व्यास द्वारा अर्जुन को शिव का माहात्म्य-कथन

श्लोक 1 (7.203.1)

तस्मिन्नतिरथे द्रोणे निहते तत्र सञ्जय । मामकाः पाण्डवाश्चैव किमकुर्वन्नतः परम् ॥

tasminnatirathe droṇe nihate tatra sañjaya | māmakāḥ pāṇḍavāścaiva kimakurvannataḥ param

सञ्जय, उस महारथी द्रोण के मारे जाने पर मेरे पुत्रों के पक्ष ने और पाण्डवों ने उसके बाद क्या किया?

श्लोक 2 (7.203.2)

तस्मिन्नतिरथे द्रोणे निहते पार्षतेन वै । कौरवेषु च भग्नेषु कुन्तीपुत्रो धनञ्जयः ॥

tasminnatirathe droṇe nihate pārṣatena vai | kauraveṣu ca bhagneṣu kuntīputro dhanañjayaḥ

जब पृषतपुत्र ने उस महारथी द्रोण को मार डाला और कौरव भागने लगे, तब कुन्तीपुत्र धनञ्जय ने

श्लोक 3 (7.203.3)

दृष्ट्वा सुमहदाश्चर्यमात्मनो विजयावहम् । मुनिं स्निग्धाम्बुदाभासं वेदव्यासमकल्मषम् । यदृच्छयाऽऽगतं व्यासं पप्रच्छ भरतर्षभ ॥

dṛṣṭvā sumahadāścaryamātmano vijayāvaham | muniṃ snigdhāmbudābhāsaṃ vedavyāsamakalmaṣam | yadṛcchayā''gataṃ vyāsaṃ papraccha bharatarṣabha

अपनी विजय कराने वाला वह बड़ा आश्चर्य देखकर, संयोग से आए हुए निष्पाप, जलधर-जैसी स्निग्ध आभा वाले मुनि वेदव्यास से, हे भरतश्रेष्ठ, प्रश्न किया।

श्लोक 4 (7.203.4)

सङ्ग्रामे न्यहनं शत्रूञ्शरौघैर्विमलैरहम् । अग्रतो लक्षये यान्तं पुरुषं पावकप्रभम् ॥

saṅgrāme nyahanaṃ śatrūñśaraughairvimalairaham | agrato lakṣaye yāntaṃ puruṣaṃ pāvakaprabham

युद्ध में जब मैं निर्मल बाणों की धाराओं से शत्रुओं को मार रहा था, तब मैंने अपने आगे अग्नि के समान तेजस्वी एक पुरुष को जाते देखा,

श्लोक 5 (7.203.5)

ज्वलन्तं शूलमुद्यम्य यां दिशं प्रतिपद्यते । तस्यां दिशि विदीर्यन्ते शत्रवो मे महामुने ॥

jvalantaṃ śūlamudyamya yāṃ diśaṃ pratipadyate | tasyāṃ diśi vidīryante śatravo me mahāmune

जो जलता हुआ शूल उठाए जिस दिशा में जाता था, हे महामुने, उसी दिशा में मेरे शत्रु विदीर्ण हो जाते थे।

श्लोक 6 (7.203.6)

तेन भग्नानरीन्सर्वान्मद्भग्नान्मन्यते जनः । तेन भग्नानि सैन्यानि पृष्ठतोऽनुव्रजाम्यहम् ॥

tena bhagnānarīnsarvānmadbhagnānmanyate janaḥ | tena bhagnāni sainyāni pṛṣṭhato'nuvrajāmyaham

जिन शत्रुओं को उसने तोड़ दिया, उन्हें लोग मेरे द्वारा तोड़ा गया मानते हैं। उसके द्वारा भगाई गई सेनाओं के पीछे मैं केवल चला जाता हूँ।

श्लोक 7 (7.203.7)

भगवंस्तन्ममाचक्ष्व को वै स पुरुषोत्तमः । शूलपाणिर्मया दृष्टस्तेजसा सूर्यसन्निभः ॥

bhagavaṃstanmamācakṣva ko vai sa puruṣottamaḥ | śūlapāṇirmayā dṛṣṭastejasā sūryasannibhaḥ

हे भगवन्, मुझे बताइए कि वह पुरुषोत्तम कौन है; मैंने उसे हाथ में शूल लिए, सूर्य के समान तेजस्वी देखा।

श्लोक 8 (7.203.8)

न पद्भ्यां स्पृशते भूमिं न च शूलं विमुञ्चति । शूलाच्छूलसहस्राणि निष्पेतुस्तस्य तेजसा ॥

na padbhyāṃ spṛśate bhūmiṃ na ca śūlaṃ vimuñcati | śūlācchūlasahasrāṇi niṣpetustasya tejasā

वह पैरों से भूमि को नहीं छूता और शूल को कभी नहीं छोड़ता; उसके तेज से उसके शूल से हज़ारों शूल गिरते हैं।

श्लोक 9 (7.203.9)

प्रजापतीनां प्रथमं तैजसं पुरुषं प्रभुम् । भुवनं भूर्भुवं देवं तेजसां प्रवरं प्रभुम् ॥

prajāpatīnāṃ prathamaṃ taijasaṃ puruṣaṃ prabhum | bhuvanaṃ bhūrbhuvaṃ devaṃ tejasāṃ pravaraṃ prabhum

प्रजापतियों में प्रथम, तेजस्वी पुरुष, प्रभु, भूः और भुवः के देव, तेजों में सर्वश्रेष्ठ स्वामी,

श्लोक 10 (7.203.10)

ईशानं वरदं पार्थ दृष्टवानसि शङ्करम् । तं गच्छ शरणं देवं वरदं भुवनेश्वरम् ॥

īśānaṃ varadaṃ pārtha dṛṣṭavānasi śaṅkaram | taṃ gaccha śaraṇaṃ devaṃ varadaṃ bhuvaneśvaram

हे पार्थ, तुमने उन्हीं वरदाता ईशान शङ्कर को देखा है। उन्हीं वरदाता, लोकेश्वर देव की शरण में जाओ।

श्लोक 11 (7.203.11)

महादेवं महात्मानमीशानं जटिलं विभुम् । त्र्यक्षं महाभुजं रुद्रं शिखिनं चीरवाससम् ॥

mahādevaṃ mahātmānamīśānaṃ jaṭilaṃ vibhum | tryakṣaṃ mahābhujaṃ rudraṃ śikhinaṃ cīravāsasam

महादेव, महात्मा, ईशान, जटाधारी, सर्वव्यापी, त्रिनेत्र, दीर्घबाहु, शिखाधारी और वल्कल पहने हुए रुद्र,

श्लोक 12 (7.203.12)

महादेवं हरं स्थाणुं वरदं भुवनेश्वरम् । जगत्प्रधानमजितं जगत्प्रीतिमधीश्वरम् ॥

mahādevaṃ haraṃ sthāṇuṃ varadaṃ bhuvaneśvaram | jagatpradhānamajitaṃ jagatprītimadhīśvaram

महादेव, हर, स्थाणु, वरदाता, लोकों के स्वामी; जगत् के प्रधान, अजित, जगत् को प्रिय और सबके अधीश्वर;

श्लोक 13 (7.203.13)

जगद्योनिं जगद्बीजं जयिनं जगतो गतिम् । विश्वात्मानं विश्वसृजं विश्वमूर्तिं यशस्विनम् ॥

jagadyoniṃ jagadbījaṃ jayinaṃ jagato gatim | viśvātmānaṃ viśvasṛjaṃ viśvamūrtiṃ yaśasvinam

जगत् की योनि और बीज, विजयी, जगत् की गति; विश्व के आत्मा, विश्व के रचयिता, विश्वरूप और यशस्वी;

श्लोक 14 (7.203.14)

विश्वेश्वरं विश्वनरं कर्मणामीश्वरं प्रभुम् । शंभुं स्वयंभुं भूतेशं भूतभव्यभवोद्भवम् ॥

viśveśvaraṃ viśvanaraṃ karmaṇāmīśvaraṃ prabhum | śaṃbhuṃ svayaṃbhuṃ bhūteśaṃ bhūtabhavyabhavodbhavam

विश्वेश्वर, विश्वनर, कर्मों के ईश्वर, प्रभु; शम्भु, स्वयम्भू, भूतों के ईश, भूत, भविष्य और वर्तमान के उद्गम;

श्लोक 15 (7.203.15)

योगं योगेश्वरं सर्वं सर्वलोकेश्वरेश्वरम् । सर्वश्रेष्ठं जगच्छ्रेष्ठं वरिष्ठं परमेष्ठिनम् ॥

yogaṃ yogeśvaraṃ sarvaṃ sarvalokeśvareśvaram | sarvaśreṣṭhaṃ jagacchreṣṭhaṃ variṣṭhaṃ parameṣṭhinam

योग और योगेश्वर, सर्वरूप; सब लोकों के ईश्वरों के भी ईश्वर; सबमें श्रेष्ठ, जगत् में श्रेष्ठ, वरिष्ठ और परमेष्ठी;

श्लोक 16 (7.203.16)

लोकत्रयविधातारमेकं लोकत्रयाश्रयम् । शुद्धात्मानं भवं भीमं शशाङ्ककृतशेखरम् ॥

lokatrayavidhātāramekaṃ lokatrayāśrayam | śuddhātmānaṃ bhavaṃ bhīmaṃ śaśāṅkakṛtaśekharam

तीनों लोकों के विधाता, तीनों लोकों के एकमात्र आश्रय; शुद्धात्मा, भव, भीम और चन्द्रमा को मुकुट बनाने वाले;

श्लोक 17 (7.203.17)

शाश्वतं भूधरं देवं सर्ववागीश्वरेश्वरम् । सुदुर्जयं जगन्नाथं जन्ममृत्युजरातिगम् ॥

śāśvataṃ bhūdharaṃ devaṃ sarvavāgīśvareśvaram | sudurjayaṃ jagannāthaṃ janmamṛtyujarātigam

शाश्वत, पृथ्वी को धारण करने वाले देव, समस्त वाणी के स्वामियों के भी स्वामी; दुर्जय, जगन्नाथ, जन्म, मृत्यु और जरा से परे;

श्लोक 18 (7.203.18)

ज्ञानात्मानं ज्ञानगम्यं ज्ञानश्रेष्ठं सुदुर्विदम् । दातारं चैव भक्तानां प्रसादविहितान्वरान् ॥

jñānātmānaṃ jñānagamyaṃ jñānaśreṣṭhaṃ sudurvidam | dātāraṃ caiva bhaktānāṃ prasādavihitānvarān

ज्ञानस्वरूप, ज्ञान से प्राप्य, ज्ञान में श्रेष्ठ, दुर्विज्ञेय; और अपने भक्तों को प्रसन्न होकर वर देने वाले।

श्लोक 19 (7.203.19)

तस्य पारिषदा दिव्या रूपैर्नानाविधैर्विभोः । वामना जटिला मुण्डा ह्रस्वग्रीवा महोदराः ॥

tasya pāriṣadā divyā rūpairnānāvidhairvibhoḥ | vāmanā jaṭilā muṇḍā hrasvagrīvā mahodarāḥ

उन प्रभु के पार्षद दिव्य हैं और अनेक प्रकार के रूप वाले हैं: बौने, जटाधारी, मुण्डित, छोटी गर्दन वाले, बड़े पेट वाले,

श्लोक 20 (7.203.20)

महाकाया महोत्साहा महाकर्णास्तथाऽपरे । आननैर्विकृतैः पादैः पार्थ वेषैश्च वैकृतैः ॥

mahākāyā mahotsāhā mahākarṇāstathā'pare | ānanairvikṛtaiḥ pādaiḥ pārtha veṣaiśca vaikṛtaiḥ

विशाल शरीर वाले, उत्साही, बड़े कानों वाले और दूसरे भी, हे पार्थ, विकृत मुखों, पैरों और विचित्र वेशों वाले।

श्लोक 21 (7.203.21)

ईदृशैः स महादेवः पूज्यमानो महेश्वरः । स शिवस्तात तेजस्वी प्रसादाद्याति तेऽग्रतः ॥

īdṛśaiḥ sa mahādevaḥ pūjyamāno maheśvaraḥ | sa śivastāta tejasvī prasādādyāti te'grataḥ

ऐसे गणों से पूजित वे महादेव महेश्वर, वे तेजस्वी शिव, हे तात, अपनी कृपा से तुम्हारे आगे-आगे चलते हैं।

श्लोक 22 (7.203.22)

तस्मिन्घोरे सदा पार्थ सङ्ग्रामे रोमहर्षणे । द्रौणिकर्णकृपैर्गुप्तां महेष्वासैः प्रहारिभिः ॥

tasminghore sadā pārtha saṅgrāme romaharṣaṇe | drauṇikarṇakṛpairguptāṃ maheṣvāsaiḥ prahāribhiḥ

उस भयंकर और सदा रोमांच उत्पन्न करने वाले युद्ध में, हे पार्थ, द्रोणपुत्र, कर्ण और कृप जैसे महाधनुर्धर, प्रहार करने वालों से रक्षित उस सेना पर

श्लोक 23 (7.203.23)

कस्तां सेनां तदा पार्थ मनसाऽपि प्रधर्षयेत् । ऋते देवान्महेष्वासाद्बहुरूपान्महेश्वरात् ॥

kastāṃ senāṃ tadā pārtha manasā'pi pradharṣayet | ṛte devānmaheṣvāsādbahurūpānmaheśvarāt

हे पार्थ, देवताओं और बहुरूप महाधनुर्धर महेश्वर के सिवा कौन उस सेना को मन से भी दबा सकता था?

श्लोक 24 (7.203.24)

स्थातुमुत्सहते कश्चिन्न तस्मिन्नग्रतः स्थिते । न हि भूतं समं तेन त्रिषु लोकेषु विद्यते ॥

sthātumutsahate kaścinna tasminnagrataḥ sthite | na hi bhūtaṃ samaṃ tena triṣu lokeṣu vidyate

जब वे सामने खड़े होते हैं तब कोई भी टिकने का साहस नहीं करता; तीनों लोकों में उनके समान कोई प्राणी नहीं है।

श्लोक 25 (7.203.25)

गन्धेनापि हि सङ्ग्रामे तस्य क्रुद्धस्य शत्रवः । विसंज्ञा हतभूयिष्ठा वेपन्ति च पतन्ति च ॥

gandhenāpi hi saṅgrāme tasya kruddhasya śatravaḥ | visaṃjñā hatabhūyiṣṭhā vepanti ca patanti ca

युद्ध में क्रुद्ध हुए उनकी गन्ध से ही शत्रु बेहोश हो जाते हैं; अधिकतर मर जाते हैं, बाकी काँपते और गिर पड़ते हैं।

श्लोक 26 (7.203.26)

तस्मै नमस्तु कुर्वन्तो देवास्तिष्ठन्ति वै दिवि । ये चान्ये मानवा लोके ये च स्वर्गजितो नराः ॥

tasmai namastu kurvanto devāstiṣṭhanti vai divi | ye cānye mānavā loke ye ca svargajito narāḥ

देवता स्वर्ग में उन्हें नमस्कार करते खड़े रहते हैं, और संसार के दूसरे मनुष्य भी, तथा स्वर्ग को जीतने वाले मनुष्य भी,

श्लोक 27 (7.203.27)

ये भक्ता वरदं देव शिवं रुद्रमुमापतिम् । अनन्यभावेन सदा सर्वेशं समुपासते ॥

ye bhaktā varadaṃ deva śivaṃ rudramumāpatim | ananyabhāvena sadā sarveśaṃ samupāsate

वे भक्त जो वरदाता, उमापति, सबके स्वामी शिव रुद्र की अनन्य भाव से सदा उपासना करते हैं।

श्लोक 28 (7.203.28)

सङ्ग्रामेषु जयं प्राप्य पालयन्ति महीमिमाम् । इह लोके सुखं प्राप्य ते यान्ति परमां गतिम् ॥

saṅgrāmeṣu jayaṃ prāpya pālayanti mahīmimām | iha loke sukhaṃ prāpya te yānti paramāṃ gatim

युद्धों में विजय पाकर वे इस पृथ्वी की रक्षा करते हैं, और इस लोक में सुख पाकर परम गति को जाते हैं।

श्लोक 29 (7.203.29)

नमस्कुरुष्व कौन्तेय तस्मै शान्ताय वै सदा । रुद्राय शितिकण्ठाय कनिष्ठाय सुवर्चसे ॥

namaskuruṣva kaunteya tasmai śāntāya vai sadā | rudrāya śitikaṇṭhāya kaniṣṭhāya suvarcase

हे कौन्तेय, उन शान्त स्वरूप को सदा नमस्कार करो: नीलकण्ठ, कनिष्ठ और सुन्दर तेज वाले रुद्र को,

श्लोक 30 (7.203.30)

कपर्दिने करालाय हर्यक्षवरदाय च । याम्यायाव्यक्तकेशाय सद्वृत्ते शङ्कराय च ॥

kapardine karālāya haryakṣavaradāya ca | yāmyāyāvyaktakeśāya sadvṛtte śaṅkarāya ca

जटाधारी, उग्र, पिंगल नेत्रों वाले वरदाता, दक्षिण दिशा के स्वामी, अव्यक्त केशों वाले, सदाचारी शङ्कर को,

श्लोक 31 (7.203.31)

काम्याय हरिनेत्राय स्थाणवे पुरुषाय च ॥

kāmyāya harinetrāya sthāṇave puruṣāya ca

कमनीय, हरे नेत्रों वाले, स्थाणु और पुरुष को नमस्कार करो।

श्लोक 32 (7.203.32)

नमो वृक्षाय सेनान्ये मध्यमाय नमोनमः । हरिकेशाय मुण्डाय कृशायोत्तारणाय च । भास्कराय सुतीर्थाय देवदेवाय रंहसे ॥

namo vṛkṣāya senānye madhyamāya namonamaḥ | harikeśāya muṇḍāya kṛśāyottāraṇāya ca | bhāskarāya sutīrthāya devadevāya raṃhase

वृक्ष को, सेनानी को और मध्यम को बार-बार नमस्कार; पिंगल केशों वाले, मुण्डित, कृश, पार उतारने वाले को; प्रकाश करने वाले, सुन्दर तीर्थ वाले, देवों के देव और वेगवान् को;

श्लोक 33 (7.203.33)

बहुरूपाय सर्वाय प्रियाय प्रियवाससे । उष्णीषिणे सुवक्त्राय सहस्राक्षाय मीढुषे ॥

bahurūpāya sarvāya priyāya priyavāsase | uṣṇīṣiṇe suvaktrāya sahasrākṣāya mīḍhuṣe

बहुरूप, सर्वात्मा, प्रिय और प्रिय वस्त्र धारण करने वाले को; पगड़ी वाले, सुन्दर मुख वाले, सहस्राक्ष और वर्षा करने वाले को;

श्लोक 34 (7.203.34)

गिरिशाय प्रशान्ताय पतये चीरवाससे । हिरण्यबाहवे राजन्नुग्राय पतये दिशाम् ॥

giriśāya praśāntāya pataye cīravāsase | hiraṇyabāhave rājannugrāya pataye diśām

गिरिश, प्रशान्त और वल्कलधारी स्वामी को; हे राजन्, स्वर्ण-भुजाओं वाले, उग्र और दिशाओं के पति को;

श्लोक 35 (7.203.35)

पर्जन्यपतये चैव भूतानां पतये नमः । वृक्षाणां पतये चैव गवां च पतये नमः ॥

parjanyapataye caiva bhūtānāṃ pataye namaḥ | vṛkṣāṇāṃ pataye caiva gavāṃ ca pataye namaḥ

पर्जन्य के स्वामी को, भूतों के स्वामी को नमस्कार; वृक्षों के स्वामी को और गौओं के स्वामी को नमस्कार;

श्लोक 36 (7.203.36)

वृक्षैरावृतकायाय सेनान्ये मध्यमाय च । स्रुवहस्ताय देवाय धन्विने भार्गवाय च ॥

vṛkṣairāvṛtakāyāya senānye madhyamāya ca | sruvahastāya devāya dhanvine bhārgavāya ca

जिनका शरीर वृक्षों से ढका है उन्हें, सेनानी और मध्यम को; स्रुवा हाथ में लिए देव, धनुर्धारी भार्गव को;

श्लोक 37 (7.203.37)

बहुरूपाय विश्वस्य पतये मुञ्चवाससे । सहस्रशिरसे चैव सहस्रचरणाय च । सहस्रबाहवे चैव सहस्रवदनाय च ॥

bahurūpāya viśvasya pataye muñcavāsase | sahasraśirase caiva sahasracaraṇāya ca | sahasrabāhave caiva sahasravadanāya ca

बहुरूप, विश्व के स्वामी और मुञ्ज का वस्त्र पहनने वाले को; सहस्र सिर और सहस्र चरणों वाले, सहस्र भुजाओं और सहस्र मुखों वाले को।

श्लोक 38 (7.203.38)

शरणं गच्छ कौन्तेय वरदं भुवनेश्वरम् । उमापतिं विरूपाक्षं दक्षयज्ञनिबर्हणम् ॥

śaraṇaṃ gaccha kaunteya varadaṃ bhuvaneśvaram | umāpatiṃ virūpākṣaṃ dakṣayajñanibarhaṇam

हे कौन्तेय, वरदाता, भुवनेश्वर, उमापति, विरूपाक्ष और दक्षयज्ञ का विनाश करने वाले की शरण में जाओ,

श्लोक 39 (7.203.39)

प्रजानां पतिमव्यग्रं भूतानां पतिमव्ययम् । कपर्दिनं वृषावर्तं वृषनाभं वृषध्वजम् ॥

prajānāṃ patimavyagraṃ bhūtānāṃ patimavyayam | kapardinaṃ vṛṣāvartaṃ vṛṣanābhaṃ vṛṣadhvajam

प्रजाओं के पति, अविचल, भूतों के अविनाशी पति, कपर्दी, वृषावर्त, वृषनाभ और वृषध्वज की,

श्लोक 40 (7.203.40)

वृषदर्पं वृषपतिं वृषशृङ्गं वृषर्षभम् । वृषाङ्गं वृषभोदारं वृषभं वृषभेक्षणम् ॥

vṛṣadarpaṃ vṛṣapatiṃ vṛṣaśṛṅgaṃ vṛṣarṣabham | vṛṣāṅgaṃ vṛṣabhodāraṃ vṛṣabhaṃ vṛṣabhekṣaṇam

वृष के समान दर्प वाले, वृषपति, वृषशृङ्ग, वृषर्षभ, वृषाङ्ग, वृषभ के समान उदार, वृषभ और वृषभ-नेत्र की,

श्लोक 41 (7.203.41)

वृषायुधं वृषशरं वृषभूतं वृषेश्वरम् । महोदरं महाकायं द्वीपिचर्मनिवासिनम् ॥

vṛṣāyudhaṃ vṛṣaśaraṃ vṛṣabhūtaṃ vṛṣeśvaram | mahodaraṃ mahākāyaṃ dvīpicarmanivāsinam

वृषायुध, वृषशर, वृषरूप और वृषेश्वर, बड़े पेट वाले, विशाल शरीर वाले, चीते का चर्म पहनने वाले की,

श्लोक 42 (7.203.42)

लोकेशं वरदं पुण्यं ब्रह्मण्यं ब्राह्मणप्रियम् । त्रिशूलपाणिं वरदं खड्गचर्मधरं प्रभुम् ॥

lokeśaṃ varadaṃ puṇyaṃ brahmaṇyaṃ brāhmaṇapriyam | triśūlapāṇiṃ varadaṃ khaḍgacarmadharaṃ prabhum

लोकेश, वरदाता, पवित्र, ब्राह्मणों के हितैषी और ब्राह्मणप्रिय; त्रिशूलपाणि, वरदाता, खड्ग और ढाल धारण करने वाले प्रभु की,

श्लोक 43 (7.203.43)

पिनाकिनं खड्गधरं लोकानां पतिमीश्वरम् । प्रपद्ये शरणं देवं शरण्यं चीरवाससम् ॥

pinākinaṃ khaḍgadharaṃ lokānāṃ patimīśvaram | prapadye śaraṇaṃ devaṃ śaraṇyaṃ cīravāsasam

पिनाकधारी, खड्गधारी, लोकों के पति और ईश्वर: मैं उन चीरवस्त्रधारी शरणदाता देव की शरण लेता हूँ।

श्लोक 44 (7.203.44)

नमस्तस्मै सुरेशाय गणानां पतये नमः । सुवाससे नमस्तुभ्यं सुव्रताय सुधन्विने ॥

namastasmai sureśāya gaṇānāṃ pataye namaḥ | suvāsase namastubhyaṃ suvratāya sudhanvine

उन देवेश को नमस्कार, गणों के पति को नमस्कार; सुन्दर वस्त्र वाले, सुव्रत और सुन्दर धनुष वाले आपको नमस्कार;

श्लोक 45 (7.203.45)

धनुर्धराय देवाय प्रियधन्वाय धन्विने । धन्वन्तराय धनुषे धन्वाचार्याय ते नमः ॥

dhanurdharāya devāya priyadhanvāya dhanvine | dhanvantarāya dhanuṣe dhanvācāryāya te namaḥ

धनुष धारण करने वाले, धनुष प्रिय मानने वाले, धनुर्धारी देव को; धन्वन्तरि, धनुष और धनुर्वेद के आचार्य, आपको नमस्कार;

श्लोक 46 (7.203.46)

उग्रायुधाय देवाय नमः सुरवराय च । नमोऽस्तु बहुरूपाय नमोऽस्तु बहुधन्विने ॥

ugrāyudhāya devāya namaḥ suravarāya ca | namo'stu bahurūpāya namo'stu bahudhanvine

उग्र आयुधों वाले देव को और देवश्रेष्ठ को नमस्कार; बहुरूप को नमस्कार, अनेक धनुषों वाले को नमस्कार।

श्लोक 47 (7.203.47)

नमोऽस्तु स्थाणवे नित्यं नमस्तस्मै तपस्विने । नमोऽस्तु त्रिपुरघ्नाय भगघ्नाय च वै नमः ॥

namo'stu sthāṇave nityaṃ namastasmai tapasvine | namo'stu tripuraghnāya bhagaghnāya ca vai namaḥ

स्थाणु को सदा नमस्कार, उन तपस्वी को नमस्कार; त्रिपुर का नाश करने वाले को नमस्कार, भग का नाश करने वाले को नमस्कार;

श्लोक 48 (7.203.48)

वनस्पतीनां पतये नराणां पतये नमः । मातॄणां पतये चैव गणानां पतये नमः ॥

vanaspatīnāṃ pataye narāṇāṃ pataye namaḥ | mātṝṇāṃ pataye caiva gaṇānāṃ pataye namaḥ

वनस्पतियों के पति को, मनुष्यों के पति को नमस्कार; मातृकाओं के पति को और गणों के पति को;

श्लोक 49 (7.203.49)

गवां च पतये नित्यं यज्ञानां पतये नमः । अपां च पतये नित्यं देवानां पतये नमः ॥

gavāṃ ca pataye nityaṃ yajñānāṃ pataye namaḥ | apāṃ ca pataye nityaṃ devānāṃ pataye namaḥ

गौओं के पति को सदा, यज्ञों के पति को नमस्कार; जलों के पति को सदा, देवताओं के पति को नमस्कार;

श्लोक 50 (7.203.50)

पूष्णो दन्तविनाशाय त्र्यक्षाय वरदाय च । नीलकण्ठाय पिङ्गाय स्वर्णकेशाय वै नमः ॥

pūṣṇo dantavināśāya tryakṣāya varadāya ca | nīlakaṇṭhāya piṅgāya svarṇakeśāya vai namaḥ

पूषा के दाँत तोड़ने वाले, त्रिनेत्र, वरदाता, नीलकण्ठ, पिंगल और स्वर्ण-केश वाले को नमस्कार।

श्लोक 51 (7.203.51)

कर्माणि यानि दिव्यानि महादेवस्य धीमतः । तानि ते कीर्तयिष्यामि तथाप्रज्ञं यथाश्रुतम् ॥

karmāṇi yāni divyāni mahādevasya dhīmataḥ | tāni te kīrtayiṣyāmi tathāprajñaṃ yathāśrutam

बुद्धिमान् महादेव के जो दिव्य कर्म हैं, उन्हें मैं अपनी समझ के अनुसार और जैसा सुना है वैसा तुम्हें सुनाऊँगा।

श्लोक 52 (7.203.52)

न सुरा नासुरा लोके न गन्धर्वा न राक्षसाः । सुखमेधन्ति कुपिते तस्मिन्नपि गुहागताः ॥

na surā nāsurā loke na gandharvā na rākṣasāḥ | sukhamedhanti kupite tasminnapi guhāgatāḥ

उनके कुपित होने पर संसार में न देवता, न असुर, न गन्धर्व, न राक्षस सुख पाते हैं, चाहे वे गुफाओं में छिप गए हों।

श्लोक 53 (7.203.53)

दक्षस्य यजमानस्य विधिवत्संभृतं पुरा । विव्याध कुपितो यज्ञं निर्दयस्त्वभवत्तदा । धनुषा बाणमुत्सृज्य सघोषं विननाद च ॥

dakṣasya yajamānasya vidhivatsaṃbhṛtaṃ purā | vivyādha kupito yajñaṃ nirdayastvabhavattadā | dhanuṣā bāṇamutsṛjya saghoṣaṃ vinanāda ca

पूर्वकाल में जब दक्ष विधिपूर्वक तैयार किया हुआ यज्ञ कर रहा था, तब उन्होंने क्रोध में उस यज्ञ को बींध डाला; वे उस समय निर्दय हो गए थे, और धनुष से बाण छोड़कर उन्होंने ज़ोर की गर्जना की।

श्लोक 54 (7.203.54)

तेन शर्म कुतः शान्तिं लेभिरे स्म सुरास्तदा । विद्रुते सहसा यज्ञे कुपिते च महेश्वरे ॥

tena śarma kutaḥ śāntiṃ lebhire sma surāstadā | vidrute sahasā yajñe kupite ca maheśvare

उससे उस समय देवताओं को सुख और शान्ति कहाँ मिलती, जब यज्ञ अचानक भाग गया और महेश्वर क्रुद्ध थे?

श्लोक 55 (7.203.55)

तेन ज्यातलघोषेण सर्वे लोकाः समाकुलाः । बभूवुर्वशगाः पार्थ निपेतुश्च सुरासुराः ॥

tena jyātalaghoṣeṇa sarve lokāḥ samākulāḥ | babhūvurvaśagāḥ pārtha nipetuśca surāsurāḥ

उनकी प्रत्यंचा की टंकार से सब लोक व्याकुल हो गए; हे पार्थ, वे उनके वश में हो गए और देवता तथा असुर गिर पड़े।

श्लोक 56 (7.203.56)

आपश्चुक्षुभिरे सर्वाश्चकम्पे च वसुन्धरा । पर्वताश्च व्यशीर्यन्त दिशो नागाश्च मोहिताः ॥

āpaścukṣubhire sarvāścakampe ca vasundharā | parvatāśca vyaśīryanta diśo nāgāśca mohitāḥ

सब जल क्षुब्ध हो उठे, पृथ्वी काँप उठी, पर्वत फट गए, और दिशाएँ तथा नाग मोहित हो गए।

श्लोक 57 (7.203.57)

अन्धेन तमसा लोका न प्राकाशन्त संवृताः । जघ्निवान्सह सूर्येण सर्वेषां ज्योतिषां प्रभाः ॥

andhena tamasā lokā na prākāśanta saṃvṛtāḥ | jaghnivānsaha sūryeṇa sarveṣāṃ jyotiṣāṃ prabhāḥ

गहरे अन्धकार से ढके हुए लोक प्रकाशित नहीं हुए; उन्होंने सूर्य के साथ सब ज्योतियों की प्रभा को नष्ट कर दिया।

श्लोक 58 (7.203.58)

चुक्षुभुर्भयभीताश्च शान्तिं चक्रुस्तथैव च । ऋषयः सर्वभूतानामात्मनश्च सुखैषिणः ॥

cukṣubhurbhayabhītāśca śāntiṃ cakrustathaiva ca | ṛṣayaḥ sarvabhūtānāmātmanaśca sukhaiṣiṇaḥ

भय से डरे हुए, सब प्राणियों और अपना भी कल्याण चाहने वाले ऋषि काँप उठे और उन्होंने शान्ति-कर्म किए।

श्लोक 59 (7.203.59)

पूषाणमभ्यद्रवत शङ्करः प्रहसन्निव । पुरोडाशं भक्षयतो दशनान्वै व्यशातयत् ॥

pūṣāṇamabhyadravata śaṅkaraḥ prahasanniva | puroḍāśaṃ bhakṣayato daśanānvai vyaśātayat

शङ्कर मानो हँसते हुए पूषा पर टूट पड़े और पुरोडाश खाते हुए उसके दाँत तोड़ डाले।

श्लोक 60 (7.203.60)

ततो निश्चक्रमुर्देवा वेपमाना भयार्दिताः ॥

tato niścakramurdevā vepamānā bhayārditāḥ

तब भय से पीड़ित देवता काँपते हुए बाहर निकल गए।

श्लोक 61 (7.203.61)

पुनश्च सन्दधे दीप्तान्देवानां निशिताञ्शरान् । सधूमान्सस्फुलिङ्गांश्च विद्युत्तोयदसन्निभान् ॥

punaśca sandadhe dīptāndevānāṃ niśitāñśarān | sadhūmānsasphuliṅgāṃśca vidyuttoyadasannibhān

और उन्होंने फिर देवताओं पर जलते हुए, तीखे बाण चढ़ाए, जो धुएँ और चिनगारियों से युक्त तथा बिजली और बादल के समान थे।

श्लोक 62 (7.203.62)

तं दृष्ट्वा तु सुराः सर्वे प्रणिपत्य महेश्वरम् । रुद्रस्य यज्ञभागं च विशिष्टं ते त्वकल्पयन् ॥

taṃ dṛṣṭvā tu surāḥ sarve praṇipatya maheśvaram | rudrasya yajñabhāgaṃ ca viśiṣṭaṃ te tvakalpayan

उन्हें देखकर सब देवताओं ने महेश्वर को प्रणाम किया और यज्ञ में रुद्र के लिए विशेष भाग निश्चित किया।

श्लोक 63 (7.203.63)

भयेन त्रिदशा राजञ्छरणं च प्रपेदिरे । तेन चैवातिकोपेन स यज्ञः सन्धितस्तदा । भग्नाश्चापि सुरा आसन्भीताश्चाद्यापि तं प्रति ॥

bhayena tridaśā rājañcharaṇaṃ ca prapedire | tena caivātikopena sa yajñaḥ sandhitastadā | bhagnāścāpi surā āsanbhītāścādyāpi taṃ prati

हे राजन्, भय से देवताओं ने उनकी शरण ली। उसी महान् क्रोध से वह यज्ञ तब फिर जोड़ दिया गया; देवता टूट गए थे और आज भी उनसे डरते हैं।

श्लोक 64 (7.203.64)

असुराणां पुराण्यासंस्त्रीणि वीर्यवतां दिवि । आयसं राजतं चैव सौवर्णं परमं महत् ॥

asurāṇāṃ purāṇyāsaṃstrīṇi vīryavatāṃ divi | āyasaṃ rājataṃ caiva sauvarṇaṃ paramaṃ mahat

बलवान् असुरों के आकाश में तीन पुर थे: एक लोहे का, एक चाँदी का और एक सोने का, जो सबसे उत्तम और विशाल था।

श्लोक 65 (7.203.65)

सौवर्णं कमलाक्षस्य तारकाक्षस्य राजतम् । तृतीयं तु पुरं तेषां विद्युन्मालिन आयसम् । न शक्तस्तानि मघवान्भेत्तुं सर्वायुधैरपि ॥

sauvarṇaṃ kamalākṣasya tārakākṣasya rājatam | tṛtīyaṃ tu puraṃ teṣāṃ vidyunmālina āyasam | na śaktastāni maghavānbhettuṃ sarvāyudhairapi

सोने का पुर कमलाक्ष का था, चाँदी का तारकाक्ष का, और उनका तीसरा लोहे का पुर विद्युन्माली का। इन्द्र भी अपने सब आयुधों से उन्हें नहीं तोड़ सका।

श्लोक 66 (7.203.66)

अथ सर्वे सुरा रुद्रं जग्मुः शरणमर्दिताः । ते तमूचुर्महात्मानं सर्वे देवाः सवासवाः ॥

atha sarve surā rudraṃ jagmuḥ śaraṇamarditāḥ | te tamūcurmahātmānaṃ sarve devāḥ savāsavāḥ

तब पीड़ित हुए सब देवता रुद्र की शरण में गए; इन्द्र सहित सब देवताओं ने उन महात्मा से कहा:

श्लोक 67 (7.203.67)

ब्रह्मदत्तवरा ह्येते घोरास्त्रिपुरवासिनः । पीडयन्त्यधिकं लोकं यस्मात्ते वरदर्पिताः ॥

brahmadattavarā hyete ghorāstripuravāsinaḥ | pīḍayantyadhikaṃ lokaṃ yasmātte varadarpitāḥ

ब्रह्मा से वर पाए हुए ये भयंकर त्रिपुरवासी लोक को बहुत सताते हैं, क्योंकि वे अपने वरदानों से मदोन्मत्त हैं।

श्लोक 68 (7.203.68)

त्वदृते देवदेवेश नान्यः शक्तः कथञ्चन । हन्तुं दैत्यान्महादेव जहि तांस्त्वं सुरद्विपः ॥

tvadṛte devadeveśa nānyaḥ śaktaḥ kathañcana | hantuṃ daityānmahādeva jahi tāṃstvaṃ suradvipaḥ

हे देवदेवेश, आपके सिवा कोई और किसी प्रकार इन्हें नहीं मार सकता। हे महादेव, देवताओं के शत्रु उन दैत्यों को आप ही मार डालिए।

श्लोक 69 (7.203.69)

रुद्र रौद्रा भविष्यन्ति पशवः सर्वकर्मसु । निपातयिष्यसे चैतानसुरान्भुवनेश्वर ॥

rudra raudrā bhaviṣyanti paśavaḥ sarvakarmasu | nipātayiṣyase caitānasurānbhuvaneśvara

हे रुद्र, सब यज्ञ-कर्मों में पशु आपके ही होंगे; और हे भुवनेश्वर, आप इन असुरों को गिरा देंगे।

श्लोक 70 (7.203.70)

स तथोक्तस्तथेत्युक्त्वा देवानां हितकाम्यया । गन्धमादनविन्ध्यौ च कृत्वा वंशध्वजौ हरः ॥

sa tathoktastathetyuktvā devānāṃ hitakāmyayā | gandhamādanavindhyau ca kṛtvā vaṃśadhvajau haraḥ

ऐसा कहे जाने पर "ऐसा ही हो" कहकर हर ने देवताओं का हित चाहते हुए गन्धमादन और विन्ध्य पर्वतों को अपने रथ की दो ध्वजाएँ बनाया,

श्लोक 71 (7.203.71)

पृथ्वीं ससागरवनां रथं कृत्वा तु शङ्करः । अक्षं कृत्वा तु नागेन्द्रं शेषं नाम त्रिलोचनः ॥

pṛthvīṃ sasāgaravanāṃ rathaṃ kṛtvā tu śaṅkaraḥ | akṣaṃ kṛtvā tu nāgendraṃ śeṣaṃ nāma trilocanaḥ

और शङ्कर ने समुद्रों और वनों सहित पृथ्वी को रथ बनाकर त्रिलोचन ने शेष नामक नागराज को धुरी बनाया,

श्लोक 72 (7.203.72)

चक्रे कृत्वा तु चन्द्रार्कौ देवदेवः पिनाकधृत् । अणी कृत्वैलपत्रं च पुष्पदन्तं च त्र्यम्बकः ॥

cakre kṛtvā tu candrārkau devadevaḥ pinākadhṛt | aṇī kṛtvailapatraṃ ca puṣpadantaṃ ca tryambakaḥ

चन्द्र और सूर्य को चक्र बनाकर पिनाकधारी देवदेव त्र्यम्बक ने एलापत्र और पुष्पदन्त को दोनों जुए के बन्धन बनाया,

श्लोक 73 (7.203.73)

यूपं कृत्वा तु मलयमवनाहं च तक्षकम् ॥

yūpaṃ kṛtvā tu malayamavanāhaṃ ca takṣakam

मलय पर्वत को जुआ और तक्षक को जुए का बन्धन-रज्जु बनाकर,

श्लोक 74 (7.203.74)

योक्त्राङ्गानि च सत्वानि कृत्वा शर्वः प्रतापवान् । वेदान्कृत्वाऽथ चतुरश्चतुरश्वान्महेश्वरः ॥

yoktrāṅgāni ca satvāni kṛtvā śarvaḥ pratāpavān | vedānkṛtvā'tha caturaścaturaśvānmaheśvaraḥ

प्रतापी शर्व ने प्राणियों को जोत और रथ के अंग बनाया, और महेश्वर ने चारों वेदों को चार घोड़े बनाया,

श्लोक 75 (7.203.75)

उपदेवान्खलीनांश्च कृत्वा लोकत्रयेश्वरः । गायत्रीं प्रग्रहं कृत्वा सावित्रीं च महेश्वरः ॥

upadevānkhalīnāṃśca kṛtvā lokatrayeśvaraḥ | gāyatrīṃ pragrahaṃ kṛtvā sāvitrīṃ ca maheśvaraḥ

लोकत्रय के ईश्वर ने उपदेवों को लगाम का मुखभाग और महेश्वर ने गायत्री तथा सावित्री को रास बनाया,

श्लोक 76 (7.203.76)

कृत्वोंकारं प्रतोदं च ब्रह्माणं चैव सारथिम् । गाण्डीवं मन्दरं कृत्वा गुणं कृत्वा तु वासुकिम् ॥

kṛtvoṃkāraṃ pratodaṃ ca brahmāṇaṃ caiva sārathim | gāṇḍīvaṃ mandaraṃ kṛtvā guṇaṃ kṛtvā tu vāsukim

ओंकार को चाबुक और ब्रह्मा को सारथि बनाया, मन्दर को गाण्डीव धनुष और वासुकि को उसकी डोरी बनाया,

श्लोक 77 (7.203.77)

विष्णुं शरोत्तमं कृत्वा शल्यमग्निं तथैव च । वायुं कृत्वाऽथ वाजाभ्यां पुङ्खे वैवस्वतं यमम् ॥

viṣṇuṃ śarottamaṃ kṛtvā śalyamagniṃ tathaiva ca | vāyuṃ kṛtvā'tha vājābhyāṃ puṅkhe vaivasvataṃ yamam

विष्णु को उत्तम बाण, और उसी प्रकार अग्नि को उसकी नोक, वायु को उसके दोनों पंख और वैवस्वत यम को उसका पुंख बनाया,

श्लोक 78 (7.203.78)

विद्युत्कृत्वाऽथ निश्राणं मेरुं कृत्वाऽथ वै ध्वजम् । आरुह्य स रथं दिव्यं सर्वदेवमयं शिवः ॥

vidyutkṛtvā'tha niśrāṇaṃ meruṃ kṛtvā'tha vai dhvajam | āruhya sa rathaṃ divyaṃ sarvadevamayaṃ śivaḥ

बिजली को उसकी धार और मेरु को ध्वजा बनाकर शिव उस सर्वदेवमय दिव्य रथ पर चढ़े,

श्लोक 79 (7.203.79)

त्रिपुरस्य वधार्थाय स्थाणुः प्रहरतां वरः । असुराणामन्तकरः श्रीमानतुलविक्रमः ॥

tripurasya vadhārthāya sthāṇuḥ praharatāṃ varaḥ | asurāṇāmantakaraḥ śrīmānatulavikramaḥ

त्रिपुर के विनाश के लिए, प्रहार करने वालों में श्रेष्ठ, असुरों का अन्त करने वाले, श्रीमान् और अतुल पराक्रमी स्थाणु,

श्लोक 80 (7.203.80)

स्तूयमानः सुरैः पार्थ ऋषिभिश्च तपोधनैः । स्थानं माहेश्वरं कृत्वा दिव्यमप्रतिमं प्रभुः । अतिष्ठत्स्थाणुभूतः स सहस्रं परिवत्सरान् ॥

stūyamānaḥ suraiḥ pārtha ṛṣibhiśca tapodhanaiḥ | sthānaṃ māheśvaraṃ kṛtvā divyamapratimaṃ prabhuḥ | atiṣṭhatsthāṇubhūtaḥ sa sahasraṃ parivatsarān

हे पार्थ, देवताओं और तपोधन ऋषियों से स्तुति पाते हुए प्रभु ने दिव्य और अनुपम माहेश्वर स्थान बनाया, और वे स्थाणु की तरह निश्चल होकर एक हज़ार वर्ष तक खड़े रहे।

श्लोक 81 (7.203.81)

यदा त्रीणि समेतानि अन्तरिक्षे पुराणि च । त्रिपर्वणा त्रिशल्येन तदा तानि बिभेद सः ॥

yadā trīṇi sametāni antarikṣe purāṇi ca | triparvaṇā triśalyena tadā tāni bibheda saḥ

जब आकाश में तीनों पुर एकत्र हुए, तब उन्होंने तीन गाँठों और तीन फलों वाले बाण से उन्हें भेद डाला।

श्लोक 82 (7.203.82)

पुराणि न च तं शेकुर्दानवाः प्रतिवीक्षितुम् । शरं कालाग्निसंयुक्तं विष्णुसोमसमायुतम् ॥

purāṇi na ca taṃ śekurdānavāḥ prativīkṣitum | śaraṃ kālāgnisaṃyuktaṃ viṣṇusomasamāyutam

पुरों के दानव उनकी ओर देख भी नहीं सके, उस बाण की ओर भी नहीं जो कालाग्नि से संयुक्त और विष्णु तथा सोम से भरा हुआ था।

श्लोक 83 (7.203.83)

पुराणि दग्धवन्तं तं देवी याता प्रवीक्षितुम् । देव्याः स्वयंवरे वृत्तं शृणुष्वान्यद्धनञ्जय ॥

purāṇi dagdhavantaṃ taṃ devī yātā pravīkṣitum | devyāḥ svayaṃvare vṛttaṃ śṛṇuṣvānyaddhanañjaya

नगरों को भस्म करने वाले उन्हें देखने देवी आईं। हे धनञ्जय, देवी के स्वयंवर में हुई एक और घटना सुनो।

श्लोक 84 (7.203.84)

बालमङ्कगतं कृत्वा स्वयं पञ्चशिखं पुनः । उमा जिज्ञासमाना वै कोयमित्यब्रवीत्सुरान् ॥

bālamaṅkagataṃ kṛtvā svayaṃ pañcaśikhaṃ punaḥ | umā jijñāsamānā vai koyamityabravītsurān

स्वयं पाँच शिखाओं वाले बालक का रूप बनाकर उमा की गोद में आ बैठने पर उमा ने जिज्ञासा से देवताओं से पूछा, "यह कौन है?"

श्लोक 85 (7.203.85)

असूयतश्च शक्रस्य वज्रेण प्रहरिष्यतः । बाहुं सवज्रं तं तस्य क्रुद्धस्यास्तम्भयत्प्रभुः । प्रहस्य भगवांस्तूर्णं सर्वलोकेश्वरो विभुः ॥

asūyataśca śakrasya vajreṇa prahariṣyataḥ | bāhuṃ savajraṃ taṃ tasya kruddhasyāstambhayatprabhuḥ | prahasya bhagavāṃstūrṇaṃ sarvalokeśvaro vibhuḥ

जब ईर्ष्या से शक्र वज्र से प्रहार करने ही वाला था, तब प्रभु ने क्रुद्ध शक्र की वज्र सहित भुजा को स्तम्भित कर दिया; सब लोकों के ईश्वर, सर्वव्यापी भगवान् ने तुरन्त हँसकर।

श्लोक 86 (7.203.86)

ततः स स्तम्भितभुजः शक्रो देवगणैर्वृतः । जगाम ससुरस्तूर्णं ब्रह्माणं प्रभुमव्ययम् ॥

tataḥ sa stambhitabhujaḥ śakro devagaṇairvṛtaḥ | jagāma sasurastūrṇaṃ brahmāṇaṃ prabhumavyayam

तब भुजा के स्तम्भित हो जाने पर देवगणों से घिरे शक्र देवताओं सहित तुरन्त अविनाशी प्रभु ब्रह्मा के पास गए।

श्लोक 87 (7.203.87)

ते तं प्रणम्य शिरसा प्रोचुः प्राञ्जलयस्तदा ॥

te taṃ praṇamya śirasā procuḥ prāñjalayastadā

उन्हें सिर झुकाकर प्रणाम करके वे हाथ जोड़े हुए तब बोले।

श्लोक 88 (7.203.88)

किमप्यङ्कगतं ब्रह्मन्पार्वत्या भूतमद्भुतम् । बालरूपधरं दृष्ट्वा नास्माभिरभिलक्षितः ॥

kimapyaṅkagataṃ brahmanpārvatyā bhūtamadbhutam | bālarūpadharaṃ dṛṣṭvā nāsmābhirabhilakṣitaḥ

हे ब्रह्मन्, पार्वती की गोद में बालक के रूप में कोई अद्भुत प्राणी है; उसे देखकर भी हम उसे पहचान नहीं सके।

श्लोक 89 (7.203.89)

तस्मात्त्वां प्रष्टुमिच्छामो निर्जिता येन वै वयम् । अयुध्यता हि बालेन लीलया सपुरंदराः ॥

tasmāttvāṃ praṣṭumicchāmo nirjitā yena vai vayam | ayudhyatā hi bālena līlayā sapuraṃdarāḥ

इसलिए हम आपसे पूछना चाहते हैं कि वह कौन है जिसने बिना लड़े ही, खेल-खेल में, एक बालक के रूप में हमें इन्द्र सहित हरा दिया।

श्लोक 90 (7.203.90)

तेषां तद्वचनं श्रुत्वा ब्रह्मा ब्रह्मविदां वरः । ध्यात्वा स शंभुं भगवान्बालं चामिततेजसम् । उवाच भगवान्ब्रह्मा शक्रादींश्च सुरोत्तमान् ॥

teṣāṃ tadvacanaṃ śrutvā brahmā brahmavidāṃ varaḥ | dhyātvā sa śaṃbhuṃ bhagavānbālaṃ cāmitatejasam | uvāca bhagavānbrahmā śakrādīṃśca surottamān

उनकी वह बात सुनकर ब्रह्मविदों में श्रेष्ठ भगवान् ब्रह्मा ने शम्भु और उस अमित तेजस्वी बालक का ध्यान किया, और शक्र आदि श्रेष्ठ देवताओं से कहा:

श्लोक 91 (7.203.91)

चराचरस्य जगतः प्रभुः स भगवान्हरः । तस्मात्परतरं नान्यत्किञ्चिदस्ति महेश्वरात् ॥

carācarasya jagataḥ prabhuḥ sa bhagavānharaḥ | tasmātparataraṃ nānyatkiñcidasti maheśvarāt

वे भगवान् हर चराचर जगत् के स्वामी हैं; महेश्वर से बढ़कर कुछ भी नहीं है।

श्लोक 92 (7.203.92)

यो दृष्टो ह्युमया सार्धं युष्माभिरमितद्युतिः । स पार्वत्याः कृते शर्वः कृतवान्बालरूपताम् ॥

yo dṛṣṭo hyumayā sārdhaṃ yuṣmābhiramitadyutiḥ | sa pārvatyāḥ kṛte śarvaḥ kṛtavānbālarūpatām

जिन अमित तेजस्वी को तुमने उमा के साथ देखा, उन शर्व ने पार्वती के लिए बालक का रूप धारण किया है।

श्लोक 93 (7.203.93)

ते मया सहिता यूयं प्रापद्यध्वं तमेव हि । स एष भगवान्देवः सर्वलोकेश्वरः प्रभुः ॥

te mayā sahitā yūyaṃ prāpadyadhvaṃ tameva hi | sa eṣa bhagavāndevaḥ sarvalokeśvaraḥ prabhuḥ

तुम सब मेरे साथ उन्हीं की शरण में चलो। यही वे भगवान् देव, सब लोकों के ईश्वर और प्रभु हैं।

श्लोक 94 (7.203.94)

न सम्बबुधिरे चैनं देवास्तं भुवनेश्वरम् । सप्रजापतयः सर्वे बालार्कसदृशप्रभम् ॥

na sambabudhire cainaṃ devāstaṃ bhuvaneśvaram | saprajāpatayaḥ sarve bālārkasadṛśaprabham

परन्तु देवता उन भुवनेश्वर को नहीं पहचान सके, और सब प्रजापति भी नहीं, क्योंकि उनकी प्रभा बाल सूर्य जैसी थी।

श्लोक 95 (7.203.95)

अथाभ्येत्य ततो ब्रह्मा दृष्ट्वा स च महेश्वरम् । अयं श्रेष्ठ इति ज्ञात्वा ववन्दे तं पितामहः ॥

athābhyetya tato brahmā dṛṣṭvā sa ca maheśvaram | ayaṃ śreṣṭha iti jñātvā vavande taṃ pitāmahaḥ

तब ब्रह्मा ने पास आकर उन महेश्वर को देखा और "ये ही श्रेष्ठ हैं" ऐसा जानकर पितामह ने उन्हें प्रणाम किया।

श्लोक 96 (7.203.96)

त्वं यज्ञो भुवनस्यास्य त्वं गतिस्त्वं परायणम् । त्वं भवस्त्वं महादेवस्त्वं धाम परमं पदम् ॥

tvaṃ yajño bhuvanasyāsya tvaṃ gatistvaṃ parāyaṇam | tvaṃ bhavastvaṃ mahādevastvaṃ dhāma paramaṃ padam

आप इस जगत् के यज्ञ हैं, आप ही गति और परम आश्रय हैं; आप भव हैं, आप महादेव हैं, आप परम धाम और परम पद हैं।

श्लोक 97 (7.203.97)

त्वया सर्वमिदं व्याप्तं जगत्स्थावरजङ्गमम् ॥

tvayā sarvamidaṃ vyāptaṃ jagatsthāvarajaṅgamam

आपसे यह सारा चराचर जगत् व्याप्त है।

श्लोक 98 (7.203.98)

भगवन्भूतभव्येश लोकनाथ जगत्पते । प्रसादं कुरु शक्रस्य त्वया क्रोधार्दितस्य वै ॥

bhagavanbhūtabhavyeśa lokanātha jagatpate | prasādaṃ kuru śakrasya tvayā krodhārditasya vai

हे भगवन्, भूत और भविष्य के स्वामी, लोकनाथ, जगत्पति, आपके क्रोध से पीड़ित शक्र पर कृपा कीजिए।

श्लोक 99 (7.203.99)

पद्मयोनिवचः श्रुत्वा ततः प्रीतो महेश्वरः । प्रसादाभिमुखो भूत्वा अट्टहासमथाकरोत् ॥

padmayonivacaḥ śrutvā tataḥ prīto maheśvaraḥ | prasādābhimukho bhūtvā aṭṭahāsamathākarot

कमलयोनि की बात सुनकर महेश्वर प्रसन्न हुए, और अनुग्रह की ओर उन्मुख होकर उन्होंने ठहाका लगाया।

श्लोक 100 (7.203.100)

ततः प्रसादयामासुरुमां रुद्रं च ते सुराः । अभवच्च पुनर्बाहुर्यथाप्रकृति वज्रिणः ॥

tataḥ prasādayāmāsurumāṃ rudraṃ ca te surāḥ | abhavacca punarbāhuryathāprakṛti vajriṇaḥ

तब देवताओं ने उमा और रुद्र को प्रसन्न किया, और वज्रधारी इन्द्र की भुजा फिर पहले जैसी हो गई।

श्लोक 101 (7.203.101)

तेषां प्रसन्नो भगवान्सपत्नीको वृषध्वजः । देवानां त्रिदशश्रेष्ठो दक्षयज्ञविनाशनः ॥

teṣāṃ prasanno bhagavānsapatnīko vṛṣadhvajaḥ | devānāṃ tridaśaśreṣṭho dakṣayajñavināśanaḥ

तैंतीस देवताओं में श्रेष्ठ, दक्षयज्ञ का विनाश करने वाले भगवान् वृषध्वज अपनी पत्नी सहित उन देवताओं पर प्रसन्न हुए।

श्लोक 102 (7.203.102)

स वै रुद्रः स च शिवः सोऽग्निः सर्वश्च सर्ववित् । स चेन्द्रश्चैव वायुश्च सोऽश्विनौ च स विद्युतः ॥

sa vai rudraḥ sa ca śivaḥ so'gniḥ sarvaśca sarvavit | sa cendraścaiva vāyuśca so'śvinau ca sa vidyutaḥ

वही रुद्र हैं, वही शिव, वही अग्नि और सर्व हैं, वही सर्वज्ञ हैं; वही इन्द्र और वायु, वही दोनों अश्विनीकुमार और विद्युत् हैं;

श्लोक 103 (7.203.103)

स भवः स च पर्जन्यो महादेवः सनातनः । स चन्द्रमाः स चेशानः स सूर्यो वरुणश्च सः ॥

sa bhavaḥ sa ca parjanyo mahādevaḥ sanātanaḥ | sa candramāḥ sa ceśānaḥ sa sūryo varuṇaśca saḥ

वही भव और पर्जन्य, सनातन महादेव हैं; वही चन्द्रमा, ईशान, सूर्य और वरुण हैं;

श्लोक 104 (7.203.104)

स कालः सोऽन्तको मृत्युः स यमो रात्र्यहानि तु । मासार्धमासा ऋतवः सन्ध्ये संवत्सरश्च सः ॥

sa kālaḥ so'ntako mṛtyuḥ sa yamo rātryahāni tu | māsārdhamāsā ṛtavaḥ sandhye saṃvatsaraśca saḥ

वही काल, अन्तक, मृत्यु और यम हैं, वही रात और दिन, पक्ष, मास, ऋतुएँ, सन्ध्याएँ और संवत्सर हैं;

श्लोक 105 (7.203.105)

धाता च स विधाता च विश्वात्मा विश्वकर्मकृत् । सर्वासां देवतानां च धारयत्यवपुर्वपुः ॥

dhātā ca sa vidhātā ca viśvātmā viśvakarmakṛt | sarvāsāṃ devatānāṃ ca dhārayatyavapurvapuḥ

वही धाता और विधाता, विश्व के आत्मा और विश्व के रचयिता हैं; और स्वयं शरीररहित होकर वे सब देवताओं के शरीर धारण करते हैं।

श्लोक 106 (7.203.106)

सर्वदेवैः स्तुतो देवः सैकधा बहुधा च सः । शतधा सहस्रधा चैव भूयः शतसहस्रधाः ॥

sarvadevaiḥ stuto devaḥ saikadhā bahudhā ca saḥ | śatadhā sahasradhā caiva bhūyaḥ śatasahasradhāḥ

सब देवताओं से स्तुत वे देव एक भी हैं और अनेक भी; वे सौ प्रकार के, हज़ार प्रकार के और फिर लाख प्रकार के हैं।

श्लोक 107 (7.203.107)

द्वे तनू तस्य देवस्य वेदज्ञा ब्राह्मणा विदुः । घोरा चान्या शिवा चान्या ते तनू बहुधा पुनः ॥

dve tanū tasya devasya vedajñā brāhmaṇā viduḥ | ghorā cānyā śivā cānyā te tanū bahudhā punaḥ

वेदज्ञ ब्राह्मण उन देव के दो शरीर जानते हैं: एक घोर और दूसरा शिव; और वे दोनों शरीर फिर अनेक रूपों के हैं।

श्लोक 108 (7.203.108)

घोरा तु यातुधानस्य सोऽग्निर्विष्णुः स भास्करः । सौम्या तु पुनरेवास्य आपो ज्योतींषि चन्द्रमाः ॥

ghorā tu yātudhānasya so'gnirviṣṇuḥ sa bhāskaraḥ | saumyā tu punarevāsya āpo jyotīṃṣi candramāḥ

इनमें घोर शरीर, जो उग्र प्राणियों से सम्बद्ध है, अग्नि, विष्णु और सूर्य है; और सौम्य शरीर जल, ज्योतियाँ और चन्द्रमा है।

श्लोक 109 (7.203.109)

वेदाः साङ्गोपनिषदः पुराणाध्यात्मनिश्चयाः । यदत्र परमं गुह्यं स वै देवो महेश्वरः ॥

vedāḥ sāṅgopaniṣadaḥ purāṇādhyātmaniścayāḥ | yadatra paramaṃ guhyaṃ sa vai devo maheśvaraḥ

अंगों और उपनिषदों सहित वेद, पुराण और अध्यात्म के निश्चय: इनमें जो परम रहस्य है, वह निश्चय ही देव महेश्वर हैं।

श्लोक 110 (7.203.110)

ईदृशश्च महादेवो भूयांश्च भगवानजः । न हि सर्वे मया शक्या वक्तुं भगवतो गुणाः ॥

īdṛśaśca mahādevo bhūyāṃśca bhagavānajaḥ | na hi sarve mayā śakyā vaktuṃ bhagavato guṇāḥ

महादेव ऐसे हैं, और इससे भी अधिक; वे भगवान् अजन्मा हैं। उन भगवान् के सब गुण मैं नहीं कह सकता।

श्लोक 111 (7.203.111)

अपि वर्षसहस्रेण सततं पाण्डुनन्दन । सर्वैर्ग्रहैर्गृहीतान्वै सर्वपापसमन्वितान् । स मोचयति सुप्रीतः शरण्यः शरणागतान् । आयुरारोग्यमैश्वर्यं वित्तं कामांश्च पुष्कलान् ॥

api varṣasahasreṇa satataṃ pāṇḍunandana | sarvairgrahairgṛhītānvai sarvapāpasamanvitān | sa mocayati suprītaḥ śaraṇyaḥ śaraṇāgatān | āyurārogyamaiśvaryaṃ vittaṃ kāmāṃśca puṣkalān

हे पाण्डुनन्दन, हज़ार वर्ष तक निरन्तर कहने पर भी सब गुण नहीं कहे जा सकते। जो सब ग्रहों से ग्रस्त और सब पापों से युक्त हैं, उन शरणागतों को वे शरण देने वाले अत्यन्त प्रसन्न होकर मुक्त करते हैं। आयु, आरोग्य, ऐश्वर्य, धन और प्रचुर कामनाएँ —

श्लोक 112 (7.203.112)

स ददाति मनुष्येभ्यः स चैवाक्षिपते पुनः । सेन्द्रादिषु च देवेषु तस्य चैश्वर्यमुच्यते ॥

sa dadāti manuṣyebhyaḥ sa caivākṣipate punaḥ | sendrādiṣu ca deveṣu tasya caiśvaryamucyate

वे मनुष्यों को ये देते हैं और फिर छीन भी लेते हैं; इन्द्र आदि देवताओं में भी उन्हीं का ऐश्वर्य कहा जाता है।

श्लोक 113 (7.203.113)

स चैव वेत्ति लोकेषु मनुष्याणां शुभाशुभे । ऐश्वर्याच्चैव कामानामीश्वरश्च स उच्यते ॥

sa caiva vetti lokeṣu manuṣyāṇāṃ śubhāśubhe | aiśvaryāccaiva kāmānāmīśvaraśca sa ucyate

वे लोकों में मनुष्यों के शुभ और अशुभ को जानते हैं; और कामनाओं पर अपने ऐश्वर्य के कारण वे ईश्वर कहलाते हैं।

श्लोक 114 (7.203.114)

महेश्वरश्च महतां भूतानामीश्वरश्च सः । बहुभिर्बहुधा रूपैर्विश्वं व्याप्नोति वै जगत् ॥

maheśvaraśca mahatāṃ bhūtānāmīśvaraśca saḥ | bahubhirbahudhā rūpairviśvaṃ vyāpnoti vai jagat

वे महेश्वर हैं, महान् भूतों के भी ईश्वर और भूतों के ईश्वर; अनेक रूपों में अनेक प्रकार से वे सारे जगत् को व्याप्त करते हैं।

श्लोक 115 (7.203.115)

तस्य देवस्य यद्वक्त्रं समुद्रे तदधिष्ठितम् । वडवामुखेति विख्यातं पिबत्तोयमयं हविः ॥

tasya devasya yadvaktraṃ samudre tadadhiṣṭhitam | vaḍavāmukheti vikhyātaṃ pibattoyamayaṃ haviḥ

उन देव का जो मुख समुद्र में स्थित है, वह प्रसिद्ध वडवामुख है, जो जलरूप हवि को पीता है।

श्लोक 116 (7.203.116)

एष चैव श्मशानेषु देवो वसति नित्यशः । यजन्त्येनं जनास्तत्र वीरस्थान इतीश्वरम् ॥

eṣa caiva śmaśāneṣu devo vasati nityaśaḥ | yajantyenaṃ janāstatra vīrasthāna itīśvaram

ये देव श्मशानों में भी नित्य निवास करते हैं; वहाँ लोग ईश्वर की "वीरस्थान" के नाम से पूजा करते हैं।

श्लोक 117 (7.203.117)

अस्य दीप्तानि रूपाणि घोराणि च बहूनि च । लोके यान्यस्य पूज्यन्ते मनुष्याः प्रवदन्ति च ॥

asya dīptāni rūpāṇi ghorāṇi ca bahūni ca | loke yānyasya pūjyante manuṣyāḥ pravadanti ca

उनके रूप दीप्तिमान्, भयंकर और अनेक हैं; उनमें से जो संसार में पूजे जाते हैं, उन्हें मनुष्य नाम लेकर कहते हैं।

श्लोक 118 (7.203.118)

नामधेयानि लोकेषु बहून्यस्य यथार्थवत् । निरुच्यन्ते महत्त्वाच्च विभुत्वात्कर्मणस्तथा ॥

nāmadheyāni lokeṣu bahūnyasya yathārthavat | nirucyante mahattvācca vibhutvātkarmaṇastathā

लोकों में उनके नाम अनेक हैं और अर्थ के अनुरूप हैं; उनकी महत्ता, व्यापकता और कर्मों के आधार पर उनकी व्याख्या की जाती है।

श्लोक 119 (7.203.119)

वेदे चास्य समाम्नातं शतरुद्रियमुत्तमम् । नाम्ना चानन्तरुद्रेति ह्युपस्थानं महात्मनः ॥

vede cāsya samāmnātaṃ śatarudriyamuttamam | nāmnā cānantarudreti hyupasthānaṃ mahātmanaḥ

वेद में उन्हीं का उत्तम शतरुद्रिय पठित है, और उन महात्मा का उपस्थान "अनन्तरुद्र" नाम से प्रसिद्ध है।

श्लोक 120 (7.203.120)

स कामानां प्रभुर्देवो ये दिव्या ये च मानुषाः । स विभुः स प्रभुर्देवो विश्वं व्याप्नोति वै महत् ॥

sa kāmānāṃ prabhurdevo ye divyā ye ca mānuṣāḥ | sa vibhuḥ sa prabhurdevo viśvaṃ vyāpnoti vai mahat

वे देव दिव्य और मानवीय सब कामनाओं के स्वामी हैं; वे विभु हैं, प्रभु हैं, देव हैं, और विशाल विश्व को व्याप्त करते हैं।

श्लोक 121 (7.203.121)

ज्येष्ठं भूतं वदन्त्येनं ब्राह्मणा मुनयस्तथा । प्रथमो ह्येष देवानां मुखादस्यानलोऽभवत् ॥

jyeṣṭhaṃ bhūtaṃ vadantyenaṃ brāhmaṇā munayastathā | prathamo hyeṣa devānāṃ mukhādasyānalo'bhavat

ब्राह्मण और मुनि उन्हें सबसे ज्येष्ठ भूत कहते हैं; वे देवताओं में प्रथम हैं, और उनके मुख से अग्नि उत्पन्न हुई।

श्लोक 122 (7.203.122)

सर्वथा यत्पशून्पाति तैश्च यद्रमते पुनः । तेषामधिपतिर्यच्च तस्मात्पशुपतिः स्मृतः ॥

sarvathā yatpaśūnpāti taiśca yadramate punaḥ | teṣāmadhipatiryacca tasmātpaśupatiḥ smṛtaḥ

क्योंकि वे सब प्रकार से पशुओं की रक्षा करते हैं, उनके साथ रमण करते हैं और उनके अधिपति हैं, इसलिए वे पशुपति कहे गए हैं।

श्लोक 123 (7.203.123)

दिव्यं च ब्रह्मचर्येण लिङ्गमस्य यथास्थितम् । महयत्येष लोकांश्च महेश्वर इति स्मृतः ॥

divyaṃ ca brahmacaryeṇa liṅgamasya yathāsthitam | mahayatyeṣa lokāṃśca maheśvara iti smṛtaḥ

क्योंकि दिव्य ब्रह्मचर्य के कारण उनका लिंग जैसा है वैसा स्थित रहता है, और वे लोकों को महिमा देते हैं, इसलिए वे महेश्वर कहे गए हैं।

श्लोक 124 (7.203.124)

ऋषयश्चैव देवाश्च गन्धर्वाप्सरसस्तथा । लिङ्गमस्यार्चयन्ति स्म तच्चाप्यूर्ध्वं समास्थितम् ॥

ṛṣayaścaiva devāśca gandharvāpsarasastathā | liṅgamasyārcayanti sma taccāpyūrdhvaṃ samāsthitam

ऋषि और देवता, गन्धर्व और अप्सराएँ उनके लिंग की पूजा करते रहे, और वह ऊर्ध्व स्थित है।

श्लोक 125 (7.203.125)

पूज्यमाने ततस्तस्मिन्मोदते स महेश्वरः । सुखी प्रीतश्च भवति प्रहृष्टश्चैव शङ्करः ॥

pūjyamāne tatastasminmodate sa maheśvaraḥ | sukhī prītaśca bhavati prahṛṣṭaścaiva śaṅkaraḥ

उनकी पूजा होने पर महेश्वर आनन्दित होते हैं; शङ्कर सुखी, प्रसन्न और हर्षित हो जाते हैं।

श्लोक 126 (7.203.126)

यदस्य बहुधा रूपं भूतभव्यभवस्थितम् । स्थावरं जङ्गमं चैव बहुरूपस्ततः स्मृतः ॥

yadasya bahudhā rūpaṃ bhūtabhavyabhavasthitam | sthāvaraṃ jaṅgamaṃ caiva bahurūpastataḥ smṛtaḥ

क्योंकि उनका रूप अनेक प्रकार का है, जो भूत, भविष्य और वर्तमान में स्थित, चर और अचर है, इसलिए वे बहुरूप कहे गए हैं।

श्लोक 127 (7.203.127)

एकाक्षो जाज्वलन्नास्ते सर्वतोक्षिमयोऽपि वा । क्रोधाद्यश्चाविशल्लोकांस्तस्मात्सर्व इति स्मृतः ॥

ekākṣo jājvalannāste sarvatokṣimayo'pi vā | krodhādyaścāviśallokāṃstasmātsarva iti smṛtaḥ

वे एक नेत्र वाले होकर जलते हुए रहते हैं, अथवा सब ओर नेत्रों से भरे हैं; क्योंकि क्रोध से वे लोकों में प्रविष्ट हुए, इसलिए वे सर्व कहे गए हैं।

श्लोक 128 (7.203.128)

धूम्ररूपं च यत्तस्य धूर्जटिस्तेन चोच्यते । विश्वे देवाश्च यत्तस्मिन्विश्वरूपस्ततः स्मृतः ॥

dhūmrarūpaṃ ca yattasya dhūrjaṭistena cocyate | viśve devāśca yattasminviśvarūpastataḥ smṛtaḥ

क्योंकि उनका रूप धूम्र वर्ण का है, इसलिए वे धूर्जटि कहलाते हैं; और क्योंकि विश्वेदेव उनमें स्थित हैं, इसलिए वे विश्वरूप कहे गए हैं।

श्लोक 129 (7.203.129)

तिस्रो देवीर्यदा चैव भजते भुवनेश्वरः । द्यामपः पृथिवीं चैव त्र्यम्बकश्च ततः स्मृतः ॥

tisro devīryadā caiva bhajate bhuvaneśvaraḥ | dyāmapaḥ pṛthivīṃ caiva tryambakaśca tataḥ smṛtaḥ

क्योंकि लोकेश्वर द्यौ, जल और पृथ्वी इन तीन देवियों का सेवन करते हैं, इसलिए वे त्र्यम्बक कहे गए हैं।

श्लोक 130 (7.203.130)

समेधयति यन्नित्यं सर्वार्थान्सर्वकर्मसु । शिवमिच्छन्मनुष्याणां तस्मादेष शिवः स्मृतः ॥

samedhayati yannityaṃ sarvārthānsarvakarmasu | śivamicchanmanuṣyāṇāṃ tasmādeṣa śivaḥ smṛtaḥ

क्योंकि वे मनुष्यों का कल्याण चाहते हुए सब कर्मों में सब प्रयोजनों को सदा सिद्ध करते हैं, इसलिए वे शिव कहे गए हैं।

श्लोक 131 (7.203.131)

सहस्राक्षोऽयुताक्षो वा सर्वतोक्षिमयोऽपि वा । यच्च विश्वं महत्पाति महादेवस्ततः स्मृतः ॥

sahasrākṣo'yutākṣo vā sarvatokṣimayo'pi vā | yacca viśvaṃ mahatpāti mahādevastataḥ smṛtaḥ

क्योंकि सहस्राक्ष या अयुताक्ष होकर, अथवा सब ओर नेत्रों से भरे होकर, वे महान् विश्व की रक्षा करते हैं, इसलिए वे महादेव कहे गए हैं।

श्लोक 132 (7.203.132)

महत्पूर्वं स्थितो यच्च प्राणोत्पत्तिस्थितश्च यत् । स्थितलिङ्गश्च यन्नित्यं तस्मात्स्थाणुरिति स्मृतः ॥

mahatpūrvaṃ sthito yacca prāṇotpattisthitaśca yat | sthitaliṅgaśca yannityaṃ tasmātsthāṇuriti smṛtaḥ

क्योंकि वे सब महत्ता से पहले स्थित थे, प्राण की उत्पत्ति में स्थित हैं और अपना लिंग सदा स्थिर रखते हैं, इसलिए वे स्थाणु कहे गए हैं।

श्लोक 133 (7.203.133)

सूर्याचन्द्रमसोर्लोके प्रकाशन्ते रुचश्च याः । ताः केशसंज्ञितास्त्र्यक्षे व्योमकेशस्ततः स्मृतः ॥

sūryācandramasorloke prakāśante rucaśca yāḥ | tāḥ keśasaṃjñitāstryakṣe vyomakeśastataḥ smṛtaḥ

लोक में सूर्य और चन्द्रमा की जो किरणें चमकती हैं, वे त्र्यक्ष के केश कही गई हैं; इसलिए वे व्योमकेश कहे गए हैं।

श्लोक 134 (7.203.134)

भूतं भव्यं भविष्यं च सर्वं जगदशेषतः । भव एव ततो यस्माद्भूतभव्यभवोद्भवः ॥

bhūtaṃ bhavyaṃ bhaviṣyaṃ ca sarvaṃ jagadaśeṣataḥ | bhava eva tato yasmādbhūtabhavyabhavodbhavaḥ

भूत, भविष्य और वर्तमान, यह सारा जगत् बिना शेष के भव ही है; इसलिए वे भूत, भव्य और वर्तमान के उद्गम हैं।

श्लोक 135 (7.203.135)

कपिः श्रेष्ठ इति प्रोक्तो धर्मश्च वृष उच्यते । स देवदेवो भगवान्कीर्त्यतेऽतो वृषाकपिः ॥

kapiḥ śreṣṭha iti prokto dharmaśca vṛṣa ucyate | sa devadevo bhagavānkīrtyate'to vṛṣākapiḥ

"कपि" का अर्थ श्रेष्ठ कहा गया है और धर्म को "वृष" कहा जाता है; इसलिए भगवान् देवदेव "वृषाकपि" कहलाते हैं।

श्लोक 136 (7.203.136)

ब्रह्माणमिन्द्रं वरुणं यमं धनदमेव च । निगृह्य हरते यस्मात्तस्माद्वर इति स्मृतः ॥

brahmāṇamindraṃ varuṇaṃ yamaṃ dhanadameva ca | nigṛhya harate yasmāttasmādvara iti smṛtaḥ

क्योंकि वे ब्रह्मा, इन्द्र, वरुण, यम और कुबेर को पकड़कर ले जाते हैं, इसलिए वे वर कहे गए हैं।

श्लोक 137 (7.203.137)

निमीलिताभ्यां नेत्राभ्यां बलाद्देवो महेश्वरः । ललाटे नेत्रमसृजत्तेन त्र्यक्षः स उच्यते ॥

nimīlitābhyāṃ netrābhyāṃ balāddevo maheśvaraḥ | lalāṭe netramasṛjattena tryakṣaḥ sa ucyate

क्योंकि आँखें बन्द होने पर भी महेश्वर देव ने बलपूर्वक अपने ललाट में नेत्र उत्पन्न किया, इसलिए वे त्र्यक्ष कहे जाते हैं।

श्लोक 138 (7.203.138)

विषमस्थः शरीरेषु समश्च प्राणिनामिह । स वायुर्विषमस्थेषु प्राणोऽपानः शरीरिषु ॥

viṣamasthaḥ śarīreṣu samaśca prāṇināmiha | sa vāyurviṣamastheṣu prāṇo'pānaḥ śarīriṣu

शरीरों में विषम रूप से और प्राणियों में सम रूप से स्थित वे ही विषम में स्थित वायु हैं, और शरीरधारियों में प्राण तथा अपान हैं।

श्लोक 139 (7.203.139)

पूजयेद्विग्रहं यस्तु लिङ्गं चापि महात्मनः । लिङ्गं पूजयिता नित्यं महतीं श्रियमश्नुते ॥

pūjayedvigrahaṃ yastu liṅgaṃ cāpi mahātmanaḥ | liṅgaṃ pūjayitā nityaṃ mahatīṃ śriyamaśnute

जो उन महात्मा की मूर्ति या लिंग की पूजा करता है, और नित्य लिंग की पूजा करता है, वह बड़ी श्री पाता है।

श्लोक 140 (7.203.140)

ऊरुभ्यामर्धमाग्नेयं सोमोऽर्धं च शिवा तनुः । आत्मनोऽर्धं तथा चाग्निः सोमोऽर्धं पुनरुच्यते ॥

ūrubhyāmardhamāgneyaṃ somo'rdhaṃ ca śivā tanuḥ | ātmano'rdhaṃ tathā cāgniḥ somo'rdhaṃ punarucyate

जंघाओं से उनके शिव शरीर का आधा भाग अग्नि का और आधा सोम का है; उनका आधा अग्नि है और बाकी आधा सोम कहा जाता है।

श्लोक 141 (7.203.141)

तैजसी महती दीप्ता देवेभ्योऽस्य शिवा तनुः । भास्वती मानुषेष्वस्य तनुर्घोराऽग्निरुच्यते ॥

taijasī mahatī dīptā devebhyo'sya śivā tanuḥ | bhāsvatī mānuṣeṣvasya tanurghorā'gnirucyate

उनका शिव शरीर देवताओं में तेजस्वी, महान् और दीप्त है; मनुष्यों में उनका शरीर भास्वर है, और उनका घोर शरीर अग्नि कहा जाता है।

श्लोक 142 (7.203.142)

ब्रह्मचर्यं चरत्येष शिवा याऽस्य तनुस्तया । याऽस्य घोरतरा मूर्तिः सर्वानत्ति तयेश्वरः ॥

brahmacaryaṃ caratyeṣa śivā yā'sya tanustayā | yā'sya ghoratarā mūrtiḥ sarvānatti tayeśvaraḥ

वे अपने शिव शरीर से ब्रह्मचर्य का पालन करते हैं; और अपनी अधिक घोर मूर्ति से वे ईश्वर सबको खा जाते हैं।

श्लोक 143 (7.203.143)

यन्निर्दहति यत्तीक्ष्णो यदुग्रो यत्प्रतापवान् । मांसशोणितमज्जादो यत्ततो रुद्र उच्यते ॥

yannirdahati yattīkṣṇo yadugro yatpratāpavān | māṃsaśoṇitamajjādo yattato rudra ucyate

क्योंकि वे जलाते हैं, तीक्ष्ण, उग्र और प्रतापी हैं, और मांस, रक्त और मज्जा खाते हैं, इसलिए वे रुद्र कहे जाते हैं।

श्लोक 144 (7.203.144)

एष देवो महादेवो योऽसौ पार्थ तवाग्रतः । सङ्ग्रामे शात्रवान्निघ्नंस्त्वया दृष्टः पिनाकधृत् ॥

eṣa devo mahādevo yo'sau pārtha tavāgrataḥ | saṅgrāme śātravānnighnaṃstvayā dṛṣṭaḥ pinākadhṛt

हे पार्थ, ये वही महादेव हैं जिन्हें तुमने अपने आगे युद्ध में शत्रुओं को मारते हुए देखा, वे पिनाकधारी हैं,

श्लोक 145 (7.203.145)

सिन्धुराजवधार्थाय प्रतिज्ञाते त्वयाऽनघ । कृष्णेन दर्शितः स्वप्ने यस्तु शैलेन्द्रमूर्धनि ॥

sindhurājavadhārthāya pratijñāte tvayā'nagha | kṛṣṇena darśitaḥ svapne yastu śailendramūrdhani

जब हे निष्पाप, तुमने सिन्धुराज के वध की प्रतिज्ञा की थी, तब कृष्ण ने स्वप्न में पर्वत-शिखर पर जिन्हें तुम्हें दिखाया था।

श्लोक 146 (7.203.146)

एष वै भगवान्देवः सङ्ग्रामे याति तेऽग्रतः । येन दत्तानि तेऽस्त्राणि यैस्त्वया दानवा हताः ॥

eṣa vai bhagavāndevaḥ saṅgrāme yāti te'grataḥ | yena dattāni te'strāṇi yaistvayā dānavā hatāḥ

यही भगवान् देव युद्ध में तुम्हारे आगे-आगे चलते हैं, जिन्होंने तुम्हें वे अस्त्र दिए हैं जिनसे तुमने दानवों को मारा।

श्लोक 147 (7.203.147)

धन्यं यशस्यमायुष्यं पुण्यं वेदैश्च सम्मितम् । देवदेवस्य ते पार्थ व्याख्यातं शतरुद्रियम् ॥

dhanyaṃ yaśasyamāyuṣyaṃ puṇyaṃ vedaiśca sammitam | devadevasya te pārtha vyākhyātaṃ śatarudriyam

हे पार्थ, देवदेव का यह शतरुद्रिय, जो धन, यश और आयु देने वाला, पवित्र और वेदों के अनुकूल है, तुम्हें बता दिया गया।

श्लोक 148 (7.203.148)

सर्वार्थसाधनं पुण्यं सर्वकिल्बिषनाशनम् । सर्वपापप्रशमनं सर्वदुःखभयापहम् ॥

sarvārthasādhanaṃ puṇyaṃ sarvakilbiṣanāśanam | sarvapāpapraśamanaṃ sarvaduḥkhabhayāpaham

यह सब प्रयोजनों को सिद्ध करने वाला, पवित्र, सब दोषों का नाश करने वाला, सब पापों को शान्त करने वाला और सब दुःख तथा भय को हरने वाला है।

श्लोक 149 (7.203.149)

चतुर्विधमिदं स्तोत्रं यः शृणोति नरः सदा । विजित्य शत्रून्सर्वान्स रुद्रलोके महीयते ॥

caturvidhamidaṃ stotraṃ yaḥ śṛṇoti naraḥ sadā | vijitya śatrūnsarvānsa rudraloke mahīyate

जो मनुष्य इस चतुर्विध स्तोत्र को सदा सुनता है, वह सब शत्रुओं को जीतकर रुद्रलोक में सम्मान पाता है।

श्लोक 150 (7.203.150)

चरितं महात्मनो नित्यं साङ्ग्रामिकमिदं स्मृतम् । पठन्वै शतरुद्रीयं शृण्वंश्च सततोत्थितः ॥

caritaṃ mahātmano nityaṃ sāṅgrāmikamidaṃ smṛtam | paṭhanvai śatarudrīyaṃ śṛṇvaṃśca satatotthitaḥ

उन महात्मा का यह चरित सदा युद्ध-सम्बन्धी माना गया है: जो मनुष्य शतरुद्रिय का पाठ करता है और उसे सुनता है, सदा उद्यत रहकर,

श्लोक 151 (7.203.151)

भक्तो विश्वेश्वरं देवं मानुषेषु च यः सदा । वरान्कामान्स लभते प्रसन्ने त्र्यम्बके नरः ॥

bhakto viśveśvaraṃ devaṃ mānuṣeṣu ca yaḥ sadā | varānkāmānsa labhate prasanne tryambake naraḥ

और मनुष्यों के बीच सदा विश्वेश्वर देव का भक्त रहता है, वह त्र्यम्बक के प्रसन्न होने पर वर और कामनाएँ पाता है।

श्लोक 152 (7.203.152)

गच्छ युध्यस्व कौन्तेय न तवास्ति पराजयः । यस्य मन्त्री च गोप्ता च पार्श्वस्थो हि जनार्दनः ॥

gaccha yudhyasva kaunteya na tavāsti parājayaḥ | yasya mantrī ca goptā ca pārśvastho hi janārdanaḥ

हे कौन्तेय, जाओ और युद्ध करो; तुम्हारी पराजय नहीं हो सकती, क्योंकि जनार्दन तुम्हारे पास मन्त्री और रक्षक के रूप में स्थित हैं।

श्लोक 153 (7.203.153)

एवमुक्त्वाऽर्जुनं सङ्ख्ये पराशरसुतस्तदा । जगाम भरतश्रेष्ठ यथागतमरिन्दम ॥

evamuktvā'rjunaṃ saṅkhye parāśarasutastadā | jagāma bharataśreṣṭha yathāgatamarindama

हे भरतश्रेष्ठ, शत्रुदमन, इस प्रकार रण में अर्जुन से कहकर पराशर के पुत्र जैसे आए थे वैसे ही चले गए।

श्लोक 154 (7.203.154)

एतदाख्याय वै सूतो राज्ञः सर्वं तु सञ्जयः । प्रयातः शिबिरायैव द्रष्टुं कर्णस्य वैशसम् ॥

etadākhyāya vai sūto rājñaḥ sarvaṃ tu sañjayaḥ | prayātaḥ śibirāyaiva draṣṭuṃ karṇasya vaiśasam

राजा को यह सब बताकर सूत सञ्जय कर्ण के संहार को देखने के लिए शिविर की ओर चले गए।

श्लोक 155 (7.203.155)

युद्धं कृत्वा महद्धोरं पञ्चाहानि महाबलः । ब्राह्मणो निहतो राजन्ब्रह्मलोकमवाप्तवान् ॥

yuddhaṃ kṛtvā mahaddhoraṃ pañcāhāni mahābalaḥ | brāhmaṇo nihato rājanbrahmalokamavāptavān

पाँच दिन तक महान् और भयंकर युद्ध करके महाबली ब्राह्मण द्रोण, हे राजन्, मारे जाकर ब्रह्मलोक को प्राप्त हुए।

श्लोक 156 (7.203.156)

स्वधीते यत्फलं वेदे तदस्मिन्नपि पर्वणि । क्षत्रियाणामभीरूणां युक्तमत्र महद्यशः ॥

svadhīte yatphalaṃ vede tadasminnapi parvaṇi | kṣatriyāṇāmabhīrūṇāṃ yuktamatra mahadyaśaḥ

वेद का भली-भाँति अध्ययन करने से जो फल मिलता है, वह इस पर्व से भी मिलता है; निर्भय क्षत्रियों के लिए इसमें बड़ा यश उचित है।

श्लोक 157 (7.203.157)

य इदं पठते पर्व शृणुयाद्वाऽपि नित्यशः । स मुच्यते महापापैः कृतैर्घोरैश्च कर्मभिः ॥

ya idaṃ paṭhate parva śṛṇuyādvā'pi nityaśaḥ | sa mucyate mahāpāpaiḥ kṛtairghoraiśca karmabhiḥ

जो इस पर्व का पाठ करता है या नित्य इसे सुनता है, वह किए हुए महापापों और भयंकर कर्मों से मुक्त हो जाता है।

श्लोक 158 (7.203.158)

यज्ञावाप्तिर्ब्राह्मणस्येह नित्यं । घोरे युद्धे क्षत्रियाणां यशश्च । शेषौ वर्णौ काममिष्टं लभेते । पुत्रान्पौत्रान्नित्यमिष्टांस्तथैव ॥

yajñāvāptirbrāhmaṇasyeha nityaṃ | ghore yuddhe kṣatriyāṇāṃ yaśaśca | śeṣau varṇau kāmamiṣṭaṃ labhete | putrānpautrānnityamiṣṭāṃstathaiva

यहाँ ब्राह्मण को सदा यज्ञ का फल मिलता है; भयंकर युद्ध में क्षत्रियों को यश; शेष दोनों वर्ण अपनी इष्ट कामना पाते हैं; और उसी प्रकार प्रिय पुत्र-पौत्र सदा प्राप्त होते हैं।