Ganesha Gita - Ganesha's Teaching to King Varenya

वरेण्य उवाच - अनन्यभावस्त्वां सम्यङ्मूर्तिमन्तमुपासते । योऽक्षरं परमव्यक्तं तयोः कस्ते मतोऽधिकः ॥९-१॥

vareṇya uvāca - ananyabhāvastvāṃ samyaṅmūrtimantamupāsate | yo'kṣaraṃ paramavyaktaṃ tayoḥ kaste mato'dhikaḥ ||9-1||

।।9.1।। वरेण्य ने कहा: जो अनन्यभाव से आपकी साकार मूर्ति की सम्यक् उपासना करता है, और जो अक्षर, परम, अव्यक्त की उपासना करता है — इन दोनों में आप किसे श्रेष्ठ मानते हैं?

असि त्वं सर्ववित्साक्षी भूतभावन ईश्वरः । अतस्त्वां परिपृच्छामि वद मे कृपया विभो ॥९-२॥

asi tvaṃ sarvavitsākṣī bhūtabhāvana īśvaraḥ | atastvāṃ paripṛcchāmi vada me kṛpayā vibho ||9-2||

।।9.2।। आप ही सर्वज्ञ, साक्षी, भूतभावन, ईश्वर हैं। इसलिए मैं आपसे पूर्ण रूप से पूछता हूँ — हे विभो, कृपा करके मुझे बताइए।

श्रीगजानन उवाच - यो मां मूर्तिधरं भक्त्या मद्भक्तः परिसेवते । स मे मान्योऽनन्यभक्तिर्नियुज्य हृदयं मयि ॥९-३॥

śrīgajānana uvāca - yo māṃ mūrtidharaṃ bhaktyā madbhaktaḥ parisevate | sa me mānyo'nanyabhaktirniyujya hṛdayaṃ mayi ||9-3||

।।9.3।। श्रीगजानन ने कहा: जो मेरा भक्त, भक्ति से मुझे साकार रूप में सेवता है, हृदय को मुझमें लगाकर अनन्य भक्ति से, वह मेरे द्वारा सम्मानित है।

खगणं स्ववशं कृत्वाखिलभूतहितार्थकृत् । ध्येयमक्षरमव्यक्तं सर्वगं कूटगं स्थिरम् ॥९-४॥

khagaṇaṃ svavaśaṃ kṛtvākhilabhūtahitārthakṛt | dhyeyamakṣaramavyaktaṃ sarvagaṃ kūṭagaṃ sthiram ||9-4||

।।9.4।। और जो इन्द्रियों के समूह को वश में कर, सब प्राणियों के हित के लिए कर्म करते हुए, ध्येय, अक्षर, अव्यक्त, सर्वगामी, कूटस्थ, स्थिर तत्त्व का ध्यान करता है —

सोऽपि मामेत्यनिर्देश्यं मत्परो य उपासते । संसारसागरादस्मादुद्धरामि तमप्यहम् ॥९-५॥

so'pi māmetyanirdeśyaṃ matparo ya upāsate | saṃsārasāgarādasmāduddharāmi tamapyaham ||9-5||

।।9.5।। वह भी, जो मुझ अनिर्देश्य की, मुझे ही परम मान कर उपासना करता है, मुझे प्राप्त करता है। मैं उसे भी इस संसार-सागर से उठा लेता हूँ।

अव्यक्तोपासनाद्दुःखमधिकं तेन लभ्यते । व्यक्तस्योपासनात्साध्यं तदेवाव्यक्तभक्तितः ॥९-६॥

avyaktopāsanādduḥkhamadhikaṃ tena labhyate | vyaktasyopāsanātsādhyaṃ tadevāvyaktabhaktitaḥ ||9-6||

।।9.6।। अव्यक्त की उपासना से अधिक कष्ट प्राप्त होता है। साकार की उपासना से जो सिद्ध होता है, वही अव्यक्त की भक्ति से भी सिद्ध होता है — पर अधिक कठिनाई से।

भक्तिश्चैवादरश्चात्र कारणं परमं मतम् । सर्वेषां विदुषां श्रेष्ठो ह्यकिंचिज्ज्ञोऽपि भक्तिमान् ॥९-७॥

bhaktiścaivādaraścātra kāraṇaṃ paramaṃ matam | sarveṣāṃ viduṣāṃ śreṣṭho hyakiṃcijjño'pi bhaktimān ||9-7||

।।9.7।। इस विषय में भक्ति और आदर ही परम कारण माने गए हैं। यहाँ तक कि जो कुछ नहीं जानता, पर भक्तिमान् है, वह सब विद्वानों में श्रेष्ठ है।

भजन्भक्त्या विहीनो यः स चाण्डालोऽभिधीयते । चाण्डालोऽपि भजन्भक्त्या ब्राह्मणेभ्योऽधिको मतः ॥९-८॥

bhajanbhaktyā vihīno yaḥ sa cāṇḍālo'bhidhīyate | cāṇḍālo'pi bhajanbhaktyā brāhmaṇebhyo'dhiko mataḥ ||9-8||

।।9.8।। जो भक्तिपूर्ण उपासना से रहित है, वह चांडाल कहलाता है। परन्तु चांडाल भी, भक्ति से भजन करता हुआ, ब्राह्मणों से भी श्रेष्ठ माना गया है।

शुकाद्याः सनकाद्याश्च पुरा मुक्ता हि भक्तितः । भक्त्यैव मामनुप्राप्ता नारदाद्याश्चिरायुषः ॥९-९॥

śukādyāḥ sanakādyāśca purā muktā hi bhaktitaḥ | bhaktyaiva māmanuprāptā nāradādyāścirāyuṣaḥ ||9-9||

।।9.9।। शुकादि, सनकादि, प्राचीन काल में भक्ति से ही मुक्त हुए। नारदादि दीर्घायु ऋषि भी भक्ति से ही मुझे प्राप्त हुए।

अतो भक्त्या मयि मनो विधेहि बुद्धिमेव च । भक्त्या यजस्व मां राजंस्ततो मामेव यास्यसि ॥९-१०॥

ato bhaktyā mayi mano vidhehi buddhimeva ca | bhaktyā yajasva māṃ rājaṃstato māmeva yāsyasi ||9-10||

।।9.10।। इसलिए भक्ति से मन और बुद्धि दोनों को मुझमें लगाओ। हे राजन्, भक्ति से मेरी पूजा करो; तब तुम मुझे ही प्राप्त करोगे।

असमर्थोऽर्पितुं स्वान्तं एवं मयि नराधिप । अभ्यासेन चे योगेन ततो गन्तुं यतस्व माम् ॥९-११॥

asamartho'rpituṃ svāntaṃ evaṃ mayi narādhipa | abhyāsena ce yogena tato gantuṃ yatasva mām ||9-11||

।।9.11।। हे नराधिप, यदि इस प्रकार अपने अंतःकरण को मुझमें अर्पित करने में असमर्थ हो, तो अभ्यास और योग से मुझे प्राप्त करने का प्रयत्न करो।

तत्रापि त्वमशक्तश्चेत्कुरु कर्म मदर्पणम् । मामनुग्रहतश्चैवं परां निर्वृतिमेष्यसि ॥९-१२॥

tatrāpi tvamaśaktaścetkuru karma madarpaṇam | māmanugrahataścaivaṃ parāṃ nirvṛtimeṣyasi ||9-12||

।।9.12।। यदि उसमें भी असमर्थ हो, तो कर्म को मुझे अर्पण करके करो। इस प्रकार, मेरी कृपा से, तुम परम शांति को प्राप्त करोगे।

अथैतदप्यनुष्ठातुं न शक्तोऽसि तदा कुरु । प्रयत्नतः फलत्यागं त्रिविधानां हि कर्मणाम् ॥९-१३॥

athaitadapyanuṣṭhātuṃ na śakto'si tadā kuru | prayatnataḥ phalatyāgaṃ trividhānāṃ hi karmaṇām ||9-13||

।।9.13।। अब यदि इसे भी करने में समर्थ न हो, तो प्रयत्नपूर्वक त्रिविध कर्मों के फल का त्याग करो।

श्रेयसी बुद्धिरावृत्तेस्ततो ध्यानं परं मतम् । ततोऽखिलपरित्यागस्ततः शान्तिर्गरीयसी ॥९-१४॥

śreyasī buddhirāvṛttestato dhyānaṃ paraṃ matam | tato'khilaparityāgastataḥ śāntirgarīyasī ||9-14||

।।9.14।। अभ्यास से ज्ञान श्रेष्ठ है, ज्ञान से ध्यान श्रेष्ठ माना गया है, ध्यान से सर्वत्याग श्रेष्ठ है, और उससे भी शांति महानतम है।

निरहंममताबुद्धिरद्वेषः शरणः समः । लाभालाभे सुखे दुःखे मानामाने स मे प्रियः ॥९-१५॥

nirahaṃmamatābuddhiradveṣaḥ śaraṇaḥ samaḥ | lābhālābhe sukhe duḥkhe mānāmāne sa me priyaḥ ||9-15||

।।9.15।। जिसकी बुद्धि अहंकार और ममता से रहित है, जो द्वेषरहित, शरणदाता, और समभाव वाला है, लाभ-हानि, सुख-दुःख, मान-अपमान में — वह मुझे प्रिय है।

यं वीक्ष्य न भयं याति जनस्तस्मान्न च स्वयम् । उद्वेगभीः कोपमुद्भीरहितो यः स मे प्रियः ॥९-१६॥

yaṃ vīkṣya na bhayaṃ yāti janastasmānna ca svayam | udvegabhīḥ kopamudbhīrahito yaḥ sa me priyaḥ ||9-16||

।।9.16।। जिसे देखकर लोगों में भय नहीं होता, और जो स्वयं भी उनसे भयभीत नहीं होता; जो उद्वेग-भय और क्रोध से उत्पन्न भय से रहित है — वह मुझे प्रिय है।

रिपौ मित्रेऽथ गर्हायां स्तुतौ शोके समः समुत् । मौनी निश्चलधीभक्तिरसंगः स च मे प्रियः ॥९-१७॥

ripau mitre'tha garhāyāṃ stutau śoke samaḥ samut | maunī niścaladhībhaktirasaṃgaḥ sa ca me priyaḥ ||9-17||

।।9.17।। शत्रु और मित्र में, निंदा और स्तुति में, शोक और आनंद में समभाव वाला; मौनी, स्थिर बुद्धि और भक्ति वाला, अनासक्त — वह भी मुझे प्रिय है।

संशीलयति यश्चैनमुपदेशं मया कृतम् । स वन्द्यः सर्वलोकेषु मुक्तात्मा मे प्रियः सदा ॥९-१८॥

saṃśīlayati yaścainamupadeśaṃ mayā kṛtam | sa vandyaḥ sarvalokeṣu muktātmā me priyaḥ sadā ||9-18||

।।9.18।। और जो मेरे द्वारा दिए गए इस उपदेश का पालन करता है, वह सब लोकों में वंदनीय है — एक मुक्तात्मा, सदा मुझे प्रिय।

अनिष्टाप्तौ च न द्वेष्टीष्टप्राप्तौ च न तुष्यति । क्षेत्रतज्ज्ञौ च यो वेत्ति समे प्रियतमो भवेत् ॥९-१९॥

aniṣṭāptau ca na dveṣṭīṣṭaprāptau ca na tuṣyati | kṣetratajjñau ca yo vetti same priyatamo bhavet ||9-19||

।।9.19।। जो अनिष्ट प्राप्त होने पर द्वेष नहीं करता, और इष्ट प्राप्त होने पर हर्षित नहीं होता; और जो क्षेत्र और क्षेत्रज्ञ दोनों को जानता है — वह मुझे परम प्रिय है।

वरेण्य उवाच - किं क्षेत्रं कश्च तद्वेत्ति किं तज्ज्ञानं गजानन । एतदाचक्ष्व मह्यं त्वं पृच्छते करुणाम्बुधे ॥९-२०॥

vareṇya uvāca - kiṃ kṣetraṃ kaśca tadvetti kiṃ tajjñānaṃ gajānana | etadācakṣva mahyaṃ tvaṃ pṛcchate karuṇāmbudhe ||9-20||

।।9.20।। वरेण्य ने कहा: हे गजानन, क्षेत्र क्या है, और उसे कौन जानता है? उसका ज्ञान क्या है? हे करुणा के सागर, पूछते हुए मुझे यह समझाइए।

श्रीगजानन उवाच - पञ्च भूतानि तन्मात्राः पञ्च कर्मेन्द्रियाणि च । अहंकारो मनो बुद्धिः पञ्च ज्ञानेन्द्रियाणि च ॥९-२१॥

śrīgajānana uvāca - pañca bhūtāni tanmātrāḥ pañca karmendriyāṇi ca | ahaṃkāro mano buddhiḥ pañca jñānendriyāṇi ca ||9-21||

।।9.21।। श्रीगजानन ने कहा: पंचमहाभूत, पंचतन्मात्राएँ, पंच कर्मेन्द्रियाँ, अहंकार, मन, बुद्धि, और पंच ज्ञानेन्द्रियाँ —

इच्छाव्यक्तं धृतिद्वेषौ सुखदुःखे तथैव च । चेतनासहितश्चायं समूहः क्षेत्रमुच्यते ॥९-२२॥

icchāvyaktaṃ dhṛtidveṣau sukhaduḥkhe tathaiva ca | cetanāsahitaścāyaṃ samūhaḥ kṣetramucyate ||9-22||

।।9.22।। — इच्छा, अव्यक्त, धृति, द्वेष, सुख-दुःख भी — यह समूह, चेतना सहित, क्षेत्र कहलाता है।

तज्ज्ञं त्वं विद्धि मां भूप सर्वान्तर्यामिणं विभुम् । अयं समूहोऽहं चापि यज्ज्ञानविषयौ नृप ॥९-२३॥

tajjñaṃ tvaṃ viddhi māṃ bhūpa sarvāntaryāmiṇaṃ vibhum | ayaṃ samūho'haṃ cāpi yajjñānaviṣayau nṛpa ||9-23||

।।9.23।। हे भूप, उस क्षेत्र के ज्ञाता को मुझे ही जानो, सर्वान्तर्यामी, विभु। यह समूह और मैं — ये दोनों ही ज्ञान के विषय हैं, हे राजन्।

आर्जवं गुरुशुश्रूषा विरक्तिश्चेन्द्रियार्थतः । शौचं क्षान्तिरदम्भश्च जन्मादिदोषवीक्षणम् ॥९-२४॥

ārjavaṃ guruśuśrūṣā viraktiścendriyārthataḥ | śaucaṃ kṣāntiradambhaśca janmādidoṣavīkṣaṇam ||9-24||

।।9.24।। सरलता, गुरु-सेवा, इन्द्रिय-विषयों से वैराग्य, शौच, क्षमा, निष्कपटता, जन्मादि दोषों का दर्शन —

समदृष्टिर्दृढा भक्तिरेकान्तित्वं शमो दमः । एतैर्यच्च युतं ज्ञानं तज्ज्ञानं विद्धि बाहुज ॥९-२५॥

samadṛṣṭirdṛḍhā bhaktirekāntitvaṃ śamo damaḥ | etairyacca yutaṃ jñānaṃ tajjñānaṃ viddhi bāhuja ||9-25||

।।9.25।। समदृष्टि, दृढ़ भक्ति, एकान्तिता, शम, दम — इनसे युक्त जो ज्ञान है, हे बाहुज, उसे ही ज्ञान जानो।

तज्ज्ञानविषयं राजन्ब्रवीमि त्वं शृणुष्व मे । यज्ज्ञात्वैति च निर्वाणं मुक्त्वा संसृतिसागरम् ॥९-२६॥

tajjñānaviṣayaṃ rājanbravīmi tvaṃ śa‍ṛṇuṣva me | yajjñātvaiti ca nirvāṇaṃ muktvā saṃsṛtisāgaram ||9-26||

।।9.26।। हे राजन्, अब उस ज्ञान के विषय को कहता हूँ; सुनो। जिसे जानकर मनुष्य संसार-सागर को पार कर निर्वाण को प्राप्त करता है।

यदनादीन्द्रियैर्हीनं गुणभुग्गुणवर्जितम् । अव्यक्तं सदसद्भिन्नमिन्द्रियार्थावभासकम् ॥९-२७॥

yadanādīndriyairhīnaṃ guṇabhugguṇavarjitam | avyaktaṃ sadasadbhinnamindriyārthāvabhāsakam ||9-27||

।।9.27।। जो अनादि है, इन्द्रियरहित है, गुणों का भोक्ता होते हुए भी गुणरहित है, अव्यक्त है, सत् और असत् दोनों से भिन्न है, इन्द्रिय-विषयों का प्रकाशक है —

विश्वभृच्चाखिलव्यापि त्वेकं नानेव भासते । बाह्याभ्यन्तरतः पूर्णमसंगं तमसः परम् ॥९-२८॥

viśvabhṛccākhilavyāpi tvekaṃ nāneva bhāsate | bāhyābhyantarataḥ pūrṇamasaṃgaṃ tamasaḥ param ||9-28||

।।9.28।। विश्व का धारक, सर्वव्यापी, एक होते हुए भी अनेक-सा प्रतीत होता है। बाह्य और आभ्यंतर दोनों से पूर्ण, असंग, तम से परे —

दुर्ज्ञेयं चातिसूक्ष्मत्वाद्दीप्तानामपि भासकम् । ज्ञेयमेतादृशं विद्धि ज्ञानगम्यं पुरातनम् ॥९-२९॥

durjñeyaṃ cātisūkṣmatvāddīptānāmapi bhāsakam | jñeyametādṛśaṃ viddhi jñānagamyaṃ purātanam ||9-29||

।।9.29।। अत्यंत सूक्ष्मता के कारण दुर्ज्ञेय, प्रकाशमान वस्तुओं का भी प्रकाशक — ज्ञेय को ऐसा ही जानो: ज्ञानगम्य और पुरातन।

एतदेव परं ब्रह्म ज्ञेयमात्मा परोऽव्ययः । गुणान्प्रकृतिजान्भुङ्क्ते पुरुषः प्रकृतेः परः ॥९-३०॥

etadeva paraṃ brahma jñeyamātmā paro'vyayaḥ | guṇānprakṛtijānbhuṅkte puruṣaḥ prakṛteḥ paraḥ ||9-30||

।।9.30।। यही परम ब्रह्म है, ज्ञेय है, परम अव्यय आत्मा है। पुरुष, प्रकृति से परे होते हुए भी, प्रकृति से उत्पन्न गुणों को भोगता है।

गुणैस्त्रिभिरियं देहे बध्नाति पुरुषं दृढम् । यदा प्रकाशः शान्तिश्च वृद्धे सत्त्वं तदाधिकम् ॥९-३१॥

guṇaistribhiriyaṃ dehe badhnāti puruṣaṃ dṛḍham | yadā prakāśaḥ śāntiśca vṛddhe sattvaṃ tadādhikam ||9-31||

।।9.31।। तीनों गुणों से, यह (प्रकृति) पुरुष को शरीर में दृढ़ता से बाँधती है। जब प्रकाश और शांति बढ़ती है, तब सत्त्व प्रधान होता है।

लोभोऽशमः स्पृहारम्भः कर्मणां रजसो गुणः । मोहोऽप्रवृत्तिश्चाज्ञानं प्रमादस्तमसो गुणः ॥९-३२॥

lobho'śamaḥ spṛhārambhaḥ karmaṇāṃ rajaso guṇaḥ | moho'pravṛttiścājñānaṃ pramādastamaso guṇaḥ ||9-32||

।।9.32।। लोभ, अशम, और लालसा से कर्मों का आरम्भ — यह रजस् का गुण है। मोह, अप्रवृत्ति, अज्ञान, और प्रमाद — यह तमस् का गुण है।

सत्त्वाधिकः सुखं ज्ञानं कर्मसंगं रजोऽधिकः । तमोऽधिकश्च लभते निद्रालस्यं सुखेतरत् ॥९-३३॥

sattvādhikaḥ sukhaṃ jñānaṃ karmasaṃgaṃ rajo'dhikaḥ | tamo'dhikaśca labhate nidrālasyaṃ sukhetarat ||9-33||

।।9.33।। सत्त्व-प्रधान सुख और ज्ञान प्राप्त करता है, रजस्-प्रधान कर्मासक्ति प्राप्त करता है, और तमस्-प्रधान निद्रा, आलस्य, और सुख से भिन्न (दुःख) प्राप्त करता है।

एषु त्रिषु प्रवृद्धेषु मुक्तिसंसृतिदुर्गतीः । प्रयान्ति मानवा राजंस्तस्मात्सत्त्वयुतो भव ॥९-३४॥

eṣu triṣu pravṛddheṣu muktisaṃsṛtidurgatīḥ | prayānti mānavā rājaṃstasmātsattvayuto bhava ||9-34||

।।9.34।। इन तीनों में से जब-जब जो बढ़ता है, तब मनुष्य मुक्ति, संसृति, या दुर्गति को प्राप्त होता है, हे राजन्। इसलिए सत्त्वयुक्त बनो।

ततश्च सर्वभावेन भज त्वं मां नरेश्वर । भक्त्या चाव्यभिचारिण्या सर्वत्रैव च संस्थितम् ॥९-३५॥

tataśca sarvabhāvena bhaja tvaṃ māṃ nareśvara | bhaktyā cāvyabhicāriṇyā sarvatraiva ca saṃsthitam ||9-35||

।।9.35।। इसलिए, हे नरेश्वर, अपने सम्पूर्ण भाव से मेरी उपासना करो, अव्यभिचारिणी भक्ति से — मुझे, जो सर्वत्र स्थित हूँ।

अग्नौ सूर्ये तथा सोमे यच्च तारासु संस्थितम् । विदुषि ब्राह्मणे तेजो विद्धि तन्मामकं नृप ॥९-३६॥

agnau sūrye tathā some yacca tārāsu saṃsthitam | viduṣi brāhmaṇe tejo viddhi tanmāmakaṃ nṛpa ||9-36||

।।9.36।। अग्नि में, सूर्य में, चन्द्रमा में, और तारों में जो कुछ भी स्थित है, तथा विद्वान् ब्राह्मण में जो तेज है — हे राजन्, उसे मेरा ही जानो।

अहमेवाखिलं विश्वं सृजामि विसृजामि च । औषधीस्तेजसा सर्वा विश्वं चाप्याययाम्यहम् ॥९-३७॥

ahamevākhilaṃ viśvaṃ sṛjāmi visṛjāmi ca | auṣadhīstejasā sarvā viśvaṃ cāpyāyayāmyaham ||9-37||

।।9.37।। मैं ही सम्पूर्ण विश्व को रचता और लय करता हूँ। अपने तेज से मैं सभी औषधियों को, और सम्पूर्ण विश्व को भी पोषित करता हूँ।

सर्वेन्द्रियाण्यधिष्ठाय जाठरं च धनंजयम् । भुनज्मि चाखिलान्भोगान्पुण्यपापविवर्जितः ॥९-३८॥

sarvendriyāṇyadhiṣṭhāya jāṭharaṃ ca dhanaṃjayam | bhunajmi cākhilānbhogānpuṇyapāpavivarjitaḥ ||9-38||

।।9.38।। सब इन्द्रियों और जठराग्नि पर अधिष्ठित होकर, मैं, पुण्य-पाप से रहित, सब भोगों को भोगता हूँ।

अहं विष्णुश्च रुद्रश्च ब्रह्मा गौरी गणेश्वरः । इन्द्राद्या लोकपालाश्च ममैवांशसमुद्भवाः ॥९-३९॥

ahaṃ viṣṇuśca rudraśca brahmā gaurī gaṇeśvaraḥ | indrādyā lokapālāśca mamaivāṃśasamudbhavāḥ ||9-39||

।।9.39।। मैं ही विष्णु और रुद्र हूँ, ब्रह्मा, गौरी, और गणेश्वर भी। इन्द्रादि लोकपाल भी मेरे ही अंश से उत्पन्न हैं।

येन येन हि रूपेण जनो मां पर्युपासते । तथा तथा दर्शयामि तस्मै रूपं सुभक्तितः ॥९-४०॥

yena yena hi rūpeṇa jano māṃ paryupāsate | tathā tathā darśayāmi tasmai rūpaṃ subhaktitaḥ ||9-40||

।।9.40।। मनुष्य जिस-जिस रूप में मेरी उपासना करता है, उसी-उसी रूप में मैं उसे, उसकी भक्ति के अनुरूप, दर्शन देता हूँ।

इति क्षेत्रं तथा ज्ञाता ज्ञानं ज्ञेयं मयेरितम् । अखिलं भूपते सम्यगुपपन्नाय पृच्छते ॥९-४१॥

iti kṣetraṃ tathā jñātā jñānaṃ jñeyaṃ mayeritam | akhilaṃ bhūpate samyagupapannāya pṛcchate ||9-41||

।।9.41।। इस प्रकार, हे भूपते, क्षेत्र, क्षेत्रज्ञ, ज्ञान, और ज्ञेय — यह सब मैंने तुम्हें, योग्य और जिज्ञासु को, पूर्ण और सम्यक् रूप से कह दिया।