चार युग और आयु का परिमाण

श्लोक 1 (6.10.1)

भारतस्यास्य वर्षस्य तथा हैमवतस्य च । प्रमाणमायुषः सूत बलं चापि शुभाशुभम् ॥

bhāratasyāsya varṣasya tathā haimavatasya ca | pramāṇamāyuṣaḥ sūta balaṃ cāpi śubhāśubham

हे सूत, इस भारतवर्ष और हैमवतवर्ष में आयु का परिमाण, लोगों का बल, तथा उनका शुभ और अशुभ —

श्लोक 2 (6.10.2)

अनागतमतिक्रान्तं वर्तमानं च संजय । आचक्ष्व मे विस्तरेण हरिवर्षं तथैव च ॥

anāgatamatikrāntaṃ vartamānaṃ ca saṃjaya | ācakṣva me vistareṇa harivarṣaṃ tathaiva ca

हे संजय, भूत, भविष्य और वर्तमान — यह सब मुझे विस्तार से बताओ, और हरिवर्ष के विषय में भी।

श्लोक 3 (6.10.3)

चत्वारि भारते वर्षे युगानि भरतर्षभ । कृतं त्रेता द्वापरं च तिष्यं च कुरुवर्धन ॥

catvāri bhārate varṣe yugāni bharatarṣabha | kṛtaṃ tretā dvāparaṃ ca tiṣyaṃ ca kuruvardhana

हे भरतश्रेष्ठ, हे कुरुवर्धन, भारतवर्ष में चार युग होते हैं — कृत, त्रेता, द्वापर और तिष्य।

श्लोक 4 (6.10.4)

पूर्वं कृतयुगं नाम ततस्त्रेतायुगं प्रभो । संक्षेपाद्द्वापरस्याथ ततस्तिष्यं प्रवर्तते ॥

pūrvaṃ kṛtayugaṃ nāma tatastretāyugaṃ prabho | saṃkṣepāddvāparasyātha tatastiṣyaṃ pravartate

हे प्रभो, पहले कृतयुग आता है, फिर त्रेतायुग; द्वापर के समाप्त होने पर तिष्य युग प्रवृत्त होता है।

श्लोक 5 (6.10.5)

चत्वारि तु सहस्राणि वर्षाणां कुरुसत्तम । आयुःसंख्या कृतयुगे संख्याता राजसत्तम ॥

catvāri tu sahasrāṇi varṣāṇāṃ kurusattama | āyuḥsaṃkhyā kṛtayuge saṃkhyātā rājasattama

हे कुरुसत्तम, हे राजसत्तम, कृतयुग में आयु की गणना चार हज़ार वर्ष की मानी गई है;

श्लोक 6 (6.10.6)

तथा त्रीणि सहस्राणि त्रेतायां मनुजाधिप । द्वे सहस्रे द्वापरे तु भुवि तिष्ठन्ति सांप्रतम् ॥

tathā trīṇi sahasrāṇi tretāyāṃ manujādhipa | dve sahasre dvāpare tu bhuvi tiṣṭhanti sāṃpratam

हे मनुजाधिप, त्रेता में तीन हज़ार वर्ष, और द्वापर में दो हज़ार — इतने ही समय तक अभी लोग पृथ्वी पर रहते हैं।

श्लोक 7 (6.10.7)

न प्रमाणस्थितिर्ह्यस्ति तिष्येऽस्मिन्भरतर्षभ । गर्भस्थाश्च म्रियन्तेऽत्र तथा जाता म्रियन्ति च ॥

na pramāṇasthitirhyasti tiṣye'sminbharatarṣabha | garbhasthāśca mriyante'tra tathā jātā mriyanti ca

हे भरतश्रेष्ठ, इस तिष्य युग में आयु का कोई निश्चित परिमाण नहीं है; यहाँ कुछ गर्भ में ही मर जाते हैं और कुछ जन्म लेकर मर जाते हैं।

श्लोक 8 (6.10.8)

महाबला महासत्त्वाः प्रज्ञागुणसमन्विताः । प्रजायन्ते च जाताश्च शतशोऽथ सहस्रशः ॥

mahābalā mahāsattvāḥ prajñāguṇasamanvitāḥ | prajāyante ca jātāśca śataśo'tha sahasraśaḥ

महाबली, महान सत्त्व वाले, प्रज्ञा और गुणों से युक्त लोग जन्म लेते हैं, और जन्म लेकर सैकड़ों-हज़ारों सन्तानें उत्पन्न करते हैं।

श्लोक 9 (6.10.9)

जाताः कृतयुगे राजन्धनिनः प्रियदर्शनाः । प्रजायन्ते च जाताश्च मुनयो वै तपोधनाः ॥

jātāḥ kṛtayuge rājandhaninaḥ priyadarśanāḥ | prajāyante ca jātāśca munayo vai tapodhanāḥ

हे राजन्, कृतयुग में जन्मे लोग धनवान और देखने में सुन्दर होते हैं; उस युग में तपोधन मुनि जन्म लेते हैं और सन्तान उत्पन्न करते हैं —

श्लोक 10 (6.10.10)

महोत्साहा महात्मानो धार्मिकाः सत्यवादिनः । प्रियदर्शना वपुष्मन्तो महावीर्या धनुर्धराः ॥

mahotsāhā mahātmāno dhārmikāḥ satyavādinaḥ | priyadarśanā vapuṣmanto mahāvīryā dhanurdharāḥ

जो बड़े उत्साही, महात्मा, धर्मात्मा और सत्यवादी होते हैं। सुन्दर, सुगठित देह वाले, महापराक्रमी धनुर्धर,

श्लोक 11 (6.10.11)

वरार्हा युधि जायन्ते क्षत्रियाः शूरसत्तमाः । त्रेतायां क्षत्रिया राजन्सर्वे वै चक्रवर्तिनः ॥

varārhā yudhi jāyante kṣatriyāḥ śūrasattamāḥ | tretāyāṃ kṣatriyā rājansarve vai cakravartinaḥ

युद्ध में सम्मान के योग्य, वीरों में श्रेष्ठ क्षत्रिय जन्म लेते हैं; हे राजन्, त्रेता में सभी क्षत्रिय चक्रवर्ती होते हैं।

श्लोक 12 (6.10.12)

सर्ववर्णाश्च जायन्ते सदा चैव च द्वापरे । महोत्साहा वीर्यवन्तः परस्परजयैषिणः ॥

sarvavarṇāśca jāyante sadā caiva ca dvāpare | mahotsāhā vīryavantaḥ parasparajayaiṣiṇaḥ

द्वापर में सभी वर्णों के लोग जन्म लेते हैं — बड़े उत्साही, पराक्रमी और एक-दूसरे पर विजय चाहने वाले।

श्लोक 13 (6.10.13)

तेजसाल्पेन संयुक्ताः क्रोधनाः पुरुषा नृप । लुब्धा अनृतकाश्चैव तिष्ये जायन्ति भारत ॥

tejasālpena saṃyuktāḥ krodhanāḥ puruṣā nṛpa | lubdhā anṛtakāścaiva tiṣye jāyanti bhārata

हे नृप, हे भारत, तिष्य युग में अल्प तेज वाले, क्रोधी, लोभी और असत्यवादी मनुष्य जन्म लेते हैं।

श्लोक 14 (6.10.14)

ईर्ष्या मानस्तथा क्रोधो मायाऽसूया तथैव च । तिष्ये भवति भूतानां रागो लोभश्च भारत ॥

īrṣyā mānastathā krodho māyā'sūyā tathaiva ca | tiṣye bhavati bhūtānāṃ rāgo lobhaśca bhārata

हे भारत, तिष्य युग में प्राणियों में ईर्ष्या, अभिमान, क्रोध, कपट, असूया, राग और लोभ उत्पन्न होते हैं।

श्लोक 15 (6.10.15)

संक्षेपो वर्तते राजन्द्वापरेऽस्मिन्नराधिप । गुणोत्तरं हैमवतं हरिवर्षं ततः परम् ॥

saṃkṣepo vartate rājandvāpare'sminnarādhipa | guṇottaraṃ haimavataṃ harivarṣaṃ tataḥ param

हे राजन्, हे नराधिप, इस द्वापर में गुणों का ह्रास हो रहा है। गुणों में हैमवतवर्ष इससे श्रेष्ठ है, और हरिवर्ष उससे भी आगे है।