श्रीमद्भागवत की महिमा

श्लोक 1 (bhagavata.12.13.1)

सूत उवाच यं ब्रह्मा वरुणेन्द्ररुद्रमरुतः स्तुन्वन्ति दिव्यैः स्तवै- र्वेदैः साङ्गपदक्रमोपनिषदैर्गायन्ति यं सामगाः । ध्यानावस्थिततद्गतेन मनसा पश्यन्ति यं योगिनो यस्यान्तं न विदुः सुरासुरगणा देवाय तस्मै नमः ॥ १ ॥

sūta uvāca yaṁ brahmā varuṇendra-rudra-marutaḥ stunvanti divyaiḥ stavair vedaiḥ sāṅga-pada-kramopaniṣadair gāyanti yaṁ sāma-gāḥ dhyānāvasthita-tad-gatena manasā paśyanti yaṁ yogino yasyāntaṁ na viduḥ surāsura-gaṇā devāya tasmai namaḥ

सूत जी ने कहा — जिनकी ब्रह्मा, वरुण, इन्द्र, रुद्र तथा मरुद्गण दिव्य स्तुतियों से स्तवन करते हैं, जिन्हें वेदों के अंगों, पद, क्रम तथा उपनिषदों सहित वैदिक ऋषि गाते हैं, जिन्हें सामगायक गाते हैं, जिन्हें योगीजन ध्यानस्थ मन से, उन्हीं में लीन होकर, देखते हैं, तथा जिनका अन्त देव और असुर दोनों ही नहीं जान पाते — उन भगवान को नमस्कार है।

श्लोक 2 (bhagavata.12.13.2)

पृष्ठे भ्राम्यदमन्दमन्दरगिरिग्रावाग्रकण्डूयना- न्निद्रालोः कमठाकृतेर्भगवतः श्वासानिलाः पान्तु वः । यत्संस्कारकलानुवर्तनवशाद् वेलानिभेनाम्भसां यातायातमतन्द्रितं जलनिधेर्नाद्यापि विश्राम्यति ॥ २ ॥

pṛṣṭhe bhrāmyad amanda-mandara-giri-grāvāgra-kaṇḍūyanān nidrāloḥ kamaṭhākṛter bhagavataḥ śvāsānilāḥ pāntu vaḥ yat-saṁskāra-kalānuvartana-vaśād velā-nibhenāmbhasāṁ yātāyātam atandritaṁ jala-nidher nādyāpi viśrāmyati

मन्दराचल के विशाल शिलाखण्डों के अग्रभाग से पीठ की खुजली से तन्द्रालु हुए कच्छपरूप भगवान की श्वास-वायु तुम सबकी रक्षा करे; उन्हीं के उस संस्कार के अनुसरण से समुद्र की ज्वार-भाटा रूपी जलों का आना-जाना आज भी बिना विश्राम के चलता रहता है।

श्लोक 3 (bhagavata.12.13.3)

पुराणसङ्ख्यासम्भूतिमस्य वाच्यप्रयोजने । दानं दानस्य माहात्म्यं पाठादेश्च निबोधत ॥ ३ ॥

purāṇa-saṅkhyā-sambhūtim asya vācya-prayojane dānaṁ dānasya māhātmyaṁ pāṭhādeś ca nibodhata

अब पुराणों की श्लोक-संख्या को, इस पुराण के वाच्य विषय और प्रयोजन को, इसके दान की विधि, दान की महिमा, तथा पाठ आदि के फल को समझो।

श्लोक 4 (bhagavata.12.13.4)

ब्राह्मं दशसहस्राणि पाद्मं पञ्चोनषष्टि च । श्रीवैष्णवं त्रयोविंशच्चतुर्विंशति शैवकम् ॥ ४ ॥

brāhmaṁ daśa sahasrāṇi pādmaṁ pañcona-ṣaṣṭi ca śrī-vaiṣṇavaṁ trayo-viṁśac catur-viṁśati śaivakam

ब्रह्म पुराण दस सहस्र श्लोकों का है, पद्म पचपन सहस्र का, विष्णु पुराण तेईस सहस्र का, तथा शिव पुराण चौबीस सहस्र श्लोकों का है।

श्लोक 5 (bhagavata.12.13.5)

दशाष्टौ श्रीभागवतं नारदं पञ्चविंशति । मार्कण्डं नव वाह्नं च दशपञ्च चतुःशतम् ॥ ५ ॥

daśāṣṭau śrī-bhāgavataṁ nāradaṁ pañca-viṁśati mārkaṇḍaṁ nava vāhnaṁ ca daśa-pañca catuḥ-śatam

श्रीभागवत अठारह सहस्र का, नारद पुराण पच्चीस सहस्र का, मार्कण्डेय नौ सहस्र का, तथा अग्नि पुराण पन्द्रह सहस्र चार सौ श्लोकों का है।

श्लोक 6 (bhagavata.12.13.6)

चतुर्दश भविष्यं स्यात्तथा पञ्चशतानि च । दशाष्टौ ब्रह्मवैवर्तं लैङ्गमेकादशैव तु ॥ ६ ॥

catur-daśa bhaviṣyaṁ syāt tathā pañca-śatāni ca daśāṣṭau brahma-vaivartaṁ laiṅgam ekādaśaiva tu

भविष्य पुराण चौदह सहस्र पाँच सौ का, ब्रह्मवैवर्त अठारह सहस्र का, तथा लिंग पुराण ग्यारह सहस्र श्लोकों का है।

श्लोक 7 (bhagavata.12.13.7)

चतुर्विंशति वाराहमेकाशीतिसहस्रकम् । स्कान्दं शतं तथा चैकं वामनं दश कीर्तितम् ॥ ७ ॥

catur-viṁśati vārāham ekāśīti-sahasrakam skāndaṁ śataṁ tathā caikaṁ vāmanaṁ daśa kīrtitam

वराह पुराण चौबीस सहस्र का, स्कन्द पुराण इक्यासी सहस्र एक सौ का, तथा वामन पुराण दस सहस्र श्लोकों का कहा गया है।

श्लोक 8 (bhagavata.12.13.8)

कौर्मं सप्तदशाख्यातं मात्स्यं तत्तु चतुर्दश । एकोनविंशत्सौपर्णं ब्रह्माण्डं द्वादशैव तु ॥ ८ ॥

kaurmaṁ sapta-daśākhyātaṁ mātsyaṁ tat tu catur-daśa ekona-viṁśat sauparṇaṁ brahmāṇḍaṁ dvādaśaiva tu

कूर्म पुराण सत्रह सहस्र का कहा गया है, मत्स्य पुराण चौदह सहस्र का, गरुड़ (सौपर्ण) पुराण उन्नीस सहस्र का, तथा ब्रह्माण्ड पुराण बारह सहस्र श्लोकों का है।

श्लोक 9 (bhagavata.12.13.9)

एवं पुराणसन्दोहश्चतुर्लक्ष उदाहृतः । तत्राष्टदशसाहस्रं श्रीभागवतमिष्यते ॥ ९ ॥

evaṁ purāṇa-sandohaś catur-lakṣa udāhṛtaḥ tatrāṣṭadaśa-sāhasraṁ śrī-bhāgavatam iṣyate

इस प्रकार समस्त पुराणों की संख्या चार लाख श्लोक कही गई है; इनमें अठारह सहस्र श्लोकों वाला श्रीभागवत सर्वश्रेष्ठ माना जाता है।

श्लोक 10 (bhagavata.12.13.10)

इदं भगवता पूर्वं ब्रह्मणे नाभिपङ्कजे । स्थिताय भवभीताय कारुण्यात् सम्प्रकाशितम् ॥ १० ॥

idaṁ bhagavatā pūrvaṁ brahmaṇe nābhi-paṅkaje sthitāya bhava-bhītāya kāruṇyāt samprakāśitam

इस भागवत को भगवान ने सर्वप्रथम अपनी नाभि-कमल पर स्थित, संसार से भयभीत ब्रह्मा को कृपापूर्वक प्रकट किया था।

श्लोक 11 (bhagavata.12.13.11)

आदिमध्यावसानेषु वैराग्याख्यानसंयुतम् । हरिलीलाकथाव्रातामृतानन्दितसत्सुरम् ॥ ११ ॥

ādi-madhyāvasāneṣu vairāgyākhyāna-saṁyutam hari-līlā-kathā-vrātā- mṛtānandita-sat-suram

आदि, मध्य और अन्त में वैराग्य को प्रेरित करने वाले आख्यानों से युक्त, तथा हरि-लीला की कथाओं के अमृत-समूह से साधुजनों और देवताओं को आनन्दित करने वाला —

श्लोक 12 (bhagavata.12.13.12)

सर्ववेदान्तसारं यद ब्रह्मात्मैकत्वलक्षणम् । वस्त्वद्वितीयं तन्निष्ठं कैवल्यैकप्रयोजनम् ॥ १२ ॥

sarva-vedānta-sāraṁ yad brahmātmaikatva-lakṣaṇam vastv advitīyaṁ tan-niṣṭhaṁ kaivalyaika-prayojanam

यह समस्त वेदान्त का सार है, जिसका लक्षण ब्रह्म और आत्मा की एकता है, जो उस अद्वितीय वस्तु में ही निष्ठ है, तथा जिसका एकमात्र प्रयोजन कैवल्य (मोक्ष) है।

श्लोक 13 (bhagavata.12.13.13)

प्रौष्ठपद्यां पौर्णमास्यां हेमसिंहसमन्वितम् । ददाति यो भागवतं स याति परमां गतिम् ॥ १३ ॥

prauṣṭhapadyāṁ paurṇamāsyāṁ hema-siṁha-samanvitam dadāti yo bhāgavataṁ sa yāti paramāṁ gatim

जो कोई भाद्रपद मास की पूर्णिमा को सुवर्ण-सिंहासन सहित भागवत का दान करता है, वह परम गति को प्राप्त होता है।

श्लोक 14 (bhagavata.12.13.14)

राजन्ते तावदन्यानि पुराणानि सतां गणे । यावद्भागवतं नैव श्रूयतेऽमृतसागरम् ॥ १४ ॥

rājante tāvad anyāni purāṇāni satāṁ gaṇe yāvad bhāgavataṁ naiva śrūyate ’mṛta-sāgaram

सन्तों की सभा में अन्य पुराण तभी तक शोभा पाते हैं, जब तक अमृत-सागर रूप भागवत का श्रवण नहीं होता।

श्लोक 15 (bhagavata.12.13.15)

सर्ववेदान्तसारं हि श्रीभागवतमिष्यते । तद्रसामृततृप्तस्य नान्यत्र स्याद्रतिः क्वचित् ॥ १५ ॥

sarva-vedānta-sāraṁ hi śrī-bhāgavatam iṣyate tad-rasāmṛta-tṛptasya nānyatra syād ratiḥ kvacit

श्रीभागवत को समस्त वेदान्त का सार माना गया है; इसके रस-रूपी अमृत से तृप्त हुए व्यक्ति की रुचि अन्यत्र कहीं भी नहीं होती।

श्लोक 16 (bhagavata.12.13.16)

निम्नगानां यथा गङ्गा देवानामच्युतो यथा । वैष्णवानां यथा शम्भुः पुराणानामिदं तथा ॥ १६ ॥

nimna-gānāṁ yathā gaṅgā devānām acyuto yathā vaiṣṇavānāṁ yathā śambhuḥ purāṇānām idam tathā

जैसे नदियों में गंगा, देवताओं में अच्युत, तथा वैष्णवों में शम्भु श्रेष्ठ हैं, वैसे ही पुराणों में यह भागवत श्रेष्ठ है।

श्लोक 17 (bhagavata.12.13.17)

क्षेत्राणां चैव सर्वेषां यथा काशी ह्यनुत्तमा । तथा पुराणव्रातानां श्रीमद्भागवतं द्विजाः ॥ १७ ॥

kṣetrāṇāṁ caiva sarveṣāṁ yathā kāśī hy anuttamā tathā purāṇa-vrātānāṁ śrīmad-bhāgavataṁ dvijāḥ

और जैसे समस्त तीर्थों में काशी अनुपम है, वैसे ही हे द्विजो, समस्त पुराणों के समूह में श्रीमद्भागवत अनुपम है।

श्लोक 18 (bhagavata.12.13.18)

श्रीमद्भागवतं पुराणममलं यद्वैष्णवानां प्रियं यस्मिन् पारमहंस्यमेकममलं ज्ञानं परं गीयते । तत्र ज्ञानविरागभक्तिसहितं नैष्कर्म्यमाविष्कृतं तच्छृण्वन् सुपठन् विचारणपरो भक्त्या विमुच्येन्नरः ॥ १८ ॥

śrīmad-bhāgavataṁ purāṇam amalaṁ yad vaiṣṇavānāṁ priyaṁ yasmin pāramahaṁsyam ekam amalaṁ jñānaṁ paraṁ gīyate tatra jñāna-virāga-bhakti-sahitaṁ naiṣkarmyam āviskṛtaṁ tac chṛṇvan su-paṭhan vicāraṇa-paro bhaktyā vimucyen naraḥ

श्रीमद्भागवत निर्मल पुराण है, जो वैष्णवों को प्रिय है, जिसमें परमहंसों का एकमात्र, निर्मल, परम ज्ञान गाया गया है; इसमें ज्ञान, वैराग्य और भक्ति सहित नैष्कर्म्य प्रकट किया गया है — इसे सुनते हुए, भलीभाँति पढ़ते हुए, विचारपूर्वक तथा भक्तिपूर्वक मनुष्य मुक्त हो जाता है।

श्लोक 19 (bhagavata.12.13.19)

कस्मै येन विभासितोऽयमतुलो ज्ञानप्रदीपः पुरा तद्रूपेण च नारदाय मुनये कृष्णाय तद्रूपिणा । योगीन्द्राय तदात्मनाथ भगवद्राताय कारुण्यत- स्तच्छुद्धं विमलं विशोकममृतं सत्यं परं धीमहि ॥ १९ ॥

kasmai yena vibhāsito ’yam atulo jñāna-pradīpaḥ purā tad-rūpeṇa ca nāradāya munaye kṛṣṇāya tad-rūpiṇā yogīndrāya tad-ātmanātha bhagavad-rātāya kāruṇyatas tac chuddhaṁ vimalaṁ viśokam amṛtaṁ satyaṁ paraṁ dhīmahi

जिन्होंने इस अनुपम ज्ञान-दीपक को पहले ब्रह्मा को प्रकट किया, फिर उसी रूप में नारद मुनि को, फिर उसी रूप में कृष्ण-द्वैपायन व्यास को, और फिर कृपापूर्वक योगीन्द्र शुकदेव को, तथा भगवद्-रात परीक्षित को — उस शुद्ध, निर्मल, शोकरहित, अमृत, परम सत्य का हम ध्यान करते हैं।

श्लोक 20 (bhagavata.12.13.20)

नमस्तस्मै भगवते वासुदेवाय साक्षिणे । य इदं कृपया कस्मै व्याचचक्षे मुमुक्षवे ॥ २० ॥

namas tasmai bhagavate vāsudevāya sākṣiṇe ya idam kṛpayā kasmai vyācacakṣe mumukṣave

उन साक्षीस्वरूप भगवान वासुदेव को नमस्कार है, जिन्होंने मुमुक्षु ब्रह्मा को कृपापूर्वक इस भागवत का उपदेश दिया।

श्लोक 21 (bhagavata.12.13.21)

योगीन्द्राय नमस्तस्मै शुकाय ब्रह्मरूपिणे । संसारसर्पदष्टं यो विष्णुरातममूमुचत् ॥ २१ ॥

yogīndrāya namas tasmai śukāya brahma-rūpiṇe saṁsāra-sarpa-daṣṭaṁ yo viṣṇu-rātam amūmucat

उन योगीन्द्र, ब्रह्मस्वरूप शुकदेव जी को नमस्कार है, जिन्होंने संसाररूपी सर्प से डसे हुए विष्णुरात (परीक्षित) को मुक्त किया।

श्लोक 22 (bhagavata.12.13.22)

भवे भवे यथा भक्तिः पादयोस्तव जायते । तथा कुरुष्व देवेश नाथस्त्वं नो यतः प्रभो ॥ २२ ॥

bhave bhave yathā bhaktiḥ pādayos tava jāyate tathā kuruṣva deveśa nāthas tvaṁ no yataḥ prabho

हे देवेश! जन्म-जन्म में आपके चरणों में भक्ति उत्पन्न हो, ऐसी कृपा कीजिए; क्योंकि हे प्रभो, आप ही हमारे स्वामी हैं।

श्लोक 23 (bhagavata.12.13.23)

नामसङ्कीर्तनं यस्य सर्वपापप्रणाशनम् । प्रणामो दुःखशमनस्तं नमामि हरिं परम् ॥ २३ ॥

nāma-saṅkīrtanaṁ yasya sarva-pāpa praṇāśanam praṇāmo duḥkha-śamanas taṁ namāmi hariṁ param

जिनके नाम का संकीर्तन समस्त पापों का नाश करने वाला है, तथा जिन्हें प्रणाम करना समस्त दुःखों को शान्त करने वाला है, उन परम हरि को मैं नमन करता हूँ।