ग्यारहवें दिन के द्वन्द्व-युद्ध; अभिमन्यु और जयद्रथ

श्लोक 1 (7.14.1)

ततः स पाण्डवानीके जनयन्सुमहद्भयम् । व्यचरत्पृतनां द्रोणो दहन्कक्षमिवानलः ॥

tataḥ sa pāṇḍavānīke janayansumahadbhayam | vyacaratpṛtanāṃ droṇo dahankakṣamivānalaḥ

तब पाण्डवों की सेना में अत्यन्त भय उत्पन्न करते हुए द्रोण सूखी घास को जलाती आग की भाँति उनकी सेना में विचरने लगे।

श्लोक 2 (7.14.2)

निर्दहन्तमनीकानि साक्षादग्निमिवोत्थितम् । दृष्ट्वा रुक्मरथं क्रुद्धं समकम्पन्त सृञ्जयाः ॥

nirdahantamanīkāni sākṣādagnimivotthitam | dṛṣṭvā rukmarathaṃ kruddhaṃ samakampanta sṛñjayāḥ

स्वर्णमय रथ वाले द्रोण को क्रोध से दहकते और सेनाओं को जलाते देखकर, मानो साक्षात् अग्नि ही उठ खड़ी हुई हो, सृंजय काँप उठे।

श्लोक 3 (7.14.3)

सततं कृष्यतः सङ्ख्ये धनुषोऽस्याशुकारिणः । ज्याघोषः शुश्रुवेऽत्यर्थं विस्फूर्जितमिवाशनेः ॥

satataṃ kṛṣyataḥ saṅkhye dhanuṣo'syāśukāriṇaḥ | jyāghoṣaḥ śuśruve'tyarthaṃ visphūrjitamivāśaneḥ

युद्ध में निरन्तर धनुष खींचते हुए उन शीघ्रहस्त द्रोण की प्रत्यंचा का घोष बिजली की कड़क के समान दूर-दूर तक सुनाई देता था।

श्लोक 4 (7.14.4)

रथिनः सादिनश्चैव नागानश्वान्पदातिनः । रौद्रा हस्तवता मुक्ताः सम्मृद्नन्ति स्म सायकाः ॥

rathinaḥ sādinaścaiva nāgānaśvānpadātinaḥ | raudrā hastavatā muktāḥ sammṛdnanti sma sāyakāḥ

उन कुशल धनुर्धर के छोड़े हुए भयंकर बाण रथियों, घुड़सवारों, हाथियों, घोड़ों और पैदल सैनिकों को कुचल डालते थे।

श्लोक 5 (7.14.5)

नानद्यमानः पर्जन्यः प्रवृद्धः शुचिसङ्क्षये । अश्मवर्षमिवावर्षत्परेषामावहद्भयम् ॥

nānadyamānaḥ parjanyaḥ pravṛddhaḥ śucisaṅkṣaye | aśmavarṣamivāvarṣatpareṣāmāvahadbhayam

ग्रीष्म के अन्त में गरजते हुए उमड़े मेघ की भाँति वे मानो पत्थरों की वर्षा करते हुए शत्रुओं में भय भर रहे थे।

श्लोक 6 (7.14.6)

विचरन्स दिशः सर्वाः सेनां सङ्क्षोभयन्प्रभुः । वर्धयामास सन्त्रासं शात्रवाणाममानुषम् ॥

vicaransa diśaḥ sarvāḥ senāṃ saṅkṣobhayanprabhuḥ | vardhayāmāsa santrāsaṃ śātravāṇāmamānuṣam

सब दिशाओं में विचरकर सेना को विक्षुब्ध करते हुए उन प्रभु ने शत्रुओं का अलौकिक भय बढ़ा दिया।

श्लोक 7 (7.14.7)

तस्य विद्युदिवाभ्रेषु चापं हेमपरिष्कृतम् । भ्राजमानं रथे तस्मिन्दृश्यते स्म महाभयम् ॥

tasya vidyudivābhreṣu cāpaṃ hemapariṣkṛtam | bhrājamānaṃ rathe tasmindṛśyate sma mahābhayam

उनके रथ पर बादलों में बिजली की तरह चमकता हुआ स्वर्ण से सजा धनुष बड़े भय का कारण दिखाई देता था।

श्लोक 8 (7.14.8)

स वीरः सत्यवान्प्राज्ञो धर्मनित्यः सदा पुनः । युगान्तकालवद्घोरां रौद्रां प्रावर्तयन्नदीम् ॥

sa vīraḥ satyavānprājño dharmanityaḥ sadā punaḥ | yugāntakālavadghorāṃ raudrāṃ prāvartayannadīm

सत्यवादी, बुद्धिमान और सदा धर्म में स्थिर उस वीर ने युगान्त के समान भयानक और रौद्र एक नदी बहा दी —

श्लोक 9 (7.14.9)

अमर्षवेगप्रभवां क्रव्यादगणसङ्कुलाम् । बलौघैः सर्वतः पूर्णां ध्वजवृक्षापहारिणीम् ॥

amarṣavegaprabhavāṃ kravyādagaṇasaṅkulām | balaughaiḥ sarvataḥ pūrṇāṃ dhvajavṛkṣāpahāriṇīm

जो क्रोध के वेग से उत्पन्न हुई थी, मांसभक्षी जीवों के झुण्डों से भरी थी, सब ओर सेनाओं के प्रवाहों से परिपूर्ण थी और वृक्षों के समान खड़ी ध्वजाओं को बहा ले जाती थी;

श्लोक 10 (7.14.10)

शोणितोदां रथावर्तां हस्त्यश्वकृतरोधसम् । कवचोडुपसंयुक्तां मांसपङ्कसमाकुलाम् ॥

śoṇitodāṃ rathāvartāṃ hastyaśvakṛtarodhasam | kavacoḍupasaṃyuktāṃ māṃsapaṅkasamākulām

जिसका जल रक्त था, जिसके भँवर रथ थे, जिसके तट हाथी-घोड़ों से बने थे, कवच जिसकी नौकाएँ थे और जो मांस के कीचड़ से भरी थी;

श्लोक 11 (7.14.11)

मेदोमज्जास्थिसिकतामुष्णीषचयफेनिलाम् । सङ्ग्रामजलदापूर्णां प्रासमत्स्यसमाकुलाम् ॥

medomajjāsthisikatāmuṣṇīṣacayaphenilām | saṅgrāmajaladāpūrṇāṃ prāsamatsyasamākulām

जिसकी बालू चर्बी, मज्जा और हड्डियाँ थीं, जो पगड़ियों के ढेर के फेन से भरी थी, युद्धरूपी मेघों की वर्षा से लबालब थी और जिसमें बरछे ही मछलियाँ बनकर भरे थे;

श्लोक 12 (7.14.12)

नरनागाश्वकलिलां शरवेगौघवाहिनीम् । शरीरदारुसङ्घाटां रथकच्छपसङ्कुलाम् ॥

naranāgāśvakalilāṃ śaravegaughavāhinīm | śarīradārusaṅghāṭāṃ rathakacchapasaṅkulām

जो मनुष्यों, हाथियों और घोड़ों से पटी थी, बाणों के तेज़ प्रवाह से बह रही थी, जिसमें शरीर काष्ठ के ढेर थे और रथ कछुए बनकर भरे थे;

श्लोक 13 (7.14.13)

उत्तमाङ्गैः पङ्कजिनीं निस्त्रिंशझषसङ्कुलाम् । रथनागह्रदोपेतां नानाभरणभूषिताम् ॥

uttamāṅgaiḥ paṅkajinīṃ nistriṃśajhaṣasaṅkulām | rathanāgahradopetāṃ nānābharaṇabhūṣitām

जिसमें कटे हुए सिर कमल थे, तलवारें मछलियाँ थीं, रथ और हाथी सरोवर थे और जो अनेक प्रकार के आभूषणों से सजी थी;

श्लोक 14 (7.14.14)

महारथशतावर्तां भूमिरेणूर्मिमालिनीम् । महावीर्यवतां सङ्ख्ये सुतरां भीरुदुस्तराम् ॥

mahārathaśatāvartāṃ bhūmireṇūrmimālinīm | mahāvīryavatāṃ saṅkhye sutarāṃ bhīrudustarām

जिसमें सैकड़ों महारथी भँवर थे, पृथ्वी की धूल लहरों की माला थी, जो महापराक्रमियों के लिए युद्ध में सहज पार करने योग्य, पर भीरुओं के लिए अत्यन्त दुस्तर थी;

श्लोक 15 (7.14.15)

शरीरशतसम्बाधां गृध्रकङ्कनिषेविताम् । महारथसहस्राणि नयन्तीं यमसादनम् ॥

śarīraśatasambādhāṃ gṛdhrakaṅkaniṣevitām | mahārathasahasrāṇi nayantīṃ yamasādanam

जो सैकड़ों शवों से ठसाठस भरी थी, गिद्धों और कंक पक्षियों से सेवित थी और हज़ारों महारथियों को यमलोक पहुँचा रही थी;

श्लोक 16 (7.14.16)

शूलव्यालसमाकीर्णां प्राणिवाजिनिषेविताम् । छिन्नच्छत्रमहाहंसां मुकुटाण्डजसेविताम् ॥

śūlavyālasamākīrṇāṃ prāṇivājiniṣevitām | chinnacchatramahāhaṃsāṃ mukuṭāṇḍajasevitām

जो शूलों और हिंस्र जीवों से भरी थी, प्राणियों और घोड़ों से सेवित थी, जिसमें कटे हुए छत्र बड़े हंस थे और मुकुट पक्षी;

श्लोक 17 (7.14.17)

चक्रकूर्माङ्गदानक्रां शरक्षुद्रझषाकुलाम् । बकगृध्रसृगालानां घोरसङ्घैर्निषेविताम् ॥

cakrakūrmāṅgadānakrāṃ śarakṣudrajhaṣākulām | bakagṛdhrasṛgālānāṃ ghorasaṅghairniṣevitām

जिसमें चक्र कछुए थे, भुजबन्ध मगर थे, छोटे बाण नन्ही मछलियाँ थे, और जो बगुलों, गिद्धों और सियारों के भयंकर झुण्डों से सेवित थी;

श्लोक 18 (7.14.18)

निहतान्प्राणिनः सङ्ख्ये द्रोणेन बलिना रणे । वहन्तीं पितृलोकाय शतशो राजसत्तम ॥

nihatānprāṇinaḥ saṅkhye droṇena balinā raṇe | vahantīṃ pitṛlokāya śataśo rājasattama

जो बलवान द्रोण द्वारा युद्ध में मारे गए प्राणियों को सैकड़ों की संख्या में पितृलोक की ओर बहाए लिए जा रही थी, हे राजाओं में श्रेष्ठ!

श्लोक 19 (7.14.19)

शरीरशतसम्बाधां केशशैवलशाद्वलाम् । नदीं प्रावर्तयद्राजन्भीरूणां भयवर्धिनीम् ॥

śarīraśatasambādhāṃ keśaśaivalaśādvalām | nadīṃ prāvartayadrājanbhīrūṇāṃ bhayavardhinīm

जो सैकड़ों शरीरों से पटी थी, जिसमें केश ही सेवार और हरी घास थे, और जो भीरुओं का भय बढ़ाती थी — ऐसी नदी, हे राजन्, उन्होंने बहा दी।

श्लोक 20 (7.14.20)

तर्जयन्तमनीकानि तानि तानि महारथम् । सर्वतोऽभ्यद्रवन्द्रोणं युधिष्ठिरपुरोगमाः ॥

tarjayantamanīkāni tāni tāni mahāratham | sarvato'bhyadravandroṇaṃ yudhiṣṭhirapurogamāḥ

महारथी द्रोण जब उन-उन सेनाओं को धमका रहे थे, तब युधिष्ठिर आदि प्रमुख योद्धा चारों ओर से उन पर टूट पड़े।

श्लोक 21 (7.14.21)

तानभिद्रवतः शूरांस्तावका दृढविक्रमाः । सर्वतः प्रत्यगृह्णन्त तदभूद्रोमहर्षणम् ॥

tānabhidravataḥ śūrāṃstāvakā dṛḍhavikramāḥ | sarvataḥ pratyagṛhṇanta tadabhūdromaharṣaṇam

आक्रमण करते हुए उन शूरवीरों को आपके दृढ़ पराक्रमी योद्धाओं ने सब ओर से रोक लिया; वह दृश्य रोमांचकारी हो उठा।

श्लोक 22 (7.14.22)

शतमायस्तु शकुनिः सहदेवं समाद्रवत् । सनियन्तृध्वजरथं विव्याध निशितैः शरैः ॥

śatamāyastu śakuniḥ sahadevaṃ samādravat | saniyantṛdhvajarathaṃ vivyādha niśitaiḥ śaraiḥ

सैकड़ों मायाओं के ज्ञाता शकुनि ने सहदेव पर धावा बोला और उसे सारथी, ध्वज और रथ सहित तीखे बाणों से बींध दिया।

श्लोक 23 (7.14.23)

तस्य माद्रीसुतः केतुं धनुः सूतं हयानपि । नातिक्रुद्धः शरैश्छित्त्वा षष्ठ्या विव्याध सौबलम् । भित्त्वा च शरवर्षेण शकुनिं प्रत्यवारयत् ॥

tasya mādrīsutaḥ ketuṃ dhanuḥ sūtaṃ hayānapi | nātikruddhaḥ śaraiśchittvā ṣaṣṭhyā vivyādha saubalam | bhittvā ca śaravarṣeṇa śakuniṃ pratyavārayat

माद्री-पुत्र सहदेव ने अधिक क्रुद्ध हुए बिना ही बाणों से शकुनि की ध्वजा, धनुष, सारथी और घोड़ों को भी काट डाला और सुबलपुत्र को साठ बाणों से बींध दिया; फिर बाणों की वर्षा से उसे बींधकर रोक दिया।

श्लोक 24 (7.14.24)

गदां गृहीत्वा शकुनिः प्रचस्कन्द रथोत्तमात् । स तस्य गदया राजन्रथात्सूतमपातयत् ॥

gadāṃ gṛhītvā śakuniḥ pracaskanda rathottamāt | sa tasya gadayā rājanrathātsūtamapātayat

शकुनि गदा लेकर अपने श्रेष्ठ रथ से कूद पड़ा और हे राजन्, उसने गदा से सारथी को रथ से गिरा दिया।

श्लोक 25 (7.14.25)

ततस्तौ विरथौ राजन्गदाहस्तौ महाबलौ । चिक्रीडतू रणे शूरौ सशृङ्गाविव पर्वतौ ॥

tatastau virathau rājangadāhastau mahābalau | cikrīḍatū raṇe śūrau saśṛṅgāviva parvatau

तब हे राजन्, वे दोनों महाबली रथहीन होकर हाथ में गदा लिये रणभूमि में शिखरों वाले दो पर्वतों की भाँति क्रीड़ा करने लगे।

श्लोक 26 (7.14.26)

द्रोणः पाञ्चालदायादं विव्याध निशितैः शरैः । तयोस्तत्र महाराज बाणवर्षैः प्रकाशितम् । खद्योतैरिव चाकाशं प्रदोषे पुरुषर्षभ ॥

droṇaḥ pāñcāladāyādaṃ vivyādha niśitaiḥ śaraiḥ | tayostatra mahārāja bāṇavarṣaiḥ prakāśitam | khadyotairiva cākāśaṃ pradoṣe puruṣarṣabha

द्रोण ने पाञ्चाल-वंश के उत्तराधिकारी को तीखे बाणों से बींध दिया। हे पुरुषश्रेष्ठ, उन दोनों की बाण-वर्षा से वहाँ आकाश वैसे ही प्रकाशित हो उठा जैसे सन्ध्या के समय जुगनुओं से।

श्लोक 27 (7.14.27)

विविंशतिं भीमसेनो विंशत्या निशितैः शरैः । विद्ध्वा नाकम्पयद्वीरस्तदद्भुतमिवाभवत् ॥

viviṃśatiṃ bhīmaseno viṃśatyā niśitaiḥ śaraiḥ | viddhvā nākampayadvīrastadadbhutamivābhavat

भीमसेन ने विविंशति को बीस तीखे बाणों से बींधा, फिर भी वह वीर विचलित नहीं हुआ; यह अद्भुत-सा लगा।

श्लोक 28 (7.14.28)

विविंशतिस्तु सहसा व्यश्वकेतुशरासनम् । भीमं चक्रे महाराज ततः सैन्यान्यपूजयन् ॥

viviṃśatistu sahasā vyaśvaketuśarāsanam | bhīmaṃ cakre mahārāja tataḥ sainyānyapūjayan

किन्तु हे महाराज, विविंशति ने सहसा भीम को घोड़ों, ध्वज और धनुष से रहित कर दिया; इस पर सेनाओं ने उसका अभिनन्दन किया।

श्लोक 29 (7.14.29)

स तन्न ममृषे वीरः शत्रोर्विक्रममाहवे । ततोऽस्य गदया दान्तान्हयात्सर्वानपातयत् ॥

sa tanna mamṛṣe vīraḥ śatrorvikramamāhave | tato'sya gadayā dāntānhayātsarvānapātayat

उस वीर भीम से रण में शत्रु का यह पराक्रम सहा न गया और उसने गदा से उसके सारे सधे हुए घोड़ों को मार गिराया।

श्लोक 30 (7.14.30)

हताश्वात्स रथाद्राजन्गृह्य चर्म महाबलः । अभ्ययाद्भीमसेनं तु मत्तो मत्तमिव द्विपम् ॥

hatāśvātsa rathādrājangṛhya carma mahābalaḥ | abhyayādbhīmasenaṃ tu matto mattamiva dvipam

घोड़े मारे जाने पर वह महाबली विविंशति, हे राजन्, रथ से उतरकर ढाल लेकर भीमसेन की ओर बढ़ा, जैसे मतवाला हाथी दूसरे मतवाले हाथी की ओर।

श्लोक 31 (7.14.31)

शल्यस्तु नकुलं वीरः स्वस्रीयं प्रियमात्मनः । विव्याध प्रहसन्बाणैर्लालयन्कोपयन्निव ॥

śalyastu nakulaṃ vīraḥ svasrīyaṃ priyamātmanaḥ | vivyādha prahasanbāṇairlālayankopayanniva

वीर शल्य ने अपने प्रिय भानजे नकुल को हँसते हुए, मानो दुलारते और चिढ़ाते हुए, बाणों से बींध दिया।

श्लोक 32 (7.14.32)

तस्याश्वानातपत्रं च ध्वजं सूतमथो धनुः । निपात्य नकुलः सङ्ख्ये शङ्खं दध्मौ प्रतापवान् ॥

tasyāśvānātapatraṃ ca dhvajaṃ sūtamatho dhanuḥ | nipātya nakulaḥ saṅkhye śaṅkhaṃ dadhmau pratāpavān

प्रतापी नकुल ने युद्ध में शल्य के घोड़ों, छत्र, ध्वज, सारथी और धनुष को गिराकर शंख बजाया।

श्लोक 33 (7.14.33)

धृष्टकेतुः कृपेणास्ताञ्छित्त्वा बहुविधाञ्छरान् । कृपं विव्याध सप्तत्या ध्वजं चास्य त्रिभिः शरैः ॥

dhṛṣṭaketuḥ kṛpeṇāstāñchittvā bahuvidhāñcharān | kṛpaṃ vivyādha saptatyā dhvajaṃ cāsya tribhiḥ śaraiḥ

धृष्टकेतु ने कृप के चलाए अनेक प्रकार के बाणों को काटकर कृप को सत्तर बाणों से और उनकी ध्वजा को तीन बाणों से बींध दिया।

श्लोक 34 (7.14.34)

तं कृपः शरवर्षेण महता समवारयत् । विव्याध च रणे विप्रो धृष्टकेतुममर्षणम् ॥

taṃ kṛpaḥ śaravarṣeṇa mahatā samavārayat | vivyādha ca raṇe vipro dhṛṣṭaketumamarṣaṇam

कृप ने बाणों की बड़ी वर्षा से उसे रोक दिया, और उस ब्राह्मण ने रण में क्रोधित धृष्टकेतु को भी बींधा।

श्लोक 35 (7.14.35)

सात्यकिः कृतवर्माणं नाराचेन स्तनान्तरे । विद्ध्वा विव्याध सप्तत्या पुनरन्यैः स्मयन्निव ॥

sātyakiḥ kṛtavarmāṇaṃ nārācena stanāntare | viddhvā vivyādha saptatyā punaranyaiḥ smayanniva

सात्यकि ने कृतवर्मा की छाती के बीच नाराच से प्रहार किया, फिर मानो मुसकराते हुए सत्तर अन्य बाणों से उसे फिर बींध दिया।

श्लोक 36 (7.14.36)

तं भोजः सप्तसप्तत्या विद्ध्वाऽऽशु निशितैः शरैः । नाकम्पयत शैनेयं शीघ्रो वायुरिवाचलम् ॥

taṃ bhojaḥ saptasaptatyā viddhvā''śu niśitaiḥ śaraiḥ | nākampayata śaineyaṃ śīghro vāyurivācalam

भोज (कृतवर्मा) ने शीघ्र ही उसे सतहत्तर तीखे बाणों से बींधा, पर वह शैनेय (सात्यकि) को वैसे ही विचलित न कर सका जैसे तेज़ हवा पर्वत को।

श्लोक 37 (7.14.37)

सेनापतिः सुशर्माणं भृशं मर्मस्वताडयत् । स चापि तं तोमरेण जत्रुदेशेऽभ्यताडयत् ॥

senāpatiḥ suśarmāṇaṃ bhṛśaṃ marmasvatāḍayat | sa cāpi taṃ tomareṇa jatrudeśe'bhyatāḍayat

सेनापति ने सुशर्मा के मर्मस्थलों पर कसकर प्रहार किया, और सुशर्मा ने भी उन्हें गले के पास जत्रु-स्थान पर तोमर से मारा।

श्लोक 38 (7.14.38)

वैकर्तनं तु समरे विराटः प्रत्यवारयत् । सह मत्स्यैर्महावीर्यैस्तदद्भुतमिवाभवत् ॥

vaikartanaṃ tu samare virāṭaḥ pratyavārayat | saha matsyairmahāvīryaistadadbhutamivābhavat

विराट ने वीर मत्स्यों के साथ रण में वैकर्तन (कर्ण) को रोक लिया; यह अद्भुत-सा हुआ।

श्लोक 39 (7.14.39)

तत्पौरुषमभूत्तत्र सूतपुत्रस्य दारुणम् । यत्सैन्यं वारयामास शरैः सन्नतपर्वभिः ॥

tatpauruṣamabhūttatra sūtaputrasya dāruṇam | yatsainyaṃ vārayāmāsa śaraiḥ sannataparvabhiḥ

वहाँ सूतपुत्र का वह पराक्रम भयंकर था कि उसने चिकनी गाँठों वाले बाणों से उस सारी सेना को रोक दिया।

श्लोक 40 (7.14.40)

द्रुपदस्तु स्वयं राजा भगदत्तेन सङ्गतः । तयोर्युद्धं महाराज चित्ररूपमिवाभवत् ॥

drupadastu svayaṃ rājā bhagadattena saṅgataḥ | tayoryuddhaṃ mahārāja citrarūpamivābhavat

राजा द्रुपद स्वयं भगदत्त से जा भिड़े; हे महाराज, उन दोनों का युद्ध अद्भुत रूप का हुआ।

श्लोक 41 (7.14.41)

भगदत्तस्तु राजानं द्रुपदं नतपर्वभिः । सनियन्तृध्वजरथं विव्याध पुरुषर्षभः ॥

bhagadattastu rājānaṃ drupadaṃ nataparvabhiḥ | saniyantṛdhvajarathaṃ vivyādha puruṣarṣabhaḥ

पुरुषश्रेष्ठ भगदत्त ने चिकनी गाँठों वाले बाणों से राजा द्रुपद को सारथी, ध्वज और रथ सहित बींध दिया।

श्लोक 42 (7.14.42)

द्रुपदस्तु ततः क्रुद्धो भगदत्तं महारथम् । आजघानोरसि क्षिप्रं शरेणानतपर्वणा ॥

drupadastu tataḥ kruddho bhagadattaṃ mahāratham | ājaghānorasi kṣipraṃ śareṇānataparvaṇā

तब क्रुद्ध द्रुपद ने महारथी भगदत्त की छाती पर चिकनी गाँठ वाले बाण से शीघ्र प्रहार किया।

श्लोक 43 (7.14.43)

युद्धं योधवरौ लोके सौमदत्तिशिखण्डिनौ । भूतानां त्रासजननं चक्रातेऽस्त्रविशारदौ ॥

yuddhaṃ yodhavarau loke saumadattiśikhaṇḍinau | bhūtānāṃ trāsajananaṃ cakrāte'straviśāradau

सोमदत्त के पुत्र और शिखण्डी, जगत् के ये दोनों श्रेष्ठ योद्धा, जो अस्त्रविद्या में निपुण थे, प्राणियों को भयभीत करने वाला युद्ध करने लगे।

श्लोक 44 (7.14.44)

भूरिश्रवा रणे राजन्याज्ञसेनिं महारथम् । महता सायकौघेन च्छादयामास वीर्यवान् ॥

bhūriśravā raṇe rājanyājñaseniṃ mahāratham | mahatā sāyakaughena cchādayāmāsa vīryavān

हे राजन्, पराक्रमी भूरिश्रवा ने रण में महारथी याज्ञसेनि को बाणों की बड़ी बौछार से ढक दिया।

श्लोक 45 (7.14.45)

शिखण्डी तु ततः क्रुद्धः सौमदत्तिं विशाम्पते । नवत्या सायकानां तु कम्पयामास भारत ॥

śikhaṇḍī tu tataḥ kruddhaḥ saumadattiṃ viśāmpate | navatyā sāyakānāṃ tu kampayāmāsa bhārata

तब क्रुद्ध शिखण्डी ने, हे प्रजापालक भारत, सोमदत्त के पुत्र को नब्बे बाणों से कँपा दिया।

श्लोक 46 (7.14.46)

राक्षसौ रौद्रकर्माणौ हेडिम्बालम्बुसावुभौ । चक्रातेऽत्युद्भुतं युद्धं परस्परजयैषिणौ ॥

rākṣasau raudrakarmāṇau heḍimbālambusāvubhau | cakrāte'tyudbhutaṃ yuddhaṃ parasparajayaiṣiṇau

भयंकर कर्म करने वाले दोनों राक्षस, हिडिम्बा-पुत्र घटोत्कच और अलम्बुष, एक-दूसरे को जीतने की इच्छा से अत्यन्त अद्भुत युद्ध करने लगे।

श्लोक 47 (7.14.47)

मायाशतसृजौ दृप्तौ मायाभिरितरेतरम् । अन्तर्हितौ चेरतुस्तौ भृशं विस्मयकारिणौ ॥

māyāśatasṛjau dṛptau māyābhiritaretaram | antarhitau ceratustau bhṛśaṃ vismayakāriṇau

सैकड़ों मायाएँ रचने वाले वे दोनों दर्पभरे योद्धा एक-दूसरे पर मायाओं से प्रहार करते, अदृश्य होकर विचरते और बड़ा विस्मय उत्पन्न करते थे।

श्लोक 48 (7.14.48)

चेकितानोऽनुविन्देन युयुधे चातिभैरवम् । यथा देवासुरे युद्धे बलशक्रौ महाबलौ ॥

cekitāno'nuvindena yuyudhe cātibhairavam | yathā devāsure yuddhe balaśakrau mahābalau

चेकितान ने अनुविन्द से अत्यन्त भयानक युद्ध किया, जैसे देवासुर-संग्राम में महाबली बल और इन्द्र लड़े थे।

श्लोक 49 (7.14.49)

लक्ष्मणः क्षत्रदेवेन विमर्दमकरोद्भृशम् । यथा विष्णुः पुरा राजन्हिरण्याक्षेण संयुगे ॥

lakṣmaṇaḥ kṣatradevena vimardamakarodbhṛśam | yathā viṣṇuḥ purā rājanhiraṇyākṣeṇa saṃyuge

लक्ष्मण ने क्षत्रदेव को उसी भाँति बुरी तरह रौंदा, जैसे हे राजन्, प्राचीन काल में युद्ध में विष्णु ने हिरण्याक्ष को रौंदा था।

श्लोक 50 (7.14.50)

ततः प्रचलिताश्वेन विधिवत्कल्पितेन च । रथेनाभ्यपतद्राजन्सौभद्रं पौरवो नदन् ॥

tataḥ pracalitāśvena vidhivatkalpitena ca | rathenābhyapatadrājansaubhadraṃ pauravo nadan

तब पौरव गर्जता हुआ, हे राजन्, तेज़ घोड़ों वाले और विधिपूर्वक सजे रथ से सौभद्र पर टूट पड़ा।

श्लोक 51 (7.14.51)

ततोऽभ्ययात्स त्वरितो युद्धाकाङ्क्षी महाबलः । तेन चक्रे महद्युद्धमभिमन्युररिन्दमः ॥

tato'bhyayātsa tvarito yuddhākāṅkṣī mahābalaḥ | tena cakre mahadyuddhamabhimanyurarindamaḥ

शत्रुओं का दमन करने वाला महाबली अभिमन्यु भी युद्ध की इच्छा से शीघ्र उसकी ओर बढ़ा और उसके साथ घोर युद्ध किया।

श्लोक 52 (7.14.52)

पौरवस्त्वथ सौभद्रं शरव्रातैरवाकिरत् । तस्यार्जुनिर्ध्वजं छत्रं धनुश्चोर्व्यामपातयत् ॥

pauravastvatha saubhadraṃ śaravrātairavākirat | tasyārjunirdhvajaṃ chatraṃ dhanuścorvyāmapātayat

फिर पौरव ने सौभद्र पर बाणों की झड़ी लगा दी, और अर्जुन-पुत्र ने उसकी ध्वजा, छत्र और धनुष धरती पर गिरा दिए।

श्लोक 53 (7.14.53)

सौभद्रः पौरवं त्वन्यैर्विद्ध्वा सप्तभिराशुगैः । पञ्चभिस्तस्य विव्याध हयान्सूतं च सायकैः ॥

saubhadraḥ pauravaṃ tvanyairviddhvā saptabhirāśugaiḥ | pañcabhistasya vivyādha hayānsūtaṃ ca sāyakaiḥ

सौभद्र ने पौरव को अन्य सात तेज़ बाणों से बींधा और पाँच बाणों से उसके घोड़ों तथा सारथी को बींध दिया।

श्लोक 54 (7.14.54)

ततः प्रहर्षयन्सेनां सिंहवद्विनदन्मुहुः । समादत्तार्जुनिस्तूर्णं पौरवान्तकरं शरम् ॥

tataḥ praharṣayansenāṃ siṃhavadvinadanmuhuḥ | samādattārjunistūrṇaṃ pauravāntakaraṃ śaram

तब सिंह की तरह बार-बार गर्जना करके अपनी सेना को हर्षित करते हुए अर्जुन-पुत्र ने शीघ्र ही पौरव का अन्त करने वाला बाण उठा लिया।

श्लोक 55 (7.14.55)

तं तु सन्धितमाज्ञाय सायकं घोरदर्शनम् । द्वाभ्यां शराभ्यां हार्दिक्यश्चिच्छेद सशरं धनुः ॥

taṃ tu sandhitamājñāya sāyakaṃ ghoradarśanam | dvābhyāṃ śarābhyāṃ hārdikyaściccheda saśaraṃ dhanuḥ

उस भयानक बाण को सन्धान किया हुआ जानकर हार्दिक्य ने दो बाणों से बाण सहित उसका धनुष काट दिया।

श्लोक 56 (7.14.56)

तदुत्सृज्य धनुश्छिन्नं सौभद्रः परवीरहा । उद्बबर्ह सितं खड्गमाददानः शरावरम् ॥

tadutsṛjya dhanuśchinnaṃ saubhadraḥ paravīrahā | udbabarha sitaṃ khaḍgamādadānaḥ śarāvaram

कटे हुए धनुष को फेंककर शत्रुवीरों का संहार करने वाले सौभद्र ने चमकती तलवार निकाली और ढाल उठा ली।

श्लोक 57 (7.14.57)

स तेनानेकतारेण चर्मणा कृतहस्तवत् । भ्रान्तासिना चरन्मार्गान्दर्शयन्वीर्यमात्मनः ॥

sa tenānekatāreṇa carmaṇā kṛtahastavat | bhrāntāsinā caranmārgāndarśayanvīryamātmanaḥ

तारों जैसे अनेक उभारों वाली उस ढाल के साथ, सधे हाथों वाले की भाँति तलवार घुमाता हुआ वह अपना पराक्रम दिखाते हुए अनेक पैंतरों से विचरने लगा।

श्लोक 58 (7.14.58)

भ्रामितं पुनरुद्धान्तमाधूतं पुनरुत्थितम् । चर्मनिस्त्रिंशयो राजन्निर्विशेषमदृश्यत ॥

bhrāmitaṃ punaruddhāntamādhūtaṃ punarutthitam | carmanistriṃśayo rājannirviśeṣamadṛśyata

हे राजन्, घुमाई जाती, ऊपर उछलती, हिलती और फिर उठती हुई ढाल और तलवार में कोई भेद दिखाई नहीं देता था।

श्लोक 59 (7.14.59)

स पौरवरथस्येषामाप्लुत्य सहसा नदन् । पौरवं रथमास्थाय केशपक्षे परामृशत् ॥

sa pauravarathasyeṣāmāplutya sahasā nadan | pauravaṃ rathamāsthāya keśapakṣe parāmṛśat

गर्जना करके सहसा कूदकर वह पौरव के रथ के ईषा-दण्ड पर चढ़ा और पौरव के रथ पर खड़े होकर उसने उसके केश पकड़ लिए।

श्लोक 60 (7.14.60)

जघानास्य पदा सूतमसिना पातयद्ध्वजम् । विक्षोभ्याम्भोनिधिं तार्क्ष्यस्तं नागमिव चाक्षिपत् ॥

jaghānāsya padā sūtamasinā pātayaddhvajam | vikṣobhyāmbhonidhiṃ tārkṣyastaṃ nāgamiva cākṣipat

उसने पैर से उसके सारथी को मारा, तलवार से उसका ध्वज गिरा दिया और पौरव को वैसे ही उठाकर फेंक दिया जैसे समुद्र को मथकर गरुड़ नाग को फेंक देते हैं।

श्लोक 61 (7.14.61)

तमागलितकेशान्तं ददृशुः सर्वपार्थिवाः । उक्षाणमिव सिंहेन पात्यमानमचेतसम् ॥

tamāgalitakeśāntaṃ dadṛśuḥ sarvapārthivāḥ | ukṣāṇamiva siṃhena pātyamānamacetasam

सब राजाओं ने उसे देखा — केश बिखरे हुए, सिंह से गिराए गए बैल की भाँति अचेत होकर गिरता हुआ।

श्लोक 62 (7.14.62)

तमार्जुनिवशं प्राप्तं कृष्यमाणमनाथवत् । पौरवं पातितं दृष्ट्वा नामृष्यत जयद्रथः ॥

tamārjunivaśaṃ prāptaṃ kṛṣyamāṇamanāthavat | pauravaṃ pātitaṃ dṛṣṭvā nāmṛṣyata jayadrathaḥ

अर्जुन-पुत्र के वश में पड़े, असहाय की तरह घसीटे जाते और गिराए गए पौरव को देखकर जयद्रथ से सहा न गया।

श्लोक 63 (7.14.63)

स बर्हिबर्हावततं किङ्किणीशतजालवत् । चर्म चादाय खड्गं च नदन्पर्यपतद्रथात् ॥

sa barhibarhāvatataṃ kiṅkiṇīśatajālavat | carma cādāya khaḍgaṃ ca nadanparyapatadrathāt

मोरपंखों से मढ़ी और सैकड़ों घुँघरुओं के जाल से सजी ढाल तथा तलवार लेकर वह गर्जता हुआ रथ से कूद पड़ा।

श्लोक 64 (7.14.64)

ततः सैन्धवमालोक्य कार्ष्णिरुत्सृज्य पौरवम् । उत्पपात रथात्तूर्णं श्येनवन्निपपात च ॥

tataḥ saindhavamālokya kārṣṇirutsṛjya pauravam | utpapāta rathāttūrṇaṃ śyenavannipapāta ca

तब अर्जुन-पुत्र ने सैन्धव को देखकर पौरव को छोड़ दिया, और तुरन्त रथ से उछलकर बाज की भाँति उस पर झपटा।

श्लोक 65 (7.14.65)

प्रासपट्टिशनिस्त्रिंशाञ्छत्रुभिः सम्प्रचोदितान् । चिच्छेद चासिना कार्ष्णिश्चर्मणा संरुरोध च ॥

prāsapaṭṭiśanistriṃśāñchatrubhiḥ sampracoditān | ciccheda cāsinā kārṣṇiścarmaṇā saṃrurodha ca

शत्रुओं द्वारा फेंके गए प्रास, पट्टिश और तलवारों को उसने तलवार से काट डाला और ढाल से रोक लिया।

श्लोक 66 (7.14.66)

स दर्शयित्वा सैन्यानां स्वबाहुबलमात्मनः । तमुद्यम्य महाखड्गं चर्म चाथ पुनर्बली ॥

sa darśayitvā sainyānāṃ svabāhubalamātmanaḥ | tamudyamya mahākhaḍgaṃ carma cātha punarbalī

अपने बाहुबल को सेनाओं को दिखाकर उस बलवान ने फिर वह महान खड्ग और ढाल उठाई

श्लोक 67 (7.14.67)

वृद्धक्षत्रस्य दायादं पितुरत्यन्तवैरिणम् । ससाराभिमुखः शूरः शार्दूल इव कुञ्जरम् ॥

vṛddhakṣatrasya dāyādaṃ pituratyantavairiṇam | sasārābhimukhaḥ śūraḥ śārdūla iva kuñjaram

और वृद्धक्षत्र के पुत्र, अपने पिता के घोर शत्रु (जयद्रथ) की ओर वैसे ही दौड़ पड़ा जैसे बाघ हाथी की ओर।

श्लोक 68 (7.14.68)

तौ परस्परमासाद्य खड्गदन्तनखायुधौ । हृष्टवत्सम्प्रजहाते व्याघ्रकेसरिणाविव ॥

tau parasparamāsādya khaḍgadantanakhāyudhau | hṛṣṭavatsamprajahāte vyāghrakesariṇāviva

खड्ग, दाँत और नखों को शस्त्र बनाकर वे दोनों एक-दूसरे के निकट पहुँचे और बाघ तथा सिंह की भाँति हर्ष से परस्पर प्रहार करने लगे।

श्लोक 69 (7.14.69)

सम्पातेष्वभिघातेषु निपातेष्वसिचर्मणोः । न तयोरन्तरं कश्चिद्ददर्श नरसिंहयोः ॥

sampāteṣvabhighāteṣu nipāteṣvasicarmaṇoḥ | na tayorantaraṃ kaściddadarśa narasiṃhayoḥ

तलवार और ढाल के आक्रमणों, आघातों और गिरने के समय उन दोनों नरसिंहों में कोई अन्तर नहीं देख सका।

श्लोक 70 (7.14.70)

अवक्षेपोऽसिनिर्हादः शस्त्रान्तरनिदर्शनम् । बाह्यान्तरनिपातश्च निर्विशेषमदृश्यत ॥

avakṣepo'sinirhādaḥ śastrāntaranidarśanam | bāhyāntaranipātaśca nirviśeṣamadṛśyata

वार को परे फेंकना, तलवारों की झनकार, शस्त्रों के बीच के अवकाश का दिखना, भीतर और बाहर से पड़ते प्रहार — सब कुछ अभेद दिखाई देता था।

श्लोक 71 (7.14.71)

बाह्यमाभ्यन्तरं चैव चरन्तौ मार्गमुत्तमम् । ददृशाते महात्मानौ सपक्षाविव पर्वतौ ॥

bāhyamābhyantaraṃ caiva carantau mārgamuttamam | dadṛśāte mahātmānau sapakṣāviva parvatau

बाहर और भीतर के उत्तम मार्गों पर चलते हुए वे दोनों महात्मा पंख वाले दो पर्वतों के समान दिखाई दिए।

श्लोक 72 (7.14.72)

ततो विक्षिपतः खड्गं सौभद्रस्य यशस्विनः । शरावरणपक्षान्ते प्रजहार जयद्रथः ॥

tato vikṣipataḥ khaḍgaṃ saubhadrasya yaśasvinaḥ | śarāvaraṇapakṣānte prajahāra jayadrathaḥ

तब यशस्वी सौभद्र जब तलवार घुमा रहा था, जयद्रथ ने उसकी ढाल के किनारे पर प्रहार किया।

श्लोक 73 (7.14.73)

रुक्मपत्रान्तरे सक्तस्तस्मिंश्चर्मणि भास्वरे । सिन्धुराजबलोद्धूतः सोऽभज्यत महानसिः ॥

rukmapatrāntare saktastasmiṃścarmaṇi bhāsvare | sindhurājabaloddhūtaḥ so'bhajyata mahānasiḥ

सोने की पत्ती से जड़ी उस चमकती ढाल के बीच फँसकर, सिन्धुराज के बल से चलाई गई वह बड़ी तलवार टूट गई।

श्लोक 74 (7.14.74)

भग्नमाज्ञाय निस्त्रिंशमवप्लुत्य पदानि षट् । अदृश्यत निमेषेण स्वरथं पुनरास्थितः ॥

bhagnamājñāya nistriṃśamavaplutya padāni ṣaṭ | adṛśyata nimeṣeṇa svarathaṃ punarāsthitaḥ

तलवार को टूटी जानकर वह छह पग पीछे कूदा और पलक झपकते ही अपने रथ पर फिर खड़ा दिखाई दिया।

श्लोक 75 (7.14.75)

तं कार्ष्णिं समरान्मुक्तमास्थितं रथमुत्तमम् । सहिताः सर्वराजानः परिवव्रुः समन्ततः ॥

taṃ kārṣṇiṃ samarānmuktamāsthitaṃ rathamuttamam | sahitāḥ sarvarājānaḥ parivavruḥ samantataḥ

युद्ध से मुक्त होकर श्रेष्ठ रथ पर खड़े उस अर्जुन-पुत्र को सब राजाओं ने मिलकर चारों ओर से घेर लिया।

श्लोक 76 (7.14.76)

ततश्चर्म च खड्गं च समुत्क्षिप्य महाबलः । ननादार्जुनदायादः प्रेक्षमाणो जयद्रथम् ॥

tataścarma ca khaḍgaṃ ca samutkṣipya mahābalaḥ | nanādārjunadāyādaḥ prekṣamāṇo jayadratham

तब महाबली अर्जुन-पुत्र ने ढाल और तलवार ऊपर उछालकर जयद्रथ की ओर देखते हुए गर्जना की।

श्लोक 77 (7.14.77)

सिन्धुराजं परित्यज्य सौभद्रः परवीरहा । तापयामास तत्सैन्यं भुवनं भास्करो यथा ॥

sindhurājaṃ parityajya saubhadraḥ paravīrahā | tāpayāmāsa tatsainyaṃ bhuvanaṃ bhāskaro yathā

सिन्धुराज को छोड़कर शत्रुवीरों के संहारक सौभद्र ने उस सेना को वैसे ही तपाया जैसे सूर्य जगत् को तपाता है।

श्लोक 78 (7.14.78)

तस्य सर्वायसीं शक्तिं शल्यः कनकभूषणाम् । चिक्षेप समरे घोरां दीप्तामग्निशिखामिव ॥

tasya sarvāyasīṃ śaktiṃ śalyaḥ kanakabhūṣaṇām | cikṣepa samare ghorāṃ dīptāmagniśikhāmiva

शल्य ने रणभूमि में उस पर पूरी तरह लोहे की बनी, सोने से सजी, भयंकर और अग्निशिखा-सी दहकती शक्ति फेंकी।

श्लोक 79 (7.14.79)

तामवप्लुत्य जग्राह विकोशं चाकरोदसिम् । वैनतेयो यथा कार्ष्णिः पतन्तमुरगोत्तमम् ॥

tāmavaplutya jagrāha vikośaṃ cākarodasim | vainateyo yathā kārṣṇiḥ patantamuragottamam

अर्जुन-पुत्र ने उछलकर उसे पकड़ लिया और अपनी तलवार म्यान से निकाल ली — जैसे विनता-पुत्र गरुड़ गिरते हुए श्रेष्ठ सर्प को पकड़ लेते हैं।

श्लोक 80 (7.14.80)

तस्य लाघवमाज्ञाय सत्त्वं चामिततेजसः । सहिताः सर्वराजानः सिंहनादमथानदन् ॥

tasya lāghavamājñāya sattvaṃ cāmitatejasaḥ | sahitāḥ sarvarājānaḥ siṃhanādamathānadan

उसकी फुर्ती और अपार तेज वाले उस वीर के बल को जानकर सब राजाओं ने मिलकर सिंहनाद किया।

श्लोक 81 (7.14.81)

ततस्तामेव शल्यस्य सौभद्रः परवीरहा । मुमोच भुजवीर्येण वैदूर्यविकृतां शिताम् ॥

tatastāmeva śalyasya saubhadraḥ paravīrahā | mumoca bhujavīryeṇa vaidūryavikṛtāṃ śitām

तब शत्रुवीरों के संहारक सौभद्र ने अपनी भुजाओं के बल से वही वैदूर्य-जड़ी तीखी शक्ति शल्य पर लौटा फेंकी।

श्लोक 82 (7.14.82)

सा तस्य रथमासाद्य निर्मुक्तभुजगोपमा । जघान सूतं शल्यस्य रथाच्चैनमपातयत् ॥

sā tasya rathamāsādya nirmuktabhujagopamā | jaghāna sūtaṃ śalyasya rathāccainamapātayat

वह केंचुल छोड़े सर्प के समान शल्य के रथ तक पहुँची, उसके सारथी को मार डाला और उसे रथ से गिरा दिया।

श्लोक 83 (7.14.83)

ततो विराटद्रुपदौ धृष्टकेतुर्युधिष्ठिरः । सात्यकिः केकया भीमो धृष्टद्युम्नशिखण्डिनौ ॥

tato virāṭadrupadau dhṛṣṭaketuryudhiṣṭhiraḥ | sātyakiḥ kekayā bhīmo dhṛṣṭadyumnaśikhaṇḍinau

तब विराट और द्रुपद, धृष्टकेतु, युधिष्ठिर, सात्यकि, केकय, भीम, धृष्टद्युम्न और शिखण्डी,

श्लोक 84 (7.14.84)

यमौ च द्रौपदेयाश्च साधुसाध्विति चुक्रुशुः । बाणशब्दाश्च विविधाः सिंहनादाश्च पुष्कलाः ॥

yamau ca draupadeyāśca sādhusādhviti cukruśuḥ | bāṇaśabdāśca vividhāḥ siṃhanādāśca puṣkalāḥ

दोनों माद्री-पुत्र और द्रौपदी के पुत्र “साधु, साधु” कहकर चिल्ला उठे। नाना प्रकार के बाणों की ध्वनियाँ और बहुत-से सिंहनाद

श्लोक 85 (7.14.85)

प्रादुरासन्हर्षयन्तः सौभद्रमपलायिनम् । तन्नामृष्यन्त पुत्रास्ते शत्रोर्विजयलक्षणम् ॥

prādurāsanharṣayantaḥ saubhadramapalāyinam | tannāmṛṣyanta putrāste śatrorvijayalakṣaṇam

उठने लगे, जो पीछे न हटने वाले सौभद्र को हर्षित कर रहे थे। आपके पुत्रों से शत्रु की यह विजय-सूचक बात सही न गई।

श्लोक 86 (7.14.86)

अथैनं सहसा सर्वे समन्तान्निशितैः शरैः । अभ्याकिरन्महाराज जलदा इव पर्वतम् ॥

athainaṃ sahasā sarve samantānniśitaiḥ śaraiḥ | abhyākiranmahārāja jaladā iva parvatam

तब, हे महाराज, उन सबने सहसा चारों ओर से तीखे बाणों की वर्षा से उसे वैसे ही ढक दिया जैसे बादल पर्वत को।

श्लोक 87 (7.14.87)

तेषां च प्रियमन्विच्छन्सूतस्य च पराभवम् । आर्तायनिरमित्रघ्नः क्रुद्धः सौभद्रमभ्ययात् ॥

teṣāṃ ca priyamanvicchansūtasya ca parābhavam | ārtāyaniramitraghnaḥ kruddhaḥ saubhadramabhyayāt

उनका प्रिय करने की इच्छा से और अपने सारथी की पराजय के कारण क्रोध में भरकर शत्रुनाशक आर्तायनि (शल्य) सौभद्र पर चढ़ आया।