द्रोण और सात्यकि का दिव्यास्त्रों से द्वन्द्वयुद्ध

श्लोक 1 (7.98.1)

बाणे तस्मिन्निकृत्ते तु धृष्टद्युम्ने च मोक्षिते । तेन वृष्णिप्रवीरेण युयुधानेन सञ्जय ॥

bāṇe tasminnikṛtte tu dhṛṣṭadyumne ca mokṣite | tena vṛṣṇipravīreṇa yuyudhānena sañjaya

संजय, उस वृष्णिवंश के महावीर युयुधान द्वारा जब वह बाण काट दिया गया और धृष्टद्युम्न छुड़ा लिया गया,

श्लोक 2 (7.98.2)

अमर्षितो महेष्वासः सर्वशस्त्रभृतां वरः । नरव्याघ्रं शिनेः पौत्रं द्रोणः किमकरोद्युधि ॥

amarṣito maheṣvāsaḥ sarvaśastrabhṛtāṃ varaḥ | naravyāghraṃ śineḥ pautraṃ droṇaḥ kimakarodyudhi

तब समस्त शस्त्रधारियों में श्रेष्ठ महाधनुर्धर द्रोण ने क्रुद्ध होकर उस नरव्याघ्र, शिनि के पौत्र के विरुद्ध युद्ध में क्या किया?

श्लोक 3 (7.98.3)

सम्प्रस्रुतक्रोधविषो व्यादितास्यशरासनः । तीक्ष्णधारेषुदशनः सितनाराचदंष्ट्रवान् ॥

samprasrutakrodhaviṣo vyāditāsyaśarāsanaḥ | tīkṣṇadhāreṣudaśanaḥ sitanārācadaṃṣṭravān

उनका क्रोध विष की भाँति बह रहा था, उनका धनुष खुला हुआ मुख था, तीखी धार वाले बाण दाँत थे और चमकते नाराच विषदन्त,

श्लोक 4 (7.98.4)

संरम्भामर्षताम्राक्षो महोरग इव श्वसन् । नरवीरः प्रमुदितः शोणैरश्वैर्महाजवैः ॥

saṃrambhāmarṣatāmrākṣo mahoraga iva śvasan | naravīraḥ pramuditaḥ śoṇairaśvairmahājavaiḥ

क्रोध और अमर्ष से उनकी आँखें लाल थीं, वे बड़े सर्प की भाँति फुफकार रहे थे; वे नरवीर अपने तेज़ चलने वाले लाल घोड़ों से प्रसन्न होकर,

श्लोक 5 (7.98.5)

उत्पतद्भिरिवाकाशे क्रामद्भिरिव पर्वतम् । रुक्मपुङ्खाञ्शरानस्यन्युयुधानमुपाद्रवत् ॥

utpatadbhirivākāśe krāmadbhiriva parvatam | rukmapuṅkhāñśarānasyanyuyudhānamupādravat

जो घोड़े मानो आकाश में उछल रहे थे और पर्वत को लाँघ रहे थे, उन पर चढ़कर सोने के पंखों वाले बाण बरसाते हुए युयुधान पर टूट पड़े।

श्लोक 6 (7.98.6)

शरपातमहावर्षं रथघोषबलाहकम् । कार्मुकैरावृतं राजन्नाराचबहुविद्युतम् ॥

śarapātamahāvarṣaṃ rathaghoṣabalāhakam | kārmukairāvṛtaṃ rājannārācabahuvidyutam

वे मानो बादल थे — बाणों का गिरना जिसकी भारी वर्षा थी, रथ की घरघराहट जिसकी गर्जना, हे राजन्, धनुषों से घिरा हुआ और नाराच जिसकी अनेक बिजलियाँ थीं —

श्लोक 7 (7.98.7)

शक्तिखड्गाशनिधरं क्रोधवेगसमुत्थितम् । द्रोणमेघमनावार्यं हयमारुतचोदितम् ॥

śaktikhaḍgāśanidharaṃ krodhavegasamutthitam | droṇameghamanāvāryaṃ hayamārutacoditam

शक्ति और तलवार जिसके वज्र थे, जो क्रोध के वेग से उठा था — द्रोणरूपी वह बादल रोके न रुकने वाला था और घोड़ों की वायु से चलाया जा रहा था।

श्लोक 8 (7.98.8)

दृष्ट्वैवाभिपतन्तं तं शूरः परपुरञ्जयः । उवाच सूतं शैनेयः प्रहसन्युद्धदुर्मदः ॥

dṛṣṭvaivābhipatantaṃ taṃ śūraḥ parapurañjayaḥ | uvāca sūtaṃ śaineyaḥ prahasanyuddhadurmadaḥ

उन्हें आक्रमण करते देखकर शत्रुनगरों को जीतने वाले, युद्ध के मद में चूर शूर शैनेय ने हँसते हुए अपने सारथि से कहा।

श्लोक 9 (7.98.9)

एनं वै ब्राह्मणं शूरं स्वकर्मण्यनवस्थितम् । आश्रयं धार्तराष्ट्रस्य धर्मराजभयावहम् ॥

enaṃ vai brāhmaṇaṃ śūraṃ svakarmaṇyanavasthitam | āśrayaṃ dhārtarāṣṭrasya dharmarājabhayāvaham

"इस ब्राह्मण पर सीधे चलो — जो शूर तो है, पर अपने कर्म में स्थिर नहीं है, धृतराष्ट्र के पुत्र का आश्रय है और धर्मराज के लिए भय का कारण है —

श्लोक 10 (7.98.10)

शीघ्रं प्रजवितैरश्वैः प्रत्युद्याहि प्रहृष्टवत् । आचार्यं राजपुत्राणां सततं शूरमानिनम् ॥

śīghraṃ prajavitairaśvaiḥ pratyudyāhi prahṛṣṭavat | ācāryaṃ rājaputrāṇāṃ satataṃ śūramāninam

तेज़ दौड़ाए हुए घोड़ों से शीघ्र और प्रसन्न मन से चलकर उसका सामना करो — राजकुमारों के उस आचार्य का, जो सदा अपनी शूरता पर अभिमान करता है।"

श्लोक 11 (7.98.11)

एवमुक्तस्ततः सूतः सात्यकस्यावहद्रथम् । ततो रजतसङ्काशा माधवस्य हयोत्तमाः । द्रोणस्याभिमुखाः शीघ्रमगच्छन्वातरंहसः ॥

evamuktastataḥ sūtaḥ sātyakasyāvahadratham | tato rajatasaṅkāśā mādhavasya hayottamāḥ | droṇasyābhimukhāḥ śīghramagacchanvātaraṃhasaḥ

इस प्रकार कहे जाने पर सारथि ने सात्यकि का रथ आगे बढ़ाया। तब माधव के चाँदी जैसे रंग वाले उत्तम घोड़े वायु के वेग से द्रोण की ओर दौड़ चले।

श्लोक 12 (7.98.12)

ततस्तौ द्रोणशैनेयौ युयुधाते परन्तपौ । शरैरनेकसाहस्रैस्ताडयन्तौ परस्परम् ॥

tatastau droṇaśaineyau yuyudhāte parantapau | śarairanekasāhasraistāḍayantau parasparam

तब शत्रुओं को तपाने वाले वे दोनों, द्रोण और शैनेय, अनेक सहस्र बाणों से एक-दूसरे को मारते हुए लड़ने लगे।

श्लोक 13 (7.98.13)

इषुजालावृतं व्योम चक्रतुः पुरुषर्षभौ । पूरयामासतुर्वीरावुभौ दश दिशः शरैः । मेघाविवातपापाये धाराभिरितरेतरम् ॥

iṣujālāvṛtaṃ vyoma cakratuḥ puruṣarṣabhau | pūrayāmāsaturvīrāvubhau daśa diśaḥ śaraiḥ | meghāvivātapāpāye dhārābhiritaretaram

उन दोनों नरश्रेष्ठों ने बाणों के जाल से आकाश ढक दिया; उन दोनों वीरों ने दसों दिशाएँ बाणों से भर दीं, जैसे गरमी बीतने पर दो बादल एक-दूसरे पर जलधाराएँ बरसाते हों।

श्लोक 14 (7.98.14)

न स्म सूर्यस्तदा भाति न ववौ च समीरणः । इषुजालावृतं घोरमन्धकारं समन्ततः ॥

na sma sūryastadā bhāti na vavau ca samīraṇaḥ | iṣujālāvṛtaṃ ghoramandhakāraṃ samantataḥ

तब न सूर्य चमकता था, न वायु बहती थी; बाणों के जाल से बना घोर अन्धकार चारों ओर छा गया।

श्लोक 15 (7.98.15)

अनाधृष्यमिवान्येषां शूराणामभवत्तदा । अन्धकारीकृते लोके द्रोणशैनेययोः शरैः ॥

anādhṛṣyamivānyeṣāṃ śūrāṇāmabhavattadā | andhakārīkṛte loke droṇaśaineyayoḥ śaraiḥ

द्रोण और शैनेय के बाणों से जब लोक अन्धकारमय हो गया, तब वह अन्य शूरवीरों के लिए मानो अगम्य हो गया।

श्लोक 16 (7.98.16)

तयोः शीघ्रास्त्रविदुषोर्द्रोणसात्वतयोस्तदा । नान्तरं शरवृष्टीनां ददृशे नरसिंहयोः ॥

tayoḥ śīghrāstraviduṣordroṇasātvatayostadā | nāntaraṃ śaravṛṣṭīnāṃ dadṛśe narasiṃhayoḥ

शीघ्र अस्त्र चलाने में निपुण उन दोनों, द्रोण और सात्वत सात्यकि के बाणों की वर्षा में उन दोनों नरसिंहों के बीच कोई अन्तर नहीं दिखाई देता था।

श्लोक 17 (7.98.17)

इषूणां सन्निपातेन शब्दो धाराभिघातजः । शुश्रुवे शक्रमुक्तानामशनीनामिव स्वनः ॥

iṣūṇāṃ sannipātena śabdo dhārābhighātajaḥ | śuśruve śakramuktānāmaśanīnāmiva svanaḥ

बाणों के टकराने से उनकी धाराओं के आघात से उत्पन्न ऐसा शब्द सुनाई दिया, जैसे इन्द्र के छोड़े हुए वज्रों की गर्जना हो।

श्लोक 18 (7.98.18)

नाराचैर्व्यतिविद्धानां शराणां रूपमाबभौ । आशीविषविदष्टानां सर्पाणामिव भारत ॥

nārācairvyatividdhānāṃ śarāṇāṃ rūpamābabhau | āśīviṣavidaṣṭānāṃ sarpāṇāmiva bhārata

नाराचों से बिंधे हुए बाणों का रूप, हे भारत, विषैले सर्पों के डसे हुए सर्पों जैसा दिखाई देता था।

श्लोक 19 (7.98.19)

तयोर्ज्यातलनिर्घोषः शुश्रुवे युद्धशौण्डयोः । अजस्रं शैलशृङ्गाणां वज्रेणाहन्यतामिव ॥

tayorjyātalanirghoṣaḥ śuśruve yuddhaśauṇḍayoḥ | ajasraṃ śailaśṛṅgāṇāṃ vajreṇāhanyatāmiva

युद्ध के मद में चूर उन दोनों के हथेलियों पर बजते धनुष की डोरी का घोष ऐसा सुनाई देता था, जैसे पर्वत-शिखरों पर निरन्तर वज्र गिर रहा हो।

श्लोक 20 (7.98.20)

उभयोस्तौ रथौ राजंस्ते चाश्वास्तौ च सारथी । रुक्मपुङ्खैः शरैश्छन्नाश्चित्ररूपा बभुस्तदा ॥

ubhayostau rathau rājaṃste cāśvāstau ca sārathī | rukmapuṅkhaiḥ śaraiśchannāścitrarūpā babhustadā

हे राजन्, दोनों के रथ, घोड़े और दोनों सारथि सोने के पंखों वाले बाणों से ढके हुए तब विचित्र रूप वाले दिखाई देते थे।

श्लोक 21 (7.98.21)

निर्मलानामजिह्मानां नाराचानां विशाम्पते । निर्मुक्ताशीविषाभानां सम्पातोऽभूत्सुदारुणः ॥

nirmalānāmajihmānāṃ nārācānāṃ viśāmpate | nirmuktāśīviṣābhānāṃ sampāto'bhūtsudāruṇaḥ

हे प्रजापति, केंचुल उतारे हुए विषैले सर्पों जैसी चमक वाले उन निर्मल, सीधे नाराचों का गिरना अत्यन्त भयंकर था।

श्लोक 22 (7.98.22)

उभयोः पतिते छत्रे तथैव पतितौ ध्वजौ । निकृन्ततोः शरैस्तीक्ष्णैर्द्रोणसात्यकयो रणे ॥

ubhayoḥ patite chatre tathaiva patitau dhvajau | nikṛntatoḥ śaraistīkṣṇairdroṇasātyakayo raṇe

दोनों के छत्र गिर पड़े और उसी प्रकार दोनों के ध्वज भी, जब द्रोण और सात्यकि युद्ध में तीखे बाणों से एक-दूसरे को काट रहे थे।

श्लोक 23 (7.98.23)

उभौ रुधिरसिक्ताङ्गावुभौ च विजयैषिणौ । स्रवद्भिः शोणितं गात्रैः प्रस्रुताविव वारणौ । अन्योन्यमभ्यविध्येतां जीवितान्तकरैः शरैः ॥

ubhau rudhirasiktāṅgāvubhau ca vijayaiṣiṇau | sravadbhiḥ śoṇitaṃ gātraiḥ prasrutāviva vāraṇau | anyonyamabhyavidhyetāṃ jīvitāntakaraiḥ śaraiḥ

दोनों के अंग रक्त से सने थे और दोनों विजय के अभिलाषी थे; मदस्रावी दो हाथियों की भाँति अपने शरीरों से रक्त बहाते हुए वे प्राणघातक बाणों से एक-दूसरे को बेधने लगे।

श्लोक 24 (7.98.24)

गर्जितोत्कृष्टसन्नादाः शङ्खदुन्दुभिनिःस्वनाः । उपारमन्महाराज व्याजहार न कश्चन ॥

garjitotkṛṣṭasannādāḥ śaṅkhadundubhiniḥsvanāḥ | upāramanmahārāja vyājahāra na kaścana

हे महाराज, गर्जन, ऊँचे नाद, शंख और दुन्दुभियों की ध्वनियाँ थम गईं, और कोई कुछ नहीं बोलता था।

श्लोक 25 (7.98.25)

तुष्णींभूतान्यनीकानि योधा युद्धादुपारमन् । ददर्श द्वैरथं ताभ्यां जातकौतूहलो जनः ॥

tuṣṇīṃbhūtānyanīkāni yodhā yuddhādupāraman | dadarśa dvairathaṃ tābhyāṃ jātakautūhalo janaḥ

सेनाएँ चुप हो गईं, योद्धाओं ने युद्ध रोक दिया; और कौतूहल से भरे लोगों ने उन दोनों का रथ-द्वन्द्व देखा।

श्लोक 26 (7.98.26)

रथिनो हस्तियन्तारो हयारोहाः पदातयः । अवैक्षन्ताचलैर्नेत्रैः परिवार्य नरर्षभौ ॥

rathino hastiyantāro hayārohāḥ padātayaḥ | avaikṣantācalairnetraiḥ parivārya nararṣabhau

रथी, हाथीवान, घुड़सवार और पैदल सैनिक उन दोनों नरश्रेष्ठों को चारों ओर से घेरकर अपलक नेत्रों से देखते रहे।

श्लोक 27 (7.98.27)

हस्त्यनीकान्यतिष्ठन्त तथानीकानि वाजिनाम् । तथैव रथवाहिन्यः प्रतिव्यूह्य व्यवस्थिताः ॥

hastyanīkānyatiṣṭhanta tathānīkāni vājinām | tathaiva rathavāhinyaḥ prativyūhya vyavasthitāḥ

हाथियों की टुकड़ियाँ ठहर गईं, घोड़ों की टुकड़ियाँ भी, और उसी प्रकार रथों की पंक्तियाँ भी व्यूह बनाकर खड़ी हो गईं।

श्लोक 28 (7.98.28)

मुक्ताविद्रुमचित्रैश्च मणिकाञ्चनभूषितैः । ध्वजैराभरणैश्चित्रैः कवचैश्च हिरण्मयैः ॥

muktāvidrumacitraiśca maṇikāñcanabhūṣitaiḥ | dhvajairābharaṇaiścitraiḥ kavacaiśca hiraṇmayaiḥ

मोतियों और मूँगों से विचित्र, मणियों और सोने से सजे ध्वज थे, तरह-तरह के आभूषण थे और सोने के कवच थे,

श्लोक 29 (7.98.29)

वैजयन्तीपताकाभिः परिस्तोमाङ्गकम्बलैः । विमलैर्निशितैः शस्त्रैर्हयानां च प्रकीर्णकैः ॥

vaijayantīpatākābhiḥ paristomāṅgakambalaiḥ | vimalairniśitaiḥ śastrairhayānāṃ ca prakīrṇakaiḥ

वैजयन्ती पताकाएँ थीं, अंग-कम्बल और ओढ़नी के वस्त्र थे, चमकते तीखे शस्त्र थे और घोड़ों के चँवर थे,

श्लोक 30 (7.98.30)

जातरूपमयीभिश्च राजतीभिश्च मूर्धसु । गजानां कुम्भमालाभिर्दन्तवेष्टैश्च भारत ॥

jātarūpamayībhiśca rājatībhiśca mūrdhasu | gajānāṃ kumbhamālābhirdantaveṣṭaiśca bhārata

और हे भारत, हाथियों के मस्तकों पर सोने-चाँदी के गहने, उनके गण्डस्थलों पर मालाएँ और दाँतों पर चढ़े खोल थे।

श्लोक 31 (7.98.31)

सबलाकाः सखद्योताः सैरावतशतह्रदाः । अदृश्यन्तोष्णपर्याये मेघानामिव वागुराः ॥

sabalākāḥ sakhadyotāḥ sairāvataśatahradāḥ | adṛśyantoṣṇaparyāye meghānāmiva vāgurāḥ

वे सब मिलकर गरमी के बदलते मौसम में बादलों के जालों जैसे दिखाई देते थे — बगुलों, जुगनुओं, इन्द्रधनुषों और सैकड़ों बिजलियों के साथ।

श्लोक 32 (7.98.32)

अपश्यन्नस्मदीयाश्च ते च यौधिष्ठिराः स्थिताः । तद्युद्धं युयुधानस्य द्रोणस्य च महात्मनः ॥

apaśyannasmadīyāśca te ca yaudhiṣṭhirāḥ sthitāḥ | tadyuddhaṃ yuyudhānasya droṇasya ca mahātmanaḥ

हमारे लोग और युधिष्ठिर के लोग खड़े होकर युयुधान और महात्मा द्रोण का वह युद्ध देखते रहे।

श्लोक 33 (7.98.33)

विमानाग्रगता देवा ब्रह्मसोमपुरोगमाः । सिद्धचारणसङ्घाश्च विद्याधरमहोरगाः ॥

vimānāgragatā devā brahmasomapurogamāḥ | siddhacāraṇasaṅghāśca vidyādharamahoragāḥ

ब्रह्मा और सोम को आगे किए हुए देवता अपने विमानों के अग्रभाग में खड़े थे, और साथ में सिद्धों और चारणों के समूह, विद्याधर और महानाग भी थे,

श्लोक 34 (7.98.34)

गन्धर्वा दानवा यक्षा राक्षसाप्सरसः खगाः । गतप्रत्यागताक्षेपैश्चित्रैरस्त्रविघातिभिः । विविधैर्विस्मयं जग्मुस्तयोः पुरुषसिंहयोः ॥

gandharvā dānavā yakṣā rākṣasāpsarasaḥ khagāḥ | gatapratyāgatākṣepaiścitrairastravighātibhiḥ | vividhairvismayaṃ jagmustayoḥ puruṣasiṃhayoḥ

गन्धर्व, दानव, यक्ष, राक्षस, अप्सराएँ और पक्षी भी वहाँ थे; और उन दोनों पुरुषसिंहों के आगे बढ़ने, पीछे हटने और प्रहारों के तरह-तरह के विचित्र दाँव-पेंच देखकर, जो एक-दूसरे के अस्त्रों को निष्फल करते थे, वे सब विस्मय में पड़ गए।

श्लोक 35 (7.98.35)

हस्तलाघवमस्त्रेषु दर्शयन्तौ महाबलौ । अन्योन्यमभिविध्येतां शरैस्तौ द्रोणसात्यकी ॥

hastalāghavamastreṣu darśayantau mahābalau | anyonyamabhividhyetāṃ śaraistau droṇasātyakī

अस्त्रों के प्रयोग में हाथ की फुर्ती दिखाते हुए वे दोनों महाबली, द्रोण और सात्यकि, बाणों से एक-दूसरे को बेधने लगे।

श्लोक 36 (7.98.36)

ततो द्रोणस्य दाशार्हः शरांश्चिच्छेद संयुगे । पत्रिभिः सुदृढैराशु धनुश्चैव महाद्युतेः ॥

tato droṇasya dāśārhaḥ śarāṃściccheda saṃyuge | patribhiḥ sudṛḍhairāśu dhanuścaiva mahādyuteḥ

तब दाशार्ह सात्यकि ने युद्ध में द्रोण के बाणों को और पंखदार दृढ़ बाणों से शीघ्र ही उन महातेजस्वी के धनुष को भी काट डाला।

श्लोक 37 (7.98.37)

निमेषान्तरमात्रेण भारद्वाजोऽपरं धनुः । सज्यं चकार तदपि चिच्छेदास्य स सात्यकिः ॥

nimeṣāntaramātreṇa bhāradvājo'paraṃ dhanuḥ | sajyaṃ cakāra tadapi cicchedāsya sa sātyakiḥ

पलक झपकने भर में भरद्वाजपुत्र ने दूसरा धनुष चढ़ा लिया, और उसे भी सात्यकि ने काट दिया।

श्लोक 38 (7.98.38)

ततस्त्वरन्पुनर्द्रोणो धनुर्हस्तो व्यतिष्ठत । सज्यं सज्यं धनुश्चास्य चिच्छेद निशितैः शरैः ॥

tatastvaranpunardroṇo dhanurhasto vyatiṣṭhata | sajyaṃ sajyaṃ dhanuścāsya ciccheda niśitaiḥ śaraiḥ

तब द्रोण फिर जल्दी से हाथ में धनुष लिए खड़े हो गए, और सात्यकि ने उनका चढ़ाया हुआ एक-एक धनुष तीखे बाणों से काट डाला।

श्लोक 39 (7.98.39)

एवमेकशतं छिन्नं धनुषां दृढधन्विना । न चान्तरं तयोर्दृष्टं सन्धाने च्छेदनेऽपि च ॥

evamekaśataṃ chinnaṃ dhanuṣāṃ dṛḍhadhanvinā | na cāntaraṃ tayordṛṣṭaṃ sandhāne cchedane'pi ca

इस प्रकार उस दृढ़ धनुर्धर ने सौ धनुष काट दिए, और दोनों के बीच धनुष चढ़ाने और काटने में कोई अन्तर नहीं दिखाई दिया।

श्लोक 40 (7.98.40)

ततोऽस्य संयुगे द्रोणो दृष्ट्वा कर्मातिमानुषम् । युयुधानस्य राजेन्द्र मनसैतदचिन्तयत् ॥

tato'sya saṃyuge droṇo dṛṣṭvā karmātimānuṣam | yuyudhānasya rājendra manasaitadacintayat

तब युद्ध में युयुधान का वह अतिमानवीय कर्म देखकर, हे राजेन्द्र, द्रोण ने मन में यह सोचा —

श्लोक 41 (7.98.41)

एतदस्त्रबलं रामे कार्तवीर्ये धनञ्जये । भीष्मे च पुरुषव्याघ्रे यदिदं सात्वतां वरे ॥

etadastrabalaṃ rāme kārtavīrye dhanañjaye | bhīṣme ca puruṣavyāghre yadidaṃ sātvatāṃ vare

"अस्त्रों का यह बल परशुराम में था, कार्तवीर्य में, धनंजय में और पुरुषव्याघ्र भीष्म में था — और वही यह सात्वतों में श्रेष्ठ इस वीर में है।"

श्लोक 42 (7.98.42)

तं चास्य मनसा द्रोणः पूजयामास विक्रमम् । लाघवं वासवस्येव सम्प्रेक्ष्य द्विजसत्तमः ॥

taṃ cāsya manasā droṇaḥ pūjayāmāsa vikramam | lāghavaṃ vāsavasyeva samprekṣya dvijasattamaḥ

वासव के समान उसकी फुर्ती देखकर द्विजश्रेष्ठ द्रोण ने मन-ही-मन उसके उस पराक्रम की सराहना की।

श्लोक 43 (7.98.43)

तुतोषास्त्रविदां श्रेष्ठस्तथा देवाः सवासवाः । न तामालक्षयामासुर्लघुतां शीघ्रचारिणः ॥

tutoṣāstravidāṃ śreṣṭhastathā devāḥ savāsavāḥ | na tāmālakṣayāmāsurlaghutāṃ śīghracāriṇaḥ

अस्त्रवेत्ताओं में श्रेष्ठ द्रोण प्रसन्न हुए, और इन्द्र सहित देवता भी; पर शीघ्र गति वाले होकर भी वे उस फुर्ती को पकड़ नहीं सके।

श्लोक 44 (7.98.44)

देवाश्च युयुधानस्य गन्धर्वाश्च विशाम्पते । सिद्धचारणसङ्घाश्च विदुर्द्रोणस्य कर्म तत् ॥

devāśca yuyudhānasya gandharvāśca viśāmpate | siddhacāraṇasaṅghāśca vidurdroṇasya karma tat

हे प्रजानाथ, देवता, गन्धर्व और सिद्धों-चारणों के समूह युयुधान के विरुद्ध द्रोण के उस कर्म को जान रहे थे।

श्लोक 45 (7.98.45)

ततोऽन्यद्धनुरादाय द्रोणः क्षत्रियमर्दनः । अस्त्रैरस्त्रविदां श्रेष्ठो योधयामास भारत ॥

tato'nyaddhanurādāya droṇaḥ kṣatriyamardanaḥ | astrairastravidāṃ śreṣṭho yodhayāmāsa bhārata

तब क्षत्रियों का मर्दन करने वाले, अस्त्रवेत्ताओं में श्रेष्ठ द्रोण ने, हे भारत, दूसरा धनुष लेकर अस्त्रों से युद्ध किया।

श्लोक 46 (7.98.46)

तस्यास्त्राण्यस्त्रमायाभिः प्रतिहत्य स सात्यकिः । जघान निशितैर्बाणैस्तदद्भुतमिवाभवत् ॥

tasyāstrāṇyastramāyābhiḥ pratihatya sa sātyakiḥ | jaghāna niśitairbāṇaistadadbhutamivābhavat

सात्यकि ने उनके अस्त्रों को अपनी अस्त्र-माया से निष्फल करके उन्हें तीखे बाणों से मारा, और यह अद्भुत-सा था।

श्लोक 47 (7.98.47)

तस्यातिमानुषं कर्म दृष्ट्वाऽन्यैरसमं रणे । युक्तं योगेन योगज्ञास्तावकाः समपूजयन् ॥

tasyātimānuṣaṃ karma dṛṣṭvā'nyairasamaṃ raṇe | yuktaṃ yogena yogajñāstāvakāḥ samapūjayan

आपके योद्धाओं ने, जो युद्ध-कौशल को जानते थे, उसका वह अतिमानवीय, दूसरों के लिए अद्वितीय और कौशल से किया हुआ कर्म देखकर उसकी सराहना की।

श्लोक 48 (7.98.48)

यदस्त्रमस्यति द्रोणस्तदेवास्यति सात्यकिः । तमाचार्योऽथ सम्भ्रान्तोऽयोधयच्छत्रुतापनः ॥

yadastramasyati droṇastadevāsyati sātyakiḥ | tamācāryo'tha sambhrānto'yodhayacchatrutāpanaḥ

द्रोण जो अस्त्र छोड़ते, सात्यकि भी वही अस्त्र छोड़ते; तब शत्रुओं को तपाने वाले आचार्य घबराकर भी उनसे लड़ते रहे।

श्लोक 49 (7.98.49)

ततः क्रुद्धो महाराज धनुर्वेदस्य पारगः । वधाय युयुधानस्य दिव्यमस्त्रमुदैरयत् ॥

tataḥ kruddho mahārāja dhanurvedasya pāragaḥ | vadhāya yuyudhānasya divyamastramudairayat

तब हे महाराज, धनुर्वेद के पारंगत द्रोण ने क्रुद्ध होकर युयुधान के वध के लिए दिव्य अस्त्र छोड़ा।

श्लोक 50 (7.98.50)

तदाग्नेयं महाघोरं रिपुघ्नमुपलक्ष्य सः । दिव्यमस्त्रं महेष्वासो वारुणं समुदैरयत् ॥

tadāgneyaṃ mahāghoraṃ ripughnamupalakṣya saḥ | divyamastraṃ maheṣvāso vāruṇaṃ samudairayat

शत्रुओं का नाश करने वाले उस अत्यन्त भयंकर आग्नेयास्त्र को देखकर महाधनुर्धर सात्यकि ने दिव्य वारुणास्त्र छोड़ा।

श्लोक 51 (7.98.51)

हाहाकारो महानासीद्दृष्ट्वा दिव्यास्त्रधारिणौ । न विचेरुस्तदाऽऽकाशे भूतान्याकाशगान्यपि ॥

hāhākāro mahānāsīddṛṣṭvā divyāstradhāriṇau | na vicerustadā''kāśe bhūtānyākāśagānyapi

उन दोनों दिव्यास्त्रधारियों को देखकर बड़ा हाहाकार मच गया; आकाशचारी प्राणी भी तब आकाश में विचरण नहीं करते थे।

श्लोक 52 (7.98.52)

अस्त्रे ते वारुणाग्नेये यदा बाणैः समाहिते । न यावदभ्यपद्येतां व्यावर्तदथ भास्करः ॥

astre te vāruṇāgneye yadā bāṇaiḥ samāhite | na yāvadabhyapadyetāṃ vyāvartadatha bhāskaraḥ

जब वारुण और आग्नेय अस्त्र बाणों पर चढ़ाए गए और अभी एक-दूसरे पर प्रबल नहीं हुए थे, तभी सूर्य मध्याह्न से ढल गया।

श्लोक 53 (7.98.53)

ततो युधिष्ठिरो राजा भीमसेनश्च पाण्डवः । नकुलः सहदेवश्च पर्यरक्षन्त सात्यकिम् ॥

tato yudhiṣṭhiro rājā bhīmasenaśca pāṇḍavaḥ | nakulaḥ sahadevaśca paryarakṣanta sātyakim

तब राजा युधिष्ठिर, पाण्डव भीमसेन, नकुल और सहदेव ने सात्यकि को चारों ओर से घेरकर उनकी रक्षा की।

श्लोक 54 (7.98.54)

धृष्टद्युम्नमुखैः सार्धं विराटश्च सकेकयः । मत्स्याः साल्वेयसेनाश्च द्रोणमाजग्मुरञ्जसा ॥

dhṛṣṭadyumnamukhaiḥ sārdhaṃ virāṭaśca sakekayaḥ | matsyāḥ sālveyasenāśca droṇamājagmurañjasā

धृष्टद्युम्न आदि प्रमुख वीरों के साथ विराट, केकय, मत्स्य और साल्वेय सेनाएँ सीधे द्रोण पर आ पहुँचीं।

श्लोक 55 (7.98.55)

दुःशासनं पुरस्कृत्य राजपुत्राः सहस्रशः । द्रोणमभ्युपपद्यन्त सपत्नैः परिवारितम् ॥

duḥśāsanaṃ puraskṛtya rājaputrāḥ sahasraśaḥ | droṇamabhyupapadyanta sapatnaiḥ parivāritam

दुःशासन को आगे करके हज़ारों राजकुमार शत्रुओं से घिरे हुए द्रोण के पास आ पहुँचे।

श्लोक 56 (7.98.56)

ततो युद्धमभूद्राजंस्तव तेषां च धन्विनाम् । रजसा संवृते लोके शरजालसमावृते ॥

tato yuddhamabhūdrājaṃstava teṣāṃ ca dhanvinām | rajasā saṃvṛte loke śarajālasamāvṛte

तब हे राजन्, आपके और उनके धनुर्धरों के बीच युद्ध हुआ, जब संसार धूल से ढका और बाणों के जाल से लिपटा हुआ था।

श्लोक 57 (7.98.57)

सर्वमाविग्नमभवन्न प्राज्ञायत किञ्चन । सैन्येन रजसा ध्वस्ते निर्मर्यादमवर्तत ॥

sarvamāvignamabhavanna prājñāyata kiñcana | sainyena rajasā dhvaste nirmaryādamavartata

सब कुछ उथल-पुथल हो गया और कुछ भी पहचाना नहीं जा रहा था; सेना की धूल से सब ढक जाने पर सब कुछ बिना किसी मर्यादा के चलने लगा।

श्लोक 58 (7.98.58)

तेनान्तरेण पार्थस्तु रणे जित्वा महारिपून् । अतिक्रान्तस्तदा युद्धं कृत्वा पर्यवतस्थिवान् ॥

tenāntareṇa pārthastu raṇe jitvā mahāripūn | atikrāntastadā yuddhaṃ kṛtvā paryavatasthivān

इसी बीच पार्थ युद्ध में महाशत्रुओं को जीतकर आगे बढ़ गए, और युद्ध करके वहाँ डटकर खड़े हो गए।