥ salile saṃniviṣṭaḥ | tameva viditvāti mṛtyumeti nānyaḥ panthā vidyate'yanāya || 15 ||

इस भुवन के मध्य में एक ही हंस (परमात्मा) है; वही जल में स्थित अग्नि है। उसी को जानकर मनुष्य मृत्यु को पार कर जाता है; (मुक्ति के) मार्ग के लिए दूसरा कोई पथ नहीं है।

मंत्र 16

स विश्वकृद्विश्वविदात्मयोनिर्ज्ञः कालकारो गुणी सर्वविद्यः । प्रधानक्षेत्रज्ञपतिर्गुणेशः संसारमोक्षस्थितिबन्धहेतुः ।। १६ ।।

sa viśvakṛdviśvavidātmayonirjñaḥ kālakāro guṇī sarvavidyaḥ | pradhānakṣetrajñapatirguṇeśaḥ saṃsāramokṣasthitibandhahetuḥ || 16 ||

वह विश्व का रचयिता, विश्व का ज्ञाता, अपना ही उद्गम, ज्ञाता, काल का कर्ता, गुणों का स्वामी और सर्वज्ञ है। वह प्रधान (प्रकृति) और क्षेत्रज्ञ (जीव) का स्वामी, गुणों का ईश, तथा संसार, मोक्ष, स्थिति और बन्ध का हेतु है।

मंत्र 17

स तन्मयो ह्यमृत ईशसंस्थो ज्ञः सर्वगो भुवनस्यास्य गोप्ता । य ईशेऽस्य जगतो नित्यमेव नान्यो हेतुर्विद्यत ईशनाय ।। १७ ।।

sa tanmayo hyamṛta īśasaṃstho jñaḥ sarvago bhuvanasyāsya goptā | ya īśe'sya jagato nityameva nānyo heturvidyata īśanāya || 17 ||

वह उस (ब्रह्म) से तन्मय, अमर, ईश्वररूप में स्थित, ज्ञाता, सर्वगत और इस भुवन का रक्षक है। जो इस जगत् पर सदा शासन करता है, उसके शासन (सामर्थ्य) के लिए कोई अन्य कारण नहीं है।

मंत्र 18

यो ब्रह्माणं विदधाति पूर्वं यो वै वेदांश्च प्रहिणोति तस्मै । तं ह देवमात्मबुद्धिप्रकाशं मुमुक्षुर्वै शरणमहं प्रपद्ये ।। १८ ।।

yo brahmāṇaṃ vidadhāti pūrvaṃ yo vai vedāṃśca prahiṇoti tasmai | taṃ ha devamātmabuddhiprakāśaṃ mumukṣurvai śaraṇamahaṃ prapadye || 18 ||

जो पहले ब्रह्मा को रचता है और जो उसे वेदों को भी प्रदान करता है; उस देव की, जो आत्मबुद्धि को प्रकाशित करता है, मैं मुमुक्षु होकर शरण ग्रहण करता हूँ।

मंत्र 19

निष्कलं निष्क्रियं शान्तं निरवद्यं निरञ्जनम् । अमृतस्य परं सेतुं दग्धेन्धनमिवानलम् ।। १९ ।।

niṣkalaṃ niṣkriyaṃ śāntaṃ niravadyaṃ nirañjanam | amṛtasya paraṃ setuṃ dagdhendhanamivānalam || 19 ||

जो कलारहित (अंशरहित), निष्क्रिय, शान्त, निर्दोष और निरंजन है; जो अमृत का परम सेतु है, जैसे ईंधन के जल जाने पर बची हुई अग्नि (शान्त और शुद्ध) होती है, (उसकी मैं शरण लेता हूँ)।

मंत्र 20

यदा चर्मवदाकाशं वेष्टयिष्यन्ति मानवाः । तदा देवमविज्ञाय दुःखस्यान्तो भविष्यति ।। २० ।।

yadā carmavadākāśaṃ veṣṭayiṣyanti mānavāḥ | tadā devamavijñāya duḥkhasyānto bhaviṣyati || 20 ||

जब मनुष्य आकाश को चमड़े के समान लपेट सकेंगे, तब उस देव को जाने बिना दुःख का अन्त होगा (अर्थात् देव को जाने बिना दुःख कभी समाप्त नहीं होता)।

मंत्र 21

तपःप्रभावाद्देवप्रसादाच्च ब्रह्म ह श्वेताश्वतरोऽथ विद्वान् । अत्याश्रमिभ्यः परमं पवित्रं प्रोवाच सम्यगृषिसंघजुष्टम् ।। २१ ।।

tapaḥprabhāvāddevaprasādācca brahma ha śvetāśvataro'tha vidvān | atyāśramibhyaḥ paramaṃ pavitraṃ provāca samyagṛṣisaṃghajuṣṭam || 21 ||

तप के प्रभाव से और देव की कृपा से, विद्वान् श्वेताश्वतर ने ब्रह्म को (जानकर), अत्याश्रमियों (संन्यासियों) को उस परम पवित्र ज्ञान का सम्यक् उपदेश दिया, जो ऋषियों के समूह द्वारा सेवित (मान्य) है।

मंत्र 22

वेदान्ते परमं गुह्यं पुराकल्पे प्रचोदितम् । नाप्रशान्ताय दातव्यं नापुत्रायाशिष्याय वा पुनः ।। २२ ।।

vedānte paramaṃ guhyaṃ purākalpe pracoditam | nāpraśāntāya dātavyaṃ nāputrāyāśiṣyāya vā punaḥ || 22 ||

वेदान्त में यह परम गुह्य ज्ञान, जो पूर्वकल्प में उपदिष्ट हुआ था, अशान्त (जितेन्द्रिय न हुए) व्यक्ति को नहीं देना चाहिए; और न ही उसे, जो पुत्र या शिष्य नहीं है।

मंत्र 23

यस्य देवे परा भक्तिर्यथा देवे तथा गुरौ । तस्यैते कथिता ह्यर्थाः प्रकाशन्ते महात्मनः प्रकाशन्ते महात्मनः ।। २३ ।।

yasya deve parā bhaktiryathā deve tathā gurau | tasyaite kathitā hyarthāḥ prakāśante mahātmanaḥ prakāśante mahātmanaḥ || 23 ||

जिसकी देव में परा भक्ति है, और जैसी देव में वैसी ही गुरु में, उस महात्मा के प्रति ये कहे गए अर्थ (गूढ़ तत्त्व) प्रकाशित हो जाते हैं, उस महात्मा के प्रति प्रकाशित हो जाते हैं।