गौतम और इन्द्र: लोक-लोकान्तर और लौटाया गया हाथी

श्लोक 1 (13.159.1)

एको लोकस्तु कृतिनां स्वर्गे लोके पितामह । उत तत्रापि नानात्वं सर्वं ब्रूहि पितामह ॥

eko lokastu kṛtināṃ svarge loke pitāmaha | uta tatrāpi nānātvaṃ sarvaṃ brūhi pitāmaha

पितामह, क्या स्वर्गलोक में पुण्यात्माओं के लिए एक ही लोक है, या वहाँ भी भेद है? पितामह, मुझे यह सब बताइए।

श्लोक 2 (13.159.2)

कर्मभिः पार्थ नानात्वं लोकानां यान्ति मानवाः । पुण्यान्पुण्यकृतो यान्ति पापान्पापकृतो नराः ॥

karmabhiḥ pārtha nānātvaṃ lokānāṃ yānti mānavāḥ | puṇyānpuṇyakṛto yānti pāpānpāpakṛto narāḥ

हे पार्थ, मनुष्य अपने कर्मों के अनुसार भिन्न-भिन्न लोकों में जाते हैं: पुण्य करने वाले पुण्य लोकों में और पाप करने वाले पाप लोकों में।

श्लोक 3 (13.159.3)

अत्राप्युदाहरन्तीममितिहासं पुरातनम् । गौतमस्य मुनेस्तात संवादं वासवस्य च ॥

atrāpyudāharantīmamitihāsaṃ purātanam | gautamasya munestāta saṃvādaṃ vāsavasya ca

तात, इस विषय में लोग एक प्राचीन इतिहास सुनाते हैं: मुनि गौतम और इन्द्र का संवाद।

श्लोक 4 (13.159.4)

ब्राह्मणो गौतमः कश्चिन्मृदुर्दान्तो जितेन्द्रियः । महावने हस्तिशिशुं परिद्यूनममातृकम् ॥

brāhmaṇo gautamaḥ kaścinmṛdurdānto jitendriyaḥ | mahāvane hastiśiśuṃ paridyūnamamātṛkam

गौतम नाम के एक ब्राह्मण थे, कोमल स्वभाव के, संयमी और जितेन्द्रिय। महावन में उन्हें एक दुखी, मातृहीन हाथी का बच्चा मिला।

श्लोक 5 (13.159.5)

तं दृष्ट्वा जीवयामास सानुक्रोशो धृतव्रतः । स तु दीर्घेण कालेन बभूवातिबलो महान् ॥

taṃ dṛṣṭvā jīvayāmāsa sānukrośo dhṛtavrataḥ | sa tu dīrgheṇa kālena babhūvātibalo mahān

उसे देखकर दयालु और दृढ़व्रती गौतम ने उसे जिला लिया। बहुत समय बीतने पर वह विशाल और अत्यन्त बलवान् हो गया।

श्लोक 6 (13.159.6)

तं प्रपन्नं महादीर्घं प्रभूतं सर्वतोमदम् । धृतराष्ट्रस्वरूपेण शक्रो जग्राह हस्तिनम् ॥

taṃ prapannaṃ mahādīrghaṃ prabhūtaṃ sarvatomadam | dhṛtarāṣṭrasvarūpeṇa śakro jagrāha hastinam

वह हाथी अत्यन्त ऊँचा और विशाल हो गया था और उसके चारों ओर से मद बह रहा था; धृतराष्ट्र का रूप धारण करके इन्द्र ने उसे पकड़ लिया।

श्लोक 7 (13.159.7)

ह्रियमाणं तु तं दृष्ट्वा गौतमः संशितव्रतः । अभ्यभाषत राजानं धृतराष्ट्रं महातपाः ॥

hriyamāṇaṃ tu taṃ dṛṣṭvā gautamaḥ saṃśitavrataḥ | abhyabhāṣata rājānaṃ dhṛtarāṣṭraṃ mahātapāḥ

हाथी को ले जाया जाता देखकर कठोर व्रत वाले महातपस्वी गौतम ने राजा धृतराष्ट्र से कहा।

श्लोक 8 (13.159.8)

मा मे हार्षीर्हस्तिनं पुत्रमेनं । दुःखात्पुष्टं धृतराष्ट्राकृतज्ञ । मैत्रं सतां सप्तपदं वदन्ति । मित्रद्रोहो नेह राजन्स्पृशेत्त्वाम् ॥

mā me hārṣīrhastinaṃ putramenaṃ | duḥkhātpuṣṭaṃ dhṛtarāṣṭrākṛtajña | maitraṃ satāṃ saptapadaṃ vadanti | mitradroho neha rājanspṛśettvām

"धृतराष्ट्र, कृतघ्न मत बनो; दुःख से पाले हुए मेरे इस पुत्र-समान हाथी को मुझसे मत छीनो। सज्जन कहते हैं कि सात पग साथ चलने से मित्रता होती है; हे राजन्, मित्रद्रोह का पाप तुम्हें यहाँ न छुए।"

श्लोक 9 (13.159.9)

इध्मोदकप्रदातारं शून्यपालं ममाश्रमे । विनीतमाचार्यकुले सुयुक्तं गुरुकर्मणि ॥

idhmodakapradātāraṃ śūnyapālaṃ mamāśrame | vinītamācāryakule suyuktaṃ gurukarmaṇi

"यह मेरे लिए समिधा और जल लाता था, मेरे आश्रम के सूने होने पर उसकी रखवाली करता था, गुरुकुल की तरह विनीत था और गुरु के कामों में भली-भाँति लगा रहता था।"

श्लोक 10 (13.159.10)

शिष्टं दान्तं कृतज्ञं च प्रियं च सततं मम । न मे विक्रोशतो राजन्हर्तुमर्हसि कुञ्जरम् ॥

śiṣṭaṃ dāntaṃ kṛtajñaṃ ca priyaṃ ca satataṃ mama | na me vikrośato rājanhartumarhasi kuñjaram

"आज्ञाकारी, संयमी, कृतज्ञ और मुझे सदा प्रिय है; राजन्, मेरे चिल्लाते रहने पर भी आपको इस हाथी को ले जाना उचित नहीं।"

श्लोक 11 (13.159.11)

गवां सहस्रं भवते ददानि । शतानि निष्कस्य ददानि पञ्च । अन्यच्च वित्तं विविधं महर्षे । किं ब्राह्मणस्येह गजेन कृत्यम् ॥

gavāṃ sahasraṃ bhavate dadāni | śatāni niṣkasya dadāni pañca | anyacca vittaṃ vividhaṃ maharṣe | kiṃ brāhmaṇasyeha gajena kṛtyam

"महर्षि, मैं आपको एक हजार गायें, पाँच सौ निष्क और अनेक प्रकार का दूसरा धन दूँगा। ब्राह्मण को हाथी से क्या काम?"

श्लोक 12 (13.159.12)

तवैव गावो हि भवन्तु राज- । न्दास्यः सनिष्का विविधं च रत्नम् । अन्यच्च वित्तं विविधं नरेन्द्र । किं ब्राह्मणस्येह धनेन कृत्यम् ॥

tavaiva gāvo hi bhavantu rāja- | ndāsyaḥ saniṣkā vividhaṃ ca ratnam | anyacca vittaṃ vividhaṃ narendra | kiṃ brāhmaṇasyeha dhanena kṛtyam

"राजन्, गायें आप ही के पास रहें, सोने के गहनों वाली दासियाँ और अनेक रत्न भी, और हे नरेन्द्र, दूसरा नाना प्रकार का धन भी। ब्राह्मण को यहाँ धन से क्या काम?"

श्लोक 13 (13.159.13)

ब्राह्मणानां हस्तिभिर्नास्ति कृत्यं । राजन्यानां नागकुलानि विप्र । स्वं वाहनं नयतो नास्त्यधर्मो । नागश्रेष्ठं गौतमास्मान्निवर्त ॥

brāhmaṇānāṃ hastibhirnāsti kṛtyaṃ | rājanyānāṃ nāgakulāni vipra | svaṃ vāhanaṃ nayato nāstyadharmo | nāgaśreṣṭhaṃ gautamāsmānnivarta

"ब्राह्मणों के लिए हाथियों का कोई उपयोग नहीं; हे विप्र, हाथियों के झुंड तो राजाओं के होते हैं। अपना वाहन ले जाने में कोई अधर्म नहीं है। गौतम, इस श्रेष्ठ हाथी को छोड़कर हमसे लौट जाइए।"

श्लोक 14 (13.159.14)

यत्र प्रेतो नन्दति पुण्यकर्मा । यत्र प्रेतः शोचते पापकर्मा । वैवस्वतस्य सदने महात्मन- । स्तत्र त्वाऽहं हस्तिनं यातयिष्ये ॥

yatra preto nandati puṇyakarmā | yatra pretaḥ śocate pāpakarmā | vaivasvatasya sadane mahātmana- | statra tvā'haṃ hastinaṃ yātayiṣye

"जहाँ पुण्यकर्मा मृतक आनन्द पाता है और जहाँ पापकर्मा मृतक शोक करता है, उन महात्मा वैवस्वत यम के भवन में मैं तुमसे हाथी वापस लूँगा।"

श्लोक 15 (13.159.15)

ये निष्क्रिया नास्तिका अश्रद्दधानाः । पापात्मान इन्द्रियार्थे निसृष्टाः । यमस्य ते यातनां प्राप्नुवन्ति । परं गन्ता धृतराष्ट्रो न तत्र ॥

ye niṣkriyā nāstikā aśraddadhānāḥ | pāpātmāna indriyārthe nisṛṣṭāḥ | yamasya te yātanāṃ prāpnuvanti | paraṃ gantā dhṛtarāṣṭro na tatra

"जो कर्महीन, नास्तिक, श्रद्धाहीन, पापात्मा और विषयों में डूबे हुए हैं, वे यम की यातना पाते हैं। धृतराष्ट्र उस स्थान पर नहीं जाएगा।"

श्लोक 16 (13.159.16)

वैवस्वती संयमनी जनानां । यत्रानृतं नोच्यते यत्र सत्यम् । यत्रांबलान्बलिनो घातयन्ति । तत्र त्वाऽहं हस्तिनं यातयिष्ये ॥

vaivasvatī saṃyamanī janānāṃ | yatrānṛtaṃ nocyate yatra satyam | yatrāṃbalānbalino ghātayanti | tatra tvā'haṃ hastinaṃ yātayiṣye

"प्राणियों की वैवस्वती संयमनी पुरी, जहाँ झूठ नहीं बोला जाता और जहाँ सत्य है, जहाँ बलवान् निर्बलों को मरवाते हैं: वहाँ मैं तुमसे हाथी वापस लूँगा।"

श्लोक 17 (13.159.17)

ज्येष्ठां स्वसारं पितरं मातरं च । गुरून्यथाऽमानयन्तश्चरन्ति । तथाविधानामेष लोको महर्षे । परं गन्ता धृतराष्ट्रो न तत्र ॥

jyeṣṭhāṃ svasāraṃ pitaraṃ mātaraṃ ca | gurūnyathā'mānayantaścaranti | tathāvidhānāmeṣa loko maharṣe | paraṃ gantā dhṛtarāṣṭro na tatra

"जो बड़ी बहन, पिता, माता और गुरुजनों का यथोचित सम्मान न करते हुए जीवन बिताते हैं, महर्षि, यह लोक उन्हीं जैसों के लिए है। धृतराष्ट्र उस स्थान पर नहीं जाएगा।"

श्लोक 18 (13.159.18)

मन्दाकिनी वैश्रवणस्य राज्ञो । महाभागा भोगिजनप्रवेश्या । गन्धर्वयक्षैरप्सरोभिश्च जुष्टा । तत्र त्वाऽहं हस्तिनं यातयिष्ये ॥

mandākinī vaiśravaṇasya rājño | mahābhāgā bhogijanapraveśyā | gandharvayakṣairapsarobhiśca juṣṭā | tatra tvā'haṃ hastinaṃ yātayiṣye

"राजा वैश्रवण की मन्दाकिनी, महान् महिमा वाली, जिसमें नागजन प्रवेश कर सकते हैं और जिसका सेवन गन्धर्व, यक्ष और अप्सराएँ करते हैं: वहाँ मैं तुमसे हाथी वापस लूँगा।"

श्लोक 19 (13.159.19)

अतिथिव्रताः सुव्रता ये जना वै । प्रतिश्रयं ददति ब्राह्मणेभ्यः । शिष्टाशिनः संविभज्याश्रितेभ्यो । मन्दाकिनीं तेऽपि हि भूषयन्ति ॥

atithivratāḥ suvratā ye janā vai | pratiśrayaṃ dadati brāhmaṇebhyaḥ | śiṣṭāśinaḥ saṃvibhajyāśritebhyo | mandākinīṃ te'pi hi bhūṣayanti

"जो अतिथि-सेवा का व्रत रखने वाले, उत्तम व्रतों वाले लोग ब्राह्मणों को आश्रय देते हैं और आश्रितों को बाँटकर बचा हुआ खाते हैं, वे भी मन्दाकिनी की शोभा बढ़ाते हैं।"

श्लोक 20 (13.159.20)

मेरोरग्रे यद्वनं भाति रम्यं । सुपुष्पितं किन्नरीगीतजुष्टम् । सुदर्शना यत्र जम्बूर्विशाला । तत्र त्वाऽहं हस्तिनं यातयिष्ये ॥

meroragre yadvanaṃ bhāti ramyaṃ | supuṣpitaṃ kinnarīgītajuṣṭam | sudarśanā yatra jambūrviśālā | tatra tvā'haṃ hastinaṃ yātayiṣye

"मेरु के शिखर पर जो सुन्दर, फूलों से भरा वन शोभित है, जिसमें किन्नरियों के गीत गूँजते हैं और जहाँ विशाल सुदर्शन जम्बूवृक्ष है: वहाँ मैं तुमसे हाथी वापस लूँगा।"

श्लोक 21 (13.159.21)

ये ब्राह्मणा मृदवः सत्यशीला । बहुश्रुताः सर्वभूताभिरामाः । येऽधीयते सेतिहासं पुराणं । मध्वाहुत्या जुह्वति वै द्विजेभ्यः ॥

ye brāhmaṇā mṛdavaḥ satyaśīlā | bahuśrutāḥ sarvabhūtābhirāmāḥ | ye'dhīyate setihāsaṃ purāṇaṃ | madhvāhutyā juhvati vai dvijebhyaḥ

"जो ब्राह्मण कोमल, सत्यशील, बहुश्रुत और सब प्राणियों को आनन्द देने वाले हैं, जो इतिहास और पुराण का अध्ययन करते हैं और ब्राह्मणों के लिए मधु की आहुति देते हैं,"

श्लोक 22 (13.159.22)

तथाविधानामेष लोको महर्षे । परं गन्ता धृतराष्ट्रो न तत्र । यदन्यत्ते विदितं स्थानमस्ति । तद्ब्रूहि त्वं त्वरितो ह्येष यामि ॥

tathāvidhānāmeṣa loko maharṣe | paraṃ gantā dhṛtarāṣṭro na tatra | yadanyatte viditaṃ sthānamasti | tadbrūhi tvaṃ tvarito hyeṣa yāmi

"महर्षि, यह लोक उन्हीं जैसों के लिए है। धृतराष्ट्र उस स्थान पर नहीं जाएगा। यदि आप किसी और स्थान को जानते हैं तो बताइए, क्योंकि मैं जल्दी में जा रहा हूँ।"

श्लोक 23 (13.159.23)

सुपुष्पितं किंनरराजजुष्टं । प्रियं वनं नन्दनं नारदस्य । गन्धर्वाणामप्सरसां च सद्म । तत्र त्वाऽहं हस्तिनं यातयिष्ये ॥

supuṣpitaṃ kiṃnararājajuṣṭaṃ | priyaṃ vanaṃ nandanaṃ nāradasya | gandharvāṇāmapsarasāṃ ca sadma | tatra tvā'haṃ hastinaṃ yātayiṣye

"फूलों से भरा, किन्नरराज से सेवित, नारद को प्रिय नन्दन वन, जो गन्धर्वों और अप्सराओं का निवास है: वहाँ मैं तुमसे हाथी वापस लूँगा।"

श्लोक 24 (13.159.24)

ये नृत्यगीते कुशला जनाः सदा । देवात्मानः प्रियकामाश्चरन्ति । तथाविधानामेष लोको महर्षे । परं गन्ता धृतराष्ट्रो न तत्र ॥

ye nṛtyagīte kuśalā janāḥ sadā | devātmānaḥ priyakāmāścaranti | tathāvidhānāmeṣa loko maharṣe | paraṃ gantā dhṛtarāṣṭro na tatra

"जो लोग सदा नृत्य और गीत में कुशल, देवतुल्य स्वभाव वाले और प्रिय कार्यों में लगे हुए विचरते हैं,"

श्लोक 25 (13.159.25)

यत्रोत्तराः कुरवो भान्ति रम्या । देवैः सार्धं मोदमाना नरेन्द्र । यत्राग्नियौनाश्च वसन्ति विप्रा । अब्योनयः पर्वतयोनयश्च ॥

yatrottarāḥ kuravo bhānti ramyā | devaiḥ sārdhaṃ modamānā narendra | yatrāgniyaunāśca vasanti viprā | abyonayaḥ parvatayonayaśca

"जहाँ रमणीय उत्तर कुरु देवताओं के साथ आनन्द मनाते हुए शोभित हैं, हे नरेन्द्र, और जहाँ अग्नि से उत्पन्न, जल से उत्पन्न और पर्वतों से उत्पन्न ब्राह्मण रहते हैं;"

श्लोक 26 (13.159.26)

यत्र शक्रो वर्षति सर्वकामा- । न्यत्र स्त्रियः कामचारा भवन्ति । यत्र चेर्ष्या नास्ति नारीनराणां । तत्र त्वाऽहं हस्तिनं यातयिष्ये ॥

yatra śakro varṣati sarvakāmā- | nyatra striyaḥ kāmacārā bhavanti | yatra cerṣyā nāsti nārīnarāṇāṃ | tatra tvā'haṃ hastinaṃ yātayiṣye

"जहाँ इन्द्र सब कामनाओं की वर्षा करते हैं, जहाँ स्त्रियाँ स्वेच्छा से विचरती हैं और जहाँ स्त्री-पुरुषों में ईर्ष्या नहीं है: वहाँ मैं तुमसे हाथी वापस लूँगा।"

श्लोक 27 (13.159.27)

ये सर्वभूतेषु निवृत्तकामा । अमांसादा न्यस्तदण्डाश्चरन्ति । न हिंसन्ति स्थावरं जङ्गमानि । भूतानां ये सर्वभूतात्मभूताः ॥

ye sarvabhūteṣu nivṛttakāmā | amāṃsādā nyastadaṇḍāścaranti | na hiṃsanti sthāvaraṃ jaṅgamāni | bhūtānāṃ ye sarvabhūtātmabhūtāḥ

"जो सब प्राणियों के प्रति कामना से निवृत्त हैं, मांस नहीं खाते, दण्ड त्यागकर विचरते हैं, जो स्थावर और जंगम किसी को हानि नहीं पहुँचाते और सब प्राणियों में सबके आत्मरूप हैं,"

श्लोक 28 (13.159.28)

निराशिषो निर्ममा वीतरागा । लाभालाभे तुल्यनिन्दाप्रशंसाः । तथाविधानामेष लोको महर्षे । परं गन्ता धृतराष्ट्रो न तत्र ॥

nirāśiṣo nirmamā vītarāgā | lābhālābhe tulyanindāpraśaṃsāḥ | tathāvidhānāmeṣa loko maharṣe | paraṃ gantā dhṛtarāṣṭro na tatra

"जो आशा से रहित, ममता से रहित और राग से रहित हैं, लाभ-हानि में तथा निन्दा-प्रशंसा में समान हैं: महर्षि, यह लोक उन्हीं जैसों के लिए है। धृतराष्ट्र उस स्थान पर नहीं जाएगा।"

श्लोक 29 (13.159.29)

ततोऽपरे भान्ति लोकाः सनातनाः । सुपुण्यगन्धा विरजा वीतशोकाः । सोमस्य राज्ञः सदने महात्मन- । स्तत्र त्वाऽहं हस्तिनं यातयिष्ये ॥

tato'pare bhānti lokāḥ sanātanāḥ | supuṇyagandhā virajā vītaśokāḥ | somasya rājñaḥ sadane mahātmana- | statra tvā'haṃ hastinaṃ yātayiṣye

"उसके आगे दूसरे सनातन लोक शोभित हैं, जो पुण्य की सुगन्ध से भरे, धूलरहित और शोकरहित हैं, महात्मा राजा सोम के भवन में: वहाँ मैं तुमसे हाथी वापस लूँगा।"

श्लोक 30 (13.159.30)

ये दानशीला न प्रतिगृह्णते सदा । न चाप्यर्थांश्चाददते परेभ्यः । येषामदेयमर्हते नास्ति किञ्चि- । त्सर्वातिथ्याः सुप्रजना जनाश्च ॥

ye dānaśīlā na pratigṛhṇate sadā | na cāpyarthāṃścādadate parebhyaḥ | yeṣāmadeyamarhate nāsti kiñci- | tsarvātithyāḥ suprajanā janāśca

"जो दानशील हैं, कभी दान नहीं लेते और दूसरों से धन नहीं लेते, जिनके लिए योग्य पात्र को कुछ भी अदेय नहीं है, जो सबके आतिथ्य करने वाले और उत्तम सन्तान वाले हैं,"

श्लोक 31 (13.159.31)

ये क्षन्तारो नाभिजल्पन्ति चान्या- । ञ्शक्ता भूत्वा सततं पुण्यशीलाः । तथाविधानामेष लोको महर्षे । परं गन्ता धृतराष्ट्रो न तत्र ॥

ye kṣantāro nābhijalpanti cānyā- | ñśaktā bhūtvā satataṃ puṇyaśīlāḥ | tathāvidhānāmeṣa loko maharṣe | paraṃ gantā dhṛtarāṣṭro na tatra

"जो क्षमाशील हैं, समर्थ होकर भी दूसरों को बुरा नहीं कहते और सदा पुण्य-आचरण वाले हैं: महर्षि, यह लोक उन्हीं जैसों के लिए है। धृतराष्ट्र उस स्थान पर नहीं जाएगा।"

श्लोक 32 (13.159.32)

ततोऽपरे भान्ति लोकाः सनातना । विरजसो वितमस्का विशोकाः । आदित्यदेवस्य पदं महात्मन- । स्तत्र त्वाऽहं हस्तिनं यातयिष्ये ॥

tato'pare bhānti lokāḥ sanātanā | virajaso vitamaskā viśokāḥ | ādityadevasya padaṃ mahātmana- | statra tvā'haṃ hastinaṃ yātayiṣye

"उसके आगे दूसरे सनातन लोक शोभित हैं, धूलरहित, अन्धकाररहित और शोकरहित, महात्मा आदित्यदेव का स्थान: वहाँ मैं तुमसे हाथी वापस लूँगा।"

श्लोक 33 (13.159.33)

स्वाध्यायशीला गुरुशुश्रूषकाश्च । तपस्विनः सुव्रताः सत्यसन्धाः । आचार्याणामप्रतिकूलभाषिणो । नित्योत्थिता गुरुकर्मस्वचोद्याः ॥

svādhyāyaśīlā guruśuśrūṣakāśca | tapasvinaḥ suvratāḥ satyasandhāḥ | ācāryāṇāmapratikūlabhāṣiṇo | nityotthitā gurukarmasvacodyāḥ

"जो स्वाध्याय में लगे रहते हैं, गुरु की सेवा करते हैं, तपस्वी, उत्तम व्रतों वाले और सत्य पर दृढ़ हैं, जो आचार्यों के प्रतिकूल नहीं बोलते, सदा उठे हुए तत्पर रहते हैं और गुरु के कामों में जिन्हें प्रेरित नहीं करना पड़ता,"

श्लोक 34 (13.159.34)

तथाविधानामेष लोको महर्षे । विशुद्धानां भावितो वाग्यतानाम् । सत्ये स्थितानां वेदविदां महात्मनां । परं गन्ता धृतराष्ट्रो न तत्र ॥

tathāvidhānāmeṣa loko maharṣe | viśuddhānāṃ bhāvito vāgyatānām | satye sthitānāṃ vedavidāṃ mahātmanāṃ | paraṃ gantā dhṛtarāṣṭro na tatra

"महर्षि, यह लोक उन्हीं जैसों के लिए है, जो शुद्ध, वाणी पर संयम रखने वाले, सत्य में स्थित और वेद के ज्ञाता महात्मा हैं। धृतराष्ट्र उस स्थान पर नहीं जाएगा।"

श्लोक 35 (13.159.35)

ततोऽपरे भान्ति लोकाः सनातनाः । सुपुण्यगन्धा विरजा विशोकाः । वरुणस्य राज्ञः सदने महात्मन- । स्तत्र त्वाऽहं हस्तिनं यातयिष्ये ॥

tato'pare bhānti lokāḥ sanātanāḥ | supuṇyagandhā virajā viśokāḥ | varuṇasya rājñaḥ sadane mahātmana- | statra tvā'haṃ hastinaṃ yātayiṣye

"उसके आगे दूसरे सनातन लोक शोभित हैं, जो पुण्य की सुगन्ध से भरे, धूलरहित और शोकरहित हैं, महात्मा राजा वरुण के भवन में: वहाँ मैं तुमसे हाथी वापस लूँगा।"

श्लोक 36 (13.159.36)

चातुर्मास्यैर्ये यजन्ते जनाः सदा । तथेष्टीनां दशशतं प्राप्नुवन्ति । ये चाग्निहोत्रं जुह्वति श्रद्दधाना । यथान्यायं त्रीणि वर्षाणि विप्राः ॥

cāturmāsyairye yajante janāḥ sadā | tatheṣṭīnāṃ daśaśataṃ prāpnuvanti | ye cāgnihotraṃ juhvati śraddadhānā | yathānyāyaṃ trīṇi varṣāṇi viprāḥ

"जो लोग सदा चातुर्मास्य यज्ञों से यजन करते हैं और इसी प्रकार एक हजार इष्टियों का फल पाते हैं, तथा जो ब्राह्मण श्रद्धा के साथ विधिपूर्वक तीन वर्ष तक अग्निहोत्र करते हैं,"

श्लोक 37 (13.159.37)

स्वदारगाणां धर्मकृतां महात्मनां । यथोदिते वर्त्मनि सुस्थितानाम् । धर्मात्मनामुद्वहतां गतिं तां । परं गन्ता धृतराष्ट्रो न तत्र ॥

svadāragāṇāṃ dharmakṛtāṃ mahātmanāṃ | yathodite vartmani susthitānām | dharmātmanāmudvahatāṃ gatiṃ tāṃ | paraṃ gantā dhṛtarāṣṭro na tatra

"जो महात्मा अपनी ही पत्नी से सन्तुष्ट रहते हैं, धर्म का आचरण करते हैं, बताए हुए मार्ग पर दृढ़ता से स्थित हैं और धर्म का भार उठाते हैं, उन धर्मात्माओं की वही गति है। धृतराष्ट्र उस स्थान पर नहीं जाएगा।"

श्लोक 38 (13.159.38)

इन्द्रस्य लोका विरजा विशोका । दुरन्वयाः काङ्क्षिता मानवानाम् । तस्याहं ते भवने भूरितेजसो । राजन्निमं हस्तिनं यातयिष्ये ॥

indrasya lokā virajā viśokā | duranvayāḥ kāṅkṣitā mānavānām | tasyāhaṃ te bhavane bhūritejaso | rājannimaṃ hastinaṃ yātayiṣye

"इन्द्र के लोक धूलरहित और शोकरहित हैं, दुर्गम हैं और मनुष्यों के लिए काम्य हैं। राजन्, उन महातेजस्वी के भवन में मैं तुमसे इस हाथी को वापस लूँगा।"

श्लोक 39 (13.159.39)

शतवर्षजीवी यश्च शूरो मनुष्यो । वेदाध्यायी यश्च यज्वाऽप्रमत्तः । एते सर्वे शक्रलोकं व्रजन्ति । परं गन्ता धृतराष्ट्रो न तत्र ॥

śatavarṣajīvī yaśca śūro manuṣyo | vedādhyāyī yaśca yajvā'pramattaḥ | ete sarve śakralokaṃ vrajanti | paraṃ gantā dhṛtarāṣṭro na tatra

"जो सौ वर्ष जीता है, जो शूरवीर है, जो वेदाध्ययन करता है और जो प्रमादरहित यज्ञ करता है, ये सब इन्द्रलोक को जाते हैं। धृतराष्ट्र उस स्थान पर नहीं जाएगा।"

श्लोक 40 (13.159.40)

प्राजापत्याः सन्ति लोका महान्तो । नाकस्य पृष्ठे पुष्कला वीतशोकाः । मनीषिणां सर्वलोकाभयानां । तत्र त्वाऽहं हस्तिनं यातयिष्ये ॥

prājāpatyāḥ santi lokā mahānto | nākasya pṛṣṭhe puṣkalā vītaśokāḥ | manīṣiṇāṃ sarvalokābhayānāṃ | tatra tvā'haṃ hastinaṃ yātayiṣye

"स्वर्ग के पृष्ठ पर प्रजापति के विशाल, विस्तृत और शोकरहित लोक हैं, उन बुद्धिमानों के लिए जो सब लोकों को अभय देते हैं: वहाँ मैं तुमसे हाथी वापस लूँगा।"

श्लोक 41 (13.159.41)

ये राजानो राजसूयाभिषिक्ता । धर्मात्मानो रक्षितारः प्रजानाम् । ये चाश्वमेधावभृथे प्लुताङ्गा- । स्तेषां लोका धृतराष्ट्रो न तत्र ॥

ye rājāno rājasūyābhiṣiktā | dharmātmāno rakṣitāraḥ prajānām | ye cāśvamedhāvabhṛthe plutāṅgā- | steṣāṃ lokā dhṛtarāṣṭro na tatra

"जो राजा राजसूय से अभिषिक्त हुए हैं, जो धर्मात्मा प्रजाओं के रक्षक हैं और जिनके अंग अश्वमेध के अवभृथ स्नान से भीगे हैं, उन्हीं के वे लोक हैं। धृतराष्ट्र वहाँ नहीं है।"

श्लोक 42 (13.159.42)

ततःपरं भान्ति लोकाः सनातनाः । सुपुण्यगन्धा विरजा वीतशोकाः । तस्मिन्नहं दुर्लभे चाप्यधृष्ये । गवां लोके हस्तिनं यातयिष्ये ॥

tataḥparaṃ bhānti lokāḥ sanātanāḥ | supuṇyagandhā virajā vītaśokāḥ | tasminnahaṃ durlabhe cāpyadhṛṣye | gavāṃ loke hastinaṃ yātayiṣye

"उसके आगे दूसरे सनातन लोक शोभित हैं, जो पुण्य की सुगन्ध से भरे, धूलरहित और शोकरहित हैं। उस दुर्लभ और अजेय गोलोक में मैं तुमसे हाथी वापस लूँगा।"

श्लोक 43 (13.159.43)

यो गोसहस्री शतदो महात्मा । यो गोशती दश दद्याच्च शक्त्या । तथा दशभ्यो यश्च दद्यादिहैकां । पञ्चभ्यो वा दानशीलस्तथैकाम् ॥

yo gosahasrī śatado mahātmā | yo gośatī daśa dadyācca śaktyā | tathā daśabhyo yaśca dadyādihaikāṃ | pañcabhyo vā dānaśīlastathaikām

"जो महात्मा हजार गायों का स्वामी होकर सौ दान करता है, जो सौ गायों वाला होकर सामर्थ्य के अनुसार दस देता है, जो दस वाला होकर यहाँ एक देता है, अथवा जो दानशील पाँच में से एक देता है,"

श्लोक 44 (13.159.44)

ये जीर्यन्ते ब्रह्मचर्येण विप्रा । ब्राह्मीं वाचं परिरक्षन्ति चैव । मनस्विनस्तीर्थयात्रापरा ये । ते तत्र मोदन्ति ततो विमानैः ॥

ye jīryante brahmacaryeṇa viprā | brāhmīṃ vācaṃ parirakṣanti caiva | manasvinastīrthayātrāparā ye | te tatra modanti tato vimānaiḥ

"और जो ब्राह्मण ब्रह्मचर्य में ही बूढ़े होते हैं और वेदवाणी की रक्षा करते हैं, जो मनस्वी तीर्थयात्रा में लगे रहते हैं, वे वहाँ आनन्द मनाते हैं और फिर विमानों में विचरते हैं।"

श्लोक 45 (13.159.45)

प्रभासं मानसं तीर्थं पुष्कराणि महत्सरः । पुण्यं च नैमिषं तीर्थं बाहुदां करतोयिनीम् ॥

prabhāsaṃ mānasaṃ tīrthaṃ puṣkarāṇi mahatsaraḥ | puṇyaṃ ca naimiṣaṃ tīrthaṃ bāhudāṃ karatoyinīm

"प्रभास, मानस तीर्थ, पुष्कर, महासरोवर, पवित्र नैमिष तीर्थ, बाहुदा और करतोयिनी,"

श्लोक 46 (13.159.46)

गयां गयशिरश्चैव विपाशां स्थूलवालुकाम् । तूष्णीं गङ्गां शनैर्गङ्गां महाह्रदमथापि च ॥

gayāṃ gayaśiraścaiva vipāśāṃ sthūlavālukām | tūṣṇīṃ gaṅgāṃ śanairgaṅgāṃ mahāhradamathāpi ca

"गया और गयशिर, विपाशा, स्थूलवालुका, तूष्णीगंगा, शनैर्गंगा और महाह्रद भी,"

श्लोक 47 (13.159.47)

गोमतीं कौशिकीं पंपां महात्मानो धृतव्रताः । सरस्वतीदृषद्वत्यौ यमुनां ये तु यान्ति च ॥

gomatīṃ kauśikīṃ paṃpāṃ mahātmāno dhṛtavratāḥ | sarasvatīdṛṣadvatyau yamunāṃ ye tu yānti ca

"गोमती, कौशिकी, पम्पा; और जो महात्मा दृढ़व्रती सरस्वती, दृषद्वती और यमुना पर जाते हैं:"

श्लोक 48 (13.159.48)

तत्र ते दिव्यसंस्थाना दिव्यमाल्यधराः शिवाः । प्रयान्ति पुण्यगन्धाढ्या धृतराष्ट्रो न तत्र वै ॥

tatra te divyasaṃsthānā divyamālyadharāḥ śivāḥ | prayānti puṇyagandhāḍhyā dhṛtarāṣṭro na tatra vai

"वहाँ वे दिव्य रूप वाले, दिव्य मालाएँ धारण किए हुए, कल्याणमय और पुण्य की सुगन्ध से भरे हुए जाते हैं। धृतराष्ट्र वहाँ नहीं है।"

श्लोक 49 (13.159.49)

यत्र शीतभयं नास्ति न चोष्णभयमण्वपि । न क्षुत्पिपासे न ग्लानिर्न दुःखं न सुखं तथा ॥

yatra śītabhayaṃ nāsti na coṣṇabhayamaṇvapi | na kṣutpipāse na glānirna duḥkhaṃ na sukhaṃ tathā

"जहाँ शीत का भय नहीं और उष्णता का भी लेशमात्र भय नहीं, न भूख-प्यास, न थकान, न दुःख और न सुख ही है,"

श्लोक 50 (13.159.50)

न द्वेष्यो न प्रियः कश्चिन्न बन्धुर्न रिपुस्तथा । न जरामरणे तत्र न पुण्यं न च पातकम् ॥

na dveṣyo na priyaḥ kaścinna bandhurna ripustathā | na jarāmaraṇe tatra na puṇyaṃ na ca pātakam

"न कोई द्वेष्य है न प्रिय, न बन्धु है न शत्रु, वहाँ न बुढ़ापा है न मृत्यु, न पुण्य है न पाप,"

श्लोक 51 (13.159.51)

तस्मिन्विरजसि स्फीते प्रज्ञासत्वव्यवस्थिते । स्वयम्भुभवने पुण्ये हस्तिनं यातयिष्यति ॥

tasminvirajasi sphīte prajñāsatvavyavasthite | svayambhubhavane puṇye hastinaṃ yātayiṣyati

"उस धूलरहित, समृद्ध स्थान में, जो प्रज्ञा और सत्त्व में प्रतिष्ठित है, स्वयम्भू के उस पवित्र भवन में हाथी को वापस लिया जाएगा।"

श्लोक 52 (13.159.52)

निर्मुक्ताः सर्वसङ्गैर्ये कृतात्मानो यतव्रताः । अध्यात्मयोगसंस्थानैर्युक्ताः स्वर्गगतिं गताः ॥

nirmuktāḥ sarvasaṅgairye kṛtātmāno yatavratāḥ | adhyātmayogasaṃsthānairyuktāḥ svargagatiṃ gatāḥ

"जो सब आसक्तियों से मुक्त हैं, आत्मसंयमी हैं, दृढ़ व्रतों वाले हैं, अध्यात्मयोग की साधनाओं से युक्त हैं और स्वर्ग की गति को प्राप्त हो चुके हैं,"

श्लोक 53 (13.159.53)

ते ब्रह्मभवनं पुण्यं प्राप्नुवन्तीह सात्विकाः । न तत्र धृतराष्ट्रस्ते शक्यो द्रष्टुं महामुने ॥

te brahmabhavanaṃ puṇyaṃ prāpnuvantīha sātvikāḥ | na tatra dhṛtarāṣṭraste śakyo draṣṭuṃ mahāmune

"वे सात्त्विक पुरुष यहाँ से ब्रह्मा के पवित्र भवन को पाते हैं। महामुने, वहाँ आपका यह धृतराष्ट्र दिखाई नहीं दे सकता।"

श्लोक 54 (13.159.54)

रथन्तरं यत्र बृहच्च गीयते । यत्र वेदिः पुण्यजनैर्वृता च । यत्रोपयाति हरिभिः सोमपीथी । तत्र त्वाऽहं हस्तिनं यातयिष्ये ॥

rathantaraṃ yatra bṛhacca gīyate | yatra vediḥ puṇyajanairvṛtā ca | yatropayāti haribhiḥ somapīthī | tatra tvā'haṃ hastinaṃ yātayiṣye

"जहाँ रथन्तर और बृहत् साम गाए जाते हैं, जहाँ वेदी पुण्यात्मा जनों से घिरी है और जहाँ सोमपान करने वाले इन्द्र अपने हरे घोड़ों के साथ आते हैं: वहाँ मैं तुमसे हाथी वापस लूँगा।"

श्लोक 55 (13.159.55)

बुध्यामि त्वां वृत्रहणं शतक्रतुं । व्यतिक्रमन्तं भुवनानि विश्वा । कच्चिन्न वाचा वृजिनं कदाचि- । दकार्षं ते मनसोऽभिषङ्कात् ॥

budhyāmi tvāṃ vṛtrahaṇaṃ śatakratuṃ | vyatikramantaṃ bhuvanāni viśvā | kaccinna vācā vṛjinaṃ kadāci- | dakārṣaṃ te manaso'bhiṣaṅkāt

"मैं तुम्हें पहचानता हूँ, वृत्र का वध करने वाले शतक्रतु, जो सब लोकों को लाँघ जाते हो। क्या मैंने कभी मन के किसी झुकाव से वाणी द्वारा तुम्हारा कोई अपराध किया है?"

श्लोक 56 (13.159.56)

मघवाऽहं लोकपथं प्रजाना- । मन्वागमं परिवादे गजस्य । तस्माद्भवान्प्रणतं माऽनुशास्तु । ब्रवीषि यत्तत्करवाणि सर्वम् ॥

maghavā'haṃ lokapathaṃ prajānā- | manvāgamaṃ parivāde gajasya | tasmādbhavānpraṇataṃ mā'nuśāstu | bravīṣi yattatkaravāṇi sarvam

"मैं मघवा हूँ। हाथी के विवाद में मैंने लोक के प्राणियों की रीति का अनुसरण किया। इसलिए आप मुझ प्रणत को आज्ञा दीजिए; आप जो कहेंगे, मैं वह सब करूँगा।"

श्लोक 57 (13.159.57)

श्वेतं करेणुं मम पुत्रं हि नागं । प्रियं तु मे षष्टिवर्षं तु बालम् । यो मे वने वसतोऽभूद्द्वितीय- । स्तमेव मे देहि सुरेन्द्र नागम् ॥

śvetaṃ kareṇuṃ mama putraṃ hi nāgaṃ | priyaṃ tu me ṣaṣṭivarṣaṃ tu bālam | yo me vane vasato'bhūddvitīya- | stameva me dehi surendra nāgam

"मेरे पुत्र-समान श्वेत हाथी को, जो मुझे प्रिय है, साठ वर्ष का होकर भी बालक है और वन में रहते समय मेरा एकमात्र साथी था, हे सुरेन्द्र, वही हाथी मुझे लौटा दीजिए।"

श्लोक 58 (13.159.58)

अयं सुतस्ते द्विजमुख्यनाग । आघ्रायते त्वामभिवीक्षमाणः । पादौ च ते नासिकयोपजिघ्रते । श्रेयो ममाध्याहि नमश्च तेऽस्तु ॥

ayaṃ sutaste dvijamukhyanāga | āghrāyate tvāmabhivīkṣamāṇaḥ | pādau ca te nāsikayopajighrate | śreyo mamādhyāhi namaśca te'stu

"हे द्विजश्रेष्ठ, यह आपका पुत्र हाथी है; यह आपको देखता हुआ सूँघ रहा है और अपने नथुनों से आपके चरण सूँघ रहा है। मेरा कल्याण चाहिए; आपको नमस्कार है।"

श्लोक 59 (13.159.59)

शिवं सदैवेह सुरेन्द्र तुभ्यं । ध्यायामि पूजां च सदा प्रयुञ्जे । ममापि त्वं शक्र शिवं ददस्व । त्वया दत्तं प्रतिगृह्णामि नागम् ॥

śivaṃ sadaiveha surendra tubhyaṃ | dhyāyāmi pūjāṃ ca sadā prayuñje | mamāpi tvaṃ śakra śivaṃ dadasva | tvayā dattaṃ pratigṛhṇāmi nāgam

"सुरेन्द्र, मैं यहाँ सदा आपका कल्याण चाहता हूँ, आपका ध्यान करता हूँ और सदा आपकी पूजा करता हूँ। हे शक्र, आप भी मुझे कल्याण दीजिए; आपके दिए हुए हाथी को मैं ग्रहण करता हूँ।"

श्लोक 60 (13.159.60)

येषां वेदा निहिता वै गुहायां । मनीषिणां सत्यवतां महात्मनाम् । तेषां त्वयैकेन महात्मनाऽस्मि । बुद्धस्तस्मात्प्रीतिमांस्तेऽहमद्य ॥

yeṣāṃ vedā nihitā vai guhāyāṃ | manīṣiṇāṃ satyavatāṃ mahātmanām | teṣāṃ tvayaikena mahātmanā'smi | buddhastasmātprītimāṃste'hamadya

"जिन बुद्धिमान्, सत्यनिष्ठ महात्माओं की हृदय-गुहा में वेद स्थित हैं, उनमें से केवल आपने ही, हे महात्मन्, मुझे पहचाना है; इसलिए मैं आज आप पर प्रसन्न हूँ।"

श्लोक 61 (13.159.61)

हन्तैहि ब्राह्मण क्षिप्रं सह पुत्रेण हस्तिना । त्वं हि प्राप्तुं शुभाँल्लोकानह्नाय च चिराय च ॥

hantaihi brāhmaṇa kṣipraṃ saha putreṇa hastinā | tvaṃ hi prāptuṃ śubhām̐llokānahnāya ca cirāya ca

"आइए, हे ब्राह्मण, अपने पुत्र हाथी के साथ शीघ्र चलिए; आप शुभ लोकों को शीघ्र भी और चिरकाल के लिए भी पाने के योग्य हैं।"

श्लोक 62 (13.159.62)

स गौतमं पुरस्कृत्य सह पुत्रेण हस्तिना । दिवमाचक्रमे वज्री सद्भिः सह दुरासदम् ॥

sa gautamaṃ puraskṛtya saha putreṇa hastinā | divamācakrame vajrī sadbhiḥ saha durāsadam

वज्रधारी इन्द्र गौतम को आगे करके, उनके पुत्र हाथी के साथ, सज्जनों सहित उस दुर्गम स्वर्ग में चढ़ गए।

श्लोक 63 (13.159.63)

इदं यः शृणुयान्नित्यं यः पठेद्वा जितेन्द्रियः । स याति ब्रह्मणो लोकं ब्राह्मणो गौतमो यथा ॥

idaṃ yaḥ śṛṇuyānnityaṃ yaḥ paṭhedvā jitendriyaḥ | sa yāti brahmaṇo lokaṃ brāhmaṇo gautamo yathā

जो जितेन्द्रिय होकर इसे सदा सुनता या पढ़ता है, वह ब्राह्मण गौतम की तरह ब्रह्मलोक को जाता है।