दैत्य हिरण्याक्ष का वध

श्लोक 1 (bhagavata.3.19.1)

मैत्रेय उवाच अवधार्य विरिञ्चस्य निर्व्यलीकामृतं वचः । प्रहस्य प्रेमगर्भेण तदपाङ्गेन सोऽग्रहीत् ॥ १ ॥

maitreya uvāca avadhārya viriñcasya nirvyalīkāmṛtaṁ vacaḥ prahasya prema-garbheṇa tad apāṅgena so ’grahīt

मैत्रेय ने कहा — ब्रह्मा के निष्कपट, अमृततुल्य वचनों को सुनकर, भगवान मुस्कुराए और प्रेम से भरी हुई कटाक्ष-दृष्टि से उन्हें स्वीकार किया।

श्लोक 2 (bhagavata.3.19.2)

ततः सपत्नं मुखतश्चरन्तमकुतोभयम् । जघानोत्पत्य गदया हनावसुरमक्षजः ॥ २ ॥

tataḥ sapatnaṁ mukhataś carantam akuto-bhayam jaghānotpatya gadayā hanāv asuram akṣajaḥ

तत्पश्चात् नासिका से प्रकट हुए भगवान ने उछलकर, अपने समक्ष निर्भय होकर विचरण कर रहे शत्रु दैत्य की ठुड्डी पर गदा से प्रहार किया।

श्लोक 3 (bhagavata.3.19.3)

सा हता तेन गदया विहता भगवत्करात् । विघूर्णितापतद्रेजे तदद्भुतमिवाभवत् ॥ ३ ॥

sā hatā tena gadayā vihatā bhagavat-karāt vighūrṇitāpatad reje tad adbhutam ivābhavat

उस दैत्य की गदा के आघात से भगवान के हाथ से उनकी गदा छूट गई; घूमती हुई गिरती हुई भी वह चमकती रही — यह मानो कोई अद्भुत घटना थी।

श्लोक 4 (bhagavata.3.19.4)

स तदा लब्धतीर्थोऽपि न बबाधे निरायुधम् । मानयन् स मृधे धर्मं विष्वक्सेनं प्रकोपयन् ॥ ४ ॥

sa tadā labdha-tīrtho ’pi na babādhe nirāyudham mānayan sa mṛdhe dharmaṁ viṣvaksenaṁ prakopayan

उस समय उत्तम अवसर पाकर भी उसने निःशस्त्र भगवान पर प्रहार नहीं किया, क्योंकि वह युद्ध की मर्यादा का पालन कर रहा था — और इससे विष्वक्सेन भगवान का क्रोध और भड़क उठा।

श्लोक 5 (bhagavata.3.19.5)

गदायामपविद्धायां हाहाकारे विनिर्गते । मानयामास तद्धर्मं सुनाभं चास्मरद्विभुः ॥ ५ ॥

gadāyām apaviddhāyāṁ hāhā-kāre vinirgate mānayām āsa tad-dharmaṁ sunābhaṁ cāsmarad vibhuḥ

गदा के गिर जाने पर जब सब ओर से हाहाकार उठा, तब सर्वशक्तिमान भगवान ने दैत्य की उस धर्मनिष्ठा को मान्यता दी और अपने सुदर्शन चक्र का स्मरण किया।

श्लोक 6 (bhagavata.3.19.6)

तं व्यग्रचक्रं दितिपुत्राधमेन स्वपार्षदमुख्येन विषज्जमानम् । चित्रा वाचोऽतद्विदां खेचराणां तत्र स्मासन् स्वस्ति तेऽमुं जहीति ॥ ६ ॥

taṁ vyagra-cakraṁ diti-putrādhamena sva-pārṣada-mukhyena viṣajjamānam citrā vāco ’tad-vidāṁ khe-carāṇāṁ tatra smāsan svasti te ’muṁ jahīti

जब वे अपने चक्र को घुमाते हुए, अपने ही प्रिय पार्षद से — जो दिति के नीच पुत्र के रूप में जन्मा था — भिड़ रहे थे, तब आकाश में विचरण करने वाले, इस रहस्य से अनजान दर्शकों में तरह-तरह की पुकारें उठने लगीं — 'आपकी जय हो! इसे मार डालिए!'

श्लोक 7 (bhagavata.3.19.7)

स तं निशाम्यात्तरथाङ्गमग्रतो व्यवस्थितं पद्मपलाशलोचनम् । विलोक्य चामर्षपरिप्लुतेन्द्रियो रुषा स्वदन्तच्छदमादशच्छ्वसन् ॥ ७ ॥

sa taṁ niśāmyātta-rathāṅgam agrato vyavasthitaṁ padma-palāśa-locanam vilokya cāmarṣa-pariplutendriyo ruṣā sva-danta-cchadam ādaśac chvasan

अपने समक्ष चक्र धारण किए, कमल-दल के समान नेत्रों वाले भगवान को खड़ा देखकर, वह असहनीय क्रोध से अभिभूत इन्द्रियों वाला दैत्य फुफकारते हुए क्रोधवश अपने ही होंठ को दाँतों से काटने लगा।

श्लोक 8 (bhagavata.3.19.8)

करालदंष्ट्रश्चक्षुर्भ्यां सञ्चक्षाणो दहन्निव । अभिप्लुत्य स्वगदया हतोऽसीत्याहनद्धरिम् ॥ ८ ॥

karāla-daṁṣṭraś cakṣurbhyāṁ sañcakṣāṇo dahann iva abhiplutya sva-gadayā hato ’sīty āhanad dharim

भयंकर दाढ़ों वाला वह दैत्य दोनों नेत्रों से मानो जलाता हुआ देखते हुए, उछलकर 'तू मारा गया!' कहते हुए अपनी गदा से हरि पर प्रहार करने लगा।

श्लोक 9 (bhagavata.3.19.9)

पदा सव्येन तां साधो भगवान् यज्ञसूकरः । लीलया मिषतः शत्रोः प्राहरद्वातरंहसम् ॥ ९ ॥

padā savyena tāṁ sādho bhagavān yajña-sūkaraḥ līlayā miṣataḥ śatroḥ prāharad vāta-raṁhasam

हे साधु विदुर! भगवान, जो यज्ञ-स्वरूप वराह थे, शत्रु के देखते-देखते ही उस वायु-वेग से आती हुई गदा को अपने बाएँ पैर से लीलापूर्वक ठुकरा दिया।

श्लोक 10 (bhagavata.3.19.10)

आह चायुधमाधत्स्व घटस्व त्वं जिगीषसि । इत्युक्तःस तदा भूयस्ताडयन् व्यनदद् भृशम् ॥ १० ॥

āha cāyudham ādhatsva ghaṭasva tvaṁ jigīṣasi ity uktaḥ sa tadā bhūyas tāḍayan vyanadad bhṛśam

और उन्होंने कहा — 'अपना शस्त्र उठा और फिर प्रयत्न कर, यदि तू विजय चाहता है।' इस प्रकार कहे जाने पर उसने पुनः गदा से प्रहार किया और ज़ोर से गरज उठा।

श्लोक 11 (bhagavata.3.19.11)

तां स आपततीं वीक्ष्य भगवान् समवस्थितः । जग्राह लीलया प्राप्तां गरुत्मानिव पन्नगीम् ॥ ११ ॥

tāṁ sa āpatatīṁ vīkṣya bhagavān samavasthitaḥ jagrāha līlayā prāptāṁ garutmān iva pannagīm

उस उड़ती हुई गदा को अपनी ओर आते देखकर, स्थिर खड़े भगवान ने उसे उसी सहजता से पकड़ लिया, जैसे गरुड़ किसी सर्पिणी को पकड़ लेता है।

श्लोक 12 (bhagavata.3.19.12)

स्वपौरुषे प्रतिहते हतमानो महासुरः । नैच्छद्गदां दीयमानां हरिणा विगतप्रभः ॥ १२ ॥

sva-pauruṣe pratihate hata-māno mahāsuraḥ naicchad gadāṁ dīyamānāṁ hariṇā vigata-prabhaḥ

अपने पराक्रम के इस प्रकार विफल होने पर अपमानित हुआ वह महादैत्य, अपनी कान्ति खोकर, हरि द्वारा लौटाई जा रही अपनी गदा को लेने की इच्छा भी न कर सका।

श्लोक 13 (bhagavata.3.19.13)

जग्राह त्रिशिखं शूलं ज्वलज्ज्वलनलोलुपम् । यज्ञाय धृतरूपाय विप्रायाभिचरन् यथा ॥ १३ ॥

jagrāha tri-śikhaṁ śūlaṁ jvalaj-jvalana-lolupam yajñāya dhṛta-rūpāya viprāyābhicaran yathā

उसने तीन नोकों वाला, धधकती अग्नि के समान लोलुप त्रिशूल उठाया और यज्ञ-रूपधारी भगवान पर उसे इस प्रकार फेंका जैसे कोई किसी ब्राह्मण पर अभिचार-प्रयोग करता है।

श्लोक 14 (bhagavata.3.19.14)

तदोजसा दैत्यमहाभटार्पितं चकासदन्तःख उदीर्णदीधिति । चक्रेण चिच्छेद निशातनेमिना हरिर्यथा तार्क्ष्यपतत्रमुज्झितम् ॥ १४ ॥

tad ojasā daitya-mahā-bhaṭārpitaṁ cakāsad antaḥ-kha udīrṇa-dīdhiti cakreṇa ciccheda niśāta-neminā harir yathā tārkṣya-patatram ujjhitam

उस महान दैत्य-योद्धा द्वारा पूरी शक्ति से फेंका गया वह त्रिशूल आकाश के मध्य तेजस्वी होकर चमकने लगा; भगवान ने उसे अपने तीक्ष्ण-धार चक्र से उसी प्रकार टुकड़े-टुकड़े कर दिया, जैसे इन्द्र ने कभी गरुड़ के त्यागे हुए पंख को काट दिया था।

श्लोक 15 (bhagavata.3.19.15)

वृक्णे स्वशूले बहुधारिणा हरेः प्रत्येत्य विस्तीर्णमुरो विभूतिमत् । प्रवृद्धरोषः स कठोरमुष्टिना नदन् प्रहृत्यान्तरधीयतासुरः ॥ १५ ॥

vṛkṇe sva-śūle bahudhāriṇā hareḥ pratyetya vistīrṇam uro vibhūtimat pravṛddha-roṣaḥ sa kaṭhora-muṣṭinā nadan prahṛtyāntaradhīyatāsuraḥ

हरि के चक्र से अपना त्रिशूल टुकड़े-टुकड़े होते देख, क्रोध से उन्मत्त होकर वह दैत्य आगे बढ़ा और भगवान की विशाल, लक्ष्मी के निवास-स्वरूप छाती पर अपनी कठोर मुट्ठी से प्रहार करके गरजते हुए अन्तर्ध्यान हो गया।

श्लोक 16 (bhagavata.3.19.16)

तेनेत्थमाहतः क्षत्तर्भगवानादिसूकरः । नाकम्पत मनाक् क्वापि स्रजा हत इव द्विपः ॥ १६ ॥

tenettham āhataḥ kṣattar bhagavān ādi-sūkaraḥ nākampata manāk kvāpi srajā hata iva dvipaḥ

हे विदुर! इस प्रकार आघात पहुँचाए जाने पर भी आदि वराह भगवान अपने शरीर के किसी भी अंग में तनिक भी विचलित नहीं हुए, ठीक वैसे ही जैसे किसी पुष्पमाला के प्रहार से हाथी विचलित नहीं होता।

श्लोक 17 (bhagavata.3.19.17)

अथोरुधासृजन्मायां योगमायेश्वरे हरौ । यां विलोक्य प्रजास्त्रस्ता मेनिरेऽस्योपसंयमम् ॥ १७ ॥

athorudhāsṛjan māyāṁ yoga-māyeśvare harau yāṁ vilokya prajās trastā menire ’syopasaṁyamam

तत्पश्चात् उसने योगमाया के स्वामी हरि पर विविध रूपों में माया का प्रयोग किया; इसे देखकर भयभीत प्रजा ने सोचा कि यह विश्व का प्रलय ही है।

श्लोक 18 (bhagavata.3.19.18)

प्रववुर्वायवश्चण्डास्तमः पांसवमैरयन् । दिग्भ्यो निपेतुर्ग्रावाणः क्षेपणैः प्रहिता इव ॥ १८ ॥

pravavur vāyavaś caṇḍās tamaḥ pāṁsavam airayan digbhyo nipetur grāvāṇaḥ kṣepaṇaiḥ prahitā iva

भयंकर आँधियाँ चलने लगीं, जो धूल का अन्धकार फैलाने लगीं; सभी दिशाओं से पत्थर इस प्रकार गिरने लगे मानो किसी यंत्र से फेंके जा रहे हों।

श्लोक 19 (bhagavata.3.19.19)

द्यौर्नष्टभगणाभ्रौघैः सविद्युत्स्तनयित्नुभिः । वर्षद्भिः पूयकेशासृग्विण्मूत्रास्थीनि चासकृत् ॥ १९ ॥

dyaur naṣṭa-bhagaṇābhraughaiḥ sa-vidyut-stanayitnubhiḥ varṣadbhiḥ pūya-keśāsṛg- viṇ-mūtrāsthīni cāsakṛt

आकाश के तारागण घने बादलों में लुप्त हो गए, जो बिजली और गर्जना से युक्त थे, और उनसे बार-बार पीब, केश, रक्त, मल, मूत्र तथा हड्डियाँ बरसने लगीं।

श्लोक 20 (bhagavata.3.19.20)

गिरयः प्रत्यदृश्यन्त नानायुधमुचोऽनघ । दिग्वाससो यातुधान्यः शूलिन्यो मुक्तमूर्धजाः ॥ २० ॥

girayaḥ pratyadṛśyanta nānāyudha-muco ’nagha dig-vāsaso yātudhānyaḥ śūlinyo mukta-mūrdhajāḥ

हे निष्पाप विदुर! पर्वत प्रकट हुए जो नाना प्रकार के अस्त्र फेंकने लगे, और दिशाओं को वस्त्र बनाए, त्रिशूलधारी, बिखरे केशों वाली राक्षसियाँ भी प्रकट हो गईं।

श्लोक 21 (bhagavata.3.19.21)

बहुभिर्यक्षरक्षोभिः पत्त्यश्वरथकुञ्जरैः । आततायिभिरुत्सृष्टा हिंस्रा वाचोऽतिवैशसाः ॥ २१ ॥

bahubhir yakṣa-rakṣobhiḥ patty-aśva-ratha-kuñjaraiḥ ātatāyibhir utsṛṣṭā hiṁsrā vāco ’tivaiśasāḥ

पैदल, अश्व, रथ और गजों पर सवार अनेक यक्ष-राक्षस, हत्यारे आततायियों की भाँति, अत्यन्त क्रूर और हिंसक चीत्कारें करने लगे।

श्लोक 22 (bhagavata.3.19.22)

प्रादुष्कृतानां मायानामासुरीणां विनाशयत् । सुदर्शनास्त्रं भगवान् प्रायुङ्क्त दयितं त्रिपात् ॥ २२ ॥

prāduṣkṛtānāṁ māyānām āsurīṇāṁ vināśayat sudarśanāstraṁ bhagavān prāyuṅkta dayitaṁ tri-pāt

उस समय प्रकट हुई समस्त आसुरी मायाओं को नष्ट करने के लिए, त्रिपाद यज्ञ-स्वरूप भगवान ने अपने प्रिय सुदर्शन अस्त्र का प्रयोग किया।

श्लोक 23 (bhagavata.3.19.23)

तदा दितेः समभवत्सहसा हृदि वेपथुः । स्मरन्त्या भर्तुरादेशं स्तनाच्चासृक् प्रसुस्रुवे ॥ २३ ॥

tadā diteḥ samabhavat sahasā hṛdi vepathuḥ smarantyā bhartur ādeśaṁ stanāc cāsṛk prasusruve

उसी समय दिति के हृदय में सहसा एक कँपकँपी उठी; अपने पति के कथन का स्मरण करते हुए उसके स्तनों से रक्त बहने लगा।

श्लोक 24 (bhagavata.3.19.24)

विनष्टासु स्वमायासु भूयश्चाव्रज्य केशवम् । रुषोपगूहमानोऽमुं ददृशेऽवस्थितं बहिः ॥ २४ ॥

vinaṣṭāsu sva-māyāsu bhūyaś cāvrajya keśavam ruṣopagūhamāno ’muṁ dadṛśe ’vasthitaṁ bahiḥ

अपनी माया के नष्ट हो जाने पर वह फिर से केशव के समक्ष आया और क्रोधवश उन्हें अपनी भुजाओं में जकड़ना चाहा, किन्तु उसने भगवान को अपनी भुजाओं के बाहर ही खड़ा पाया।

श्लोक 25 (bhagavata.3.19.25)

तं मुष्टिभिर्विनिघ्नन्तं वज्रसारैरधोक्षजः । करेण कर्णमूलेऽहन् यथा त्वाष्ट्रं मरुत्पतिः ॥ २५ ॥

taṁ muṣṭibhir vinighnantaṁ vajra-sārair adhokṣajaḥ kareṇa karṇa-mūle ’han yathā tvāṣṭraṁ marut-patiḥ

जब वह वज्र के समान कठोर मुक्कों से प्रहार करने लगा, तब अधोक्षज भगवान ने अपने हाथ से उसके कान की जड़ पर वैसे ही प्रहार किया, जैसे मरुतों के स्वामी इन्द्र ने त्वष्टा-पुत्र वृत्रासुर पर किया था।

श्लोक 26 (bhagavata.3.19.26)

स आहतो विश्वजिता ह्यवज्ञया परिभ्रमद्गात्र उदस्तलोचनः । विशीर्णबाह्वङ्घ्रिशिरोरुहोऽपतद् यथा नगेन्द्रो लुलितो नभस्वता ॥ २६ ॥

sa āhato viśva-jitā hy avajñayā paribhramad-gātra udasta-locanaḥ viśīrṇa-bāhv-aṅghri-śiroruho ’patad yathā nagendro lulito nabhasvatā

सर्वविजयी भगवान द्वारा मानो निर्लक्ष्य ही किए गए इस प्रहार से उसका शरीर घूमने लगा, नेत्र बाहर उभर आए, भुजाएँ और पैर छिन्न-भिन्न हो गए, केश बिखर गए, और वह वायु से उखड़े हुए किसी विशाल वृक्ष के समान गिर पड़ा।

श्लोक 27 (bhagavata.3.19.27)

क्षितौ शयानं तमकुण्ठवर्चसं करालदंष्ट्रं परिदष्टदच्छदम् । अजादयो वीक्ष्य शशंसुरागता अहो इमां को नु लभेत संस्थितिम् ॥ २७ ॥

kṣitau śayānaṁ tam akuṇṭha-varcasaṁ karāla-daṁṣṭraṁ paridaṣṭa-dacchadam ajādayo vīkṣya śaśaṁsur āgatā aho imaṁ ko nu labheta saṁsthitim

पृथ्वी पर पड़े उस दैत्य को, जिसका तेज तनिक भी फीका नहीं पड़ा था, जिसके दाँत भयंकर थे और जिसने अपने ही होंठ को दाँतों से दबा रखा था, देखकर वहाँ पहुँचे ब्रह्मा आदि ने प्रशंसापूर्वक कहा — 'अहो! ऐसी मृत्यु भला किसे प्राप्त हो सकती है!'

श्लोक 28 (bhagavata.3.19.28)

यं योगिनो योगसमाधिना रहो ध्यायन्ति लिङ्गादसतो मुमुक्षया । तस्यैष दैत्यऋषभः पदाहतो मुखं प्रपश्यंस्तनुमुत्ससर्ज ह ॥ २८ ॥

yaṁ yogino yoga-samādhinā raho dhyāyanti liṅgād asato mumukṣayā tasyaiṣa daitya-ṛṣabhaḥ padāhato mukhaṁ prapaśyaṁs tanum utsasarja ha

जिस भगवान का योगीजन एकान्त में योग-समाधि द्वारा, इस असत् (सूक्ष्म) शरीर से मुक्ति की इच्छा से ध्यान करते हैं, उन्हीं के चरण-प्रहार से यह दैत्यश्रेष्ठ उनके मुख को निहारते हुए ही अपने शरीर का त्याग कर गया।

श्लोक 29 (bhagavata.3.19.29)

एतौ तौ पार्षदावस्य शापाद्यातावसद्गतिम् । पुनः कतिपयैः स्थानं प्रपत्स्येते ह जन्मभिः ॥ २९ ॥

etau tau pārṣadāv asya śāpād yātāv asad-gatim punaḥ katipayaiḥ sthānaṁ prapatsyete ha janmabhiḥ

ये दोनों भगवान के ही पार्षद हैं, जो शाप के कारण दुर्गति (आसुरी योनि) को प्राप्त हुए हैं; कुछ और जन्मों के पश्चात् वे पुनः अपने मूल पद को प्राप्त कर लेंगे।

श्लोक 30 (bhagavata.3.19.30)

देवा ऊचुः नमो नमस्तेऽखिलयज्ञतन्तवे स्थितौ गृहीतामलसत्त्वमूर्तये । दिष्टया हतोऽयं जगतामरुन्तुद- स्त्वत्पादभक्त्या वयमीश निर्वृताः ॥ ३० ॥

devā ūcuḥ namo namas te ’khila-yajña-tantave sthitau gṛhītāmala-sattva-mūrtaye diṣṭyā hato ’yaṁ jagatām aruntudas tvat-pāda-bhaktyā vayam īśa nirvṛtāḥ

देवताओं ने कहा — हे प्रभु! समस्त यज्ञों के तन्तु-स्वरूप आपको बारम्बार नमस्कार है, जिन्होंने सृष्टि की स्थिति के लिए शुद्ध सत्त्व-रूप धारण किया है। सौभाग्य से लोकों को सताने वाला यह दैत्य मारा गया; हे ईश! आपके चरणों की भक्ति से हम शान्ति को प्राप्त हुए हैं।

श्लोक 31 (bhagavata.3.19.31)

मैत्रेय उवाच एवं हिरण्याक्षमसह्यविक्रमं स सादयित्वा हरिरादिसूकरः । जगाम लोकं स्वमखण्डितोत्सवं समीडितः पुष्करविष्टरादिभिः ॥ ३१ ॥

maitreya uvāca evaṁ hiraṇyākṣam asahya-vikramaṁ sa sādayitvā harir ādi-sūkaraḥ jagāma lokaṁ svam akhaṇḍitotsavaṁ samīḍitaḥ puṣkara-viṣṭarādibhiḥ

मैत्रेय ने कहा — इस प्रकार असह्य पराक्रमी हिरण्याक्ष को समाप्त करके, आदि वराह भगवान हरि, कमलासन ब्रह्मा आदि द्वारा स्तुति किए जाते हुए, अपने उस धाम को चले गए, जहाँ अखण्ड उत्सव सदा विद्यमान रहता है।

श्लोक 32 (bhagavata.3.19.32)

मया यथानूक्तमवादि ते हरेः कृतावतारस्य सुमित्र चेष्टितम् । यथा हिरण्याक्ष उदारविक्रमो महामृधे क्रीडनवन्निराकृतः ॥ ३२ ॥

mayā yathānūktam avādi te hareḥ kṛtāvatārasya sumitra ceṣṭitam yathā hiraṇyākṣa udāra-vikramo mahā-mṛdhe krīḍanavan nirākṛtaḥ

हे सुमित्र! मुझे जैसा बताया गया था, वैसा ही मैंने तुम्हें अवतार धारण करने वाले हरि के कार्यकलाप सुनाए — किस प्रकार महापराक्रमी हिरण्याक्ष उस महासंग्राम में मानो किसी खिलौने के समान परास्त कर दिया गया।

श्लोक 33 (bhagavata.3.19.33)

सूत उवाच इति कौषारवाख्यातामाश्रुत्य भगवत्कथाम् । क्षत्तानन्दं परं लेभे महाभागवतो द्विज ॥ ३३ ॥

sūta uvāca iti kauṣāravākhyātām āśrutya bhagavat-kathām kṣattānandaṁ paraṁ lebhe mahā-bhāgavato dvija

सूत ने कहा — हे द्विज! कुषार-पुत्र मैत्रेय के मुख से इस प्रकार भगवान की कथा सुनकर, महाभागवत विदुर ने परम आनन्द प्राप्त किया।

श्लोक 34 (bhagavata.3.19.34)

अन्येषां पुण्यश्लोकानामुद्दामयशसां सताम् । उपश्रुत्य भवेन्मोदः श्रीवत्साङ्कस्य किं पुनः ॥ ३४ ॥

anyeṣāṁ puṇya-ślokānām uddāma-yaśasāṁ satām upaśrutya bhaven modaḥ śrīvatsāṅkasya kiṁ punaḥ

अन्य पुण्यश्लोक, विस्तृत यश वाले संतजनों की कथा सुनकर भी आनन्द होता है — तो फिर श्रीवत्स-चिह्नधारी भगवान की कथा सुनने की तो बात ही क्या!

श्लोक 35 (bhagavata.3.19.35)

यो गजेन्द्र झषग्रस्तं ध्यायन्तं चरणाम्बुजम् । क्रोशन्तीनां करेणूनां कृच्छ्रतोऽमोचयद् द्रुतम् ॥ ३५ ॥

yo gajendraṁ jhaṣa-grastaṁ dhyāyantaṁ caraṇāmbujam krośantīnāṁ kareṇūnāṁ kṛcchrato ’mocayad drutam

जिन्होंने मगर द्वारा पकड़े गए गजेन्द्र को, जो उनके चरण-कमलों का ध्यान कर रहा था, क्रन्दन करती हथिनियों के बीच संकट से शीघ्र ही मुक्त किया।

श्लोक 36 (bhagavata.3.19.36)

तं सुखाराध्यमृजुभिरनन्यशरणैर्नृभिः । कृतज्ञः को न सेवेत दुराराध्यमसाधुभिः ॥ ३६ ॥

taṁ sukhārādhyam ṛjubhir ananya-śaraṇair nṛbhiḥ kṛtajñaḥ ko na seveta durārādhyam asādhubhiḥ

जो सरल-हृदय और अनन्य शरणागत मनुष्यों के लिए सहज ही आराध्य हैं, किन्तु दुष्टों के लिए जिनकी आराधना कठिन है — ऐसे भगवान की सेवा कौन कृतज्ञ पुरुष नहीं करेगा?

श्लोक 37 (bhagavata.3.19.37)

यो वै हिरण्याक्षवधं महाद्भुतं विक्रीडितं कारणसूकरात्मनः । शृणोति गायत्यनुमोदतेऽञ्जसा विमुच्यते ब्रह्मवधादपि द्विजाः ॥ ३७ ॥

yo vai hiraṇyākṣa-vadhaṁ mahādbhutaṁ vikrīḍitaṁ kāraṇa-sūkarātmanaḥ śṛṇoti gāyaty anumodate ’ñjasā vimucyate brahma-vadhād api dvijāḥ

हे ब्राह्मणो! जो कोई इस अत्यन्त अद्भुत लीला को — जिसमें विशेष प्रयोजन से वराह-रूप धारण करने वाले भगवान ने हिरण्याक्ष का वध किया — सुनता है, गाता है अथवा उसका अनुमोदन करता है, वह तत्काल ही ब्रह्महत्या के पाप से भी मुक्त हो जाता है।

श्लोक 38 (bhagavata.3.19.38)

एतन्महापुण्यमलं पवित्रं धन्यं यशस्यं पदमायुराशिषाम् । प्राणेन्द्रियाणां युधि शौर्यवर्धनं नारायणोऽन्ते गतिरङ्ग शृण्वताम् ॥ ३८ ॥

etan mahā-puṇyam alaṁ pavitraṁ dhanyaṁ yaśasyaṁ padam āyur-āśiṣām prāṇendriyāṇāṁ yudhi śaurya-vardhanaṁ nārāyaṇo ’nte gatir aṅga śṛṇvatām

यह कथा महान पुण्यदायी, अत्यन्त पवित्र, धन्य, यशस्वी तथा आयु और समस्त कामनाओं की सिद्धि का आश्रय है; यह युद्ध में प्राणों और इन्द्रियों के शौर्य को बढ़ाने वाली है। हे प्रिय शौनक! इसे सुनने वालों के लिए अन्तकाल में स्वयं नारायण ही उनकी गति बनते हैं।