श्रीकृष्ण का दूत भेजने का प्रस्ताव

श्लोक 1 (5.1.1)

कृत्वा विवाहं तु कुरुप्रवीरा- । स्तदाऽभिमन्योर्मुदिताः सपक्षाः । विश्रम्य रात्रावुषसि प्रतीताः । सभां विराटस्य ततोऽभिजग्मुः ॥

kṛtvā vivāhaṃ tu kurupravīrā- | stadā'bhimanyormuditāḥ sapakṣāḥ | viśramya rātrāvuṣasi pratītāḥ | sabhāṃ virāṭasya tato'bhijagmuḥ

अभिमन्यु का विवाह सम्पन्न करके कुरुवंश के वीर और उनके पक्ष के लोग आनन्दित थे। रात भर विश्राम करके वे प्रातःकाल प्रसन्नचित्त होकर विराट की सभा में गए।

श्लोक 2 (5.1.2)

सभा तु सा मत्स्यपतेः समृद्धा । मणिप्रवेकोत्तमरत्नचित्रा । न्यस्तासना माल्यवती सुगन्धा । तामभ्ययुस्ते नरराजवर्याः ॥

sabhā tu sā matsyapateḥ samṛddhā | maṇipravekottamaratnacitrā | nyastāsanā mālyavatī sugandhā | tāmabhyayuste nararājavaryāḥ

मत्स्यराज की वह सभा समृद्ध थी और उत्तम मणियों तथा रत्नों से जगमगा रही थी; उसमें आसन बिछे थे, मालाएँ सजी थीं और सुगन्ध फैली थी। वे श्रेष्ठ नरेश उस सभा में पहुँचे।

श्लोक 3 (5.1.3)

अथासनान्याविशतां पुरस्ता- । दुभौ विराटद्रुपदौ नरेन्द्रौ । वृद्धौ च मान्यौ पृथिवीपतीनां । पित्रा समं रामजनार्दनौ च ॥

athāsanānyāviśatāṃ purastā- | dubhau virāṭadrupadau narendrau | vṛddhau ca mānyau pṛthivīpatīnāṃ | pitrā samaṃ rāmajanārdanau ca

तब पृथ्वीपतियों में आदरणीय दोनों वृद्ध नरेश विराट और द्रुपद आगे के आसनों पर बैठे, और उनके साथ अपने पिता सहित बलराम और जनार्दन भी।

श्लोक 4 (5.1.4)

पाञ्चालराजस्य समीपतस्तु । शिनिप्रवीरः सहरौहिणेयः । मत्स्यस्य राज्ञस्तु सुसन्निकृष्टौ । जनार्दनश्चैव युधिष्ठिरश्च ॥

pāñcālarājasya samīpatastu | śinipravīraḥ saharauhiṇeyaḥ | matsyasya rājñastu susannikṛṣṭau | janārdanaścaiva yudhiṣṭhiraśca

पाञ्चालराज के पास शिनिवंश के वीर सात्यकि रोहिणीनन्दन बलराम के साथ बैठे; और मत्स्यराज के बिलकुल निकट जनार्दन तथा युधिष्ठिर बैठे।

श्लोक 5 (5.1.5)

सुताश्च सर्वे द्रुपदस्य राज्ञो । भीमार्जुनौ माद्रवतीसुतौ च । प्रद्युम्नसाम्बौ च युधि प्रवीरौ । विराटपुत्रैश्च सहाभिमन्युः ॥

sutāśca sarve drupadasya rājño | bhīmārjunau mādravatīsutau ca | pradyumnasāmbau ca yudhi pravīrau | virāṭaputraiśca sahābhimanyuḥ

राजा द्रुपद के सभी पुत्र, भीम और अर्जुन, माद्री के दोनों पुत्र, युद्ध में वीर प्रद्युम्न और साम्ब, विराट के पुत्रों के साथ अभिमन्यु,

श्लोक 6 (5.1.6)

सर्वे च शूराः पितृभिः समाना । वीर्येण रूपेण बलेन चैव । उपाविशन्द्रौपदेयाः कुमाराः । सुवर्णचित्रेषु वरासनेषु ॥

sarve ca śūrāḥ pitṛbhiḥ samānā | vīryeṇa rūpeṇa balena caiva | upāviśandraupadeyāḥ kumārāḥ | suvarṇacitreṣu varāsaneṣu

और द्रौपदी के कुमार पुत्र, जो सभी शूरवीर थे और पराक्रम, रूप तथा बल में अपने पिताओं के समान थे — ये सब सोने से जड़े उत्तम आसनों पर बैठ गए।

श्लोक 7 (5.1.7)

तथोपविष्टेषु महारथेषु । विराजमानाभरणाम्बरेषु । रराज सा राजवती समृद्धा । ग्रहैरिव द्यौर्विमलैरुपेता ॥

tathopaviṣṭeṣu mahāratheṣu | virājamānābharaṇāmbareṣu | rarāja sā rājavatī samṛddhā | grahairiva dyaurvimalairupetā

चमकते आभूषणों और वस्त्रों से सुशोभित उन महारथियों के बैठ जाने पर राजाओं से भरी वह समृद्ध सभा ऐसी शोभा पाने लगी, जैसे निर्मल ग्रहों से भरा आकाश।

श्लोक 8 (5.1.8)

ततः कथास्ते समवाययुक्ताः । कृत्वा विचित्राः पुरुषप्रवीराः । तस्थुर्मुहूर्तं परिचिन्तयन्तः । कृष्णं नृपास्ते समुदीक्षमाणाः ॥

tataḥ kathāste samavāyayuktāḥ | kṛtvā vicitrāḥ puruṣapravīrāḥ | tasthurmuhūrtaṃ paricintayantaḥ | kṛṣṇaṃ nṛpāste samudīkṣamāṇāḥ

तब उन श्रेष्ठ पुरुषों ने सभा के अनुरूप तरह-तरह की बातें कीं, और फिर वे राजा कुछ देर विचार में डूबे श्रीकृष्ण की ओर देखते हुए बैठे रहे।

श्लोक 9 (5.1.9)

कथान्तमासाद्य च माधवेन । संघट्टिताः पाण्डवकार्यहेतोः । ते राजसिंहाः सहिता ह्यशृण्व- । न्वाक्यं महार्थं सुमहोदयं च ॥

kathāntamāsādya ca mādhavena | saṃghaṭṭitāḥ pāṇḍavakāryahetoḥ | te rājasiṃhāḥ sahitā hyaśṛṇva- | nvākyaṃ mahārthaṃ sumahodayaṃ ca

बातचीत समाप्त होने पर माधव ने उनका ध्यान पाण्डवों के कार्य की ओर लगाया, और उन सिंह-सदृश राजाओं ने एक साथ उनका गम्भीर अर्थ वाला और महान् कल्याण करने वाला वचन सुना।

श्लोक 10 (5.1.10)

सर्वैर्भवद्भिर्विदितं यथाऽयं । युधिष्ठिरः सौबलेनाक्षवत्याम् । जितो निकृत्याऽपहृतं च राज्यं । वनप्रवासे समयः कृतश्च ॥

sarvairbhavadbhirviditaṃ yathā'yaṃ | yudhiṣṭhiraḥ saubalenākṣavatyām | jito nikṛtyā'pahṛtaṃ ca rājyaṃ | vanapravāse samayaḥ kṛtaśca

"आप सब जानते हैं कि किस प्रकार सुबलपुत्र शकुनि ने छल से इन युधिष्ठिर को जुए में जीत लिया, इनका राज्य छीन लिया गया और वनवास की शर्त ठहराई गई।

श्लोक 11 (5.1.11)

शक्तैर्विजेतुं तरसा महीं च । सत्ये स्थितैः सत्यरथैर्यथावत् । पाण्डोः सुतैस्तद्व्रतमुग्ररूपं । वर्षाणि षट् सप्त च चीर्णमग्र्यैः ॥

śaktairvijetuṃ tarasā mahīṃ ca | satye sthitaiḥ satyarathairyathāvat | pāṇḍoḥ sutaistadvratamugrarūpaṃ | varṣāṇi ṣaṭ sapta ca cīrṇamagryaiḥ

पाण्डु के पुत्र बलपूर्वक पृथ्वी को जीतने में समर्थ थे, फिर भी वे सत्य पर अडिग रहे — सत्य ही उनका रथ है — और इन श्रेष्ठ वीरों ने छह और सात वर्षों तक वह कठोर व्रत यथावत् निभाया।

श्लोक 12 (5.1.12)

त्रयोदशश्चैव सुदुस्तरोऽय- । मज्ञायमानैर्भवतां समीपे । क्लेशानसह्यांश्च तितिक्षमाणै- । र्यथोषितं तद्विदितं च सर्वम् । एतैः परप्रेष्यनियोगयुक्तै- । रिच्छद्भिराप्तं स्वकुलेन राज्यम् ॥

trayodaśaścaiva sudustaro'ya- | majñāyamānairbhavatāṃ samīpe | kleśānasahyāṃśca titikṣamāṇai- | ryathoṣitaṃ tadviditaṃ ca sarvam | etaiḥ parapreṣyaniyogayuktai- | ricchadbhirāptaṃ svakulena rājyam

और तेरहवाँ वर्ष, जो सबसे कठिनाई से पार होने वाला था, इन्होंने आपके ही बीच अज्ञात रहकर असह्य कष्ट सहते हुए बिताया — ये कैसे रहे, यह सब आप जानते हैं। दूसरों के सेवक बनकर उनकी आज्ञा पालते हुए भी ये अपने कुल से प्राप्त राज्य की ही कामना करते रहे।

श्लोक 13 (5.1.13)

एवं गते धर्मसुतस्य राज्ञो । दुर्योधनस्यापि च यद्धितं स्यात् । तच्चिन्तयध्वं कुरुपाण्डवानां । धर्म्यं च युक्तं च यशस्करं च ॥

evaṃ gate dharmasutasya rājño | duryodhanasyāpi ca yaddhitaṃ syāt | taccintayadhvaṃ kurupāṇḍavānāṃ | dharmyaṃ ca yuktaṃ ca yaśaskaraṃ ca

ऐसी स्थिति में आप लोग विचार करें कि धर्मपुत्र राजा युधिष्ठिर का और दुर्योधन का भी हित किसमें है — कौरवों और पाण्डवों के लिए जो धर्मसंगत, उचित और यश देने वाला हो।

श्लोक 14 (5.1.14)

अधर्मयुक्तं न च कामयेत । राज्यं सुराणामपि धर्मराजः । धर्मार्थयुक्तं तु महीपतित्वं । ग्रामेऽपि कस्मिंश्चिदयं बुभूषेत् ॥

adharmayuktaṃ na ca kāmayeta | rājyaṃ surāṇāmapi dharmarājaḥ | dharmārthayuktaṃ tu mahīpatitvaṃ | grāme'pi kasmiṃścidayaṃ bubhūṣet

धर्मराज अधर्म से मिलने वाला देवताओं का राज्य भी नहीं चाहेंगे; परन्तु धर्म और अर्थ से युक्त स्वामित्व वे किसी एक गाँव का भी स्वीकार करना चाहेंगे।

श्लोक 15 (5.1.15)

पित्र्यं हि राज्यं विदितं नृपाणां । यथाऽपकृष्टं धृतराष्ट्रपुत्रैः । मिथ्योपचारेण यथा ह्यनेन । कृच्छ्रं महत्प्राप्तमसह्यरूपम् ॥

pitryaṃ hi rājyaṃ viditaṃ nṛpāṇāṃ | yathā'pakṛṣṭaṃ dhṛtarāṣṭraputraiḥ | mithyopacāreṇa yathā hyanena | kṛcchraṃ mahatprāptamasahyarūpam

सब राजा जानते हैं कि धृतराष्ट्र के पुत्रों ने किस प्रकार इनका पैतृक राज्य छीन लिया, और उनके कपटपूर्ण व्यवहार के कारण इन्हें कितना बड़ा और असह्य कष्ट भोगना पड़ा।

श्लोक 16 (5.1.16)

न चापि पार्थो विजितो रणे तैः । स्वतेजसा धृतराष्ट्रस्य पुत्रैः । तथाऽपि राजा सहितः सुहृद्भि- । रभीप्सतेऽनामयमेव तेषाम् ॥

na cāpi pārtho vijito raṇe taiḥ | svatejasā dhṛtarāṣṭrasya putraiḥ | tathā'pi rājā sahitaḥ suhṛdbhi- | rabhīpsate'nāmayameva teṣām

धृतराष्ट्र के पुत्रों ने अपने पराक्रम से युद्ध में पार्थ को नहीं जीता था; फिर भी राजा युधिष्ठिर अपने सुहृदों सहित उनका कुशल ही चाहते हैं।

श्लोक 17 (5.1.17)

यत्तु स्वयं पाण्डुसुतैर्विजित्य । समाहृतं भूमिपतीन्प्रपीड्य । तत्प्रार्थयन्ते पुरुषप्रवीराः । कुन्तीसुता माद्रवतीसुतौ च ॥

yattu svayaṃ pāṇḍusutairvijitya | samāhṛtaṃ bhūmipatīnprapīḍya | tatprārthayante puruṣapravīrāḥ | kuntīsutā mādravatīsutau ca

पाण्डुपुत्रों ने स्वयं राजाओं को परास्त करके और दबाकर जो कुछ अर्जित किया था, वही ये वीर — कुन्ती के पुत्र और माद्री के दोनों पुत्र — माँग रहे हैं।

श्लोक 18 (5.1.18)

बलाभियुक्तैर्विविधैरुपायैः । संप्रार्थिता हन्तुममित्रसङ्घैः । राज्यं जिहीर्षद्भिरसद्भिरुग्रैः । सर्वं च तद्वो विदितं यथावत् ॥

balābhiyuktairvividhairupāyaiḥ | saṃprārthitā hantumamitrasaṅghaiḥ | rājyaṃ jihīrṣadbhirasadbhirugraiḥ | sarvaṃ ca tadvo viditaṃ yathāvat

बल का सहारा लेने वाले शत्रुओं के समूहों ने अनेक उपायों से इन्हें मार डालने का प्रयत्न किया — वे दुष्ट और क्रूर लोग राज्य हड़पना चाहते थे। यह सब आप भली-भाँति जानते हैं।

श्लोक 19 (5.1.19)

तेषां च लोभं प्रसमीक्ष्य वृद्धं । धर्मज्ञतां चापि युधिष्ठिरस्य । संबन्धितां चापि समीक्ष्य तेषां । मतिं कुरुध्वं सहिताः पृथक् च ॥

teṣāṃ ca lobhaṃ prasamīkṣya vṛddhaṃ | dharmajñatāṃ cāpi yudhiṣṭhirasya | saṃbandhitāṃ cāpi samīkṣya teṣāṃ | matiṃ kurudhvaṃ sahitāḥ pṛthak ca

उनके बढ़ते हुए लोभ को, युधिष्ठिर की धर्मज्ञता को और उनके आपसी सम्बन्ध को भी देखकर आप सब मिलकर और अलग-अलग भी अपना निश्चय करें।

श्लोक 20 (5.1.20)

इमे च सत्येऽभिरताः सदैव । तं पालयित्वा समयं यथावत् । अतोऽन्यथा तैरुपचर्यमाणा । हन्युः समेतान्धृतराष्ट्रपुत्रान् ॥

ime ca satye'bhiratāḥ sadaiva | taṃ pālayitvā samayaṃ yathāvat | ato'nyathā tairupacaryamāṇā | hanyuḥ sametāndhṛtarāṣṭraputrān

ये सदा सत्य में रत रहे हैं और इन्होंने वह शर्त ठीक-ठीक निभाई है। यदि अब इनके साथ इसके विपरीत व्यवहार हुआ, तो ये एकत्र हुए धृतराष्ट्रपुत्रों को मार डालेंगे।

श्लोक 21 (5.1.21)

तैर्विप्रकारं च निशम्य कार्ये । सुहृज्जनास्तान्परिवारयेयुः । युद्धेन बाधेयुरिमांस्तथैवं । तैर्बाध्यमाना युधि तांश्च हन्युः ॥

tairviprakāraṃ ca niśamya kārye | suhṛjjanāstānparivārayeyuḥ | yuddhena bādheyurimāṃstathaivaṃ | tairbādhyamānā yudhi tāṃśca hanyuḥ

इस विषय में इनके साथ हुए अन्याय को सुनकर इनके सुहृद् इनके चारों ओर आ जुटेंगे; और यदि वे युद्ध से इन्हें सताएँगे, तो उनके सताए हुए ये युद्ध में उन्हें भी मार डालेंगे।

श्लोक 22 (5.1.22)

तथाऽपि नेमेऽल्पतया समर्था- । स्तेषां जयायेति भवेन्मतिर्वः । समेत्य सर्वे सहिताः सुहृद्भि- । स्तेषां विनाशाय यतेयुरेव ॥

tathā'pi neme'lpatayā samarthā- | steṣāṃ jayāyeti bhavenmatirvaḥ | sametya sarve sahitāḥ suhṛdbhi- | steṣāṃ vināśāya yateyureva

और यदि आपका यह विचार हो कि संख्या में थोड़े होने के कारण ये उन पर विजय पाने में समर्थ नहीं हैं, तो भी ये सब अपने सुहृदों के साथ मिलकर उनके विनाश का ही प्रयत्न करेंगे।

श्लोक 23 (5.1.23)

दुर्योधनस्यापि मतं यथाव- । न्न ज्ञायते किं नु करिष्यतीति । अज्ञायमाने च मते परस्य । मन्त्रस्य पारं कथमभ्युपेमः ॥

duryodhanasyāpi mataṃ yathāva- | nna jñāyate kiṃ nu kariṣyatīti | ajñāyamāne ca mate parasya | mantrasya pāraṃ kathamabhyupemaḥ

दुर्योधन का विचार भी ठीक-ठीक ज्ञात नहीं है कि वह क्या करेगा। और जब तक विपक्ष का मत ज्ञात न हो, तब तक हम अपनी मन्त्रणा को किसी निष्कर्ष तक कैसे पहुँचाएँ?

श्लोक 24 (5.1.24)

तस्मादितो गच्छतु धर्मशीलः । शुचिः कुलीनः पुरुषोऽप्रमत्तः । दूतः समर्थः प्रशमाय तेषां । राज्यार्धदानाय युधिष्ठिरस्य ॥

tasmādito gacchatu dharmaśīlaḥ | śuciḥ kulīnaḥ puruṣo'pramattaḥ | dūtaḥ samarthaḥ praśamāya teṣāṃ | rājyārdhadānāya yudhiṣṭhirasya

इसलिए यहाँ से कोई धर्मशील, पवित्र, कुलीन और सावधान पुरुष दूत बनकर जाए, जो उनसे सन्धि कराने और युधिष्ठिर को आधा राज्य दिलाने में समर्थ हो।"

श्लोक 25 (5.1.25)

निशम्य वाक्यं तु जनार्दनस्य । धर्मार्थयुक्तं मधुरं समं च । समाददे वाक्यमथाग्रजोऽस्य । संपूज्य वाक्यं तदतीव राजन् ॥

niśamya vākyaṃ tu janārdanasya | dharmārthayuktaṃ madhuraṃ samaṃ ca | samādade vākyamathāgrajo'sya | saṃpūjya vākyaṃ tadatīva rājan

हे राजन्, जनार्दन के धर्म और अर्थ से युक्त, मधुर और निष्पक्ष वचन सुनकर उनके बड़े भाई बलराम ने उस कथन की भरपूर प्रशंसा की और फिर बोलना आरम्भ किया।