पाण्डवों का मरुत्त का धन लाने का निश्चय

श्लोक 1 (14.63.1)

श्रुत्वैतद्वचनं ब्रह्मन्व्यासेनोक्तं महात्मना । अश्वमेधं प्रति तदा किं भूयः प्रचकार ह ॥

śrutvaitadvacanaṃ brahmanvyāsenoktaṃ mahātmanā | aśvamedhaṃ prati tadā kiṃ bhūyaḥ pracakāra ha

हे ब्रह्मन्, महात्मा व्यास के ये वचन सुनकर उन्होंने अश्वमेध के विषय में आगे क्या किया?

श्लोक 2 (14.63.2)

रत्नं च यन्मरुत्तेन निहितं वसुधातले । तदवाप कथं चेति तन्मे ब्रूहि द्विजोत्तम ॥

ratnaṃ ca yanmaruttena nihitaṃ vasudhātale | tadavāpa kathaṃ ceti tanme brūhi dvijottama

और जो रत्न मरुत्त ने पृथ्वी में रख छोड़ा था, उसे उन्होंने कैसे पाया? द्विजश्रेष्ठ, यह मुझे बताइए।

श्लोक 3 (14.63.3)

श्रुत्वा द्वैपायनवचो धर्मराजो युधिष्ठिरः । भ्रातॄन्सर्वान्समानाय्य काले वचनमब्रवीत् ॥

śrutvā dvaipāyanavaco dharmarājo yudhiṣṭhiraḥ | bhrātṝnsarvānsamānāyya kāle vacanamabravīt

द्वैपायन के वचन सुनकर धर्मराज युधिष्ठिर ने सब भाइयों को बुलाकर उचित समय पर उनसे कहा:

श्लोक 4 (14.63.4)

अर्जुनं भीमसेनं च माद्रीपुत्रौ यमावपि । श्रुतं वो वचनं वीराः सौहृदाद्यन्महात्मना ॥

arjunaṃ bhīmasenaṃ ca mādrīputrau yamāvapi | śrutaṃ vo vacanaṃ vīrāḥ sauhṛdādyanmahātmanā

अर्जुन, भीमसेन और माद्री के दोनों पुत्रों से उसने कहा: "वीरो, तुमने उन महात्मा के वे वचन सुने हैं जो उन्होंने स्नेह से कहे थे,

श्लोक 5 (14.63.5)

कुरूणां हितकामेन प्रोक्तं कृष्णेन धीमता । तपोवृद्धेन महता सुहृदां भूतिमिच्छता ॥

kurūṇāṃ hitakāmena proktaṃ kṛṣṇena dhīmatā | tapovṛddhena mahatā suhṛdāṃ bhūtimicchatā

कुरुओं का हित चाहने वाले बुद्धिमान् कृष्ण ने, और तप में बढ़े हुए उन महान् पुरुष ने, जो मित्रों की समृद्धि चाहते हैं,

श्लोक 6 (14.63.6)

गुरुणा धर्मशीलेन व्यासेनाद्भुतकर्मणा । भीष्मेण च महाप्राज्ञ गोविन्देन च धीमता ॥

guruṇā dharmaśīlena vyāsenādbhutakarmaṇā | bhīṣmeṇa ca mahāprājña govindena ca dhīmatā

हमारे गुरु धर्मशील और अद्भुत कर्म करने वाले व्यास ने, तथा भीष्म और बुद्धिमान् गोविन्द ने भी, हे महाप्राज्ञ, कहे हैं।

श्लोक 7 (14.63.7)

संस्मृत्य तदहं सम्यक्कर्तुमिच्छामि पाण्डवाः । आयत्यां च तदात्वे च सर्वेषां तद्धि नो हितम् ॥

saṃsmṛtya tadahaṃ samyakkartumicchāmi pāṇḍavāḥ | āyatyāṃ ca tadātve ca sarveṣāṃ taddhi no hitam

उन्हें भली-भाँति स्मरण करके, हे पाण्डवो, मैं उसे करना चाहता हूँ; वह हम सबके लिए आगे भी और अभी भी हितकर है,

श्लोक 8 (14.63.8)

अनुबन्धे च कल्याणं यद्वचो ब्रह्मवादिनः । इयं हि वसुधा सर्वा क्षीणरत्ना कुरूद्वहाः ॥

anubandhe ca kalyāṇaṃ yadvaco brahmavādinaḥ | iyaṃ hi vasudhā sarvā kṣīṇaratnā kurūdvahāḥ

और ब्रह्मवादियों का वचन परिणाम में भी कल्याणकारी होता है। हे कुरुश्रेष्ठो, यह सारी पृथ्वी रत्नों से रिक्त हो चुकी है।

श्लोक 9 (14.63.9)

तच्चाचष्ट तदा व्यासो मरुत्तस्य धनं नृपाः । यद्येतद्वो बहुमतं मन्यध्वं वा क्षमं यदि । तदानयामहे सर्वे कथं वा भीम मन्यसे ॥

taccācaṣṭa tadā vyāso maruttasya dhanaṃ nṛpāḥ | yadyetadvo bahumataṃ manyadhvaṃ vā kṣamaṃ yadi | tadānayāmahe sarve kathaṃ vā bhīma manyase

उसी समय व्यास ने मरुत्त के उस धन की बात बताई थी, हे राजाओ। यदि यह तुम्हें अच्छा लगे, या तुम इसे उचित मानो, तो हम सब उसे ले आएँ। भीम, तुम क्या सोचते हो?"

श्लोक 10 (14.63.10)

इत्युक्तवाक्ये नृपतौ तदा कुरुकुलोद्वह । भीमसेनो नृपश्रेष्ठं प्राञ्जलिर्वाक्यमब्रवीत् ॥

ityuktavākye nṛpatau tadā kurukulodvaha | bhīmaseno nṛpaśreṣṭhaṃ prāñjalirvākyamabravīt

राजा के ऐसा कहने पर, हे कुरुकुलश्रेष्ठ, भीमसेन ने हाथ जोड़कर उन नृपश्रेष्ठ से कहा:

श्लोक 11 (14.63.11)

रोचते मे महाबाहो यदिदं भाषितं त्वया । व्यासाख्यातस्य वित्तस्य समुपानयनं प्रति ॥

rocate me mahābāho yadidaṃ bhāṣitaṃ tvayā | vyāsākhyātasya vittasya samupānayanaṃ prati

"महाबाहो, आपने व्यास द्वारा बताए हुए धन को ले आने के विषय में जो कहा है, वह मुझे अच्छा लगता है।

श्लोक 12 (14.63.12)

तत्प्राप्नुयामहे धर्माद्यद्धनं काङ्क्षितं प्रभो । कृतमेव महाराज भवेदिति मतिर्मम ॥

tatprāpnuyāmahe dharmādyaddhanaṃ kāṅkṣitaṃ prabho | kṛtameva mahārāja bhavediti matirmama

प्रभो, जिस धन की हमें इच्छा है, उसे यदि हम धर्मपूर्वक पा लें, तो हे महाराज, वह कार्य पूरा हुआ ही समझिए; ऐसा मेरा मत है।

श्लोक 13 (14.63.13)

ते वयं प्रणिपातेन गिरीशस्य महात्मनः । तदानयामि भद्रं ते समभ्यर्च्य कपर्दिनम् ॥

te vayaṃ praṇipātena girīśasya mahātmanaḥ | tadānayāmi bhadraṃ te samabhyarcya kapardinam

इसलिए महात्मा गिरीश को विनम्र प्रणाम करके और जटाधारी कपर्दी की पूजा करके मैं उसे ले आऊँगा। आपका कल्याण हो।

श्लोक 14 (14.63.14)

तं विभुं देवदेवेशं शूलपाणिं त्रिलोचनम् । अनादिनिधनं शंभुं नमस्यामि महेश्वरम् ॥

taṃ vibhuṃ devadeveśaṃ śūlapāṇiṃ trilocanam | anādinidhanaṃ śaṃbhuṃ namasyāmi maheśvaram

मैं उन सर्वव्यापी देवाधिदेव को, शूलपाणि त्रिलोचन को, अनादि और अनन्त शम्भु महेश्वर को प्रणाम करता हूँ,

श्लोक 15 (14.63.15)

लोकनाथं गणाध्यक्षं तस्यैवानुचरांश्च तान् । प्रसाद्यार्थमवाप्स्यामो नूनं वाग्बुद्धिकर्मभिः ॥

lokanāthaṃ gaṇādhyakṣaṃ tasyaivānucarāṃśca tān | prasādyārthamavāpsyāmo nūnaṃ vāgbuddhikarmabhiḥ

लोकनाथ, गणाध्यक्ष को और उन्हीं के अनुचरों को भी। वाणी, मन और कर्म से उन्हें प्रसन्न करके हम निश्चय ही यह धन पा लेंगे।

श्लोक 16 (14.63.16)

रक्षन्ते ये च तद्द्रव्यं किन्नरा रौद्रदर्शनाः । ते च वश्या भविष्यन्ति प्रसन्ने वृषभध्वजे ॥

rakṣante ye ca taddravyaṃ kinnarā raudradarśanāḥ | te ca vaśyā bhaviṣyanti prasanne vṛṣabhadhvaje

और जो भयंकर रूप वाले किन्नर उस धन की रक्षा करते हैं, वे भी वृषभध्वज के प्रसन्न होने पर हमारे वश में हो जाएँगे।

श्लोक 17 (14.63.17)

स हि देवः प्रसन्नात्मा भक्तानां परमेश्वरः । ददात्यमरतां चापि किं पुनः काञ्चनं प्रभुः ॥

sa hi devaḥ prasannātmā bhaktānāṃ parameśvaraḥ | dadātyamaratāṃ cāpi kiṃ punaḥ kāñcanaṃ prabhuḥ

वह देव प्रसन्नचित्त है और भक्तों का परमेश्वर है; वह अमरत्व तक दे देता है, फिर प्रभु के लिए स्वर्ण की तो बात ही क्या।

श्लोक 18 (14.63.18)

वनस्थस्य पुरा जिष्णोरस्त्रं पाशुपतं महत् । रौद्रं ब्रह्मशिरश्चादात्प्रसन्नः किं पुनर्धनम् ॥

vanasthasya purā jiṣṇorastraṃ pāśupataṃ mahat | raudraṃ brahmaśiraścādātprasannaḥ kiṃ punardhanam

पहले जब जिष्णु (अर्जुन) वन में रहते थे, तब प्रसन्न होकर उसने उन्हें महान् पाशुपत अस्त्र और भयंकर ब्रह्मशिर अस्त्र दिया था; फिर प्रसन्न होने पर धन की क्या बात?

श्लोक 19 (14.63.19)

वयं सर्वे हि तद्भक्ताः स चास्माकं प्रसीदति । तत्प्रसादादिदं राज्यं प्राप्तं कौरवनन्दन ॥

vayaṃ sarve hi tadbhaktāḥ sa cāsmākaṃ prasīdati | tatprasādādidaṃ rājyaṃ prāptaṃ kauravanandana

हम सब उनके भक्त हैं और वे हम पर प्रसन्न हैं। हे कुरुनन्दन, उन्हीं की कृपा से यह राज्य हमें मिला है।

श्लोक 20 (14.63.20)

अभिमन्योर्वधे वृत्ते प्रतिज्ञाते धनञ्जये । जयद्रथवधार्थाय स्वप्ने लोकगुरुर्निशि । प्रसाद्य लब्धवानस्त्रमर्जुनः सहकेशवः ॥

abhimanyorvadhe vṛtte pratijñāte dhanañjaye | jayadrathavadhārthāya svapne lokagururniśi | prasādya labdhavānastramarjunaḥ sahakeśavaḥ

अभिमन्यु के मारे जाने पर जब धनंजय ने प्रतिज्ञा कर ली, तब जयद्रथ के वध के लिए अर्जुन ने केशव के साथ रात में स्वप्न में लोकगुरु को प्रसन्न करके अस्त्र प्राप्त किया।

श्लोक 21 (14.63.21)

तत्र प्रभातां रजनीं फल्गुनस्याग्रतः प्रभुः । जघान सैन्यं शूलेन प्रत्यक्षं सव्यसाचिनः ॥

tatra prabhātāṃ rajanīṃ phalgunasyāgrataḥ prabhuḥ | jaghāna sainyaṃ śūlena pratyakṣaṃ savyasācinaḥ

उस रात प्रभात होने तक प्रभु ने फाल्गुन के आगे चलकर सव्यसाची के प्रत्यक्ष देखते हुए त्रिशूल से सेना का संहार किया।

श्लोक 22 (14.63.22)

कस्तां सेनां महाराज मनसाऽपि प्रधर्षयेत् । द्रोणिकर्णबलैर्युक्तां महेष्वासैः प्रहारिभिः । ऋते देवान्महेष्वासाद्बहुरूपान्महेश्वरात् ॥

kastāṃ senāṃ mahārāja manasā'pi pradharṣayet | droṇikarṇabalairyuktāṃ maheṣvāsaiḥ prahāribhiḥ | ṛte devānmaheṣvāsādbahurūpānmaheśvarāt

हे महाराज, द्रोणपुत्र और कर्ण की सेनाओं से युक्त, महान् धनुर्धरों और प्रहार करने वाले योद्धाओं से भरी उस सेना को, बहुरूपी महान् धनुर्धर देव महेश्वर को छोड़कर, मन से भी कौन दबा सकता था?

श्लोक 23 (14.63.23)

तस्यैव च प्रसादेन निहतास्तव शत्रवः । अश्वमेधस्य संसिद्धिं तव सम्पादयिष्यति ॥

tasyaiva ca prasādena nihatāstava śatravaḥ | aśvamedhasya saṃsiddhiṃ tava sampādayiṣyati

उन्हीं की कृपा से आपके शत्रु मारे गए, और वे ही आपके अश्वमेध यज्ञ की सिद्धि कराएँगे।"

श्लोक 24 (14.63.24)

श्रुत्वैवं वदतस्तस्य वाक्यं भीमस्य भारत । प्रीतो धर्मात्मजो राजा बभूवातीव भारत । अर्जुनप्रमुखाश्चापि तथेत्येवाब्रुवन्वचः ॥

śrutvaivaṃ vadatastasya vākyaṃ bhīmasya bhārata | prīto dharmātmajo rājā babhūvātīva bhārata | arjunapramukhāścāpi tathetyevābruvanvacaḥ

भीम को इस प्रकार बोलते सुनकर, हे भारत, धर्मपुत्र राजा अत्यन्त प्रसन्न हुए, और अर्जुन आदि ने भी कहा, "ऐसा ही हो।"

श्लोक 25 (14.63.25)

कृत्वा तु पाण्डवाः सर्वे रत्नाहरणनिश्चयम् । सेनामाज्ञापयामासुर्नक्षत्रेऽहनि च ध्रुवे ॥

kṛtvā tu pāṇḍavāḥ sarve ratnāharaṇaniścayam | senāmājñāpayāmāsurnakṣatre'hani ca dhruve

धन ले आने का निश्चय करके सब पाण्डवों ने स्थिर नक्षत्र वाले दिन के लिए सेना को तैयार होने की आज्ञा दी।

श्लोक 26 (14.63.26)

ततो ययुः पाण्डुसुता ब्राह्मणान्स्वस्ति वाच्य च । अर्चयित्वा सुरश्रेष्ठं पूर्वमेव महेश्वरम् ॥

tato yayuḥ pāṇḍusutā brāhmaṇānsvasti vācya ca | arcayitvā suraśreṣṭhaṃ pūrvameva maheśvaram

तब पाण्डुपुत्र ब्राह्मणों से स्वस्तिवाचन कराकर, और पहले देवश्रेष्ठ महेश्वर की पूजा करके चल पड़े।

श्लोक 27 (14.63.27)

मोदकैः पायसेनाथ मांसापूपैस्तथैव च । आशास्य च महात्मानं प्रययुर्मुदिता भृशम् ॥

modakaiḥ pāyasenātha māṃsāpūpaistathaiva ca | āśāsya ca mahātmānaṃ prayayurmuditā bhṛśam

मोदक, खीर, मांस और पूओं से पूजा करके और उन महात्मा से आशीर्वाद माँगकर वे अत्यन्त प्रसन्न होकर चले।

श्लोक 28 (14.63.28)

तेषां प्रयास्यतां तत्र मङ्गलानि शुभान्यथ । प्राहुः प्रहृष्टमनसो द्विजाग्र्या नागराश्च ते ॥

teṣāṃ prayāsyatāṃ tatra maṅgalāni śubhānyatha | prāhuḥ prahṛṣṭamanaso dvijāgryā nāgarāśca te

उनके प्रस्थान करते समय श्रेष्ठ ब्राह्मणों और नगरवासियों ने प्रसन्न मन से उन्हें मंगल और शुभ आशीर्वाद दिए।

श्लोक 29 (14.63.29)

ततः प्रदक्षिणीकृत्य शिरोभिः प्रणिपत्य च । ब्राह्मणानग्निसहितान्प्रययुः पाण्डुनन्दनाः ॥

tataḥ pradakṣiṇīkṛtya śirobhiḥ praṇipatya ca | brāhmaṇānagnisahitānprayayuḥ pāṇḍunandanāḥ

फिर अग्नियों सहित ब्राह्मणों की प्रदक्षिणा करके और सिर झुकाकर प्रणाम करके पाण्डुपुत्र आगे बढ़े।

श्लोक 30 (14.63.30)

समनुज्ञाप्य राजानं पुत्रशोकसमाहतम् । धृतराष्ट्रं सभार्यं वै पृथां च पृथुलोचनाम् ॥

samanujñāpya rājānaṃ putraśokasamāhatam | dhṛtarāṣṭraṃ sabhāryaṃ vai pṛthāṃ ca pṛthulocanām

उन्होंने पुत्रशोक से पीड़ित राजा धृतराष्ट्र से, उनकी पत्नी से, और विशाल नेत्रों वाली पृथा से आज्ञा ली,

श्लोक 31 (14.63.31)

मूले निक्षिप्य कौरव्यं युयुत्सुं धृतराष्ट्रजम् । सम्पूज्यमानाः पौरैश्च ब्राह्मणैश्च मनीषिभिः । प्रययुः पाण्डवा वीरा नियमस्थाः शुचिव्रताः ॥

mūle nikṣipya kauravyaṃ yuyutsuṃ dhṛtarāṣṭrajam | sampūjyamānāḥ pauraiśca brāhmaṇaiśca manīṣibhiḥ | prayayuḥ pāṇḍavā vīrā niyamasthāḥ śucivratāḥ

और धृतराष्ट्र-पुत्र कौरव्य युयुत्सु को पीछे आधार के रूप में छोड़कर, नगरवासियों और विद्वान् ब्राह्मणों से सम्मानित होते हुए, नियमों में स्थित और शुद्ध व्रत वाले पाण्डव वीर चल पड़े।