ययाति द्वारा पुत्री माधवी का दान

श्लोक 1 (5.115.1)

एवमुक्तः सुपर्णेन तथ्यं वचनमुत्तमम् । विमृश्यावहितो राजा निश्चित्य च पुनः पुनः ॥

evamuktaḥ suparṇena tathyaṃ vacanamuttamam | vimṛśyāvahito rājā niścitya ca punaḥ punaḥ

सुपर्ण के इन सत्य और उत्तम वचनों को सुनकर राजा ने ध्यानपूर्वक विचार किया और बार-बार मन में निश्चय किया।

श्लोक 2 (5.115.2)

यष्टा क्रतुसहस्राणां दाता दानपतिः प्रभुः । ययातिः सर्वकाशीश इदं वचनमब्रवीत् ॥

yaṣṭā kratusahasrāṇāṃ dātā dānapatiḥ prabhuḥ | yayātiḥ sarvakāśīśa idaṃ vacanamabravīt

तब सहस्रों यज्ञ करने वाले, दानी, दानियों में श्रेष्ठ, समर्थ, समस्त काशी के अधिपति ययाति ने यह वचन कहा।

श्लोक 3 (5.115.3)

दृष्ट्वा प्रियसखं तार्क्ष्यं गालवं च द्विजर्षभम् । निदर्शनं च तपसो भिक्षां श्लाघ्यां च कीर्तिताम् ॥

dṛṣṭvā priyasakhaṃ tārkṣyaṃ gālavaṃ ca dvijarṣabham | nidarśanaṃ ca tapaso bhikṣāṃ ślāghyāṃ ca kīrtitām

अपने प्रिय सखा तार्क्ष्य को और तप के जीवन्त उदाहरण, श्रेष्ठ ब्राह्मण गालव को देखकर, और इस प्रशंसनीय भिक्षा की बात सुनकर;

श्लोक 4 (5.115.4)

अतीत्य च नृपानन्यानादित्यकुलसंभवान् । मत्सकाशमनुप्राप्तावेतां बुद्धिमवेक्ष्य च ॥

atītya ca nṛpānanyānādityakulasaṃbhavān | matsakāśamanuprāptāvetāṃ buddhimavekṣya ca

और यह देखकर कि इस विचार से तुम दोनों सूर्यवंश में जन्मे अन्य राजाओं को छोड़कर मेरे पास आए हो —

श्लोक 5 (5.115.5)

अद्य मे सफलं जन्म तारितं चाद्य मे कुलम् । अद्यायं तारितो देशो मम तार्क्ष्य त्वयाऽनघ ॥

adya me saphalaṃ janma tāritaṃ cādya me kulam | adyāyaṃ tārito deśo mama tārkṣya tvayā'nagha

आज मेरा जन्म सफल हो गया, आज मेरे कुल का उद्धार हो गया; हे निष्पाप तार्क्ष्य, आज तुमने मेरे इस देश का भी उद्धार कर दिया।

श्लोक 6 (5.115.6)

वक्तुमिच्छामि तु सखे यथा जानासि मां पुरा । न तथा वित्तवानस्मि क्षीणं वित्तं च मे सखे ॥

vaktumicchāmi tu sakhe yathā jānāsi māṃ purā | na tathā vittavānasmi kṣīṇaṃ vittaṃ ca me sakhe

किन्तु सखा, मुझे यह कहना है कि जैसा तुम मुझे पहले जानते थे, अब मैं वैसा धनवान नहीं हूँ; सखा, मेरा धन क्षीण हो चुका है।

श्लोक 7 (5.115.7)

न च शक्तोऽस्मि ते कर्तुं मोघमागमनं खग । न चाशामस्य विप्रर्षेर्वितथीकर्तुमुत्सहे ॥

na ca śakto'smi te kartuṃ moghamāgamanaṃ khaga | na cāśāmasya viprarṣervitathīkartumutsahe

फिर भी, हे पक्षी, मैं तुम्हारा आना व्यर्थ नहीं होने दे सकता, और न ही इस ब्रह्मर्षि की आशा को निष्फल करने का साहस कर सकता हूँ।

श्लोक 8 (5.115.8)

पुत्रीं दास्यामि यत्कार्यमियं संपादयिष्यति । अभिगम्य हताशो हि निवृत्तो दहते कुलम् ॥

putrīṃ dāsyāmi yatkāryamiyaṃ saṃpādayiṣyati | abhigamya hatāśo hi nivṛtto dahate kulam

मैं अपनी पुत्री दूँगा; वह यह कार्य सिद्ध कर देगी। क्योंकि जो आशा लेकर आता है और निराश होकर लौटता है, वह (लौटाने वाले के) कुल को जला डालता है।

श्लोक 9 (5.115.9)

नातः परं वैनतेय किंचित्पापिष्ठमुच्यते । यथाशानाशनं लोके देहि नास्तीति वा वचः ॥

nātaḥ paraṃ vainateya kiṃcitpāpiṣṭhamucyate | yathāśānāśanaṃ loke dehi nāstīti vā vacaḥ

हे विनतानन्दन, संसार में किसी की आशा तोड़ देने से, या माँगने वाले से "कुछ नहीं है" कह देने से बढ़कर कोई पाप नहीं कहा गया।

श्लोक 10 (5.115.10)

हताशो ह्यकृतार्थः सन्हतः संभावितो नरः । हिनस्ति तस्य पुत्रांश्च पौत्रांश्चाकुर्वतो हितम् ॥

hatāśo hyakṛtārthaḥ sanhataḥ saṃbhāvito naraḥ | hinasti tasya putrāṃśca pautrāṃścākurvato hitam

जिस सम्मानित पुरुष की आशा टूट जाए और प्रयोजन पूरा न हो, वह मानो मारा ही जाता है; और वह उस व्यक्ति के पुत्रों और पौत्रों का नाश कर देता है जिसने उसका भला नहीं किया।

श्लोक 11 (5.115.11)

तस्माच्चतुर्णां वंशानां स्थापयित्री सुता मम । माधवी नाम तार्क्ष्येयं सर्वधर्मप्रदायिनी ॥

tasmāccaturṇāṃ vaṃśānāṃ sthāpayitrī sutā mama | mādhavī nāma tārkṣyeyaṃ sarvadharmapradāyinī

इसलिए, हे तार्क्ष्य, यह मेरी पुत्री है, जो चार वंशों की स्थापना करेगी। इसका नाम माधवी है और यह सब प्रकार का धर्म प्रदान करने वाली है।

श्लोक 12 (5.115.12)

इयं सुरसुतप्रख्या सर्वधर्मोपचायिनी । सदा देवमनुष्याणामसुराणां च गालव । काङ्क्षिता रूपतो बाला सुता मे प्रतिगृह्यताम् ॥

iyaṃ surasutaprakhyā sarvadharmopacāyinī | sadā devamanuṣyāṇāmasurāṇāṃ ca gālava | kāṅkṣitā rūpato bālā sutā me pratigṛhyatām

यह देवकन्या के समान सुन्दर है और सब धर्मों की वृद्धि करने वाली है। हे गालव, देवता, मनुष्य और असुर — सभी इस कन्या को इसके रूप के कारण सदा चाहते रहे हैं। मेरी इस पुत्री को ग्रहण करो।

श्लोक 13 (5.115.13)

अस्याः शुल्कं प्रदास्यन्ति नृपा राज्यमपि ध्रुवम् । किं पुनः श्यामकर्णानां हयानां द्वे चतुःशते ॥

asyāḥ śulkaṃ pradāsyanti nṛpā rājyamapi dhruvam | kiṃ punaḥ śyāmakarṇānāṃ hayānāṃ dve catuḥśate

राजा लोग इसके शुल्क के रूप में निश्चय ही राज्य तक दे देंगे — फिर चार-चार सौ के दो समूहों, अर्थात् आठ सौ श्यामकर्ण घोड़ों की तो बात ही क्या!

श्लोक 14 (5.115.14)

स भवान्प्रतिगृह्णातु ममैतां माधवीं सुताम् । अहं दौहित्रवान्त्स्यां वै वर एष मम प्रभो ॥

sa bhavānpratigṛhṇātu mamaitāṃ mādhavīṃ sutām | ahaṃ dauhitravāntsyāṃ vai vara eṣa mama prabho

इसलिए आप मेरी इस पुत्री माधवी को स्वीकार करें। मुझे इससे दौहित्र प्राप्त हों — हे प्रभो, यही मेरा वर है।

श्लोक 15 (5.115.15)

स तस्य वचनं श्रुत्वा ब्राह्मणः शंसितव्रतः । प्रतिगृह्य च तां कन्यां गालवः सह पक्षिणा । पुनर्द्रक्ष्याव इत्युक्त्वा प्रतस्थे सह कन्यया ॥

sa tasya vacanaṃ śrutvā brāhmaṇaḥ śaṃsitavrataḥ | pratigṛhya ca tāṃ kanyāṃ gālavaḥ saha pakṣiṇā | punardrakṣyāva ityuktvā pratasthe saha kanyayā

उनकी बात सुनकर प्रशंसनीय व्रत वाले ब्राह्मण गालव ने पक्षी के साथ उस कन्या को ग्रहण किया, और "हम फिर मिलेंगे" कहकर कन्या के साथ चल पड़े।

श्लोक 16 (5.115.16)

उपलब्धमिदं द्वारमश्वानामिति चाण्डजः । उक्त्वा गालवमापृच्छ्य जगाम भवनं स्वकम् ॥

upalabdhamidaṃ dvāramaśvānāmiti cāṇḍajaḥ | uktvā gālavamāpṛcchya jagāma bhavanaṃ svakam

"घोड़ों की प्राप्ति का यह द्वार मिल गया" — ऐसा कहकर और गालव से विदा लेकर वह अण्डज पक्षी अपने निवास को चला गया।

श्लोक 17 (5.115.17)

गते पतगराजे तु गालवः सह कन्यया । चिन्तयानः क्षमंदाने राजानं शुल्कतोऽगमत् ॥

gate patagarāje tu gālavaḥ saha kanyayā | cintayānaḥ kṣamaṃdāne rājānaṃ śulkato'gamat

पक्षिराज के चले जाने पर गालव उस कन्या के साथ यह सोचते हुए कि कौन राजा देने में समर्थ है, शुल्क के लिए राजा के पास चले।

श्लोक 18 (5.115.18)

सोऽगच्छन्मनसेक्ष्वाकुं हर्यश्वं राजसत्तमम् । अयोध्यायां महावीर्यं चतुरङ्गबलान्वितम् ॥

so'gacchanmanasekṣvākuṃ haryaśvaṃ rājasattamam | ayodhyāyāṃ mahāvīryaṃ caturaṅgabalānvitam

उनका मन अयोध्या के इक्ष्वाकुवंशी राजश्रेष्ठ हर्यश्व की ओर गया, जो महापराक्रमी और चतुरंगिणी सेना से युक्त थे,

श्लोक 19 (5.115.19)

कोशधान्यबलोपेतं प्रियपौरं द्विजप्रियम् । प्रजाभिकामं शाम्यन्तं कुर्वाणं तप उत्तमम् ॥

kośadhānyabalopetaṃ priyapauraṃ dvijapriyam | prajābhikāmaṃ śāmyantaṃ kurvāṇaṃ tapa uttamam

जो कोष, धान्य और सेना से सम्पन्न थे, पुरवासियों के प्रिय और ब्राह्मणों के प्रेमी थे, सन्तान की कामना रखते थे, शान्त थे और उत्तम तप कर रहे थे।

श्लोक 20 (5.115.20)

तमुपागम्य विप्रः स हर्यश्वं गालवोऽब्रवीत् । कन्येयं मम राजेन्द्र प्रसवैः कुलवर्धिनी ॥

tamupāgamya vipraḥ sa haryaśvaṃ gālavo'bravīt | kanyeyaṃ mama rājendra prasavaiḥ kulavardhinī

हर्यश्व के पास पहुँचकर ब्राह्मण गालव ने कहा — "हे राजेन्द्र, यह मेरी कन्या अपनी सन्तानों से कुल की वृद्धि करने वाली है।"

श्लोक 21 (5.115.21)

इयं शुल्केन भार्यार्थं हर्यश्व प्रतिगृह्यताम् । शुल्कं ते कीर्तयिष्यामि तच्छ्रुत्वा संप्रधार्यताम् ॥

iyaṃ śulkena bhāryārthaṃ haryaśva pratigṛhyatām | śulkaṃ te kīrtayiṣyāmi tacchrutvā saṃpradhāryatām

हे हर्यश्व, शुल्क देकर इसे पत्नी रूप में ग्रहण करें। मैं आपको शुल्क बताता हूँ; उसे सुनकर निर्णय कीजिए।