मनुगण: सृष्टि के अधिष्ठाता

श्लोक 1 (bhagavata.8.1.1)

श्रीराजोवाच स्वायम्भुवस्येह गुरो वंशोऽयं विस्तराच्छ्रुतः । यत्र विश्वसृजां सर्गो मनूनन्यान्वदस्व नः ॥ 1.1 ॥

śrī-rājovāca svāyambhuvasyeha guro vaṁśo ’yaṁ vistarāc chrutaḥ yatra viśva-sṛjāṁ sargo manūn anyān vadasva naḥ

राजा ने कहा — हे गुरुवर, स्वायम्भुव मनु का यह वंश मैंने आपसे विस्तार से सुना, जिसमें विश्व के रचयिताओं की उत्पत्ति का वर्णन है। अब आप हमें अन्य मनुओं के विषय में बताइए।

श्लोक 2 (bhagavata.8.1.2)

मन्वन्तरे हरेर्जन्म कर्माणि च महीयसः । गृणन्ति कवयो ब्रह्मंस्तानि नो वद शृण्वताम् ॥ 1.2 ॥

manvantare harer janma karmāṇi ca mahīyasaḥ gṛṇanti kavayo brahmaṁs tāni no vada śṛṇvatām

प्रत्येक मन्वन्तर में महिमामय हरि के जन्म और कर्मों का कवि-गण वर्णन करते हैं। हे ब्रह्मन्, हम उन्हें सुनने के इच्छुक हैं, आप हमें वे कथाएँ सुनाइए।

श्लोक 3 (bhagavata.8.1.3)

यद्यस्मिन्नन्तरे ब्रह्मन्भगवान्विश्वभावनः । कृतवान्कुरुते कर्ता ह्यतीतेऽनागतेऽद्य वा ॥ 1.3 ॥

yad yasminn antare brahman bhagavān viśva-bhāvanaḥ kṛtavān kurute kartā hy atīte ’nāgate ’dya vā

हे ब्रह्मन्, विश्व के रचयिता भगवान ने जिस-जिस मन्वन्तर में जो कुछ किया है, करते हैं अथवा करेंगे — चाहे वह भूत, भविष्य अथवा वर्तमान में हो — वह भी हमें बताइए।

श्लोक 4 (bhagavata.8.1.4)

श्रीऋषिरुवाच मनवोऽस्मिन्व्यतीताः षट् कल्पे स्वायम्भुवादयः । आद्यस्ते कथितो यत्र देवादीनां च सम्भवः ॥ 1.4 ॥

śrī-ṛṣir uvāca manavo ’smin vyatītāḥ ṣaṭ kalpe svāyambhuvādayaḥ ādyas te kathito yatra devādīnāṁ ca sambhavaḥ

ऋषि ने कहा — इस कल्प में स्वायम्भुव आदि छह मनु बीत चुके हैं। उनमें से प्रथम मनु का तथा देवादि की उत्पत्ति का वर्णन मैं आपसे कर चुका हूँ।

श्लोक 5 (bhagavata.8.1.5)

आकूत्यां देवहूत्यां च दुहित्रोस्तस्य वै मनोः । धर्मज्ञानोपदेशार्थं भगवान्पुत्रतां गतः ॥ 1.5 ॥

ākūtyāṁ devahūtyāṁ ca duhitros tasya vai manoḥ dharma-jñānopadeśārthaṁ bhagavān putratāṁ gataḥ

उस मनु की दो पुत्रियों — आकूति तथा देवहूति — के गर्भ से धर्म और ज्ञान के उपदेश हेतु भगवान ने पुत्र रूप में जन्म लिया।

श्लोक 6 (bhagavata.8.1.6)

कृतं पुरा भगवतः कपिलस्यानुवर्णितम् । आख्यास्ये भगवान्यज्ञो यच्चकार कुरूद्वह ॥ 1.6 ॥

kṛtaṁ purā bhagavataḥ kapilasyānuvarṇitam ākhyāsye bhagavān yajño yac cakāra kurūdvaha

भगवान कपिल के चरित्र का वर्णन मैं पहले कर चुका हूँ। अब, हे कुरुश्रेष्ठ, मैं भगवान यज्ञ ने जो कुछ किया, उसका वर्णन करूँगा।

श्लोक 7 (bhagavata.8.1.7)

विरक्तः कामभोगेषु शतरूपापतिः प्रभुः । विसृज्य राज्यं तपसे सभार्यो वनमाविशत् ॥ 1.7 ॥

viraktaḥ kāma-bhogeṣu śatarūpā-patiḥ prabhuḥ visṛjya rājyaṁ tapase sabhāryo vanam āviśat

भोग-विलास से विरक्त शतरूपा के पति मनु ने अपना राज्य त्यागकर तपस्या हेतु पत्नी सहित वन में प्रवेश किया।

श्लोक 8 (bhagavata.8.1.8)

सुनन्दायां वर्षशतं पदैकेन भुवं स्पृशन् । तप्यमानस्तपो घोरमिदमन्वाह भारत ॥ 1.8 ॥

sunandāyāṁ varṣa-śataṁ padaikena bhuvaṁ spṛśan tapyamānas tapo ghoram idam anvāha bhārata

हे भरतवंशी! सुनन्दा नदी के तट पर सौ वर्षों तक केवल एक पैर से भूमि का स्पर्श करते हुए घोर तपस्या करते हुए मनु ने यह कहा।

श्लोक 9 (bhagavata.8.1.9)

मनुरुवाच येन चेतयते विश्वं विश्वं चेतयते न यम् । यो जागर्ति शयानेऽस्मिन्नायं तं वेद वेद सः ॥ 1.9 ॥

śrī-manur uvāca yena cetayate viśvaṁ viśvaṁ cetayate na yam yo jāgarti śayāne ’smin nāyaṁ taṁ veda veda saḥ

मनु ने कहा — जिनसे यह सम्पूर्ण विश्व चेतन होता है, किन्तु जो स्वयं विश्व से चेतन नहीं होते; जो इस सृष्टि के सो जाने (प्रलय) पर भी जागृत रहते हैं — यह जीव उन्हें नहीं जानता, किन्तु वे इस जीव को पूर्णतः जानते हैं।

श्लोक 10 (bhagavata.8.1.10)

आत्मावास्यमिदं विश्वं यत् किञ्चिज्जगत्यां जगत् । तेन त्यक्तेन भुञ्जीथा मा गृधः कस्यस्विद्धनम् ॥ 1.10 ॥

ātmāvāsyam idaṁ viśvaṁ yat kiñcij jagatyāṁ jagat tena tyaktena bhuñjīthā mā gṛdhaḥ kasya svid dhanam

यह सम्पूर्ण विश्व, इस जगत् में जो कुछ भी चराचर है, वह सब परमात्मा से व्याप्त है। त्याग-पूर्वक ही भोग करो, लोभ मत करो — आखिर धन किसका है?

श्लोक 11 (bhagavata.8.1.11)

यं पश्यति न पश्यन्तं चक्षुर्यस्य न रिष्यति । तं भूतनिलयं देवं सुपर्णमुपधावत ॥ 1.11 ॥

yaṁ paśyati na paśyantaṁ cakṣur yasya na riṣyati taṁ bhūta-nilayaṁ devaṁ suparṇam upadhāvata

जो सबको देखते हैं किन्तु स्वयं किसी के द्वारा नहीं देखे जाते, जिनकी दृष्टि कभी क्षीण नहीं होती — उन सर्वभूतवासी, दिव्य पंखों वाले परमात्मा की उपासना करो।

श्लोक 12 (bhagavata.8.1.12)

न यस्याद्यन्तौ मध्यं च स्वः परो नान्तरं बहिः । विश्वस्यामूनि यद् यस्माद् विश्वं च तदृतं महत् ॥ 1.12 ॥

na yasyādy-antau madhyaṁ ca svaḥ paro nāntaraṁ bahiḥ viśvasyāmūni yad yasmād viśvaṁ ca tad ṛtaṁ mahat

जिनका न आदि है, न अन्त, न मध्य; जिनके लिए न कुछ अपना है न पराया, न भीतर है न बाहर — जिनसे इस विश्व की समस्त वस्तुएँ तथा स्वयं विश्व उत्पन्न होता है, वही महान् शाश्वत सत्य है।

श्लोक 13 (bhagavata.8.1.13)

स विश्वकायः पुरुहूत ईशः सत्यः स्वयंज्योतिरजः पुराणः । धत्तेऽस्य जन्माद्यजयात्मशक्त्या तां विद्ययोदस्य निरीह आस्ते ॥ 1.13 ॥

sa viśva-kāyaḥ puru-hūta-īśaḥ satyaḥ svayaṁ-jyotir ajaḥ purāṇaḥ dhatte ’sya janmādy-ajayātma-śaktyā tāṁ vidyayodasya nirīha āste

जिनका शरीर ही यह विश्व है, जिन्हें अनेक नामों से पुकारा जाता है, जो सत्यस्वरूप, स्वयंप्रकाश, अजन्मा और सनातन हैं — वे अपनी अनादि आत्मशक्ति (माया) द्वारा ही इस सृष्टि की उत्पत्ति आदि करते हैं, किन्तु ज्ञानपूर्वक स्वयं सदा उससे निर्लिप्त रहते हैं।

श्लोक 14 (bhagavata.8.1.14)

अथाग्रे ऋषयः कर्माणीहन्तेऽकर्महेतवे । ईहमानो हि पुरुषः प्रायोऽनीहां प्रपद्यते ॥ 1.14 ॥

athāgre ṛṣayaḥ karmāṇ- īhante ’karma-hetave īhamāno hi puruṣaḥ prāyo ’nīhāṁ prapadyate

इसीलिए ऋषिजन पहले नैष्कर्म्य (अकर्म) की प्राप्ति के लिए विहित कर्मों में प्रवृत्त होते हैं; क्योंकि कर्म करता हुआ पुरुष ही प्रायः अन्ततः अकर्म को प्राप्त होता है।

श्लोक 15 (bhagavata.8.1.15)

ईहते भगवानीशो न हि तत्र विसज्जते । आत्मलाभेन पूर्णार्थो नावसीदन्ति येऽनु तम् ॥ 1.15 ॥

īhate bhagavān īśo na hi tatra visajjate ātma-lābhena pūrṇārtho nāvasīdanti ye ’nu tam

भगवान कर्म करते हुए भी उसमें आसक्त नहीं होते, क्योंकि वे आत्मलाभ से सदा पूर्णकाम हैं; और जो उनके अनुसरण करने वाले हैं, वे भी कभी पतन को प्राप्त नहीं होते।

श्लोक 16 (bhagavata.8.1.16)

तमीहमानं निरहङ्कृतं बुधं निराशिषं पूर्णमनन्यचोदितम् । नृञ् शिक्षयन्तं निजवर्त्मसंस्थितं प्रभुं प्रपद्येऽखिलधर्मभावनम् ॥ 1.16 ॥

tam īhamānaṁ nirahaṅkṛtaṁ budhaṁ nirāśiṣaṁ pūrṇam ananya-coditam nṝñ śikṣayantaṁ nija-vartma-saṁsthitaṁ prabhuṁ prapadye ’khila-dharma-bhāvanam

मैं उन प्रभु की शरण ग्रहण करता हूँ जो कर्म करते हुए भी अहंकाररहित, ज्ञानी, निष्काम, पूर्ण तथा किसी अन्य से प्रेरित न होने वाले (स्वयं-प्रेरित) हैं; जो स्वयं अपने मार्ग में स्थित रहकर मनुष्यों को शिक्षा देते हैं तथा सम्पूर्ण धर्म के पोषक हैं।

श्लोक 17 (bhagavata.8.1.17)

श्रीशुक उवाच इति मन्त्रोपनिषदं व्याहरन्तं समाहितम् । दृष्ट्वासुरा यातुधाना जग्धुमभ्यद्रवन् क्षुधा ॥ 1.17 ॥

śrī-śuka uvāca iti mantropaniṣadaṁ vyāharantaṁ samāhitam dṛṣṭvāsurā yātudhānā jagdhum abhyadravan kṣudhā

श्रीशुकदेव जी ने कहा — इस प्रकार समाधिस्थ होकर इस मन्त्र-उपनिषद् का उच्चारण करते हुए मनु को देखकर, भूख से पीड़ित असुर और राक्षस उन्हें खा जाने के लिए दौड़ पड़े।

श्लोक 18 (bhagavata.8.1.18)

तांस्तथावसितान् वीक्ष्य यज्ञः सर्वगतो हरिः । यामैः परिवृतो देवैर्हत्वाशासत् त्रिविष्टपम् ॥ 1.18 ॥

tāṁs tathāvasitān vīkṣya yajñaḥ sarva-gato hariḥ yāmaiḥ parivṛto devair hatvāśāsat tri-viṣṭapam

उन्हें इस प्रकार आक्रमण पर उतारू देखकर, सर्वव्यापी हरि ने यज्ञ रूप धारण कर, यामगण देवताओं से घिरे हुए, उनका वध किया और तत्पश्चात् स्वर्गलोक का शासन किया।

श्लोक 19 (bhagavata.8.1.19)

स्वारोचिषो द्वितीयस्तु मनुरग्नेः सुतोऽभवत् । द्युमत्सुषेणरोचिष्मत्प्रमुखास्तस्य चात्मजाः ॥ 1.19 ॥

svārociṣo dvitīyas tu manur agneḥ suto ’bhavat dyumat-suṣeṇa-rociṣmat pramukhās tasya cātmajāḥ

द्वितीय मनु स्वारोचिष अग्नि के पुत्र हुए; द्युमत्, सुषेण, रोचिष्मत् आदि उनके पुत्र थे।

श्लोक 20 (bhagavata.8.1.20)

तत्रेन्द्रो रोचनस्त्वासीद् देवाश्च तुषितादयः । ऊर्जस्तम्भादयः सप्त ऋषयो ब्रह्मवादिनः ॥ 1.20 ॥

tatrendro rocanas tv āsīd devāś ca tuṣitādayaḥ ūrja-stambhādayaḥ sapta ṛṣayo brahma-vādinaḥ

उस मन्वन्तर में रोचन इन्द्र बने, तुषित आदि देवता थे; तथा ऊर्ज, स्तम्भ आदि सात ब्रह्मवादी ऋषि थे।

श्लोक 21 (bhagavata.8.1.21)

ऋषेस्तु वेदशिरसस्तुषिता नाम पत्न्यभूत् । तस्यां जज्ञे ततो देवो विभुरित्यभिविश्रुतः ॥ 1.21 ॥

ṛṣes tu vedaśirasas tuṣitā nāma patny abhūt tasyāṁ jajñe tato devo vibhur ity abhiviśrutaḥ

वेदशिरा नामक ऋषि की पत्नी तुषिता थीं; उनके गर्भ से विभु नामक विख्यात देव उत्पन्न हुए।

श्लोक 22 (bhagavata.8.1.22)

अष्टाशीतिसहस्राणि मुनयो ये धृतव्रताः । अन्वशिक्षन्व्रतं तस्य कौमारब्रह्मचारिणः ॥ 1.22 ॥

aṣṭāśīti-sahasrāṇi munayo ye dhṛta-vratāḥ anvaśikṣan vrataṁ tasya kaumāra-brahmacāriṇaḥ

अठासी हजार व्रतधारी मुनि, जो बाल्यकाल से ही ब्रह्मचारी थे, उनसे यही व्रत सीखे।

श्लोक 23 (bhagavata.8.1.23)

तृतीय उत्तमो नाम प्रियव्रतसुतो मनुः । पवनः सृञ्जयो यज्ञहोत्राद्यास्तत्सुता नृप ॥ 1.23 ॥

tṛtīya uttamo nāma priyavrata-suto manuḥ pavanaḥ sṛñjayo yajña- hotrādyās tat-sutā nṛpa

हे राजन्! तृतीय मनु उत्तम, प्रियव्रत के पुत्र थे; पवन, सृञ्जय, यज्ञहोत्र आदि उनके पुत्र थे।

श्लोक 24 (bhagavata.8.1.24)

वसिष्ठतनयाः सप्त ऋषयः प्रमदादयः । सत्या वेदश्रुता भद्रा देवा इन्द्रस्तु सत्यजित् ॥ 1.24 ॥

vasiṣṭha-tanayāḥ sapta ṛṣayaḥ pramadādayaḥ satyā vedaśrutā bhadrā devā indras tu satyajit

उस युग के सात ऋषि प्रमद आदि वसिष्ठ के पुत्र थे; सत्य, वेदश्रुत तथा भद्र नामक देवगण थे, और सत्यजित इन्द्र थे।

श्लोक 25 (bhagavata.8.1.25)

धर्मस्य सूनृतायां तु भगवान्पुरुषोत्तमः । सत्यसेन इति ख्यातो जातः सत्यव्रतैः सह ॥ 1.25 ॥

dharmasya sūnṛtāyāṁ tu bhagavān puruṣottamaḥ satyasena iti khyāto jātaḥ satyavrataiḥ saha

इस मन्वन्तर में धर्म की पत्नी सूनृता के गर्भ से भगवान पुरुषोत्तम सत्यसेन नाम से विख्यात होकर सत्यव्रत नामक देवताओं सहित प्रकट हुए।

श्लोक 26 (bhagavata.8.1.26)

सोऽनृतव्रतदुःशीलानसतो यक्षराक्षसान् । भूतद्रुहो भूतगणांश्चावधीत् सत्यजित्सखः ॥ 1.26 ॥

so ’nṛta-vrata-duḥśīlān asato yakṣa-rākṣasān bhūta-druho bhūta-gaṇāṁś cāvadhīt satyajit-sakhaḥ

सत्यजित के मित्र उस भगवान ने मिथ्या व्रत वाले, दुष्ट स्वभाव के, प्राणियों को सताने वाले यक्ष-राक्षसों तथा उनके गणों का वध किया।

श्लोक 27 (bhagavata.8.1.27)

चतुर्थ उत्तमभ्राता मनुर्नाम्ना च तामसः । पृथुः ख्यातिर्नरः केतुरित्याद्या दश तत्सुताः ॥ 1.27 ॥

caturtha uttama-bhrātā manur nāmnā ca tāmasaḥ pṛthuḥ khyātir naraḥ ketur ity ādyā daśa tat-sutāḥ

चतुर्थ मनु, उत्तम के भ्राता, तामस नाम से प्रसिद्ध हुए; पृथु, ख्याति, नर, केतु आदि उनके दस पुत्र थे।

श्लोक 28 (bhagavata.8.1.28)

सत्यका हरयो वीरा देवास्त्रिशिख ईश्वरः । ज्योतिर्धामादयः सप्त ऋषयस्तामसेऽन्तरे ॥ 1.28 ॥

satyakā harayo vīrā devās triśikha īśvaraḥ jyotirdhāmādayaḥ sapta ṛṣayas tāmase ’ntare

तामस मन्वन्तर में सत्यक, हरि तथा वीर नामक देवगण थे; त्रिशिख इन्द्र थे; और ज्योतिर्धाम आदि सात ऋषि थे।

श्लोक 29 (bhagavata.8.1.29)

देवा वैधृतयो नाम विधृतेस्तनया नृप । नष्टाः कालेन यैर्वेदा विधृताः स्वेन तेजसा ॥ 1.29 ॥

devā vaidhṛtayo nāma vidhṛtes tanayā nṛpa naṣṭāḥ kālena yair vedā vidhṛtāḥ svena tejasā

हे राजन्! विधृति के पुत्र वैधृति नामक देवगण थे, जिन्होंने काल के प्रवाह में लुप्त हुए वेदों को अपने तेज से पुनः सुरक्षित किया।

श्लोक 30 (bhagavata.8.1.30)

तत्रापि जज्ञे भगवान्हरिण्यां हरिमेधसः । हरिरित्याहृतो येन गजेन्द्रो मोचितो ग्रहात् ॥ 1.30 ॥

tatrāpi jajñe bhagavān hariṇyāṁ harimedhasaḥ harir ity āhṛto yena gajendro mocito grahāt

उस मन्वन्तर में भी हरिमेधा की पत्नी हरिणी के गर्भ से भगवान ने जन्म लिया और हरि नाम से प्रसिद्ध हुए — यही वे हैं जिन्होंने गजेन्द्र को ग्राह की पकड़ से मुक्त किया।

श्लोक 31 (bhagavata.8.1.31)

श्रीराजोवाच बादरायण एतत् ते श्रोतुमिच्छामहे वयम् । हरिर्यथा गजपतिं ग्राहग्रस्तममूमुचत् ॥ 1.31 ॥

śrī-rājovāca bādarāyaṇa etat te śrotum icchāmahe vayam harir yathā gaja-patiṁ grāha-grastam amūmucat

राजा ने कहा — हे बादरायणि! हम आपसे यह सुनना चाहते हैं कि किस प्रकार हरि ने ग्राह द्वारा पकड़े गए गजराज को मुक्त किया।

श्लोक 32 (bhagavata.8.1.32)

तत्कथासु महत् पुण्यं धन्यं स्वस्त्ययनं शुभम् । यत्र यत्रोत्तमश्लोको भगवान्गीयते हरिः ॥ 1.32 ॥

tat-kathāsu mahat puṇyaṁ dhanyaṁ svastyayanaṁ śubham yatra yatrottamaśloko bhagavān gīyate hariḥ

जहाँ-जहाँ भी उत्तमश्लोक भगवान हरि का गुणगान होता है, वह कथा महान् पुण्यदायी, कल्याणकारी, मंगलकारी तथा शुभ होती है।

श्लोक 33 (bhagavata.8.1.33)

श्रीसूत उवाच परीक्षितैवं स तु बादरायणिः प्रायोपविष्टेन कथासु चोदितः । उवाच विप्राः प्रतिनन्द्य पार्थिवं मुदा मुनीनां सदसि स्म शृण्वताम् ॥ 1.33 ॥

śrī-sūta uvāca parīkṣitaivaṁ sa tu bādarāyaṇiḥ prāyopaviṣṭena kathāsu coditaḥ uvāca viprāḥ pratinandya pārthivaṁ mudā munīnāṁ sadasi sma śṛṇvatām

श्रीसूत जी ने कहा — हे विप्रगण! इस प्रकार अनशनव्रत में बैठे परीक्षित द्वारा आगे की कथा के लिए प्रेरित होकर, बादरायणि (शुकदेव) ने राजा का सम्मान करते हुए, श्रवणेच्छुक मुनियों की सभा में हर्षपूर्वक कथा कहना आरम्भ किया।