भीम द्वारा हिडिम्ब का वध

श्लोक 1 (1.166.1)

प्रबुद्धास्ते हिडिम्बाया रूपं दृष्ट्वातिमानुषम् । विस्मिताः पुरुषव्याघ्रा बभूवुः पृथया सह ॥

prabuddhāste hiḍimbāyā rūpaṃ dṛṣṭvātimānuṣam | vismitāḥ puruṣavyāghrā babhūvuḥ pṛthayā saha

जागने पर हिडिम्बा का अलौकिक रूप देखकर वे पुरुषसिंह पाण्डव विस्मित हो गए, और उनके साथ पृथा भी।

श्लोक 2 (1.166.2)

ततः कुन्ती समीक्ष्यैनां विस्मिता रूपसंपदा । उवाच मधुरं वाक्यं सान्त्वपूर्वमिदं शनैः ॥

tataḥ kuntī samīkṣyaināṃ vismitā rūpasaṃpadā | uvāca madhuraṃ vākyaṃ sāntvapūrvamidaṃ śanaiḥ

तब कुन्ती ने उसे ध्यान से देखा और उसके रूप-सौन्दर्य पर चकित होकर धीरे-से मधुर और सान्त्वना भरे वचन कहे —

श्लोक 3 (1.166.3)

कस्य त्वं सुरगर्भाभे कावाऽसि वरवर्णिनि । केन कार्येण संप्राप्ता कुतश्चागमनं तव ॥

kasya tvaṃ suragarbhābhe kāvā'si varavarṇini | kena kāryeṇa saṃprāptā kutaścāgamanaṃ tava

हे देवकन्या-सी कान्ति वाली, तुम किसकी पुत्री हो? हे सुन्दरी, तुम कौन हो? किस काम से यहाँ आई हो, और कहाँ से आई हो?

श्लोक 4 (1.166.4)

यदि वाऽस्य वनस्य त्वं देवता यदि वाऽप्सराः । आचक्ष्व मम तत्सर्वं किमर्थं चेह तिष्ठसि ॥

yadi vā'sya vanasya tvaṃ devatā yadi vā'psarāḥ | ācakṣva mama tatsarvaṃ kimarthaṃ ceha tiṣṭhasi

तुम इस वन की अधिष्ठात्री देवी हो या कोई अप्सरा? मुझे सब कुछ बताओ, और यह भी कि तुम यहाँ क्यों खड़ी हो।

श्लोक 5 (1.166.5)

यदेतत्पश्यसि वनं नीलमेघनिभं महत् । निवासो राक्षसस्यैष हिडिम्बस्य ममैव च ॥

yadetatpaśyasi vanaṃ nīlameghanibhaṃ mahat | nivāso rākṣasasyaiṣa hiḍimbasya mamaiva ca

नीले मेघ के समान श्याम जो यह विशाल वन तुम देख रही हो, यह राक्षस हिडिम्ब का निवास है, और मेरा भी।

श्लोक 6 (1.166.6)

तस्य मां राक्षसेन्द्रस्य भगिनीं विद्धि भामिनि । भ्रात्रा संप्रेषितामार्ये त्वां सपुत्रां जिघांसता ॥

tasya māṃ rākṣasendrasya bhaginīṃ viddhi bhāmini | bhrātrā saṃpreṣitāmārye tvāṃ saputrāṃ jighāṃsatā

हे भामिनि, मुझे उसी राक्षसराज की बहन जानो। हे आर्ये, तुम्हें पुत्रों सहित मार डालने की इच्छा से मेरे भाई ने मुझे यहाँ भेजा था।

श्लोक 7 (1.166.7)

क्रूरबुद्धेरहं तस्य वचनादागता त्विह । अद्राक्षं नवहेमाभं तव पुत्रं महाबलम् ॥

krūrabuddherahaṃ tasya vacanādāgatā tviha | adrākṣaṃ navahemābhaṃ tava putraṃ mahābalam

उस क्रूरबुद्धि के कहने पर मैं यहाँ आई, और मैंने नए सोने-सी कान्ति वाले तुम्हारे महाबली पुत्र को देखा।

श्लोक 8 (1.166.8)

ततोऽहं सर्वभूतानां भावे विचरता शुभे । चोदिता तव पुत्रार्थं मन्मथेन वशानुगा ॥

tato'haṃ sarvabhūtānāṃ bhāve vicaratā śubhe | coditā tava putrārthaṃ manmathena vaśānugā

हे शुभे, तब सब प्राणियों के चित्त में विचरने वाले कामदेव ने मुझे प्रेरित किया, और तुम्हारे पुत्र के लिए मैं उसके वश में हो गई।

श्लोक 9 (1.166.9)

ततो वृतो मया भर्ता तव पुत्रो महाबलः । अपनेतुं च यतितो न चैव शकितो मया ॥

tato vṛto mayā bhartā tava putro mahābalaḥ | apanetuṃ ca yatito na caiva śakito mayā

तब मैंने तुम्हारे महाबली पुत्र को पति के रूप में वर लिया। मैंने उसे यहाँ से ले जाने का प्रयत्न किया, पर ले न जा सकी।

श्लोक 10 (1.166.10)

चिरायमाणां मां ज्ञात्वा ततः स पुरुषादकः । स्वयमेवागतो हन्तुमिमान्सर्वांस्तवात्मजान् ॥

cirāyamāṇāṃ māṃ jñātvā tataḥ sa puruṣādakaḥ | svayamevāgato hantumimānsarvāṃstavātmajān

मुझे देर करते जानकर वह नरभक्षी स्वयं तुम्हारे इन सब पुत्रों को मारने आ पहुँचा।

श्लोक 11 (1.166.11)

स तेन मम कान्तेन तव पुत्रेण धीमता । बलादितो विनिष्पिष्य व्यपनीतो महात्मना ॥

sa tena mama kāntena tava putreṇa dhīmatā | balādito viniṣpiṣya vyapanīto mahātmanā

मेरे प्रियतम, तुम्हारे बुद्धिमान और महात्मा पुत्र ने उसे बलपूर्वक रगड़कर यहाँ से दूर हटा दिया है।

श्लोक 12 (1.166.12)

विकर्षन्तौ महावेगौ गर्जमानौ परस्परम् । पश्यैवं युधि विक्रान्तावेतौ च नरराक्षसौ ॥

vikarṣantau mahāvegau garjamānau parasparam | paśyaivaṃ yudhi vikrāntāvetau ca nararākṣasau

देखो, वे दोनों — मनुष्य और राक्षस — युद्ध में पराक्रम दिखाते हुए बड़े वेग से एक-दूसरे को घसीट रहे हैं और एक-दूसरे पर गरज रहे हैं।

श्लोक 13 (1.166.13)

तस्याः श्रुत्वैव वचनमुत्पपात युधिष्ठिरः । अर्जुनो नकुलश्चैव सहदेवश्च वीर्यवान् ॥

tasyāḥ śrutvaiva vacanamutpapāta yudhiṣṭhiraḥ | arjuno nakulaścaiva sahadevaśca vīryavān

उसकी बात सुनते ही युधिष्ठिर उछलकर उठ खड़े हुए, और अर्जुन, नकुल तथा पराक्रमी सहदेव भी।

श्लोक 14 (1.166.14)

तौ ते ददृशुरासक्तौ विकर्षन्तौ परस्परम् । काङ्क्षमाणौ जयं चैव सिंहाविव बलोत्कटौ ॥

tau te dadṛśurāsaktau vikarṣantau parasparam | kāṅkṣamāṇau jayaṃ caiva siṃhāviva balotkaṭau

उन्होंने देखा कि वे दोनों गुँथे हुए एक-दूसरे को घसीट रहे हैं और बल से उन्मत्त दो सिंहों की भाँति विजय चाहते हैं।

श्लोक 15 (1.166.15)

अथान्योन्यं समाश्लिष्य विकर्षन्तौ पुनःपुनः । दावाग्निधूमसदृशं चक्रतुः पार्थिवं रजः ॥

athānyonyaṃ samāśliṣya vikarṣantau punaḥpunaḥ | dāvāgnidhūmasadṛśaṃ cakratuḥ pārthivaṃ rajaḥ

एक-दूसरे को जकड़कर बार-बार घसीटते हुए उन्होंने दावानल के धुएँ जैसी धूल उड़ा दी।

श्लोक 16 (1.166.16)

वसुधारेणुसंवीतौ वसुधाधरसन्निभौ । बभ्राजतुर्यथा शैलौ नीहारेणाभिसंवृतौ ॥

vasudhāreṇusaṃvītau vasudhādharasannibhau | babhrājaturyathā śailau nīhāreṇābhisaṃvṛtau

धरती की धूल से ढके, पर्वतों जैसे विशाल वे दोनों कोहरे से घिरे दो शिखरों की भाँति दिखाई दे रहे थे।

श्लोक 17 (1.166.17)

राक्षसेन तदा भीमं क्लिश्यमानं निरीक्ष्य च । उवाचेदं वचः पार्थः प्रहसञ्छनकैरिव ॥

rākṣasena tadā bhīmaṃ kliśyamānaṃ nirīkṣya ca | uvācedaṃ vacaḥ pārthaḥ prahasañchanakairiva

राक्षस के हाथों भीम को कष्ट पाते देखकर पृथापुत्र अर्जुन ने धीरे-से मुस्कुराते हुए कहा —

श्लोक 18 (1.166.18)

भीम माभैर्महाबाहो न त्वां बुध्यामहे वयम् । समेतं भीमरूपेण रक्षसा श्रमकर्शिताः ॥

bhīma mābhairmahābāho na tvāṃ budhyāmahe vayam | sametaṃ bhīmarūpeṇa rakṣasā śramakarśitāḥ

हे महाबाहु भीम, डरो मत। थकावट से चूर हम जान ही न पाए कि तुम इस भयानक राक्षस से भिड़ गए हो।

श्लोक 19 (1.166.19)

साहाय्येऽस्मि स्थितः पार्थ पातयिष्यामि राक्षसम् । नकुलः सहदेवश्च मातरं गोपयिष्यतः ॥

sāhāyye'smi sthitaḥ pārtha pātayiṣyāmi rākṣasam | nakulaḥ sahadevaśca mātaraṃ gopayiṣyataḥ

हे पार्थ, मैं तुम्हारी सहायता के लिए खड़ा हूँ; मैं इस राक्षस को गिरा दूँगा। नकुल और सहदेव माता की रक्षा करेंगे।

श्लोक 20 (1.166.20)

उदासीनो निरीक्षस्व न कार्यः संभ्रमस्त्वया । न जात्वयं पुनर्जीवेन्मद्बाह्वन्तरमागतः ॥

udāsīno nirīkṣasva na kāryaḥ saṃbhramastvayā | na jātvayaṃ punarjīvenmadbāhvantaramāgataḥ

तुम तटस्थ रहकर देखते रहो, घबराने की कोई आवश्यकता नहीं। मेरी भुजाओं के बीच आ जाने पर यह फिर कभी जीवित नहीं रहेगा।

श्लोक 21 (1.166.21)

भुजयोरन्तरं प्राप्तो भीमसेनस्य राक्षसः । अमृत्वा पार्थवीर्येण मृतो मा भूदिति ध्वनिः ॥

bhujayorantaraṃ prāpto bhīmasenasya rākṣasaḥ | amṛtvā pārthavīryeṇa mṛto mā bhūditi dhvaniḥ

ऐसी चर्चा कभी न हो कि कोई राक्षस भीमसेन की भुजाओं के बीच आया और पृथापुत्र के पराक्रम के सिवा किसी और कारण से मरा।

श्लोक 22 (1.166.22)

अयमस्मांस्तु नो हन्याज्जातु पार्थ राक्षसः । जीवन्तं न प्रमोक्ष्यामि मा भैषीर्भरतर्षभ ॥

ayamasmāṃstu no hanyājjātu pārtha rākṣasaḥ | jīvantaṃ na pramokṣyāmi mā bhaiṣīrbharatarṣabha

हे पार्थ, यह राक्षस हमें कभी नहीं मार सकेगा। मैं इसे जीवित नहीं छोड़ूँगा। हे भरतश्रेष्ठ, डरो मत।

श्लोक 23 (1.166.23)

पूर्वरात्रे प्रयुक्तोऽसि भीम क्रूरेण रक्षसा । क्षपा व्युष्टा न चेदानीं समाप्तोऽसि महारणम् ॥

pūrvarātre prayukto'si bhīma krūreṇa rakṣasā | kṣapā vyuṣṭā na cedānīṃ samāpto'si mahāraṇam

हे भीम, रात के पहले पहर से तुम इस क्रूर राक्षस से जूझ रहे हो। रात बीत गई, और अब तक तुमने यह महायुद्ध समाप्त नहीं किया।

श्लोक 24 (1.166.24)

किमनेन चिरं भीम जीवता पापरक्षसा । गन्तव्ये न चिरं स्थातुमिह शक्यमरिन्दम ॥

kimanena ciraṃ bhīma jīvatā pāparakṣasā | gantavye na ciraṃ sthātumiha śakyamarindama

हे भीम, इस पापी राक्षस को और देर तक जीवित रखने से क्या लाभ? हे शत्रुदमन, हमें चलना है; यहाँ अधिक देर ठहरा नहीं जा सकता।

श्लोक 25 (1.166.25)

पुरा संरज्यते प्राची पुरा सन्ध्या प्रवर्तते । रौद्रे मुहूर्ते रक्षांसि प्रबलानि भवन्त्युत ॥

purā saṃrajyate prācī purā sandhyā pravartate | raudre muhūrte rakṣāṃsi prabalāni bhavantyuta

पूर्व दिशा के लाल होने से पहले, सन्ध्या के आने से पहले (इसे मार डालो), क्योंकि उस रौद्र मुहूर्त में राक्षस प्रबल हो जाते हैं।

श्लोक 26 (1.166.26)

त्वरस्व भीम मा क्रीड जहि रक्षो विभीषणम् । पुरा विकुरुते मायां भुजयोः सारमर्पय ॥

tvarasva bhīma mā krīḍa jahi rakṣo vibhīṣaṇam | purā vikurute māyāṃ bhujayoḥ sāramarpaya

हे भीम, शीघ्रता करो, खेल मत करो; इस भयंकर राक्षस को मार डालो। इससे पहले कि यह माया रचे, अपनी भुजाओं का पूरा बल लगा दो।

श्लोक 27 (1.166.27)

माहात्म्यमात्मनो वेत्थ नराणां हितकाम्यया । रक्षो जहि यथा शक्रः पुरा वृत्रं महाबलम् ॥

māhātmyamātmano vettha narāṇāṃ hitakāmyayā | rakṣo jahi yathā śakraḥ purā vṛtraṃ mahābalam

तुम अपनी महिमा जानते हो। मनुष्यों के हित के लिए इस राक्षस को वैसे ही मार डालो, जैसे पूर्वकाल में इन्द्र ने महाबली वृत्र को मारा था।

श्लोक 28 (1.166.28)

अथवा मन्यसे भारं त्वमिमं राक्षसं युधि । आतिष्ठे तव साहाय्यं शीघ्रमेव तु हन्यताम् ॥

athavā manyase bhāraṃ tvamimaṃ rākṣasaṃ yudhi | ātiṣṭhe tava sāhāyyaṃ śīghrameva tu hanyatām

अथवा यदि युद्ध में यह राक्षस तुम्हें भारी पड़ रहा हो, तो मैं तुम्हारी सहायता के लिए आता हूँ; इसे शीघ्र ही मार डाला जाए।

श्लोक 29 (1.166.29)

अथवा त्वहमेवैनं हनिष्यामि वृकोदर । कृतकर्मा परिश्रान्तः साधु तावदुपारम ॥

athavā tvahamevainaṃ haniṣyāmi vṛkodara | kṛtakarmā pariśrāntaḥ sādhu tāvadupārama

अथवा हे वृकोदर, मैं ही इसे मार डालूँगा। तुम अपना काम कर चुके हो और थक गए हो; अब थोड़ा विश्राम करो।

श्लोक 30 (1.166.30)

अर्जुनेनैवमुक्तस्तु भीमो रोषाज्ज्वलन्निव । बलमाहारयामास यद्वायोर्जगतः क्षये ॥

arjunenaivamuktastu bhīmo roṣājjvalanniva | balamāhārayāmāsa yadvāyorjagataḥ kṣaye

अर्जुन के ऐसा कहने पर भीम मानो क्रोध से जल उठे, और उन्होंने प्रलयकाल के वायु के समान बल जुटा लिया।

श्लोक 31 (1.166.31)

ततस्तस्याम्बुदाभस्य भीमो रोषात्तु रक्षसः । उत्क्षिप्याभ्रामयद्देहं तूर्णं शतगुणं तदा ॥

tatastasyāmbudābhasya bhīmo roṣāttu rakṣasaḥ | utkṣipyābhrāmayaddehaṃ tūrṇaṃ śataguṇaṃ tadā

तब क्रोध में भरे भीम ने मेघ के समान काले उस राक्षस के शरीर को उठाकर तेज़ी से सौ बार घुमाया।

श्लोक 32 (1.166.32)

इति चोवाच संक्रुद्धो भ्रामयन्राक्षसीं तनुम् । भीमसेनो महाबाहुरभिगर्जन्मुहुर्मुहुः ॥

iti covāca saṃkruddho bhrāmayanrākṣasīṃ tanum | bhīmaseno mahābāhurabhigarjanmuhurmuhuḥ

उस राक्षस के शरीर को घुमाते हुए अत्यन्त क्रुद्ध महाबाहु भीमसेन बार-बार गर्जना करते हुए बोले —

श्लोक 33 (1.166.33)

नरमांसैर्वृथा पुष्टो वृथा वृद्धो वृथामतिः । वृथामरणमर्हस्त्वं वृथाद्य न भविष्यसि ॥

naramāṃsairvṛthā puṣṭo vṛthā vṛddho vṛthāmatiḥ | vṛthāmaraṇamarhastvaṃ vṛthādya na bhaviṣyasi

तू व्यर्थ ही नरमांस से पला, व्यर्थ ही बढ़ा, तेरी बुद्धि भी व्यर्थ है। तू व्यर्थ मृत्यु के ही योग्य है, और आज तू व्यर्थ ही मिट जाएगा।

श्लोक 34 (1.166.34)

क्षेममद्य करिष्यामि यथा वनमकण्टकम् । न पुनर्मानुषान्हत्वा भक्षयिष्यसि राक्षस ॥

kṣemamadya kariṣyāmi yathā vanamakaṇṭakam | na punarmānuṣānhatvā bhakṣayiṣyasi rākṣasa

आज मैं इस वन को निष्कण्टक और सुरक्षित कर दूँगा। हे राक्षस, अब तू फिर कभी मनुष्यों को मारकर नहीं खा सकेगा।

श्लोक 35 (1.166.35)

इत्युक्त्वा भीमसेनस्तं निष्पिष्य धरणीतले । बाहुभ्यामवपीड्याशु पशुमारममारयत् ॥

ityuktvā bhīmasenastaṃ niṣpiṣya dharaṇītale | bāhubhyāmavapīḍyāśu paśumāramamārayat

ऐसा कहकर भीमसेन ने उसे धरती पर पटककर रगड़ डाला, दोनों भुजाओं से कसकर दबाया और पशु की भाँति मार डाला।

श्लोक 36 (1.166.36)

स मार्यमाणो भीमेन ननाद विपुलं स्वनम् । पूरयंस्तद्वनं सर्वं जलार्द्र इव दुन्दुभिः ॥

sa māryamāṇo bhīmena nanāda vipulaṃ svanam | pūrayaṃstadvanaṃ sarvaṃ jalārdra iva dundubhiḥ

भीम के हाथों मारे जाते हुए उसने भयंकर नाद किया, जो पानी से भीगे नगाड़े की तरह सारे वन में भर गया।

श्लोक 37 (1.166.37)

बाहुभ्यां योक्त्रयित्वा तं बलवान्पाण्डुनन्दनः । समुद्भ्राम्य शिरश्चास्य सग्रीवं तदपाहरत् ॥

bāhubhyāṃ yoktrayitvā taṃ balavānpāṇḍunandanaḥ | samudbhrāmya śiraścāsya sagrīvaṃ tadapāharat

बलवान पाण्डुनन्दन ने अपनी भुजाओं से उसे कसकर जकड़ लिया, और घुमाकर गर्दन सहित उसका सिर उखाड़ लिया।

श्लोक 38 (1.166.38)

ततो भित्त्वा शिरश्चास्य सग्रीवं तदुदाक्षिपत् । तस्य निष्कर्णनयनं निर्जिह्वं रुधिरोक्षितम् ॥

tato bhittvā śiraścāsya sagrīvaṃ tadudākṣipat | tasya niṣkarṇanayanaṃ nirjihvaṃ rudhirokṣitam

फिर गर्दन सहित सिर तोड़कर उन्होंने उसे दूर फेंक दिया। कान, आँख और जीभ से रहित, रक्त से लथपथ,

श्लोक 39 (1.166.39)

प्राविद्धं भीमसेनेन शिरो विदशनं बभौ । प्रसारितभुजोद्धृष्टो भिन्नमांसत्वगन्तरः ॥

prāviddhaṃ bhīmasenena śiro vidaśanaṃ babhau | prasāritabhujoddhṛṣṭo bhinnamāṃsatvagantaraḥ

टूटे दाँतों वाला, भीमसेन का फेंका हुआ वह सिर भयानक दिखाई देता था। भुजाएँ फैलाए, अकड़ा हुआ, मांस और त्वचा फटी हुई —

श्लोक 40 (1.166.40)

कबन्धभूतस्तत्रासीद्दनुर्वज्रहतो यथा । हिडिम्बं निहतं दृष्ट्वा संहृष्टास्ते तरस्विनः ॥

kabandhabhūtastatrāsīddanurvajrahato yathā | hiḍimbaṃ nihataṃ dṛṣṭvā saṃhṛṣṭāste tarasvinaḥ

वह वहाँ वज्र से मारे गए दनु की भाँति कबन्ध (सिरहीन धड़) बनकर पड़ा था। हिडिम्ब को मरा हुआ देखकर वे वेगशाली भाई हर्षित हो उठे।

श्लोक 41 (1.166.41)

हिडिम्बा सा च संप्रेक्ष्य निहतं राक्षसं रणे । अदृश्याश्चैव ये स्वस्स्थाः समेताः सर्षिचारणाः ॥

hiḍimbā sā ca saṃprekṣya nihataṃ rākṣasaṃ raṇe | adṛśyāścaiva ye svassthāḥ sametāḥ sarṣicāraṇāḥ

हिडिम्बा ने भी युद्ध में उस राक्षस को मरा हुआ देखा; और स्वर्ग में रहने वाले अदृश्य प्राणी, ऋषियों और चारणों के साथ वहाँ एकत्र होकर,

श्लोक 42 (1.166.42)

पूजयन्ति स्म तं हृष्टाः साधुसाध्विति पाण्डवम् । भ्रातरश्चापि संहृष्टा युधिष्ठिरपुरोगमाः ॥

pūjayanti sma taṃ hṛṣṭāḥ sādhusādhviti pāṇḍavam | bhrātaraścāpi saṃhṛṣṭā yudhiṣṭhirapurogamāḥ

प्रसन्न होकर "साधु, साधु" कहते हुए उस पाण्डव का सम्मान करने लगे। युधिष्ठिर आदि भाई भी हर्ष से भरकर

श्लोक 43 (1.166.43)

अपूजयन्नरव्याघ्रं भीमसेनमरिन्दमम् । अभिपूज्य महात्मानं भीमं भीमपराक्रमम् । पुनरेवार्जुनो वाक्यमुवाचेदं वृकोदरम् ॥

apūjayannaravyāghraṃ bhīmasenamarindamam | abhipūjya mahātmānaṃ bhīmaṃ bhīmaparākramam | punarevārjuno vākyamuvācedaṃ vṛkodaram

शत्रुदमन नरश्रेष्ठ भीमसेन का सम्मान करने लगे। भयंकर पराक्रमी महात्मा भीम का सम्मान करके अर्जुन ने फिर वृकोदर से यह कहा —

श्लोक 44 (1.166.44)

अदूरे नगरं मन्ये वनादस्मादहं विभो । शीघ्रं गच्छाम भद्रं ते न नो विद्यात्सुयोधनः ॥

adūre nagaraṃ manye vanādasmādahaṃ vibho | śīghraṃ gacchāma bhadraṃ te na no vidyātsuyodhanaḥ

हे प्रभु, मेरे विचार से इस वन से थोड़ी ही दूर एक नगर है। तुम्हारा कल्याण हो, हम शीघ्र चलें, जिससे सुयोधन को हमारा पता न चले।

श्लोक 45 (1.166.45)

ततः सर्वे तथेत्युक्त्वा मात्रा सह महारथाः । प्रययुः पुरुषव्याघ्रा हिडिम्बा चैव राक्षसी ॥

tataḥ sarve tathetyuktvā mātrā saha mahārathāḥ | prayayuḥ puruṣavyāghrā hiḍimbā caiva rākṣasī

तब सबने "ऐसा ही हो" कहा, और वे महारथी पुरुषसिंह माता के साथ चल पड़े; राक्षसी हिडिम्बा भी उनके साथ चली।