केकय-नरेश और राक्षस

श्लोक 1 (12.77.1)

केषां प्रभवते राजा वित्तस्य भरतर्षभ । कया च वृत्त्या वर्तेत तन्मे ब्रूहि पितामह ॥

keṣāṃ prabhavate rājā vittasya bharatarṣabha | kayā ca vṛttyā varteta tanme brūhi pitāmaha

हे भरतश्रेष्ठ, राजा किनके धन पर अधिकार रखता है, और उसे किस वृत्ति से जीना चाहिए? पितामह, यह मुझे बताइए।

श्लोक 2 (12.77.2)

अब्राह्मणानां वित्तस्य स्वामी राजेति वैदिकम् । ब्राह्मणानां च ये केचिद्विकर्मस्था भवन्त्युत ॥

abrāhmaṇānāṃ vittasya svāmī rājeti vaidikam | brāhmaṇānāṃ ca ye kecidvikarmasthā bhavantyuta

वेद का कथन है कि अब्राह्मणों के धन का स्वामी राजा है, और उन ब्राह्मणों के धन का भी, जो कोई विकर्म में लगे हों।

श्लोक 3 (12.77.3)

विकर्मस्थाश्च नोपेक्ष्या विप्रा राज्ञा कथंचन । इति राज्ञां पुरावृत्तमभिजल्पन्ति साधवः ॥

vikarmasthāśca nopekṣyā viprā rājñā kathaṃcana | iti rājñāṃ purāvṛttamabhijalpanti sādhavaḥ

‘विकर्म में लगे ब्राह्मणों की राजा को किसी भी प्रकार उपेक्षा नहीं करनी चाहिए’, ऐसा सज्जन राजाओं के प्राचीन आचरण के विषय में कहते हैं।

श्लोक 4 (12.77.4)

यस्य स्म विषये राज्ञः स्तेनो भवति वै द्विजः । राज्ञ एवापराधं तं मन्यन्ते किल्विषं नृप ॥

yasya sma viṣaye rājñaḥ steno bhavati vai dvijaḥ | rājña evāparādhaṃ taṃ manyante kilviṣaṃ nṛpa

जिस राजा के राज्य में कोई ब्राह्मण चोर हो जाता है, हे राजन्, लोग उस अपराध को राजा का ही मानते हैं।

श्लोक 5 (12.77.5)

अभिशस्तमिवात्मानं मन्यन्ते तेन कर्मणा । तस्माद्राजर्षयः सर्वे ब्राह्मणानन्वपालयन् ॥

abhiśastamivātmānaṃ manyante tena karmaṇā | tasmādrājarṣayaḥ sarve brāhmaṇānanvapālayan

वे उस कर्म के कारण अपने को मानो शापित समझते हैं; इसीलिए सभी राजर्षि ब्राह्मणों की रक्षा करते आए।

श्लोक 6 (12.77.6)

अत्राप्युदाहरन्तीममितिहासं पुरातनम् । गीतं केकयराजेन हियमाणेन रक्षसा ॥

atrāpyudāharantīmamitihāsaṃ purātanam | gītaṃ kekayarājena hiyamāṇena rakṣasā

इस विषय में लोग एक प्राचीन इतिहास सुनाते हैं: वह गीत, जो केकय-नरेश ने तब गाया जब एक राक्षस उसे हरकर ले जा रहा था।

श्लोक 7 (12.77.7)

केकयानामधिपतिं रक्षो जग्राह दारुणम् । स्वाध्यायेनान्वितं राजन्नरण्ये संशितव्रतम् ॥

kekayānāmadhipatiṃ rakṣo jagrāha dāruṇam | svādhyāyenānvitaṃ rājannaraṇye saṃśitavratam

एक भयंकर राक्षस ने वन में केकयों के अधिपति को पकड़ लिया, हे राजन्; वे राजा दृढ़ व्रत वाले थे और स्वाध्याय में लगे हुए थे।

श्लोक 8 (12.77.8)

न मे स्तेनो जनपदे न कदर्यो न मद्यपः । नानाहिताग्निर्नायज्वा मा ममान्तरमाविशः ॥

na me steno janapade na kadaryo na madyapaḥ | nānāhitāgnirnāyajvā mā mamāntaramāviśaḥ

मेरे देश में न कोई चोर है, न कंजूस, न शराबी; न कोई ऐसा जिसने अग्नि की स्थापना न की हो, न कोई यज्ञ न करने वाला। तुम मुझमें कोई दुर्बल स्थान मत पाओ।

श्लोक 9 (12.77.9)

न च मे ब्राह्मणोऽविद्वान्नाव्रती नाप्यसोमपः । द्विजातिर्विषये मह्यं मा ममान्तरमाविशः ॥

na ca me brāhmaṇo'vidvānnāvratī nāpyasomapaḥ | dvijātirviṣaye mahyaṃ mā mamāntaramāviśaḥ

मेरा कोई ब्राह्मण अविद्वान्, व्रतहीन या सोम न पीने वाला नहीं है; मेरे राज्य में कोई द्विज ऐसा नहीं है। तुम मुझमें कोई दुर्बल स्थान मत पाओ।

श्लोक 10 (12.77.10)

नानाप्तदक्षिणैर्यज्ञैर्यजन्ते विषये मम । नाधीते चाव्रती कश्चिन्मा ममान्तरमाविशः ॥

nānāptadakṣiṇairyajñairyajante viṣaye mama | nādhīte cāvratī kaścinmā mamāntaramāviśaḥ

मेरे राज्य में कोई ऐसे यज्ञों से यज्ञ नहीं करता जिनकी दक्षिणा पूरी न दी गई हो, और कोई व्रतहीन अध्ययन नहीं करता। तुम मुझमें कोई दुर्बल स्थान मत पाओ।

श्लोक 11 (12.77.11)

अध्यापयन्त्यधीयन्ते यजन्ते याजयन्ति च । ददति प्रतिगृह्णन्ति षट्‌सु कर्मस्ववस्थिताः ॥

adhyāpayantyadhīyante yajante yājayanti ca | dadati pratigṛhṇanti ṣaṭsu karmasvavasthitāḥ

वे पढ़ाते और पढ़ते हैं, यज्ञ करते और कराते हैं, दान देते और लेते हैं; इन छह कर्मों में वे स्थित हैं।

श्लोक 12 (12.77.12)

पूजिताः संविभक्ताश्च मृदवः सत्यवादिनः । ब्राह्मणा मे स्वकर्मस्था मा ममान्तरमाविशः ॥

pūjitāḥ saṃvibhaktāśca mṛdavaḥ satyavādinaḥ | brāhmaṇā me svakarmasthā mā mamāntaramāviśaḥ

सम्मानित और भाग पाए हुए, कोमल और सत्यवादी मेरे ब्राह्मण अपने कर्मों में स्थित हैं। तुम मुझमें कोई दुर्बल स्थान मत पाओ।

श्लोक 13 (12.77.13)

न याचन्ते प्रयच्छन्ति सत्यधर्मविशारदाः । नाध्यापयन्त्यधीयन्ते यजन्ते याजयन्ति न ॥

na yācante prayacchanti satyadharmaviśāradāḥ | nādhyāpayantyadhīyante yajante yājayanti na

वे माँगते नहीं, देते हैं; सत्य और धर्म में निपुण हैं; वे पढ़ते हैं पर पढ़ाते नहीं, यज्ञ करते हैं पर यज्ञ कराते नहीं।

श्लोक 14 (12.77.14)

ब्राह्मणान्परिरक्षन्ति सङ्ग्रामेष्वपलायिनः । क्षत्रिया मे स्वकर्मस्था मा ममान्तरमाविशः ॥

brāhmaṇānparirakṣanti saṅgrāmeṣvapalāyinaḥ | kṣatriyā me svakarmasthā mā mamāntaramāviśaḥ

वे ब्राह्मणों की रक्षा करते हैं और युद्ध में भागते नहीं; मेरे क्षत्रिय अपने कर्मों में स्थित हैं। तुम मुझमें कोई दुर्बल स्थान मत पाओ।

श्लोक 15 (12.77.15)

कृषिगोरक्षवाणिज्यमुपजीवन्त्यमायया । अप्रमत्ताः क्रियावन्तः सुवृत्ताः सत्यवादिनः ॥

kṛṣigorakṣavāṇijyamupajīvantyamāyayā | apramattāḥ kriyāvantaḥ suvṛttāḥ satyavādinaḥ

वे बिना छल के खेती, गोपालन और व्यापार से जीविका चलाते हैं; सावधान, कर्मशील, सदाचारी और सत्यवादी हैं,

श्लोक 16 (12.77.16)

संविभागं दमं शौचं सौहृदं च व्यपाश्रिताः । मम वैश्याः स्वकर्मस्था मा ममान्तरमाविशः ॥

saṃvibhāgaṃ damaṃ śaucaṃ sauhṛdaṃ ca vyapāśritāḥ | mama vaiśyāḥ svakarmasthā mā mamāntaramāviśaḥ

बाँटकर खाना, संयम, शुचिता और मित्रभाव का आश्रय लिए हुए हैं; मेरे वैश्य अपने कर्मों में स्थित हैं। तुम मुझमें कोई दुर्बल स्थान मत पाओ।

श्लोक 17 (12.77.17)

त्रीन्वर्णानुपतिष्ठन्ते यथावदनसूयकाः । मम शूद्राः स्वकर्मस्था मा ममान्तरमाविशः ॥

trīnvarṇānupatiṣṭhante yathāvadanasūyakāḥ | mama śūdrāḥ svakarmasthā mā mamāntaramāviśaḥ

वे बिना ईर्ष्या के तीनों वर्णों की यथोचित सेवा करते हैं; मेरे शूद्र अपने कर्मों में स्थित हैं। तुम मुझमें कोई दुर्बल स्थान मत पाओ।

श्लोक 18 (12.77.18)

कृपणानाथवृद्धानां दुर्बलातुरयोषिताम् । संविभक्ताऽस्मि सर्वेषां मा ममान्तरमाविशः ॥

kṛpaṇānāthavṛddhānāṃ durbalāturayoṣitām | saṃvibhaktā'smi sarveṣāṃ mā mamāntaramāviśaḥ

दीनों, अनाथों और वृद्धों, दुर्बलों, रोगियों और स्त्रियों, इन सबको मैंने अपना भाग बाँटकर दिया है। तुम मुझमें कोई दुर्बल स्थान मत पाओ।

श्लोक 19 (12.77.19)

कुलानुरूपधर्माणां प्रस्थितानां यथाविधि । अव्युच्छेत्ताऽस्मि सर्वेषां मा ममान्तरमाविशः ॥

kulānurūpadharmāṇāṃ prasthitānāṃ yathāvidhi | avyucchettā'smi sarveṣāṃ mā mamāntaramāviśaḥ

जो लोग अपने कुल के अनुरूप धर्मों पर विधिपूर्वक चलते हैं, उनमें से किसी का भी मैं उच्छेद नहीं करता। तुम मुझमें कोई दुर्बल स्थान मत पाओ।

श्लोक 20 (12.77.20)

तपस्विनो मे विषये पूजिताः परिपालिताः । संविभक्ताश्च सत्कृत्य मा ममान्तरमाविशः ॥

tapasvino me viṣaye pūjitāḥ paripālitāḥ | saṃvibhaktāśca satkṛtya mā mamāntaramāviśaḥ

मेरे राज्य में तपस्वी पूजित और पालित हैं, और सत्कारपूर्वक उन्हें उनका भाग दिया जाता है। तुम मुझमें कोई दुर्बल स्थान मत पाओ।

श्लोक 21 (12.77.21)

नासंविभज्य भोक्ताऽस्मि न विशामि परस्त्रियम् । स्वतन्त्रो जातु न क्रीडे मा ममान्तरमाविशः ॥

nāsaṃvibhajya bhoktā'smi na viśāmi parastriyam | svatantro jātu na krīḍe mā mamāntaramāviśaḥ

मैं बिना बाँटे नहीं खाता, पराई स्त्री के पास नहीं जाता और कभी स्वच्छन्द होकर क्रीड़ा नहीं करता। तुम मुझमें कोई दुर्बल स्थान मत पाओ।

श्लोक 22 (12.77.22)

नाब्रह्मचारी भिक्षावान्भिक्षुर्वाऽब्रह्मचर्यवान् । अनृत्विजा हुतं नास्ति मा ममान्तरमाविशः ॥

nābrahmacārī bhikṣāvānbhikṣurvā'brahmacaryavān | anṛtvijā hutaṃ nāsti mā mamāntaramāviśaḥ

भिक्षा पर जीने वाला कोई ब्रह्मचर्यहीन नहीं है, और कोई भिक्षु अब्रह्मचारी नहीं है; बिना ऋत्विज के कोई हवन नहीं होता। तुम मुझमें कोई दुर्बल स्थान मत पाओ।

श्लोक 23 (12.77.23)

कृतं राज्यं मया सर्वं राज्यस्थेनापि कार्यवत् । नाहं व्युत्क्रामितः सत्यान्मा ममान्तरमाविशः ॥

kṛtaṃ rājyaṃ mayā sarvaṃ rājyasthenāpi kāryavat | nāhaṃ vyutkrāmitaḥ satyānmā mamāntaramāviśaḥ

राज्य में स्थित रहते हुए भी मैंने सारा राजकार्य कर्तव्य के अनुसार किया है; मैं कभी सत्य से डिगा नहीं। तुम मुझमें कोई दुर्बल स्थान मत पाओ।

श्लोक 24 (12.77.24)

नावजानाम्यहं वैद्यान्न वृद्धान्न तपस्विनः । राष्ट्रे स्वपति जागर्मि मा ममान्तरमाविशः ॥

nāvajānāmyahaṃ vaidyānna vṛddhānna tapasvinaḥ | rāṣṭre svapati jāgarmi mā mamāntaramāviśaḥ

मैं विद्वानों, वृद्धों और तपस्वियों का अपमान नहीं करता; राज्य सोता है तब मैं जागता हूँ। तुम मुझमें कोई दुर्बल स्थान मत पाओ।

श्लोक 25 (12.77.25)

शुक्लकर्मास्मि सर्वत्र न दुर्गतिभयं मम । धर्मचारी गृहस्थश्च मा ममान्तरमाविशः ॥

śuklakarmāsmi sarvatra na durgatibhayaṃ mama | dharmacārī gṛhasthaśca mā mamāntaramāviśaḥ

मेरे कर्म सर्वत्र शुद्ध हैं, मुझे दुर्गति का भय नहीं; मैं धर्मचारी गृहस्थ हूँ। तुम मुझमें कोई दुर्बल स्थान मत पाओ।

श्लोक 26 (12.77.26)

वेदाध्ययनसंपन्नस्तपस्वी सत्यधर्मवित् । स्वामी सर्वस्य राष्ट्रस्य धीमान्मम पुरोहितः ॥

vedādhyayanasaṃpannastapasvī satyadharmavit | svāmī sarvasya rāṣṭrasya dhīmānmama purohitaḥ

मेरे पुरोहित वेद के अध्ययन से सम्पन्न, तपस्वी, सत्य और धर्म को जानने वाले, बुद्धिमान् और सारे राष्ट्र के स्वामी हैं।

श्लोक 27 (12.77.27)

दानेन दिव्यानभिवाञ्छामि लोकान् । सत्येनाथ ब्राह्मणानां च गुप्त्या । शुश्रूषया चापि गुरूनुपैमि । न मे भयं विद्यते राक्षसेभ्यः ॥

dānena divyānabhivāñchāmi lokān | satyenātha brāhmaṇānāṃ ca guptyā | śuśrūṣayā cāpi gurūnupaimi | na me bhayaṃ vidyate rākṣasebhyaḥ

दान से मैं दिव्य लोकों की कामना करता हूँ; सत्य से, ब्राह्मणों की रक्षा से और सेवा से मैं गुरुजनों के समीप पहुँचता हूँ। मुझे राक्षसों से कोई भय नहीं।

श्लोक 28 (12.77.28)

न मे राष्ट्रे विधवा ब्रह्मबन्धुर् । न ब्राह्मणः कितवो नोत चोरः । नायाज्ययाजी न च पापकर्मा । न मे भयं विद्यते राक्षसेभ्यः ॥

na me rāṣṭre vidhavā brahmabandhur | na brāhmaṇaḥ kitavo nota coraḥ | nāyājyayājī na ca pāpakarmā | na me bhayaṃ vidyate rākṣasebhyaḥ

मेरे राज्य में न कोई विधवा है, न नाम का ब्राह्मण, न जुआरी या चोर ब्राह्मण, न अयोग्य का यज्ञ कराने वाला और न पापकर्मी। मुझे राक्षसों से कोई भय नहीं।

श्लोक 29 (12.77.29)

न मे शस्त्रैरनिर्भिन्नं गात्रे द्व्यङ्गुलमन्तरम् । धर्मार्थं युध्यमानस्य मा ममान्तरमाविशः ॥

na me śastrairanirbhinnaṃ gātre dvyaṅgulamantaram | dharmārthaṃ yudhyamānasya mā mamāntaramāviśaḥ

मेरे शरीर में दो अंगुल का भी ऐसा स्थान नहीं जो शस्त्रों से बिंधा न हो; मैं धर्म के लिए युद्ध करता रहा हूँ। तुम मुझमें कोई दुर्बल स्थान मत पाओ।

श्लोक 30 (12.77.30)

गोब्राह्मणेभ्यो यज्ञेभ्यो नित्यं स्वस्त्ययनं मम । आशासते जना राष्ट्रे मा ममान्तरमाविशः ॥

gobrāhmaṇebhyo yajñebhyo nityaṃ svastyayanaṃ mama | āśāsate janā rāṣṭre mā mamāntaramāviśaḥ

गौओं, ब्राह्मणों और यज्ञों के लिए मेरे राज्य के लोग सदा मेरे कल्याण की प्रार्थना करते हैं। तुम मुझमें कोई दुर्बल स्थान मत पाओ।

श्लोक 31 (12.77.31)

नारीणां व्यभिचाराच्च अन्यायाच्च महीक्षिताम् । विप्राणां कर्मदोषाच्च प्रजानां जायते भयम् ॥

nārīṇāṃ vyabhicārācca anyāyācca mahīkṣitām | viprāṇāṃ karmadoṣācca prajānāṃ jāyate bhayam

स्त्रियों के व्यभिचार से, राजाओं के अन्याय से और ब्राह्मणों के कर्मदोष से प्रजा पर भय आता है।

श्लोक 32 (12.77.32)

अवृष्टिर्मारको दोषः सततं क्षुद्भयानि च । विग्रहश्च सदा तस्मिन्देशे भवति दारुणः ॥

avṛṣṭirmārako doṣaḥ satataṃ kṣudbhayāni ca | vigrahaśca sadā tasmindeśe bhavati dāruṇaḥ

ऐसे देश में अनावृष्टि, महामारी का दोष, निरन्तर भूख के भय और भयंकर कलह सदा बने रहते हैं।

श्लोक 33 (12.77.33)

यक्षरक्षःपिशाचेभ्यो नासुरेभ्यः कथंचन । भयमुत्पद्यते तत्र यत्र विप्राः सुसंयताः ॥

yakṣarakṣaḥpiśācebhyo nāsurebhyaḥ kathaṃcana | bhayamutpadyate tatra yatra viprāḥ susaṃyatāḥ

जहाँ ब्राह्मण भली-भाँति संयमी होते हैं, वहाँ यक्षों, राक्षसों, पिशाचों या असुरों से कभी भय उत्पन्न नहीं होता।

श्लोक 34 (12.77.34)

गन्धर्वाप्सरसः सिद्धाः पन्नगाश्च सरीसृपाः । मानवान्न जिघांसन्ति यत्र नार्यः पतिव्रताः ॥

gandharvāpsarasaḥ siddhāḥ pannagāśca sarīsṛpāḥ | mānavānna jighāṃsanti yatra nāryaḥ pativratāḥ

जहाँ स्त्रियाँ पतिव्रता होती हैं, वहाँ गन्धर्व, अप्सराएँ, सिद्ध, सर्प और रेंगने वाले जीव मनुष्यों को मारना नहीं चाहते।

श्लोक 35 (12.77.35)

ब्राह्मणाः क्षत्रिया वैश्या यत्र शूद्राश्च धार्मिकाः । नाऽनावृष्टिभयं तत्र न दुर्भिक्षं न विभ्रमः ॥

brāhmaṇāḥ kṣatriyā vaiśyā yatra śūdrāśca dhārmikāḥ | nā'nāvṛṣṭibhayaṃ tatra na durbhikṣaṃ na vibhramaḥ

जहाँ ब्राह्मण, क्षत्रिय, वैश्य और शूद्र धर्मपरायण होते हैं, वहाँ अनावृष्टि का भय नहीं होता, न अकाल, न भ्रम।

श्लोक 36 (12.77.36)

धार्मिको यत्र भूपालो न तत्रास्ति पराभवः । उत्पाता न च दृश्यन्ते न दिव्या न च मानुषाः ॥

dhārmiko yatra bhūpālo na tatrāsti parābhavaḥ | utpātā na ca dṛśyante na divyā na ca mānuṣāḥ

जहाँ राजा धार्मिक होता है, वहाँ पराभव नहीं होता; वहाँ न दैवी उत्पात दिखाई देते हैं, न मानवीय।

श्लोक 37 (12.77.37)

यस्मात्सर्वास्ववस्थासु धर्ममेवान्ववेक्षसे । तस्मात्प्राप्नुहि कैकेय गृहं स्वस्ति व्रजाम्यहम् ॥

yasmātsarvāsvavasthāsu dharmamevānvavekṣase | tasmātprāpnuhi kaikeya gṛhaṃ svasti vrajāmyaham

क्योंकि तुम सब अवस्थाओं में केवल धर्म को ही देखते हो, इसलिए हे कैकेय, अपने घर लौट जाओ; मैं चला, तुम्हारा कल्याण हो।

श्लोक 38 (12.77.38)

येषां गोब्राह्मणा रक्ष्याः प्रजा रक्ष्याश्च केकय । न रक्षोभ्यो भयं तेषां कुत एव तु पातकम् ॥

yeṣāṃ gobrāhmaṇā rakṣyāḥ prajā rakṣyāśca kekaya | na rakṣobhyo bhayaṃ teṣāṃ kuta eva tu pātakam

हे केकय, जिनके लिए गौओं, ब्राह्मणों और प्रजा की रक्षा करना कर्तव्य है, उन्हें राक्षसों से भय नहीं होता; फिर पाप की तो बात ही क्या?

श्लोक 39 (12.77.39)

येषां पुरोगमा विप्रा येषां ब्रह्म परं बलम् । सुरक्षितास्तथा विप्रास्ते वै स्वर्गजितो नृपाः ॥

yeṣāṃ purogamā viprā yeṣāṃ brahma paraṃ balam | surakṣitāstathā viprāste vai svargajito nṛpāḥ

जिनके आगे-आगे ब्राह्मण चलते हैं, जिनका परम बल ब्रह्म है, और जिनके ब्राह्मण भली-भाँति रक्षित हैं, वे राजा निश्चय ही स्वर्ग जीतते हैं।

श्लोक 40 (12.77.40)

तस्माद्द्विजातीन्रक्षेत ते हि रक्षन्ति रक्षिताः । आशीरेषां भवेद्राजन्राज्ञां सम्यक्प्रवर्तताम् ॥

tasmāddvijātīnrakṣeta te hi rakṣanti rakṣitāḥ | āśīreṣāṃ bhavedrājanrājñāṃ samyakpravartatām

इसलिए द्विजातियों की रक्षा करनी चाहिए, क्योंकि रक्षित होने पर वे रक्षा करते हैं। हे राजन्, उनका आशीर्वाद राजाओं के लिए भली-भाँति फलित हो।

श्लोक 41 (12.77.41)

तस्माद्राज्ञा विशेषेण विकर्मस्था द्विजातयः । नियम्याः संविभज्याश्च प्रजानुग्रहकारणात् ॥

tasmādrājñā viśeṣeṇa vikarmasthā dvijātayaḥ | niyamyāḥ saṃvibhajyāśca prajānugrahakāraṇāt

इसलिए राजा को चाहिए कि विकर्म में लगे द्विजों को प्रजा के कल्याण के लिए विशेष रूप से नियन्त्रित रखे और उनका भरण भी करे।

श्लोक 42 (12.77.42)

एवं यो वर्तते राजा पौरजानपदेष्विह । अनुभूयेह भद्राणि प्राप्नोतीन्द्रसलोकताम् ॥

evaṃ yo vartate rājā paurajānapadeṣviha | anubhūyeha bhadrāṇi prāpnotīndrasalokatām

जो राजा नगरवासियों और देहातियों के प्रति ऐसा आचरण करता है, वह यहाँ कल्याण भोगकर इन्द्र के लोक में उसी के साथ निवास पाता है।