Ganesha Gita - Ganesha's Teaching to King Varenya

वरेण्य उवाच - ज्ञाननिष्ठा कर्मनिष्ठा द्वयं प्रोक्तं त्वया विभो । अवधार्य वदैकं मे निःश्रेयसकरं नु किम् ॥२-१॥

vareṇya uvāca - jñānaniṣṭhā karmaniṣṭhā dvayaṃ proktaṃ tvayā vibho | avadhārya vadaikaṃ me niḥśreyasakaraṃ nu kim ||2-1||

।।७०।। वरेण्य बोले: ज्ञाननिष्ठा और कर्मनिष्ठा, दोनों आपने बताई, हे विभो। विचार कर मुझे बताइए कि इनमें से कौन सा वास्तव में निःश्रेयस्कर है।

गजानन उवाच - अस्मिंश्चराचरे स्थित्यौ पुरोक्ते द्वे मया प्रिय । सांख्यानां बुद्धियोगेन वैधयोगेन कर्मिणाम् ॥२-२॥

gajānana uvāca - asmiṃścarācare sthityau purokte dve mayā priya | sāṃkhyānāṃ buddhiyogena vaidhayogena karmiṇām ||2-2||

।।७१।। गजानन बोले: इस चराचर जगत् में, हे प्रिय, दो मार्ग मैंने पहले कहे हैं: सांख्यों के लिए बुद्धियोग से, कर्मियों के लिए वैधयोग से।

अनारम्भेण वैधानां निष्क्रियः पुरुषो भवेत् । न सिद्धिं याति संत्यागात्केवलात्कर्मणो नृप ॥२-३॥

anārambheṇa vaidhānāṃ niṣkriyaḥ puruṣo bhavet | na siddhiṃ yāti saṃtyāgātkevalātkarmaṇo nṛpa ||2-3||

।।७२।। विहित कर्मों का आरंभ न करने से पुरुष निष्क्रिय होता है। केवल कर्म के त्याग से सिद्धि नहीं मिलती, हे राजन्।

कदाचिदक्रियः कोऽपि क्षणं नैवावतिष्ठते । अस्वतन्त्रः प्रकृतिजैर्गुणैः कर्म च कार्यते ॥२-४॥

kadācidakriyaḥ ko'pi kṣaṇaṃ naivāvatiṣṭhate | asvatantraḥ prakṛtijairguṇaiḥ karma ca kāryate ||2-4||

।।७३।। कोई भी कभी क्षणमात्र भी अक्रिय नहीं रहता। स्वतंत्र न हो कर, प्रकृतिजन्य गुणों द्वारा कर्म कराया जाता है।

कर्मकारीन्द्रियग्रामं नियम्यास्ते स्मरन्पुमान् । तद्गोचरान्मन्दचित्तो धिगाचारः स भाष्यते ॥२-५॥

karmakārīndriyagrāmaṃ niyamyāste smaranpumān | tadgocarānmandacitto dhigācāraḥ sa bhāṣyate ||2-5||

।।७४।। कर्म करने वाली इन्द्रियों के समूह को रोक कर जो उनके विषयों का स्मरण करता बैठा रहता है, वह मन्दचित्त 'धिगाचार' कहलाता है।

तद्ग्रामं संनियम्यादौ मनसा कर्म चारभेत् । इन्द्रियैः कर्मयोगं यो वितृष्णः स परो नृप ॥२-६॥

tadgrāmaṃ saṃniyamyādau manasā karma cārabhet | indriyaiḥ karmayogaṃ yo vitṛṣṇaḥ sa paro nṛpa ||2-6||

।।७५।। जो उस समूह को पहले मन से संयत कर के, इन्द्रियों से कर्मयोग करता है, तृष्णारहित हो कर, वह श्रेष्ठ है, हे राजन्।

अकर्मणः श्रेष्ठतमं कर्मानीहाकृतं तु यत् । वर्ष्मणः स्थितिरप्यस्याकर्मणो नैव सेत्स्यति ॥२-७॥

akarmaṇaḥ śreṣṭhatamaṃ karmānīhākṛtaṃ tu yat | varṣmaṇaḥ sthitirapyasyākarmaṇo naiva setsyati ||2-7||

।।७६।। अकर्म से कर्म श्रेष्ठतम है। इस शरीर का निर्वाह भी अकर्म से सिद्ध नहीं हो सकता।

असमर्प्य निबध्यन्ते कर्म तेन जना मयि । कुर्वीत सततं कर्मानाशोऽसङ्गो मदर्पणम् ॥२-८॥

asamarpya nibadhyante karma tena janā mayi | kurvīta satataṃ karmānāśo'saṅgo madarpaṇam ||2-8||

।।७७।। अर्पण किए बिना, लोग उस कर्म से बंध जाते हैं। सतत कर्म करना चाहिए, आशारहित, आसक्तिरहित, मुझे अर्पित।

मदर्थे यानि कर्माणि तानि बध्नन्ति न क्वचित् । सवासनमिदं कर्म बध्नाति देहिनं बलात् ॥२-९॥

madarthe yāni karmāṇi tāni badhnanti na kvacit | savāsanamidaṃ karma badhnāti dehinaṃ balāt ||2-9||

।।७८।। मेरे लिए किए गए कर्म कभी नहीं बांधते। वासनासहित यह कर्म देहधारी को बलपूर्वक बांधता है।

वर्णान्सृष्ट्वावदं चाहं सयज्ञांस्तान्पुरा प्रिय । यज्ञेन ऋध्यतामेष कामदः कल्पवृक्षवत् ॥२-१०॥

varṇānsṛṣṭvāvadaṃ cāhaṃ sayajñāṃstānpurā priya | yajñena ṛdhyatāmeṣa kāmadaḥ kalpavṛkṣavat ||2-10||

।।७९।। वर्णों को सृजन कर मैंने पूर्वकाल में यज्ञ सहित कहा, हे प्रिय: 'यज्ञ से यह [जगत्] समृद्ध हो, कल्पवृक्ष के समान कामद।'

सुरांश्चान्नेन प्रीणध्वं सुरास्ते प्रीणयन्तु वः । लभध्वं परमं स्थानमन्योन्यप्रीणनात्स्थिरम् ॥२-११॥

surāṃścānnena prīṇadhvaṃ surāste prīṇayantu vaḥ | labhadhvaṃ paramaṃ sthānamanyonyaprīṇanātsthiram ||2-11||

।।८०।। 'देवताओं को अन्न से तृप्त करो; वे देवता तुम्हें तृप्त करें। परस्पर तृप्ति से स्थिर परम स्थान प्राप्त करो।'

इष्टा देवाः प्रदास्यन्ति भोगानिष्टान्सुतर्पिताः । तैर्दत्तांस्तान्नरस्तेभ्योऽदत्वा भुङ्क्ते स तस्करः ॥२-१२॥

iṣṭā devāḥ pradāsyanti bhogāniṣṭānsutarpitāḥ | tairdattāṃstānnarastebhyo'datvā bhuṅkte sa taskaraḥ ||2-12||

।।८१।। इष्ट देवता, सुतर्पित हो कर, इष्ट भोग प्रदान करेंगे। उनके द्वारा दिए गए को जो उन्हें दिए बिना भोगता है, वह चोर है।

हुतावशिष्टभोक्तारो मुक्ताः स्युः सर्वपातकैः । अदन्त्येनो महापापा आत्महेतोः पचन्ति ये ॥२-१३॥

hutāvaśiṣṭabhoktāro muktāḥ syuḥ sarvapātakaiḥ | adantyeno mahāpāpā ātmahetoḥ pacanti ye ||2-13||

।।८२।। हुत-अवशिष्ट के भोक्ता सर्वपापों से मुक्त होते हैं। जो केवल अपने लिए पकाते हैं, वे महापापी एनस् (पाप) ही खाते हैं।

ऊर्जो भवन्ति भूतानि देवादन्नस्य संभवः । यज्ञाच्च देवसंभूतिस्तदुत्पत्तिश्च वैधतः ॥२-१४॥

ūrjo bhavanti bhūtāni devādannasya saṃbhavaḥ | yajñācca devasaṃbhūtistadutpattiśca vaidhataḥ ||2-14||

।।८३।। प्राणी अन्न से पुष्ट होते हैं, देवता से अन्न की उत्पत्ति। यज्ञ से देवोत्पत्ति, और उसकी उत्पत्ति विधि से होती है।

ब्रह्मणो वैधमुत्पन्नं मत्तो ब्रह्मसमुद्भवः । अतो यज्ञे च विश्वस्मिन् स्थितं मां विद्धि भूमिप ॥२-१५॥

brahmaṇo vaidhamutpannaṃ matto brahmasamudbhavaḥ | ato yajñe ca viśvasmin sthitaṃ māṃ viddhi bhūmipa ||2-15||

।।८४।। ब्रह्म से विधि उत्पन्न हुई, मुझसे ब्रह्म की उत्पत्ति। अतः यज्ञ में और सम्पूर्ण विश्व में मुझे स्थित जानो, हे भूमिप।

संसृतीनां महाचक्रं क्रामितव्यं विचक्षणैः । स मुदा प्रीणते भूपेन्द्रियक्रीडोऽधमो जनः ॥२-१६॥

saṃsṛtīnāṃ mahācakraṃ krāmitavyaṃ vicakṣaṇaiḥ | sa mudā prīṇate bhūpendriyakrīḍo'dhamo janaḥ ||2-16||

।।८५।। संसृतियों के महाचक्र को विचक्षणों द्वारा गतिमान रखना चाहिए। जो हर्षपूर्वक केवल इन्द्रियों की क्रीड़ा में रमता है, वह अधम जन है, हे राजन्।

अन्तरात्मनि यः प्रीत आत्मारामोऽखिलप्रियः । आत्मतृप्तो नरो यः स्यात्तस्यार्थो नैव विद्यते ॥२-१७॥

antarātmani yaḥ prīta ātmārāmo'khilapriyaḥ | ātmatṛpto naro yaḥ syāttasyārtho naiva vidyate ||2-17||

।।८६।। जो अंतरात्मा में ही प्रसन्न है, जो आत्मा में ही रमण करता है, जिसे बाहर कुछ और प्रिय नहीं, जो आत्मा से ही तृप्त है -- ऐसे पुरुष के लिए पाने को कोई प्रयोजन शेष नहीं रहता।

कार्याकार्यकृतीनां स नैवाप्नोति शुभाशुभे । किंचिदस्य न साध्यं स्यात्सर्वजन्तुषु सर्वदा ॥२-१८॥

kāryākāryakṛtīnāṃ sa naivāpnoti śubhāśubhe | kiṃcidasya na sādhyaṃ syātsarvajantuṣu sarvadā ||2-18||

।।८७।। कर्तव्य किए जाने या न किए जाने से उसे शुभ या अशुभ कुछ नहीं मिलता। किसी भी प्राणी के बीच, कभी भी, उसके लिए कुछ भी सिद्ध करने को शेष नहीं है।

अतोऽसक्ततया भूप कर्तव्यं कर्म जन्तुभिः । सक्तोऽगतिमवाप्नोति मामवाप्नोति तादृशः ॥२-१९॥

ato'saktatayā bhūpa kartavyaṃ karma jantubhiḥ | sakto'gatimavāpnoti māmavāpnoti tādṛśaḥ ||2-19||

।।८८।। इसलिए, हे राजन्, प्राणियों को कर्तव्य-कर्म बिना आसक्ति के करना चाहिए। आसक्त पुरुष कहीं नहीं पहुँचता; वैसा ही पुरुष जो अनासक्त है, मुझे प्राप्त करता है।

परमां सिद्धिमापन्नाः पुरा राजर्षयो द्विजाः । संग्रहाय हि लोकानां तादृशं कर्म चारभेत् ॥२-२०॥

paramāṃ siddhimāpannāḥ purā rājarṣayo dvijāḥ | saṃgrahāya hi lokānāṃ tādṛśaṃ karma cārabhet ||2-20||

।।८९।। प्राचीन काल के राजर्षि और द्विज, जो पहले ही परम सिद्धि को प्राप्त कर चुके थे, फिर भी लोगों के मार्गदर्शन के लिए वैसा ही कर्म करते रहे।

श्रेयान्यत्कुरुते कर्म तत्करोत्यखिलो जनः । मनुते यत्प्रमाणं स तदेवानुसरत्यसौ ॥२-२१॥

śreyānyatkurute karma tatkarotyakhilo janaḥ | manute yatpramāṇaṃ sa tadevānusaratyasau ||2-21||

।।९०।। श्रेष्ठ पुरुष जो भी कर्म करता है, समस्त जन वही करता है। वह जिसे प्रमाण मानता है, संसार उसी का अनुसरण करता है।

विष्टपे मे न साध्योऽस्ति कश्चिदर्थो नराधिप । अनालब्धश्च लब्धव्यः कुर्वे कर्म तथाप्यहम् ॥२-२२॥

viṣṭape me na sādhyo'sti kaścidartho narādhipa | anālabdhaśca labdhavyaḥ kurve karma tathāpyaham ||2-22||

।।९१।। हे नराधिप, त्रिलोक में मेरे लिए कुछ भी सिद्ध करने को नहीं है, न कोई अप्राप्त वस्तु प्राप्त करने योग्य है। फिर भी मैं कर्म में प्रवृत्त रहता हूँ।

न कुर्वेऽहं यदा कर्म स्वतन्त्रोऽलसभावितः । करिष्यन्ति मम ध्यानं सर्वे वर्णा महामते ॥२-२३॥

na kurve'haṃ yadā karma svatantro'lasabhāvitaḥ | kariṣyanti mama dhyānaṃ sarve varṇā mahāmate ||2-23||

।।९२।। हे महामते, यदि मैं, स्वतंत्र होते हुए भी, कर्म न करूँ और आलस्य में पड़ जाऊँ, तो सभी वर्ण मेरे इस ध्यान (निष्क्रियता) का अनुकरण करने लगेंगे।

भविष्यन्ति ततो लोका उच्छिन्नाः सम्प्रदायिनः । हंता स्यामस्य लोकस्य विधाता संकरस्य च ॥२-२४॥

bhaviṣyanti tato lokā ucchinnāḥ sampradāyinaḥ | haṃtā syāmasya lokasya vidhātā saṃkarasya ca ||2-24||

।।९३।। तब संसार और उसकी परंपराएँ नष्ट हो जातीं। मैं इस लोक का संहारक बन जाता, और सांकर्य (वर्ण-संकरता) का रचयिता।

कामिनो हि सदा कामैरज्ञानात्कर्मकारिणः । लोकानां संग्रहायैतद्विद्वान् कुर्यादसक्तधीः ॥२-२५॥

kāmino hi sadā kāmairajñānātkarmakāriṇaḥ | lokānāṃ saṃgrahāyaitadvidvān kuryādasaktadhīḥ ||2-25||

।।९४।। जैसे कामी पुरुष अज्ञानवश सदा अपनी कामनाओं से प्रेरित हो कर कर्म करते हैं, वैसे ही ज्ञानी को लोकसंग्रह के लिए अनासक्त बुद्धि से कर्म करना चाहिए।

विभिन्नत्वमतिं जह्यादज्ञानां कर्मचारिणाम् । विभागाद्गुणकर्मयोगयुक्तः सर्वकर्माण्यर्पयेन्मयि कर्मकृत् ॥२-२६॥

vibhinnatvamatiṃ jahyādajñānāṃ karmacāriṇām | vibhāgādguṇakarmayogayuktaḥ sarvakarmāṇyarpayenmayi karmakṛt ||2-26||

।।९५।। कर्म में लगे अज्ञानियों के मन में भेद-बुद्धि उत्पन्न नहीं करनी चाहिए। गुण और कर्म के विभाग को जानने वाला योगयुक्त पुरुष, कर्म करते हुए भी, सभी कर्म मुझमें अर्पित कर दे।

अविद्यागुणसाचिव्यात्कुर्वन्कर्माण्यतन्द्रितः । अहंकाराद्भिन्नबुद्धिरहंकर्तेति योऽब्रवीत् ॥२-२७॥

avidyāguṇasācivyātkurvankarmāṇyatandritaḥ | ahaṃkārādbhinnabuddhirahaṃkarteti yo'bravīt ||2-27||

।।९६।। अविद्या-गुणों की सहायता से निरंतर कर्म करते हुए, अहंकार से जिसकी बुद्धि विभक्त हो गई है, वह कहता है: मैं ही कर्ता हूँ।

यस्तु वेत्त्यात्मनस्तत्त्वं विभागाद्गुणकर्मणोः । करणं विषये वृत्तमिति मत्वा न सज्जते ॥२-२८॥

yastu vettyātmanastattvaṃ vibhāgādguṇakarmaṇoḥ | karaṇaṃ viṣaye vṛttamiti matvā na sajjate ||2-28||

।।९७।। किंतु जो गुण और कर्म के विभाग से आत्मा के तत्त्व को जानता है, यह समझ कर कि इंद्रियाँ केवल विषयों में विचरण करती हैं, वह आसक्त नहीं होता।

कुर्वन्ति सफलं कर्म गुणैस्त्रिभिर्विमोहिताः । अविश्वस्तः स्वात्मद्रुहो विश्वविन्नैव लंघयेत् ॥२-२९॥

kurvanti saphalaṃ karma guṇaistribhirvimohitāḥ | aviśvastaḥ svātmadruho viśvavinnaiva laṃghayet ||2-29||

।।९८।। तीनों गुणों से मोहित लोग फल की इच्छा से कर्म करते हैं। अविश्वस्त, अपनी ही आत्मा का द्रोही -- सर्वज्ञ पुरुष को ऐसे व्यक्ति को विचलित नहीं करना चाहिए।

नित्यं नैमित्तिकं तस्मान्मयि कर्मार्पयेद्बुधः । त्यक्त्वाहंममताबुद्धिं परां गतिमवाप्नुयात् ॥२-३०॥

nityaṃ naimittikaṃ tasmānmayi karmārpayedbudhaḥ | tyaktvāhaṃmamatābuddhiṃ parāṃ gatimavāpnuyāt ||2-30||

।।९९।। इसलिए ज्ञानी को नित्य और नैमित्तिक कर्म मुझमें अर्पित कर देना चाहिए। अहं और ममता की बुद्धि त्याग कर वह परम गति को प्राप्त होता है।

अनीर्ष्यन्तो भक्तिमन्तो ये मयोक्तमिदं शुभम् । अनुतिष्ठन्ति ये सर्वे मुक्तास्तेऽखिलकर्मभिः ॥२-३१॥

anīrṣyanto bhaktimanto ye mayoktamidaṃ śubham | anutiṣṭhanti ye sarve muktāste'khilakarmabhiḥ ||2-31||

।।१००।। जो अनिर्ष्यालु भक्त मेरे कहे इस शुभ उपदेश का पालन करते हैं, वे सब समस्त कर्मों के बंधन से मुक्त हो जाते हैं।

ये चैव नानुतिष्ठन्ति त्वशुभा हतचेतसः । ईर्ष्यमाणान्महामूढान्नष्टांस्तान्विद्धि मे रिपून् ॥२-३२॥

ye caiva nānutiṣṭhanti tvaśubhā hatacetasaḥ | īrṣyamāṇānmahāmūḍhānnaṣṭāṃstānviddhi me ripūn ||2-32||

।।१०१।। किंतु जो पालन नहीं करते, अशुभ, नष्ट-चित्त, ईर्ष्यालु, महामूढ़ -- उन्हें नष्ट, मेरे शत्रु जानो।

तुल्यं प्रकृत्या कुरुते कर्म यज्ज्ञानवानपि । अनुयाति च तामेवाग्रहस्तत्र मुधा मतः ॥२-३३॥

tulyaṃ prakṛtyā kurute karma yajjñānavānapi | anuyāti ca tāmevāgrahastatra mudhā mataḥ ||2-33||

।।१०२।। ज्ञानी भी अपनी प्रकृति के अनुसार ही कर्म करता है; प्राणी उसी प्रकृति का अनुसरण करते हैं। तब बलपूर्वक रोकना व्यर्थ है।

कामश्चैव तथा क्रोधः खानामर्थेषु जायते । नैतयोर्वश्यतां यायादम्यविध्वंसकौ यतः ॥२-३४॥

kāmaścaiva tathā krodhaḥ khānāmartheṣu jāyate | naitayorvaśyatāṃ yāyādamyavidhvaṃsakau yataḥ ||2-34||

।।१०३।। इंद्रियों के विषयों में ही काम और क्रोध उत्पन्न होते हैं। इनके वश में नहीं होना चाहिए, क्योंकि ये दोनों विनाशकारी शत्रु हैं।

शस्तोऽगुणो निजो धर्मः सांगादन्यस्य धर्मतः । निजे तस्मिन्मृतिः श्रेयोऽपरत्र भयदः परः ॥२-३५॥

śasto'guṇo nijo dharmaḥ sāṃgādanyasya dharmataḥ | nije tasminmṛtiḥ śreyo'paratra bhayadaḥ paraḥ ||2-35||

।।१०४।। अपना धर्म, दोषयुक्त होने पर भी, दूसरे के सम्यक् किए गए धर्म से श्रेष्ठ माना जाता है। अपने धर्म में मृत्यु भी कल्याणकारी है; पराया धर्म भयावह है।

वरेण्य उवाच । पुमान्यत्कुरुते पापं स हि केन नियुज्यते । अकाङ्क्षन्नपि हेरम्ब प्रेरितः प्रबलादिव ॥२-३६॥

vareṇya uvāca | pumānyatkurute pāpaṃ sa hi kena niyujyate | akāṅkṣannapi heramba preritaḥ prabalādiva ||2-36||

।।१०५।। हे हेरम्ब, मनुष्य न चाहते हुए भी, मानो किसी प्रबल शक्ति से प्रेरित हो कर, किस कारण पाप करता है?

श्रीगजानन उवाच । कामक्रोधौ महापापौ गुणद्वयसमुद्भवौ । नयन्तौ वश्यतां लोकान् विद्ध्येतौ द्वेषिणौ वरौ ॥२-३७॥

śrīgajānana uvāca | kāmakrodhau mahāpāpau guṇadvayasamudbhavau | nayantau vaśyatāṃ lokān viddhyetau dveṣiṇau varau ||2-37||

।।१०६।। काम और क्रोध, महापापी, गुण-द्वय से उत्पन्न, संसार को वश में कर लेते हैं। हे वर, इन दोनों को अपना प्रमुख शत्रु जानो।

आवृणोति यथा माया जगद्बाष्पो जलं यथा । वर्षामेघो यथा भानुं तद्वत्कामोऽखिलांश्च रुट् ॥२-३८॥

āvṛṇoti yathā māyā jagadbāṣpo jalaṃ yathā | varṣāmegho yathā bhānuṃ tadvatkāmo'khilāṃśca ruṭ ||2-38||

।।१०७।। जैसे माया संसार को ढक लेती है, जैसे भाप जल को, जैसे वर्षा का बादल सूर्य को -- वैसे ही काम और क्रोध सब कुछ ढक लेते हैं।

प्रतिपत्तिमतो ज्ञानं छादितं सततं द्विषा । इच्छात्मकेन तरसा दुष्पोष्येण च शुष्मिणा ॥२-३९॥

pratipattimato jñānaṃ chāditaṃ satataṃ dviṣā | icchātmakena tarasā duṣpoṣyeṇa ca śuṣmiṇā ||2-39||

।।१०८।। विवेकवान की ज्ञान-चेतना इस शत्रु से, जिसका स्वभाव कामना है, उसके वेग से, अतृप्त और दुष्पूर्य बल से, निरंतर ढकी रहती है।

आश्रित्य बुद्धिमनसी इन्द्रियाणि स तिष्ठति । तैरेवाच्छादितप्रज्ञो ज्ञानिनं मोहयत्यसौ ॥२-४०॥

āśritya buddhimanasī indriyāṇi sa tiṣṭhati | tairevācchāditaprajño jñāninaṃ mohayatyasau ||2-40||

।।१०९।। बुद्धि, मन और इंद्रियों में आश्रय ले कर यह वहाँ स्थित रहता है; इन्हीं के द्वारा प्रज्ञा को ढक कर यह ज्ञानी को भी मोहित कर देता है।

तस्मान्नियम्य तान्यादौ समनांसि नरो जयेत् । ज्ञानविज्ञानयोः शान्तिकरं पापं मनोभवम् ॥२-४१॥

tasmānniyamya tānyādau samanāṃsi naro jayet | jñānavijñānayoḥ śāntikaraṃ pāpaṃ manobhavam ||2-41||

।।११०।। इसलिए, पहले इंद्रियों को रोक कर, मनुष्य को इस मन से उत्पन्न पाप को जीतना चाहिए, जो ज्ञान और विज्ञान दोनों का नाश करने वाला है।

यतस्तानि पराण्याहुस्तेभ्यश्च परमं मनः । ततोऽपि हि परा बुद्धिरात्मा बुद्धेः परो मतः ॥२-४२॥

yatastāni parāṇyāhustebhyaśca paramaṃ manaḥ | tato'pi hi parā buddhirātmā buddheḥ paro mataḥ ||2-42||

।।१११।। इंद्रियाँ श्रेष्ठ कही जाती हैं, इंद्रियों से भी मन श्रेष्ठ है, मन से भी बुद्धि श्रेष्ठ है, और बुद्धि से भी आत्मा श्रेष्ठ मानी जाती है।

बुद्ध्वैवमात्मनात्मानं संस्तभ्यात्मानमात्मना । हत्वा शत्रुं कामरूपं परं पदमवाप्नुयात् ॥२-४३॥

buddhvaivamātmanātmānaṃ saṃstabhyātmānamātmanā | hatvā śatruṃ kāmarūpaṃ paraṃ padamavāpnuyāt ||2-43||

।।११२।। इस प्रकार आत्मा से आत्मा को जान कर, आत्मा से आत्मा को स्थिर कर, काम-रूप शत्रु को मार कर, पुरुष परम पद को प्राप्त करता है।