दान का योग्य पात्र कौन है

श्लोक 1 (13.72.1)

अपूर्वं वा भवेत्पात्रमथवाऽपि चिरोषितम् । दूरादभ्यागतं वाऽपि किं पात्रं स्यात्पितामह ॥

apūrvaṃ vā bhavetpātramathavā'pi ciroṣitam | dūrādabhyāgataṃ vā'pi kiṃ pātraṃ syātpitāmaha

हे पितामह, जो पात्र नया हो, या बहुत समय से साथ रह रहा हो, या दूर से आया हो, इनमें से कौन-सा पात्र माना जाए?

श्लोक 2 (13.72.2)

क्रिया भवति केषांचिदुपांशुव्रतमुत्तमम् । यो नो याचेत यत्किंचित्सर्वं दद्याम इत्यपि ॥

kriyā bhavati keṣāṃcidupāṃśuvratamuttamam | yo no yāceta yatkiṃcitsarvaṃ dadyāma ityapi

कुछ लोगों का एक उत्तम गुप्त व्रत होता है: "जो कोई हमसे जो कुछ माँगे, वह सब हम देंगे।"

श्लोक 3 (13.72.3)

अपीडयन्भृत्यवर्गमित्येवमनुशुश्रुम । पीडयन्भृत्यवर्गं हि आत्मानमपकर्षति ॥

apīḍayanbhṛtyavargamityevamanuśuśruma | pīḍayanbhṛtyavargaṃ hi ātmānamapakarṣati

हमने ऐसा सुना है कि यह आश्रितों को पीड़ा दिए बिना होना चाहिए; क्योंकि आश्रितों को पीड़ा देने वाला अपना ही पतन करता है।

श्लोक 4 (13.72.4)

अपूर्वं चापि यत्पात्रं यच्चापि स्याच्चिरोषितम् । दूरादभ्यागतं चापि तत्पात्रं न विदुर्बुधाः ॥

apūrvaṃ cāpi yatpātraṃ yaccāpi syācciroṣitam | dūrādabhyāgataṃ cāpi tatpātraṃ na vidurbudhāḥ

विद्वान् लोग केवल इस कारण किसी को पात्र नहीं मानते कि वह नया है, या बहुत समय से साथ रह रहा है, या दूर से आया है।

श्लोक 5 (13.72.5)

अपीडया च भूतानां धर्मस्याहिंसया तथा । पात्रं विद्यामतत्त्वेन यस्मै दत्तं न सन्तपेत् ॥

apīḍayā ca bhūtānāṃ dharmasyāhiṃsayā tathā | pātraṃ vidyāmatattvena yasmai dattaṃ na santapet

प्राणियों को पीड़ा न देकर और धर्मरूप अहिंसा के द्वारा हम वास्तव में उस पात्र को कैसे जानें, जिसे दान देकर पछताना न पड़े?

श्लोक 6 (13.72.6)

ऋत्विक्पुरोहिताचार्याः शिष्यसम्बन्धिबान्धवाः । सर्वे पूज्याश्च मान्याश्च श्रुतवन्तोऽनसूयकाः ॥

ṛtvikpurohitācāryāḥ śiṣyasambandhibāndhavāḥ | sarve pūjyāśca mānyāśca śrutavanto'nasūyakāḥ

ऋत्विज, पुरोहित, आचार्य, शिष्य, सम्बन्धी और बन्धुजन, ये सभी, यदि विद्वान् और ईर्ष्यारहित हों, पूजनीय और माननीय हैं।

श्लोक 7 (13.72.7)

अतोऽन्यथा वर्तमानाः सर्वे नार्हन्ति सत्क्रियाम् । तस्माद्गुणैः परीक्षेत पुरुषान्प्रणिधाय वै ॥

ato'nyathā vartamānāḥ sarve nārhanti satkriyām | tasmādguṇaiḥ parīkṣeta puruṣānpraṇidhāya vai

इनसे भिन्न आचरण करने वाले सब लोग सत्कार के योग्य नहीं हैं। इसलिए ध्यानपूर्वक विचार करके गुणों के आधार पर मनुष्यों की परीक्षा करनी चाहिए।

श्लोक 8 (13.72.8)

अक्रोधः सत्यवचनमहिंसा दम आर्जवम् । अद्रोहोऽनभिमानश्च ह्रीस्तितिक्षा दमः शमः ॥

akrodhaḥ satyavacanamahiṃsā dama ārjavam | adroho'nabhimānaśca hrīstitikṣā damaḥ śamaḥ

क्रोध का अभाव, सत्य वचन, अहिंसा, दम, सरलता, द्रोह का अभाव, अभिमान का अभाव, लज्जा, सहनशीलता, संयम और शान्ति:

श्लोक 9 (13.72.9)

यस्मिन्नोतानि दृश्यन्ते न चाकार्याणि भारत । स्वभावतो निविष्टानि तत्पात्रं मानमर्हति ॥

yasminnotāni dṛśyante na cākāryāṇi bhārata | svabhāvato niviṣṭāni tatpātraṃ mānamarhati

हे भारत, जिसमें ये गुण स्वभाव से दृढ़ बैठे हुए दिखाई दें और जिसमें अकरणीय कर्म न दिखाई दें, वह पात्र सम्मान के योग्य है।

श्लोक 10 (13.72.10)

तथा चिरोषितं चापि सम्प्रत्यागतमेव च । अपूर्वं चैव पूर्वं च तत्पात्रं मानमर्हति ॥

tathā ciroṣitaṃ cāpi sampratyāgatameva ca | apūrvaṃ caiva pūrvaṃ ca tatpātraṃ mānamarhati

इसी प्रकार चिरकाल से साथ रह रहा हो या अभी आया हो, नया हो या पुराना परिचित, वह पात्र सम्मान के योग्य है।

श्लोक 11 (13.72.11)

अप्रामाण्यं च वेदानां शास्त्राणां चाभिलङ्घनम् । अव्यवस्था च सर्वत्र एतन्नाशनमात्मनः ॥

aprāmāṇyaṃ ca vedānāṃ śāstrāṇāṃ cābhilaṅghanam | avyavasthā ca sarvatra etannāśanamātmanaḥ

वेदों को प्रमाण न मानना, शास्त्रों का उल्लंघन करना और सर्वत्र अव्यवस्था फैलाना: ये अपने ही विनाश के कारण हैं।

श्लोक 12 (13.72.12)

भवेत्पण्डितमानी यो ब्राह्मणो वेदनिन्दकः । आन्वीक्षिकीं तर्कविद्यामनुरक्तो निरर्थिकां ॥

bhavetpaṇḍitamānī yo brāhmaṇo vedanindakaḥ | ānvīkṣikīṃ tarkavidyāmanurakto nirarthikāṃ

जो ब्राह्मण अपने को पण्डित मानता हुआ वेदों की निन्दा करता है और व्यर्थ तर्कविद्या में लगा रहता है,

श्लोक 13 (13.72.13)

हेतुवादान्बुवन्सत्सु विजेताऽहेतुवादकः । आक्रोष्टा चातिवक्ता च ब्राह्मणानां सदैवहि ॥

hetuvādānbuvansatsu vijetā'hetuvādakaḥ | ākroṣṭā cātivaktā ca brāhmaṇānāṃ sadaivahi

जो सज्जनों के बीच हेतुवाद की बातें करता है, पर सच्चे हेतुवाद के विरुद्ध ही बोलता हुआ अपने को विजेता मानता है, और ब्राह्मणों को सदा कोसता तथा बकवास करता रहता है,

श्लोक 14 (13.72.14)

सर्वाभिशङ्की मूढश्च बालः कटुकवागपि । बोद्धव्यस्तादृशस्तात नरं श्वानं हि तं विदुः ॥

sarvābhiśaṅkī mūḍhaśca bālaḥ kaṭukavāgapi | boddhavyastādṛśastāta naraṃ śvānaṃ hi taṃ viduḥ

जो सब पर सन्देह करता है, मूर्ख, बालक-बुद्धि और कटुभाषी है: हे तात, ऐसे मनुष्य को पहचान लेना चाहिए; उसे लोग मनुष्यों में कुत्ता कहते हैं।

श्लोक 15 (13.72.15)

यथा श्वा भषितुं चैव हन्तुं चैवावसज्जते । एवं सम्भाषणार्थाय सर्वशास्त्रवधाय च । अल्पश्रुताः कुतर्काश्च दृष्टाः स्पृष्टाः कुपण्डिताः ॥

yathā śvā bhaṣituṃ caiva hantuṃ caivāvasajjate | evaṃ sambhāṣaṇārthāya sarvaśāstravadhāya ca | alpaśrutāḥ kutarkāśca dṛṣṭāḥ spṛṣṭāḥ kupaṇḍitāḥ

जैसे कुत्ता भौंकने और काटने में लगा रहता है, वैसे ही ये लोग विवाद करने और सब शास्त्रों का नाश करने में लगे रहते हैं: अल्पज्ञ, कुतर्की, कुपण्डित, जो देखने और मिलने में आते हैं।

श्लोक 16 (13.72.16)

श्रुतिस्मृती चेतिहासपुराणारण्यवेदिनः । अनुरुन्ध्याद्बहुज्ञांश्च सारज्ञाश्चैव पण्डिताः ॥

śrutismṛtī cetihāsapurāṇāraṇyavedinaḥ | anurundhyādbahujñāṃśca sārajñāścaiva paṇḍitāḥ

श्रुति, स्मृति, इतिहास, पुराण और आरण्यकों के जानकारों का, तथा बहुज्ञ और सार को जानने वाले पण्डितों का अनुसरण करना चाहिए।

श्लोक 17 (13.72.17)

लोकयात्रा च द्रष्टव्या धर्मश्चात्महितानि च । एवं नरो वर्तमानः शाश्वतीर्वर्धते समाः ॥

lokayātrā ca draṣṭavyā dharmaścātmahitāni ca | evaṃ naro vartamānaḥ śāśvatīrvardhate samāḥ

लोकव्यवहार, धर्म और अपने हित, इन सबका ध्यान रखना चाहिए। इस प्रकार चलने वाला मनुष्य अनेक वर्षों तक उन्नति करता है।

श्लोक 18 (13.72.18)

ऋणमुन्मुच्य देवानामृषीणां च तथैव च । पितॄणामथ विप्राणामतिथीनां च पञ्चमम् ॥

ṛṇamunmucya devānāmṛṣīṇāṃ ca tathaiva ca | pitṝṇāmatha viprāṇāmatithīnāṃ ca pañcamam

देवताओं, ऋषियों, पितरों, ब्राह्मणों और पाँचवें अतिथियों के ऋण से उऋण होकर,

श्लोक 19 (13.72.19)

पर्यायेण विमुक्तो यः सुनिर्णिक्तेन कर्मणा । एवं गृहस्थः कर्माणि कुर्वन्धर्मान्न हीयते ॥

paryāyeṇa vimukto yaḥ sunirṇiktena karmaṇā | evaṃ gṛhasthaḥ karmāṇi kurvandharmānna hīyate

जो गृहस्थ क्रम से, भली-भाँति शुद्ध किए हुए कर्म द्वारा मुक्त हो जाता है और इस प्रकार कर्म करता है, वह धर्म से च्युत नहीं होता।