नागों का निर्णय और बहनों की समुद्र-यात्रा

श्लोक 1 (1.22.1)

नागाश्च संविदं कृत्वा कर्तव्यमिति तद्वचः । निःस्नेहा वै दहेन्माता असंप्राप्तमनोरथा ॥

nāgāśca saṃvidaṃ kṛtvā kartavyamiti tadvacaḥ | niḥsnehā vai dahenmātā asaṃprāptamanorathā

नागों ने आपस में विचार करके निश्चय किया — "उसकी बात माननी चाहिए। मनोरथ पूरा न होने पर स्नेहहीन होकर माता हमें जला सकती है;

श्लोक 2 (1.22.2)

प्रसन्ना मोक्षयेदस्मांस्तस्माच्छापाच्च भामिनी । कृष्णं पुच्छं करिष्यामस्तुरगस्य न संशयः ॥

prasannā mokṣayedasmāṃstasmācchāpācca bhāminī | kṛṣṇaṃ pucchaṃ kariṣyāmasturagasya na saṃśayaḥ

और प्रसन्न होने पर वह भामिनी हमें उस शाप से मुक्त कर सकती है। हम निःसन्देह उस घोड़े की पूँछ काली कर देंगे।"

श्लोक 3 (1.22.3)

इति निश्चित्य ते तस्य कृष्णा वाला इव स्थिताः । एतस्मिन्नन्तरे ते तु सपत्न्यौ पणिते तदा ॥

iti niścitya te tasya kṛṣṇā vālā iva sthitāḥ | etasminnantare te tu sapatnyau paṇite tadā

ऐसा निश्चय करके वे उस पर काले बालों की तरह स्थित हो गए। इसी बीच उन दोनों सौतों ने बाज़ी लगा ली थी।

श्लोक 4 (1.22.4)

ततस्ते पणितं कृत्वा भगिन्यौ द्विजसत्तम । जग्मतुः परया प्रीत्या परं पारं महोदधेः ॥

tataste paṇitaṃ kṛtvā bhaginyau dvijasattama | jagmatuḥ parayā prītyā paraṃ pāraṃ mahodadheḥ

हे द्विजश्रेष्ठ, तब बाज़ी लगाकर वे दोनों बहनें बड़े हर्ष के साथ महासागर के उस पार गईं।

श्लोक 5 (1.22.5)

कद्रूश्च विनता चैव दाक्षायण्यौ विहायसा । आलोकयन्त्यावक्षोभ्यं समुद्रं निधिमम्भसाम् ॥

kadrūśca vinatā caiva dākṣāyaṇyau vihāyasā | ālokayantyāvakṣobhyaṃ samudraṃ nidhimambhasām

दक्ष की पुत्रियाँ कद्रू और विनता आकाश-मार्ग से जाती हुई अक्षोभ्य समुद्र, उस जलनिधि, को देखती रहीं,

श्लोक 6 (1.22.6)

वायुनाऽतीव सहसा क्षोभ्यमाणं महास्वनम् । तिमिंगिलसमाकीर्णं मकरैरावृतं तथा ॥

vāyunā'tīva sahasā kṣobhyamāṇaṃ mahāsvanam | timiṃgilasamākīrṇaṃ makarairāvṛtaṃ tathā

जो वायु से सहसा अत्यन्त क्षुब्ध होकर भारी गर्जना कर रहा था, तिमिंगिलों से भरा और मकरों से ढका हुआ था,

श्लोक 7 (1.22.7)

संयुतं बहुसाहस्रैः सत्त्वैर्नानाविधैरपि । घोरैर्घोरमनाधृष्यं गम्भीरमतिभैरवम् ॥

saṃyutaṃ bahusāhasraiḥ sattvairnānāvidhairapi | ghorairghoramanādhṛṣyaṃ gambhīramatibhairavam

नाना प्रकार के हज़ारों जीवों से युक्त, घोर जीवों के कारण घोर, अजेय, गम्भीर और अत्यन्त भयावह;

श्लोक 8 (1.22.8)

आकरं सर्वरत्नानामालयं वरुणस्य च । नागानामालयं चापि सुरम्यं सरितां पतिम् ॥

ākaraṃ sarvaratnānāmālayaṃ varuṇasya ca | nāgānāmālayaṃ cāpi suramyaṃ saritāṃ patim

समस्त रत्नों की खान, वरुण का निवास, नागों का भी घर, अत्यन्त रमणीय नदीपति;

श्लोक 9 (1.22.9)

पातालज्वलनावासमसुराणां तथालयम् । भयंकराणां सत्त्वानां पयसो निधिमव्ययम् ॥

pātālajvalanāvāsamasurāṇāṃ tathālayam | bhayaṃkarāṇāṃ sattvānāṃ payaso nidhimavyayam

पाताल की अग्नि का आवास और असुरों का भी निवास, भयंकर जीवों से युक्त, जल का अक्षय भण्डार;

श्लोक 10 (1.22.10)

शुभ्रं दिव्यममर्त्यानाममृतस्याकरं परम् । अप्रमेयमचिन्त्यं च सुपुण्यजलसंमितम् ॥

śubhraṃ divyamamartyānāmamṛtasyākaraṃ param | aprameyamacintyaṃ ca supuṇyajalasaṃmitam

उज्ज्वल, दिव्य, देवताओं के अमृत का परम स्रोत, अपरिमेय, अचिन्त्य और अत्यन्त पवित्र जल से परिपूर्ण;

श्लोक 11 (1.22.11)

महानदीभिर्बह्वीभिस्तत्र तत्र सहस्रशः । आपूर्यमाणमत्यर्थं नृत्यन्तमिव चोर्मिभिः ॥

mahānadībhirbahvībhistatra tatra sahasraśaḥ | āpūryamāṇamatyarthaṃ nṛtyantamiva cormibhiḥ

जगह-जगह हज़ारों बड़ी नदियों से अत्यन्त भरता हुआ और लहरों से मानो नाचता हुआ।

श्लोक 12 (1.22.12)

इत्येवं तरलतरोर्मिसंकुलं ते । गम्भीरं विकसितमम्बरप्रकाशम् । पातालज्वलनशिखाविदीपिताङ्गं । गर्जन्तं द्रुतमभिजग्मतुस्ततस्ते ॥

ityevaṃ taralatarormisaṃkulaṃ te | gambhīraṃ vikasitamambaraprakāśam | pātālajvalanaśikhāvidīpitāṅgaṃ | garjantaṃ drutamabhijagmatustataste

इस प्रकार चंचल लहरों से भरे, गहरे, खुले, आकाश के समान प्रकाशमान, पाताल की अग्नि-शिखाओं से दीप्त अंगों वाले उस गर्जते सागर के ऊपर से वे दोनों शीघ्रता से आगे बढ़ गईं।