कद्रू और विनता का समुद्र-दर्शन

श्लोक 1 (1.21.1)

ततो रजन्यां व्युष्टायां प्रभातेऽभ्युदिते रवौ । कद्रूश्च विनता चैव भगिन्यौ ते तपोधन ॥

tato rajanyāṃ vyuṣṭāyāṃ prabhāte'bhyudite ravau | kadrūśca vinatā caiva bhaginyau te tapodhana

हे तपोधन, तब रात बीतने पर, प्रभात में सूर्य के उदय होने पर, वे दोनों बहनें कद्रू और विनता,

श्लोक 2 (1.21.2)

अमर्षिते सुसंरब्धे दास्ये कृतपणे तदा । सागरस्य परं पारं वेलावनविभूषितम् । जग्मतुस्तुरगं द्रष्टुमुच्चैःश्रवसमन्तिकात् ॥

amarṣite susaṃrabdhe dāsye kṛtapaṇe tadā | sāgarasya paraṃ pāraṃ velāvanavibhūṣitam | jagmatusturagaṃ draṣṭumuccaiḥśravasamantikāt

क्रोध और उत्तेजना से भरी हुई, दासता की बाज़ी लगाए हुए, तट के वनों से सुशोभित समुद्र के उस पार उच्चैःश्रवा घोड़े को निकट से देखने गईं।

श्लोक 3 (1.21.3)

ददृशातेऽथ ते तत्र समुद्रं निधिमम्भसाम् । महान्तमुदकागाधं क्षोभ्यमाणं महास्वनम् ॥

dadṛśāte'tha te tatra samudraṃ nidhimambhasām | mahāntamudakāgādhaṃ kṣobhyamāṇaṃ mahāsvanam

वहाँ उन्होंने जल के भण्डार समुद्र को देखा — विशाल, अथाह जल वाला, क्षुब्ध होता हुआ और भारी गर्जना करता हुआ;

श्लोक 4 (1.21.4)

तिमिंगिलझषाकीर्णं मकरैरावृतं तथा । सत्त्वैश्च बहुसाहस्रैर्नानारूपैः समावृतम् ॥

timiṃgilajhaṣākīrṇaṃ makarairāvṛtaṃ tathā | sattvaiśca bahusāhasrairnānārūpaiḥ samāvṛtam

तिमिंगिलों और मछलियों से भरा, मकरों से ढका हुआ, और नाना रूपों वाले हज़ारों जीवों से व्याप्त;

श्लोक 5 (1.21.5)

भीषणैर्विकृतैरन्यैर्घोरैर्जलचरैस्तथा । उग्रैर्नित्यमनाधृष्यं कूर्मग्राहसमाकुलम् ॥

bhīṣaṇairvikṛtairanyairghorairjalacaraistathā | ugrairnityamanādhṛṣyaṃ kūrmagrāhasamākulam

अन्य भयानक, विकृत, घोर और उग्र जलचरों के कारण सदा अजेय, और कछुओं तथा ग्राहों से भरा हुआ;

श्लोक 6 (1.21.6)

आकरं सर्वरत्नानामालयं वरुणस्य च । नागानामालयं रम्यमुत्तमं सरितां पतिम् ॥

ākaraṃ sarvaratnānāmālayaṃ varuṇasya ca | nāgānāmālayaṃ ramyamuttamaṃ saritāṃ patim

समस्त रत्नों की खान, वरुण का निवास, नागों का रमणीय घर, नदियों का श्रेष्ठ स्वामी;

श्लोक 7 (1.21.7)

पातालज्वलनावासमसुराणां च बान्धवम् । भयंकरं च सत्त्वानां पयसां निधिमर्णवम् ॥

pātālajvalanāvāsamasurāṇāṃ ca bāndhavam | bhayaṃkaraṃ ca sattvānāṃ payasāṃ nidhimarṇavam

पाताल की अग्नि का आवास, असुरों का बन्धु, प्राणियों के लिए भयंकर, जलों का निधि सागर;

श्लोक 8 (1.21.8)

शुभं दिव्यममर्त्यानाममृतस्याकरं परम् । अप्रमेयमचिन्त्यं च सुपुण्यजलमद्भुतम् ॥

śubhaṃ divyamamartyānāmamṛtasyākaraṃ param | aprameyamacintyaṃ ca supuṇyajalamadbhutam

शुभ, दिव्य, देवताओं के अमृत का परम स्रोत, अपरिमेय, अचिन्त्य, अत्यन्त पवित्र और अद्भुत जल वाला;

श्लोक 9 (1.21.9)

घोरं जलचरारावरौद्रं भैरवनिःस्वनम् । गम्भीरावर्तकलिलं सर्वभूतभयंकरम् ॥

ghoraṃ jalacarārāvaraudraṃ bhairavaniḥsvanam | gambhīrāvartakalilaṃ sarvabhūtabhayaṃkaram

घोर, जलचरों के कोलाहल से भयावह, भैरव नाद करने वाला, गहरे भँवरों से भरा, सब प्राणियों को भयभीत करने वाला;

श्लोक 10 (1.21.10)

वेलादोलानिलचलं क्षोभोद्वेगसमुच्छ्रितम् । वीचीहस्तैः प्रचलितैर्नृत्यन्तमिव सर्वतः ॥

velādolānilacalaṃ kṣobhodvegasamucchritam | vīcīhastaiḥ pracalitairnṛtyantamiva sarvataḥ

तटों को झुलाने वाली हवाओं से चंचल, क्षोभ और उद्वेग से ऊपर उठता हुआ, लहरों रूपी हिलते हाथों से मानो चारों ओर नाचता हुआ;

श्लोक 11 (1.21.11)

चन्द्रवृद्धिक्षयवशादुद्वृत्तोर्मिसमाकुलम् । पाञ्चजन्यस्य जननं रत्नाकरमनुत्तमम् ॥

candravṛddhikṣayavaśādudvṛttormisamākulam | pāñcajanyasya jananaṃ ratnākaramanuttamam

चन्द्रमा के बढ़ने-घटने के वश उठती लहरों से भरा हुआ; पाञ्चजन्य शंख का जन्मस्थान, अनुपम रत्नाकर;

श्लोक 12 (1.21.12)

गां विन्दता भगवता गोविन्देनामितौजसा । वराहरूपिणा चान्तर्विक्षोभितजलाविलम् ॥

gāṃ vindatā bhagavatā govindenāmitaujasā | varāharūpiṇā cāntarvikṣobhitajalāvilam

जिसका जल भीतर से तब मथकर मटमैला हो गया था जब अमित तेजस्वी भगवान गोविन्द ने वराह रूप धारण कर पृथ्वी को पाया था;

श्लोक 13 (1.21.13)

ब्रह्मर्षिणा व्रतवता वर्षाणां शतमत्रिणा । अनासादितगाधं च पातालतलमव्ययम् ॥

brahmarṣiṇā vratavatā varṣāṇāṃ śatamatriṇā | anāsāditagādhaṃ ca pātālatalamavyayam

जिसका तल व्रतधारी ब्रह्मर्षि अत्रि सौ वर्षों में भी नहीं पा सके; अविनाशी, पाताल के तल तक फैला हुआ;

श्लोक 14 (1.21.14)

अध्यात्मयोगनिद्रां च पद्मनाभस्य सेवतः । युगादिकालशयनं विष्णोरमिततेजसः ॥

adhyātmayoganidrāṃ ca padmanābhasya sevataḥ | yugādikālaśayanaṃ viṣṇoramitatejasaḥ

युग के आरम्भ में अमित तेजस्वी पद्मनाभ विष्णु का शयन-स्थान, जब वे अध्यात्म-योगनिद्रा का सेवन करते हैं;

श्लोक 15 (1.21.15)

वज्रपातनसंत्रस्तमैनाकस्याभयप्रदम् । डिम्बाहवार्दितानां च असुराणां परायणम् ॥

vajrapātanasaṃtrastamainākasyābhayapradam | ḍimbāhavārditānāṃ ca asurāṇāṃ parāyaṇam

वज्र के प्रहार से भयभीत मैनाक को अभय देने वाला; भयंकर युद्ध में पीड़ित असुरों का आश्रय;

श्लोक 16 (1.21.16)

बडवामुखदीप्ताग्नेस्तोयहव्यप्रदं शिवम् । अगाधपारं विस्तीर्णमप्रमेयं सरित्पतिम् ॥

baḍavāmukhadīptāgnestoyahavyapradaṃ śivam | agādhapāraṃ vistīrṇamaprameyaṃ saritpatim

बडवामुख की प्रज्वलित अग्नि को जल की आहुति देने वाला, कल्याणकारी; जिसकी गहराई और पार का अन्त नहीं, ऐसा विस्तृत और अपरिमेय नदीपति।

श्लोक 17 (1.21.17)

महानदीभिर्बह्वीभिः स्पर्धयेव सहस्रशः । अभिसार्यमाणमनिशं ददृशाते महार्णवम् । आपूर्यमाणमत्यर्थं नृत्यमानमिवोर्मिभिः ॥

mahānadībhirbahvībhiḥ spardhayeva sahasraśaḥ | abhisāryamāṇamaniśaṃ dadṛśāte mahārṇavam | āpūryamāṇamatyarthaṃ nṛtyamānamivormibhiḥ

उन्होंने उस महासागर को देखा, जिसकी ओर हज़ारों बड़ी-बड़ी नदियाँ मानो होड़ करती हुई निरन्तर दौड़ी चली आ रही थीं, जो उनसे अत्यन्त भरता जा रहा था और लहरों से मानो नाच रहा था।

श्लोक 18 (1.21.18)

गम्भीरं तिमिमकरोग्रसंकुलं तं । गर्जन्तं जलचररावरौद्रनादैः । विस्तीर्णं ददृशतुरम्बरप्रकाशं । तेऽगाधं निधिमुरुमम्भसामनन्तम् ॥

gambhīraṃ timimakarograsaṃkulaṃ taṃ | garjantaṃ jalacararāvaraudranādaiḥ | vistīrṇaṃ dadṛśaturambaraprakāśaṃ | te'gādhaṃ nidhimurumambhasāmanantam

गहरा, उग्र तिमियों और मकरों से भरा, जलचरों के भयानक नाद से गर्जता हुआ, विस्तृत, आकाश के समान प्रकाशमान, अथाह, विशाल और अनन्त — ऐसे जलनिधि को उन दोनों ने देखा।