मार्कण्डेय द्वारा राम का स्मरण

श्लोक 1 (3.25.1)

तत्काननं प्राप्य नरेन्द्रपुत्राः । सुखोचिता वासमुपेत्य कृच्छ्रम् । विजह्रुरिन्द्रप्रतिमाः शिवेषु । सरस्वतीसालवनेषु तेषु ॥

tatkānanaṃ prāpya narendraputrāḥ | sukhocitā vāsamupetya kṛcchram | vijahrurindrapratimāḥ śiveṣu | sarasvatīsālavaneṣu teṣu

उस वन में पहुँचकर, सुख के अभ्यस्त किन्तु अब कठिन निवास को प्राप्त हुए वे राजपुत्र इन्द्र के समान सरस्वती के तट पर उन मंगलमय शालवनों में विहार करने लगे।

श्लोक 2 (3.25.2)

यतींश्च राजा स मुनींश्च सर्वां- । स्तस्मिन्वने मूलफलैरुदग्रैः । द्विजातिमुख्यानृषभः कुरूणां । संतर्पयामास महानुभावः ॥

yatīṃśca rājā sa munīṃśca sarvāṃ- | stasminvane mūlaphalairudagraiḥ | dvijātimukhyānṛṣabhaḥ kurūṇāṃ | saṃtarpayāmāsa mahānubhāvaḥ

और कुरुश्रेष्ठ महानुभाव राजा ने उस वन में उत्तम कन्द-मूल-फलों से सब यतियों, मुनियों और श्रेष्ठ ब्राह्मणों को तृप्त किया।

श्लोक 3 (3.25.3)

इष्टीश्च पित्र्याणि तथा क्रियाश्च । महावने वसतां पाण्डवानाम् । पुरोहितस्तत्र समृद्धतेजा- । श्चकार धौम्यः पितृवन्नृपाणाम् ॥

iṣṭīśca pitryāṇi tathā kriyāśca | mahāvane vasatāṃ pāṇḍavānām | purohitastatra samṛddhatejā- | ścakāra dhaumyaḥ pitṛvannṛpāṇām

महावन में रहते हुए पाण्डवों के लिए समृद्ध तेज वाले पुरोहित धौम्य, राजकुमारों के पिता के समान, यज्ञ, पितृकर्म और अन्य क्रियाएँ सम्पन्न करते थे।

श्लोक 4 (3.25.4)

अपेत्य राष्ट्राद्वसतां तु तेषा- । मृषिः पुराणोऽतिथिराजगाम । तमाश्रमं तीव्रसमृद्धतेजा । मार्कण्डेयः श्रीमतां पाण्डवानाम् ॥

apetya rāṣṭrādvasatāṃ tu teṣā- | mṛṣiḥ purāṇo'tithirājagāma | tamāśramaṃ tīvrasamṛddhatejā | mārkaṇḍeyaḥ śrīmatāṃ pāṇḍavānām

राज्य छोड़कर वहाँ रहते हुए उन श्रीमान् पाण्डवों के आश्रम में एक प्राचीन ऋषि अतिथि बनकर आए — प्रखर और समृद्ध तेज वाले मार्कण्डेय।

श्लोक 5 (3.25.5)

तमागतं ज्वलितहुताशनप्रभं । महामनाः कुरुवृषभो युधिष्ठिरः । अपूजयत्सुरऋषिमानवार्चितं । महामुनिं ह्यनुपमसत्त्ववीर्यवान् ॥

tamāgataṃ jvalitahutāśanaprabhaṃ | mahāmanāḥ kuruvṛṣabho yudhiṣṭhiraḥ | apūjayatsuraṛṣimānavārcitaṃ | mahāmuniṃ hyanupamasattvavīryavān

प्रज्वलित अग्नि के समान तेजस्वी, देवताओं, ऋषियों और मनुष्यों से पूजित उन महामुनि के आने पर अनुपम बल और पराक्रम वाले उदारचित्त कुरुश्रेष्ठ युधिष्ठिर ने उनका पूजन किया।

श्लोक 6 (3.25.6)

स सर्वविद्द्रौपदीं वीक्ष्य दीनां । युधिष्ठिरं भीमसेनार्जुनौ च । संस्मृत्य रामं मनसा महात्मा । तपस्विमध्येऽस्मयतामितौजाः ॥

sa sarvaviddraupadīṃ vīkṣya dīnāṃ | yudhiṣṭhiraṃ bhīmasenārjunau ca | saṃsmṛtya rāmaṃ manasā mahātmā | tapasvimadhye'smayatāmitaujāḥ

उन सर्वज्ञ ने दुःखी द्रौपदी को और युधिष्ठिर, भीमसेन तथा अर्जुन को देखकर मन में राम का स्मरण किया, और वे अमित तेजस्वी महात्मा तपस्वियों के बीच मुस्करा उठे।

श्लोक 7 (3.25.7)

तं धर्मराजो विमना इवाब्रवी- । त्सर्वे ह्रिया सन्ति तपस्विनोऽमी । भवानिदं किं स्मयतीव हृष्ट- । स्तपस्विनां पश्यतां मामुदीक्ष्य ॥

taṃ dharmarājo vimanā ivābravī- | tsarve hriyā santi tapasvino'mī | bhavānidaṃ kiṃ smayatīva hṛṣṭa- | stapasvināṃ paśyatāṃ māmudīkṣya

तब धर्मराज ने मानो उदास होकर उनसे कहा — "ये सब तपस्वी संकोच में पड़ गए हैं। आप तपस्वियों के देखते-देखते मेरी ओर देखकर ऐसे क्यों मुस्करा रहे हैं, मानो प्रसन्न हों?"

श्लोक 8 (3.25.8)

न तात हृष्यामि न च स्मयामि । प्रहर्षजो मां भजते न दर्पः । तवापदं त्वद्य समीक्ष्य रामं । सत्यव्रतं दाशरथिं स्मरामि ॥

na tāta hṛṣyāmi na ca smayāmi | praharṣajo māṃ bhajate na darpaḥ | tavāpadaṃ tvadya samīkṣya rāmaṃ | satyavrataṃ dāśarathiṃ smarāmi

"वत्स, न मैं प्रसन्न हूँ और न मुस्करा रहा हूँ; हर्ष से उपजा कोई गर्व मुझमें नहीं है। आज तुम्हारी विपत्ति देखकर मुझे सत्यव्रती दशरथनन्दन राम का स्मरण हो आया।"

श्लोक 9 (3.25.9)

स चापि राजा सह लक्ष्मणेन । वने निवासं पितुरेव शासनात् । धन्वी चरन्पार्थ मयैव दृष्टो । गिरेः पुरा ऋष्यमूकस्य सानौ ॥

sa cāpi rājā saha lakṣmaṇena | vane nivāsaṃ pitureva śāsanāt | dhanvī caranpārtha mayaiva dṛṣṭo | gireḥ purā ṛṣyamūkasya sānau

"वे राजा भी केवल पिता की आज्ञा से लक्ष्मण के साथ वन में रहे थे; हे पार्थ, बहुत पहले मैंने स्वयं उन्हें धनुष लिए ऋष्यमूक पर्वत की ढलान पर विचरते देखा था।"

श्लोक 10 (3.25.10)

सहस्रनेत्रप्रतिमो महात्मा । यमस्य नेता नमुचेश्च हन्ता । पितुर्निदेशादनघः स्वधर्मं । चरन्वने दाशरथिश्चकार ॥

sahasranetrapratimo mahātmā | yamasya netā namuceśca hantā | piturnideśādanaghaḥ svadharmaṃ | caranvane dāśarathiścakāra

"सहस्रनेत्र इन्द्र के समान महात्मा, यम के भी नियन्ता और नमुचि के संहारक, निष्पाप दशरथनन्दन ने पिता की आज्ञा से वन में रहते हुए अपने धर्म का पालन किया।"

श्लोक 11 (3.25.11)

स चापि शक्रस्य समप्रभावो । महानुभावः समरेष्वजेयः । विहाय भोगानचरद्वनेषु । नेशे बलस्येति चरेदधर्मम् ॥

sa cāpi śakrasya samaprabhāvo | mahānubhāvaḥ samareṣvajeyaḥ | vihāya bhogānacaradvaneṣu | neśe balasyeti caredadharmam

"वे भी इन्द्र के समान प्रभावशाली, महानुभाव और युद्ध में अजेय थे, फिर भी भोगों को त्यागकर वनों में विचरे। 'मुझमें सामर्थ्य है' — यह सोचकर किसी को अधर्म नहीं करना चाहिए।"

श्लोक 12 (3.25.12)

नृपाश्च नाभागभगीरथादयो । महीमिमां सागरान्तां विजित्य । सत्येन तेऽप्यजयंस्तात लोका- । न्नेशे बलस्येति चरेदधर्मम् ॥

nṛpāśca nābhāgabhagīrathādayo | mahīmimāṃ sāgarāntāṃ vijitya | satyena te'pyajayaṃstāta lokā- | nneśe balasyeti caredadharmam

"नाभाग और भगीरथ आदि राजाओं ने समुद्र तक फैली इस पृथ्वी को जीता, और वत्स, सत्य के बल से उन्होंने परलोकों को भी जीत लिया। 'मुझमें सामर्थ्य है' — यह सोचकर किसी को अधर्म नहीं करना चाहिए।"

श्लोक 13 (3.25.13)

अलर्कमाहुर्नरवर्य सन्तं । सत्यव्रतं काशिकरूषराजम् । विहाय राज्यानि वसूनि चैव । नेशे बलस्येति चरेदधर्मम् ॥

alarkamāhurnaravarya santaṃ | satyavrataṃ kāśikarūṣarājam | vihāya rājyāni vasūni caiva | neśe balasyeti caredadharmam

"हे नरश्रेष्ठ, काशी और करूष के राजा सत्यव्रती अलर्क को लोग सज्जन कहते हैं, क्योंकि उन्होंने राज्य और धन तक त्याग दिए। 'मुझमें सामर्थ्य है' — यह सोचकर किसी को अधर्म नहीं करना चाहिए।"

श्लोक 14 (3.25.14)

धात्रा विधिर्यो विहितः पुराणै- । स्तं पूजयन्तो नरवर्य सन्तः । सप्तर्षयः पार्थ दिवि प्रभान्ति । नेशे बलस्येति चरेदधर्मम् ॥

dhātrā vidhiryo vihitaḥ purāṇai- | staṃ pūjayanto naravarya santaḥ | saptarṣayaḥ pārtha divi prabhānti | neśe balasyeti caredadharmam

"हे पार्थ, हे नरश्रेष्ठ, विधाता ने प्राचीन वेदवाक्यों द्वारा जो विधि बनाई, उसका आदर करते हुए सज्जन सप्तर्षि आकाश में दीप्तिमान हैं। 'मुझमें सामर्थ्य है' — यह सोचकर किसी को अधर्म नहीं करना चाहिए।"

श्लोक 15 (3.25.15)

महाबलान्पर्वतकूटमात्रा- । न्विषाणिनः पश्य गजान्नरेन्द्र । स्थितान्निदेशे नरवर्य धातु- । र्नेशे बलस्येति चरेदधर्मम् ॥

mahābalānparvatakūṭamātrā- | nviṣāṇinaḥ paśya gajānnarendra | sthitānnideśe naravarya dhātu- | rneśe balasyeti caredadharmam

"हे नरेन्द्र, पर्वत-शिखरों जितने विशाल, दाँतों वाले महाबली हाथियों को देखो; हे नरश्रेष्ठ, वे भी विधाता की आज्ञा में स्थित रहते हैं। 'मुझमें सामर्थ्य है' — यह सोचकर किसी को अधर्म नहीं करना चाहिए।"

श्लोक 16 (3.25.16)

सर्वाणि भूतानि नरेन्द्र पश्य । तथा यथावद्विहितं विधात्रा । स्वयोनितः कर्म सदाचरन्ति । नेशे बलस्येति चरेदधर्मम् ॥

sarvāṇi bhūtāni narendra paśya | tathā yathāvadvihitaṃ vidhātrā | svayonitaḥ karma sadācaranti | neśe balasyeti caredadharmam

"हे नरेन्द्र, देखो, विधाता ने जैसा यथोचित विधान किया है, उसी प्रकार सब प्राणी सदा अपनी-अपनी योनि के अनुसार कर्म करते हैं। 'मुझमें सामर्थ्य है' — यह सोचकर किसी को अधर्म नहीं करना चाहिए।"

श्लोक 17 (3.25.17)

सत्येन धर्मेण यथार्हवृत्त्या । ह्रिया तथा सर्वभूतान्यतीत्य । यशश्च तेजश्च तवापि दीप्तं । विभावसोर्भास्करस्येव पार्थ ॥

satyena dharmeṇa yathārhavṛttyā | hriyā tathā sarvabhūtānyatītya | yaśaśca tejaśca tavāpi dīptaṃ | vibhāvasorbhāskarasyeva pārtha

"हे पार्थ, सत्य, धर्म, यथोचित आचरण और लज्जाशीलता से तुमने सब प्राणियों को पीछे छोड़ दिया है; तुम्हारा यश और तेज भी अग्नि और सूर्य के समान दीप्तिमान है।"

श्लोक 18 (3.25.18)

यथाप्रतिज्ञं च महानुभाव । कृच्छ्रं वने वासमिमं निरुष्य । ततः श्रियं तेजसा तेन दीप्ता- । मादास्यसे पार्थिव कौरवेभ्यः ॥

yathāpratijñaṃ ca mahānubhāva | kṛcchraṃ vane vāsamimaṃ niruṣya | tataḥ śriyaṃ tejasā tena dīptā- | mādāsyase pārthiva kauravebhyaḥ

"हे महानुभाव, अपनी प्रतिज्ञा के अनुसार वन का यह कठिन वास पूरा करके, हे राजन्, तुम अपने उसी तेज से कौरवों से अपनी दीप्तिमान राजलक्ष्मी वापस ले लोगे।"

श्लोक 19 (3.25.19)

तमेवमुक्त्वा वचनं महर्षि- । स्तपस्विमध्ये सहितं सुहृद्भिः । आमन्त्र्य धौम्यं सहितांश्च पार्थां- । स्ततः प्रतस्थे दिशमुत्तरां सः ॥

tamevamuktvā vacanaṃ maharṣi- | stapasvimadhye sahitaṃ suhṛdbhiḥ | āmantrya dhaumyaṃ sahitāṃśca pārthāṃ- | stataḥ pratasthe diśamuttarāṃ saḥ

तपस्वियों के बीच सुहृदों सहित बैठे युधिष्ठिर से ऐसा कहकर वे महर्षि धौम्य और सब पाण्डवों से विदा लेकर उत्तर दिशा की ओर चल पड़े।