अश्वत्थामा का आग्नेयास्त्र और व्यास द्वारा नर-नारायण का वृत्तान्त

श्लोक 1 (7.202.1)

तत्प्रभग्नं बलं दृष्ट्वा कुन्तीपुत्रो धनञ्जयः । न्यवारयदमेयात्मा द्रोणपुत्रजयेप्सया ॥

tatprabhagnaṃ balaṃ dṛṣṭvā kuntīputro dhanañjayaḥ | nyavārayadameyātmā droṇaputrajayepsayā

उस सेना को बिखरी हुई देखकर कुन्तीपुत्र अर्जुन ने, जिनका स्वरूप अपरिमेय है, द्रोणपुत्र को जीतने की इच्छा से उसे रोक लिया।

श्लोक 2 (7.202.2)

ततस्ते सैनिका राजन्सर्वे तत्रावतस्थिरे । संस्थाप्यमाना यत्नेन गोविन्देनार्जुनेन च ॥

tataste sainikā rājansarve tatrāvatasthire | saṃsthāpyamānā yatnena govindenārjunena ca

तब हे राजन्, गोविन्द और अर्जुन के प्रयत्नपूर्वक समझाने पर वे सब सैनिक वहीं डटकर खड़े हो गए।

श्लोक 3 (7.202.3)

एक एव च बीभत्सुः सोमकावयवैः सह । मात्स्यैरन्यैश्च संधाय कौरवान्सन्न्यवर्तत ॥

eka eva ca bībhatsuḥ somakāvayavaiḥ saha | mātsyairanyaiśca saṃdhāya kauravānsannyavartata

बीभत्सु अकेले ही बचे हुए सोमकों, मत्स्यों और दूसरे वीरों को साथ लेकर कौरवों के सामने लौट पड़े।

श्लोक 4 (7.202.4)

ततो द्रुतमतिक्रम्य सिंहलाङ्गूलकेतनम् । सव्यसाची महेष्वासमश्वत्थामानमब्रवीत् ॥

tato drutamatikramya siṃhalāṅgūlaketanam | savyasācī maheṣvāsamaśvatthāmānamabravīt

फिर शीघ्रता से आगे बढ़कर सव्यसाची ने सिंह की पूँछ के चिह्न वाली ध्वजा से युक्त महाधनुर्धर अश्वत्थामा से कहा।

श्लोक 5 (7.202.5)

या शक्तिर्यच्च विज्ञानं यद्वीर्यं यच्च पौरुषम् । धार्तराष्ट्रेषु या प्रीतिर्द्वेषोऽस्मासु च यच्च ते ॥

yā śaktiryacca vijñānaṃ yadvīryaṃ yacca pauruṣam | dhārtarāṣṭreṣu yā prītirdveṣo'smāsu ca yacca te

तुम्हारे पास जो बल है, जो ज्ञान, पराक्रम और पौरुष है, धृतराष्ट्र के पुत्रों के प्रति जो प्रेम और हमारे प्रति जो द्वेष है,

श्लोक 6 (7.202.6)

यच्च भूयोऽस्ति तेजस्ते तत्सर्वं मयि दर्शय । स एव द्रोणहन्ता ते दर्पं छेत्स्यति पार्षतः ॥

yacca bhūyo'sti tejaste tatsarvaṃ mayi darśaya | sa eva droṇahantā te darpaṃ chetsyati pārṣataḥ

और इससे भी बढ़कर तुम्हारे पास जो तेज है, वह सब मुझे दिखाओ। द्रोण को मारने वाला वह धृष्टद्युम्न ही तुम्हारे अभिमान को चूर करेगा।

श्लोक 7 (7.202.7)

कालानलसमप्रख्यं द्विषामन्तकोपमम् । समासादय पाञ्चाल्यं मां चापि सहकेशवम् । दर्पं नाशयितास्म्यद्य तवोद्वृत्तस्य संयुगे ॥

kālānalasamaprakhyaṃ dviṣāmantakopamam | samāsādaya pāñcālyaṃ māṃ cāpi sahakeśavam | darpaṃ nāśayitāsmyadya tavodvṛttasya saṃyuge

प्रलयाग्नि के समान और शत्रुओं के लिए यम के तुल्य उस पांचाल राजकुमार का सामना करो, और केशव के साथ मेरा भी। आज युद्ध में मैं तुम्हारे उद्दण्ड अभिमान का नाश कर दूँगा।

श्लोक 8 (7.202.8)

आचार्यपुत्रो मानार्हो बलवांश्चापि सञ्जय । प्रीतिर्धनञ्जये चास्य प्रियश्चापि महात्मनः ॥

ācāryaputro mānārho balavāṃścāpi sañjaya | prītirdhanañjaye cāsya priyaścāpi mahātmanaḥ

सञ्जय, द्रोणपुत्र सम्मान के योग्य और बलवान् हैं; उन्हें धनञ्जय के प्रति स्नेह है और वे महात्मा अर्जुन को भी प्रिय हैं।

श्लोक 9 (7.202.9)

न भूतपूर्वं बीभत्सोर्वाक्यं परुषमीदृशम् । अथ कस्मात्स कौन्तेयः सखायं रूक्षमुक्तवान् ॥

na bhūtapūrvaṃ bībhatsorvākyaṃ paruṣamīdṛśam | atha kasmātsa kaunteyaḥ sakhāyaṃ rūkṣamuktavān

बीभत्सु के मुख से पहले कभी ऐसी कठोर बात नहीं निकली थी। फिर कुन्तीपुत्र ने अपने मित्र से इतना रूखा वचन क्यों कहा?

श्लोक 10 (7.202.10)

युवराजे हते चैव वृद्धक्षत्रे च पौरवे । इष्वस्त्रविधिसम्पन्ने मालवे च सुदर्शने ॥

yuvarāje hate caiva vṛddhakṣatre ca paurave | iṣvastravidhisampanne mālave ca sudarśane

जब युवराज मारे गए, और पुरुवंशी वृद्धक्षत्र तथा बाण और अस्त्र की विधि में निपुण मालव सुदर्शन भी मारे गए,

श्लोक 11 (7.202.11)

धृष्टद्युम्ने सात्यकौ च भीमे चापि पराजिते । युधिष्ठिरस्य तैर्वाक्यैर्मर्मण्यपि च घट्टिते ॥

dhṛṣṭadyumne sātyakau ca bhīme cāpi parājite | yudhiṣṭhirasya tairvākyairmarmaṇyapi ca ghaṭṭite

जब धृष्टद्युम्न, सात्यकि और भीम भी पराजित हो गए, और उनकी बातों से युधिष्ठिर के मर्मस्थल पर चोट लगी,

श्लोक 12 (7.202.12)

अन्तर्भेदे च सञ्जाते दुःखं संस्मृत्य च प्रभो । अभूतपूर्वो बीभत्सोर्दुःखान्मन्युरजायत ॥

antarbhede ca sañjāte duḥkhaṃ saṃsmṛtya ca prabho | abhūtapūrvo bībhatsorduḥkhānmanyurajāyata

और उनके बीच भीतर ही भीतर मनमुटाव उत्पन्न हो गया, तब हे प्रभो, उस दुःख को याद करके बीभत्सु के मन में दुःख के कारण वह क्रोध उठा जो पहले कभी नहीं हुआ था।

श्लोक 13 (7.202.13)

तस्मादनर्हमश्लीलमप्रियं द्रोणिमुक्तवान् । मान्यमाचार्यतनयं रूक्षं कापुरुषं यथा ॥

tasmādanarhamaślīlamapriyaṃ droṇimuktavān | mānyamācāryatanayaṃ rūkṣaṃ kāpuruṣaṃ yathā

इसी कारण उन्होंने आचार्य के उस सम्माननीय पुत्र द्रोणपुत्र से अनुचित, अशिष्ट और अप्रिय बात कही, किसी कायर की तरह रूखे स्वर में।

श्लोक 14 (7.202.14)

एवमुक्तः श्वसन्क्रोधान्महेष्वासतमो नृप । पार्थेन परुषं वाक्यं सर्वमर्मभिदा गिरा ॥

evamuktaḥ śvasankrodhānmaheṣvāsatamo nṛpa | pārthena paruṣaṃ vākyaṃ sarvamarmabhidā girā

हे राजन्, पार्थ के इस प्रकार कहने पर, उनकी कठोर और हर मर्मस्थल को बींध देने वाली वाणी से, वह महाधनुर्धरों में श्रेष्ठ क्रोध से हाँफने लगा।

श्लोक 15 (7.202.15)

द्रौणिश्चुकोप पार्थाय कृष्णाय च विशेषतः । स तु यत्तो रथे स्थित्वा वार्युपस्पृश्य वीर्यवान् ॥

drauṇiścukopa pārthāya kṛṣṇāya ca viśeṣataḥ | sa tu yatto rathe sthitvā vāryupaspṛśya vīryavān

द्रोणपुत्र पार्थ पर और विशेषकर कृष्ण पर अत्यन्त क्रुद्ध हो उठा। रथ में दृढ़ता से खड़े होकर उस बलवान् ने आचमन किया,

श्लोक 16 (7.202.16)

देवैरपि सुदुर्धर्षमस्त्रमाग्नेयमाददे । दृश्यादृश्यानरिगणानुद्दिश्याचार्यनन्दनः ॥

devairapi sudurdharṣamastramāgneyamādade | dṛśyādṛśyānarigaṇānuddiśyācāryanandanaḥ

और देवताओं के लिए भी दुर्धर्ष आग्नेयास्त्र उठा लिया; आचार्यपुत्र ने उसे दिखाई देने वाले और न दिखाई देने वाले शत्रुओं के दल को लक्ष्य करके चलाया।

श्लोक 17 (7.202.17)

सोऽभिमन्त्र्य शरं दीप्तं विधूममिव पावकम् । सर्वतः क्रोधमाविश्य चिक्षेप परवीरहा ॥

so'bhimantrya śaraṃ dīptaṃ vidhūmamiva pāvakam | sarvataḥ krodhamāviśya cikṣepa paravīrahā

धुएँ से रहित अग्नि के समान जलते हुए उस बाण को अभिमन्त्रित करके, सब ओर क्रोध से भरे हुए उस वीरघाती ने उसे छोड़ दिया।

श्लोक 18 (7.202.18)

ततस्तुमुलमाकाशे शरवर्षमजायत । पावकार्चिपरीतं तत्पार्थमेवाभिपुप्लुवे ॥

tatastumulamākāśe śaravarṣamajāyata | pāvakārciparītaṃ tatpārthamevābhipupluve

तब आकाश में बाणों की भीषण वर्षा होने लगी; वह अग्नि की लपटों से घिरी हुई पार्थ की ही ओर झपटी।

श्लोक 19 (7.202.19)

उल्काश्च गगनात्पेतुर्दिशश्च न चकाशिरे । तमश्च सहसा रौद्रं चमूमवततार ताम् ॥

ulkāśca gaganātpeturdiśaśca na cakāśire | tamaśca sahasā raudraṃ camūmavatatāra tām

आकाश से उल्काएँ गिरने लगीं, दिशाएँ चमकना भूल गईं, और उस सेना पर अचानक भयंकर अन्धकार छा गया।

श्लोक 20 (7.202.20)

रक्षांसि च पिशाचाश्च विनेदुरतिसङ्गताः । ववुश्चाशिशिरा वाताः सूर्यो नैव तताप च ॥

rakṣāṃsi ca piśācāśca vineduratisaṅgatāḥ | vavuścāśiśirā vātāḥ sūryo naiva tatāpa ca

राक्षस और पिशाच इकट्ठे होकर चिल्लाने लगे; गर्म हवाएँ चलने लगीं, फिर भी सूर्य तप नहीं रहा था।

श्लोक 21 (7.202.21)

वायसाश्चापि चाक्रन्दन्दिक्षु सर्वासु भैरवम् । रुधिरं चापि वर्षन्तो निनेदुस्तोयदा दिवि ॥

vāyasāścāpi cākrandandikṣu sarvāsu bhairavam | rudhiraṃ cāpi varṣanto ninedustoyadā divi

सभी दिशाओं में कौए भयानक स्वर में काँव-काँव करने लगे और आकाश में बादल रक्त बरसाते हुए गरजने लगे।

श्लोक 22 (7.202.22)

पक्षिणः पशवो गावो विनेदुश्चापि सुव्रताः । परमं प्रयतात्मानो न शान्तिमुपलेभिरे ॥

pakṣiṇaḥ paśavo gāvo vineduścāpi suvratāḥ | paramaṃ prayatātmāno na śāntimupalebhire

पक्षी, पशु और गायें चीख उठीं, और संयमी जीव भी अत्यन्त आत्मसंयम रखते हुए शान्ति नहीं पा सके।

श्लोक 23 (7.202.23)

भ्रान्तसर्वमहाभूतमावर्तितदिवाकरम् । त्रैलोक्यमभिसन्तप्तं ज्वराविष्टमिवाभवत् ॥

bhrāntasarvamahābhūtamāvartitadivākaram | trailokyamabhisantaptaṃ jvarāviṣṭamivābhavat

सब महाभूत उथल-पुथल हो गए और सूर्य चक्कर खाने लगा; सन्तप्त हुए तीनों लोक मानो ज्वर से पीड़ित हो गए।

श्लोक 24 (7.202.24)

अस्त्रतेजोभिसन्तप्ता नागा भूमिशयास्तथा । निःश्वसन्तः समुत्पेतुस्तेजो घोरं मुमुक्षवः ॥

astratejobhisantaptā nāgā bhūmiśayāstathā | niḥśvasantaḥ samutpetustejo ghoraṃ mumukṣavaḥ

अस्त्र के तेज से झुलसे हुए पृथ्वी पर सोने वाले नाग फुफकारते हुए उस भयंकर ताप से छूटने की इच्छा से ऊपर उछल पड़े।

श्लोक 25 (7.202.25)

जलजानि च सत्वानि दह्यमानानि भारत । न शान्तिमुपजग्मुर्हि तप्यमानैर्जलाशयैः ॥

jalajāni ca satvāni dahyamānāni bhārata | na śāntimupajagmurhi tapyamānairjalāśayaiḥ

हे भारत, जल में जन्म लेने वाले प्राणी जलने लगे और तपे हुए जलाशयों में भी उन्हें शान्ति नहीं मिली।

श्लोक 26 (7.202.26)

दिग्भ्यः प्रदिग्भ्यः खाद्भूमेः सर्वतः शरवृष्टयः । उच्चावचा निपेतुर्वै गरुडानिलरंहसः ॥

digbhyaḥ pradigbhyaḥ khādbhūmeḥ sarvataḥ śaravṛṣṭayaḥ | uccāvacā nipeturvai garuḍānilaraṃhasaḥ

सब दिशाओं और उपदिशाओं से, आकाश से और भूमि से, गरुड़ और वायु के समान वेग वाली तरह-तरह की बाणवर्षा गिरने लगी।

श्लोक 27 (7.202.27)

तैः शरैर्द्रोणपुत्रस्य वज्रवेगैः समाहताः । प्रदग्धा रिपवः पेतुरग्निदग्धा इव द्रुमाः ॥

taiḥ śarairdroṇaputrasya vajravegaiḥ samāhatāḥ | pradagdhā ripavaḥ peturagnidagdhā iva drumāḥ

द्रोणपुत्र के वज्र के समान वेग वाले उन बाणों से आहत होकर शत्रु आग में जले वृक्षों के समान जलकर गिर पड़े।

श्लोक 28 (7.202.28)

दह्यमाना महानागाः पेतुरुर्व्यां समन्ततः । नदन्तो भैरवान्नादाञ्जलदोपमनिस्वनान् ॥

dahyamānā mahānāgāḥ petururvyāṃ samantataḥ | nadanto bhairavānnādāñjaladopamanisvanān

जलते हुए बड़े-बड़े हाथी चारों ओर भूमि पर गिर पड़े और मेघ की गर्जना जैसे स्वर में भयानक चिंघाड़ करते रहे।

श्लोक 29 (7.202.29)

अपरे प्रद्रुता नागा भयत्रस्ता विशाम्पते । त्रेसुर्दिशो यथा पूर्वं वने दावाग्निसंवृताः ॥

apare pradrutā nāgā bhayatrastā viśāmpate | tresurdiśo yathā pūrvaṃ vane dāvāgnisaṃvṛtāḥ

हे प्रजापालक, दूसरे हाथी भय से भागते हुए सब दिशाओं में काँपने लगे, जैसे पहले कभी दावानल से घिरे वन में हुआ था।

श्लोक 30 (7.202.30)

द्रुमाणां शिखराणीव दावदग्धानि मारिष । अश्वबृन्दान्यदृश्यन्त रथबृन्दानि भारत । अपतन्त रथौघाश्च तत्रतत्र सहस्रशः ॥

drumāṇāṃ śikharāṇīva dāvadagdhāni māriṣa | aśvabṛndānyadṛśyanta rathabṛndāni bhārata | apatanta rathaughāśca tatratatra sahasraśaḥ

हे भारत, घोड़ों और रथों के झुंड दावाग्नि से जले हुए वृक्षों की चोटियों जैसे दिखाई देते थे, और रथों के समूह जगह-जगह हज़ारों की संख्या में गिर पड़े।

श्लोक 31 (7.202.31)

तत्सैन्यं भयसंविग्नं ददाह युधि भारत । युगान्ते सर्वभूतानि संवर्तक इवानलः ॥

tatsainyaṃ bhayasaṃvignaṃ dadāha yudhi bhārata | yugānte sarvabhūtāni saṃvartaka ivānalaḥ

हे भारत, उसने युद्ध में भय से व्याकुल उस सेना को वैसे ही जला डाला जैसे युग के अन्त में संवर्तक अग्नि सब प्राणियों को जला देती है।

श्लोक 32 (7.202.32)

दृष्ट्वा तु पाण्डवीं सेनां दह्यमानां महाहवे । प्रहृष्टास्तावका राजन्सिंहनादान्विनेदिरे ॥

dṛṣṭvā tu pāṇḍavīṃ senāṃ dahyamānāṃ mahāhave | prahṛṣṭāstāvakā rājansiṃhanādānvinedire

उस महायुद्ध में पाण्डवों की सेना को जलती देखकर, हे राजन्, आपके योद्धा प्रसन्न होकर सिंहनाद करने लगे।

श्लोक 33 (7.202.33)

ततस्तूर्यसहस्राणि नानालिङ्गानि भारत । तूर्णमाजघ्निरे हृष्टास्तावका जितकाशिनः ॥

tatastūryasahasrāṇi nānāliṅgāni bhārata | tūrṇamājaghnire hṛṣṭāstāvakā jitakāśinaḥ

तब हे भारत, विजय का दम भरने वाले आपके हर्षित योद्धाओं ने अनेक प्रकार के हज़ारों वाद्य शीघ्रता से बजा दिए।

श्लोक 34 (7.202.34)

कृत्स्ना ह्यक्षौहिणी राजन्सव्यसाची च पाण्डवः । तमसा संवृते लोके नादृश्यन्त महाहवे ॥

kṛtsnā hyakṣauhiṇī rājansavyasācī ca pāṇḍavaḥ | tamasā saṃvṛte loke nādṛśyanta mahāhave

हे राजन्, उस महायुद्ध में अन्धकार से लोक के ढक जाने पर सारी अक्षौहिणी और पाण्डुपुत्र सव्यसाची दिखाई नहीं देते थे।

श्लोक 35 (7.202.35)

नैव नस्तादृशं राजन्दृष्टपूर्वं न च श्रुतम् । यादृशं द्रोणपुत्रेण सृष्टमस्त्रममर्षिणा ॥

naiva nastādṛśaṃ rājandṛṣṭapūrvaṃ na ca śrutam | yādṛśaṃ droṇaputreṇa sṛṣṭamastramamarṣiṇā

हे राजन्, क्रोध में भरे द्रोणपुत्र ने जैसा अस्त्र छोड़ा था, वैसा न हमने पहले कभी देखा था, न सुना था।

श्लोक 36 (7.202.36)

अर्जुनस्तु महाराज ब्राह्ममस्त्रमुदैरयत् । सर्वास्त्रप्रतिघातार्थं विहितं पद्मयोनिना ॥

arjunastu mahārāja brāhmamastramudairayat | sarvāstrapratighātārthaṃ vihitaṃ padmayoninā

परन्तु हे महाराज, अर्जुन ने ब्रह्मास्त्र छोड़ा, जिसे कमलयोनि ब्रह्मा ने सब अस्त्रों को रोकने के लिए रचा था।

श्लोक 37 (7.202.37)

ततो मुहूर्तादिव तत्तमो व्युपशशाम ह । प्रववौ चानिलः शीतो दिशश्च विमला बभुः ॥

tato muhūrtādiva tattamo vyupaśaśāma ha | pravavau cānilaḥ śīto diśaśca vimalā babhuḥ

तब क्षण भर में वह अन्धकार मिट गया; ठंडी वायु बहने लगी और दिशाएँ निर्मल हो उठीं।

श्लोक 38 (7.202.38)

तत्राद्भुतमपश्याम कृत्स्नामक्षौहिणीं हताम् । अनभिज्ञेयरूपां च प्रदग्धामस्त्रतेजसा ॥

tatrādbhutamapaśyāma kṛtsnāmakṣauhiṇīṃ hatām | anabhijñeyarūpāṃ ca pradagdhāmastratejasā

वहाँ हमने एक आश्चर्य देखा: सारी अक्षौहिणी नष्ट हो चुकी थी, अस्त्र के तेज से जलकर उसके रूप पहचाने नहीं जाते थे।

श्लोक 39 (7.202.39)

ततो वीरौ महेष्वासौ विमुक्तौ केशवार्जुनौ । सहितौ प्रत्यदृश्येतां नभसीव तमोनुदौ । ततो गाण्डीवधन्वा च केशवश्चाक्षतावुभौ ॥

tato vīrau maheṣvāsau vimuktau keśavārjunau | sahitau pratyadṛśyetāṃ nabhasīva tamonudau | tato gāṇḍīvadhanvā ca keśavaścākṣatāvubhau

तब वे दोनों वीर महाधनुर्धर केशव और अर्जुन उससे मुक्त होकर साथ-साथ दिखाई दिए, मानो आकाश में अन्धकार को हरने वाले सूर्य और चन्द्र हों। गाण्डीवधारी और केशव, दोनों अक्षत दीख पड़े।

श्लोक 40 (7.202.40)

सपताकध्वजहयः सानुकर्षवरायुधः । प्रबभौ सरथो युक्तस्तावकानां भयङ्करः ॥

sapatākadhvajahayaḥ sānukarṣavarāyudhaḥ | prababhau saratho yuktastāvakānāṃ bhayaṅkaraḥ

पताका, ध्वज और घोड़ों से युक्त, अनुकर्ष तथा श्रेष्ठ आयुधों से सज्जित वह रथ जुता हुआ चमक उठा और आपके योद्धाओं के लिए भयंकर हो गया।

श्लोक 41 (7.202.41)

ततः किलकिलाशब्दः शङ्खभेरीस्वनैः सह । पाण्डवानां प्रहृष्टानां क्षणेन समजायत ॥

tataḥ kilakilāśabdaḥ śaṅkhabherīsvanaiḥ saha | pāṇḍavānāṃ prahṛṣṭānāṃ kṣaṇena samajāyata

तब क्षण भर में हर्ष से भरे पाण्डवों की ओर से शंखों और भेरियों के नाद के साथ कोलाहल का शब्द उठा।

श्लोक 42 (7.202.42)

हताविति तयोरासीत्सेनयोरुभयोर्मतिः । तरसाऽभ्यागतौ दृष्ट्वा सहितौ केशवार्जुनौ ॥

hatāviti tayorāsītsenayorubhayormatiḥ | tarasā'bhyāgatau dṛṣṭvā sahitau keśavārjunau

दोनों सेनाओं ने समझ लिया था कि वे दोनों मारे गए; पर केशव और अर्जुन को साथ-साथ वेग से लौटा देखकर,

श्लोक 43 (7.202.43)

तावक्षतौ प्रमुदितौ दध्मतुर्वारिजोत्तमौ । दृष्ट्वा प्रमुदितान्पार्थांस्त्वदीया व्यथिताऽभवन् ॥

tāvakṣatau pramuditau dadhmaturvārijottamau | dṛṣṭvā pramuditānpārthāṃstvadīyā vyathitā'bhavan

अक्षत और प्रसन्न उन दोनों ने अपने उत्तम शंख बजाए; पार्थों को हर्षित देखकर आपके योद्धा व्यथित हो गए।

श्लोक 44 (7.202.44)

विमुक्तौ च महात्मानौ दृष्ट्वा द्रौणिः सुदुःखितः । मुहूर्तं चिन्तयामास किन्त्वेतदिति मारिष ॥

vimuktau ca mahātmānau dṛṣṭvā drauṇiḥ suduḥkhitaḥ | muhūrtaṃ cintayāmāsa kintvetaditi māriṣa

उन दोनों महात्माओं को मुक्त देखकर द्रोणपुत्र बहुत दुःखी हुआ। हे मान्य, उसने क्षण भर सोचा, "यह क्या हुआ?"

श्लोक 45 (7.202.45)

चिन्तयित्वा तु राजेन्द्र ध्यानशोकपरायणः । निःश्वसन्दीर्घमुष्णं च विमनाश्चाभवत्ततः ॥

cintayitvā tu rājendra dhyānaśokaparāyaṇaḥ | niḥśvasandīrghamuṣṇaṃ ca vimanāścābhavattataḥ

हे राजेन्द्र, सोच-विचार करके वह ध्यान और शोक में डूब गया, उसने लम्बी और गर्म साँस ली और उदास हो गया।

श्लोक 46 (7.202.46)

ततो द्रौणिर्धनुस्त्यक्त्वा रथात्प्रस्कन्द्य वेगितः । धिग्धिक्सर्वमिदं मिथ्येत्युक्त्वा सम्प्राद्रवद्रणात् ॥

tato drauṇirdhanustyaktvā rathātpraskandya vegitaḥ | dhigdhiksarvamidaṃ mithyetyuktvā samprādravadraṇāt

तब द्रोणपुत्र ने धनुष फेंक दिया और रथ से वेग से कूदकर "धिक्कार है, धिक्कार है! यह सब मिथ्या है" कहता हुआ रण से भाग चला।

श्लोक 47 (7.202.47)

ततः स्निग्धाम्बुदाभासं वेदावासमकल्मषम् । वेदव्यासं सरस्वत्यावासं व्यासं ददर्श ह ॥

tataḥ snigdhāmbudābhāsaṃ vedāvāsamakalmaṣam | vedavyāsaṃ sarasvatyāvāsaṃ vyāsaṃ dadarśa ha

तब उसने स्निग्ध जलधर की-सी आभा वाले, निष्पाप, वेदों के आश्रय, सरस्वती के निवास वेदव्यास मुनि को देखा।

श्लोक 48 (7.202.48)

तं द्रौणिरग्रतो दृष्ट्वा स्थितं कुरुकुलोद्वहम् । सन्नकण्ठोऽब्रवीद्वाक्यमभिवाद्य सुदीनवत् ॥

taṃ drauṇiragrato dṛṣṭvā sthitaṃ kurukulodvaham | sannakaṇṭho'bravīdvākyamabhivādya sudīnavat

हे कुरुकुल के वंशज, उन्हें सामने खड़ा देखकर द्रोणपुत्र ने प्रणाम किया और रुँधे गले से अत्यन्त दीन होकर बोला।

श्लोक 49 (7.202.49)

भोभो माया यदृच्छा वा दैवं वा किमिदं भवेत् । अस्त्रं त्विदं कथं मिथ्या मम कश्च व्यतिक्रमः ॥

bhobho māyā yadṛcchā vā daivaṃ vā kimidaṃ bhavet | astraṃ tvidaṃ kathaṃ mithyā mama kaśca vyatikramaḥ

हाय! यह माया है, संयोग है या दैव? यह क्या हो सकता है? यह अस्त्र निष्फल कैसे हुआ, और मुझसे कौन-सा दोष हुआ?

श्लोक 50 (7.202.50)

अधरोत्तरमेतद्वा लोकानां वा पराभवः । यदिमौ जीवतः कृष्णौ कालो हि दुरतिक्रमः ॥

adharottarametadvā lokānāṃ vā parābhavaḥ | yadimau jīvataḥ kṛṣṇau kālo hi duratikramaḥ

क्या यह सब कुछ उलट जाना है, या लोकों का विनाश, कि ये दोनों कृष्ण जीवित हैं? काल सचमुच अलंघ्य है।

श्लोक 51 (7.202.51)

नासुरा न च गन्धर्वा न पिशाचा न राक्षसाः । न सर्पा यक्षपतगा न मनुष्याः कथञ्चन ॥

nāsurā na ca gandharvā na piśācā na rākṣasāḥ | na sarpā yakṣapatagā na manuṣyāḥ kathañcana

न असुर, न गन्धर्व, न पिशाच, न राक्षस, न सर्प, यक्ष और पक्षी, और न मनुष्य ही किसी प्रकार

श्लोक 52 (7.202.52)

उत्सहन्तेऽन्यथा कर्तुमेतदस्त्रं मयेरितम् । तदिदं केवलं हत्वा शान्तमक्षौहिणीं ज्वलत् ॥

utsahante'nyathā kartumetadastraṃ mayeritam | tadidaṃ kevalaṃ hatvā śāntamakṣauhiṇīṃ jvalat

मेरे छोड़े हुए इस अस्त्र को किसी और ढंग से चला सकने का साहस कर सकते हैं। फिर भी यह जलता हुआ अस्त्र केवल एक अक्षौहिणी का संहार करके शान्त हो गया।

श्लोक 53 (7.202.53)

सर्वघानि मया मुक्तमस्त्रं परमदारुणम् । केनेमौ मर्त्यधर्माणौ नाधाक्षीत्केशवार्जुनौ ॥

sarvaghāni mayā muktamastraṃ paramadāruṇam | kenemau martyadharmāṇau nādhākṣītkeśavārjunau

मेरा छोड़ा हुआ यह अत्यन्त भयंकर अस्त्र सबको मार डालने वाला है; फिर किस कारण इसने मर्त्यधर्म वाले इन दोनों, केशव और अर्जुन, को नहीं जलाया?

श्लोक 54 (7.202.54)

एतत्प्रब्रूहि भगवन्मया पृष्टो यथातथम् । श्रोतुमिच्छामि तत्त्वेन सर्वमेतन्महामुने ॥

etatprabrūhi bhagavanmayā pṛṣṭo yathātatham | śrotumicchāmi tattvena sarvametanmahāmune

हे भगवन्, मेरे पूछने पर यह मुझे ठीक-ठीक बताइए। हे महामुनि, मैं यह सब तत्त्वतः सुनना चाहता हूँ।

श्लोक 55 (7.202.55)

महान्तमेवमर्थं मां यं त्वं पृच्छसि विस्मयात् । तं प्रवक्ष्यामि ते सर्वं समाधाय मनः शृणु ॥

mahāntamevamarthaṃ māṃ yaṃ tvaṃ pṛcchasi vismayāt | taṃ pravakṣyāmi te sarvaṃ samādhāya manaḥ śṛṇu

यह जो महान् बात तुम विस्मय से मुझसे पूछ रहे हो, उसे मैं तुम्हें पूरी तरह बताऊँगा। मन को एकाग्र करके सुनो।

श्लोक 56 (7.202.56)

योऽसौ नारायणो नाम पूर्वेषामपि पूर्वजः । आदिदेवो जगन्नाथो लोककर्ता स्वयं प्रभुः ॥

yo'sau nārāyaṇo nāma pūrveṣāmapi pūrvajaḥ | ādidevo jagannātho lokakartā svayaṃ prabhuḥ

जो नारायण नाम से प्रसिद्ध हैं, जो पूर्वजों के भी पूर्वज हैं, आदिदेव, जगत् के स्वामी, लोकों के रचयिता और स्वयं प्रभु हैं,

श्लोक 57 (7.202.57)

आद्यः सर्वस्य लोकस्य अनादिनिधनोऽच्युतः । व्याकुर्वते यस्य तत्त्वं श्रुतयो मुनयश्च ह ॥

ādyaḥ sarvasya lokasya anādinidhano'cyutaḥ | vyākurvate yasya tattvaṃ śrutayo munayaśca ha

जो सम्पूर्ण लोक के आदि हैं, जिनका न आदि है न अन्त, जो अच्युत हैं, और जिनके तत्त्व का वेद और मुनि वर्णन करते हैं,

श्लोक 58 (7.202.58)

अतोऽजय्यः सर्वभूतैर्मनसाऽपि जगत्पतिः । तस्मादिमं जेतुकामोऽज्ञानतमसा वृतः ॥

ato'jayyaḥ sarvabhūtairmanasā'pi jagatpatiḥ | tasmādimaṃ jetukāmo'jñānatamasā vṛtaḥ

इसी कारण वे जगत्पति सभी प्राणियों के लिए मन से भी अजेय हैं। उन्हें जीतने की इच्छा करने वाले तुम अज्ञान के अन्धकार से घिरे हुए हो।

श्लोक 59 (7.202.59)

मा शुचः पुरुषव्याघ्र विद्वि तद्वदिहार्जुनम् । तस्य शक्तिरसौ पार्थस्तस्माच्छोकमिमं त्यज ॥

mā śucaḥ puruṣavyāghra vidvi tadvadihārjunam | tasya śaktirasau pārthastasmācchokamimaṃ tyaja

हे पुरुषव्याघ्र, शोक मत करो; अर्जुन को भी उन्हीं के समान जानो। यह पार्थ उनकी शक्ति है, इसलिए इस शोक को त्याग दो।

श्लोक 60 (7.202.60)

विश्वेश्वरोऽयं लोकादिः परमात्मा ह्यधोक्षजः । सहस्रसंहितादंशादेकांशोऽयमजायत ॥

viśveśvaro'yaṃ lokādiḥ paramātmā hyadhokṣajaḥ | sahasrasaṃhitādaṃśādekāṃśo'yamajāyata

ये विश्व के ईश्वर, लोकों के आदि, परमात्मा अधोक्षज हैं; उनके सहस्र अंशों वाले समूह के एक अंश से यह एक अंश उत्पन्न हुआ है।

श्लोक 61 (7.202.61)

देवानां हितकामार्थं लोकानां चैव सत्तमः । अजायत च कार्यार्थं पुत्रो धर्मस्य विश्वकृत् ॥

devānāṃ hitakāmārthaṃ lokānāṃ caiva sattamaḥ | ajāyata ca kāryārthaṃ putro dharmasya viśvakṛt

देवताओं और लोकों के हित के लिए, हे श्रेष्ठ, और एक कार्य के लिए वे विश्वकर्ता धर्म के पुत्र के रूप में उत्पन्न हुए।

श्लोक 62 (7.202.62)

स तपस्तीव्रमातस्थे शिशिरं गिरिमास्थितः । ऊर्ध्वबाहुर्महातेजा ज्वलनादित्यसन्निभः ॥

sa tapastīvramātasthe śiśiraṃ girimāsthitaḥ | ūrdhvabāhurmahātejā jvalanādityasannibhaḥ

उन्होंने शिशिर पर्वत पर रहकर घोर तप किया; भुजाएँ ऊपर उठाए, महातेजस्वी वे अग्नि और सूर्य के समान दमकते थे।

श्लोक 63 (7.202.63)

षष्टिं वर्षसहस्राणि तावन्त्येव शतानि च । अशोषयत्तदाऽऽत्मानं वायुभक्षोऽम्बुजेक्षणः ॥

ṣaṣṭiṃ varṣasahasrāṇi tāvantyeva śatāni ca | aśoṣayattadā''tmānaṃ vāyubhakṣo'mbujekṣaṇaḥ

साठ हज़ार वर्ष और उतने ही सौ वर्ष तक वायु का ही आहार करने वाले उन कमलनयन ने अपने शरीर को सुखा डाला।

श्लोक 64 (7.202.64)

अथापरं तपस्तप्त्वा द्विस्ततोऽन्यत्पुनर्महत् । द्यावापृथिव्योर्विवरं तेजसा समपूरयत् ॥

athāparaṃ tapastaptvā dvistato'nyatpunarmahat | dyāvāpṛthivyorvivaraṃ tejasā samapūrayat

फिर उन्होंने दूसरा और उससे भी बड़ा तप दो बार और किया, और अपने तेज से द्युलोक और पृथ्वी के बीच का अन्तर भर दिया।

श्लोक 65 (7.202.65)

स तेन तपसा तात ब्रह्मभूतो यदाऽभवत् । ततो विश्वेश्वरं योनिं विश्वस्य जगतः पतिम् । ददर्श भृशदुर्धर्षं सर्वदेवैरभिष्टुतम् ॥

sa tena tapasā tāta brahmabhūto yadā'bhavat | tato viśveśvaraṃ yoniṃ viśvasya jagataḥ patim | dadarśa bhṛśadurdharṣaṃ sarvadevairabhiṣṭutam

हे तात, उस तपस्या से जब वे ब्रह्मस्वरूप हो गए, तब उन्होंने समस्त जगत् की योनि और स्वामी, सब देवताओं से स्तुत, अत्यन्त दुर्धर्ष विश्वेश्वर को देखा।

श्लोक 66 (7.202.66)

अणीयांसमणुभ्यश्च बृहद्भ्यश्च बृहत्तमम् । रुद्रमीशानवृषभं हरं शंभुं कपर्दिनम् ॥

aṇīyāṃsamaṇubhyaśca bṛhadbhyaśca bṛhattamam | rudramīśānavṛṣabhaṃ haraṃ śaṃbhuṃ kapardinam

अणु से भी अणु और बड़े से भी बड़े; रुद्र, ईशान, स्वामियों में वृषभ, हर, शम्भु और जटाधारी कपर्दी को,

श्लोक 67 (7.202.67)

चेकितानं परां योनिं तिष्ठतो गच्छतश्च ह । दुर्वारणं सुदुर्धर्षं दुर्निरीक्ष्यं दुरासदम् । अतिमन्युं महात्मानं सर्वभूतप्रचेतसम् ॥

cekitānaṃ parāṃ yoniṃ tiṣṭhato gacchataśca ha | durvāraṇaṃ sudurdharṣaṃ durnirīkṣyaṃ durāsadam | atimanyuṃ mahātmānaṃ sarvabhūtapracetasam

जो सब कुछ जानने वाले हैं, स्थावर और जंगम सबकी परम योनि हैं; जिन्हें रोकना, सहना, देखना और पाना कठिन है; जो अत्यन्त क्रोधी, महात्मा और सब प्राणियों के चित्त हैं।

श्लोक 68 (7.202.68)

दिव्यं चापमिषुधी चाददानं । हिरण्यवर्माणमनन्तवीर्यम् । पिनाकिनं वज्रिणं दीप्तशूलं । परश्वथिं गदिनं चायतासिम् ॥

divyaṃ cāpamiṣudhī cādadānaṃ | hiraṇyavarmāṇamanantavīryam | pinākinaṃ vajriṇaṃ dīptaśūlaṃ | paraśvathiṃ gadinaṃ cāyatāsim

वे दिव्य धनुष और दो तूणीर धारण किए हैं, स्वर्णकवच पहने हैं और अनन्त पराक्रम वाले हैं; पिनाक, वज्र, जलता हुआ त्रिशूल, फरसा, गदा और लम्बी तलवार उनके हाथों में है।

श्लोक 69 (7.202.69)

सुभ्रुं जटामण्डलचन्द्रमौलिं । व्याघ्राजिनं परिघं दण्डपाणिम् । शुभाङ्गदं नागयज्ञोपवीतिं । विश्वैर्गणैः शोभितं भूतसङ्घैः । एकीभूतं तपसां सन्निधानं । वचोधिकैः सुष्टुतमिष्टवाग्भिः ॥

subhruṃ jaṭāmaṇḍalacandramauliṃ | vyāghrājinaṃ parighaṃ daṇḍapāṇim | śubhāṅgadaṃ nāgayajñopavītiṃ | viśvairgaṇaiḥ śobhitaṃ bhūtasaṅghaiḥ | ekībhūtaṃ tapasāṃ sannidhānaṃ | vacodhikaiḥ suṣṭutamiṣṭavāgbhiḥ

सुन्दर भौंहों वाले, जटाजूट में चन्द्रमा धारण किए, व्याघ्रचर्म ओढ़े, हाथ में परिघ और दण्ड लिए; चमकते बाजूबन्द और सर्प का यज्ञोपवीत पहने, सब भूतगणों से शोभित, तपस्याओं के एकत्र निधान, और वाणी में श्रेष्ठ जनों द्वारा चुने हुए शब्दों से भली-भाँति स्तुत।

श्लोक 70 (7.202.70)

जलं दिशं खं क्षितिं चन्द्रसूर्यौ । हुताशवायुप्रतिमं सुरेशम् । नालं द्रष्टुं यं जना भिन्नवृत्ता । ब्रह्मद्विषघ्नममृतस्य योनिम् ॥

jalaṃ diśaṃ khaṃ kṣitiṃ candrasūryau | hutāśavāyupratimaṃ sureśam | nālaṃ draṣṭuṃ yaṃ janā bhinnavṛttā | brahmadviṣaghnamamṛtasya yonim

जल, दिशा, आकाश, पृथ्वी, चन्द्र-सूर्य, अग्नि और वायु के समान वे देवताओं के स्वामी हैं; भिन्न आचरण वाले लोग जिन्हें देख नहीं सकते, जो ब्रह्मद्रोहियों का नाश करने वाले और अमृत के उद्गम हैं।

श्लोक 71 (7.202.71)

यं पश्यन्ति ब्राह्मणाः साधुवृत्ताः । क्षीणे पापे मनसा वीतशोकाः । तन्निष्ठात्मा तपसा धर्ममीड्यं । तद्भक्त्या वै विश्वरूपं ददर्श ॥

yaṃ paśyanti brāhmaṇāḥ sādhuvṛttāḥ | kṣīṇe pāpe manasā vītaśokāḥ | tanniṣṭhātmā tapasā dharmamīḍyaṃ | tadbhaktyā vai viśvarūpaṃ dadarśa

पाप क्षीण हो जाने पर और मन शोकरहित होने पर सदाचारी ब्राह्मण जिन्हें देखते हैं; उन्हीं में स्थित चित्त वाले उन्होंने तप से उस पूजनीय धर्मस्वरूप को और उनकी भक्ति से विश्वरूप को देखा।

श्लोक 72 (7.202.72)

दृष्ट्वा चैनं वाड्मनोबुद्धिदेहैः । संहृष्टात्मा मुमुदे वासुदेवः ॥

dṛṣṭvā cainaṃ vāḍmanobuddhidehaiḥ | saṃhṛṣṭātmā mumude vāsudevaḥ

उन्हें वाणी, मन, बुद्धि और शरीर से देखकर प्रसन्नचित्त वासुदेव आनन्दित हुए।

श्लोक 73 (7.202.73)

अक्षमालापरिक्षिप्तं ज्योतिषां परमं निधिम् । रुद्रं नारायणो दृष्ट्वा ववन्दे विश्वसम्भवम् ॥

akṣamālāparikṣiptaṃ jyotiṣāṃ paramaṃ nidhim | rudraṃ nārāyaṇo dṛṣṭvā vavande viśvasambhavam

रुद्राक्ष की माला से घिरे, ज्योतियों के परम निधि और विश्व के उद्भव रुद्र को देखकर नारायण ने उन्हें प्रणाम किया।

श्लोक 74 (7.202.74)

वरदं पृथुचार्वङ्ग्या पार्वत्या सहितं प्रभुम् । क्रीडमानं महात्मानं भूतसङ्घगणैर्वृतम् ॥

varadaṃ pṛthucārvaṅgyā pārvatyā sahitaṃ prabhum | krīḍamānaṃ mahātmānaṃ bhūtasaṅghagaṇairvṛtam

वरदाता प्रभु को विशाल और सुन्दर अंगों वाली पार्वती के साथ क्रीड़ा करते, भूतगणों के समूह से घिरे हुए महात्मा रूप में देखकर,

श्लोक 75 (7.202.75)

अजमीशानमव्यक्तं कारणात्मानमच्युतम् । अभिवाद्याथ रुद्राय सद्योऽन्धकनिपातिने । पद्माक्षस्तं विरूपाक्षमभितुष्टाव भक्तिमान् ॥

ajamīśānamavyaktaṃ kāraṇātmānamacyutam | abhivādyātha rudrāya sadyo'ndhakanipātine | padmākṣastaṃ virūpākṣamabhituṣṭāva bhaktimān

अजन्मा, ईशान, अव्यक्त, कारणस्वरूप और अच्युत उन रुद्र को, जो तत्काल अन्धक का संहार करने वाले हैं, प्रणाम करके कमलनयन ने भक्तिपूर्वक उन विरूपाक्ष की स्तुति की।

श्लोक 76 (7.202.76)

त्वत्सम्भूता भूतकृतो वरेण्य । गोप्तारोऽद्य भुवनं पूर्वदेवाः । आविश्येमां धरणीं येऽभ्यरक्षन् । पुरा पुराणां तव देव सृष्टिम् । सुरासुरान्नागरक्षःपिशाचान् । नरान्सुपर्णानथ गन्धर्वयक्षान् ॥

tvatsambhūtā bhūtakṛto vareṇya | goptāro'dya bhuvanaṃ pūrvadevāḥ | āviśyemāṃ dharaṇīṃ ye'bhyarakṣan | purā purāṇāṃ tava deva sṛṣṭim | surāsurānnāgarakṣaḥpiśācān | narānsuparṇānatha gandharvayakṣān

हे वरेण्य, आपसे उत्पन्न हुए प्राणियों के रचयिता प्राचीन देवता आज लोक के रक्षक हैं; हे देव, उन्होंने इस पृथ्वी में प्रवेश करके आरम्भ में आपकी पुरातन सृष्टि की रक्षा की थी; और सुर-असुर, नाग, राक्षस, पिशाच, मनुष्य, पक्षी, गन्धर्व और यक्ष,

श्लोक 77 (7.202.77)

पृथग्विधान्भूतसङ्घांश्च विश्वांस् । त्वत्सम्भूतान्विद्म सर्वांस्तथैव ॥

pṛthagvidhānbhūtasaṅghāṃśca viśvāṃs | tvatsambhūtānvidma sarvāṃstathaiva

तथा अनेक प्रकार के सब भूतसमूहों को भी हम आपसे ही उत्पन्न हुआ जानते हैं।

श्लोक 78 (7.202.78)

ऐन्द्रं याम्यं वारुणं वैत्तपाल्यं । पैत्रं त्वाष्ट्रं कर्म सौम्यं च तुभ्यम् ॥

aindraṃ yāmyaṃ vāruṇaṃ vaittapālyaṃ | paitraṃ tvāṣṭraṃ karma saumyaṃ ca tubhyam

इन्द्र, यम, वरुण और कुबेर के, पितरों के, त्वष्टा के और सोम के कर्म सब आपके ही लिए हैं।

श्लोक 79 (7.202.79)

रूपं ज्योतिः शब्द आकाशवायुः । स्पर्शः स्वाद्यं सलिलं गन्ध उर्वी । कालो ब्रह्मा ब्रह्म च ब्राह्मणाश्च । त्वत्सम्भूताः स्थास्नु चरिष्णु चेदम् ॥

rūpaṃ jyotiḥ śabda ākāśavāyuḥ | sparśaḥ svādyaṃ salilaṃ gandha urvī | kālo brahmā brahma ca brāhmaṇāśca | tvatsambhūtāḥ sthāsnu cariṣṇu cedam

रूप, ज्योति, शब्द, आकाश और वायु, स्पर्श, रस, जल, गन्ध और पृथ्वी, काल, ब्रह्मा, वेद और ब्राह्मण: यह सब चर-अचर आपसे ही उत्पन्न हुआ है।

श्लोक 80 (7.202.80)

अद्भ्यः स्तोका यान्ति यथा पृथक्त्वं । ताभिश्चैक्यं संक्षये यान्ति भूयः । एवं विद्वान्प्रभवं चाप्ययं च । त्वत्सम्भूतं तव सायुज्यमेति ॥

adbhyaḥ stokā yānti yathā pṛthaktvaṃ | tābhiścaikyaṃ saṃkṣaye yānti bhūyaḥ | evaṃ vidvānprabhavaṃ cāpyayaṃ ca | tvatsambhūtaṃ tava sāyujyameti

जैसे जल की बूँदें अलग-अलग होकर बहती हैं और प्रलय में फिर उन्हीं जलों के साथ एक हो जाती हैं, वैसे ही उत्पत्ति और लय को जानने वाला, आपसे उत्पन्न, आपके सायुज्य को प्राप्त होता है।

श्लोक 81 (7.202.81)

दिव्यावृतौ मानसौ द्वौ सुपर्णाव् । अवाक्शाखः पिप्पलः सप्त गोपाः । वाचश्चार्था देवता लोकपालाः । लोकानन्ये ये पुरा धारयन्ति । गता हि तेभ्यः परमं तत्परं च । त्वत्सम्भूतास्ते च तेभ्यः परस्त्वम् ॥

divyāvṛtau mānasau dvau suparṇāv | avākśākhaḥ pippalaḥ sapta gopāḥ | vācaścārthā devatā lokapālāḥ | lokānanye ye purā dhārayanti | gatā hi tebhyaḥ paramaṃ tatparaṃ ca | tvatsambhūtāste ca tebhyaḥ parastvam

दिव्य आवरण में स्थित मन से उत्पन्न दो पक्षी, नीचे की ओर शाखाओं वाला पीपल का वृक्ष, सात रक्षक; वाणी और उसके अर्थ, देवता, लोकपाल और वे दूसरे जो आदिकाल से लोकों को धारण करते हैं, उनके लिए भी परम है, और उससे भी परे। वे आपसे उत्पन्न हैं और आप उनसे परे हैं।

श्लोक 82 (7.202.82)

भूतं भव्यं भविता चाप्रधृष्यं । त्वत्सम्भूता भुवनानीह विश्वा । भक्तं च मां भजमानं भजस्व । प्रीत्या मां वै लोकपितामहेश ॥

bhūtaṃ bhavyaṃ bhavitā cāpradhṛṣyaṃ | tvatsambhūtā bhuvanānīha viśvā | bhaktaṃ ca māṃ bhajamānaṃ bhajasva | prītyā māṃ vai lokapitāmaheśa

भूत, भविष्य और जो होने वाला है, वह अजेय सब कुछ; ये सब लोक यहाँ आपसे ही उत्पन्न हुए हैं। हे लोकपितामह के भी ईश्वर, मुझ भक्त और सेवक को स्वीकार कीजिए, और प्रीति से मुझ पर कृपा कीजिए।

श्लोक 83 (7.202.83)

आत्मानं त्वामात्मनोऽनन्यभावो । विद्वानेवं गच्छति ब्रह्म शुक्रम् । अस्तौषं त्वां तव सम्मानमिच्छन् । विचिन्वन्वै सवृषं देववर्य । सुदुर्लभान्देहि वरान्ममेष्टान् । अभिष्टुतः प्रविकार्षीश्च मायाम् ॥

ātmānaṃ tvāmātmano'nanyabhāvo | vidvānevaṃ gacchati brahma śukram | astauṣaṃ tvāṃ tava sammānamicchan | vicinvanvai savṛṣaṃ devavarya | sudurlabhāndehi varānmameṣṭān | abhiṣṭutaḥ pravikārṣīśca māyām

इस प्रकार जानने वाला अनन्य भक्त अपनी आत्मा के रूप में आपको, उस शुद्ध ब्रह्म को प्राप्त होता है। हे देवश्रेष्ठ, आपका सम्मान चाहते हुए, वृषभध्वज के साथ आपको खोजते हुए, मैंने आपकी स्तुति की है। मेरे इष्ट, अत्यन्त दुर्लभ वर मुझे दीजिए; और स्तुति किए जाने पर मुझ पर अपनी माया न चलाइए।

श्लोक 84 (7.202.84)

तस्मै वरानचिन्त्यात्मा देवदेवः पिनाकधृत् । विष्णवे देवमुख्याय प्रायच्छदृषिसंस्तुतः ॥

tasmai varānacintyātmā devadevaḥ pinākadhṛt | viṣṇave devamukhyāya prāyacchadṛṣisaṃstutaḥ

ऋषियों से स्तुत, अचिन्त्य स्वरूप वाले, पिनाकधारी देवदेव ने देवश्रेष्ठ विष्णु को वर प्रदान किए।

श्लोक 85 (7.202.85)

मत्प्रसादान्मनुष्येषु देवगन्धर्वयोनिषु । अप्रमेयबलात्मा त्वं नारायण भविष्यसि ॥

matprasādānmanuṣyeṣu devagandharvayoniṣu | aprameyabalātmā tvaṃ nārāyaṇa bhaviṣyasi

मेरी कृपा से तुम मनुष्यों, देवताओं और गन्धर्वों की योनियों में अपरिमित बल वाले नारायण होओगे।

श्लोक 86 (7.202.86)

न च त्वां प्रसहिष्यन्ति देवासुरमहोरगाः । न पिशाचा न गन्धर्वा न यक्षा न च राक्षसाः ॥

na ca tvāṃ prasahiṣyanti devāsuramahoragāḥ | na piśācā na gandharvā na yakṣā na ca rākṣasāḥ

देवता, असुर और महानाग तुम्हारा सामना नहीं कर सकेंगे, न पिशाच, न गन्धर्व, न यक्ष और न राक्षस,

श्लोक 87 (7.202.87)

न सुपर्णास्तथा नागा न च विश्वे वियोनिजाः । न कश्चित्त्वां च देवोऽपि समरेषु विजेष्यति ॥

na suparṇāstathā nāgā na ca viśve viyonijāḥ | na kaścittvāṃ ca devo'pi samareṣu vijeṣyati

न सुपर्ण, न नाग, और न दूसरी योनियों में उत्पन्न कोई प्राणी; युद्ध में कोई देवता भी तुम्हें नहीं जीत सकेगा।

श्लोक 88 (7.202.88)

न शस्त्रेण न वज्रेण नाग्निना न च वारिणा । न चार्द्रेण न शुष्केण त्रसेन स्थावरेण च ॥

na śastreṇa na vajreṇa nāgninā na ca vāriṇā | na cārdreṇa na śuṣkeṇa trasena sthāvareṇa ca

न शस्त्र से, न वज्र से, न अग्नि से, न जल से, न गीले से, न सूखे से, न चर से और न स्थावर से,

श्लोक 89 (7.202.89)

न हस्तेन न पादेन न काष्ठेन न लोष्टुना । कश्चित्तव रुजां कर्ता मत्प्रसादात्कथञ्चन । अपि वै समरं गत्वा भविष्यसि ममाधिकः ॥

na hastena na pādena na kāṣṭhena na loṣṭunā | kaścittava rujāṃ kartā matprasādātkathañcana | api vai samaraṃ gatvā bhaviṣyasi mamādhikaḥ

न हाथ से, न पैर से, न काठ से, न ढेले से, मेरी कृपा से कोई भी किसी प्रकार तुम्हें कष्ट नहीं दे सकेगा; युद्ध में उतरकर तो तुम मुझसे भी बढ़कर हो जाओगे।

श्लोक 90 (7.202.90)

एवमादीन्वराँल्लब्ध्वा प्रसादादथ शूलिनः । स एष देवश्चरति मायया मोहयञ्जगत् ॥

evamādīnvarām̐llabdhvā prasādādatha śūlinaḥ | sa eṣa devaścarati māyayā mohayañjagat

त्रिशूलधारी की कृपा से ऐसे और अन्य वर पाकर ये देव अपनी माया से जगत् को मोहित करते हुए विचरते हैं।

श्लोक 91 (7.202.91)

तस्यैव तपसा जातो नरो नाम महामुनिः । तुल्यमेतेन देवेन तं जानीह्यर्जुनं सदा ॥

tasyaiva tapasā jāto naro nāma mahāmuniḥ | tulyametena devena taṃ jānīhyarjunaṃ sadā

उन्हीं की तपस्या से नर नाम के महामुनि उत्पन्न हुए; अर्जुन को सदा इन देव के समान ही जानो।

श्लोक 92 (7.202.92)

तावेतौ पूर्वदेवानां परमोपचितावृषी । लोकयात्राविधानार्थं दानवानां वधाय च । धर्मसंस्थापनार्थाय सञ्जायेते युगेयुगे ॥

tāvetau pūrvadevānāṃ paramopacitāvṛṣī | lokayātrāvidhānārthaṃ dānavānāṃ vadhāya ca | dharmasaṃsthāpanārthāya sañjāyete yugeyuge

ये दोनों प्राचीन देवों में परम समृद्ध ऋषि हैं; लोकयात्रा के विधान के लिए, दानवों के वध के लिए और धर्म की स्थापना के लिए ये हर युग में जन्म लेते हैं।

श्लोक 93 (7.202.93)

तथैव कर्मणा कृत्स्नं महतस्तपसोऽपि च । तेजो वाग्भिश्च विद्वंस्त्वं जातो रुद्रान्महामते ॥

tathaiva karmaṇā kṛtsnaṃ mahatastapaso'pi ca | tejo vāgbhiśca vidvaṃstvaṃ jāto rudrānmahāmate

उसी प्रकार हे विद्वान्, अपने सब कर्मों और महान् तप से, तेज और वाणी से तुम रुद्र से उत्पन्न हुए हो, हे महामते।

श्लोक 94 (7.202.94)

स भवान्देववत्प्राज्ञो ज्ञात्वा भवमयं जगत् । अवाकर्षस्त्वमात्मानं नियमैस्तत्प्रियेप्सया ॥

sa bhavāndevavatprājño jñātvā bhavamayaṃ jagat | avākarṣastvamātmānaṃ niyamaistatpriyepsayā

तुमने देवतुल्य ज्ञानी होकर, जगत् को शिवमय जानकर, उन्हें प्रसन्न करने की इच्छा से नियमों के द्वारा अपने शरीर को क्षीण किया।

श्लोक 95 (7.202.95)

शुभ्रमत्र हविः कृत्वा महापुरुषविग्रहम् । ईजिवांस्त्वं जपैर्होमैरुपहारैश्च मानद ॥

śubhramatra haviḥ kṛtvā mahāpuruṣavigraham | ījivāṃstvaṃ japairhomairupahāraiśca mānada

यहाँ महापुरुष के रूप में निर्मल हवि अर्पित करके, हे मानद, तुमने जप, होम और उपहारों से उनकी आराधना की।

श्लोक 96 (7.202.96)

स तथा पूज्यमानस्ते पूर्वदेवोऽप्यतूतुषत् । पुष्कलांश्च वरान्प्रादात्तव विद्वन्हृदि स्थितान् ॥

sa tathā pūjyamānaste pūrvadevo'pyatūtuṣat | puṣkalāṃśca varānprādāttava vidvanhṛdi sthitān

तुम्हारे द्वारा इस प्रकार पूजे जाने पर वे पुरातन देव प्रसन्न हुए, और हे विद्वान्, उन्होंने तुम्हारे हृदय में स्थित प्रचुर वर तुम्हें दिए।

श्लोक 97 (7.202.97)

जन्मकर्मतपोयोगास्तयोस्तव च पुष्कलाः । ताभ्यां लिङ्गेऽर्चितो देवस्त्वयाऽर्चायां युगेयुगे । देवदेवस्त्वचिन्त्यात्मा अजेयो विष्णुसम्भवः ॥

janmakarmatapoyogāstayostava ca puṣkalāḥ | tābhyāṃ liṅge'rcito devastvayā'rcāyāṃ yugeyuge | devadevastvacintyātmā ajeyo viṣṇusambhavaḥ

उन दोनों की और तुम्हारी जन्म, कर्म, तप और योग की सम्पदा प्रचुर है। उन दोनों ने लिंग में और तुमने प्रतिमा में युग-युग में उन देव की पूजा की है, जो देवदेव, अचिन्त्य स्वरूप, अजेय और विष्णु से उत्पन्न हैं।

श्लोक 98 (7.202.98)

सर्वरूपं भवं ज्ञात्वा लिङ्गे योऽर्चयति प्रभुम् । आत्मयोगाश्च तस्मिन्वै शास्त्रयोगाश्च शाश्वताः ॥

sarvarūpaṃ bhavaṃ jñātvā liṅge yo'rcayati prabhum | ātmayogāśca tasminvai śāstrayogāśca śāśvatāḥ

जो शिव को सर्वरूप जानकर लिंग में प्रभु की पूजा करता है, उसमें आत्मयोग और शास्त्रयोग दोनों शाश्वत हो जाते हैं।

श्लोक 99 (7.202.99)

एवं देवा यजन्तो हि सिद्धाश्च परमर्षयः । प्रार्थयन्ते परं लोके स्थाणुमेव च शाश्वतम् ॥

evaṃ devā yajanto hi siddhāśca paramarṣayaḥ | prārthayante paraṃ loke sthāṇumeva ca śāśvatam

इस प्रकार यज्ञ करते हुए देवता, सिद्ध और महर्षि इस लोक में परम और शाश्वत स्थाणु को ही प्राप्त करना चाहते हैं।

श्लोक 100 (7.202.100)

स एष रुद्रभक्तश्च केशवो रुद्रसम्भवः । कृष्ण एव हि यष्टव्यो यज्ञैश्चैव सनातनः ॥

sa eṣa rudrabhaktaśca keśavo rudrasambhavaḥ | kṛṣṇa eva hi yaṣṭavyo yajñaiścaiva sanātanaḥ

ये केशव रुद्र के भक्त और रुद्र से उत्पन्न हैं। सनातन कृष्ण की ही यज्ञों द्वारा पूजा करनी चाहिए।

श्लोक 101 (7.202.101)

सर्वभूतभवं ज्ञात्वा लिङ्गमर्चति यः प्रभोः । तस्मिन्नभ्यधिकां प्रीतिं करोति वृषभध्वजः ॥

sarvabhūtabhavaṃ jñātvā liṅgamarcati yaḥ prabhoḥ | tasminnabhyadhikāṃ prītiṃ karoti vṛṣabhadhvajaḥ

जो प्रभु को सब भूतों का उद्गम जानकर लिंग की अर्चना करता है, उस पर वृषभध्वज की अत्यधिक प्रीति होती है।

श्लोक 102 (7.202.102)

तस्य तद्वचनं श्रुत्वा द्रोणपुत्रो महारथः । नमश्चकार रुद्राय बहुमेने च केशवम् ॥

tasya tadvacanaṃ śrutvā droṇaputro mahārathaḥ | namaścakāra rudrāya bahumene ca keśavam

उनकी वह बात सुनकर महारथी द्रोणपुत्र ने रुद्र को नमस्कार किया और केशव को भी बहुत सम्मान दिया।

श्लोक 103 (7.202.103)

हृष्टरोमा च वश्यात्मा सोऽभिवाद्य महर्षये । वरूथिनीमभिप्रेक्ष्य ह्यवहारमकारयत् ॥

hṛṣṭaromā ca vaśyātmā so'bhivādya maharṣaye | varūthinīmabhiprekṣya hyavahāramakārayat

रोमांचित और संयत मन से उसने महर्षि को प्रणाम किया, और अपनी सेना की ओर देखकर युद्ध रोकने का आदेश दिलवाया।

श्लोक 104 (7.202.104)

ततः प्रत्यवहारोऽभूत्पाण्डवानां विशाम्पते । कौरवाणां च दीनानां द्रोणे युधि निपातिते ॥

tataḥ pratyavahāro'bhūtpāṇḍavānāṃ viśāmpate | kauravāṇāṃ ca dīnānāṃ droṇe yudhi nipātite

तब हे प्रजापालक, द्रोण के युद्ध में मारे जाने पर पाण्डवों के और दीन कौरवों के भी लिए युद्ध रोकने का संकेत हुआ।

श्लोक 105 (7.202.105)

युद्धं कृत्वा दिनान्पञ्च द्रोणो हत्वा वरूथिनीम् । ब्रह्मलोकं गतो राजन्ब्राह्मणो वेदपारगः ॥

yuddhaṃ kṛtvā dinānpañca droṇo hatvā varūthinīm | brahmalokaṃ gato rājanbrāhmaṇo vedapāragaḥ

हे राजन्, पाँच दिन तक युद्ध करके और सेना का संहार करके वेदों में पारंगत ब्राह्मण द्रोण ब्रह्मलोक को चले गए।