नैमिषारण्य में सौति और भारत की उत्पत्ति

श्लोक 1 (1.1.1)

नारायणं सुरगुरुं जगदेकनाथं । भक्तप्रियं सकललोकनमस्कृतं च । त्रैगुण्यवर्जितमजं विभुमाद्यमीशं । वन्दे भवघ्नममरासुरसिद्धवन्द्यम् ॥

nārāyaṇaṃ suraguruṃ jagadekanāthaṃ | bhaktapriyaṃ sakalalokanamaskṛtaṃ ca | traiguṇyavarjitamajaṃ vibhumādyamīśaṃ | vande bhavaghnamamarāsurasiddhavandyam

मैं उन नारायण को प्रणाम करता हूँ जो देवताओं के गुरु और जगत् के एकमात्र स्वामी हैं, भक्तों के प्रिय हैं और समस्त लोक जिनकी वन्दना करते हैं; जो अजन्मा, सर्वव्यापी, आदि ईश्वर और तीनों गुणों से परे हैं, जो संसार-बन्धन का नाश करते हैं और देवता, असुर तथा सिद्ध जिनकी वन्दना करते हैं।

श्लोक 2 (1.1.2)

नमो धर्माय महते नमः कृष्णाय वेधसे । ब्राह्मणेभ्यो नमस्कृत्य धर्मान्वक्ष्यामि शाश्वतान् ॥

namo dharmāya mahate namaḥ kṛṣṇāya vedhase | brāhmaṇebhyo namaskṛtya dharmānvakṣyāmi śāśvatān

महान धर्म को नमस्कार है; सृष्टिकर्ता कृष्ण को नमस्कार है। ब्राह्मणों को प्रणाम करके मैं सनातन धर्मों का वर्णन करूँगा।

श्लोक 3 (1.1.3)

ॐ नमो भगवते वासुदेवाय । ॐ नमः पितामहाय । ॐ नमः प्रजापतिभ्यः । ॐ नमः कृष्णद्वैपायनाय । ॐ नमः सर्वविघ्नविनायकेभ्यः ॥

ॐ namo bhagavate vāsudevāya | ॐ namaḥ pitāmahāya | ॐ namaḥ prajāpatibhyaḥ | ॐ namaḥ kṛṣṇadvaipāyanāya | ॐ namaḥ sarvavighnavināyakebhyaḥ

ॐ भगवान वासुदेव को नमस्कार। ॐ पितामह को नमस्कार। ॐ प्रजापतियों को नमस्कार। ॐ कृष्णद्वैपायन को नमस्कार। ॐ समस्त विघ्नों को दूर करने वाले विनायकों को नमस्कार।

श्लोक 4 (1.1.4)

रोमहर्षणपुत्र उग्रश्रवाः सौतिः पौराणिको । नैमिशारण्ये शौनकस्य कुलपतेर्द्वादशवार्षिके सत्रे ॥

romaharṣaṇaputra ugraśravāḥ sautiḥ paurāṇiko | naimiśāraṇye śaunakasya kulapaterdvādaśavārṣike satre

रोमहर्षण के पुत्र, पुराणों के ज्ञाता उग्रश्रवा सौति, नैमिषारण्य में कुलपति शौनक के बारह वर्षों तक चलने वाले सत्र में —

श्लोक 5 (1.1.5)

सुखासीनानभ्यगच्छद्ब्रह्मर्षीन्संशितव्रतान् । विनयावनतो भूत्वा कदाचित्सूतनन्दनः ॥

sukhāsīnānabhyagacchadbrahmarṣīnsaṃśitavratān | vinayāvanato bhūtvā kadācitsūtanandanaḥ

— एक बार वह सूतपुत्र विनय से झुककर कठोर व्रतों वाले उन ब्रह्मर्षियों के पास पहुँचे जो वहाँ सुखपूर्वक बैठे थे।

श्लोक 6 (1.1.6)

तमाश्रममनुप्राप्य नैमिशारण्यवासिनः । उवाच तानृषीन्सर्वान्धन्यो वोऽस्म्यद्यदर्शनात् ॥

tamāśramamanuprāpya naimiśāraṇyavāsinaḥ | uvāca tānṛṣīnsarvāndhanyo vo'smyadyadarśanāt

उस आश्रम में पहुँचकर उन्होंने नैमिषारण्य में रहने वाले उन सब ऋषियों से कहा — "आज आपके दर्शन से मैं धन्य हो गया।"

श्लोक 7 (1.1.7)

वेद वैयासिकीः सर्वाः कथा धर्मार्थसंहिताः । वक्ष्यामि वो द्विजश्रेष्ठाः शृण्वन्त्वद्य तपोधनाः ॥

veda vaiyāsikīḥ sarvāḥ kathā dharmārthasaṃhitāḥ | vakṣyāmi vo dvijaśreṣṭhāḥ śṛṇvantvadya tapodhanāḥ

"मैं व्यास की कही हुई धर्म और अर्थ से युक्त सभी कथाएँ जानता हूँ। हे श्रेष्ठ द्विजो, मैं उन्हें आपको सुनाऊँगा; तपस्वीजन आज उन्हें सुनें।"

श्लोक 8 (1.1.8)

तस्य तद्वचनं श्रुत्वा नैमिशारण्यवासिनः । चित्राः श्रोतुं कथास्तत्र परिवव्रुस्तपस्विनः ॥

tasya tadvacanaṃ śrutvā naimiśāraṇyavāsinaḥ | citrāḥ śrotuṃ kathāstatra parivavrustapasvinaḥ

उनकी यह बात सुनकर नैमिषारण्य के वे तपस्वी विचित्र कथाएँ सुनने के लिए वहाँ उन्हें घेरकर बैठ गए।

श्लोक 9 (1.1.9)

अभिवाद्य मुनींस्तांस्तु सर्वानेव कृताञ्जलिः । अपृच्छत्स तपोवृद्धिं सद्भिश्चैवाभिपूजितः ॥

abhivādya munīṃstāṃstu sarvāneva kṛtāñjaliḥ | apṛcchatsa tapovṛddhiṃ sadbhiścaivābhipūjitaḥ

उन्होंने हाथ जोड़कर उन सब मुनियों को प्रणाम किया और उन सज्जनों से सम्मान पाकर उनकी तपस्या की कुशल पूछी।

श्लोक 10 (1.1.10)

अथ तेषूपविष्टेषु सर्वेष्वेव तपस्विषु । निर्दिष्टमासनं भेजे विनयाद्रौमहर्षणिः ॥

atha teṣūpaviṣṭeṣu sarveṣveva tapasviṣu | nirdiṣṭamāsanaṃ bheje vinayādraumaharṣaṇiḥ

फिर जब सब तपस्वी बैठ गए, तब रोमहर्षण-पुत्र ने विनयपूर्वक अपने लिए बताया गया आसन ग्रहण किया।

श्लोक 11 (1.1.11)

सुखासीनं ततस्तं तु विश्रान्तमुपलक्ष्य च । अथापृच्छदृषिस्तत्र कश्चित्प्रस्तावयन्कथाः ॥

sukhāsīnaṃ tatastaṃ tu viśrāntamupalakṣya ca | athāpṛcchadṛṣistatra kaścitprastāvayankathāḥ

उन्हें सुखपूर्वक बैठे और विश्राम किए हुए देखकर वहाँ एक ऋषि ने कथा का प्रसंग छेड़ते हुए उनसे पूछा —

श्लोक 12 (1.1.12)

कुत आगम्यते सौते क्वचायं विहृतस्त्वया । कालः कमलपत्राक्ष शंसैतत्पृच्छतो मम ॥

kuta āgamyate saute kvacāyaṃ vihṛtastvayā | kālaḥ kamalapatrākṣa śaṃsaitatpṛcchato mama

"हे सौति, आप कहाँ से आ रहे हैं, और यह समय आपने कहाँ बिताया? हे कमलनयन, मैं पूछ रहा हूँ, मुझे यह बताइए।"

श्लोक 13 (1.1.13)

एवं पृष्टोऽब्रवीत्सम्यग्यथावद्रौमहर्षणिः । वाक्यं वचनसंपन्नस्तेषां च चरिताश्रयम् ॥

evaṃ pṛṣṭo'bravītsamyagyathāvadraumaharṣaṇiḥ | vākyaṃ vacanasaṃpannasteṣāṃ ca caritāśrayam

इस प्रकार पूछे जाने पर वाक्पटु रोमहर्षण-पुत्र ने उनके आचरण के अनुरूप उचित और यथार्थ उत्तर दिया।

श्लोक 14 (1.1.14)

तस्मिन्सदसि विस्तीर्णे मुनीनां भावितात्मनाम् । जनमेजयस्य राजर्षेः सर्पसत्रे महात्मनः ॥

tasminsadasi vistīrṇe munīnāṃ bhāvitātmanām | janamejayasya rājarṣeḥ sarpasatre mahātmanaḥ

"महात्मा राजर्षि जनमेजय के सर्पसत्र में, शुद्ध अन्तःकरण वाले मुनियों की उस विशाल सभा में,"

श्लोक 15 (1.1.15)

समीपे पार्थिवेन्द्रस्य सम्यक्पारिक्षितस्य च । कृष्णद्वैपायनप्रोक्ताः सुपुण्या विविधाः कथाः ॥

samīpe pārthivendrasya samyakpārikṣitasya ca | kṛṣṇadvaipāyanaproktāḥ supuṇyā vividhāḥ kathāḥ

"राजाओं के स्वामी परीक्षित्-पुत्र के सान्निध्य में, कृष्णद्वैपायन की कही हुई अनेक परम पवित्र कथाएँ"

श्लोक 16 (1.1.16)

कथिताश्चापि विधिवद्या वैशंपायनेन वै । श्रुत्वाऽहं ता विचित्रार्था महाभारतसंश्रिताः ॥

kathitāścāpi vidhivadyā vaiśaṃpāyanena vai | śrutvā'haṃ tā vicitrārthā mahābhāratasaṃśritāḥ

"वैशम्पायन ने विधिपूर्वक सुनाईं। महाभारत से जुड़ी उन विचित्र अर्थ वाली कथाओं को सुनकर,"

श्लोक 17 (1.1.17)

बहूनि संपरिक्रम्य तीर्थान्यायतनानि च । समन्तपञ्चकं नाम पुण्यं द्विजनिषेवितम् ॥

bahūni saṃparikramya tīrthānyāyatanāni ca | samantapañcakaṃ nāma puṇyaṃ dvijaniṣevitam

"और अनेक तीर्थों तथा देवस्थानों की परिक्रमा करके, द्विजों द्वारा सेवित समन्तपञ्चक नामक पवित्र क्षेत्र में,"

श्लोक 18 (1.1.18)

गतवानस्मि तं देशं युद्धं यत्राभवत्पुरा । कुरूणां पाण्डवानां च सर्वेषां च महीक्षिताम् ॥

gatavānasmi taṃ deśaṃ yuddhaṃ yatrābhavatpurā | kurūṇāṃ pāṇḍavānāṃ ca sarveṣāṃ ca mahīkṣitām

"उस प्रदेश में मैं गया, जहाँ प्राचीन काल में कौरवों, पाण्डवों और समस्त राजाओं का युद्ध हुआ था।"

श्लोक 19 (1.1.19)

दिदृक्षुरागतस्तस्मात्समीपं भवतामिह । आयुष्मन्तः सर्व एव ब्रह्मभूता हि मे मताः । अस्मिन्यज्ञे महाभागाः सूर्यपावकवर्चसः ॥

didṛkṣurāgatastasmātsamīpaṃ bhavatāmiha | āyuṣmantaḥ sarva eva brahmabhūtā hi me matāḥ | asminyajñe mahābhāgāḥ sūryapāvakavarcasaḥ

"वहाँ से आपके दर्शन की इच्छा से मैं यहाँ आपके समीप आया हूँ। आप सब दीर्घायु हों! मैं आप सबको ब्रह्मस्वरूप मानता हूँ — इस यज्ञ में बैठे हुए आप महाभाग सूर्य और अग्नि के समान तेजस्वी हैं।"

श्लोक 20 (1.1.20)

कृताभिषेकाः शुचयः कृतजप्या हुताग्नयः । भवन्त आसते स्वस्था ब्रवीमि किमहं द्विजाः ॥

kṛtābhiṣekāḥ śucayaḥ kṛtajapyā hutāgnayaḥ | bhavanta āsate svasthā bravīmi kimahaṃ dvijāḥ

"आप स्नान कर चुके हैं और पवित्र हैं; जप और अग्निहोत्र कर चुके हैं और अब निश्चिन्त बैठे हैं। हे द्विजो, मैं आपको क्या सुनाऊँ?"

श्लोक 21 (1.1.21)

पुराणसंहिताः पुण्याः कथा धर्मार्थसंश्रिताः । इतिवृत्तं नरेन्द्राणामृषीणां च महात्मनाम् ॥

purāṇasaṃhitāḥ puṇyāḥ kathā dharmārthasaṃśritāḥ | itivṛttaṃ narendrāṇāmṛṣīṇāṃ ca mahātmanām

"पुराणों की पवित्र संहिताएँ, धर्म और अर्थ पर आधारित कथाएँ, या राजाओं और महात्मा ऋषियों के चरित?"

श्लोक 22 (1.1.22)

द्वैपायनेन यत्प्रोक्तं पुराणं परमर्षिणा । सुरैर्ब्रह्मर्षिभिश्चैव श्रुत्वा यदभिपूजितम् ॥

dvaipāyanena yatproktaṃ purāṇaṃ paramarṣiṇā | surairbrahmarṣibhiścaiva śrutvā yadabhipūjitam

"परमर्षि द्वैपायन का कहा हुआ वह पुराण, जिसे सुनकर देवताओं और ब्रह्मर्षियों ने उसका सम्मान किया;"

श्लोक 23 (1.1.23)

तस्याख्यानवरिष्ठस्य विचित्रपदपर्वणः । सूक्ष्मार्थन्याययुक्तस्य वेदार्थैर्भूषितस्य च ॥

tasyākhyānavariṣṭhasya vicitrapadaparvaṇaḥ | sūkṣmārthanyāyayuktasya vedārthairbhūṣitasya ca

"उस श्रेष्ठ आख्यान की, जो विचित्र पदों और पर्वों से युक्त है, सूक्ष्म अर्थ और तर्क से सम्पन्न है और वेदों के अर्थ से विभूषित है;"

श्लोक 24 (1.1.24)

भारतस्येतिहासस्य पुण्यां ग्रन्थार्थसंयुताम् । संस्कारोपगतां ब्राह्मीं नानाशास्त्रोपबृंहिताम् ॥

bhāratasyetihāsasya puṇyāṃ granthārthasaṃyutām | saṃskāropagatāṃ brāhmīṃ nānāśāstropabṛṃhitām

"भारत-इतिहास की उस पवित्र संहिता को, जो गम्भीर अर्थ से युक्त, सुसंस्कृत, ब्रह्ममय और अनेक शास्त्रों से परिपुष्ट है,"

श्लोक 25 (1.1.25)

जनमेजयस्य यां राज्ञो वैशंपायन उक्तवान् । यथावत्स ऋषिः पृष्टः सत्रे द्वैपायनाज्ञया ॥

janamejayasya yāṃ rājño vaiśaṃpāyana uktavān | yathāvatsa ṛṣiḥ pṛṣṭaḥ satre dvaipāyanājñayā

"जिसे पूछे जाने पर ऋषि वैशम्पायन ने द्वैपायन की आज्ञा से राजा जनमेजय को उनके सत्र में यथावत् सुनाया था;"

श्लोक 26 (1.1.26)

वेदैश्चतुर्भिः संयुक्तां व्यासस्याद्भुतकर्मणः । संहितां श्रोतुमिच्छामः पुण्यां पापभयापहाम् ॥

vedaiścaturbhiḥ saṃyuktāṃ vyāsasyādbhutakarmaṇaḥ | saṃhitāṃ śrotumicchāmaḥ puṇyāṃ pāpabhayāpahām

"अद्भुत कर्म वाले व्यास की वह संहिता, जो चारों वेदों से युक्त, पवित्र और पाप के भय को दूर करने वाली है — उसी को हम सुनना चाहते हैं।"

श्लोक 27 (1.1.27)

आद्यं पुरुषमीशानं पुरुहूतं पुरुष्टुतम् । ऋतमेकाक्षरं ब्रह्म व्यक्ताव्यक्तं सनातनम् ॥

ādyaṃ puruṣamīśānaṃ puruhūtaṃ puruṣṭutam | ṛtamekākṣaraṃ brahma vyaktāvyaktaṃ sanātanam

जो आदि पुरुष और ईश्वर हैं, अनेकों द्वारा आहूत और अनेकों द्वारा स्तुत हैं; जो ऋत, एकाक्षर ब्रह्म, व्यक्त और अव्यक्त तथा सनातन हैं;

श्लोक 28 (1.1.28)

असच्च सच्चैव च यद्विश्वं सदसतः परम् । परावराणां स्रष्टारं पुराणं परमव्ययम् ॥

asacca saccaiva ca yadviśvaṃ sadasataḥ param | parāvarāṇāṃ sraṣṭāraṃ purāṇaṃ paramavyayam

जो असत् भी हैं और सत् भी, जो विश्वरूप हैं और फिर भी सत्-असत् से परे हैं; जो ऊँच-नीच सबके स्रष्टा, पुरातन, परम और अविनाशी हैं;

श्लोक 29 (1.1.29)

मङ्गल्यं मङ्गलं विष्णुं वरेण्यमनघं शुचिम् । नमस्कृत्य हृषीकेशं चराचरगुरुं हरिम् ॥

maṅgalyaṃ maṅgalaṃ viṣṇuṃ vareṇyamanaghaṃ śucim | namaskṛtya hṛṣīkeśaṃ carācaraguruṃ harim

उन मंगलमय और स्वयं मंगलरूप, वरणीय, निष्पाप और पवित्र विष्णु, चराचर के गुरु हृषीकेश हरि को नमस्कार करके —

श्लोक 30 (1.1.30)

महर्षेः पूजितस्येह सर्वलोकैर्महात्मनः । प्रवक्ष्यामि मतं पुण्यं व्यासस्याद्भुतकर्मणः ॥

maharṣeḥ pūjitasyeha sarvalokairmahātmanaḥ | pravakṣyāmi mataṃ puṇyaṃ vyāsasyādbhutakarmaṇaḥ

मैं समस्त लोकों द्वारा पूजित, अद्भुत कर्म वाले महात्मा महर्षि व्यास के पवित्र मत का वर्णन करूँगा।

श्लोक 31 (1.1.31)

नमो भगवते तस्मै व्यासायामिततेजसे । यस्य प्रसादाद्वक्ष्यामि नारायणकथामिमाम् ॥

namo bhagavate tasmai vyāsāyāmitatejase | yasya prasādādvakṣyāmi nārāyaṇakathāmimām

उन अमित तेजस्वी भगवान व्यास को नमस्कार है, जिनकी कृपा से मैं यह नारायण-कथा कहूँगा।

श्लोक 32 (1.1.32)

सर्वाश्रमाभिशमनं सर्वतीर्थावगाहनम् । न तथा फलदं सूते नारायणकथा यथा ॥

sarvāśramābhiśamanaṃ sarvatīrthāvagāhanam | na tathā phaladaṃ sūte nārāyaṇakathā yathā

सब आश्रमों का पालन और सब तीर्थों में स्नान भी वैसा फल नहीं देते जैसा नारायण की कथा देती है।

श्लोक 33 (1.1.33)

नास्ति नारायणसमं न भूतं न भविष्यति । एतेन सत्यवाक्येन सर्वार्थान्साधयाम्यहम् ॥

nāsti nārāyaṇasamaṃ na bhūtaṃ na bhaviṣyati | etena satyavākyena sarvārthānsādhayāmyaham

नारायण के समान कुछ भी नहीं है — न कभी हुआ, न होगा। इस सत्य वचन के बल पर मैं अपने सब प्रयोजन सिद्ध करूँगा।

श्लोक 34 (1.1.34)

आचख्युः कवयः केचित्संप्रत्याचक्षते परे । आख्यास्यन्ति तथैवान्य इतिहासमिमं भुवि ॥

ācakhyuḥ kavayaḥ kecitsaṃpratyācakṣate pare | ākhyāsyanti tathaivānya itihāsamimaṃ bhuvi

कुछ कवियों ने इस इतिहास को पहले कहा है, कुछ अब कह रहे हैं और कुछ आगे भी पृथ्वी पर इसे कहेंगे।

श्लोक 35 (1.1.35)

इदं तु त्रिषु लोकेषु महज्ज्ञानं प्रतिष्ठितम् । विस्तरैश्च समासैश्च धार्यते यद्द्विजातिभिः ॥

idaṃ tu triṣu lokeṣu mahajjñānaṃ pratiṣṭhitam | vistaraiśca samāsaiśca dhāryate yaddvijātibhiḥ

यह महान ज्ञान तीनों लोकों में प्रतिष्ठित है; द्विजगण इसे विस्तार और संक्षेप दोनों रूपों में धारण करते हैं।

श्लोक 36 (1.1.36)

अलङ्कृतं शुभैः शब्दैः समयैर्दिव्यमानुषैः । छन्दोवृत्तैश्च विविधैरन्वितं विदुषांप्रियम् ॥

alaṅkṛtaṃ śubhaiḥ śabdaiḥ samayairdivyamānuṣaiḥ | chandovṛttaiśca vividhairanvitaṃ viduṣāṃpriyam

सुन्दर शब्दों से, दिव्य और मानवीय मर्यादाओं से तथा अनेक प्रकार के छन्दों से अलंकृत यह ग्रन्थ विद्वानों को प्रिय है।

श्लोक 37 (1.1.37)

तपसा ब्रह्मचर्येण व्यस्य वेदं सनातनम् । इतिहासमिमं चक्रे पुण्यं सत्यवतीसुतः ॥

tapasā brahmacaryeṇa vyasya vedaṃ sanātanam | itihāsamimaṃ cakre puṇyaṃ satyavatīsutaḥ

तप और ब्रह्मचर्य के द्वारा सनातन वेद का विभाजन करके सत्यवती-पुत्र ने इस पवित्र इतिहास की रचना की।

श्लोक 38 (1.1.38)

पुण्ये हिमवतः पादे मेध्ये गिरिगुहालये । विशोध्य देहं धर्मात्मा दर्भसंस्तरमाश्रितः ॥

puṇye himavataḥ pāde medhye giriguhālaye | viśodhya dehaṃ dharmātmā darbhasaṃstaramāśritaḥ

हिमालय की पवित्र और शुद्ध तलहटी में, एक पर्वत-गुफा में, उस धर्मात्मा ने देह को शुद्ध किया और कुशा के आसन पर बैठ गए।

श्लोक 39 (1.1.39)

शुचिः सनियमो व्यासः शान्तात्मातपसि स्थितः । भारतस्येतिहासस्य धर्मेणान्वीक्ष्य तां गतिम् ॥

śuciḥ saniyamo vyāsaḥ śāntātmātapasi sthitaḥ | bhāratasyetihāsasya dharmeṇānvīkṣya tāṃ gatim

पवित्र, नियमों में बँधे, शान्तचित्त और तप में स्थित व्यास ने धर्मपूर्वक भारत-इतिहास की उस गति पर विचार किया,

श्लोक 40 (1.1.40)

प्रविश्य योगं ज्ञानेन सोऽपश्यत्सर्वमन्ततः ॥

praviśya yogaṃ jñānena so'paśyatsarvamantataḥ

और ज्ञान के द्वारा योग में प्रवेश करके उन्होंने उसे अन्त तक सम्पूर्ण रूप से देख लिया।

श्लोक 41 (1.1.41)

निष्प्रभेऽस्मिन्निरालोके सर्वतस्तमसा वृते । बृहदण्डमभूदेकं प्रजानां बीजमव्ययम् ॥

niṣprabhe'sminnirāloke sarvatastamasā vṛte | bṛhadaṇḍamabhūdekaṃ prajānāṃ bījamavyayam

जब यह जगत् प्रभाहीन और प्रकाशरहित था और चारों ओर अन्धकार से ढका था, तब एक विशाल अण्ड प्रकट हुआ, जो समस्त प्राणियों का अविनाशी बीज था।

श्लोक 42 (1.1.42)

युगस्यादिनिमित्तं तन्महद्दिव्यं प्रचक्षते । यस्मिंस्तच्छ्रूयते सत्यंज्योतिर्ब्रह्म सनातनम् ॥

yugasyādinimittaṃ tanmahaddivyaṃ pracakṣate | yasmiṃstacchrūyate satyaṃjyotirbrahma sanātanam

उसे युग के आरम्भ का महान दिव्य कारण कहा जाता है, जिसमें वह सत्य ज्योति, सनातन ब्रह्म, प्रकट होता है —

श्लोक 43 (1.1.43)

अद्भुतं चाप्यचिन्त्यं च सर्वत्र समतां मतम् । अव्यक्तं कारणं सूक्ष्मं यत्तत्सदसदात्मकम् ॥

adbhutaṃ cāpyacintyaṃ ca sarvatra samatāṃ matam | avyaktaṃ kāraṇaṃ sūkṣmaṃ yattatsadasadātmakam

जो अद्भुत और अचिन्त्य है, सर्वत्र सम माना गया है; जो अव्यक्त, सूक्ष्म कारण है और सत्-असत् दोनों का स्वरूप है।

श्लोक 44 (1.1.44)

यस्मिन्पितामहो जज्ञे प्रभुरेकः प्रजापतिः । ब्रह्मा सुरगुरुः स्थाणुर्मनुः कः परमेष्ठ्यथ ॥

yasminpitāmaho jajñe prabhurekaḥ prajāpatiḥ | brahmā suraguruḥ sthāṇurmanuḥ kaḥ parameṣṭhyatha

उसी में पितामह उत्पन्न हुए — एकमात्र प्रभु प्रजापति, देवगुरु ब्रह्मा, स्थाणु, मनु, क और परमेष्ठी;

श्लोक 45 (1.1.45)

प्राचेतसस्तथा दक्षो दक्षपुत्राश्च सप्तवै । ततः प्रजानां पतयः प्राभवन्नेकविंशतिः ॥

prācetasastathā dakṣo dakṣaputrāśca saptavai | tataḥ prajānāṃ patayaḥ prābhavannekaviṃśatiḥ

इसी प्रकार प्रचेता के पुत्र दक्ष और दक्ष के सात पुत्र; फिर इक्कीस प्रजापति उत्पन्न हुए;

श्लोक 46 (1.1.46)

पुरुषश्चाप्रमेयात्मा यं सर्वऋषयो विदुः । विश्वेदेवास्तथाऽऽदित्या वसवोऽथाश्विनावपि ॥

puruṣaścāprameyātmā yaṃ sarvaṛṣayo viduḥ | viśvedevāstathā''dityā vasavo'thāśvināvapi

और अप्रमेय आत्मा वाला वह पुरुष, जिसे सब ऋषि जानते हैं; विश्वेदेव, आदित्य, वसु और दोनों अश्विनीकुमार भी;

श्लोक 47 (1.1.47)

यक्षाः साध्याः पिशाचाश्च गुह्यकाः पितरस्तथा । ततः प्रसूता विद्वांसः शिष्टा ब्रह्मर्षिसत्तमाः ॥

yakṣāḥ sādhyāḥ piśācāśca guhyakāḥ pitarastathā | tataḥ prasūtā vidvāṃsaḥ śiṣṭā brahmarṣisattamāḥ

यक्ष, साध्य, पिशाच, गुह्यक और पितर। उसी से विद्वान और शिष्ट श्रेष्ठ ब्रह्मर्षि उत्पन्न हुए,

श्लोक 48 (1.1.48)

महर्षयश्च बहवः सर्वैः समुदिता गुणैः । आपो द्यौः पृथिवी वायुरन्तरिक्षं दिशस्तथा ॥

maharṣayaśca bahavaḥ sarvaiḥ samuditā guṇaiḥ | āpo dyauḥ pṛthivī vāyurantarikṣaṃ diśastathā

और समस्त गुणों से सम्पन्न अनेक महर्षि; जल, द्युलोक, पृथ्वी, वायु, अन्तरिक्ष और दिशाएँ;

श्लोक 49 (1.1.49)

संवत्सरर्तवो मासाः पक्षाहोरात्रयः क्रमात् । यच्चान्यदपि तत्सर्वं संभूतं लोकसाक्षिकम् ॥

saṃvatsarartavo māsāḥ pakṣāhorātrayaḥ kramāt | yaccānyadapi tatsarvaṃ saṃbhūtaṃ lokasākṣikam

क्रम से वर्ष, ऋतुएँ, मास, पक्ष, दिन और रात — और लोक में जो कुछ भी दिखाई देता है, वह सब उसी से उत्पन्न हुआ।

श्लोक 50 (1.1.50)

यदिदं दृश्यते किंचिद्भूतं स्थावरजङ्गमम् । पुनःसंक्षिप्यते सर्वं जगत्प्राप्ते युगक्षये ॥

yadidaṃ dṛśyate kiṃcidbhūtaṃ sthāvarajaṅgamam | punaḥsaṃkṣipyate sarvaṃ jagatprāpte yugakṣaye

यहाँ जो कुछ भी चर-अचर प्राणी दिखाई देता है, वह सारा जगत् युग का अन्त आने पर फिर से समेट लिया जाता है।

श्लोक 51 (1.1.51)

यथर्तुष्वृतुलिङ्गानि नानारूपाणि पर्यये । दृश्यन्ते तानि तान्येव तथा भावा युगादिषु ॥

yathartuṣvṛtuliṅgāni nānārūpāṇi paryaye | dṛśyante tāni tānyeva tathā bhāvā yugādiṣu

जैसे ऋतुओं के बदलने पर उनके अनेक प्रकार के वही-वही चिह्न फिर दिखाई देते हैं, वैसे ही युगों के आरम्भ में पदार्थ फिर प्रकट होते हैं।

श्लोक 52 (1.1.52)

एवमेतदनाद्यन्तं भूतसंघातकारकम् । अनादिनिधनं लोके चक्रं संपरिवर्तते ॥

evametadanādyantaṃ bhūtasaṃghātakārakam | anādinidhanaṃ loke cakraṃ saṃparivartate

इस प्रकार प्राणियों के समूहों को रचने वाला यह आदि-अन्तहीन, जन्म और विनाश से रहित चक्र संसार में निरन्तर घूमता रहता है।

श्लोक 53 (1.1.53)

त्रयस्त्रिंशत्सहस्राणि त्रयस्त्रिंशच्छतानि च । त्रयस्त्रिंशच्च देवानां सृष्टिः संक्षेपलक्षणा ॥

trayastriṃśatsahasrāṇi trayastriṃśacchatāni ca | trayastriṃśacca devānāṃ sṛṣṭiḥ saṃkṣepalakṣaṇā

तैंतीस हज़ार, तैंतीस सौ और तैंतीस देवता — यह देवताओं की सृष्टि का संक्षिप्त विवरण है।

श्लोक 54 (1.1.54)

दिवः पुत्रो बृहद्भानुश्चक्षुरात्मा विभावसुः । सविता स ऋचीकोऽर्को भानुराशावहो रविः ॥

divaḥ putro bṛhadbhānuścakṣurātmā vibhāvasuḥ | savitā sa ṛcīko'rko bhānurāśāvaho raviḥ

द्युलोक के पुत्र बृहद्भानु, चक्षु, आत्मा, विभावसु, सविता, ऋचीक, अर्क, भानु, आशावह और रवि —

श्लोक 55 (1.1.55)

पुत्रा विवस्वतः सर्वे मनुस्तेषां तथाऽवरः । देवभ्राट् तनयस्तस्य सुभ्राडिति ततः स्मृतः ॥

putrā vivasvataḥ sarve manusteṣāṃ tathā'varaḥ | devabhrāṭ tanayastasya subhrāḍiti tataḥ smṛtaḥ

ये सब विवस्वान् के पुत्र थे, और उनमें सबसे छोटे मनु थे। उनके पुत्र देवभ्राट् हुए और देवभ्राट् के पुत्र सुभ्राट् नाम से प्रसिद्ध हुए।

श्लोक 56 (1.1.56)

सुभ्राजस्तु त्रयः पुत्राः प्रजावन्तो बहुश्रुताः । दशज्योतिः शतज्योतिः सहस्रज्योतिरेव च ॥

subhrājastu trayaḥ putrāḥ prajāvanto bahuśrutāḥ | daśajyotiḥ śatajyotiḥ sahasrajyotireva ca

सुभ्राट् के तीन पुत्र थे, जो विद्वान और सन्तानवान थे — दशज्योति, शतज्योति और सहस्रज्योति।

श्लोक 57 (1.1.57)

दशपुत्रसहस्राणि दशज्योतेर्महात्मनः । ततो दशगुणाश्चान्ये शतज्योतेरिहात्मजाः ॥

daśaputrasahasrāṇi daśajyotermahātmanaḥ | tato daśaguṇāścānye śatajyoterihātmajāḥ

महात्मा दशज्योति के दस हज़ार पुत्र थे; शतज्योति के पुत्र उनसे दस गुना थे।

श्लोक 58 (1.1.58)

भूयस्ततो दशगुणाः सहस्रज्योतिषः सुताः । तेभ्योऽयं कुरुवंशश्च यदूनां भरतस्य च ॥

bhūyastato daśaguṇāḥ sahasrajyotiṣaḥ sutāḥ | tebhyo'yaṃ kuruvaṃśaśca yadūnāṃ bharatasya ca

सहस्रज्योति के पुत्र उनसे भी दस गुना थे। उन्हीं से यह कुरुवंश, यदुओं का वंश और भरत का वंश चला,

श्लोक 59 (1.1.59)

ययातीक्ष्वाकुवंशश्च राजर्षीणां च सर्वशः । संभूता बहवो वंशा भूतसर्गाः सुविस्तराः ॥

yayātīkṣvākuvaṃśaśca rājarṣīṇāṃ ca sarvaśaḥ | saṃbhūtā bahavo vaṃśā bhūtasargāḥ suvistarāḥ

ययाति और इक्ष्वाकु के वंश तथा सब ओर के राजर्षियों के कुल। इस प्रकार अनेक वंश और विस्तृत प्राणि-सृष्टियाँ उत्पन्न हुईं।

श्लोक 60 (1.1.60)

भूतस्थानानि सर्वाणि रहस्यं त्रिविधं च यत् । वेदा योगः सविज्ञानो धर्मोऽर्थः काम एव च ॥

bhūtasthānāni sarvāṇi rahasyaṃ trividhaṃ ca yat | vedā yogaḥ savijñāno dharmo'rthaḥ kāma eva ca

प्राणियों के सब निवास-स्थान, त्रिविध रहस्य, वेद, विज्ञान सहित योग, धर्म, अर्थ और काम;

श्लोक 61 (1.1.61)

धर्मार्थकामयुक्तानि शास्त्राणि विविधानि च । लोकयात्राविधानं च सर्वं तद्दृष्टवानृषिः ॥

dharmārthakāmayuktāni śāstrāṇi vividhāni ca | lokayātrāvidhānaṃ ca sarvaṃ taddṛṣṭavānṛṣiḥ

धर्म, अर्थ और काम से सम्बन्धित अनेक शास्त्र और लोक-व्यवहार की विधि — यह सब उस ऋषि ने देखा,

श्लोक 62 (1.1.62)

नीतिर्भरतवंशस्य विस्तारश्चैव सर्वशः । इतिहासाः सहव्याख्या विविधाः श्रुतयोऽपि च ॥

nītirbharatavaṃśasya vistāraścaiva sarvaśaḥ | itihāsāḥ sahavyākhyā vividhāḥ śrutayo'pi ca

भरतवंश की नीति और उसका सम्पूर्ण विस्तार, व्याख्याओं सहित इतिहास और विविध श्रुतियाँ भी।

श्लोक 63 (1.1.63)

इह सर्वमनुक्रान्तमुक्तं ग्रन्थस्य लक्षणम् । संक्षेपेणेतिहासस्य ततो वक्ष्यति विस्तरम् ॥

iha sarvamanukrāntamuktaṃ granthasya lakṣaṇam | saṃkṣepeṇetihāsasya tato vakṣyati vistaram

यह सब यहाँ क्रम से कहा गया है; ग्रन्थ का स्वरूप संक्षेप में बता दिया गया है। उसके बाद वे इतिहास का विस्तार से वर्णन करेंगे।

श्लोक 64 (1.1.64)

विस्तीर्यैतन्महज्ज्ञानमृषिः संक्षिप्य चाब्रवीत् । इष्टं हि विदुषां लोके समासव्यासधारणम् ॥

vistīryaitanmahajjñānamṛṣiḥ saṃkṣipya cābravīt | iṣṭaṃ hi viduṣāṃ loke samāsavyāsadhāraṇam

ऋषि ने इस महान ज्ञान को विस्तार से भी कहा और संक्षेप में भी, क्योंकि संसार के विद्वानों को इसे संक्षेप और विस्तार दोनों रूपों में धारण करना प्रिय है।

श्लोक 65 (1.1.65)

मन्वादि भारतं केचिदास्तीकादि तथाऽपरे । तथोपरिचराद्यन्ये विप्राः सम्यगधीयिरे ॥

manvādi bhārataṃ kecidāstīkādi tathā'pare | tathoparicarādyanye viprāḥ samyagadhīyire

कुछ ब्राह्मणों ने भारत का भली-भाँति अध्ययन मनु से आरम्भ करके किया, कुछ ने आस्तीक की कथा से और कुछ ने उपरिचर की कथा से।

श्लोक 66 (1.1.66)

विविधं संहिताज्ञानं दीपयन्ति मनीषिणः । व्याख्यातुं कुशलाः केचिद्ग्रन्थान्धारयितुं परे ॥

vividhaṃ saṃhitājñānaṃ dīpayanti manīṣiṇaḥ | vyākhyātuṃ kuśalāḥ kecidgranthāndhārayituṃ pare

मनीषी इस संहिता के विविध ज्ञान को प्रकाशित करते हैं; कुछ उसकी व्याख्या करने में कुशल हैं, तो कुछ उसके ग्रन्थ को स्मृति में धारण करने में।

श्लोक 67 (1.1.67)

तपसा ब्रह्मचर्येण व्यस्य वेदं सनातनम् । इतिहासमिमं चक्रे पुण्यं सत्यवतीसुतः ॥

tapasā brahmacaryeṇa vyasya vedaṃ sanātanam | itihāsamimaṃ cakre puṇyaṃ satyavatīsutaḥ

तप और ब्रह्मचर्य के द्वारा सनातन वेद का विभाजन करके सत्यवती-पुत्र ने इस पवित्र इतिहास की रचना की —

श्लोक 68 (1.1.68)

पराशरात्मजो विद्वान्ब्रह्मर्षिः संशितव्रतः । मातुर्नियोगाद्धर्मात्मा गाङ्गेयस्य च धीमतः ॥

parāśarātmajo vidvānbrahmarṣiḥ saṃśitavrataḥ | māturniyogāddharmātmā gāṅgeyasya ca dhīmataḥ

पराशर के विद्वान पुत्र, कठोर व्रतों वाले ब्रह्मर्षि। अपनी माता और बुद्धिमान गंगापुत्र के आदेश से उस धर्मात्मा,

श्लोक 69 (1.1.69)

क्षेत्रे विचित्रवीर्यस्य कृष्णद्वैपायनः पुरा । त्रीनग्नीनिव कौरव्याञ्जनयामास वीर्यवान् ॥

kṣetre vicitravīryasya kṛṣṇadvaipāyanaḥ purā | trīnagnīniva kauravyāñjanayāmāsa vīryavān

शक्तिशाली कृष्णद्वैपायन ने प्राचीन काल में विचित्रवीर्य की पत्नियों से तीन अग्नियों के समान तीन कौरव पुत्र उत्पन्न किए।

श्लोक 70 (1.1.70)

उत्पाद्य धृतराष्ट्रं च पाण्डुं विदुरमेव च । जगाम तपसे धीमान्पुनरेवाश्रमं प्रति ॥

utpādya dhṛtarāṣṭraṃ ca pāṇḍuṃ vidurameva ca | jagāma tapase dhīmānpunarevāśramaṃ prati

धृतराष्ट्र, पाण्डु और विदुर को उत्पन्न करके वे बुद्धिमान ऋषि तपस्या के लिए फिर अपने आश्रम को लौट गए।

श्लोक 71 (1.1.71)

तेषु जातेषु वृद्धेषु गतेषु परमां गतिम् । अब्रवीद्भारतं लोके मानुषेऽस्मिन्महानृषिः ॥

teṣu jāteṣu vṛddheṣu gateṣu paramāṃ gatim | abravīdbhārataṃ loke mānuṣe'sminmahānṛṣiḥ

जब वे जन्म लेकर वृद्ध हुए और परमगति को प्राप्त हो गए, तब उस महान ऋषि ने इस मनुष्यलोक में भारत का कथन किया।

श्लोक 72 (1.1.72)

जनमेजयेन पृष्टः सन्ब्राह्मणैश्च सहस्रशः । शशास शिष्यमासीनं वैशंपायनमन्तिके ॥

janamejayena pṛṣṭaḥ sanbrāhmaṇaiśca sahasraśaḥ | śaśāsa śiṣyamāsīnaṃ vaiśaṃpāyanamantike

जनमेजय और हज़ारों ब्राह्मणों के पूछने पर उन्होंने पास बैठे अपने शिष्य वैशम्पायन को आदेश दिया।

श्लोक 73 (1.1.73)

स सदस्यैः सहासीनं श्रावयामास भारतम् । कर्मान्तरेषु यज्ञस्य चोद्यमानः पुनः पुनः ॥

sa sadasyaiḥ sahāsīnaṃ śrāvayāmāsa bhāratam | karmāntareṣu yajñasya codyamānaḥ punaḥ punaḥ

बार-बार आग्रह किए जाने पर वैशम्पायन ने यज्ञ-कर्मों के बीच के अवकाश में सदस्यों के साथ बैठे राजा को भारत सुनाया।

श्लोक 74 (1.1.74)

विस्तारं कुरुवंशस्य गान्धार्या धर्मशीलताम् । क्षत्तुः प्रज्ञां धृतिं कुन्त्याः सम्यग्द्वैपायनोऽब्रवीत् ॥

vistāraṃ kuruvaṃśasya gāndhāryā dharmaśīlatām | kṣattuḥ prajñāṃ dhṛtiṃ kuntyāḥ samyagdvaipāyano'bravīt

द्वैपायन ने कुरुवंश के विस्तार, गान्धारी की धर्मशीलता, विदुर की बुद्धि और कुन्ती के धैर्य का भली-भाँति वर्णन किया।

श्लोक 75 (1.1.75)

वासुदेवस्य माहात्म्यं पाण्डवानां च सत्यताम् । दुर्वृत्तं धार्तराष्ट्राणामुक्तवान्भगवानृषिः ॥

vāsudevasya māhātmyaṃ pāṇḍavānāṃ ca satyatām | durvṛttaṃ dhārtarāṣṭrāṇāmuktavānbhagavānṛṣiḥ

भगवान ऋषि ने वासुदेव की महिमा, पाण्डवों की सत्यनिष्ठा और धृतराष्ट्र-पुत्रों के दुराचार का वर्णन किया।

श्लोक 76 (1.1.76)

इदं शतसहस्रं तु श्लोकानां पुण्यकर्मणाम् । उपाख्यानैः सह ज्ञेयं श्राव्यं भारतमुत्तमम् ॥

idaṃ śatasahasraṃ tu ślokānāṃ puṇyakarmaṇām | upākhyānaiḥ saha jñeyaṃ śrāvyaṃ bhāratamuttamam

पुण्यकर्मा पुरुषों का वर्णन करने वाला यह उत्तम और श्रवणीय भारत उपाख्यानों सहित एक लाख श्लोकों का जानना चाहिए।

श्लोक 77 (1.1.77)

चतुर्विंशतिसाहस्रीं चक्रे भारतसंहिताम् । उपाख्यानैर्विना तावद्भारतं प्रोच्यते बुधैः ॥

caturviṃśatisāhasrīṃ cakre bhāratasaṃhitām | upākhyānairvinā tāvadbhārataṃ procyate budhaiḥ

उन्होंने चौबीस हज़ार श्लोकों की भारत-संहिता बनाई; उपाख्यानों के बिना इतने ही भाग को विद्वान भारत कहते हैं।

श्लोक 78 (1.1.78)

ततोऽध्यर्धशतं भूयः संक्षेपं कृतवानृषिः । अनुक्रमणिकाध्यायं वृत्तान्तं सर्वपर्वणाम् ॥

tato'dhyardhaśataṃ bhūyaḥ saṃkṣepaṃ kṛtavānṛṣiḥ | anukramaṇikādhyāyaṃ vṛttāntaṃ sarvaparvaṇām

फिर ऋषि ने डेढ़ सौ श्लोकों का एक और संक्षेप बनाया — अनुक्रमणिका-अध्याय, जिसमें सब पर्वों का वृत्तान्त है।

श्लोक 79 (1.1.79)

तस्याख्यानवरिष्ठस्य कृत्वा द्वैपायनः प्रभुः । कथमध्यापयानीह शिष्यानित्यन्वचिन्तयत् ॥

tasyākhyānavariṣṭhasya kṛtvā dvaipāyanaḥ prabhuḥ | kathamadhyāpayānīha śiṣyānityanvacintayat

इस श्रेष्ठ आख्यान की रचना करके प्रभु द्वैपायन ने सोचा — "मैं इसे यहाँ अपने शिष्यों को कैसे पढ़ाऊँ?"

श्लोक 80 (1.1.80)

तस्य तच्चिन्तितं ज्ञात्वा ऋषेर्द्वैपायनस्य च । तत्राजगाम भगवान्ब्रह्मा लोकगुरुः स्वयम् ॥

tasya taccintitaṃ jñātvā ṛṣerdvaipāyanasya ca | tatrājagāma bhagavānbrahmā lokaguruḥ svayam

ऋषि द्वैपायन के उस विचार को जानकर लोकगुरु भगवान ब्रह्मा स्वयं वहाँ आ पहुँचे,

श्लोक 81 (1.1.81)

प्रीत्यर्थं तस्य चैवर्षेर्लोकानां हितकाम्यया । तं दृष्ट्वा विस्मितो भूत्वा प्राञ्जलिः प्रणतः स्थितः ॥

prītyarthaṃ tasya caivarṣerlokānāṃ hitakāmyayā | taṃ dṛṣṭvā vismito bhūtvā prāñjaliḥ praṇataḥ sthitaḥ

उस ऋषि को प्रसन्न करने और लोकों के हित की इच्छा से। उन्हें देखकर व्यास विस्मित हो गए और हाथ जोड़े, सिर झुकाए खड़े रहे।

श्लोक 82 (1.1.82)

आसनं कल्पयामास सर्वैर्मुनिगणैर्वृतः ॥

āsanaṃ kalpayāmāsa sarvairmunigaṇairvṛtaḥ

समस्त मुनिगणों से घिरे हुए उन्होंने ब्रह्मा के लिए आसन की व्यवस्था की।

श्लोक 83 (1.1.83)

हिरण्यगर्भमासीनं तस्मिंस्तु परमासने । परिवृत्यासनाभ्याशे वासवेयः स्थितोऽभवत् ॥

hiraṇyagarbhamāsīnaṃ tasmiṃstu paramāsane | parivṛtyāsanābhyāśe vāsaveyaḥ sthito'bhavat

जब हिरण्यगर्भ उस श्रेष्ठ आसन पर विराजमान हो गए, तब वासवी के पुत्र व्यास उनकी परिक्रमा करके आसन के पास खड़े हो गए।

श्लोक 84 (1.1.84)

अनुज्ञातोऽथ कृष्णस्तु ब्रह्मणा परमेष्ठिना । निषसादासनाभ्याशे प्रीयमाणः शुचिस्मितः ॥

anujñāto'tha kṛṣṇastu brahmaṇā parameṣṭhinā | niṣasādāsanābhyāśe prīyamāṇaḥ śucismitaḥ

तब परमेष्ठी ब्रह्मा की अनुमति पाकर कृष्णद्वैपायन प्रसन्न होकर, निर्मल मुस्कान के साथ आसन के पास बैठ गए।

श्लोक 85 (1.1.85)

उवाच स महातेजा ब्रह्माणं परमेष्ठिनम् । कृतं मयेदं भगवन्काव्यं परमपूजितम् ॥

uvāca sa mahātejā brahmāṇaṃ parameṣṭhinam | kṛtaṃ mayedaṃ bhagavankāvyaṃ paramapūjitam

उन महातेजस्वी ने परमेष्ठी ब्रह्मा से कहा — "भगवन्, मैंने यह परम पूजनीय काव्य रचा है।"

श्लोक 86 (1.1.86)

ब्रह्मन्वेदरहस्यं च यच्चान्यत्स्थापितं मया । साङ्गोपनिषदां चैव वेदानां विस्तरक्रिया ॥

brahmanvedarahasyaṃ ca yaccānyatsthāpitaṃ mayā | sāṅgopaniṣadāṃ caiva vedānāṃ vistarakriyā

"हे ब्रह्मन्, इसमें मैंने वेदों का रहस्य और अन्य बहुत कुछ स्थापित किया है — अंगों और उपनिषदों सहित वेदों का विस्तार;"

श्लोक 87 (1.1.87)

इतिहासपुराणानामुन्मेषं निमिषं च यत् । भूतं भव्यं भविष्यच्च त्रिविधं कालसंज्ञितम् ॥

itihāsapurāṇānāmunmeṣaṃ nimiṣaṃ ca yat | bhūtaṃ bhavyaṃ bhaviṣyacca trividhaṃ kālasaṃjñitam

"इतिहासों और पुराणों का आरम्भ और समापन; भूत, वर्तमान और भविष्य — काल नाम से जाने जाने वाले तीनों भेद;"

श्लोक 88 (1.1.88)

जरामृत्युभयव्याधिभावाभावविनिश्चयः । विविधस्य च धर्मस्य ह्याश्रमाणां च लक्षणम् ॥

jarāmṛtyubhayavyādhibhāvābhāvaviniścayaḥ | vividhasya ca dharmasya hyāśramāṇāṃ ca lakṣaṇam

"बुढ़ापा, मृत्यु, भय, रोग, भाव और अभाव का निर्णय; विविध धर्मों और आश्रमों के लक्षण;"

श्लोक 89 (1.1.89)

चातुर्वर्ण्यविधानं च पुराणानां च कृत्स्नशः । तपसो ब्रह्मचर्यस्य पृथिव्याश्चन्द्रसूर्ययोः ॥

cāturvarṇyavidhānaṃ ca purāṇānāṃ ca kṛtsnaśaḥ | tapaso brahmacaryasya pṛthivyāścandrasūryayoḥ

"चारों वर्णों की व्यवस्था और सम्पूर्ण पुराण; तप और ब्रह्मचर्य का, पृथ्वी, चन्द्रमा और सूर्य का,"

श्लोक 90 (1.1.90)

ग्रहनक्षत्रताराणां प्रमाणं च युगैः सह । ऋचो यजूंषि सामानि वेदाध्यात्मं तथैव च ॥

grahanakṣatratārāṇāṃ pramāṇaṃ ca yugaiḥ saha | ṛco yajūṃṣi sāmāni vedādhyātmaṃ tathaiva ca

"ग्रहों, नक्षत्रों और तारों का युगों सहित परिमाण; ऋक्, यजुष् और साम के मन्त्र और वेदों का अध्यात्म भी;"

श्लोक 91 (1.1.91)

न्यायशिक्षा चिकित्सा च दानं पाशुपतं तथा । इति नैकाश्रयं जन्म दिव्यमानुषसंज्ञितम् ॥

nyāyaśikṣā cikitsā ca dānaṃ pāśupataṃ tathā | iti naikāśrayaṃ janma divyamānuṣasaṃjñitam

"न्याय, शिक्षा, चिकित्सा, दान और पाशुपत मत; और अनेक आधारों वाला दिव्य तथा मानवीय जन्म;"

श्लोक 92 (1.1.92)

तीर्थानां चैव पुण्यानां देशानां चैव कीर्तनम् । नदीनां पर्वतानां च वनानां सागरस्य च ॥

tīrthānāṃ caiva puṇyānāṃ deśānāṃ caiva kīrtanam | nadīnāṃ parvatānāṃ ca vanānāṃ sāgarasya ca

"पवित्र तीर्थों और देशों का, नदियों, पर्वतों, वनों और समुद्र का वर्णन;"

श्लोक 93 (1.1.93)

पुराणां चैव दिव्यानां कल्पानां युद्धकौशलम् । वाक्यजातिविशेषाश्च लोकयात्राक्रमश्च यः ॥

purāṇāṃ caiva divyānāṃ kalpānāṃ yuddhakauśalam | vākyajātiviśeṣāśca lokayātrākramaśca yaḥ

"दिव्य नगरों और कल्पों का वर्णन; युद्ध-कौशल; वाक्यों की विविध जातियाँ और उनके भेद, तथा लोक-व्यवहार का क्रम;"

श्लोक 94 (1.1.94)

यच्चापि सर्वगं वस्तु तच्चैव प्रतिपादितम् । परं न लेखकः कश्चिदेतस्य भुवि विद्यते ॥

yaccāpi sarvagaṃ vastu taccaiva pratipāditam | paraṃ na lekhakaḥ kaścidetasya bhuvi vidyate

"और जो सर्वव्यापी तत्त्व है, उसका भी इसमें प्रतिपादन है। परन्तु पृथ्वी पर इसे लिखने वाला कोई नहीं मिलता।"

श्लोक 95 (1.1.95)

तपोविशिष्टादपि वै वसिष्ठान्मुनिपुंगवात् । मन्ये श्रेष्ठतमं त्वां वै रहस्यज्ञानवेदनात् ॥

tapoviśiṣṭādapi vai vasiṣṭhānmunipuṃgavāt | manye śreṣṭhatamaṃ tvāṃ vai rahasyajñānavedanāt

"रहस्य-ज्ञान को जानने के कारण मैं तुम्हें तप में बढ़े-चढ़े मुनिश्रेष्ठ वसिष्ठ से भी सर्वश्रेष्ठ मानता हूँ।"

श्लोक 96 (1.1.96)

जन्मप्रभृति सत्यां ते वेद्मि गां ब्रह्मवादिनीम् । त्वयाच काव्यमित्युक्तं तस्मात्काव्यं भविष्यति ॥

janmaprabhṛti satyāṃ te vedmi gāṃ brahmavādinīm | tvayāca kāvyamityuktaṃ tasmātkāvyaṃ bhaviṣyati

"मैं जानता हूँ कि जन्म से ही तुम्हारी वाणी सत्य और ब्रह्म का प्रतिपादन करने वाली रही है। तुमने इसे काव्य कहा है, इसलिए यह काव्य ही होगा।"

श्लोक 97 (1.1.97)

अस्य काव्यस्य कवयो न समर्था विशेषणे । विशेषणे गृहस्थस्य शेषास्त्रय इवाश्रमाः ॥

asya kāvyasya kavayo na samarthā viśeṣaṇe | viśeṣaṇe gṛhasthasya śeṣāstraya ivāśramāḥ

"कवि इस काव्य से बढ़कर रचना करने में कभी समर्थ नहीं होंगे, जैसे शेष तीन आश्रम गृहस्थ आश्रम से बढ़कर नहीं हो सकते।"

श्लोक 98 (1.1.98)

जडान्धबधिरोन्मत्तं तमोभूतं जगद्भवेत् । यदि ज्ञानहुताशेन त्वया नोज्ज्वलितं भवेत् ॥

jaḍāndhabadhironmattaṃ tamobhūtaṃ jagadbhavet | yadi jñānahutāśena tvayā nojjvalitaṃ bhavet

"यदि तुमने ज्ञान की अग्नि से इसे प्रकाशित न किया होता, तो यह संसार जड़, अन्धा, बहरा और उन्मत्त होकर अन्धकार में डूबा रहता।"

श्लोक 99 (1.1.99)

तमसान्धस्य लोकस्य वेष्टितस्य स्वकर्मभिः । ज्ञानाञ्जनशलाकाभिर्बुद्धिनेत्रोत्सवः कृतः ॥

tamasāndhasya lokasya veṣṭitasya svakarmabhiḥ | jñānāñjanaśalākābhirbuddhinetrotsavaḥ kṛtaḥ

"अन्धकार से अन्धे और अपने ही कर्मों से जकड़े हुए संसार के लिए तुमने ज्ञान-रूपी अंजन की सलाइयों से बुद्धि-रूपी नेत्रों का उत्सव रच दिया है।"

श्लोक 100 (1.1.100)

त्वया भारतसूर्येण नृणां विनिहतं तमः ॥

tvayā bhāratasūryeṇa nṛṇāṃ vinihataṃ tamaḥ

"भारत-रूपी सूर्य बनकर तुमने मनुष्यों के अन्धकार का नाश कर दिया है।"

श्लोक 101 (1.1.101)

पुराणपूर्णचन्द्रेण श्रुतिज्योत्स्नाप्रकाशिना । नृणां कुमुदसौम्यानां कृतं बुद्धिप्रसादनम् ॥

purāṇapūrṇacandreṇa śrutijyotsnāprakāśinā | nṛṇāṃ kumudasaumyānāṃ kṛtaṃ buddhiprasādanam

श्रुति की चाँदनी बिखेरने वाले पुराणरूपी पूर्ण चन्द्रमा से तुमने कुमुदिनी-से कोमल मनुष्यों की बुद्धि को खिला दिया है।

श्लोक 102 (1.1.102)

इतिहासप्रदीपेन मोहावरणघातिना । लोकगर्भगृहं कृत्स्नं यथावत्संप्रकाशितम् ॥

itihāsapradīpena mohāvaraṇaghātinā | lokagarbhagṛhaṃ kṛtsnaṃ yathāvatsaṃprakāśitam

मोह के आवरण को नष्ट करने वाले इस इतिहासरूपी दीपक से संसार का सम्पूर्ण भीतरी गर्भगृह यथावत् प्रकाशित हो गया है।

श्लोक 103 (1.1.103)

संग्रहाध्यायबीजो वै पौलोमास्तीकमूलवान् । संभवस्कन्धविस्तारः सभापर्वविटङ्कवान् ॥

saṃgrahādhyāyabījo vai paulomāstīkamūlavān | saṃbhavaskandhavistāraḥ sabhāparvaviṭaṅkavān

संग्रहाध्याय इसका बीज है, पौलोम और आस्तीक पर्व इसकी जड़ें हैं, सम्भव पर्व इसके तने का फैलाव है और सभापर्व इसकी ऊँची डालें हैं, जिन पर पक्षी बसेरा करते हैं;

श्लोक 104 (1.1.104)

आरण्यपर्वरूपाढ्यो विराटोद्योगसारवान् । भीष्मपर्वमहाशाखो द्रोणपर्वपलाशवान् ॥

āraṇyaparvarūpāḍhyo virāṭodyogasāravān | bhīṣmaparvamahāśākho droṇaparvapalāśavān

आरण्यक पर्व से यह शोभा में समृद्ध है, विराट और उद्योग पर्व इसका सार (भीतरी काष्ठ) हैं, भीष्मपर्व इसकी विशाल शाखा है और द्रोणपर्व इसके पत्ते हैं;

श्लोक 105 (1.1.105)

कर्णपर्वसितैः पुष्पैः शल्यपर्वसुगन्धिभिः । स्त्रीपर्वैषीकविश्रामः शान्तिपर्वमहाफलः ॥

karṇaparvasitaiḥ puṣpaiḥ śalyaparvasugandhibhiḥ | strīparvaiṣīkaviśrāmaḥ śāntiparvamahāphalaḥ

कर्णपर्व इसके श्वेत पुष्प हैं और शल्यपर्व उनकी सुगन्ध; स्त्रीपर्व और ऐषीक पर्व इसकी विश्राम देने वाली छाया हैं, और शान्तिपर्व इसका महान फल है;

श्लोक 106 (1.1.106)

अश्वमेधामृतरसस्त्वाश्रमस्थानसंश्रयः । मौसलश्रुतिसंक्षेपः शिष्टद्विजनिषेवितः ॥

aśvamedhāmṛtarasastvāśramasthānasaṃśrayaḥ | mausalaśrutisaṃkṣepaḥ śiṣṭadvijaniṣevitaḥ

अश्वमेध पर्व इसका अमृत-सा रस है, आश्रमवासिक पर्व इसका आश्रय-स्थान है और मौसल पर्व इसका संक्षिप्त श्रुति-सार है; सदाचारी द्विज इसका सेवन करते हैं।

श्लोक 107 (1.1.107)

सर्वेषां कविमुख्यानामुपजीव्यो भविष्यति । पर्जन्यइव भूतानामक्षयो भारतद्रुमः ॥

sarveṣāṃ kavimukhyānāmupajīvyo bhaviṣyati | parjanyaiva bhūtānāmakṣayo bhāratadrumaḥ

जैसे मेघ समस्त प्राणियों का आधार है, वैसे ही यह अक्षय भारत-वृक्ष सभी श्रेष्ठ कवियों का आधार होगा।

श्लोक 108 (1.1.108)

काव्यस्य लेखनार्थाय गणेशः स्मर्यतां मुने ॥

kāvyasya lekhanārthāya gaṇeśaḥ smaryatāṃ mune

हे मुने, इस काव्य को लिखने के लिए गणेश का स्मरण करो।

श्लोक 109 (1.1.109)

एवमाभाष्य तं ब्रह्मा जगाम स्वं निवेशनम् । भगवान्स जगत्स्रष्टा ऋषिदेवगणैः सह ॥

evamābhāṣya taṃ brahmā jagāma svaṃ niveśanam | bhagavānsa jagatsraṣṭā ṛṣidevagaṇaiḥ saha

उनसे ऐसा कहकर जगत के स्रष्टा भगवान ब्रह्मा ऋषियों और देवताओं के समूहों के साथ अपने धाम को चले गए।

श्लोक 110 (1.1.110)

ततः सस्मार हेरम्बं व्यासः सत्यवतीसुतः ॥

tataḥ sasmāra herambaṃ vyāsaḥ satyavatīsutaḥ

तब सत्यवतीनन्दन व्यास ने हेरम्ब (गणेश) का स्मरण किया।

श्लोक 111 (1.1.111)

स्मृतमात्रो गणेशानो भक्तचिन्तितपूरकः । तत्राजगाम विघ्नेशो वेदव्यासो यतः स्थितः ॥

smṛtamātro gaṇeśāno bhaktacintitapūrakaḥ | tatrājagāma vighneśo vedavyāso yataḥ sthitaḥ

स्मरण करते ही भक्तों के मनोरथ पूर्ण करने वाले विघ्नेश्वर गणेश वहाँ आ पहुँचे जहाँ वेदव्यास विराजमान थे।

श्लोक 112 (1.1.112)

पूजितश्चोपविष्टश्च व्यासेनोक्तस्तदानघ । लेखको भारतस्यास्य भव त्वं गणनायक । मयैव प्रोच्यमानस्य मनसा कल्पितस्य च ॥

pūjitaścopaviṣṭaśca vyāsenoktastadānagha | lekhako bhāratasyāsya bhava tvaṃ gaṇanāyaka | mayaiva procyamānasya manasā kalpitasya ca

हे निष्पाप, जब उनकी पूजा हो चुकी और वे आसन पर बैठ गए, तब व्यास ने उनसे कहा — "हे गणनायक, मैंने जिसे मन में रचा है और जिसे मैं ही बोलता जाऊँगा, उस भारत के आप लेखक बनें।"

श्लोक 113 (1.1.113)

श्रुत्वैतत्प्राह विघ्नेशो यदि मे लेखनी क्षणम् । लिखतो नावतिष्ठेत तदा स्यां लेखको ह्यहम् ॥

śrutvaitatprāha vighneśo yadi me lekhanī kṣaṇam | likhato nāvatiṣṭheta tadā syāṃ lekhako hyaham

यह सुनकर विघ्नेश्वर बोले — "यदि लिखते समय मेरी लेखनी क्षण भर भी न रुके, तो मैं आपका लेखक बन जाऊँगा।"

श्लोक 114 (1.1.114)

व्यासोऽप्युवाच तं देवमबुद्ध्वा मा लिख क्वचित् । ओमित्युक्त्वा गणेशोपि बभूव किल लेखकः ॥

vyāso'pyuvāca taṃ devamabuddhvā mā likha kvacit | omityuktvā gaṇeśopi babhūva kila lekhakaḥ

व्यास ने भी उन देवता से कहा — "बिना समझे कहीं भी कुछ न लिखिएगा।" गणेश ने "ॐ" कहकर स्वीकार किया और वे लेखक बन गए।

श्लोक 115 (1.1.115)

ग्रन्थग्रन्थिं तदा चक्रे मुनिर्गूढं कुतूहलात् । यस्मिन्प्रतिज्ञया प्राह मुनिर्द्वैपायनस्त्विदम् ॥

granthagranthiṃ tadā cakre munirgūḍhaṃ kutūhalāt | yasminpratijñayā prāha munirdvaipāyanastvidam

तब मुनि ने कौतुकवश ग्रन्थ में गूढ़ गाँठें बाँध दीं, जिनके विषय में द्वैपायन मुनि ने प्रतिज्ञापूर्वक यह कहा —

श्लोक 116 (1.1.116)

अष्टौ श्लोकसहस्राणि अष्टौ श्लोकशतानि च । अहं वेद्मि शुको वेत्ति संजयो वेत्ति वा न वा ॥

aṣṭau ślokasahasrāṇi aṣṭau ślokaśatāni ca | ahaṃ vedmi śuko vetti saṃjayo vetti vā na vā

"आठ हजार आठ सौ श्लोक ऐसे हैं जिनका अर्थ मैं जानता हूँ, शुक जानते हैं; संजय जानते हैं या नहीं, यह कहा नहीं जा सकता।"

श्लोक 117 (1.1.117)

तच्छ्लोककूटमद्यापि ग्रथितं सुदृढं मुने । भेत्तुं न शक्यतेऽर्थस्य गूढत्वात्प्रश्रितस्य च ॥

tacchlokakūṭamadyāpi grathitaṃ sudṛḍhaṃ mune | bhettuṃ na śakyate'rthasya gūḍhatvātpraśritasya ca

हे मुने, श्लोकों की वह गुत्थी आज भी दृढ़ता से गुँथी हुई है; अर्थ की गूढ़ता और गहनता के कारण उसे भेद पाना सम्भव नहीं।

श्लोक 118 (1.1.118)

सर्वज्ञोपि गणेशो यत्क्षणमास्ते विचारयन् । तावच्चकार व्यासोपि श्लोकानन्यान्बहूनपि ॥

sarvajñopi gaṇeśo yatkṣaṇamāste vicārayan | tāvaccakāra vyāsopi ślokānanyānbahūnapi

सर्वज्ञ होते हुए भी गणेश जितनी देर किसी श्लोक पर विचार करते ठहरते, उतनी देर में व्यास और भी बहुत-से श्लोक रच डालते।

श्लोक 119 (1.1.119)

तस्य वृक्षस्य वक्ष्यामि शाखापुष्पफलोदयम् । स्वादुमेध्यरसोपेतमच्छेद्यममरैरपि ॥

tasya vṛkṣasya vakṣyāmi śākhāpuṣpaphalodayam | svādumedhyarasopetamacchedyamamarairapi

अब मैं उस वृक्ष की शाखाओं, फूलों और फलों के उदय का वर्णन करूँगा — जो मधुर और पवित्र रस से युक्त है और जिसे देवता भी काट नहीं सकते।

श्लोक 120 (1.1.120)

अनुक्रमणिकाध्यायं वृत्तान्तं सर्वपर्वणाम् । इदं द्वैपायनः पूर्वं पुत्रमध्यापयच्छुकम् ॥

anukramaṇikādhyāyaṃ vṛttāntaṃ sarvaparvaṇām | idaṃ dvaipāyanaḥ pūrvaṃ putramadhyāpayacchukam

अनुक्रमणिका-अध्याय और सभी पर्वों के वृत्तान्त सहित यह ग्रन्थ द्वैपायन ने सबसे पहले अपने पुत्र शुक को पढ़ाया।

श्लोक 121 (1.1.121)

ततोऽन्येभ्योऽनुरूपेभ्यः शिष्येभ्यः प्रददौ प्रभुः । षष्टिं शतसहस्राणि चकारान्यां स संहिताम् । त्रिंशच्छतसहस्रं च देवलोके प्रतिष्ठितम् ॥

tato'nyebhyo'nurūpebhyaḥ śiṣyebhyaḥ pradadau prabhuḥ | ṣaṣṭiṃ śatasahasrāṇi cakārānyāṃ sa saṃhitām | triṃśacchatasahasraṃ ca devaloke pratiṣṭhitam

फिर उन प्रभु ने इसे अन्य योग्य शिष्यों को दिया। उन्होंने साठ लाख श्लोकों की एक और संहिता भी रची, जिसमें से तीस लाख श्लोक देवलोक में प्रतिष्ठित हैं;

श्लोक 122 (1.1.122)

पित्र्ये पञ्चदश प्रोक्तं रक्षोयक्षे चतुर्दश । एकं शतसहस्रं तु मानुषेषु प्रतिष्ठितम् ॥

pitrye pañcadaśa proktaṃ rakṣoyakṣe caturdaśa | ekaṃ śatasahasraṃ tu mānuṣeṣu pratiṣṭhitam

पितृलोक में पंद्रह लाख कहे गए हैं, राक्षसों और यक्षों में चौदह लाख, और मनुष्यों में एक लाख श्लोक प्रतिष्ठित हैं।

श्लोक 123 (1.1.123)

नारदोऽश्रावयद्देवानसितो देवलः पितृन् । गन्धर्वयक्षरक्षांसि श्रावयामास वै शुकः ॥

nārado'śrāvayaddevānasito devalaḥ pitṛn | gandharvayakṣarakṣāṃsi śrāvayāmāsa vai śukaḥ

नारद ने इसे देवताओं को सुनाया, असित देवल ने पितरों को, और शुक ने गन्धर्वों, यक्षों तथा राक्षसों को सुनाया।

श्लोक 124 (1.1.124)

वैशंपायनविप्रर्षिः श्रावयामास पार्थिवम् । पारिक्षितं महात्मानं नाम्ना तु जनमेजयम् ॥

vaiśaṃpāyanaviprarṣiḥ śrāvayāmāsa pārthivam | pārikṣitaṃ mahātmānaṃ nāmnā tu janamejayam

ब्रह्मर्षि वैशम्पायन ने इसे परीक्षित के पुत्र, महात्मा राजा जनमेजय को सुनाया।

श्लोक 125 (1.1.125)

अस्मिंस्तु मानुषे लोके वैशंपायन उक्तवान् । शिष्यो व्यासस्य धर्मात्मा सर्ववेदविदां वरः ॥

asmiṃstu mānuṣe loke vaiśaṃpāyana uktavān | śiṣyo vyāsasya dharmātmā sarvavedavidāṃ varaḥ

इस मनुष्यलोक में इसे व्यास के धर्मात्मा शिष्य, समस्त वेदज्ञों में श्रेष्ठ वैशम्पायन ने कहा।

श्लोक 126 (1.1.126)

एकं शतसहस्रं तु मयोक्तं वै निबोधत ॥

ekaṃ śatasahasraṃ tu mayoktaṃ vai nibodhata

वही एक लाख श्लोक अब मुझसे सुनिए।

श्लोक 127 (1.1.127)

दुर्योधनो मन्युमयो महाद्रुमः । कर्णः स्कन्धः शकुनिस्तस्य शाखाः । दुश्शासनः पुष्पफले समृद्धे । मूलं राजा धृतराष्ट्रोऽमनीषी ॥

duryodhano manyumayo mahādrumaḥ | karṇaḥ skandhaḥ śakunistasya śākhāḥ | duśśāsanaḥ puṣpaphale samṛddhe | mūlaṃ rājā dhṛtarāṣṭro'manīṣī

दुर्योधन क्रोध से बना एक विशाल वृक्ष है — कर्ण उसका तना है, शकुनि उसकी शाखाएँ हैं, दुःशासन उसके भरपूर फूल-फल हैं और अविवेकी राजा धृतराष्ट्र उसकी जड़ हैं।

श्लोक 128 (1.1.128)

युधिष्ठिरो धर्ममयो महाद्रुमः । स्कन्धोऽर्जुनो भीमसेनोऽस्य शाखाः । माद्रीसुतौ पुष्पफले समृद्धे । मूलं कृष्णो ब्रह्म च ब्राह्मणाश्च ॥

yudhiṣṭhiro dharmamayo mahādrumaḥ | skandho'rjuno bhīmaseno'sya śākhāḥ | mādrīsutau puṣpaphale samṛddhe | mūlaṃ kṛṣṇo brahma ca brāhmaṇāśca

युधिष्ठिर धर्म से बना एक विशाल वृक्ष है — अर्जुन उसका तना है, भीमसेन उसकी शाखाएँ हैं, माद्री के दोनों पुत्र उसके भरपूर फूल-फल हैं, और श्रीकृष्ण, वेद तथा ब्राह्मण उसकी जड़ हैं।

श्लोक 129 (1.1.129)

पाण्डुर्जित्वा बहून्देशान्युधा विक्रमणेन च । अरण्ये मृगयाशीलो न्यवसत्सजनस्तथा ॥

pāṇḍurjitvā bahūndeśānyudhā vikramaṇena ca | araṇye mṛgayāśīlo nyavasatsajanastathā

युद्ध और पराक्रम से अनेक देशों को जीतकर पाण्डु शिकार के शौक के कारण अपने परिजनों के साथ वन में रहने लगे।

श्लोक 130 (1.1.130)

मृगव्यवायनिधनात्कृच्छ्रां प्राप स आपदम् । जन्मप्रभृति पार्थानां तत्राचारविधिक्रमः ॥

mṛgavyavāyanidhanātkṛcchrāṃ prāpa sa āpadam | janmaprabhṛti pārthānāṃ tatrācāravidhikramaḥ

मैथुनरत मृग का वध करने के कारण वे घोर विपत्ति में पड़ गए। वहीं जन्म से ही पार्थों का आचार-विधि के क्रम से पालन-पोषण हुआ।

श्लोक 131 (1.1.131)

मात्रोरभ्युपपत्तिश्च धर्मोपनिषदं प्रति । धर्मस्य वायोः शक्रस्य देवयोश्च तथाश्विनोः ॥

mātrorabhyupapattiśca dharmopaniṣadaṃ prati | dharmasya vāyoḥ śakrasya devayośca tathāśvinoḥ

और फिर एक गुप्त धर्म-मन्त्र के प्रभाव से दोनों माताओं के पास धर्म, वायु, इन्द्र और दोनों अश्विनीकुमार देवताओं का आगमन हुआ।

श्लोक 132 (1.1.132)

ततो धर्मोपनिषदं भूत्वा भर्तुः प्रिया पृथा । धर्मानिलेन्द्रांस्ताभिः साऽऽजुहाव सुतवाञ्छया ॥

tato dharmopaniṣadaṃ bhūtvā bhartuḥ priyā pṛthā | dharmānilendrāṃstābhiḥ sā''juhāva sutavāñchayā

पति की प्रिया पृथा (कुन्ती) ने वह गुप्त मन्त्र-विद्या पाकर पुत्र की कामना से उन मन्त्रों द्वारा धर्म, वायु और इन्द्र का आवाहन किया।

श्लोक 133 (1.1.133)

तद्दत्तोपनिषन्माद्री चाश्विनावाजुहाव च । जाताः पार्थास्ततः सर्वे कुन्त्या माद्र्याश्च मन्त्रतः । तापसैः सह संवृद्धा मातृभ्यां परिरक्षिताः ॥

taddattopaniṣanmādrī cāśvināvājuhāva ca | jātāḥ pārthāstataḥ sarve kuntyā mādryāśca mantrataḥ | tāpasaiḥ saha saṃvṛddhā mātṛbhyāṃ parirakṣitāḥ

जिसे कुन्ती ने वह मन्त्र दिया था, उस माद्री ने दोनों अश्विनीकुमारों का आवाहन किया। इस प्रकार मन्त्रों के बल से कुन्ती और माद्री से सभी पार्थ उत्पन्न हुए। वे दोनों माताओं के संरक्षण में तपस्वियों के बीच पले-बढ़े,

श्लोक 134 (1.1.134)

मेध्यारण्येषु पुण्येषु महतामाश्रमेषु च । तेषु जातेषु सर्वेषु पाण्डवेषु महात्मसु ॥

medhyāraṇyeṣu puṇyeṣu mahatāmāśrameṣu ca | teṣu jāteṣu sarveṣu pāṇḍaveṣu mahātmasu

पवित्र, यज्ञ-योग्य वनों में और महात्माओं के आश्रमों में। जब सभी महात्मा पाण्डव जन्म ले चुके,

श्लोक 135 (1.1.135)

माद्र्या तु सह संगम्य ऋषिशापप्रभावतः । मृतः पाण्डुर्महापुण्ये शतशृङ्गे महागिरौ ॥

mādryā tu saha saṃgamya ṛṣiśāpaprabhāvataḥ | mṛtaḥ pāṇḍurmahāpuṇye śataśṛṅge mahāgirau

तब माद्री के साथ समागम करने पर ऋषि के शाप के प्रभाव से पाण्डु की मृत्यु परम पवित्र महापर्वत शतशृंग पर हो गई।

श्लोक 136 (1.1.136)

ऋषिभिश्च समानीता धार्तराष्ट्रान्प्रति स्वयम् । शिशवश्चाभिरूपाश्च जटिला ब्रह्मचारिणः ॥

ṛṣibhiśca samānītā dhārtarāṣṭrānprati svayam | śiśavaścābhirūpāśca jaṭilā brahmacāriṇaḥ

तब ऋषि स्वयं उन बालकों को धृतराष्ट्र के पुत्रों के पास ले आए — वे सुन्दर थे, जटाधारी थे और ब्रह्मचारी के वेश में थे।

श्लोक 137 (1.1.137)

पुत्राश्च भ्रातरश्चेमे शिष्याश्च सुहृदश्च वः । पाण्डवा एत इत्युक्त्वा मुनयोऽन्तर्हितास्ततः ॥

putrāśca bhrātaraśceme śiṣyāśca suhṛdaśca vaḥ | pāṇḍavā eta ityuktvā munayo'ntarhitāstataḥ

"ये पाण्डव हैं — आपके पुत्र, भाई, शिष्य और सुहृद," यह कहकर मुनि अन्तर्धान हो गए।

श्लोक 138 (1.1.138)

तांस्तैर्निवेदितान्दृष्ट्वा पाण्डवान्कौरवास्तदा । शिष्टाश्च वर्णाः पौरा ये ते हर्षाच्चुक्रुशुर्भृशम् ॥

tāṃstairniveditāndṛṣṭvā pāṇḍavānkauravāstadā | śiṣṭāśca varṇāḥ paurā ye te harṣāccukruśurbhṛśam

उनके द्वारा सौंपे गए पाण्डवों को देखकर कौरव, वहाँ के शिष्ट वर्ण और नगरवासी हर्ष से जोर-जोर से जयघोष करने लगे।

श्लोक 139 (1.1.139)

आहुः केचिन्न तस्यैते तस्यैत इति चापरे । यदा चिरमृतः पाण्डुः कथं तस्येति चापरे ॥

āhuḥ kecinna tasyaite tasyaita iti cāpare | yadā ciramṛtaḥ pāṇḍuḥ kathaṃ tasyeti cāpare

कुछ बोले — "ये उनके नहीं हैं।" दूसरे बोले — "ये उन्हीं के हैं।" और कुछ ने कहा — "जब पाण्डु को मरे इतना समय हो गया, तो ये उनके कैसे हो सकते हैं?"

श्लोक 140 (1.1.140)

स्वागतं सर्वथा दिष्ट्या पाण्डोः पश्याम सन्ततिम् । उच्यतां स्वागतमिति वाचोऽश्रूयन्त सर्वशः ॥

svāgataṃ sarvathā diṣṭyā pāṇḍoḥ paśyāma santatim | ucyatāṃ svāgatamiti vāco'śrūyanta sarvaśaḥ

"सब प्रकार से स्वागत है! सौभाग्य से हम पाण्डु की सन्तान को देख रहे हैं। इनका स्वागत हो!" — चारों ओर ऐसे वचन सुनाई देने लगे।

श्लोक 141 (1.1.141)

तस्मिन्नुपरते शब्दे दिशः सर्वा निनादयन् । अन्तर्हितानां भूतानां निःस्वनस्तुमुलोऽभवत् ॥

tasminnuparate śabde diśaḥ sarvā ninādayan | antarhitānāṃ bhūtānāṃ niḥsvanastumulo'bhavat

जब वह कोलाहल शान्त हुआ, तब अदृश्य प्राणियों का तुमुल नाद उठा, जिससे सारी दिशाएँ गूँज उठीं।

श्लोक 142 (1.1.142)

पुष्पवृष्टिः शुभा गन्धाः शङ्खदुन्दुभिनिःस्वनाः । आसन्प्रवेशे पार्थानां तदद्भुतमिवाभवत् ॥

puṣpavṛṣṭiḥ śubhā gandhāḥ śaṅkhadundubhiniḥsvanāḥ | āsanpraveśe pārthānāṃ tadadbhutamivābhavat

पार्थों के प्रवेश के समय पुष्पों की वर्षा हुई, मनोहर सुगन्ध फैली और शंखों तथा दुन्दुभियों की ध्वनि होने लगी; वह एक अद्भुत-सा दृश्य था।

श्लोक 143 (1.1.143)

तत्प्रीत्या चैव सर्वेषां पौराणां हर्षसंभवः । शब्द आसीन्महांस्तत्र दिवस्पृक्कीर्तिवर्धनः ॥

tatprītyā caiva sarveṣāṃ paurāṇāṃ harṣasaṃbhavaḥ | śabda āsīnmahāṃstatra divaspṛkkīrtivardhanaḥ

और सभी नगरवासियों की प्रसन्नता से वहाँ ऐसा महान हर्षनाद उठा जो स्वर्ग तक पहुँचा और उनकी कीर्ति को बढ़ाने वाला था।

श्लोक 144 (1.1.144)

तेऽधीत्य निखिलान्वेदाञ्शास्त्राणि विविधानि च । न्यवसन्पाण्डवास्तत्र पूजिता अकुतोभयाः ॥

te'dhītya nikhilānvedāñśāstrāṇi vividhāni ca | nyavasanpāṇḍavāstatra pūjitā akutobhayāḥ

सम्पूर्ण वेदों और विविध शास्त्रों का अध्ययन करके पाण्डव वहाँ सम्मानपूर्वक निर्भय होकर रहने लगे।

श्लोक 145 (1.1.145)

युधिष्ठिरस्य शौचेन प्रीताः प्रकृतयोऽभवन् । धृत्या च भीमसेनस्य विक्रमेणार्जुनस्य च ॥

yudhiṣṭhirasya śaucena prītāḥ prakṛtayo'bhavan | dhṛtyā ca bhīmasenasya vikrameṇārjunasya ca

युधिष्ठिर की पवित्रता, भीमसेन के धैर्य और अर्जुन के पराक्रम से प्रजा प्रसन्न हो गई;

श्लोक 146 (1.1.146)

गुरुशुश्रूषया कुन्त्या यमयोर्विनयेन च । तुतोष लोकः सकलस्तेषां शौर्यगुणेन च ॥

guruśuśrūṣayā kuntyā yamayorvinayena ca | tutoṣa lokaḥ sakalasteṣāṃ śauryaguṇena ca

कुन्ती की गुरुजनों की सेवा और नकुल-सहदेव की विनयशीलता से भी। उनके शौर्य और गुणों से सारा लोक सन्तुष्ट था।

श्लोक 147 (1.1.147)

समवाये ततो राज्ञां कन्यां भर्तृस्वयंवराम् । प्राप्तवानर्जुनः कृष्णां कृत्वा कर्म सुदुष्करम् ॥

samavāye tato rājñāṃ kanyāṃ bhartṛsvayaṃvarām | prāptavānarjunaḥ kṛṣṇāṃ kṛtvā karma suduṣkaram

फिर राजाओं के समाज में, जहाँ कन्या स्वयं अपना पति चुन रही थी, अर्जुन ने अत्यन्त कठिन पराक्रम करके कृष्णा (द्रौपदी) को प्राप्त किया।

श्लोक 148 (1.1.148)

ततः प्रभृति लोकेऽस्मिन्पूज्यः सर्वधनुष्मताम् । आदित्य इव दुष्प्रेक्ष्यः समरेष्वपि चाभवत् ॥

tataḥ prabhṛti loke'sminpūjyaḥ sarvadhanuṣmatām | āditya iva duṣprekṣyaḥ samareṣvapi cābhavat

तब से वे इस लोक में सभी धनुर्धरों के पूज्य हो गए, और युद्ध में सूर्य के समान उनकी ओर देख पाना कठिन हो गया।

श्लोक 149 (1.1.149)

स सर्वान्पार्थिवाञ्जित्वा सर्वांश्च महतो गणान् । आजहारार्जुनो राज्ञो राजसूयं महाक्रतुम् ॥

sa sarvānpārthivāñjitvā sarvāṃśca mahato gaṇān | ājahārārjuno rājño rājasūyaṃ mahākratum

सभी राजाओं और बड़े-बड़े गणों को जीतकर अर्जुन ने राजा के लिए महायज्ञ राजसूय का आयोजन सम्भव कराया।

श्लोक 150 (1.1.150)

अन्नवान्दक्षिणावांश्च सर्वैः समुदितो गुणैः । युधिष्ठिरेण संप्राप्तो राजसूयो महाक्रतुः ॥

annavāndakṣiṇāvāṃśca sarvaiḥ samudito guṇaiḥ | yudhiṣṭhireṇa saṃprāpto rājasūyo mahākratuḥ

अन्न और दक्षिणा से भरपूर, सभी गुणों से सम्पन्न वह महान राजसूय यज्ञ युधिष्ठिर ने सम्पन्न किया —

श्लोक 151 (1.1.151)

सुनयाद्वासुदेवस्य भीमार्जुनबलेन च । घातयित्वा जरासन्धं चैद्यं च बलगर्वितम् ॥

sunayādvāsudevasya bhīmārjunabalena ca | ghātayitvā jarāsandhaṃ caidyaṃ ca balagarvitam

वासुदेव की सुनीति और भीम तथा अर्जुन के बल से, जरासन्ध और बल के घमण्ड में चूर चेदिराज (शिशुपाल) का वध कराकर।

श्लोक 152 (1.1.152)

दुर्योधनं समागच्छन्नर्हणानि ततस्ततः । मणिकाञ्चनरत्नानि गोहस्त्यश्वधनानि च ॥

duryodhanaṃ samāgacchannarhaṇāni tatastataḥ | maṇikāñcanaratnāni gohastyaśvadhanāni ca

तब इधर-उधर से दुर्योधन के पास भेंटें आने लगीं — मणि, सोना, रत्न, गायें, हाथी, घोड़े और धन,

श्लोक 153 (1.1.153)

विचित्राणि च वासांसि प्रावारावरणानि च । कम्बलाजिनरत्नानि राङ्कवास्तरणानि च ॥

vicitrāṇi ca vāsāṃsi prāvārāvaraṇāni ca | kambalājinaratnāni rāṅkavāstaraṇāni ca

रंग-बिरंगे वस्त्र, ओढ़ने के चादर और आवरण, कम्बल, उत्तम मृगचर्म और रंकु मृग के ऊन से बने बिछौने।

श्लोक 154 (1.1.154)

समृद्धां तां तथा दृष्ट्वा पाण्डवानां तदा श्रियम् । ईर्ष्यासमुत्थः सुमहांस्तस्य मन्युरजायत ॥

samṛddhāṃ tāṃ tathā dṛṣṭvā pāṇḍavānāṃ tadā śriyam | īrṣyāsamutthaḥ sumahāṃstasya manyurajāyata

पाण्डवों की उस समृद्ध लक्ष्मी को देखकर उसके मन में ईर्ष्या से उपजा भारी क्रोध उत्पन्न हुआ।

श्लोक 155 (1.1.155)

विमानप्रतिमां तत्र मयेन सुकृतां सभाम् । पाण्डवानामुपहृतां स दृष्ट्वा पर्यतप्यत ॥

vimānapratimāṃ tatra mayena sukṛtāṃ sabhām | pāṇḍavānāmupahṛtāṃ sa dṛṣṭvā paryatapyata

मय दानव द्वारा भली-भाँति बनाई गई, विमान-जैसी उस सभा को, जो पाण्डवों को भेंट की गई थी, वहाँ देखकर वह भीतर ही भीतर जलने लगा।

श्लोक 156 (1.1.156)

तत्रावहसितश्चासीत्प्रस्कन्दन्निव संभ्रमात् । प्रत्यक्षं वासुदेवस्य भीमेनानभिजातवत् ॥

tatrāvahasitaścāsītpraskandanniva saṃbhramāt | pratyakṣaṃ vāsudevasya bhīmenānabhijātavat

वहीं भ्रमवश लड़खड़ाने पर वासुदेव के सामने ही भीम ने उसकी किसी असभ्य की तरह हँसी उड़ाई।

श्लोक 157 (1.1.157)

स भोगान्विविधान्भुञ्जन्रत्नानि विविधानि च । कथितो धृतराष्ट्रस्य विवर्णो हरिणः कृशः ॥

sa bhogānvividhānbhuñjanratnāni vividhāni ca | kathito dhṛtarāṣṭrasya vivarṇo hariṇaḥ kṛśaḥ

विविध भोग भोगते और तरह-तरह के रत्नों के बीच रहते हुए भी धृतराष्ट्र को बताया गया कि वह फीका, पीला और दुबला हो गया है।

श्लोक 158 (1.1.158)

अन्वजानात्ततो द्यूतं धृतराष्ट्रः सुतप्रियः । तच्छ्रुत्वा वासुदेवस्य कोपः समभवन्महान् ॥

anvajānāttato dyūtaṃ dhṛtarāṣṭraḥ sutapriyaḥ | tacchrutvā vāsudevasya kopaḥ samabhavanmahān

तब पुत्र-प्रेमी धृतराष्ट्र ने द्यूत की अनुमति दे दी। यह सुनकर वासुदेव को बड़ा क्रोध आया।

श्लोक 159 (1.1.159)

नातिप्रीतमनाश्चासीद्विवादांश्चान्वमोदत । द्यूतादीननयान्घोरान्विविधांश्चाप्युपैक्षत ॥

nātiprītamanāścāsīdvivādāṃścānvamodata | dyūtādīnanayānghorānvividhāṃścāpyupaikṣata

मन में वे प्रसन्न नहीं थे, फिर भी उन्होंने उन विवादों को होने दिया और द्यूत आदि अनेक प्रकार के घोर अन्यायों की उपेक्षा की।

श्लोक 160 (1.1.160)

निरस्य विदुरं भीष्मं द्रोणं शारद्वतं कृपम् । विग्रहे तुमुले तस्मिन्दहन्क्षत्रं परस्परम् ॥

nirasya viduraṃ bhīṣmaṃ droṇaṃ śāradvataṃ kṛpam | vigrahe tumule tasmindahankṣatraṃ parasparam

विदुर, भीष्म, द्रोण और शरद्वान के पुत्र कृप की बात को दरकिनार करके उस भीषण संग्राम में क्षत्रियों ने एक-दूसरे को भस्म कर डाला।

श्लोक 161 (1.1.161)

जयत्सु पाण्डुपुत्रेषु श्रुत्वा सुमहदप्रियम् । दुर्योधनमतं ज्ञात्वा कर्णस्य शकुनेस्तथा ॥

jayatsu pāṇḍuputreṣu śrutvā sumahadapriyam | duryodhanamataṃ jñātvā karṇasya śakunestathā

जब पाण्डुपुत्र विजयी हो रहे थे, तब यह अत्यन्त अप्रिय समाचार सुनकर और दुर्योधन, कर्ण तथा शकुनि के विचार जानकर,

श्लोक 162 (1.1.162)

धृतराष्ट्रश्चिरं ध्यात्वा संजयं वाक्यमब्रवीत् । शृणु संजय सर्वं मे नचासूयितुमर्हसि ॥

dhṛtarāṣṭraściraṃ dhyātvā saṃjayaṃ vākyamabravīt | śṛṇu saṃjaya sarvaṃ me nacāsūyitumarhasi

धृतराष्ट्र ने बहुत देर तक सोच-विचार करके संजय से कहा — "संजय, मेरी सारी बात सुनो, और मुझमें दोष मत देखो।

श्लोक 163 (1.1.163)

श्रुतवानसि मेधावी बुद्धिमान्प्राज्ञसंमतः । न विग्रहे मम मतिर्न च प्रीये कुलक्षये ॥

śrutavānasi medhāvī buddhimānprājñasaṃmataḥ | na vigrahe mama matirna ca prīye kulakṣaye

तुम विद्वान, मेधावी और बुद्धिमान हो, ज्ञानी लोग तुम्हारा आदर करते हैं। मेरा मन युद्ध के पक्ष में नहीं था, और न ही कुल के विनाश में मुझे कोई प्रसन्नता थी।

श्लोक 164 (1.1.164)

न मे विशेषः पुत्रेषु स्वेषु पाण्डुसुतेषु वा । वृद्धं मामभ्यसूयन्ति पुत्रा मन्युपरायणाः ॥

na me viśeṣaḥ putreṣu sveṣu pāṇḍusuteṣu vā | vṛddhaṃ māmabhyasūyanti putrā manyuparāyaṇāḥ

मेरे लिए अपने पुत्रों और पाण्डु के पुत्रों में कोई भेद नहीं था। किन्तु क्रोध के वश में रहने वाले मेरे पुत्र मुझ बूढ़े से द्वेष रखते हैं।

श्लोक 165 (1.1.165)

अहं त्वचक्षुः कार्पण्यात्पुत्रप्रीत्या सहामि तत् । मुह्यन्तं चानुमुह्यामि दुर्योधनमचेतनम् ॥

ahaṃ tvacakṣuḥ kārpaṇyātputraprītyā sahāmi tat | muhyantaṃ cānumuhyāmi duryodhanamacetanam

और मैं अन्धा, अपनी दुर्बलता और पुत्र-स्नेह के कारण यह सब सहता रहा; मूढ़ दुर्योधन जब मोह में पड़ा, तो मैं भी उसके पीछे-पीछे मोह में पड़ गया।

श्लोक 166 (1.1.166)

राजसूये श्रियं दृष्ट्वा पाण्डवस्य महौजसः । तच्चावहसनं प्राप्य सभारोहणदर्शने ॥

rājasūye śriyaṃ dṛṣṭvā pāṇḍavasya mahaujasaḥ | taccāvahasanaṃ prāpya sabhārohaṇadarśane

राजसूय यज्ञ में महातेजस्वी पाण्डव की समृद्धि देखकर, और सभाभवन को देखने के लिए उस पर चढ़ते समय उपहास का पात्र बनकर,

श्लोक 167 (1.1.167)

अमर्षितः स्वयं जेतुमशक्तः पाण्डवान्रणे । निरुत्साहश्च संप्राप्तुं सुश्रियं क्षत्रियोऽपि सन् ॥

amarṣitaḥ svayaṃ jetumaśaktaḥ pāṇḍavānraṇe | nirutsāhaśca saṃprāptuṃ suśriyaṃ kṣatriyo'pi san

वह असहिष्णु हो उठा; स्वयं युद्ध में पाण्डवों को जीतने में असमर्थ था, और क्षत्रिय होते हुए भी उत्तम लक्ष्मी प्राप्त करने का उत्साह उसमें नहीं था।

श्लोक 168 (1.1.168)

गान्धारराजसहितश्छद्मद्यूतममन्त्रयत् । तत्र यद्यद्यथा ज्ञातं मया संजय तच्छृणु ॥

gāndhārarājasahitaśchadmadyūtamamantrayat | tatra yadyadyathā jñātaṃ mayā saṃjaya tacchṛṇu

तब उसने गान्धारराज (शकुनि) के साथ मिलकर छलपूर्ण द्यूत का षड्यन्त्र रचा। संजय, उस विषय में मुझे जो-जो बातें जिस-जिस प्रकार ज्ञात हुईं, वह सुनो।

श्लोक 169 (1.1.169)

श्रुत्वा तु मम वाक्यानि बुद्धियुक्तानि तत्त्वतः । ततो ज्ञास्यसि मां सौते प्रज्ञाचक्षुषमित्युत ॥

śrutvā tu mama vākyāni buddhiyuktāni tattvataḥ | tato jñāsyasi māṃ saute prajñācakṣuṣamityuta

मेरी इन तर्कसंगत और यथार्थ बातों को सुनकर, हे सौते (संजय), तुम जान जाओगे कि मैं प्रज्ञा के नेत्रों से देखने वाला हूँ।

श्लोक 170 (1.1.170)

यदाऽश्रौषं धनुरायम्य चित्रं । विद्धं लक्ष्यं पातितं वै पृथिव्याम् । कृष्णां हृतां प्रेक्षतां सर्वराज्ञां । तदा नाशंसे विजयाय संजय ॥

yadā'śrauṣaṃ dhanurāyamya citraṃ | viddhaṃ lakṣyaṃ pātitaṃ vai pṛthivyām | kṛṣṇāṃ hṛtāṃ prekṣatāṃ sarvarājñāṃ | tadā nāśaṃse vijayāya saṃjaya

जब मैंने सुना कि अर्जुन ने उस विचित्र धनुष को चढ़ाकर लक्ष्य को बेध दिया और उसे धरती पर गिरा दिया, और सब राजाओं के देखते-देखते कृष्णा को ले गए, तब हे संजय, मुझे विजय की कोई आशा नहीं रही।

श्लोक 171 (1.1.171)

यदाऽश्रौषं द्वारकायां सुभद्रां । प्रसह्योढां माधवीमर्जुनेन । इन्द्रप्रस्थं वृष्णिवीरौ च यातौ । तदा नाशंसे विजयाय संजय ॥

yadā'śrauṣaṃ dvārakāyāṃ subhadrāṃ | prasahyoḍhāṃ mādhavīmarjunena | indraprasthaṃ vṛṣṇivīrau ca yātau | tadā nāśaṃse vijayāya saṃjaya

जब मैंने सुना कि अर्जुन ने द्वारका में मधुवंश की सुभद्रा का बलपूर्वक हरण करके विवाह कर लिया, और वृष्णिवंश के दोनों वीर (कृष्ण और बलराम) इन्द्रप्रस्थ आए, तब हे संजय, मुझे विजय की कोई आशा नहीं रही।

श्लोक 172 (1.1.172)

यदाऽश्रौषं देवराजं प्रवृष्टं । शरैर्दिव्यैर्वारितं चार्जुनेन । अग्निं तथा तर्पितं खाण्डवे च । तदा नाशंसे विजयाय संजय ॥

yadā'śrauṣaṃ devarājaṃ pravṛṣṭaṃ | śarairdivyairvāritaṃ cārjunena | agniṃ tathā tarpitaṃ khāṇḍave ca | tadā nāśaṃse vijayāya saṃjaya

जब मैंने सुना कि अर्जुन ने वर्षा करते हुए देवराज इन्द्र को अपने दिव्य बाणों से रोक दिया और खाण्डव वन में अग्नि को तृप्त कर दिया, तब हे संजय, मुझे विजय की कोई आशा नहीं रही।

श्लोक 173 (1.1.173)

यदाऽश्रौषं जातुषाद्वेश्मनस्ता- । न्मुक्तान्पार्थान्पञ्च कुन्त्या समेतान् । युक्तं चैषां विदुरं स्वार्थसिद्ध्यै । तदा नाशंसे विजयाय संजय ॥

yadā'śrauṣaṃ jātuṣādveśmanastā- | nmuktānpārthānpañca kuntyā sametān | yuktaṃ caiṣāṃ viduraṃ svārthasiddhyai | tadā nāśaṃse vijayāya saṃjaya

जब मैंने सुना कि पाँचों पार्थ कुन्ती के साथ लाक्षागृह से बच निकले, और विदुर उनके हित की सिद्धि में लगे हुए हैं, तब हे संजय, मुझे विजय की कोई आशा नहीं रही।

श्लोक 174 (1.1.174)

यदाऽश्रौषं द्रौपदीं रङ्गमध्ये । लक्ष्यं भित्त्वा निर्जितामर्जुनेन । शूरान्पञ्चालान्पाण्डवेयांश्च युक्तां- । स्तदा नाशंसे विजयाय संजय ॥

yadā'śrauṣaṃ draupadīṃ raṅgamadhye | lakṣyaṃ bhittvā nirjitāmarjunena | śūrānpañcālānpāṇḍaveyāṃśca yuktāṃ- | stadā nāśaṃse vijayāya saṃjaya

जब मैंने सुना कि रंगभूमि के बीच अर्जुन ने लक्ष्य-भेद करके द्रौपदी को जीत लिया, और शूरवीर पांचाल पाण्डवों से जुड़ गए, तब हे संजय, मुझे विजय की कोई आशा नहीं रही।

श्लोक 175 (1.1.175)

यदाऽश्रौषं मागधानां वरिष्ठं । जरासन्धं क्षत्रमध्ये ज्वलन्तम् । दोर्भ्यां हतं भीमसेनेन गत्वा । तदा नाशंसे विजयाय संजय ॥

yadā'śrauṣaṃ māgadhānāṃ variṣṭhaṃ | jarāsandhaṃ kṣatramadhye jvalantam | dorbhyāṃ hataṃ bhīmasenena gatvā | tadā nāśaṃse vijayāya saṃjaya

जब मैंने सुना कि भीमसेन ने जाकर मगध के श्रेष्ठ राजा, क्षत्रियों के बीच प्रज्वलित-से रहने वाले जरासन्ध को अपनी भुजाओं से ही मार डाला, तब हे संजय, मुझे विजय की कोई आशा नहीं रही।

श्लोक 176 (1.1.176)

यदाऽश्रौषं दिग्जये पाण्डुपुत्रै- । र्वशीकृतान्भूमिपालान्प्रसह्य । महाक्रतुं राजसूयं कृतं च । तदा नाशंसे विजयाय संजय ॥

yadā'śrauṣaṃ digjaye pāṇḍuputrai- | rvaśīkṛtānbhūmipālānprasahya | mahākratuṃ rājasūyaṃ kṛtaṃ ca | tadā nāśaṃse vijayāya saṃjaya

जब मैंने सुना कि दिग्विजय में पाण्डुपुत्रों ने राजाओं को बलपूर्वक अपने वश में कर लिया और महायज्ञ राजसूय सम्पन्न किया, तब हे संजय, मुझे विजय की कोई आशा नहीं रही।

श्लोक 177 (1.1.177)

यदाऽश्रौषं द्रौपदीमश्रुकण्ठीं । सभां नीतां दुःखितामेकवस्त्राम् । रजस्वलां नाथवतीमनाथव- । त्तदा नाशंसे विजयाय संजय ॥

yadā'śrauṣaṃ draupadīmaśrukaṇṭhīṃ | sabhāṃ nītāṃ duḥkhitāmekavastrām | rajasvalāṃ nāthavatīmanāthava- | ttadā nāśaṃse vijayāya saṃjaya

जब मैंने सुना कि आँसुओं से रुँधे कण्ठ वाली, दुःखी, एकवस्त्रा और रजस्वला द्रौपदी को, रक्षकों के रहते हुए भी अनाथ की भाँति सभा में घसीट लाया गया, तब हे संजय, मुझे विजय की कोई आशा नहीं रही।

श्लोक 178 (1.1.178)

यदाऽश्रौषं वाससां तत्र राशिं । समाक्षिपत्कितवो मन्दबुद्धिः । दुःशासनो गतवान्नैवं चान्तं । तदा नाशंसे विजयाय संजय ॥

yadā'śrauṣaṃ vāsasāṃ tatra rāśiṃ | samākṣipatkitavo mandabuddhiḥ | duḥśāsano gatavānnaivaṃ cāntaṃ | tadā nāśaṃse vijayāya saṃjaya

जब मैंने सुना कि मन्दबुद्धि धूर्त दुःशासन वहाँ वस्त्रों के ढेर को खींचता ही रहा, पर उनका अन्त न पा सका, तब हे संजय, मुझे विजय की कोई आशा नहीं रही।

श्लोक 179 (1.1.179)

यदाऽश्रौषं हृतराज्यं युधिष्ठिरं । पराजितं सौबलेनाक्षवत्याम् । अन्वागतं भ्रातृभिरप्रमेयै- । स्तदा नाशंसे विजयाय संजय ॥

yadā'śrauṣaṃ hṛtarājyaṃ yudhiṣṭhiraṃ | parājitaṃ saubalenākṣavatyām | anvāgataṃ bhrātṛbhiraprameyai- | stadā nāśaṃse vijayāya saṃjaya

जब मैंने सुना कि सुबलपुत्र शकुनि ने द्यूत में युधिष्ठिर को हराकर उनका राज्य छीन लिया, और उनके अपरिमित बलशाली भाई उनके पीछे चल पड़े, तब हे संजय, मुझे विजय की कोई आशा नहीं रही।

श्लोक 180 (1.1.180)

यदाश्रौषं विविधास्तत्र चेष्टा । धर्मात्मनां प्रस्थितानां वनाय । ज्येष्ठप्रीत्या क्लिश्यतां पाण्डवानां । तदा नाशंसे विजयाय संजय ॥

yadāśrauṣaṃ vividhāstatra ceṣṭā | dharmātmanāṃ prasthitānāṃ vanāya | jyeṣṭhaprītyā kliśyatāṃ pāṇḍavānāṃ | tadā nāśaṃse vijayāya saṃjaya

जब मैंने सुना कि बड़े भाई के प्रेम में कष्ट सहते हुए धर्मात्मा पाण्डवों ने वन जाते समय वहाँ कैसी-कैसी चेष्टाएँ कीं, तब हे संजय, मुझे विजय की कोई आशा नहीं रही।

श्लोक 181 (1.1.181)

यदाऽश्रौषं स्नातकानां सहस्रै- । रन्वागतं धर्मराजं वनस्थम् । भिक्षाभुजां ब्राह्मणानां महात्मनां । तदा नाशंसे विजयाय संजय ॥

yadā'śrauṣaṃ snātakānāṃ sahasrai- | ranvāgataṃ dharmarājaṃ vanastham | bhikṣābhujāṃ brāhmaṇānāṃ mahātmanāṃ | tadā nāśaṃse vijayāya saṃjaya

जब मैंने सुना कि वन में रहते हुए धर्मराज के पीछे हजारों स्नातक और भिक्षा पर जीने वाले महात्मा ब्राह्मण चल पड़े हैं, तब हे संजय, मुझे विजय की कोई आशा नहीं रही।

श्लोक 182 (1.1.182)

यदाऽश्रौषमर्जुनो देवदेवं । किरातरूपं त्र्यम्बकं तोष्य युद्धे । अवाप तत्पाशुपतं महास्त्रं । तदा नाशंसे विजयाय संजय ॥

yadā'śrauṣamarjuno devadevaṃ | kirātarūpaṃ tryambakaṃ toṣya yuddhe | avāpa tatpāśupataṃ mahāstraṃ | tadā nāśaṃse vijayāya saṃjaya

जब मैंने सुना कि अर्जुन ने किरात का रूप धारण करके आए देवाधिदेव त्र्यम्बक (शिव) को युद्ध में प्रसन्न करके महान पाशुपत अस्त्र प्राप्त कर लिया है, तब हे संजय, मुझे विजय की कोई आशा नहीं रही।

श्लोक 183 (1.1.183)

यदाऽश्रौषं वनवासेन पार्था- । न्समागतान्महर्षिभिः पुराणैः । उपास्यमानान्सगणैर्जातसख्यां- । स्तदा नाशंसे विजयाय संजय ॥

yadā'śrauṣaṃ vanavāsena pārthā- | nsamāgatānmaharṣibhiḥ purāṇaiḥ | upāsyamānānsagaṇairjātasakhyāṃ- | stadā nāśaṃse vijayāya saṃjaya

जब मैंने सुना कि वनवास में पार्थों के पास प्राचीन महर्षि आ पहुँचे, जिन्होंने उनसे मित्रता की और अपने अनुयायियों सहित उनका सत्कार करने लगे, तब हे संजय, मुझे विजय की कोई आशा नहीं रही।

श्लोक 184 (1.1.184)

यदाश्रौषं त्रिदिवस्थं धनंजयं । शक्रात्साक्षाद्दिव्यमस्त्रं यथावत् । अधीयानं शंसितं सत्यसन्धं । तदा नाशंसे विजयाय संजय ॥

yadāśrauṣaṃ tridivasthaṃ dhanaṃjayaṃ | śakrātsākṣāddivyamastraṃ yathāvat | adhīyānaṃ śaṃsitaṃ satyasandhaṃ | tadā nāśaṃse vijayāya saṃjaya

जब मैंने सुना कि स्वर्ग में रहते हुए प्रशंसित और सत्यप्रतिज्ञ धनंजय स्वयं इन्द्र से विधिपूर्वक दिव्य अस्त्रों की शिक्षा ले रहे हैं, तब हे संजय, मुझे विजय की कोई आशा नहीं रही।

श्लोक 185 (1.1.185)

यदाऽश्रौषं कालकेयास्ततस्ते । पौलोमानो वरदानाच्च दृप्ताः । देवैरजेया निर्जिताश्चार्जुनेन । तदा नाशंसे विजयाय संजय ॥

yadā'śrauṣaṃ kālakeyāstataste | paulomāno varadānācca dṛptāḥ | devairajeyā nirjitāścārjunena | tadā nāśaṃse vijayāya saṃjaya

जब मैंने सुना कि वरदान से घमण्डी बने और देवताओं से भी अजेय कालकेय और पौलोम दानवों को अर्जुन ने परास्त कर दिया, तब हे संजय, मुझे विजय की कोई आशा नहीं रही।

श्लोक 186 (1.1.186)

यदाऽश्रौषमसुराणां वधार्थे । किरीटिनं यान्तममित्रकर्शनम् । कृतार्थं चाप्यागतं शक्रलोका- । त्तदा नाशंसे विजयाय संजय ॥

yadā'śrauṣamasurāṇāṃ vadhārthe | kirīṭinaṃ yāntamamitrakarśanam | kṛtārthaṃ cāpyāgataṃ śakralokā- | ttadā nāśaṃse vijayāya saṃjaya

जब मैंने सुना कि शत्रुओं को पीड़ित करने वाले किरीटी (अर्जुन) असुरों के वध के लिए गए और कृतार्थ होकर इन्द्रलोक से लौट आए, तब हे संजय, मुझे विजय की कोई आशा नहीं रही।

श्लोक 187 (1.1.187)

यदाऽश्रौषं तीर्थयात्राप्रवृत्तं । पाण्डोः सुतं सहितं लोमशेन । बृहदश्वादक्षहृदयं च प्राप्तं । तदा नाशंसे विजयाय संजय ॥

yadā'śrauṣaṃ tīrthayātrāpravṛttaṃ | pāṇḍoḥ sutaṃ sahitaṃ lomaśena | bṛhadaśvādakṣahṛdayaṃ ca prāptaṃ | tadā nāśaṃse vijayāya saṃjaya

जब मैंने सुना कि पाण्डुपुत्र (युधिष्ठिर) लोमश मुनि के साथ तीर्थयात्रा पर निकले हैं और उन्होंने बृहदश्व से अक्षहृदय (द्यूत का रहस्य) प्राप्त कर लिया है, तब हे संजय, मुझे विजय की कोई आशा नहीं रही।

श्लोक 188 (1.1.188)

यदाऽश्रौषं वैश्रवणेन सार्धं । समागतं भीममन्यांश्च पार्थान् । तस्मिन्देशे मानुषाणामगम्ये । तदा नाशंसे विजयाय संजय ॥

yadā'śrauṣaṃ vaiśravaṇena sārdhaṃ | samāgataṃ bhīmamanyāṃśca pārthān | tasmindeśe mānuṣāṇāmagamye | tadā nāśaṃse vijayāya saṃjaya

जब मैंने सुना कि मनुष्यों के लिए अगम्य उस प्रदेश में भीम और अन्य पार्थ कुबेर से मिले, तब हे संजय, मुझे विजय की कोई आशा नहीं रही।

श्लोक 189 (1.1.189)

यदाऽश्रौषं घोषयात्रागतानां । बन्धं गन्धर्वैर्मोक्षणं चार्जुनेन । स्वेषां सुतानां कर्णबुद्धौ रतानां । तदा नाशंसे विजयाय संजय ॥

yadā'śrauṣaṃ ghoṣayātrāgatānāṃ | bandhaṃ gandharvairmokṣaṇaṃ cārjunena | sveṣāṃ sutānāṃ karṇabuddhau ratānāṃ | tadā nāśaṃse vijayāya saṃjaya

जब मैंने सुना कि घोषयात्रा पर गए, कर्ण की सलाह में रमे मेरे पुत्रों को गन्धर्वों ने बन्दी बना लिया और अर्जुन ने उन्हें छुड़ाया, तब हे संजय, मुझे विजय की कोई आशा नहीं रही।

श्लोक 190 (1.1.190)

यदाऽश्रौषं यक्षरूपेण धर्मं । समागतं धर्मराजेन सूत । प्रश्नान्कांश्चिद्विब्रुवाणं च सम्यक् । तदा नाशंसे विजयाय संजय ॥

yadā'śrauṣaṃ yakṣarūpeṇa dharmaṃ | samāgataṃ dharmarājena sūta | praśnānkāṃścidvibruvāṇaṃ ca samyak | tadā nāśaṃse vijayāya saṃjaya

हे सूत, जब मैंने सुना कि धर्म यक्ष का रूप धरकर धर्मराज से मिले और उन्होंने उनसे विधिवत् कुछ प्रश्न किए, तब हे संजय, मुझे विजय की कोई आशा नहीं रही।

श्लोक 191 (1.1.191)

यदाऽश्रौषं न विदुर्मामकास्तान् । प्रच्छन्नरूपान्वसतः पाण्डवेयान् । विराटराष्ट्रे सह कृष्णया च । तदा नाशंसे विजयाय संजय ॥

yadā'śrauṣaṃ na vidurmāmakāstān | pracchannarūpānvasataḥ pāṇḍaveyān | virāṭarāṣṭre saha kṛṣṇayā ca | tadā nāśaṃse vijayāya saṃjaya

जब मैंने सुना कि विराट के राज्य में कृष्णा के साथ वेश बदलकर रहते हुए पाण्डवों को मेरे लोग पहचान न सके, तब हे संजय, मुझे विजय की कोई आशा नहीं रही।

श्लोक 192 (1.1.192)

यदाऽश्रौषं कीचकानां वरिष्ठं । निषूदितं भ्रातृशतेन सार्धम् । द्रौपद्यर्थे भीमसेनेन सङ्ख्ये । तदा नाशंसे विजयाय संजय ॥

yadā'śrauṣaṃ kīcakānāṃ variṣṭhaṃ | niṣūditaṃ bhrātṛśatena sārdham | draupadyarthe bhīmasenena saṅkhye | tadā nāśaṃse vijayāya saṃjaya

जब मैंने सुना कि द्रौपदी के लिए भीमसेन ने युद्ध में कीचकों में श्रेष्ठ कीचक को उसके सौ भाइयों सहित मार डाला, तब हे संजय, मुझे विजय की कोई आशा नहीं रही।

श्लोक 193 (1.1.193)

यदाऽश्रौषं मामकानां वरिष्ठा- । न्धनंजयेनैकरथेन भग्नान् । विराटराष्ट्रे वसता महात्मना । तदा नाशंसे विजयाय संजय ॥

yadā'śrauṣaṃ māmakānāṃ variṣṭhā- | ndhanaṃjayenaikarathena bhagnān | virāṭarāṣṭre vasatā mahātmanā | tadā nāśaṃse vijayāya saṃjaya

जब मैंने सुना कि विराट के राज्य में रह रहे महात्मा धनंजय ने अकेले एक रथ से मेरे श्रेष्ठ योद्धाओं को खदेड़ दिया, तब हे संजय, मुझे विजय की कोई आशा नहीं रही।

श्लोक 194 (1.1.194)

यदाऽश्रौषं सत्कृतं मत्स्यराज्ञा । सुतां दत्तामुत्तरामर्जुनाय । तां चार्जुनः प्रत्यगृह्णात्सुतार्थे । तदा नाशंसे विजयाय संजय ॥

yadā'śrauṣaṃ satkṛtaṃ matsyarājñā | sutāṃ dattāmuttarāmarjunāya | tāṃ cārjunaḥ pratyagṛhṇātsutārthe | tadā nāśaṃse vijayāya saṃjaya

जब मैंने सुना कि मत्स्यराज ने सत्कारपूर्वक अपनी पुत्री उत्तरा अर्जुन को अर्पित की और अर्जुन ने उसे अपने पुत्र के लिए स्वीकार किया, तब हे संजय, मुझे विजय की कोई आशा नहीं रही।

श्लोक 195 (1.1.195)

यदाऽश्रौषं निर्जितस्याधनस्य । प्रव्राजितस्य स्वजनात्प्रच्युतस्य । अक्षौहिणीः सप्त युधिष्ठिरस्य । तदा नाशंसे विजयाय संजय ॥

yadā'śrauṣaṃ nirjitasyādhanasya | pravrājitasya svajanātpracyutasya | akṣauhiṇīḥ sapta yudhiṣṭhirasya | tadā nāśaṃse vijayāya saṃjaya

जब मैंने सुना कि हारे हुए, निर्धन, निर्वासित और स्वजनों से बिछुड़े युधिष्ठिर के पास सात अक्षौहिणी सेना एकत्र हो गई है, तब हे संजय, मुझे विजय की कोई आशा नहीं रही।

श्लोक 196 (1.1.196)

यदाऽश्रौषं माधवं वासुदेवं । सर्वात्मना पाण्डवार्थे निविष्टम् । यस्येमां गां विक्रममेकमाहु- । स्तदा नाशंसे विजयाय संजय ॥

yadā'śrauṣaṃ mādhavaṃ vāsudevaṃ | sarvātmanā pāṇḍavārthe niviṣṭam | yasyemāṃ gāṃ vikramamekamāhu- | stadā nāśaṃse vijayāya saṃjaya

जब मैंने सुना कि जिनके विषय में कहा जाता है कि यह सारी पृथ्वी उनका एक ही डग थी, वे माधव वासुदेव पूरे मन से पाण्डवों के हित में लगे हैं, तब हे संजय, मुझे विजय की कोई आशा नहीं रही।

श्लोक 197 (1.1.197)

यदाऽश्रौषं नरनारायणौ तौ । कृष्णार्जुनौ वदतो नारदस्य । अहं द्रष्टा ब्रह्मलोके च सम्यक् । तदा नाशंसे विजयाय संजय ॥

yadā'śrauṣaṃ naranārāyaṇau tau | kṛṣṇārjunau vadato nāradasya | ahaṃ draṣṭā brahmaloke ca samyak | tadā nāśaṃse vijayāya saṃjaya

जब मैंने नारद को यह कहते सुना कि कृष्ण और अर्जुन वही नर और नारायण हैं, और उन्होंने स्वयं उन्हें ब्रह्मलोक में भली-भाँति देखा है, तब हे संजय, मुझे विजय की कोई आशा नहीं रही।

श्लोक 198 (1.1.198)

यदाऽश्रौषं लोकहिताय कृष्णं । शमार्थिनमुपयातं कुरूणाम् । शमं कुर्वाणमकृतार्थं च यातं । तदा नाशंसे विजयाय संजय ॥

yadā'śrauṣaṃ lokahitāya kṛṣṇaṃ | śamārthinamupayātaṃ kurūṇām | śamaṃ kurvāṇamakṛtārthaṃ ca yātaṃ | tadā nāśaṃse vijayāya saṃjaya

जब मैंने सुना कि लोकहित के लिए श्रीकृष्ण शान्ति की इच्छा से कौरवों के पास आए, और शान्ति का प्रयत्न करके भी असफल होकर लौट गए, तब हे संजय, मुझे विजय की कोई आशा नहीं रही।

श्लोक 199 (1.1.199)

यदाऽश्रौषं कर्णदुर्योधनाभ्यां । बुद्धिं कृतां निग्रहे केशवस्य । तं चात्मानं बहुधा दर्शयानं । तदा नाशंसे विजयाय संजय ॥

yadā'śrauṣaṃ karṇaduryodhanābhyāṃ | buddhiṃ kṛtāṃ nigrahe keśavasya | taṃ cātmānaṃ bahudhā darśayānaṃ | tadā nāśaṃse vijayāya saṃjaya

जब मैंने सुना कि कर्ण और दुर्योधन ने केशव को बन्दी बनाने का निश्चय किया, और उन्होंने अपने आपको अनेक रूपों में प्रकट कर दिखाया, तब हे संजय, मुझे विजय की कोई आशा नहीं रही।

श्लोक 200 (1.1.200)

यदाऽश्रौषं वासुदेवे प्रयाते । रथस्यैकामग्रतस्तिष्ठमानाम् । आर्तां पृथां सान्त्वितां केशवेन । तदा नाशंसे विजयाय संजय ॥

yadā'śrauṣaṃ vāsudeve prayāte | rathasyaikāmagratastiṣṭhamānām | ārtāṃ pṛthāṃ sāntvitāṃ keśavena | tadā nāśaṃse vijayāya saṃjaya

जब मैंने सुना कि वासुदेव के प्रस्थान करते समय दुःखी पृथा उनके रथ के आगे अकेली खड़ी रहीं और केशव ने उन्हें सान्त्वना दी, तब हे संजय, मुझे विजय की कोई आशा नहीं रही।

श्लोक 201 (1.1.201)

यदाऽश्रौषं मन्त्रिणं वासुदेवं । तथा भीष्मं शान्तनवं च तेषाम् । भारद्वाजं चाशिषोऽनुब्रुवाणं । तदा नाशंसे विजयाय संजय ॥

yadā'śrauṣaṃ mantriṇaṃ vāsudevaṃ | tathā bhīṣmaṃ śāntanavaṃ ca teṣām | bhāradvājaṃ cāśiṣo'nubruvāṇaṃ | tadā nāśaṃse vijayāya saṃjaya

जब मैंने सुना कि वासुदेव उनके मन्त्री (परामर्शदाता) हैं, और शान्तनुनन्दन भीष्म तथा भरद्वाजपुत्र द्रोण उन्हें आशीर्वाद दे रहे हैं, तब हे संजय, मुझे विजय की कोई आशा नहीं रही।

श्लोक 202 (1.1.202)

यदा कर्णो भीष्ममुवाच वाक्यं । नाहं योत्स्ये युध्यमाने त्वयीति । हित्वा सेनामपचक्राम चापि । तदा नाशंसे विजयाय संजय ॥

yadā karṇo bhīṣmamuvāca vākyaṃ | nāhaṃ yotsye yudhyamāne tvayīti | hitvā senāmapacakrāma cāpi | tadā nāśaṃse vijayāya saṃjaya

जब कर्ण ने भीष्म से कहा, "जब तक आप युद्ध कर रहे हैं, मैं नहीं लड़ूँगा," और सेना छोड़कर चला गया, तब, संजय, मुझे विजय की कोई आशा न रही।

श्लोक 203 (1.1.203)

यदाऽश्रौषं वासुदेवार्जुनौ तौ । तथा धनुर्गाण्डिवमप्रमेयम् । त्रीण्युग्रवीर्याणि समागतानि । तदा नाशंसे विजयाय संजय ॥

yadā'śrauṣaṃ vāsudevārjunau tau | tathā dhanurgāṇḍivamaprameyam | trīṇyugravīryāṇi samāgatāni | tadā nāśaṃse vijayāya saṃjaya

जब मैंने सुना कि वासुदेव और अर्जुन, वे दोनों, तथा अतुलनीय गाण्डीव धनुष, उग्र पराक्रम वाली ये तीनों शक्तियाँ एक साथ आ मिली हैं, तब, संजय, मुझे विजय की कोई आशा न रही।

श्लोक 204 (1.1.204)

यदाऽश्रौषं कश्मलेनाभिपन्ने । रथोपस्थे सीदमानेऽर्जुने वै । कृष्णं लोकान्दर्शयानं शरीरे । तदा नाशंसे विजयाय संजय ॥

yadā'śrauṣaṃ kaśmalenābhipanne | rathopasthe sīdamāne'rjune vai | kṛṣṇaṃ lokāndarśayānaṃ śarīre | tadā nāśaṃse vijayāya saṃjaya

जब मैंने सुना कि विषाद से घिरकर अर्जुन रथ में शिथिल होकर बैठ गए और तब श्रीकृष्ण ने उन्हें अपने शरीर में समस्त लोक दिखा दिए, तब, संजय, मुझे विजय की कोई आशा न रही।

श्लोक 205 (1.1.205)

यदाऽश्रौषं भीष्मममित्रकर्शनं । निघ्नन्तमाजावयुतं रथानाम् । नैषां कश्चिद्वध्यते ख्यातरूप- । स्तदा नाशंसे विजयाय संजय ॥

yadā'śrauṣaṃ bhīṣmamamitrakarśanaṃ | nighnantamājāvayutaṃ rathānām | naiṣāṃ kaścidvadhyate khyātarūpa- | stadā nāśaṃse vijayāya saṃjaya

जब मैंने सुना कि शत्रुओं को पीड़ा देने वाले भीष्म रणभूमि में दस-दस हज़ार रथियों का संहार कर रहे हैं, फिर भी पाण्डवों का कोई प्रसिद्ध योद्धा नहीं मारा जा रहा, तब, संजय, मुझे विजय की कोई आशा न रही।

श्लोक 206 (1.1.206)

यदाऽश्रौषं चापगेयेन सङ्ख्ये । स्वयं मृत्युं विहितं धार्मिकेण । तच्चाकार्षुः पाण्डवेयाः प्रहृष्टा- । स्तदा नाशंसे विजयाय संजय ॥

yadā'śrauṣaṃ cāpageyena saṅkhye | svayaṃ mṛtyuṃ vihitaṃ dhārmikeṇa | taccākārṣuḥ pāṇḍaveyāḥ prahṛṣṭā- | stadā nāśaṃse vijayāya saṃjaya

जब मैंने सुना कि गंगापुत्र धर्मात्मा भीष्म ने युद्ध में स्वयं अपनी मृत्यु का उपाय बता दिया और पाण्डवों ने हर्षित होकर उसे पूरा कर दिया, तब, संजय, मुझे विजय की कोई आशा न रही।

श्लोक 207 (1.1.207)

यदाऽश्रौषं भीष्ममत्यन्तशूरं । हतं पार्थेनाहवेष्वप्रधृष्यम् । शिखण्डिनं पुरतः स्थापयित्वा । तदा नाशंसे विजयाय संजय ॥

yadā'śrauṣaṃ bhīṣmamatyantaśūraṃ | hataṃ pārthenāhaveṣvapradhṛṣyam | śikhaṇḍinaṃ purataḥ sthāpayitvā | tadā nāśaṃse vijayāya saṃjaya

जब मैंने सुना कि अत्यन्त शूरवीर और युद्ध में अजेय भीष्म को अर्जुन ने शिखण्डी को आगे खड़ा करके मार गिराया, तब, संजय, मुझे विजय की कोई आशा न रही।

श्लोक 208 (1.1.208)

यदाऽश्रौषं शरतल्पे शयानं । वृद्धं वीरं सादितं चित्रपुङ्खैः । भीष्मं कृत्वा सोमकानल्पशेषां- । स्तदा नाशंसे विजयाय संजय ॥

yadā'śrauṣaṃ śaratalpe śayānaṃ | vṛddhaṃ vīraṃ sāditaṃ citrapuṅkhaiḥ | bhīṣmaṃ kṛtvā somakānalpaśeṣāṃ- | stadā nāśaṃse vijayāya saṃjaya

जब मैंने सुना कि सोमकों में से थोड़े ही शेष छोड़कर वृद्ध वीर भीष्म रंग-बिरंगे पंखों वाले बाणों से गिराए जाकर शर-शय्या पर लेटे हैं, तब, संजय, मुझे विजय की कोई आशा न रही।

श्लोक 209 (1.1.209)

यदाऽश्रौषं शान्तनवे शयाने । पानीयार्थे चोदितेनार्जुनेन । भूमिं भित्त्वा तर्पितं तत्र भीष्मं । तदा नाशंसे विजयाय संजय ॥

yadā'śrauṣaṃ śāntanave śayāne | pānīyārthe coditenārjunena | bhūmiṃ bhittvā tarpitaṃ tatra bhīṣmaṃ | tadā nāśaṃse vijayāya saṃjaya

जब मैंने सुना कि शान्तनुनन्दन भीष्म ने लेटे-लेटे जल माँगा तो अर्जुन ने धरती को भेदकर वहीं उन्हें तृप्त कर दिया, तब, संजय, मुझे विजय की कोई आशा न रही।

श्लोक 210 (1.1.210)

यदाश्रौषं शुक्रसूर्यौ च युक्तौ । कौन्तेयानामनुलोमौ जयाय । नित्यं चास्माञ्श्वापदा भीषयन्ति । तदा नाशंसे विजयाय संजय ॥

yadāśrauṣaṃ śukrasūryau ca yuktau | kaunteyānāmanulomau jayāya | nityaṃ cāsmāñśvāpadā bhīṣayanti | tadā nāśaṃse vijayāya saṃjaya

जब मैंने सुना कि शुक्र और सूर्य एक साथ युक्त होकर कुन्तीपुत्रों की विजय के अनुकूल हैं और हिंसक पशु निरन्तर हमें डरा रहे हैं, तब, संजय, मुझे विजय की कोई आशा न रही।

श्लोक 211 (1.1.211)

यदा द्रोणो विविधानस्त्रमार्गा- । न्निदर्शयन्समरे चित्रयोधी । न पाण्डवाञ्श्रेष्ठतरान्निहन्ति । तदा नाशंसे विजयाय संजय ॥

yadā droṇo vividhānastramārgā- | nnidarśayansamare citrayodhī | na pāṇḍavāñśreṣṭhatarānnihanti | tadā nāśaṃse vijayāya saṃjaya

जब विचित्र युद्ध करने वाले द्रोण रणभूमि में अस्त्र-विद्या की अनेक विधियाँ दिखाकर भी श्रेष्ठतर पाण्डवों को नहीं मार सके, तब, संजय, मुझे विजय की कोई आशा न रही।

श्लोक 212 (1.1.212)

यदाऽश्रौषं चास्मदीयान्महारथा- । न्व्यवस्थितानर्जुनस्यान्तकाय । संशप्तकान्निहतानर्जुनेन । तदा नाशंसे विजयाय संजय ॥

yadā'śrauṣaṃ cāsmadīyānmahārathā- | nvyavasthitānarjunasyāntakāya | saṃśaptakānnihatānarjunena | tadā nāśaṃse vijayāya saṃjaya

जब मैंने सुना कि अर्जुन का अन्त करने के लिए डटे हुए हमारे महारथी संशप्तक स्वयं अर्जुन के हाथों मारे गए, तब, संजय, मुझे विजय की कोई आशा न रही।

श्लोक 213 (1.1.213)

यदाऽश्रौषं व्यूहमभेद्यमन्यै- । र्भारद्वाजेनात्तशस्त्रेण गुप्तम् । भित्त्वा सौभद्रं वीरमेकं प्रविष्टं । तदा नाशंसे विजयाय संजय ॥

yadā'śrauṣaṃ vyūhamabhedyamanyai- | rbhāradvājenāttaśastreṇa guptam | bhittvā saubhadraṃ vīramekaṃ praviṣṭaṃ | tadā nāśaṃse vijayāya saṃjaya

जब मैंने सुना कि शस्त्रधारी द्रोणाचार्य द्वारा रक्षित, दूसरों के लिए अभेद्य व्यूह को तोड़कर सुभद्रा का वीर पुत्र अकेला भीतर घुस गया, तब, संजय, मुझे विजय की कोई आशा न रही।

श्लोक 214 (1.1.214)

यदाऽभिमन्युं परिवार्य बालं । सर्वे हत्वा हृष्टरूपा बभूवुः । महारथाः पार्थमशक्नुवन्त- । स्तदा नाशंसे विजयाय संजय ॥

yadā'bhimanyuṃ parivārya bālaṃ | sarve hatvā hṛṣṭarūpā babhūvuḥ | mahārathāḥ pārthamaśaknuvanta- | stadā nāśaṃse vijayāya saṃjaya

जब अर्जुन को न जीत पाने वाले हमारे सभी महारथियों ने बालक अभिमन्यु को घेरकर मार डाला और हर्ष से फूल उठे, तब, संजय, मुझे विजय की कोई आशा न रही।

श्लोक 215 (1.1.215)

यदाऽश्रौषमभिमन्युं निहत्य । हर्षान्मूढान्क्रोशतो धार्तराष्ट्रान् । क्रोधादुक्तं सैन्धवे चार्जुनेन । तदा नाशंसे विजयाय संजय ॥

yadā'śrauṣamabhimanyuṃ nihatya | harṣānmūḍhānkrośato dhārtarāṣṭrān | krodhāduktaṃ saindhave cārjunena | tadā nāśaṃse vijayāya saṃjaya

जब मैंने सुना कि अभिमन्यु को मारकर धृतराष्ट्र के पुत्र हर्ष से मतवाले होकर कोलाहल कर रहे हैं और अर्जुन ने क्रोध में सिन्धुराज के विरुद्ध प्रण कर लिया है, तब, संजय, मुझे विजय की कोई आशा न रही।

श्लोक 216 (1.1.216)

यदाऽश्रौषं सैन्धवार्थे प्रतिज्ञां । प्रतिज्ञातां तद्वधायार्जुनेन । सत्यां तीर्णां शत्रुमध्ये च तेन । तदा नाशंसे विजयाय संजय ॥

yadā'śrauṣaṃ saindhavārthe pratijñāṃ | pratijñātāṃ tadvadhāyārjunena | satyāṃ tīrṇāṃ śatrumadhye ca tena | tadā nāśaṃse vijayāya saṃjaya

जब मैंने सुना कि सिन्धुराज के वध के लिए अर्जुन ने जो प्रतिज्ञा की थी, उसे उन्होंने शत्रुओं के बीच सत्य कर दिखाया और पूरा कर लिया, तब, संजय, मुझे विजय की कोई आशा न रही।

श्लोक 217 (1.1.217)

यदाऽश्रौषं श्रान्तहये धनंजये । मुक्त्वा हयान्पाययित्वोपवृत्तान् । पुनर्युक्त्वा वासुदेवं प्रयातं । तदा नाशंसे विजयाय संजय ॥

yadā'śrauṣaṃ śrāntahaye dhanaṃjaye | muktvā hayānpāyayitvopavṛttān | punaryuktvā vāsudevaṃ prayātaṃ | tadā nāśaṃse vijayāya saṃjaya

जब मैंने सुना कि धनंजय के घोड़े थक जाने पर वासुदेव ने उन्हें खोलकर पानी पिलाया, फिर लौटाकर दोबारा जोता और आगे बढ़ चले, तब, संजय, मुझे विजय की कोई आशा न रही।

श्लोक 218 (1.1.218)

यदाऽश्रौषं वाहनेष्वक्षमेषु । रथोपस्थे तिष्ठता पाण्डवेन । सर्वान्योधान्वारितानर्जुनेन । तदा नाशंसे विजयाय संजय ॥

yadā'śrauṣaṃ vāhaneṣvakṣameṣu | rathopasthe tiṣṭhatā pāṇḍavena | sarvānyodhānvāritānarjunena | tadā nāśaṃse vijayāya saṃjaya

जब मैंने सुना कि घोड़ों के असमर्थ हो जाने पर रथ पर खड़े पाण्डुपुत्र अर्जुन ने अकेले ही सारे योद्धाओं को रोके रखा, तब, संजय, मुझे विजय की कोई आशा न रही।

श्लोक 219 (1.1.219)

यदाऽश्रौषं नागबलैः सुदुःसहं । द्रोणानीकं युयुधानं प्रमथ्य । यातं वार्ष्णेयं यत्र तौ कृष्णपार्थौ । तदा नाशंसे विजयाय संजय ॥

yadā'śrauṣaṃ nāgabalaiḥ suduḥsahaṃ | droṇānīkaṃ yuyudhānaṃ pramathya | yātaṃ vārṣṇeyaṃ yatra tau kṛṣṇapārthau | tadā nāśaṃse vijayāya saṃjaya

जब मैंने सुना कि वृष्णिवंशी युयुधान हाथियों के बल से अत्यन्त दुःसह द्रोण की सेना को मथकर वहाँ जा पहुँचा जहाँ श्रीकृष्ण और अर्जुन थे, तब, संजय, मुझे विजय की कोई आशा न रही।

श्लोक 220 (1.1.220)

यदाऽश्रौषं कर्णमासाद्य मुक्तं । वधाद्भीमं कुत्सयित्वा वचोभिः । धनुष्कोट्याऽऽतुद्य कर्णेन वीरं । तदा नाशंसे विजयाय संजय ॥

yadā'śrauṣaṃ karṇamāsādya muktaṃ | vadhādbhīmaṃ kutsayitvā vacobhiḥ | dhanuṣkoṭyā''tudya karṇena vīraṃ | tadā nāśaṃse vijayāya saṃjaya

जब मैंने सुना कि कर्ण ने वीर भीम को वश में पाकर भी मारा नहीं, केवल कटु वचनों से उनका तिरस्कार किया और धनुष की नोक से कोंचकर छोड़ दिया, तब, संजय, मुझे विजय की कोई आशा न रही।

श्लोक 221 (1.1.221)

यदा द्रोणः कृतवर्मा कृपश्च । कर्णो द्रौणिर्मद्रराजश्च शूरः । अमर्षयन्सैन्धवं वध्यमानं । तदा नाशंसे विजयाय संजय ॥

yadā droṇaḥ kṛtavarmā kṛpaśca | karṇo drauṇirmadrarājaśca śūraḥ | amarṣayansaindhavaṃ vadhyamānaṃ | tadā nāśaṃse vijayāya saṃjaya

जब द्रोण, कृतवर्मा, कृप, कर्ण, अश्वत्थामा और शूरवीर मद्रराज ने सिन्धुराज को मारे जाते हुए सह लिया, तब, संजय, मुझे विजय की कोई आशा न रही।

श्लोक 222 (1.1.222)

यदाऽश्रौषं देवराजेन दत्तां । दिव्यां शक्तिं व्यंसितां माधवेन । घटोत्कचे राक्षसे घोररूपे । तदा नाशंसे विजयाय संजय ॥

yadā'śrauṣaṃ devarājena dattāṃ | divyāṃ śaktiṃ vyaṃsitāṃ mādhavena | ghaṭotkace rākṣase ghorarūpe | tadā nāśaṃse vijayāya saṃjaya

जब मैंने सुना कि देवराज इन्द्र की दी हुई दिव्य शक्ति को माधव ने भयंकर रूप वाले राक्षस घटोत्कच पर व्यर्थ करवा दिया, तब, संजय, मुझे विजय की कोई आशा न रही।

श्लोक 223 (1.1.223)

यदाऽश्रौषं कर्णघटोत्कचाभ्यां । युद्धे मुक्तां सूतपुत्रेण शक्तिम् । यया वध्यः समरे सव्यसाची । तदा नाशंसे विजयाय संजय ॥

yadā'śrauṣaṃ karṇaghaṭotkacābhyāṃ | yuddhe muktāṃ sūtaputreṇa śaktim | yayā vadhyaḥ samare savyasācī | tadā nāśaṃse vijayāya saṃjaya

जब मैंने सुना कि कर्ण और घटोत्कच के युद्ध में सूतपुत्र ने वह शक्ति छोड़ दी, जिससे रण में सव्यसाची अर्जुन का वध होना था, तब, संजय, मुझे विजय की कोई आशा न रही।

श्लोक 224 (1.1.224)

यदाऽश्रौषं द्रोणमाचार्यमेकं । धृष्टद्युम्नेनाभ्यतिक्रम्य धर्मम् । रथोपस्थे प्रायगतं विशस्तं । तदा नाशंसे विजयाय संजय ॥

yadā'śrauṣaṃ droṇamācāryamekaṃ | dhṛṣṭadyumnenābhyatikramya dharmam | rathopasthe prāyagataṃ viśastaṃ | tadā nāśaṃse vijayāya saṃjaya

जब मैंने सुना कि धृष्टद्युम्न ने धर्म की मर्यादा लाँघकर, रथ पर अकेले बैठे और प्राण त्यागने का निश्चय कर चुके आचार्य द्रोण का वध कर डाला, तब, संजय, मुझे विजय की कोई आशा न रही।

श्लोक 225 (1.1.225)

यदाऽश्रौषं द्रौणिना द्वैरथस्थं । माद्रीसुतं नकुलं लोकमध्ये । समं युद्धे मण्डलेभ्यश्चरन्तं । तदा नाशंसे विजयाय संजय ॥

yadā'śrauṣaṃ drauṇinā dvairathasthaṃ | mādrīsutaṃ nakulaṃ lokamadhye | samaṃ yuddhe maṇḍalebhyaścarantaṃ | tadā nāśaṃse vijayāya saṃjaya

जब मैंने सुना कि माद्रीपुत्र नकुल सबके सामने अश्वत्थामा से द्वैरथ युद्ध करते हुए मण्डल बाँधकर घूमते रहे और उससे बराबरी पर लड़े, तब, संजय, मुझे विजय की कोई आशा न रही।

श्लोक 226 (1.1.226)

यदा द्रोणे निहते द्रोणपुत्रो । नारायणं दिव्यमस्त्रं विकुर्वन् । नैषामन्तं गतवान्पाण्डवानां । तदा नाशंसे विजयाय संजय ॥

yadā droṇe nihate droṇaputro | nārāyaṇaṃ divyamastraṃ vikurvan | naiṣāmantaṃ gatavānpāṇḍavānāṃ | tadā nāśaṃse vijayāya saṃjaya

जब द्रोण के मारे जाने पर अश्वत्थामा ने दिव्य नारायणास्त्र का प्रयोग किया और फिर भी पाण्डवों का अन्त न कर सका, तब, संजय, मुझे विजय की कोई आशा न रही।

श्लोक 227 (1.1.227)

यदाऽश्रौषं भीमसेनेन पीतं । रक्तं भ्रातुर्युधि दुःशासनस्य । निवारितं नान्यतमेन भीमं । तदा नाशंसे विजयाय संजय ॥

yadā'śrauṣaṃ bhīmasenena pītaṃ | raktaṃ bhrāturyudhi duḥśāsanasya | nivāritaṃ nānyatamena bhīmaṃ | tadā nāśaṃse vijayāya saṃjaya

जब मैंने सुना कि भीमसेन ने युद्ध में अपने भाई दुःशासन का रक्त पी लिया और कोई एक भी भीम को रोक नहीं सका, तब, संजय, मुझे विजय की कोई आशा न रही।

श्लोक 228 (1.1.228)

यदाऽश्रौषं कर्णमत्यन्तशूरं । हतं पार्थेनाहवेष्वप्रधृष्यम् । तस्मिन्भ्रातॄणां विग्रहे देवगुह्ये । तदा नाशंसे विजयाय संजय ॥

yadā'śrauṣaṃ karṇamatyantaśūraṃ | hataṃ pārthenāhaveṣvapradhṛṣyam | tasminbhrātṝṇāṃ vigrahe devaguhye | tadā nāśaṃse vijayāya saṃjaya

जब मैंने सुना कि भाइयों के उस युद्ध में, जिसका रहस्य देवताओं से भी छिपा था, अत्यन्त शूरवीर और अजेय कर्ण को अर्जुन ने मार डाला, तब, संजय, मुझे विजय की कोई आशा न रही।

श्लोक 229 (1.1.229)

यदाऽश्रौषं द्रोणपुत्रं च शूरं । दुःशासनं कृतवर्माणमुग्रम् । युधिष्ठिरं धर्मराजं जयन्तं । तदा नाशंसे विजयाय संजय ॥

yadā'śrauṣaṃ droṇaputraṃ ca śūraṃ | duḥśāsanaṃ kṛtavarmāṇamugram | yudhiṣṭhiraṃ dharmarājaṃ jayantaṃ | tadā nāśaṃse vijayāya saṃjaya

जब मैंने सुना कि धर्मराज युधिष्ठिर द्रोणपुत्र वीर अश्वत्थामा, दुःशासन और उग्र कृतवर्मा को जीत रहे हैं, तब, संजय, मुझे विजय की कोई आशा न रही।

श्लोक 230 (1.1.230)

यदाऽश्रौषं निहतं मद्रराजं । रणे शूरं धर्मराजेन सूत । सदा सङ्ग्रामे स्पर्धते यस्तु कृष्णं । तदा नाशंसे विजयाय संजय ॥

yadā'śrauṣaṃ nihataṃ madrarājaṃ | raṇe śūraṃ dharmarājena sūta | sadā saṅgrāme spardhate yastu kṛṣṇaṃ | tadā nāśaṃse vijayāya saṃjaya

हे सूत, जब मैंने सुना कि युद्ध में सदा श्रीकृष्ण से होड़ करने वाले शूरवीर मद्रराज को धर्मराज ने रणभूमि में मार डाला, तब, संजय, मुझे विजय की कोई आशा न रही।

श्लोक 231 (1.1.231)

यदाऽश्रौषं कलहद्यूतमूलं । मायाबलं सौबलं पाण्डवेन । हतं सङ्ग्रामे सहदेवेन पापं । तदा नाशंसे विजयाय संजय ॥

yadā'śrauṣaṃ kalahadyūtamūlaṃ | māyābalaṃ saubalaṃ pāṇḍavena | hataṃ saṅgrāme sahadevena pāpaṃ | tadā nāśaṃse vijayāya saṃjaya

जब मैंने सुना कि कलह और जुए की जड़, छल-बल वाले पापी सुबलपुत्र शकुनि को पाण्डुपुत्र सहदेव ने युद्ध में मार डाला, तब, संजय, मुझे विजय की कोई आशा न रही।

श्लोक 232 (1.1.232)

यदाऽश्रौषं श्रान्तमेकं शयानं । ह्रदं गत्वा स्तम्भयित्वा तदम्भः । दुर्योधनं विरथं भग्नशक्तिं । तदा नाशंसे विजयाय संजय ॥

yadā'śrauṣaṃ śrāntamekaṃ śayānaṃ | hradaṃ gatvā stambhayitvā tadambhaḥ | duryodhanaṃ virathaṃ bhagnaśaktiṃ | tadā nāśaṃse vijayāya saṃjaya

जब मैंने सुना कि थका हुआ, अकेला, रथहीन और टूटी शक्ति वाला दुर्योधन एक सरोवर में जाकर उसके जल को स्तम्भित करके उसमें लेटा है, तब, संजय, मुझे विजय की कोई आशा न रही।

श्लोक 233 (1.1.233)

यदाऽश्रौषं पाण्डवांस्तिष्ठमानान् । गत्वा ह्रदे वासुदेवेन सार्धम् । अमर्षणं धर्षयतः सुतं मे । तदा नाशंसे विजयाय संजय ॥

yadā'śrauṣaṃ pāṇḍavāṃstiṣṭhamānān | gatvā hrade vāsudevena sārdham | amarṣaṇaṃ dharṣayataḥ sutaṃ me | tadā nāśaṃse vijayāya saṃjaya

जब मैंने सुना कि पाण्डव वासुदेव के साथ सरोवर पर जाकर खड़े हैं और मेरे अपमान न सह सकने वाले पुत्र को ललकार रहे हैं, तब, संजय, मुझे विजय की कोई आशा न रही।

श्लोक 234 (1.1.234)

यदाऽश्रौषं विविधांश्चित्रमार्गान् । गदायुद्धे मण्डलशश्चरन्तम् । मिथ्या हतं वासुदेवस्य बुद्ध्या । तदा नाशंसे विजयाय संजय ॥

yadā'śrauṣaṃ vividhāṃścitramārgān | gadāyuddhe maṇḍalaśaścarantam | mithyā hataṃ vāsudevasya buddhyā | tadā nāśaṃse vijayāya saṃjaya

जब मैंने सुना कि गदा-युद्ध में अनेक विचित्र पैंतरों के साथ मण्डल बाँधकर घूमते मेरे पुत्र को वासुदेव की युक्ति से अन्यायपूर्वक मार गिराया गया, तब, संजय, मुझे विजय की कोई आशा न रही।

श्लोक 235 (1.1.235)

यदाऽश्रौषं द्रोणपुत्रादिभिस्तै- । र्हतान्पञ्चालान्द्रौपदेयांश्च सुप्तान् । कृतं बीभत्समयशस्यं च कर्म । तदा नाशंसे विजयाय संजय ॥

yadā'śrauṣaṃ droṇaputrādibhistai- | rhatānpañcālāndraupadeyāṃśca suptān | kṛtaṃ bībhatsamayaśasyaṃ ca karma | tadā nāśaṃse vijayāya saṃjaya

जब मैंने सुना कि अश्वत्थामा आदि ने सोते हुए पांचालों और द्रौपदी के पुत्रों को मार डाला, जो एक घृणित और अपयश देने वाला कर्म था, तब, संजय, मुझे विजय की कोई आशा न रही।

श्लोक 236 (1.1.236)

यदाऽश्रौषं भीमसेनानुयाते- । नाश्वत्थाम्ना परमास्त्रं प्रयुक्तम् । क्रुद्धेनैषीकमवधीद्येन गर्भं । तदा नाशंसे विजयाय संजय ॥

yadā'śrauṣaṃ bhīmasenānuyāte- | nāśvatthāmnā paramāstraṃ prayuktam | kruddhenaiṣīkamavadhīdyena garbhaṃ | tadā nāśaṃse vijayāya saṃjaya

जब मैंने सुना कि भीमसेन के पीछा करने पर क्रुद्ध अश्वत्थामा ने वह परम अस्त्र ऐषीक छोड़ा, जिससे उसने गर्भ में स्थित शिशु को मार डाला, तब, संजय, मुझे विजय की कोई आशा न रही।

श्लोक 237 (1.1.237)

यदाऽश्रौषं ब्रह्मशिरोऽर्जुनेन । स्वस्तीत्युक्त्वाऽस्त्रमस्त्रेण शान्तम् । अश्वत्थाम्ना मणिरत्नं च दत्तं । तदा नाशंसे विजयाय संजय ॥

yadā'śrauṣaṃ brahmaśiro'rjunena | svastītyuktvā'stramastreṇa śāntam | aśvatthāmnā maṇiratnaṃ ca dattaṃ | tadā nāśaṃse vijayāya saṃjaya

जब मैंने सुना कि अर्जुन ने "स्वस्ति" कहकर अपने अस्त्र से ब्रह्मशिर अस्त्र को शान्त कर दिया और अश्वत्थामा ने अपनी मणि दे दी, तब, संजय, मुझे विजय की कोई आशा न रही।

श्लोक 238 (1.1.238)

यदाऽश्रौषं द्रोणपुत्रेण गर्भे । वैराट्या वै पात्यमाने महास्त्रैः । संजीवयामीति हरेः प्रतिज्ञां । तदा नाशंसे विजयाय संजय ॥

yadā'śrauṣaṃ droṇaputreṇa garbhe | vairāṭyā vai pātyamāne mahāstraiḥ | saṃjīvayāmīti hareḥ pratijñāṃ | tadā nāśaṃse vijayāya saṃjaya

जब मैंने सुना कि अश्वत्थामा के महान अस्त्रों से विराटपुत्री का गर्भ गिराया जा रहा था और श्रीहरि ने प्रतिज्ञा की कि "मैं इसे जीवित कर दूँगा", तब, संजय, मुझे विजय की कोई आशा न रही।

श्लोक 239 (1.1.239)

द्वैपायनः केशवो द्रोणपुत्रं । परस्परेणाभिशापैः शशाप । बुद्ध्वा चाहं बुद्धिहीनोऽद्य सूत । संतप्ये वै पुत्रपौत्रैश्च हीनः ॥

dvaipāyanaḥ keśavo droṇaputraṃ | paraspareṇābhiśāpaiḥ śaśāpa | buddhvā cāhaṃ buddhihīno'dya sūta | saṃtapye vai putrapautraiśca hīnaḥ

द्वैपायन व्यास और केशव ने अश्वत्थामा को शाप दिया, और उनमें परस्पर शाप-प्रतिशाप हुए। हे सूत, यह सब जानकर आज मैं बुद्धिहीन हो गया हूँ और पुत्र-पौत्रों से रहित होकर संताप में जल रहा हूँ।

श्लोक 240 (1.1.240)

शोच्या गान्धारी पुत्रपौत्रैर्विहीना । तथा वध्वः पितृभिर्भ्रातृभिश्च । कृतं कार्यं दुष्करं पाण्डवेयैः । प्राप्तं राज्यमसपत्नं पुनस्तैः ॥

śocyā gāndhārī putrapautrairvihīnā | tathā vadhvaḥ pitṛbhirbhrātṛbhiśca | kṛtaṃ kāryaṃ duṣkaraṃ pāṇḍaveyaiḥ | prāptaṃ rājyamasapatnaṃ punastaiḥ

गान्धारी शोक के योग्य है, जो पुत्रों और पौत्रों से रहित हो गई है; वैसे ही बहुएँ भी, जो पिताओं और भाइयों से रहित हो गई हैं। पाण्डवों ने दुष्कर कार्य कर दिखाया है और फिर से निष्कण्टक राज्य पा लिया है।

श्लोक 241 (1.1.241)

कष्टं युद्धे दश शेषाः श्रुता मे । त्रयोऽस्माकं पाण्डवानां च सप्त । द्व्यूना विंशतिराहताऽक्षौहिणीनां । तस्मिन्सङ्ग्रामे भैरवे क्षत्रियाणाम् ॥

kaṣṭaṃ yuddhe daśa śeṣāḥ śrutā me | trayo'smākaṃ pāṇḍavānāṃ ca sapta | dvyūnā viṃśatirāhatā'kṣauhiṇīnāṃ | tasminsaṅgrāme bhairave kṣatriyāṇām

हाय! मैंने सुना है कि युद्ध के बाद केवल दस ही बचे हैं: तीन हमारे और सात पाण्डवों के। क्षत्रियों के उस भयंकर संग्राम में बीस में दो कम, अर्थात् अठारह अक्षौहिणी सेनाएँ मारी गईं।

श्लोक 242 (1.1.242)

तमस्त्वतीव विस्तीर्णं मोह आविशतीव माम् । संज्ञां नोपलभे सूत मनो विह्वलतीव मे ॥

tamastvatīva vistīrṇaṃ moha āviśatīva mām | saṃjñāṃ nopalabhe sūta mano vihvalatīva me

मानो दूर-दूर तक फैला अन्धकार और मोह मुझमें प्रवेश कर रहा है। हे सूत, मुझे चेत नहीं रहा; मेरा मन व्याकुल-सा हो रहा है।

श्लोक 243 (1.1.243)

इत्युक्त्वा धृतराष्ट्रोऽथ विलप्य बहु दुःखितः । मूर्च्छितः पुनराश्वस्तः संजयं वाक्यमब्रवीत् ॥

ityuktvā dhṛtarāṣṭro'tha vilapya bahu duḥkhitaḥ | mūrcchitaḥ punarāśvastaḥ saṃjayaṃ vākyamabravīt

ऐसा कहकर और अत्यन्त दुःखी होकर बहुत विलाप करने के बाद धृतराष्ट्र मूर्च्छित हो गए। फिर होश में आकर उन्होंने संजय से कहा:

श्लोक 244 (1.1.244)

संजयैवं गते प्राणांस्त्यक्तुमिच्छामि मा चिरम् । स्तोकं ह्यपि न पश्यामि फलं जीवितधारणे ॥

saṃjayaivaṃ gate prāṇāṃstyaktumicchāmi mā ciram | stokaṃ hyapi na paśyāmi phalaṃ jīvitadhāraṇe

संजय, ऐसी स्थिति आ जाने पर मैं बिना विलम्ब प्राण त्याग देना चाहता हूँ। जीवन धारण किए रहने में मुझे तनिक भी लाभ नहीं दिखता।

श्लोक 245 (1.1.245)

तं तथा वादिनं दीनं विलपन्तं महीपतिम् । निःश्वसन्तं यथा नागं मुह्यमानं पुनः पुनः ॥

taṃ tathā vādinaṃ dīnaṃ vilapantaṃ mahīpatim | niḥśvasantaṃ yathā nāgaṃ muhyamānaṃ punaḥ punaḥ

इस प्रकार दीन होकर बोलते, विलाप करते, नाग की तरह लम्बी साँसें लेते और बार-बार मूर्च्छित होते राजा से

श्लोक 246 (1.1.246)

गावल्गणिरिदं धीमान्महार्थं वाक्यमब्रवीत् । श्रुतवानसि वै राजन्महोत्साहान्महाबलान् ॥

gāvalgaṇiridaṃ dhīmānmahārthaṃ vākyamabravīt | śrutavānasi vai rājanmahotsāhānmahābalān

बुद्धिमान गवल्गणपुत्र संजय ने यह गम्भीर अर्थ वाला वचन कहा: हे राजन्, आपने महान उत्साह और महान बल वाले राजाओं के विषय में सुना है,

श्लोक 247 (1.1.247)

द्वैपायनस्य वदतो नारदस्य च धीमतः । महत्सु राजवंशेषु गुणैः समुदितेषु च ॥

dvaipāyanasya vadato nāradasya ca dhīmataḥ | mahatsu rājavaṃśeṣu guṇaiḥ samuditeṣu ca

जिनका वर्णन द्वैपायन व्यास और बुद्धिमान नारद करते रहे हैं; वे राजा, जो सद्गुणों से सम्पन्न महान राजवंशों में जन्मे थे,

श्लोक 248 (1.1.248)

जातान्दिव्यास्त्रविदुषः शक्रप्रतिमतेजसः । धर्मेण पृथिवीं जित्वा यज्ञैरिष्ट्वाप्तदक्षिणैः ॥

jātāndivyāstraviduṣaḥ śakrapratimatejasaḥ | dharmeṇa pṛthivīṃ jitvā yajñairiṣṭvāptadakṣiṇaiḥ

दिव्य अस्त्रों के ज्ञाता और इन्द्र के समान तेजस्वी थे, जिन्होंने धर्म से पृथ्वी को जीता और भरपूर दक्षिणा वाले यज्ञ किए,

श्लोक 249 (1.1.249)

अस्मिँल्लोके यशः प्राप्य ततः कालवशं गतान् । शैब्यं महारथं वीरं सृंजयं जयतां वरम् ॥

asmim̐lloke yaśaḥ prāpya tataḥ kālavaśaṃ gatān | śaibyaṃ mahārathaṃ vīraṃ sṛṃjayaṃ jayatāṃ varam

इस लोक में यश पाया और फिर काल के वश में चले गए: महारथी वीर शैब्य, विजेताओं में श्रेष्ठ सृंजय,

श्लोक 250 (1.1.250)

सुहोत्रं रन्तिदेवं च कक्षीवन्तं तथौशिजम् । बाह्लीकं दमनं चैद्यं शर्यातिमजितं नलम् ॥

suhotraṃ rantidevaṃ ca kakṣīvantaṃ tathauśijam | bāhlīkaṃ damanaṃ caidyaṃ śaryātimajitaṃ nalam

सुहोत्र, रन्तिदेव, उशिज के पुत्र कक्षीवान्, बाह्लीक, दमन, चैद्य, शर्याति, अजित और नल,

श्लोक 251 (1.1.251)

विश्वामित्रममित्रघ्नमम्बरीषं महाबलम् । मरुत्तं मनुमिक्ष्वाकुं गयं भरतमेव च ॥

viśvāmitramamitraghnamambarīṣaṃ mahābalam | maruttaṃ manumikṣvākuṃ gayaṃ bharatameva ca

शत्रुनाशक विश्वामित्र, महाबली अम्बरीष, मरुत्त, मनु, इक्ष्वाकु, गय और भरत,

श्लोक 252 (1.1.252)

रामं दाशरथिं चैव शशबिन्दुं भगीरथम् । कृतवीर्यं महाभागं तथैव जनमेजयम् ॥

rāmaṃ dāśarathiṃ caiva śaśabinduṃ bhagīratham | kṛtavīryaṃ mahābhāgaṃ tathaiva janamejayam

दशरथनन्दन राम, शशबिन्दु, भगीरथ, महाभाग कृतवीर्य और जनमेजय,

श्लोक 253 (1.1.253)

ययातिं शुभकर्माणं देवैर्यो याजितः स्वयम् । चैत्ययूपाङ्किता भूमिर्यस्येयं सवनाकरा ॥

yayātiṃ śubhakarmāṇaṃ devairyo yājitaḥ svayam | caityayūpāṅkitā bhūmiryasyeyaṃ savanākarā

और शुभ कर्म करने वाले ययाति, जिनके लिए स्वयं देवताओं ने यज्ञ किया और जिनकी यह पृथ्वी देवस्थानों और यूपों से चिह्नित होकर यज्ञों की खान बन गई थी।

श्लोक 254 (1.1.254)

इति राज्ञां चतुर्विंशन्नारदेन सुरर्षिणा । पुत्रशोकाभितप्ताय पुरा श्वैत्याय कीर्तितम् ॥

iti rājñāṃ caturviṃśannāradena surarṣiṇā | putraśokābhitaptāya purā śvaityāya kīrtitam

देवर्षि नारद ने प्राचीन काल में पुत्रशोक से संतप्त श्वैत्य को इन चौबीस राजाओं का वृत्तान्त सुनाया था।

श्लोक 255 (1.1.255)

तेभ्यश्चान्ये गताः पूर्वं राजानो बलवत्तराः । महारथा महात्मानः सर्वैः समुदिता गुणैः ॥

tebhyaścānye gatāḥ pūrvaṃ rājāno balavattarāḥ | mahārathā mahātmānaḥ sarvaiḥ samuditā guṇaiḥ

उनसे पहले भी दूसरे, उनसे भी अधिक बलवान राजा हो चुके हैं: महारथी, महात्मा और सब गुणों से सम्पन्न,

श्लोक 256 (1.1.256)

पूरुः कुरुर्यदुः शूरो विष्वगश्वो महाद्युतिः । अणुहो युवनाश्वश्च ककुत्स्थो विक्रमी रघुः ॥

pūruḥ kururyaduḥ śūro viṣvagaśvo mahādyutiḥ | aṇuho yuvanāśvaśca kakutstho vikramī raghuḥ

पूरु, कुरु, यदु, शूर, महातेजस्वी विष्वगश्व, अणुह, युवनाश्व, ककुत्स्थ, पराक्रमी रघु,

श्लोक 257 (1.1.257)

विजयो वीतिहोत्रोऽङ्गो भवः श्वेतो बृहद्गुरुः । उशीनरः शतरथः कङ्को दुलिदुहो द्रुमः ॥

vijayo vītihotro'ṅgo bhavaḥ śveto bṛhadguruḥ | uśīnaraḥ śatarathaḥ kaṅko duliduho drumaḥ

विजय, वीतिहोत्र, अंग, भव, श्वेत, बृहद्गुरु, उशीनर, शतरथ, कंक, दुलिदुह, द्रुम,

श्लोक 258 (1.1.258)

दम्भोद्भवः परो वेनः सगरः संकृतिर्निमिः । अजेयः परशुः पुण्ड्रः शंभुर्देवावृधोऽनघः ॥

dambhodbhavaḥ paro venaḥ sagaraḥ saṃkṛtirnimiḥ | ajeyaḥ paraśuḥ puṇḍraḥ śaṃbhurdevāvṛdho'naghaḥ

दम्भोद्भव, पर, वेन, सगर, संकृति, निमि, अजेय, परशु, पुण्ड्र, शम्भु, निष्पाप देवावृध,

श्लोक 259 (1.1.259)

देवाह्वयः सुप्रतिमः सुप्रतीको बृहद्रथः । महोत्साहो विनीतात्मा सुक्रतुर्नैषधो नलः ॥

devāhvayaḥ supratimaḥ supratīko bṛhadrathaḥ | mahotsāho vinītātmā sukraturnaiṣadho nalaḥ

देवाह्वय, सुप्रतिम, सुप्रतीक, बृहद्रथ, महान उत्साही और विनयी सुक्रतु, निषधराज नल,

श्लोक 260 (1.1.260)

सत्यव्रतः शान्तभयः सुमित्रः सुबलः प्रभुः । जानुजङ्घोऽनरण्योऽर्कः प्रियभृत्यः शुचिव्रतः ॥

satyavrataḥ śāntabhayaḥ sumitraḥ subalaḥ prabhuḥ | jānujaṅgho'naraṇyo'rkaḥ priyabhṛtyaḥ śucivrataḥ

सत्यव्रत, शान्तभय, सुमित्र, प्रभावशाली सुबल, जानुजंघ, अनरण्य, अर्क, प्रियभृत्य, शुचिव्रत,

श्लोक 261 (1.1.261)

बलबन्धुर्निरामर्दः केतुशृङ्गो बृहद्बलः । धृष्टकेतुर्बृहत्केतुर्दीप्तकेतुर्निरामयः ॥

balabandhurnirāmardaḥ ketuśṛṅgo bṛhadbalaḥ | dhṛṣṭaketurbṛhatketurdīptaketurnirāmayaḥ

बलबन्धु, निरामर्द, केतुशृंग, बृहद्बल, धृष्टकेतु, बृहत्केतु, दीप्तकेतु, निरामय,

श्लोक 262 (1.1.262)

अविक्षिच्चपलो धूर्तः कृतबन्धुर्दृढेषुधिः । महापुराणसंभाव्यः प्रत्यङ्गः परहा श्रुतिः ॥

avikṣiccapalo dhūrtaḥ kṛtabandhurdṛḍheṣudhiḥ | mahāpurāṇasaṃbhāvyaḥ pratyaṅgaḥ parahā śrutiḥ

अविक्षित्, चपल, धूर्त, कृतबन्धु, दृढेषुधि, महापुराणसम्भाव्य, प्रत्यंग, परहा और श्रुति।

श्लोक 263 (1.1.263)

एते चान्ये च राजानः शतशोऽथ सहस्रशः । श्रूयन्ते शतशश्चान्ये सङ्ख्याताश्चैव पद्मशः ॥

ete cānye ca rājānaḥ śataśo'tha sahasraśaḥ | śrūyante śataśaścānye saṅkhyātāścaiva padmaśaḥ

ये और दूसरे सैकड़ों-हज़ारों राजा सुने जाते हैं, और भी सैकड़ों, जिनकी गिनती पद्मों में की गई है।

श्लोक 264 (1.1.264)

हित्वा सुविपुलान्भोगान्बुद्धिमन्तो महाबलाः । राजानो निधनं प्राप्तास्तव पुत्रैर्महत्तराः ॥

hitvā suvipulānbhogānbuddhimanto mahābalāḥ | rājāno nidhanaṃ prāptāstava putrairmahattarāḥ

बुद्धिमान और महाबली ये राजा, जो आपके पुत्रों से कहीं बढ़कर थे, अपार भोगों को छोड़कर मृत्यु को प्राप्त हुए।

श्लोक 265 (1.1.265)

येषां दिव्यानि कर्माणि विक्रमस्त्याग एव च । माहात्म्यमपि चास्तिक्यं सत्यं शौचं दयाऽर्जवम् ॥

yeṣāṃ divyāni karmāṇi vikramastyāga eva ca | māhātmyamapi cāstikyaṃ satyaṃ śaucaṃ dayā'rjavam

जिनके दिव्य कर्म, पराक्रम, त्याग, महानता, आस्तिकता, सत्य, पवित्रता, दया और सरलता का

श्लोक 266 (1.1.266)

विद्वद्भिः कथ्यते लोके पुराणैः कविसत्तमैः । सर्वर्द्धिगुणसंपन्नास्ते चापि निधनं गताः ॥

vidvadbhiḥ kathyate loke purāṇaiḥ kavisattamaiḥ | sarvarddhiguṇasaṃpannāste cāpi nidhanaṃ gatāḥ

विद्वान और प्राचीन श्रेष्ठ कवि संसार में बखान करते हैं, समस्त ऐश्वर्य और गुणों से सम्पन्न वे राजा भी मृत्यु को प्राप्त हुए।

श्लोक 267 (1.1.267)

तव पुत्रा दुरात्मानः प्रतप्ताश्चैव मन्युना । लुब्धा दुर्वृत्तभूयिष्ठा न ताञ्छोचितुमर्हसि ॥

tava putrā durātmānaḥ prataptāścaiva manyunā | lubdhā durvṛttabhūyiṣṭhā na tāñchocitumarhasi

आपके पुत्र दुष्ट स्वभाव के थे, क्रोध से जलते रहते थे, लोभी थे और अधिकतर दुराचार में लगे रहते थे। आपको उनके लिए शोक नहीं करना चाहिए।

श्लोक 268 (1.1.268)

श्रुतवानसि मेधावी बुद्धिमान्प्राज्ञसंमतः । येषां शास्त्रानुगा बुद्धिर्न ते मुह्यन्ति भारत ॥

śrutavānasi medhāvī buddhimānprājñasaṃmataḥ | yeṣāṃ śāstrānugā buddhirna te muhyanti bhārata

आप शास्त्रों के ज्ञाता, मेधावी, बुद्धिमान और ज्ञानियों द्वारा सम्मानित हैं। हे भारत, जिनकी बुद्धि शास्त्र के अनुसार चलती है, वे मोह में नहीं पड़ते।

श्लोक 269 (1.1.269)

निग्रहानुग्रहौ चापि विदितौ ते नराधिप । नात्यन्तमेवानुवृत्तिः कार्या ते पुत्ररक्षणे ॥

nigrahānugrahau cāpi viditau te narādhipa | nātyantamevānuvṛttiḥ kāryā te putrarakṣaṇe

हे नरेश, आप दण्ड और अनुग्रह दोनों को जानते हैं। पुत्रों की रक्षा के लिए आपको उनकी हर बात मान लेने की हद तक नहीं जाना चाहिए था।

श्लोक 270 (1.1.270)

भवितव्यं तथा तच्च नानुशोचितुमर्हसि । दैवं पुरुषकारेण को निवर्तितुमर्हति ॥

bhavitavyaṃ tathā tacca nānuśocitumarhasi | daivaṃ puruṣakāreṇa ko nivartitumarhati

जो होना था, वही हुआ; उस पर आपको शोक नहीं करना चाहिए। मनुष्य के पुरुषार्थ से दैव को कौन पलट सकता है?

श्लोक 271 (1.1.271)

विधातृविहितं मार्गं न कश्चिदतिवर्तते । कालमूलमिदं सर्वं भावाभावौ सुखासुखे ॥

vidhātṛvihitaṃ mārgaṃ na kaścidativartate | kālamūlamidaṃ sarvaṃ bhāvābhāvau sukhāsukhe

विधाता के ठहराए मार्ग को कोई नहीं लाँघता। यह सब, होना और न होना, सुख और दुःख, काल पर ही आधारित है।

श्लोक 272 (1.1.272)

कालः सृजति भूतानि कालः संहरते प्रजाः । संहरन्तं प्रजाः कालं कालः शमयते पुनः ॥

kālaḥ sṛjati bhūtāni kālaḥ saṃharate prajāḥ | saṃharantaṃ prajāḥ kālaṃ kālaḥ śamayate punaḥ

काल ही प्राणियों को उत्पन्न करता है, काल ही प्रजा का संहार करता है; और प्रजा का संहार करते काल को फिर काल ही शान्त करता है।

श्लोक 273 (1.1.273)

कालो विकुरुते भावान्सर्वांल्लोके शुभाशुभान् । कालः संक्षिपते सर्वाः प्रजा विसृजते पुनः ॥

kālo vikurute bhāvānsarvāṃlloke śubhāśubhān | kālaḥ saṃkṣipate sarvāḥ prajā visṛjate punaḥ

काल ही संसार के सब शुभ और अशुभ भावों को उत्पन्न करता है। काल ही सारी प्रजा को समेट लेता है और फिर से उसकी सृष्टि करता है।

श्लोक 274 (1.1.274)

कालः सुप्तेषु जागर्ति कालो हि दुरतिक्रमः । कालः सर्वेषु भूतेषु चरत्यविधृतः समः ॥

kālaḥ supteṣu jāgarti kālo hi duratikramaḥ | kālaḥ sarveṣu bhūteṣu caratyavidhṛtaḥ samaḥ

जब सब सोते हैं, तब भी काल जागता है; काल को लाँघना कठिन है। काल सब प्राणियों में बिना रुकावट और समभाव से विचरता है।

श्लोक 275 (1.1.275)

अतीतानागता भावा ये च वर्तन्ति सांप्रतम् । तान्कालनिर्मितान्बुद्ध्वा न संज्ञां हातुमर्हसि ॥

atītānāgatā bhāvā ye ca vartanti sāṃpratam | tānkālanirmitānbuddhvā na saṃjñāṃ hātumarhasi

बीते हुए, आने वाले और इस समय विद्यमान सभी भावों को काल का रचा हुआ जानकर आपको अपना विवेक नहीं खोना चाहिए।

श्लोक 276 (1.1.276)

इत्येवं पुत्रशोकार्तं धृतराष्ट्रं जनेश्वरम् । आश्वास्य स्वस्थमकरोत्सूतो गावल्गणिस्तदा ॥

ityevaṃ putraśokārtaṃ dhṛtarāṣṭraṃ janeśvaram | āśvāsya svasthamakarotsūto gāvalgaṇistadā

इस प्रकार गवल्गणपुत्र सूत संजय ने पुत्रशोक से पीड़ित राजा धृतराष्ट्र को सान्त्वना देकर स्वस्थ किया।

श्लोक 277 (1.1.277)

धृतराष्ट्रोऽपि तच्छ्रुत्वा धृतिमेव समाश्रयत् । दिष्ट्येदमागतमिति मत्त्वा स प्राज्ञसत्तमः ॥

dhṛtarāṣṭro'pi tacchrutvā dhṛtimeva samāśrayat | diṣṭyedamāgatamiti mattvā sa prājñasattamaḥ

धृतराष्ट्र ने भी यह सुनकर धैर्य का आश्रय लिया; बुद्धिमानों में श्रेष्ठ उस राजा ने यह मान लिया कि यह सब दैववश ही हुआ है।

श्लोक 278 (1.1.278)

लोकानां च हितार्थाय कारुण्यान्मुनिसत्तमः । अत्रोपनिषदं पुण्यां कृष्णद्वैपायनोऽब्रवीत् ॥

lokānāṃ ca hitārthāya kāruṇyānmunisattamaḥ | atropaniṣadaṃ puṇyāṃ kṛṣṇadvaipāyano'bravīt

लोकों के हित के लिए करुणावश मुनिश्रेष्ठ कृष्णद्वैपायन ने यहाँ यह पवित्र उपनिषद् कहा है।

श्लोक 279 (1.1.279)

विद्वद्भिः कथ्यते लोके पुराणे कविसत्तमैः । भारताध्ययनं पुण्यमपि पादमधीयतः । श्रद्दधानस्य पूयन्ते सर्वपापान्यशेषतः ॥

vidvadbhiḥ kathyate loke purāṇe kavisattamaiḥ | bhāratādhyayanaṃ puṇyamapi pādamadhīyataḥ | śraddadhānasya pūyante sarvapāpānyaśeṣataḥ

विद्वान और श्रेष्ठ कवि पुराणों में कहते हैं कि महाभारत का अध्ययन पुण्यदायक है; श्रद्धा के साथ इसका एक चौथाई भाग भी पढ़ने वाले के सारे पाप पूरी तरह धुल जाते हैं।

श्लोक 280 (1.1.280)

देवा देवर्षयो ह्यत्र तथा ब्रह्मर्षयोऽमलाः । कीर्त्यन्ते शुभकर्माणस्तथा यक्षा महोरगाः ॥

devā devarṣayo hyatra tathā brahmarṣayo'malāḥ | kīrtyante śubhakarmāṇastathā yakṣā mahoragāḥ

इसमें शुभ कर्म करने वाले देवताओं, देवर्षियों और निर्मल ब्रह्मर्षियों का, तथा यक्षों और महानागों का भी कीर्तन हुआ है।

श्लोक 281 (1.1.281)

भगवान्वासुदेवश्च कीर्त्यतेऽत्र सनातनः । स हि सत्यमृतं चैव पवित्रं पुण्यमेव च ॥

bhagavānvāsudevaśca kīrtyate'tra sanātanaḥ | sa hi satyamṛtaṃ caiva pavitraṃ puṇyameva ca

इसमें सनातन भगवान वासुदेव का भी कीर्तन है। वही सत्य हैं, ऋत हैं, पवित्र और पुण्यस्वरूप हैं;

श्लोक 282 (1.1.282)

शाश्वतं ब्रह्म परमं ध्रुवं ज्योतिः सनातनम् । यस्य दिव्यानि कर्माणि कथयन्ति मनीषिणः ॥

śāśvataṃ brahma paramaṃ dhruvaṃ jyotiḥ sanātanam | yasya divyāni karmāṇi kathayanti manīṣiṇaḥ

वही शाश्वत परब्रह्म, अचल और सनातन ज्योति हैं, जिनके दिव्य कर्मों का मनीषी वर्णन करते हैं;

श्लोक 283 (1.1.283)

असत्सत्सदसच्चैव यस्माद्विश्वं प्रवर्तते । सन्ततिश्च प्रवृत्तिश्च जन्ममृत्युपुनर्भवाः ॥

asatsatsadasaccaiva yasmādviśvaṃ pravartate | santatiśca pravṛttiśca janmamṛtyupunarbhavāḥ

जिनसे यह विश्व प्रवृत्त होता है, असत्, सत् और सदसत्, तथा सन्तति, प्रवृत्ति, जन्म, मृत्यु और पुनर्जन्म।

श्लोक 284 (1.1.284)

अध्यात्मं श्रूयते यत्र पञ्चभूतगुणात्मकम् । अव्यक्तादि परं यच्च स एव परिगीयते ॥

adhyātmaṃ śrūyate yatra pañcabhūtaguṇātmakam | avyaktādi paraṃ yacca sa eva parigīyate

इसमें पाँच महाभूतों के गुणों से बने अध्यात्म का वर्णन सुना जाता है; और अव्यक्त आदि से भी परे जो परम तत्त्व है, उसी का यहाँ गान हुआ है।

श्लोक 285 (1.1.285)

यं ध्यायन्ति सदा मुक्ता ध्यानयोगबलान्विताः । प्रतिबिम्बमिवादर्शे पश्यन्त्यात्मन्यवस्थितम् ॥

yaṃ dhyāyanti sadā muktā dhyānayogabalānvitāḥ | pratibimbamivādarśe paśyantyātmanyavasthitam

मुक्त पुरुष ध्यान और योग के बल से युक्त होकर सदा उन्हीं का ध्यान करते हैं, और दर्पण में प्रतिबिम्ब की भाँति उन्हें अपने भीतर स्थित देखते हैं।

श्लोक 286 (1.1.286)

श्रद्दधानः सदा युक्तः सदा धर्मपरायणः । आसेवन्निममध्यायं नरः पापात्प्रमुच्यते ॥

śraddadhānaḥ sadā yuktaḥ sadā dharmaparāyaṇaḥ | āsevannimamadhyāyaṃ naraḥ pāpātpramucyate

जो मनुष्य श्रद्धावान, सदा संयमी और सदा धर्मपरायण होकर इस अध्याय का सेवन करता है, वह पाप से छूट जाता है।

श्लोक 287 (1.1.287)

अनुक्रमणिकाध्यायं भारतस्येममादितः । आस्तिकः सततं शृण्वन्न कृच्छ्रेष्ववसीदति ॥

anukramaṇikādhyāyaṃ bhāratasyemamāditaḥ | āstikaḥ satataṃ śṛṇvanna kṛcchreṣvavasīdati

जो आस्तिक व्यक्ति महाभारत के इस अनुक्रमणिका अध्याय को आरम्भ से निरन्तर सुनता है, वह संकटों में नहीं डूबता।

श्लोक 288 (1.1.288)

उभे सन्ध्ये जपन्किंचित्सद्यो मुच्येत किल्बिषात् । अनुक्रमण्या यावत्स्यादह्नारात्र्या च संचितम् ॥

ubhe sandhye japankiṃcitsadyo mucyeta kilbiṣāt | anukramaṇyā yāvatsyādahnārātryā ca saṃcitam

जो दोनों सन्ध्याओं में अनुक्रमणी का कुछ भी अंश जपता है, वह दिन और रात में संचित पाप से तुरन्त मुक्त हो जाता है।

श्लोक 289 (1.1.289)

भारतस्य वपुर्ह्येतत्सत्यं चामृतमेव च । नवनीतं यथा दध्नो द्विपदां ब्राह्मणो यथा ॥

bhāratasya vapurhyetatsatyaṃ cāmṛtameva ca | navanītaṃ yathā dadhno dvipadāṃ brāhmaṇo yathā

यह महाभारत का शरीर है, यही उसका सत्य और यही उसका अमृत है। जैसे दही में मक्खन और मनुष्यों में ब्राह्मण,

श्लोक 290 (1.1.290)

आरण्यकं च वेदेभ्य ओषधिभ्योऽमृतं यथा । ह्रदानामुदधिः श्रेष्ठो गौर्वरिष्ठा चतुष्पदाम् ॥

āraṇyakaṃ ca vedebhya oṣadhibhyo'mṛtaṃ yathā | hradānāmudadhiḥ śreṣṭho gaurvariṣṭhā catuṣpadām

जैसे वेदों में आरण्यक, औषधियों में अमृत, जलाशयों में समुद्र श्रेष्ठ है और चौपायों में गाय सर्वोत्तम है,

श्लोक 291 (1.1.291)

यथैतानीतिहासानां तथा भारतमुच्यते । यश्चैनं श्रावयेच्छ्राद्धे ब्राह्मणान्पादमन्ततः ॥

yathaitānītihāsānāṃ tathā bhāratamucyate | yaścainaṃ śrāvayecchrāddhe brāhmaṇānpādamantataḥ

वैसे ही इतिहासों में महाभारत को कहा जाता है। जो श्राद्ध के समय ब्राह्मणों को इसका एक चौथाई भाग भी सुनाता है,

श्लोक 292 (1.1.292)

अक्षय्यमन्नपानं वै पितॄंस्तस्योपतिष्ठते । इतिहासपुराणाभ्यां वेदं समुपबृंहयेत् ॥

akṣayyamannapānaṃ vai pitṝṃstasyopatiṣṭhate | itihāsapurāṇābhyāṃ vedaṃ samupabṛṃhayet

उसके पितरों को अक्षय अन्न और जल प्राप्त होता है। इतिहास और पुराणों के द्वारा वेद का विस्तार करना चाहिए।

श्लोक 293 (1.1.293)

बिभेत्यल्पश्रुताद्वेदो मामयं प्रतरिष्यति । कार्ष्णं वेदमिमं विद्वाञ्श्रावयित्वार्थमश्नुते ॥

bibhetyalpaśrutādvedo māmayaṃ pratariṣyati | kārṣṇaṃ vedamimaṃ vidvāñśrāvayitvārthamaśnute

वेद अल्पज्ञ व्यक्ति से डरता है कि "यह मेरी हानि करेगा।" कृष्णद्वैपायन के इस वेद को दूसरों को सुनाने वाला विद्वान अपना प्रयोजन सिद्ध कर लेता है।

श्लोक 294 (1.1.294)

भ्रूणहत्यादिकं चापि पापं जह्यादसंशयम् । य इमं शुचिरध्यायं पठेत्पर्वणि पर्वणि ॥

bhrūṇahatyādikaṃ cāpi pāpaṃ jahyādasaṃśayam | ya imaṃ śuciradhyāyaṃ paṭhetparvaṇi parvaṇi

निःसन्देह वह भ्रूणहत्या जैसे पाप को भी त्याग देता है। जो पवित्र होकर प्रत्येक पर्व के दिन इस अध्याय का पाठ करता है,

श्लोक 295 (1.1.295)

अधीतं भारतं तेन कृत्स्नं स्यादिति मे मतिः । यश्चैनं शृणुयान्नित्यमार्षं श्रद्धासमन्वितः ॥

adhītaṃ bhārataṃ tena kṛtsnaṃ syāditi me matiḥ | yaścainaṃ śṛṇuyānnityamārṣaṃ śraddhāsamanvitaḥ

मेरा मत है कि उसने सम्पूर्ण महाभारत का अध्ययन कर लिया। और जो ऋषि के रचे इस ग्रन्थ को श्रद्धा के साथ नित्य सुनता है,

श्लोक 296 (1.1.296)

स दीर्घमायुः कीर्तिं च स्वर्गतिं चाप्नुयान्नरः । एकतश्चतुरो वेदा भारतं चैतदेकतः ॥

sa dīrghamāyuḥ kīrtiṃ ca svargatiṃ cāpnuyānnaraḥ | ekataścaturo vedā bhārataṃ caitadekataḥ

वह मनुष्य दीर्घ आयु, कीर्ति और स्वर्ग की प्राप्ति करता है। एक ओर चारों वेद और दूसरी ओर यह महाभारत,

श्लोक 297 (1.1.297)

पुरा किल सुरैः सर्वैः समेत्य तुलया धृतम् । चतुर्भ्यः सरहस्येभ्यो वेदेभ्यो ह्यधिकं यदा ॥

purā kila suraiḥ sarvaiḥ sametya tulayā dhṛtam | caturbhyaḥ sarahasyebhyo vedebhyo hyadhikaṃ yadā

कहते हैं, प्राचीन काल में सब देवताओं ने मिलकर इन्हें तराजू पर तौला; और जब यह रहस्यों सहित चारों वेदों से भी भारी निकला,

श्लोक 298 (1.1.298)

तदाप्रभृति लोकेऽस्मिन्महाभारतमुच्यते । महत्त्वे च गुरुत्वे च ध्रियमाणं यतोऽधिकम् ॥

tadāprabhṛti loke'sminmahābhāratamucyate | mahattve ca gurutve ca dhriyamāṇaṃ yato'dhikam

तभी से इस लोक में इसे महाभारत कहा जाता है, क्योंकि महत्ता और गुरुता में यह उनसे अधिक पाया गया।

श्लोक 299 (1.1.299)

महत्त्वाद्भारवत्त्वाच्च महाभारतमुच्यते । निरुक्तमस्य यो वेद सर्वपापैः प्रमुच्यते ॥

mahattvādbhāravattvācca mahābhāratamucyate | niruktamasya yo veda sarvapāpaiḥ pramucyate

महत्ता और भार के कारण इसे महाभारत कहा जाता है। जो इसके नाम का यह अर्थ जानता है, वह सब पापों से मुक्त हो जाता है।

श्लोक 300 (1.1.300)

तपो नकल्कोऽध्ययनं नकल्कः । स्वाभाविको वेदविधिर्नकल्कः । प्रसह्य वित्ताहरणं नकल्क- । स्तान्येव भावोपहतानि कल्कः ॥

tapo nakalko'dhyayanaṃ nakalkaḥ | svābhāviko vedavidhirnakalkaḥ | prasahya vittāharaṇaṃ nakalka- | stānyeva bhāvopahatāni kalkaḥ

तप पाप नहीं है, अध्ययन पाप नहीं है, स्वभाव के अनुसार वेद-विधि का पालन पाप नहीं है, बलपूर्वक धन प्राप्त करना भी पाप नहीं है; ये ही सब जब दूषित भाव से किए जाते हैं, तब पाप बन जाते हैं।