मनुकृत देवी-स्तवन

श्लोक 1 (devibhagavatam.11.1.1)

नारद उवाच । भगवन् भूतभव्येश नारायण सनातन । आख्यातं परमाश्चर्यं देवीचारित्रमुत्तमम्

nārada uvāca bhagavan bhūtabhavyeśa nārāyaṇa sanātana ākhyātaṁ paramāścaryaṁ devīcāritramuttamam

नारद ने कहा — हे भगवन्! हे भूत-भविष्य के स्वामी! हे सनातन नारायण! आपने देवी के परम अद्भुत और उत्तम चरित्र का वर्णन किया।

श्लोक 2 (devibhagavatam.11.1.2)

प्रादुर्भावः परो मातुः कार्यार्थमसुरद्रुहाम् । अधिकाराप्तिरुक्तात्र देवीपूर्णकृपावशात्

prādurbhāvaḥ paro mātuḥ kāryārthamasuradruhām adhikārāptiruktātra devīpūrṇakṛpāvaśāt

असुरों के शत्रुओं (देवगण) के कार्यसिद्धि हेतु माता की परम अभिव्यक्ति और उनके अधिकार की प्राप्ति — यह सब देवी की पूर्ण कृपा से ही यहाँ कहा गया है।

श्लोक 3 (devibhagavatam.11.1.3)

अधुना श्रोतुमिच्छामि येन प्रीणाति सर्वदा । स्वभक्तान्परिपुष्णाति तमाचारं वद प्रभो

adhunā śrotumicchāmi yena prīṇāti sarvadā svabhaktānparipuṣṇāti tamācāraṁ vada prabho

हे प्रभो! अब मैं वह आचार सुनना चाहता हूँ, जिससे वे सदा प्रसन्न रहती हैं और अपने भक्तों का सदैव पोषण करती हैं — कृपया वह बताइए।

श्लोक 4 (devibhagavatam.11.1.4)

श्रीनारायण उवाच । शृणु नारद तत्त्वज्ञ सदाचारविधिक्रमम् । यदनुष्ठानमात्रेण देवी प्रीणाति सर्वदा

śrīnārāyaṇa uvāca śṛṇu nārada tattvajña sadācāravidhikramam yadanuṣṭhānamātreṇa devī prīṇāti sarvadā

श्रीनारायण ने कहा — हे तत्त्वज्ञ नारद! सदाचार की उस विधि-क्रम को सुनो, जिसके पालनमात्र से देवी सदा प्रसन्न रहती हैं।

श्लोक 5 (devibhagavatam.11.1.5)

प्रातरुत्थाय कर्तव्यं यद् द्विजेन दिने दिने । तदहं सम्प्रवक्ष्यामि द्विजानामुपकारकम्

prātarutthāya kartavyaṁ yad dvijena dine dine tadahaṁ sampravakṣyāmi dvijānāmupakārakam

प्रातःकाल उठकर द्विज को प्रतिदिन जो कर्तव्य करना चाहिए, वह मैं द्विजों के हितार्थ भलीभाँति कहूँगा।

श्लोक 6 (devibhagavatam.11.1.6)

उदयास्तमयं यावद् द्विजः सत्कर्मकृद्भवेत् । नित्यनैमित्तिकैर्युक्तः काम्यैश्चान्यैरगर्हितैः

udayāstamayaṁ yāvad dvijaḥ satkarmakṛdbhavet nityanaimittikairyuktaḥ kāmyaiścānyairagarhitaiḥ

उदय से अस्त तक द्विज को नित्य, नैमित्तिक तथा अन्य निन्दारहित काम्य कर्मों से युक्त होकर सत्कर्म करने वाला होना चाहिए।

श्लोक 7 (devibhagavatam.11.1.7)

आत्मनश्च सहायार्थं पिता माता न तिष्ठति । न पुत्रदारा न ज्ञातिर्धर्मस्तिष्ठति केवलम्

ātmanaśca sahāyārthaṁ pitā mātā na tiṣṭhati na putradārā na jñātirdharmastiṣṭhati kevalam

अपनी सहायता के लिए न तो पिता-माता सदा रहते हैं, न पुत्र-पत्नी, न ही ज्ञातिजन — केवल धर्म ही स्थायी सहायक रहता है।

श्लोक 8 (devibhagavatam.11.1.8)

तस्माद्धर्मं सहायार्थं नित्यं सञ्चिनु साधनैः । धर्मेणैव सहायात्तु तमस्तरति दुस्तरम्

tasmāddharmaṁ sahāyārthaṁ nityaṁ sañcinu sādhanaiḥ dharmeṇaiva sahāyāttu tamastarati dustaram

इसलिए साधनों द्वारा नित्य धर्म का संचय अपनी सहायता के लिए करते रहो; क्योंकि धर्म की ही सहायता से मनुष्य दुस्तर अंधकार को पार करता है।

श्लोक 9 (devibhagavatam.11.1.9)

आचारः प्रथमो धर्मः श्रुत्युक्तः स्मार्त एव च । तस्मादस्मिन्समायुक्तो नित्यं स्यादात्मनो द्विजः

ācāraḥ prathamo dharmaḥ śrutyuktaḥ smārta eva ca tasmādasminsamāyukto nityaṁ syādātmano dvijaḥ

आचार ही प्रथम धर्म है, जो श्रुति और स्मृति दोनों में कहा गया है; अतः द्विज को सदैव इसी में समर्पित रहना चाहिए।

श्लोक 10 (devibhagavatam.11.1.10)

आचाराल्लभते चायुराचाराल्लभते प्रजाः । आचारादन्नमक्षय्यमाचारो हन्ति पातकम्

ācārāllabhate cāyurācārāllabhate prajāḥ ācārādannamakṣayyamācāro hanti pātakam

आचार से आयु प्राप्त होती है, आचार से संतान मिलती है, आचार से अक्षय अन्न मिलता है, और आचार पाप का नाश करता है।

श्लोक 11 (devibhagavatam.11.1.11)

आचारः परमो धर्मो नृणां कल्याणकारकः । इह लोके सुखी भूत्वा परत्र लभते सुखम्

ācāraḥ paramo dharmo nṛṇāṁ kalyāṇakārakaḥ iha loke sukhī bhūtvā paratra labhate sukham

आचार ही मनुष्यों का कल्याणकारी परम धर्म है; इस लोक में सुखी होकर मनुष्य परलोक में भी सुख प्राप्त करता है।

श्लोक 12 (devibhagavatam.11.1.12)

अज्ञानान्धजनानां तु मोहितैर्भ्रामितात्मनाम् । धर्मरूपो महादीपो मुक्तिमार्गप्रदर्शकः

ajñānāndhajanānāṁ tu mohitairbhrāmitātmanām dharmarūpo mahādīpo muktimārgapradarśakaḥ

अज्ञान से अंधे, मोहित और भ्रमित आत्मा वाले लोगों के लिए यह धर्म-रूपी महादीप मुक्ति के मार्ग का प्रदर्शक है।

श्लोक 13 (devibhagavatam.11.1.13)

आचारात्प्राप्यते श्रैष्ठ्यमाचारात्कर्म लभ्यते । कर्मणो जायते ज्ञानमिति वाक्यं मनोः स्मृतम्

ācārātprāpyate śraiṣṭhyamācārātkarma labhyate karmaṇo jāyate jñānamiti vākyaṁ manoḥ smṛtam

आचार से श्रेष्ठता प्राप्त होती है, आचार से कर्म प्राप्त होता है, और कर्म से ज्ञान उत्पन्न होता है — यह मनु का वचन स्मृत है।

श्लोक 14 (devibhagavatam.11.1.14)

सर्वधर्मवरिष्ठोऽयमाचारः परमं तपः । तदेव ज्ञानमुद्दिष्टं तेन सर्वं प्रसाध्यते

sarvadharmavariṣṭho'yamācāraḥ paramaṁ tapaḥ tadeva jñānamuddiṣṭaṁ tena sarvaṁ prasādhyate

यह आचार सब धर्मों में श्रेष्ठ और परम तप है; इसे ही ज्ञान कहा गया है, और इसी से सब कुछ सिद्ध होता है।

श्लोक 15 (devibhagavatam.11.1.15)

यस्त्वाचारविहीनोऽत्र वर्तते द्विजसत्तमः । स शूद्रवद् बहिष्कार्यो यथा शूद्रस्तथैव सः

yastvācāravihīno'tra vartate dvijasattamaḥ sa śūdravad bahiṣkāryo yathā śūdrastathaiva saḥ

जो श्रेष्ठ द्विज आचारहीन होकर रहता है, वह शूद्र के समान बहिष्कार के योग्य है — वह शूद्र ही के तुल्य है।

श्लोक 16 (devibhagavatam.11.1.16)

आचारो द्विविधः प्रोक्तः शास्त्रीयो लौकिकस्तथा । उभावपि प्रकर्तव्यौ न त्याज्यौ शुभमिच्छता

ācāro dvividhaḥ proktaḥ śāstrīyo laukikastathā ubhāvapi prakartavyau na tyājyau śubhamicchatā

आचार दो प्रकार का कहा गया है — शास्त्रीय और लौकिक; शुभ चाहने वाले को दोनों का पालन करना चाहिए, किसी का भी त्याग नहीं करना चाहिए।

श्लोक 17 (devibhagavatam.11.1.17)

ग्रामधर्मा जातिधर्मा देशधर्माः कुलोद्भवाः । परिग्राह्या नृभिः सर्वैर्नैव ताँल्लङ्घयेन्मुने

grāmadharmā jātidharmā deśadharmāḥ kulodbhavāḥ parigrāhyā nṛbhiḥ sarvairnaiva tā~llaṅghayenmune

ग्राम, जाति, देश और कुल से उत्पन्न धर्मों को सभी मनुष्यों को स्वीकार करना चाहिए; हे मुने! उनका कभी उल्लंघन न करें।

श्लोक 18 (devibhagavatam.11.1.18)

दुराचारो हि पुरुषो लोके भवति निन्दितः । दुःखभागी च सततं व्याधिना व्याप्त एव च

durācāro hi puruṣo loke bhavati ninditaḥ duḥkhabhāgī ca satataṁ vyādhinā vyāpta eva ca

दुराचारी पुरुष संसार में सदा निंदित होता है, और सदैव दुःखभागी होकर रोग से घिरा रहता है।

श्लोक 19 (devibhagavatam.11.1.19)

परित्यजेदर्थकामौ यौ स्यातां धर्मवर्जितौ । धर्ममप्यसुखोदर्कं लोकविद्विष्टमेव च

parityajedarthakāmau yau syātāṁ dharmavarjitau dharmamapyasukhodarkaṁ lokavidviṣṭameva ca

जो अर्थ और काम धर्मरहित हों, उनका त्याग कर देना चाहिए; और वह धर्म भी त्याज्य है जिसका फल दुःखदायी हो और जो लोक में निंदित हो।

श्लोक 20 (devibhagavatam.11.1.20)

नारद उवाच । बहुत्वादिह शास्त्राणां निश्चयः स्यात्कथं मुने । कियत्प्रमाणं तद् ब्रूहि धर्ममार्गविनिर्णये

nārada uvāca bahutvādiha śāstrāṇāṁ niścayaḥ syātkathaṁ mune kiyatpramāṇaṁ tad brūhi dharmamārgavinirṇaye

नारद ने कहा — हे मुने! शास्त्रों की बहुलता के कारण निश्चय कैसे हो? धर्ममार्ग के निर्णय में प्रमाण क्या है, यह बताइए।

श्लोक 21 (devibhagavatam.11.1.21)

श्रीनारायण उवाच । श्रुतिस्मृती उभे नेत्रे पुराणं हृदयं स्मृतम् । एतत्त्रयोक्त एव स्याद्धर्मो नान्यत्र कुत्रचित्

śrīnārāyaṇa uvāca śrutismṛtī ubhe netre purāṇaṁ hṛdayaṁ smṛtam etattrayokta eva syāddharmo nānyatra kutracit

श्रीनारायण ने कहा — श्रुति और स्मृति ये दोनों नेत्र हैं, और पुराण हृदय कहा गया है; इन तीनों में कहा गया ही धर्म है, अन्यत्र कहीं नहीं।

श्लोक 22 (devibhagavatam.11.1.22)

विरोधो यत्र तु भवेत्त्रयाणां च परस्परम् । श्रुतिस्तत्र प्रमाणं स्याद् द्वयोर्द्वैधे स्मृतिर्वरा

virodho yatra tu bhavettrayāṇāṁ ca parasparam śrutistatra pramāṇaṁ syād dvayordvaidhe smṛtirvarā

जहाँ इन तीनों में परस्पर विरोध हो, वहाँ श्रुति प्रमाण होती है; दो में द्वैध होने पर स्मृति श्रेष्ठ मानी जाती है।

श्लोक 23 (devibhagavatam.11.1.23)

श्रुतिद्वैधं भवेद्यत्र तत्र धर्मावुभौ स्मृतौ । स्मृतिद्वैधं तु यत्र स्याद्विषयः कल्प्यतां पृथक्

śrutidvaidhaṁ bhavedyatra tatra dharmāvubhau smṛtau smṛtidvaidhaṁ tu yatra syādviṣayaḥ kalpyatāṁ pṛthak

जहाँ श्रुति में ही द्वैध हो, वहाँ दोनों ही धर्म माने जाते हैं; और जहाँ स्मृति में द्वैध हो, वहाँ विषय को पृथक् मान लेना चाहिए।

श्लोक 24 (devibhagavatam.11.1.24)

पुराणेषु क्वचिच्चैव तन्त्रदृष्टं यथातथम् । धर्मं वदन्ति तं धर्मं गृह्णीयान्न कथञ्चन

purāṇeṣu kvaciccaiva tantradṛṣṭaṁ yathātatham dharmaṁ vadanti taṁ dharmaṁ gṛhṇīyānna kathañcana

पुराणों में यदि कहीं तंत्र में देखा गया विषय ज्यों-का-त्यों धर्म कहा जाए, तो उस धर्म को कदापि ग्रहण नहीं करना चाहिए।

श्लोक 25 (devibhagavatam.11.1.25)

वेदाविरोधि चेत्तन्त्रं तत्प्रमाणं न संशयः । प्रत्यक्षश्रुतिरुद्धं यत्तत्प्रमाणं भवेन्न च

vedāvirodhi cettantraṁ tatpramāṇaṁ na saṁśayaḥ pratyakṣaśrutiruddhaṁ yattatpramāṇaṁ bhavenna ca

यदि तंत्र वेद के विरुद्ध न हो तो वह निःसंदेह प्रमाण है; परन्तु जो प्रत्यक्ष श्रुति से विरुद्ध है, वह प्रमाण नहीं हो सकता।

श्लोक 26 (devibhagavatam.11.1.26)

सर्वथा वेद एवासौ धर्ममार्गप्रमाणकः । तेनाविरुद्धं यत्किञ्चित्तत्प्रमाणं न चान्यथा

sarvathā veda evāsau dharmamārgapramāṇakaḥ tenāviruddhaṁ yatkiñcittatpramāṇaṁ na cānyathā

सर्वथा वेद ही धर्ममार्ग का प्रमाणस्वरूप है; जो कुछ भी उसके विरुद्ध न हो, वही प्रमाण है, अन्यथा नहीं।

श्लोक 27 (devibhagavatam.11.1.27)

यो वेदधर्ममुज्झित्य वर्ततेऽन्यप्रमाणतः । कुण्डानि तस्य शिक्षार्थं यमलोके वसन्ति हि

yo vedadharmamujjhitya vartate'nyapramāṇataḥ kuṇḍāni tasya śikṣārthaṁ yamaloke vasanti hi

जो वेदधर्म को त्यागकर अन्य प्रमाण से आचरण करता है, उसकी शिक्षा के लिए यमलोक में कुण्ड बने रहते हैं।

श्लोक 28 (devibhagavatam.11.1.28)

तस्मात्सर्वप्रयत्नेन वेदोक्तं धर्ममाश्रयेत् । स्मृतिः पुराणमन्यद्वा तन्त्रं वा शास्त्रमेव च

tasmātsarvaprayatnena vedoktaṁ dharmamāśrayet smṛtiḥ purāṇamanyadvā tantraṁ vā śāstrameva ca

इसलिए सब प्रकार के प्रयत्न से वेदोक्त धर्म का ही आश्रय लेना चाहिए, चाहे वह स्मृति, पुराण, तंत्र अथवा अन्य कोई शास्त्र ही क्यों न हो।

श्लोक 29 (devibhagavatam.11.1.29)

तन्मूलत्वे प्रमाणं स्यान्नान्यथा तु कदाचन । ये कुशास्त्राभियोगेन वर्तयन्तीह मानवान्

tanmūlatve pramāṇaṁ syānnānyathā tu kadācana ye kuśāstrābhiyogena vartayantīha mānavān

वेद-मूलक होने पर ही वह प्रमाण होता है, अन्यथा कदापि नहीं। जो कुशास्त्रों के आग्रह से मनुष्यों को भटकाते हैं —

श्लोक 30 (devibhagavatam.11.1.30)

अधोमुखोर्ध्वपादास्ते यास्यन्ति नरकार्णवम् । कामाचाराः पाशुपतास्तथा वै लिङ्गधारिणः

adhomukhordhvapādāste yāsyanti narakārṇavam kāmācārāḥ pāśupatāstathā vai liṅgadhāriṇaḥ

वे नीचे मुख और ऊपर पैर किए हुए नरक-सागर में जाते हैं — स्वेच्छाचारी, पाशुपत, तथा वेद-असम्मत लिंगधारी।

श्लोक 31 (devibhagavatam.11.1.31)

तप्तमुद्राङ्किता ये च वैखानसमतानुगाः । ते सर्वे निरयं यान्ति वेदमार्गबहिष्कृताः

taptamudrāṅkitā ye ca vaikhānasamatānugāḥ te sarve nirayaṁ yānti vedamārgabahiṣkṛtāḥ

तथा तप्त मुद्राओं से अंकित और वैखानस-मत के अनुयायी — ये सब वेदमार्ग से बहिष्कृत होकर नरक को प्राप्त होते हैं।

श्लोक 32 (devibhagavatam.11.1.32)

वेदोक्तमेव सद्धर्मं तस्मात्कुर्यान्नरः सदा । उत्थायोत्थाय बोद्धव्यं किं मयाद्य कृतं कृतम्

vedoktameva saddharmaṁ tasmātkuryānnaraḥ sadā utthāyotthāya boddhavyaṁ kiṁ mayādya kṛtaṁ kṛtam

इसलिए मनुष्य को सदैव वेदोक्त सद्धर्म का ही आचरण करना चाहिए। प्रतिदिन उठकर उसे यह विचार करना चाहिए — 'आज मैंने वास्तव में क्या किया?'

श्लोक 33 (devibhagavatam.11.1.33)

दत्तं वा दापितं वापि वाक्येनापि च भाषितम् । उपपापेषु सर्वेषु पातकेषु महत्स्वपि

dattaṁ vā dāpitaṁ vāpi vākyenāpi ca bhāṣitam upapāpeṣu sarveṣu pātakeṣu mahatsvapi

जो कुछ दिया गया हो, दिलवाया गया हो, अथवा वचन से कहा गया हो — सभी उपपापों तथा बड़े-बड़े पातकों के विषय में भी —

श्लोक 34 (devibhagavatam.11.1.34)

अवाप्य रजनीयामं ब्रह्मध्यानं समाचरेत् । ऊरुस्थोत्तानचरणः सव्ये चोरौ तथोत्तरम्

avāpya rajanīyāmaṁ brahmadhyānaṁ samācaret ūrusthottānacaraṇaḥ savye corau tathottaram

रात्रि के अंतिम प्रहर में पहुँचकर ब्रह्मध्यान करना चाहिए — दोनों पैर ऊपर उठाकर जंघाओं पर रखें, पहले बायाँ फिर दायाँ,

श्लोक 35 (devibhagavatam.11.1.35)

उत्तानं किञ्चिदुत्तानं मुखमवष्टभ्य चोरसा । निमीलिताक्षः सत्त्वस्थो दन्तैर्दन्तान्न संस्पृशेत्

uttānaṁ kiñciduttānaṁ mukhamavaṣṭabhya corasā nimīlitākṣaḥ sattvastho dantairdantānna saṁspṛśet

मुख को कुछ ऊपर उठाकर छाती पर टिकाए, नेत्र मूँदकर सत्त्वस्थ बैठे, और दाँतों से दाँत न छुए,

श्लोक 36 (devibhagavatam.11.1.36)

तालुस्थाचलजिह्वश्च संवृतास्यः सुनिश्चलः । सन्निरुद्धेन्द्रियग्रामो नातिनिम्नस्थितासनः

tālusthācalajihvaśca saṁvṛtāsyaḥ suniścalaḥ sanniruddhendriyagrāmo nātinimnasthitāsanaḥ

जिह्वा को तालु में स्थिर करके, मुख बंद कर पूर्ण निश्चल हो, इंद्रियों के समूह को भलीभाँति रोककर, न अधिक नीचे बैठे,

श्लोक 37 (devibhagavatam.11.1.37)

द्विगुणं त्रिगुणं वापि प्राणायाममुपक्रमेत् । ततो ध्येयः स्थितो योऽसौ हृदये दीपवत्प्रभुः

dviguṇaṁ triguṇaṁ vāpi prāṇāyāmamupakramet tato dhyeyaḥ sthito yo'sau hṛdaye dīpavatprabhuḥ

दो या तीन बार प्राणायाम का प्रारंभ करे; तत्पश्चात् हृदय में दीपक के समान स्थित उस प्रभु का ध्यान करे।

श्लोक 38 (devibhagavatam.11.1.38)

धारयेत्तत्र चात्मानं धारणां धारयेद्बुधः । सधूमश्च विधूमश्च सगर्भश्चाप्यगर्भकः

dhārayettatra cātmānaṁ dhāraṇāṁ dhārayedbudhaḥ sadhūmaśca vidhūmaśca sagarbhaścāpyagarbhakaḥ

वहाँ आत्मा को स्थिर करे और बुद्धिमान पुरुष उस धारणा को धारण करे — प्राणायाम सधूम, विधूम, सगर्भ और अगर्भ भेद से,

श्लोक 39 (devibhagavatam.11.1.39)

सलक्ष्यश्चाप्यलक्ष्यश्च प्राणायामस्तु षड्विधः । प्राणायामसमो योगः प्राणायाम इतीरितः

salakṣyaścāpyalakṣyaśca prāṇāyāmastu ṣaḍvidhaḥ prāṇāyāmasamo yogaḥ prāṇāyāma itīritaḥ

सलक्ष्य और अलक्ष्य भेद से — इस प्रकार प्राणायाम छः प्रकार का है। प्राणायाम के समान कोई योग नहीं, अतः इसे 'प्राणायाम' कहा गया है।

श्लोक 40 (devibhagavatam.11.1.40)

प्राणायाम इति प्रोक्तो रेचपूरककुम्भकैः । वर्णत्रयात्मका ह्येते रेचपूरककुम्भकाः

prāṇāyāma iti prokto recapūrakakumbhakaiḥ varṇatrayātmakā hyete recapūrakakumbhakāḥ

रेचक, पूरक और कुम्भक — इन्हीं से प्राणायाम कहा गया है; ये रेचक, पूरक और कुम्भक तीन वर्णों (अ-उ-म्) के स्वरूप हैं।

श्लोक 41 (devibhagavatam.11.1.41)

स एव प्रणवः प्रोक्तः प्राणायामश्च तन्मयः । इडया वायुमारोप्य पूरयित्वोदरे स्थितम्

sa eva praṇavaḥ proktaḥ prāṇāyāmaśca tanmayaḥ iḍayā vāyumāropya pūrayitvodare sthitam

वही प्रणव (ॐ) कहा गया है, और प्राणायाम उसी से युक्त है। इडा नाड़ी से वायु को ऊपर उठाकर उदर में भरकर स्थिर करे,

श्लोक 42 (devibhagavatam.11.1.42)

शनैः षोडशमात्राभिरन्यया तं विरेचयेत् । एवं सधूमः प्राणानामायामः कथितो मुने

śanaiḥ ṣoḍaśamātrābhiranyayā taṁ virecayet evaṁ sadhūmaḥ prāṇānāmāyāmaḥ kathito mune

फिर सोलह मात्राओं में धीरे-धीरे दूसरी नाड़ी से उसे बाहर निकाले। हे मुने! इस प्रकार प्राणों का सधूम आयाम कहा गया है।

श्लोक 43 (devibhagavatam.11.1.43)

आधारेलिङ्गनाभिप्रकटितहृदये तालुमूले ललाटे द्वे पत्रे षोडशारे द्विदशदशदलद्वादशार्धे चतुष्के । वासान्ते बालमध्ये डफकतसहिते कण्ठदेशे स्वराणां हङ्क्षन्तत्त्वार्थयुक्तं सकलदलगतं वर्णरूपं नमामि

ādhāreliṅganābhiprakaṭitahṛdaye tālumūle lalāṭe dve patre ṣoḍaśāre dvidaśadaśadaladvādaśārdhe catuṣke vāsānte bālamadhye ḍaphakatasahite kaṇṭhadeśe svarāṇāṁ haṅkṣantattvārthayuktaṁ sakaladalagataṁ varṇarūpaṁ namāmi

आधार, लिंग-स्थान, नाभि, प्रकट हृदय-चक्र, तालुमूल और ललाट में — दो, सोलह, दस, बारह और चार दलों वाले पद्मों में, तथा कंठ-प्रदेश में स्वरों के साथ 'हं-क्षं' के तत्त्वार्थ से युक्त, सभी दलों में स्थित उन वर्ण-रूपों को मैं प्रणाम करता हूँ।

श्लोक 44 (devibhagavatam.11.1.44)

अरुणकमलसंस्था तद्रजःपुञ्जवर्णा हरनियमितचिह्ना पद्मतन्तुस्वरूपा । रविहुतवहराकानायकास्यस्तनाढ्या सकृदपि यदि चित्ते संवसेत्स्यात्स भुक्तः

aruṇakamalasaṁsthā tadrajaḥpuñjavarṇā haraniyamitacihnā padmatantusvarūpā ravihutavaharākānāyakāsyastanāḍhyā sakṛdapi yadi citte saṁvasetsyātsa bhuktaḥ

लाल कमल पर विराजमान, उसकी पराग-राशि के समान वर्णवाली, हर द्वारा नियत चिह्न से युक्त, कमल-तंतु के समान स्वरूपवाली, सूर्य-अग्नि-चंद्र के समान मुख और वक्षस्थल से सुशोभित देवी — यदि वे एक बार भी चित्त में निवास कर लें, तो वह पुरुष कृतार्थ हो जाता है।

श्लोक 45 (devibhagavatam.11.1.45)

स्थितिः सैव गतिर्यात्रा मतिश्चिन्ता स्तुतिर्वचः । अहं सर्वात्मको देवः स्तुतिः सर्वं त्वदर्चनम्

sthitiḥ saiva gatiryātrā matiścintā stutirvacaḥ ahaṁ sarvātmako devaḥ stutiḥ sarvaṁ tvadarcanam

वही स्थिति है, वही गति और यात्रा है, वही मति, चिंता, स्तुति और वचन है। साधक ध्यान करे — 'मैं सर्वात्मक देव हूँ, मेरी स्तुति ही, सब कुछ ही, तुम्हारी अर्चना है।'

श्लोक 46 (devibhagavatam.11.1.46)

अहं देवी न चान्योऽस्मि ब्रह्मैवाहं न शोकभाक् । सच्चिदानन्दरूपोऽहं स्वात्मानमिति चिन्तयेत्

ahaṁ devī na cānyo'smi brahmaivāhaṁ na śokabhāk saccidānandarūpo'haṁ svātmānamiti cintayet

'मैं देवी हूँ, मैं इससे भिन्न कुछ नहीं हूँ; मैं ब्रह्म ही हूँ, शोक से रहित हूँ; मैं सच्चिदानंद-स्वरूप हूँ' — इस प्रकार अपने आत्मा का चिंतन करे।

श्लोक 47 (devibhagavatam.11.1.47)

प्रकाशमानां प्रथमे प्रयाणे प्रतिप्रयाणेऽप्यमृतायमानाम् । अन्तःपदव्यामनुसञ्चरन्ती- मानन्दरूपामबलां प्रपद्ये

prakāśamānāṁ prathame prayāṇe pratiprayāṇe'pyamṛtāyamānām antaḥpadavyāmanusañcarantī- mānandarūpāmabalāṁ prapadye

जो प्रथम प्रयाण (श्वास के जाने) में प्रकाशमान हैं और प्रत्याहार में भी अमृतमयी हो जाती हैं, जो सुषुम्ना के भीतरी मार्ग में निरंतर संचरण करती हैं, उन आनंदस्वरूपा देवी की मैं शरण लेता हूँ।

श्लोक 48 (devibhagavatam.11.1.48)

ततो निजब्रह्मरन्ध्रे ध्यायेत्तं गुरुमीश्वरम् । उपचारैर्मानसैश्च पूजयेत्तु यथाविधि

tato nijabrahmarandhre dhyāyettaṁ gurumīśvaram upacārairmānasaiśca pūjayettu yathāvidhi

तत्पश्चात् अपने ब्रह्मरंध्र में उस गुरुरूप ईश्वर का ध्यान करे, और विधिपूर्वक मानसिक उपचारों से उनकी पूजा करे।

श्लोक 49 (devibhagavatam.11.1.49)

स्तुवीतानेन मन्त्रेण साधको नियतात्मवान् । गुरुर्ब्रह्मा गुरुर्विष्णुर्गुरुर्देवो महेश्वरः । गुरुरेव परं ब्रह्म तस्मै श्रीगुरवे नमः

stuvītānena mantreṇa sādhako niyatātmavān gururbrahmā gururviṣṇurgururdevo maheśvaraḥ gurureva paraṁ brahma tasmai śrīgurave namaḥ

नियमबद्ध आत्मा वाला साधक इस मंत्र से स्तुति करे — 'गुरु ही ब्रह्मा हैं, गुरु ही विष्णु हैं, गुरु ही महेश्वर देव हैं; गुरु ही परब्रह्म हैं — उन श्रीगुरु को नमस्कार है।'