नागों के नाम

श्लोक 1 (1.35.1)

भुजङ्गमानां शापस्य मात्रा चैव सुतेन च । विनतायास्त्वया प्रोक्तं कारणं सूतनन्दन ॥

bhujaṅgamānāṃ śāpasya mātrā caiva sutena ca | vinatāyāstvayā proktaṃ kāraṇaṃ sūtanandana

हे सूतनन्दन, आपने माता द्वारा सर्पों को दिए गए शाप का, और पुत्र द्वारा विनता को दिए गए शाप का कारण बता दिया है;

श्लोक 2 (1.35.2)

वरप्रदानं भर्त्रा च कद्रूविनतयोस्तथा । नामनी चैव ते प्रोक्ते पक्षिणोर्वैनतेययोः ॥

varapradānaṃ bhartrā ca kadrūvinatayostathā | nāmanī caiva te prokte pakṣiṇorvainateyayoḥ

पति द्वारा कद्रू और विनता को दिए गए वर भी, और विनता के दोनों पक्षी-पुत्रों के नाम भी आपने बता दिए हैं।

श्लोक 3 (1.35.3)

पन्नगानां तु नामानि न कीर्तयसि सूतज । प्राधान्येनापि नामानि श्रोतुमिच्छामहे वयम् ॥

pannagānāṃ tu nāmāni na kīrtayasi sūtaja | prādhānyenāpi nāmāni śrotumicchāmahe vayam

किन्तु हे सूतपुत्र, आप सर्पों के नाम नहीं बता रहे। हम उनमें से कम-से-कम प्रमुख नागों के नाम सुनना चाहते हैं।

श्लोक 4 (1.35.4)

बहुत्वान्नामधेयानि पन्नगानां तपोधन । न कीर्तयिष्ये सर्वेषां प्राधान्येन तु मे शृणु ॥

bahutvānnāmadheyāni pannagānāṃ tapodhana | na kīrtayiṣye sarveṣāṃ prādhānyena tu me śṛṇu

हे तपोधन, सर्प इतने अधिक हैं कि मैं सबके नाम नहीं गिनाऊँगा; पर प्रमुख नागों के नाम मुझसे सुनिए।

श्लोक 5 (1.35.5)

शेषः प्रथमतो जातो वासुकिस्तदनन्तरम् । ऐरावतस्तक्षकश्च कर्कोटकधनञ्जयौ ॥

śeṣaḥ prathamato jāto vāsukistadanantaram | airāvatastakṣakaśca karkoṭakadhanañjayau

सबसे पहले शेष उत्पन्न हुए, उनके बाद वासुकि; फिर ऐरावत, तक्षक, कर्कोटक और धनंजय;

श्लोक 6 (1.35.6)

कालियो मणिनागश्च नागश्चापूरणस्तथा । नागस्तथा पिञ्जरक एलापत्रोऽथ वामनः ॥

kāliyo maṇināgaśca nāgaścāpūraṇastathā | nāgastathā piñjaraka elāpatro'tha vāmanaḥ

कालिय, मणिनाग और नाग आपूरण; नाग पिंजरक, एलापत्र और वामन;

श्लोक 7 (1.35.7)

नीलानीलौ तथा नागौ कल्माषशबलौ तथा । आर्यकश्चोग्रकश्चैव नागः कलशपोतकः ॥

nīlānīlau tathā nāgau kalmāṣaśabalau tathā | āryakaścograkaścaiva nāgaḥ kalaśapotakaḥ

नील और अनील नाग, कल्माष और शबल, आर्यक और उग्रक, तथा नाग कलशपोतक;

श्लोक 8 (1.35.8)

सुमनाख्यो दधिमुखस्तथा विमलपिण्डकः । आप्तः कोटरकश्चैव शङ्खो वालिशिखस्तथा ॥

sumanākhyo dadhimukhastathā vimalapiṇḍakaḥ | āptaḥ koṭarakaścaiva śaṅkho vāliśikhastathā

सुमन, दधिमुख और विमलपिण्डक; आप्त, कोटरक, शंख और वालिशिख;

श्लोक 9 (1.35.9)

निष्टानको हेमगुहो नहुषः पिङ्गलस्तथा । बाह्यकर्णो हस्तिपदस्तथा मुद्गरपिण्डकः ॥

niṣṭānako hemaguho nahuṣaḥ piṅgalastathā | bāhyakarṇo hastipadastathā mudgarapiṇḍakaḥ

निष्टानक, हेमगुह, नहुष और पिंगल; बाह्यकर्ण, हस्तिपद और मुद्गरपिण्डक;

श्लोक 10 (1.35.10)

कम्बलाश्वतरौ चापि नागः कालीयकस्तथा । वृत्तसंवर्तकौ नागौ द्वौ च पद्माविति श्रुतौ ॥

kambalāśvatarau cāpi nāgaḥ kālīyakastathā | vṛttasaṃvartakau nāgau dvau ca padmāviti śrutau

कम्बल और अश्वतर, तथा नाग कालीयक; वृत्त और संवर्तक नाग, और "पद्म" नाम से प्रसिद्ध दो नाग;

श्लोक 11 (1.35.11)

नागः शङ्खमुखश्चैव तथा कूष्माण्डकोऽपरः । क्षेमकश्च तथा नागो नागः पिण्डारकस्तथा ॥

nāgaḥ śaṅkhamukhaścaiva tathā kūṣmāṇḍako'paraḥ | kṣemakaśca tathā nāgo nāgaḥ piṇḍārakastathā

नाग शंखमुख और दूसरा कूष्माण्डक; नाग क्षेमक और नाग पिण्डारक;

श्लोक 12 (1.35.12)

करवीरः पुष्पदंष्ट्रो बिल्वको बिल्वपाण्डुरः । मूषकादः शङ्खशिराः पूर्णभद्रो हरिद्रकः ॥

karavīraḥ puṣpadaṃṣṭro bilvako bilvapāṇḍuraḥ | mūṣakādaḥ śaṅkhaśirāḥ pūrṇabhadro haridrakaḥ

करवीर, पुष्पदंष्ट्र, बिल्वक और बिल्वपाण्डुर; मूषकाद, शंखशिरा, पूर्णभद्र और हरिद्रक;

श्लोक 13 (1.35.13)

अपराजितो ज्योतिकश्च पन्नगः श्रीवहस्तथा । कौरव्यो धृतराष्ट्रश्च शङ्खपिण्डश्च वीर्यवान् ॥

aparājito jyotikaśca pannagaḥ śrīvahastathā | kauravyo dhṛtarāṣṭraśca śaṅkhapiṇḍaśca vīryavān

अपराजित, ज्योतिक और नाग श्रीवह; कौरव्य, धृतराष्ट्र और पराक्रमी शंखपिण्ड;

श्लोक 14 (1.35.14)

विरजाश्च सुबाहुश्च शालिपिण्डश्च वीर्यवान् । हस्तिपिण्डः पिठरकः सुमुखः कौणपाशनः ॥

virajāśca subāhuśca śālipiṇḍaśca vīryavān | hastipiṇḍaḥ piṭharakaḥ sumukhaḥ kauṇapāśanaḥ

विरजा, सुबाहु और पराक्रमी शालिपिण्ड; हस्तिपिण्ड, पिठरक, सुमुख और कौणपाशन;

श्लोक 15 (1.35.15)

कुठरः कुञ्जरश्चैव तथा नागः प्रभाकरः । कुमुदः कुमुदाक्षश्च तित्तिरिर्हलिकस्तथा ॥

kuṭharaḥ kuñjaraścaiva tathā nāgaḥ prabhākaraḥ | kumudaḥ kumudākṣaśca tittirirhalikastathā

कुठर और कुंजर, तथा नाग प्रभाकर; कुमुद और कुमुदाक्ष, तित्तिरि और हलिक;

श्लोक 16 (1.35.16)

कर्दमश्च महानागो नागश्च बहुमूलकः । कर्कराकर्करौ नागौ कुण्डोदरमहोदरौ ॥

kardamaśca mahānāgo nāgaśca bahumūlakaḥ | karkarākarkarau nāgau kuṇḍodaramahodarau

महानाग कर्दम और नाग बहुमूलक; कर्कर और अकर्कर नाग, तथा कुण्डोदर और महोदर।

श्लोक 17 (1.35.17)

एते प्राधान्यतो नागाः कीर्तिता द्विजसत्तम । बहुत्वान्नामधेयानामितरे नानुकीर्तिताः ॥

ete prādhānyato nāgāḥ kīrtitā dvijasattama | bahutvānnāmadheyānāmitare nānukīrtitāḥ

हे द्विजश्रेष्ठ, ये प्रमुख नाग मैंने गिनाए हैं। नाम बहुत अधिक होने के कारण शेष नागों का वर्णन नहीं किया गया।

श्लोक 18 (1.35.18)

एतेषां प्रसवो यश्च प्रसवस्य च संततिः । असङ्ख्येयेति मत्वा तान्न ब्रवीमि तपोधन ॥

eteṣāṃ prasavo yaśca prasavasya ca saṃtatiḥ | asaṅkhyeyeti matvā tānna bravīmi tapodhana

हे तपोधन, इनकी सन्तानें और उन सन्तानों की आगे की परम्परा असंख्य है; यह जानकर मैं उनके नाम नहीं बताता।

श्लोक 19 (1.35.19)

बहूनीह सहस्राणि प्रयुतान्यर्बुदानि च । अशक्यान्येव सङ्ख्यातुं पन्नगानां तपोधन ॥

bahūnīha sahasrāṇi prayutānyarbudāni ca | aśakyānyeva saṅkhyātuṃ pannagānāṃ tapodhana

हे तपोधन, इस संसार में सर्प अनेक हज़ार, लाखों और करोड़ों हैं; उनकी गणना करना सम्भव ही नहीं है।