देवी-माहात्म्य में मधु-कैटभ वध

श्लोक 1 (devibhagavatam.10.11.1)

राजोवाच । का सा देवी त्वया प्रोक्ता ब्रूहि कालविदां वर । का मोहयति सत्त्वानि कारणं किं भवेद् द्विज ॥

rājovāca kā sā devī tvayā proktā brūhi kālavidāṁ vara kā mohayati sattvāni kāraṇaṁ kiṁ bhaved dvija

राजा ने कहा — हे कालवेत्ताओं में श्रेष्ठ! वह देवी कौन हैं जिनका आपने वर्णन किया? कौन प्राणियों को मोहित करती हैं, और हे द्विज! इसका क्या कारण है?

श्लोक 2 (devibhagavatam.10.11.2)

कस्मादुत्पद्यते देवी किंरूपा सा किमात्मिका । सर्वमाख्याहि भूदेव कृपया मम सर्वतः ॥

kasmādutpadyate devī kiṁrūpā sā kimātmikā sarvamākhyāhi bhūdeva kṛpayā mama sarvataḥ

देवी किससे उत्पन्न होती हैं, उनका कैसा रूप है, वे किस स्वरूप की हैं? हे भूदेव! कृपा कर यह सब मुझसे विस्तार से कहिए।

श्लोक 3 (devibhagavatam.10.11.3)

मुनिरुवाच । राजन् देव्याः स्वरूपं ते वर्णयामि निशामय । यथा चोत्पतिता देवी येन वा सा जगन्मयी ॥

muniruvāca rājan devyāḥ svarūpaṁ te varṇayāmi niśāmaya yathā cotpatitā devī yena vā sā jaganmayī

मुनि ने कहा — हे राजन्! मैं देवी के स्वरूप का वर्णन करता हूँ, सुनो — किस प्रकार वह जगन्मयी देवी उत्पन्न हुईं, और किसके द्वारा।

श्लोक 4 (devibhagavatam.10.11.4)

यदा नारायणो देवो विश्वं संहृत्य योगराट् । आस्तीर्य शेषं भगवान् समुद्रे निद्रितोऽभवत् ॥

yadā nārāyaṇo devo viśvaṁ saṁhṛtya yogarāṭ āstīrya śeṣaṁ bhagavān samudre nidrito'bhavat

जब योगों के राजा भगवान नारायण देव ने विश्व का संहार कर, शेषनाग को बिछाकर समुद्र में शयन किया —

श्लोक 5 (devibhagavatam.10.11.5)

तदा प्रस्वापवशगो देवदेवो जनार्दनः । तत्कर्णमलसञ्जातौ दानवौ मधुकैटभौ ॥

tadā prasvāpavaśago devadevo janārdanaḥ tatkarṇamalasañjātau dānavau madhukaiṭabhau

— तब निद्रावश उस देवाधिदेव जनार्दन के कान के मैल से दो दानव उत्पन्न हुए, मधु और कैटभ।

श्लोक 6 (devibhagavatam.10.11.6)

ब्रह्माणं हन्तुमुद्युक्तौ दानवौ घोररूपिणौ । तदा कमलजो देवो दृष्ट्वा तौ मधुकैटभौ ॥

brahmāṇaṁ hantumudyuktau dānavau ghorarūpiṇau tadā kamalajo devo dṛṣṭvā tau madhukaiṭabhau

भीषण रूप वाले वे दोनों दानव ब्रह्मा को मारने के लिए उद्यत हो गए। तब कमलयोनि ब्रह्मा ने उन मधु-कैटभ को देखकर —

श्लोक 7 (devibhagavatam.10.11.7)

निद्रितं देवदेवेशं चिन्तामाप दुरत्ययाम् । निद्रितो भगवानीशो दानवौ च दुरासदौ ॥

nidritaṁ devadeveśaṁ cintāmāpa duratyayām nidrito bhagavānīśo dānavau ca durāsadau

— और देवाधिदेव को सोया हुआ देखकर, वे दुस्तर चिंता में पड़ गए। भगवान ईश सोए हुए थे, और वे दुर्धर्ष दानव —

श्लोक 8 (devibhagavatam.10.11.8)

किं करोमि क्व गच्छामि कथं शर्म लभे ह्यहम् । एवं चिन्तयतस्तस्य पद्ययोनेर्महात्मनः ॥

kiṁ karomi kva gacchāmi kathaṁ śarma labhe hyaham evaṁ cintayatastasya padyayonermahātmanaḥ

'मैं क्या करूँ, कहाँ जाऊँ, कैसे शांति प्राप्त करूँ?' इस प्रकार चिंतन करते हुए उस महात्मा पद्मयोनि (ब्रह्मा) के —

श्लोक 9 (devibhagavatam.10.11.9)

बुद्धिः प्रादूरभूत्तात तदा कार्यप्रसाधिनी । यस्या वशं गतो देवो निद्रितो भगवान् हरिः ॥

buddhiḥ prādūrabhūttāta tadā kāryaprasādhinī yasyā vaśaṁ gato devo nidrito bhagavān hariḥ

— हे तात! कार्य को सिद्ध करने वाली बुद्धि उत्पन्न हुई, कि 'जिसके वशीभूत होकर भगवान हरि सो रहे हैं —

श्लोक 10 (devibhagavatam.10.11.10)

तां देवीं शरणं यामि निद्रां सर्वप्रसूतिकाम् । ब्रह्मोवाच । देवि देवि जगद्धात्रि भक्ताभीष्टफलप्रदे ॥

tāṁ devīṁ śaraṇaṁ yāmi nidrāṁ sarvaprasūtikām brahmovāca devi devi jagaddhātri bhaktābhīṣṭaphalaprade

— उन सर्व-प्रसूति करने वाली निद्रा-देवी की मैं शरण लेता हूँ।' ब्रह्मा ने कहा — हे देवी देवी, जगद्धात्री, भक्तों को अभीष्ट फल देने वाली —

श्लोक 11 (devibhagavatam.10.11.11)

जगन्माये महामाये समुद्रशयने शिवे । त्वदाज्ञावशगाः सर्वे स्वस्वकार्यविधायिनः ॥

jaganmāye mahāmāye samudraśayane śive tvadājñāvaśagāḥ sarve svasvakāryavidhāyinaḥ

— जगन्माये, महामाये, समुद्र-शयन करने वाले के पास शयन करने वाली, शिवे! सभी आपकी आज्ञा के अधीन होकर अपना-अपना कार्य करते हैं —

श्लोक 12 (devibhagavatam.10.11.12)

कालरात्रिर्महारात्रिर्मोहरात्रिर्मदोत्कटा । व्यापिनी वशगा मान्या महानन्दैकशेवधिः ॥

kālarātrirmahārātrirmoharātrirmadotkaṭā vyāpinī vaśagā mānyā mahānandaikaśevadhiḥ

— कालरात्रि, महारात्रि, मोहरात्रि, मद से उत्कट, व्यापिनी, वशंगत, मान्य, महानंद की एकमात्र निधि —

श्लोक 13 (devibhagavatam.10.11.13)

महनीया महाराध्या माया मधुमती मही । परापराणां सर्वेषां परमा त्वं प्रकीर्तिता ॥

mahanīyā mahārādhyā māyā madhumatī mahī parāparāṇāṁ sarveṣāṁ paramā tvaṁ prakīrtitā

— महनीया, महाराध्या, माया, मधुमती, पृथ्वी-स्वरूपा — समस्त पर और अपर तत्त्वों में आप ही परम कही जाती हैं।

श्लोक 14 (devibhagavatam.10.11.14)

लज्जा पुष्टिः क्षमा कीर्तिः कान्तिः कारुण्यविग्रहा । कमनीया जगद्वन्द्या जाग्रदादिस्वरूपिणी ॥

lajjā puṣṭiḥ kṣamā kīrtiḥ kāntiḥ kāruṇyavigrahā kamanīyā jagadvandyā jāgradādisvarūpiṇī

— लज्जा, पुष्टि, क्षमा, कीर्ति, कांति, करुणा की मूर्ति, कमनीया, जगत् से वंदित, जाग्रत आदि अवस्थाओं की स्वरूपिणी —

श्लोक 15 (devibhagavatam.10.11.15)

परमा परमेशानी परानन्दपरायणा । एकाप्येकस्वरूपा च सद्वितीया द्वयात्मिका ॥

paramā parameśānī parānandaparāyaṇā ekāpyekasvarūpā ca sadvitīyā dvayātmikā

— परमा, परमेशानी, परमानंद में तत्पर; अकेली होकर भी एक स्वरूप वाली, तथा द्वितीय सहित द्वयात्मिका —

श्लोक 16 (devibhagavatam.10.11.16)

त्रयी त्रिवर्गनिलया तुर्या तुर्यपदात्मिका । पञ्चमी पञ्चभूतेशी षष्ठी षष्ठेश्वरीति च ॥

trayī trivarganilayā turyā turyapadātmikā pañcamī pañcabhūteśī ṣaṣṭhī ṣaṣṭheśvarīti ca

— त्रयी, त्रिवर्ग की निवासस्थली, चतुर्थी, चतुर्थ (तुरीय) पद की स्वरूपिणी; पंचमी, पंच भूतों की स्वामिनी, षष्ठी, षष्ठ की ईश्वरी —

श्लोक 17 (devibhagavatam.10.11.17)

सप्तमी सप्तवारेशी सप्तसप्तवरप्रदा । अष्टमी वसुनाथा च नवग्रहमयीश्वरी ॥

saptamī saptavāreśī saptasaptavarapradā aṣṭamī vasunāthā ca navagrahamayīśvarī

— सप्तमी, सातों वारों की स्वामिनी, सैंतालीस वर देने वाली; अष्टमी, वसुओं की स्वामिनी, नवग्रहमयी ईश्वरी —

श्लोक 18 (devibhagavatam.10.11.18)

नवरागकला रम्या नवसङ्ख्या नवेश्वरी । दशमी दशदिक्पूज्या दशाशाव्यापिनी रमा ॥

navarāgakalā ramyā navasaṅkhyā naveśvarī daśamī daśadikpūjyā daśāśāvyāpinī ramā

— नवरागकला से रम्य, नव-संख्या, नवें की ईश्वरी; दशमी, दशों दिशाओं से पूज्य, दशों दिशाओं में व्याप्त रमा —

श्लोक 19 (devibhagavatam.10.11.19)

एकादशात्मिका चैकादशरुद्रनिषेविता । एकादशीतिथिप्रीता एकादशगणाधिपा ॥

ekādaśātmikā caikādaśarudraniṣevitā ekādaśītithiprītā ekādaśagaṇādhipā

— एकादशात्मिका, ग्यारह रुद्रों से सेवित; एकादशी तिथि की प्रिय, ग्यारह गणों की अधिपति —

श्लोक 20 (devibhagavatam.10.11.20)

द्वादशी द्वादशभुजा द्वादशादित्यजन्मभूः । त्रयोदशात्मिका देवी त्रयोदशगणप्रिया ॥

dvādaśī dvādaśabhujā dvādaśādityajanmabhūḥ trayodaśātmikā devī trayodaśagaṇapriyā

— द्वादशी, बारह भुजाओं वाली, बारह आदित्यों की जन्मभूमि; त्रयोदशात्मिका देवी, तेरह गणों की प्रिय —

श्लोक 21 (devibhagavatam.10.11.21)

त्रयोदशाभिधा भिन्ना विश्वेदेवाधिदेवता । चतुर्दशेन्द्रवरदा चतुर्दशमनुप्रसूः ॥

trayodaśābhidhā bhinnā viśvedevādhidevatā caturdaśendravaradā caturdaśamanuprasūḥ

— तेरह भिन्न नामों वाली, विश्वेदेवों की अधिष्ठात्री देवता; चतुर्दशी, इन्द्र को वर देने वाली, चौदह मनुओं की जननी —

श्लोक 22 (devibhagavatam.10.11.22)

पञ्चाधिकदशी वेद्या पञ्चाधिकदशी तिथिः । षोडशी षोडशभुजा षोडशेन्दुकलामयी ॥

pañcādhikadaśī vedyā pañcādhikadaśī tithiḥ ṣoḍaśī ṣoḍaśabhujā ṣoḍaśendukalāmayī

— पंचदशी, जानने योग्य, पंचदशी तिथि-स्वरूपा; षोडशी, सोलह भुजाओं वाली, चन्द्रमा की सोलह कलाओं से युक्त —

श्लोक 23 (devibhagavatam.10.11.23)

षोडशात्मकचन्द्रांशुव्याप्तदिव्यकलेवरा । एवंरूपासि देवेशि निर्गुणे तामसोदये ॥

ṣoḍaśātmakacandrāṁśuvyāptadivyakalevarā evaṁrūpāsi deveśi nirguṇe tāmasodaye

— चन्द्रमा की सोलह किरणों से व्याप्त दिव्य शरीर वाली। हे देवेशी! अपने निर्गुण, तामस उदय में आपका यही रूप है —

श्लोक 24 (devibhagavatam.10.11.24)

त्वया गृहीतो भगवान्देवदेवो रमापतिः । एतौ दुरासदौ दैत्यौ विक्रान्तौ मधुकैटभौ ॥

tvayā gṛhīto bhagavāndevadevo ramāpatiḥ etau durāsadau daityau vikrāntau madhukaiṭabhau

— आपके द्वारा ही रमापति देवाधिदेव भगवान ग्रस्त कर लिए गए हैं। ये दुर्धर्ष, पराक्रमी दैत्य मधु और कैटभ —

श्लोक 25 (devibhagavatam.10.11.25)

एतयोश्च वधार्थाय देवेशं प्रतिबोधय । मुनिरुवाच । एवं स्तुता भगवती तामसी भगवत्प्रिया ॥

etayośca vadhārthāya deveśaṁ pratibodhaya muniruvāca evaṁ stutā bhagavatī tāmasī bhagavatpriyā

— इनके वध के लिए देवेश को जगा दीजिए।' मुनि ने कहा — इस प्रकार स्तुत की गई तामसी भगवती, भगवान की प्रिया —

श्लोक 26 (devibhagavatam.10.11.26)

देवदेवं तदा त्यक्त्वा मोहयामास दानवौ । तदैव भगवान्विष्णुः परमात्मा जगत्पतिः ॥

devadevaṁ tadā tyaktvā mohayāmāsa dānavau tadaiva bhagavānviṣṇuḥ paramātmā jagatpatiḥ

— तब देवाधिदेव को छोड़कर उन दोनों दानवों को मोहित करने लगीं। और उसी क्षण भगवान विष्णु, परमात्मा, जगत्पति —

श्लोक 27 (devibhagavatam.10.11.27)

प्रबोधमाप देवेशो ददृशे दानवोत्तमौ । तदा तौ दानवौ घोरौ दृष्ट्वा तं मधुसूदनम् ॥

prabodhamāpa deveśo dadṛśe dānavottamau tadā tau dānavau ghorau dṛṣṭvā taṁ madhusūdanam

— वे देवेश जाग उठे और उन दोनों श्रेष्ठ दानवों को देखा। तब उन दोनों भीषण दानवों ने उस मधुसूदन को देखकर —

श्लोक 28 (devibhagavatam.10.11.28)

युद्धाय कृतसङ्कल्पौ जग्मतुः सन्निधिं हरेः । युयुधे च ततस्ताभ्यां भगवान्मधुसूदनः ॥

yuddhāya kṛtasaṅkalpau jagmatuḥ sannidhiṁ hareḥ yuyudhe ca tatastābhyāṁ bhagavānmadhusūdanaḥ

— युद्ध का संकल्प लेकर हरि के समीप गए। तब भगवान मधुसूदन उन दोनों के साथ युद्ध करने लगे —

श्लोक 29 (devibhagavatam.10.11.29)

पञ्चवर्षसहस्राणि बाहुप्रहरणो विभुः । तौ तदातिबलोन्मत्तौ जगन्मायाविमोहितौ ॥

pañcavarṣasahasrāṇi bāhupraharaṇo vibhuḥ tau tadātibalonmattau jaganmāyāvimohitau

— पाँच हज़ार वर्षों तक, वे विभु अपनी भुजाओं को ही शस्त्र बनाकर। तब वे अत्यंत बलोन्मत्त, जगन्माया से मोहित हुए दोनों —

श्लोक 30 (devibhagavatam.10.11.30)

व्रियतां वर इत्येवमूचतुः परमेश्वरम् । एवं तयोर्वचः श्रुत्वा भगवानादिपूरुषः ॥

vriyatāṁ vara ityevamūcatuḥ parameśvaram evaṁ tayorvacaḥ śrutvā bhagavānādipūruṣaḥ

— परमेश्वर से बोले, 'वर माँगो।' इस प्रकार उन दोनों के वचन सुनकर भगवान आदिपुरुष ने —

श्लोक 31 (devibhagavatam.10.11.31)

वव्रे वध्याबुभौ मेऽद्य भवेतामिति निश्चितम् । तौ तदातिबलौ देवं पुनरेवोचतुर्हरिम् ॥

vavre vadhyābubhau me'dya bhavetāmiti niścitam tau tadātibalau devaṁ punarevocaturharim

— चाहा, 'तुम दोनों आज मेरे द्वारा वध्य बन जाओ' — ऐसा निश्चय किया। तब वे दोनों अत्यंत बलशाली फिर से हरि देव से बोले —

श्लोक 32 (devibhagavatam.10.11.32)

आवां जहि न यत्रोर्वी पयसा च परिप्लुता । तथेत्युक्त्वा भगवता गदाशङ्खभृता नृप ॥

āvāṁ jahi na yatrorvī payasā ca pariplutā tathetyuktvā bhagavatā gadāśaṅkhabhṛtā nṛpa

'हमें वहाँ मारिए, जहाँ पृथ्वी जल से आप्लावित न हो।' 'तथास्तु' कहकर भगवान गदा-शंख धारण किए हुए, हे नृप! —

श्लोक 33 (devibhagavatam.10.11.33)

कृत्वा चक्रेण वै छिन्ने जघने शिरसी तयोः । एवं देवी समुत्पन्ना ब्रह्मणा संस्तुता नृप ॥

kṛtvā cakreṇa vai chinne jaghane śirasī tayoḥ evaṁ devī samutpannā brahmaṇā saṁstutā nṛpa

— चक्र से उन दोनों की जंघाओं और सिरों को काट दिया। इस प्रकार, हे राजन्! ब्रह्मा द्वारा स्तुत होकर वह देवी उत्पन्न हुईं —

श्लोक 34 (devibhagavatam.10.11.34)

महाकाली महाराज सर्वयोगेश्वरेश्वरी । महालक्ष्म्यास्तथोत्पत्तिं निशामय महीपते ॥

mahākālī mahārāja sarvayogeśvareśvarī mahālakṣmyāstathotpattiṁ niśāmaya mahīpate

— महाकाली के रूप में, हे महाराज! समस्त योगेश्वरों की भी ईश्वरी। अब हे महीपते! महालक्ष्मी की उत्पत्ति भी सुनिए।