कुन्ती का कथन; युधिष्ठिर का स्त्रियों को शाप

श्लोक 1 (12.6.1)

एतावदुक्त्वा देवर्षिर्विरराम स नारदः । युधिष्ठिरस्तु राजर्षिर्दध्यौ शोकपरिप्लुतः ॥

etāvaduktvā devarṣirvirarāma sa nāradaḥ | yudhiṣṭhirastu rājarṣirdadhyau śokapariplutaḥ

वैशम्पायन ने कहा — इतना कहकर देवर्षि नारद चुप हो गए, और राजर्षि युधिष्ठिर शोक में डूबकर चिन्ता में पड़ गए।

श्लोक 2 (12.6.2)

तं दीनमनसं वीरमधोवदनमातुरम् । निःश्वसन्तं यथा नागं पर्यश्रुनयनं तथा ॥

taṃ dīnamanasaṃ vīramadhovadanamāturam | niḥśvasantaṃ yathā nāgaṃ paryaśrunayanaṃ tathā

उस वीर का मन दीन हो गया था; वह मुँह नीचे किए, व्याकुल, नाग की तरह लम्बी साँसें भरता और आँखों में आँसू भरे बैठा था।

श्लोक 3 (12.6.3)

कुन्ती शोकपरीताङ्गी दुःखोपहतचेतना । अब्रवीन्मधुराभाषा काले वचनमर्थवत् ॥

kuntī śokaparītāṅgī duḥkhopahatacetanā | abravīnmadhurābhāṣā kāle vacanamarthavat

तब शोक से जिसका शरीर क्षीण हो गया था और दुःख से जिसकी चेतना कुण्ठित हो गई थी, उस कुन्ती ने मधुर वाणी में, उचित समय पर, अर्थभरी बात कही।

श्लोक 4 (12.6.4)

युधिष्ठिर महाबाहो नैनं शोचितुमर्हसि । जहि शोकं महाप्राज्ञ शृणु चेदं वचो मम ॥

yudhiṣṭhira mahābāho nainaṃ śocitumarhasi | jahi śokaṃ mahāprājña śṛṇu cedaṃ vaco mama

कुन्ती ने कहा — हे महाबाहु युधिष्ठिर! तुम्हें उसके लिए शोक नहीं करना चाहिए। हे महाप्राज्ञ! शोक छोड़ो और मेरी यह बात सुनो।

श्लोक 5 (12.6.5)

याचितः स मया पूर्वं भ्राता ज्ञापयितुं तव । भास्करेण च देवेन पित्रा धर्मभृतां वरः ॥

yācitaḥ sa mayā pūrvaṃ bhrātā jñāpayituṃ tava | bhāskareṇa ca devena pitrā dharmabhṛtāṃ varaḥ

पहले मैंने तुम्हारे उस भाई से — धर्म धारण करनेवालों में श्रेष्ठ उससे — और उसके पिता देव भास्कर ने भी यह अनुरोध किया था कि वह स्वयं को तुम्हारा भाई जनाए।

श्लोक 6 (12.6.6)

यद्वाच्यं हितकामेन सुहृदां भूतिमिच्छता । तथा दिवाकरेणोक्तः स्वप्नान्ते मम चाग्रतः ॥

yadvācyaṃ hitakāmena suhṛdāṃ bhūtimicchatā | tathā divākareṇoktaḥ svapnānte mama cāgrataḥ

जो बात हित चाहनेवाले, सुहृदों का कल्याण चाहनेवाले मित्र को कहनी चाहिए, वही बात दिवाकर ने स्वप्न के अन्त में मेरे सामने उससे कही थी।

श्लोक 7 (12.6.7)

न चैनमशकद्भानुरहं वा स्नेहकारणैः । पुरा प्रत्यनुनेतुं वा नेतुं वाऽप्येकतां त्वया ॥

na cainamaśakadbhānurahaṃ vā snehakāraṇaiḥ | purā pratyanunetuṃ vā netuṃ vā'pyekatāṃ tvayā

किन्तु न भानु और न मैं ही स्नेह की बातों से उसे पहले मना सके, या तुम्हारे साथ उसका मेल करा सके।

श्लोक 8 (12.6.8)

ततः कालपरीतः स वैरस्योद्धरणे रतः । प्रतीपकारी युष्माकमिति चोपेक्षितो मया ॥

tataḥ kālaparītaḥ sa vairasyoddharaṇe rataḥ | pratīpakārī yuṣmākamiti copekṣito mayā

फिर काल से ग्रस्त होकर, वैर निभाने में लगा हुआ वह तुम लोगों का विरोधी बन गया; इसीलिए मैंने उसे छोड़ दिया।

श्लोक 9 (12.6.9)

इत्युक्तो धर्मराजस्तु मात्रा बाष्पाकुलेक्षणः । उवाच वाक्यं धर्मात्मा शोकव्याकुललोचनः ॥

ityukto dharmarājastu mātrā bāṣpākulekṣaṇaḥ | uvāca vākyaṃ dharmātmā śokavyākulalocanaḥ

माता के ऐसा कहने पर धर्मराज की आँखें आँसुओं से भर गईं; शोक से व्याकुल चित्तवाले उस धर्मात्मा ने कहा।

श्लोक 10 (12.6.10)

भवत्या गूढमन्त्रत्वाद्वञ्चिताः स्म तदा भृशम् ॥

bhavatyā gūḍhamantratvādvañcitāḥ sma tadā bhṛśam

युधिष्ठिर ने कहा — आपके इस रहस्य को छिपाए रखने के कारण हम तब बुरी तरह ठगे गए।

श्लोक 11 (12.6.11)

शशाप च महातेजाः सर्वलोकेषु योषितः । न गुह्यं धारयिष्यन्तीत्येवं दुःखसमन्वितः ॥

śaśāpa ca mahātejāḥ sarvalokeṣu yoṣitaḥ | na guhyaṃ dhārayiṣyantītyevaṃ duḥkhasamanvitaḥ

और शोक से भरे उस महातेजस्वी ने सब लोकों की स्त्रियों को शाप दिया: ‘वे कोई गुप्त बात नहीं रख सकेंगी।’

श्लोक 12 (12.6.12)

स राजा पुत्रपौत्राणां संबन्धिसुहृदां तदा । स्मरन्नुद्विग्नहृदयो बभूवोद्विग्नचेतनः ॥

sa rājā putrapautrāṇāṃ saṃbandhisuhṛdāṃ tadā | smarannudvignahṛdayo babhūvodvignacetanaḥ

तब वह राजा पुत्रों, पौत्रों, सम्बन्धियों और मित्रों को याद करके व्याकुल हृदय और अशान्त चित्त हो गया।

श्लोक 13 (12.6.13)

ततः शोकपरीतात्मा सधूम इव पावकः । निर्वेदमगमद्धीमान्राज्ये संतापपीडितः ॥

tataḥ śokaparītātmā sadhūma iva pāvakaḥ | nirvedamagamaddhīmānrājye saṃtāpapīḍitaḥ

फिर शोक से घिरी आत्मावाला, धुएँ से ढकी आग के समान, सन्ताप से पीड़ित वह बुद्धिमान् राजा राज्य से विरक्त हो उठा।