चाक्षुष मनु का वृत्तांत

श्लोक 1 (devibhagavatam.10.9.1)

श्रीनारायण उवाच । अथातः श्रूयतां चित्रं देवीमाहाक्त्यमुत्तमम् । अङ्गपुत्रेण मनुना यथाऽऽप्तं राज्यमुत्तमम् ॥

śrīnārāyaṇa uvāca athātaḥ śrūyatāṁ citraṁ devīmāhāktyamuttamam aṅgaputreṇa manunā yathā''ptaṁ rājyamuttamam

श्री नारायण ने कहा — अब यह अद्भुत, देवी की उत्तम महिमा सुनो — कि अंग-पुत्र मनु ने किस प्रकार उत्तम राज्य प्राप्त किया।

श्लोक 2 (devibhagavatam.10.9.2)

अङ्गस्य राज्ञः पुत्रोऽभूच्चाक्षुषो मनुरुत्तमः । षष्ठः सुपुलहं नाम ब्रह्मर्षिं शरणं गतः ॥

aṅgasya rājñaḥ putro'bhūccākṣuṣo manuruttamaḥ ṣaṣṭhaḥ supulahaṁ nāma brahmarṣiṁ śaraṇaṁ gataḥ

राजा अंग का पुत्र चाक्षुष उत्तम षष्ठ मनु हुआ। उसने ब्रह्मर्षि पुलह की शरण ली।

श्लोक 3 (devibhagavatam.10.9.3)

ब्रह्मर्षे त्वामहं प्राप्तः शरणं प्रणतार्तिहन् । शाधि मां किङ्करंस्वामिन् येनाहं प्राप्नुयां श्रियम् ॥

brahmarṣe tvāmahaṁ prāptaḥ śaraṇaṁ praṇatārtihan śādhi māṁ kiṅkaraṁsvāmin yenāhaṁ prāpnuyāṁ śriyam

'हे ब्रह्मर्षे! शरणागतों की पीड़ा हरने वाले, मैं आपकी शरण में आया हूँ। हे स्वामी! मुझ किंकर को उपदेश दीजिए, जिससे मैं ऐश्वर्य प्राप्त करूँ —

श्लोक 4 (devibhagavatam.10.9.4)

मेदिन्याश्चाधिपत्यं मे स्याद्यथावदखण्डितम् । अव्याहतं भुजबलं शस्त्रास्त्रनिपुणं क्षमम् ॥

medinyāścādhipatyaṁ me syādyathāvadakhaṇḍitam avyāhataṁ bhujabalaṁ śastrāstranipuṇaṁ kṣamam

— पृथ्वी का आधिपत्य मुझे यथाविधि अखंडित प्राप्त हो, मेरा भुजबल अव्याहत, शस्त्र-अस्त्रों में निपुण और समर्थ हो —

श्लोक 5 (devibhagavatam.10.9.5)

सन्ततिश्चिरकालीनाप्यखण्डं वय उत्तमम् । अन्तेऽपवर्गलाभश्च स्यात्तथोपदिशाद्य मे ॥

santatiścirakālīnāpyakhaṇḍaṁ vaya uttamam ante'pavargalābhaśca syāttathopadiśādya me

— चिरकाल तक रहने वाली अखंड उत्तम आयु और संतान भी हो, तथा अंत में मोक्ष की प्राप्ति हो — यह सब आज मुझे उपदेश दीजिए।

श्लोक 6 (devibhagavatam.10.9.6)

इत्येवं वचनं तस्य मनोः कर्णपथेऽभवत् । प्रत्युवाच मुनिः श्रीमान् देव्याः संराधनं परम् ॥

ityevaṁ vacanaṁ tasya manoḥ karṇapathe'bhavat pratyuvāca muniḥ śrīmān devyāḥ saṁrādhanaṁ param

मनु के इस प्रकार वचन उनके कानों में पड़े; तब उन श्रीमान मुनि ने देवी की परम आराधना के विषय में उत्तर दिया।

श्लोक 7 (devibhagavatam.10.9.7)

राजन्नाकर्णय वचो मम श्रोत्रसुखं महत् । शिवामाराधयाद्य त्वं तत्प्रसादादिदं भवेत् ॥

rājannākarṇaya vaco mama śrotrasukhaṁ mahat śivāmārādhayādya tvaṁ tatprasādādidaṁ bhavet

'हे राजन्! मेरे कानों को अत्यंत सुखद वचन सुनो। तुम आज ही शिवा (देवी) की आराधना करो; उनके प्रसाद से यह सब हो जाएगा।'

श्लोक 8 (devibhagavatam.10.9.8)

चाक्षुष उवाच । कीदृगाराधनं देव्यास्तस्याः परमपावनम् । केनाकारेण कर्तव्यं कारुण्याद्वक्तुमर्हसि ॥

cākṣuṣa uvāca kīdṛgārādhanaṁ devyāstasyāḥ paramapāvanam kenākāreṇa kartavyaṁ kāruṇyādvaktumarhasi

चाक्षुष ने कहा — देवी की वह परम पावन आराधना कैसी है? किस विधि से करनी चाहिए? हे करुणामय! कृपया बताइए।

श्लोक 9 (devibhagavatam.10.9.9)

मुनिरुवाच । राजन्नाकर्ण्यतां देव्याः पूजनं परमव्ययम् । वाग्भवं बीजमव्यक्तं सञ्जप्यमनिशं तथा ॥

muniruvāca rājannākarṇyatāṁ devyāḥ pūjanaṁ paramavyayam vāgbhavaṁ bījamavyaktaṁ sañjapyamaniśaṁ tathā

मुनि ने कहा — हे राजन्! देवी की परम अविनाशी पूजा को सुनो। अव्यक्त वाग्भव बीज-मंत्र का निरंतर जप करना चाहिए —

श्लोक 10 (devibhagavatam.10.9.10)

त्रिकालं सञ्जपन्मर्त्यो भुक्तिमुक्ती लभेत्तु हि । न बीजं वाग्भवादन्यदस्ति राजन्यनन्दन ॥

trikālaṁ sañjapanmartyo bhuktimuktī labhettu hi na bījaṁ vāgbhavādanyadasti rājanyanandana

— जो मनुष्य त्रिकाल इसका जप करता है, वह निश्चय ही भोग और मोक्ष दोनों प्राप्त करता है। हे राजनन्दन! वाग्भव के अतिरिक्त और कोई बीज-मंत्र नहीं है —

श्लोक 11 (devibhagavatam.10.9.11)

जपात्सिद्धिकरं वीर्यबलवृद्धिकरं परम् । एतस्य जापात्पाद्मोऽपि सृष्टिकर्ता महाबलः ॥

japātsiddhikaraṁ vīryabalavṛddhikaraṁ param etasya jāpātpādmo'pi sṛṣṭikartā mahābalaḥ

— जो जप से सिद्धिदायक और परम वीर्य-बल-वर्धक है। इसी के जप से महाबली कमलयोनि ब्रह्मा भी —

श्लोक 12 (devibhagavatam.10.9.12)

विष्णुर्यज्जपतः सृष्टिपालकः परिकीर्तितः । महेश्वरोऽपि संहर्ता यज्जपादभवन्नृप ॥

viṣṇuryajjapataḥ sṛṣṭipālakaḥ parikīrtitaḥ maheśvaro'pi saṁhartā yajjapādabhavannṛpa

— विष्णु, जिनके जप से वे सृष्टि के पालक कहलाए; महेश्वर भी जिनके जप से संहारक हुए, हे नृप!

श्लोक 13 (devibhagavatam.10.9.13)

लोकपालास्तथान्येऽपि निग्रहानुग्रहक्षमाः । यदाश्रयादभूवंस्ते बलवीर्यमदोद्धताः ॥

lokapālāstathānye'pi nigrahānugrahakṣamāḥ yadāśrayādabhūvaṁste balavīryamadoddhatāḥ

— तथा अन्य लोकपाल भी, जो दण्ड और अनुग्रह दोनों में समर्थ हैं — जिसके आश्रय से वे बल और पराक्रम से उद्धत हुए —

श्लोक 14 (devibhagavatam.10.9.14)

एवं त्वमपि राजन्य महेशीं जगदम्बिकाम् । समाराध्य महर्द्धिं च लप्स्यसेऽचिरकालतः ॥

evaṁ tvamapi rājanya maheśīṁ jagadambikām samārādhya maharddhiṁ ca lapsyase'cirakālataḥ

— इसी प्रकार तुम भी, हे राजन्! जगदंबिका महेशी की आराधना कर, शीघ्र ही महासमृद्धि प्राप्त करोगे।

श्लोक 15 (devibhagavatam.10.9.15)

एवं स मुनिवर्येण पुलहेन प्रबोधितः । अङ्गपुत्रस्तपस्तप्तुं जगाम विरजां नदीम् ॥

evaṁ sa munivaryeṇa pulahena prabodhitaḥ aṅgaputrastapastaptuṁ jagāma virajāṁ nadīm

इस प्रकार श्रेष्ठ मुनि पुलह द्वारा प्रबोधित होकर, अंग-पुत्र तपस्या करने के लिए विरजा नदी की ओर चला गया।

श्लोक 16 (devibhagavatam.10.9.16)

स च तेपे तपस्तीव्रं वाग्भवस्य जपे रतः । बीजस्य पृथिवीपालः शीर्णपर्णाशनो विभुः ॥

sa ca tepe tapastīvraṁ vāgbhavasya jape rataḥ bījasya pṛthivīpālaḥ śīrṇaparṇāśano vibhuḥ

वह पृथ्वीपाल विभु वाग्भव बीज के जप में रत होकर तीव्र तपस्या करने लगा, सूखे पत्तों का आहार करते हुए।

श्लोक 17 (devibhagavatam.10.9.17)

प्रथमेऽब्दे पल्लवाशो द्वितीये तोयभक्षणः । तृतीयेऽब्दे पवनभुक् तस्थौ स्थाणुरिवाचलः ॥

prathame'bde pallavāśo dvitīye toyabhakṣaṇaḥ tṛtīye'bde pavanabhuk tasthau sthāṇurivācalaḥ

पहले वर्ष कोंपलों का आहार किया, दूसरे वर्ष केवल जल पिया, तीसरे वर्ष केवल वायु ग्रहण की, और स्थाणु के समान अचल खड़ा रहा।

श्लोक 18 (devibhagavatam.10.9.18)

एवं द्वादश वर्षाणि त्यक्ताहारस्य भूभुजः । वाग्भवं जपतो नित्यं मतिरासीच्छुभान्विता ॥

evaṁ dvādaśa varṣāṇi tyaktāhārasya bhūbhujaḥ vāgbhavaṁ japato nityaṁ matirāsīcchubhānvitā

इस प्रकार बारह वर्षों तक आहार त्यागकर, नित्य वाग्भव मंत्र का जप करते हुए उस राजा की बुद्धि शुभ भावों से युक्त रही।

श्लोक 19 (devibhagavatam.10.9.19)

तथा च देव्याः परमं मन्त्रं सज्जपतो रहः । प्रादुरासीज्जगन्माता साक्षाच्छ्रीपरमेश्वरी ॥

tathā ca devyāḥ paramaṁ mantraṁ sajjapato rahaḥ prādurāsījjaganmātā sākṣācchrīparameśvarī

और इस प्रकार एकांत में देवी के उस परम मंत्र का जप करते हुए, साक्षात् श्री परमेश्वरी जगन्माता प्रकट हुईं —

श्लोक 20 (devibhagavatam.10.9.20)

तेजोमयी दुराधर्षा सर्वदेवमयीश्वरी । उवाचाङ्गतनूजं तं प्रसन्ना ललिताक्षरम् ॥

tejomayī durādharṣā sarvadevamayīśvarī uvācāṅgatanūjaṁ taṁ prasannā lalitākṣaram

— तेजोमयी, दुर्धर्ष, सर्वदेवमयी ईश्वरी — प्रसन्न होकर उन्होंने मधुर वाणी में उस अंग-पुत्र से कहा।

श्लोक 21 (devibhagavatam.10.9.21)

देव्युवाच । पृथिवीपाल ते यत्स्याच्चिन्तितं परमं वरम् । तद् ब्रूहि सम्प्रदास्यामि तपसा ते सुतोषिता ॥

devyuvāca pṛthivīpāla te yatsyāccintitaṁ paramaṁ varam tad brūhi sampradāsyāmi tapasā te sutoṣitā

देवी ने कहा — हे पृथ्वीपाल! तुमने जो परम वर चिंतन किया हो, वह कहो; मैं तुम्हारी तपस्या से संतुष्ट होकर वह प्रदान करूँगी।

श्लोक 22 (devibhagavatam.10.9.22)

चाक्षुष उवाच । जानासि देवदेवेशि यत्प्रार्थ्यं मनसेप्सितम् । अन्तर्यामिस्वरूपेण तत्सर्वं देवपूजिते ॥

cākṣuṣa uvāca jānāsi devadeveśi yatprārthyaṁ manasepsitam antaryāmisvarūpeṇa tatsarvaṁ devapūjite

चाक्षुष ने कहा — हे देवदेवेशी! जो कुछ भी मन में इच्छित और प्रार्थनीय है, अंतर्यामी-स्वरूप से आप वह सब जानती हैं, हे देवपूजिते! —

श्लोक 23 (devibhagavatam.10.9.23)

तथापि मम भाग्येन जातं यत्तव दर्शनम् । ब्रवीमि देवि मे देहि राज्यं मन्वन्तराश्रितम् ॥

tathāpi mama bhāgyena jātaṁ yattava darśanam bravīmi devi me dehi rājyaṁ manvantarāśritam

— फिर भी, हे देवि! मेरे सौभाग्य से आपका यह दर्शन प्राप्त हुआ है, इसलिए कहता हूँ — मुझे मन्वंतर से युक्त राज्य दीजिए।

श्लोक 24 (devibhagavatam.10.9.24)

देव्युवाच । दत्तं मन्वन्तरस्यास्य राज्यं राजन्यसत्तम । पुत्रा महाबलास्ते च भविष्यन्ति गुणाधिकाः ॥

devyuvāca dattaṁ manvantarasyāsya rājyaṁ rājanyasattama putrā mahābalāste ca bhaviṣyanti guṇādhikāḥ

देवी ने कहा — हे श्रेष्ठ राजन्! इस मन्वंतर का राज्य तुम्हें दिया जाता है। और तुम्हारे पुत्र महाबली, गुणों से अधिक संपन्न होंगे।

श्लोक 25 (devibhagavatam.10.9.25)

राज्यं निष्कण्टकं भावि मोक्षोऽन्ते चापि निश्चितः । एवं दत्त्वा परं देवी मनवे वरमुत्तमम् ॥

rājyaṁ niṣkaṇṭakaṁ bhāvi mokṣo'nte cāpi niścitaḥ evaṁ dattvā paraṁ devī manave varamuttamam

तुम्हारा राज्य निष्कंटक होगा और अंत में मोक्ष भी निश्चित है।' इस प्रकार मनु को यह उत्तम वर देकर देवी —

श्लोक 26 (devibhagavatam.10.9.26)

जगामादर्शनं सद्यस्तेन भक्त्या च संस्तुता । सोऽपि राजा मनुः षष्ठः प्रसादात्तु तदाश्रयात् ॥

jagāmādarśanaṁ sadyastena bhaktyā ca saṁstutā so'pi rājā manuḥ ṣaṣṭhaḥ prasādāttu tadāśrayāt

— उसके द्वारा भक्तिपूर्वक स्तुत होकर तुरंत अदृश्य हो गईं। वह राजा, षष्ठ मनु भी, उस प्रसाद और आश्रय से —

श्लोक 27 (devibhagavatam.10.9.27)

बभूव मनुमान्योऽसौ सार्वभौमसुखैर्वृतः । पुत्रास्तस्य बलोद्युक्ताः कार्यभारसहादृताः ॥

babhūva manumānyo'sau sārvabhaumasukhairvṛtaḥ putrāstasya balodyuktāḥ kāryabhārasahādṛtāḥ

— मनु के योग्य मान्य हुआ, सार्वभौम सुखों से घिरा हुआ। उसके पुत्र बल में उद्युक्त, कार्यभार सहने में समर्थ —

श्लोक 28 (devibhagavatam.10.9.28)

देवीभक्ताश्च शूराश्च महाबलपराक्रमाः । अन्यत्र माननीयाश्च महाराज्यसुखास्पदाः ॥

devībhaktāśca śūrāśca mahābalaparākramāḥ anyatra mānanīyāśca mahārājyasukhāspadāḥ

— देवीभक्त और शूरवीर, महाबल-पराक्रम से युक्त, अन्यत्र भी सम्मानित, महाराज्य के सुखों के आधार हुए।

श्लोक 29 (devibhagavatam.10.9.29)

एवं च चाक्षुषमनुर्देव्याराधनतः प्रभुः । बभूव मनुवर्योऽसौ जगामान्ते शिवापदम् ॥

evaṁ ca cākṣuṣamanurdevyārādhanataḥ prabhuḥ babhūva manuvaryo'sau jagāmānte śivāpadam

इस प्रकार चाक्षुष मनु देवी की आराधना से वह प्रभु उत्तम मनु हुआ, और अंत में शिव के कल्याणकारी पद को प्राप्त हुआ।