दिवंगतों के लिए महादान

श्लोक 1 (15.15.1)

विदुरेणैवमुक्तस्तु धृतराष्ट्रो जनाधिपः । प्रीतिमानभवद्राजन्राज्ञो जिष्णोश्च कर्मणा ॥

vidureṇaivamuktastu dhṛtarāṣṭro janādhipaḥ | prītimānabhavadrājanrājño jiṣṇośca karmaṇā

विदुर के ऐसा कहने पर जनाधिप धृतराष्ट्र, हे राजन्, राजा युधिष्ठिर और जिष्णु (अर्जुन) के आचरण से प्रसन्न हुए।

श्लोक 2 (15.15.2)

ततोऽभिरूपान्भीष्माय ब्राह्मणानृषिसत्तमान् । पुत्रार्थे सुहृदां चैव स समीक्ष्य सहस्रशः ॥

tato'bhirūpānbhīṣmāya brāhmaṇānṛṣisattamān | putrārthe suhṛdāṃ caiva sa samīkṣya sahasraśaḥ

तब उन्होंने भीष्म के लिए तथा पुत्रों और सुहृदों के लिए सहस्रों योग्य, ऋषिश्रेष्ठ ब्राह्मणों का चयन करके,

श्लोक 3 (15.15.3)

कारयित्वाऽन्नपानानि यानान्याच्छादनानि च । सुवर्णमणिरत्नानि दासीदासपरिच्छदान् ॥

kārayitvā'nnapānāni yānānyācchādanāni ca | suvarṇamaṇiratnāni dāsīdāsaparicchadān

अन्न-पान, वाहन और वस्त्र, सोना, मणि और रत्न, तथा दास-दासियाँ और उनकी सामग्री तैयार कराकर,

श्लोक 4 (15.15.4)

कंबलानि च रत्नानि ग्रामान्क्षेत्रं तथा धनम् । सालङ्कारान्गजानश्वान्कन्याश्चैव वरस्त्रियः ॥

kaṃbalāni ca ratnāni grāmānkṣetraṃ tathā dhanam | sālaṅkārāngajānaśvānkanyāścaiva varastriyaḥ

कम्बल और रत्न, ग्राम, खेत और धन, अलंकार सहित हाथी और घोड़े, कन्याएँ और उत्तम स्त्रियाँ —

श्लोक 5 (15.15.5)

आदिश्यादिश्य सर्वेभ्यो ददौ स नृपसत्तमः । द्रोणं संकीर्त्य भीष्मं च सोमदत्तं च बाह्लिकम् ॥

ādiśyādiśya sarvebhyo dadau sa nṛpasattamaḥ | droṇaṃ saṃkīrtya bhīṣmaṃ ca somadattaṃ ca bāhlikam

एक-एक के लिए नियत कर-करके उन नृपश्रेष्ठ ने सबको दान दिया, द्रोण, भीष्म, सोमदत्त और बाह्लीक का नाम लेकर,

श्लोक 6 (15.15.6)

दुर्योधनं च राजानं पुत्रांश्चैव पृथक्पृथक् । जयद्रथपुरोगांश्च सुहृदश्चापि सर्वशः ॥

duryodhanaṃ ca rājānaṃ putrāṃścaiva pṛthakpṛthak | jayadrathapurogāṃśca suhṛdaścāpi sarvaśaḥ

और राजा दुर्योधन का, पुत्रों का एक-एक करके, और जयद्रथ आदि सब सुहृदों का भी नाम लेकर।

श्लोक 7 (15.15.7)

स श्राद्धयज्ञो ववृते बहुगोधनदक्षिणः । अनेकधनरत्नौघो युधिष्ठिरमते तदा ॥

sa śrāddhayajño vavṛte bahugodhanadakṣiṇaḥ | anekadhanaratnaugho yudhiṣṭhiramate tadā

वह श्राद्ध-यज्ञ चलता रहा, जिसमें बहुत गौओं और धन की दक्षिणा थी और असंख्य धन-रत्नों का प्रवाह था; यह सब युधिष्ठिर की सम्मति से हुआ।

श्लोक 8 (15.15.8)

अनिशं यत्र पुरुषा गणका लेखकास्तदा । युधिष्ठिरस्य वचनादपृच्छन्त स्म तं नृपम् ॥

aniśaṃ yatra puruṣā gaṇakā lekhakāstadā | yudhiṣṭhirasya vacanādapṛcchanta sma taṃ nṛpam

वहाँ दिन-रात कर्मचारी, गणक और लेखक युधिष्ठिर के कहने से उस राजा से पूछते रहते थे:

श्लोक 9 (15.15.9)

आज्ञापय किमेतेभ्यः प्रदेयं दीयतामिति । तदुपस्थितमेवात्र वचनान्ते ददुस्तदा ॥

ājñāpaya kimetebhyaḥ pradeyaṃ dīyatāmiti | tadupasthitamevātra vacanānte dadustadā

"आज्ञा दीजिए — इन्हें क्या देना है? दिया जाए।" और जो कुछ वहाँ उपस्थित था, उनके वचन के अन्त में वे तुरन्त देते थे।

श्लोक 10 (15.15.10)

शते देये दशशतं सहस्रं चायुतं तथा । दीयते वचनाद्राज्ञः कुन्तीपुत्रस्य धीमतः ॥

śate deye daśaśataṃ sahasraṃ cāyutaṃ tathā | dīyate vacanādrājñaḥ kuntīputrasya dhīmataḥ

जहाँ सौ देना होता वहाँ दस सौ दिया जाता, और इसी प्रकार हज़ार और दस हज़ार; यह बुद्धिमान् कुन्तीपुत्र राजा के कहने से दिया जाता था।

श्लोक 11 (15.15.11)

एवं स वसुधाराभिर्वर्षमाणो नृपांबुदः । तर्पयामास विप्रांस्तान्वर्षन्भूमिमिवांबुदः ॥

evaṃ sa vasudhārābhirvarṣamāṇo nṛpāṃbudaḥ | tarpayāmāsa viprāṃstānvarṣanbhūmimivāṃbudaḥ

इस प्रकार धन की धाराओं से बरसते हुए उस राजा-रूपी मेघ ने उन ब्राह्मणों को तृप्त किया, जैसे मेघ भूमि पर बरसता है।

श्लोक 12 (15.15.12)

ततोऽनन्तरमेवात्र सर्ववर्णान्महामते । अन्नपानरसौघेन प्लावयामास पार्थिवः ॥

tato'nantaramevātra sarvavarṇānmahāmate | annapānarasaughena plāvayāmāsa pārthivaḥ

तब हे महामते, राजा ने अन्न, पान और रसों की बाढ़ से सब वर्णों के लोगों को डुबो दिया।

श्लोक 13 (15.15.13)

सवस्त्रधनरत्नौघो मृदङ्गनिनदस्वनः । गवाश्वमकरावर्तो नानारत्नमहाकरः ॥

savastradhanaratnaugho mṛdaṅganinadasvanaḥ | gavāśvamakarāvarto nānāratnamahākaraḥ

वस्त्र, धन और रत्नों के प्रवाह वाला, मृदंग-नाद की गर्जना वाला, गौओं, घोड़ों और मकरों के भँवरों वाला, अनेक प्रकार के रत्नों की विशाल खान-सा,

श्लोक 14 (15.15.14)

ग्रामाग्रहारद्वीपाढ्यो मणिहेमजलार्णवः । जगत्संप्लावयामास धृतराष्ट्रोडुपोद्धतः ॥

grāmāgrahāradvīpāḍhyo maṇihemajalārṇavaḥ | jagatsaṃplāvayāmāsa dhṛtarāṣṭroḍupoddhataḥ

ग्रामों, अग्रहारों और द्वीपों से सम्पन्न, मणि और स्वर्ण-रूपी जल वाले उस समुद्र से धृतराष्ट्र ने, उस पर चन्द्रमा के समान उठकर, जगत् को डुबो दिया।

श्लोक 15 (15.15.15)

एवं स पुत्रपौत्राणां पितॄणामात्मनस्तथा । गान्धार्याश्च महाराज प्रददावौर्ध्वदेहिकम् ॥

evaṃ sa putrapautrāṇāṃ pitṝṇāmātmanastathā | gāndhāryāśca mahārāja pradadāvaurdhvadehikam

इस प्रकार हे महाराज, उन्होंने अपने पुत्र-पौत्रों, पितरों, अपने स्वयं और गान्धारी के लिए भी और्ध्वदेहिक दान दिया।

श्लोक 16 (15.15.16)

परिश्रान्तो यदासीत्स ददद्दानान्यनेकशः । निवर्तयामास तदा दानयज्ञं नराधिपः ॥

pariśrānto yadāsītsa dadaddānānyanekaśaḥ | nivartayāmāsa tadā dānayajñaṃ narādhipaḥ

जब अनेक बार दान देते-देते वे थक गए, तब राजा ने उस दान-यज्ञ को समाप्त किया।

श्लोक 17 (15.15.17)

एवं स राजा कौरव्यश्चक्रे दानमहाक्रतुम् । नटनर्तकलास्याढ्यं बह्वन्नरसदक्षिणम् ॥

evaṃ sa rājā kauravyaścakre dānamahākratum | naṭanartakalāsyāḍhyaṃ bahvannarasadakṣiṇam

इस प्रकार उस कौरव राजा ने महान् दान-यज्ञ किया, जो नट, नर्तक और गायकों से भरा था और जिसमें अन्न, रस और दक्षिणा प्रचुर थी।

श्लोक 18 (15.15.18)

दशाहमेवं दानानि दत्त्वा राजाम्बिकासुतः । बभूव पुत्रपौत्राणामनृणो भरतर्षभ ॥

daśāhamevaṃ dānāni dattvā rājāmbikāsutaḥ | babhūva putrapautrāṇāmanṛṇo bharatarṣabha

इस प्रकार दस दिन तक दान देकर अम्बिका के पुत्र राजा पुत्र-पौत्रों के ऋण से मुक्त हो गए, हे भरतश्रेष्ठ।