कृष्ण बताते हैं कि वे द्यूत क्यों न रोक सके

श्लोक 1 (3.13.1)

नैतत्कृच्छ्रमनुप्राप्तो भवान्स्याद्वसुधाधिप । यद्यहं द्वारकायां स्यां राजन्सन्निहितः पुरा ॥

naitatkṛcchramanuprāpto bhavānsyādvasudhādhipa | yadyahaṃ dvārakāyāṃ syāṃ rājansannihitaḥ purā

हे पृथ्वीपति राजन्! यदि मैं पहले द्वारका में उपस्थित होता, तो आप पर यह संकट न आता।

श्लोक 2 (3.13.2)

आगच्छेयमहं द्यूतमनाहूतोऽपि कौरवैः । आम्बिकेयेन दुर्धर्ष राज्ञा दुर्योधनेन च । वारयेयमहं द्यूतं बहून्दोषान्प्रदर्शयन् ॥

āgaccheyamahaṃ dyūtamanāhūto'pi kauravaiḥ | āmbikeyena durdharṣa rājñā duryodhanena ca | vārayeyamahaṃ dyūtaṃ bahūndoṣānpradarśayan

हे दुर्धर्ष! कौरवों के, अम्बिकापुत्र राजा धृतराष्ट्र के और दुर्योधन के बिना बुलाए भी मैं उस द्यूत में आ जाता, और उसके अनेक दोष दिखाकर उसे रोक देता।

श्लोक 3 (3.13.3)

भीष्मद्रोणौ समानाय्य कृपं बाह्लीकमेव च । वैचित्रवीर्यं राजानमलं द्यूतेन कौरव ॥

bhīṣmadroṇau samānāyya kṛpaṃ bāhlīkameva ca | vaicitravīryaṃ rājānamalaṃ dyūtena kaurava

मैं भीष्म और द्रोण, कृप और बाह्लीक को बुलाकर विचित्रवीर्य के पुत्र राजा धृतराष्ट्र से कहता — "हे कौरव! बस करो यह जुआ,

श्लोक 4 (3.13.4)

पुत्राणां तव राजेन्द्र त्वन्निमित्तमिति प्रभो । तत्राचक्षमहं दोषान्यैर्भवान्व्यतिरोपितः ॥

putrāṇāṃ tava rājendra tvannimittamiti prabho | tatrācakṣamahaṃ doṣānyairbhavānvyatiropitaḥ

हे राजेन्द्र, अपने पुत्रों का यह जुआ बंद कराओ — इसका दोष तुम्हीं पर आएगा, प्रभो!" वहाँ मैं उन दोषों को खोलकर बताता जिनके कारण आप अपने स्थान से गिराए गए हैं,

श्लोक 5 (3.13.5)

वीरसेनसुतो यैस्तु राज्यात्प्रभ्रंशितः पुरा । अतर्कितविनाशश्च देवनेन विशांपते ॥

vīrasenasuto yaistu rājyātprabhraṃśitaḥ purā | atarkitavināśaśca devanena viśāṃpate

और जिनके कारण वीरसेन के पुत्र नल पहले अपने राज्य से भ्रष्ट हुए थे; और हे प्रजापालक, जुए से अचानक होने वाले विनाश को भी बताता,

श्लोक 6 (3.13.6)

सातत्यं च प्रसङ्गस्य वर्णयेयं यथातथम् ॥

sātatyaṃ ca prasaṅgasya varṇayeyaṃ yathātatham

और ठीक-ठीक वर्णन करता कि यह लत एक बार लग जाने पर कैसे कभी नहीं छूटती।

श्लोक 7 (3.13.7)

स्त्रियोऽक्षा मृगया पानमेतत्कामसमुत्थितम् । दुःखं चतुष्टयं प्रोक्तं यैर्नरो भ्रश्यते श्रियः ॥

striyo'kṣā mṛgayā pānametatkāmasamutthitam | duḥkhaṃ catuṣṭayaṃ proktaṃ yairnaro bhraśyate śriyaḥ

स्त्रियाँ, जुआ, शिकार और मद्यपान — काम से उत्पन्न ये चार दुःख कहे गए हैं, जिनके कारण मनुष्य लक्ष्मी से भ्रष्ट हो जाता है।

श्लोक 8 (3.13.8)

तत्र सर्वत्र वक्तव्यं मन्यन्ते शास्त्रकोविदाः । विशेषतश्च वक्तव्यं द्यूते पश्यन्ति तद्विदः ॥

tatra sarvatra vaktavyaṃ manyante śāstrakovidāḥ | viśeṣataśca vaktavyaṃ dyūte paśyanti tadvidaḥ

शास्त्रों के ज्ञाता मानते हैं कि इन सबकी हर स्थिति में निन्दा करनी चाहिए; पर जानकार लोग जुए को विशेष रूप से निन्दनीय मानते हैं।

श्लोक 9 (3.13.9)

एकाहाद्द्रव्यनाशोऽत्र ध्रुवं व्यसनमेव च । अभुक्तनाशश्चार्थानां वाक्पारुष्यं च केवलम् ॥

ekāhāddravyanāśo'tra dhruvaṃ vyasanameva ca | abhuktanāśaścārthānāṃ vākpāruṣyaṃ ca kevalam

इसमें एक ही दिन में धन नष्ट हो जाता है और विपत्ति निश्चित है; धन बिना भोगे ही चला जाता है, और कटु वचनों के सिवा कुछ हाथ नहीं आता।

श्लोक 10 (3.13.10)

एतच्चान्यच्च कौरव्य प्रसङ्गिकटुकोदयम् । द्यूते ब्रूयां महाबाहो समासाद्याम्बिकासुतम् ॥

etaccānyacca kauravya prasaṅgikaṭukodayam | dyūte brūyāṃ mahābāho samāsādyāmbikāsutam

हे कौरव्य, हे महाबाहो! अम्बिकापुत्र के पास पहुँचकर मैं जुए के विषय में यह और ऐसी ही अन्य बातें कहता — कि इस लत का परिणाम कितना कड़वा होता है।

श्लोक 11 (3.13.11)

एवमुक्तो यदि मया गृह्णीयाद्वचनं मम । अनामयं स्याद्धर्मश्च कुरूणां कुरुवर्धन ॥

evamukto yadi mayā gṛhṇīyādvacanaṃ mama | anāmayaṃ syāddharmaśca kurūṇāṃ kuruvardhana

हे कुरुवर्धन! मेरे ऐसा कहने पर यदि वे मेरी बात मान लेते, तो कुरुओं का कुशल होता और धर्म भी बना रहता।

श्लोक 12 (3.13.12)

न चेत्स मम राजेन्द्र गृह्णीयान्मधुरं वचः । पथ्यं च भरतश्रेष्ठ निगृह्णीयां बलेन तम् ॥

na cetsa mama rājendra gṛhṇīyānmadhuraṃ vacaḥ | pathyaṃ ca bharataśreṣṭha nigṛhṇīyāṃ balena tam

और हे राजेन्द्र, हे भरतश्रेष्ठ! यदि वे मेरी मधुर और हितकारी बात न मानते, तो मैं उन्हें बलपूर्वक रोक देता।

श्लोक 13 (3.13.13)

अथैनमविनीतेन सुहृदो नाम दुर्हृदः । सभासदोऽनुवर्तेरंस्तांश्च हन्यां दुरोदरान् ॥

athainamavinītena suhṛdo nāma durhṛdaḥ | sabhāsado'nuvarteraṃstāṃśca hanyāṃ durodarān

और फिर यदि वे सभासद — जो नाम के मित्र पर भीतर से शत्रु हैं — उसके अन्याय में उसका साथ देते, तो मैं उन जुआरियों को मार डालता।

श्लोक 14 (3.13.14)

असान्निध्यं तु कौरव्य ममानर्तेष्वभूत्तदा । येनेदं व्यसनं प्राप्ता भवन्तो द्यूतकारितम् ॥

asānnidhyaṃ tu kauravya mamānarteṣvabhūttadā | yenedaṃ vyasanaṃ prāptā bhavanto dyūtakāritam

पर हे कौरव्य! उस समय मैं आनर्त देश में नहीं था; इसी कारण आप जुए से उत्पन्न इस विपत्ति में पड़ गए।

श्लोक 15 (3.13.15)

सोऽहमेत्य कुरुश्रेष्ठ द्वारकां पाण्डुनन्दन । अश्रौषं त्वां व्यसनिनं युयुधानाद्यथातथम् ॥

so'hametya kuruśreṣṭha dvārakāṃ pāṇḍunandana | aśrauṣaṃ tvāṃ vyasaninaṃ yuyudhānādyathātatham

हे कुरुश्रेष्ठ पाण्डुनन्दन! द्वारका लौटने पर मैंने युयुधान (सात्यकि) से ठीक-ठीक सुना कि आप पर कैसी विपत्ति आ पड़ी है।

श्लोक 16 (3.13.16)

श्रुत्वैव चाहं राजेन्द्र परमोद्विग्नमानसः । तूर्णमभ्यागतोऽस्मि त्वां द्रष्टुकामो विशांपते ॥

śrutvaiva cāhaṃ rājendra paramodvignamānasaḥ | tūrṇamabhyāgato'smi tvāṃ draṣṭukāmo viśāṃpate

हे राजेन्द्र! यह सुनते ही मेरा मन अत्यन्त व्याकुल हो उठा, और हे प्रजापालक, मैं आपको देखने के लिए तुरंत यहाँ आ पहुँचा हूँ।

श्लोक 17 (3.13.17)

अहो कृच्छ्रमनुप्राप्ताः सर्वे स्म भरतर्षभ । सोऽहं त्वां व्यसने मग्नं पश्यामि सह सोदरैः ॥

aho kṛcchramanuprāptāḥ sarve sma bharatarṣabha | so'haṃ tvāṃ vyasane magnaṃ paśyāmi saha sodaraiḥ

अहो, हे भरतश्रेष्ठ! हम सभी संकट में पड़ गए हैं, क्योंकि मैं आपको भाइयों सहित विपत्ति में डूबा हुआ देख रहा हूँ।