शौचविधि-वर्णन

श्लोक 1 (devibhagavatam.11.2.1)

श्रीनारायण उवाच । आचारहीनं न पुनन्ति वेदा यदप्यधीताः सह षड्भिरङ्गैः । छन्दांस्येनं मृत्युकाले त्यजन्ति नीडं शकुन्ता इव जातपक्षाः

śrīnārāyaṇa uvāca ācārahīnaṁ na punanti vedā yadapyadhītāḥ saha ṣaḍbhiraṅgaiḥ chandāṁsyenaṁ mṛtyukāle tyajanti nīḍaṁ śakuntā iva jātapakṣāḥ

श्रीनारायण ने कहा — आचारहीन पुरुष को वेद पवित्र नहीं करते, चाहे उसने छहों अंगों सहित उनका अध्ययन ही क्यों न किया हो। मृत्यु के समय वेदमंत्र भी उसे उसी प्रकार त्याग देते हैं, जैसे पंख निकल आने पर पक्षी अपना घोंसला त्याग देते हैं।

श्लोक 2 (devibhagavatam.11.2.2)

ब्राह्मे मुहूर्त्ते चोत्थाय तत्सर्वं सम्यगाचरेत् । रात्रेरन्तिमयामे तु वेदाभ्यासं चरेद् बुधः

brāhme muhūrtte cotthāya tatsarvaṁ samyagācaret rātrerantimayāme tu vedābhyāsaṁ cared budhaḥ

ब्राह्म मुहूर्त में उठकर वह सब भलीभाँति करना चाहिए। रात्रि के अंतिम प्रहर में बुद्धिमान पुरुष वेदाभ्यास करे।

श्लोक 3 (devibhagavatam.11.2.3)

किञ्चित्कालं ततः कुर्यादिष्टदेवानुचिन्तनम् । योगी तु पूर्वमार्गेण ब्रह्मध्यानं समाचरेत्

kiñcitkālaṁ tataḥ kuryādiṣṭadevānucintanam yogī tu pūrvamārgeṇa brahmadhyānaṁ samācaret

उसके बाद कुछ समय अपने इष्टदेव का चिंतन करे; परन्तु योगी पूर्वोक्त विधि से ब्रह्म का ध्यान करे।

श्लोक 4 (devibhagavatam.11.2.4)

जीवब्रह्मैक्यता येन जायते तु निरन्तरम् । जीवन्मुक्तश्च भवति तत्क्षणादेव नारद

jīvabrahmaikyatā yena jāyate tu nirantaram jīvanmuktaśca bhavati tatkṣaṇādeva nārada

हे नारद! जिस ध्यान से जीव और ब्रह्म की निरंतर एकता उत्पन्न होती है, उसी क्षण मनुष्य जीवन्मुक्त हो जाता है।

श्लोक 5 (devibhagavatam.11.2.5)

पञ्चपञ्च उषःकालः सप्तपञ्चारुणोदयः । अष्टपञ्चभवेत्प्रातः शेषः सूर्योदयः स्मृतः

pañcapañca uṣaḥkālaḥ saptapañcāruṇodayaḥ aṣṭapañcabhavetprātaḥ śeṣaḥ sūryodayaḥ smṛtaḥ

उषःकाल, अरुणोदय, प्रातःकाल और सूर्योदय — इन सबकी अलग-अलग गणना मुहूर्तों के क्रम से स्मरण की गई है, जिनमें अरुणोदय से प्रातः तक और फिर सूर्योदय तक क्रमशः समय बढ़ता जाता है।

श्लोक 6 (devibhagavatam.11.2.6)

प्रातरुत्थाय यः कुर्याद्विण्मूत्रं द्विजसत्तमः । नैरृत्यामिषुविक्षेपमतीत्याभ्यधिकं भुवः

prātarutthāya yaḥ kuryādviṇmūtraṁ dvijasattamaḥ nairṛtyāmiṣuvikṣepamatītyābhyadhikaṁ bhuvaḥ

प्रातःकाल उठकर मलमूत्र त्याग करने वाले श्रेष्ठ द्विज को बस्ती की सीमा से नैऋत्य दिशा में बाणभर दूरी से भी अधिक दूर जाना चाहिए।

श्लोक 7 (devibhagavatam.11.2.7)

विण्मूत्रेऽपि च कर्णस्थ आश्रमे प्रथमे द्विजः । निवीतं पृष्ठतः कुर्याद्वानप्रस्थगृहस्थयोः

viṇmūtre'pi ca karṇastha āśrame prathame dvijaḥ nivītaṁ pṛṣṭhataḥ kuryādvānaprasthagṛhasthayoḥ

मलमूत्र त्याग के समय भी प्रथम आश्रम (ब्रह्मचारी) का द्विज यज्ञोपवीत कान पर रखे; वानप्रस्थ और गृहस्थ के लिए इसे पीठ की ओर लटका लेना चाहिए (निवीत)।

श्लोक 8 (devibhagavatam.11.2.8)

कृत्वा यज्ञोपवीतं तु पृष्ठतः कण्ठलम्बितम् । विण्मूत्रं तु गृही कुर्यात्कर्णस्थं प्रथमाश्रमी

kṛtvā yajñopavītaṁ tu pṛṣṭhataḥ kaṇṭhalambitam viṇmūtraṁ tu gṛhī kuryātkarṇasthaṁ prathamāśramī

यज्ञोपवीत को गले से पीठ की ओर लटकाकर गृहस्थ मलमूत्र त्याग करे; प्रथम आश्रमी उसे कान पर रखे।

श्लोक 9 (devibhagavatam.11.2.9)

अन्तर्धाय तृणैर्भूमिं शिरः प्रावृत्य वाससा । वाचं नियम्य यत्नेन ष्ठीवनश्वासवर्जितः

antardhāya tṛṇairbhūmiṁ śiraḥ prāvṛtya vāsasā vācaṁ niyamya yatnena ṣṭhīvanaśvāsavarjitaḥ

भूमि को तिनकों से ढककर, सिर को वस्त्र से ढककर, यत्नपूर्वक वाणी को रोककर, थूकने और तेज साँस लेने से बचते हुए —

श्लोक 10 (devibhagavatam.11.2.10)

न फालकृष्टे न जले न चितायां न पर्वते । जीर्णदेवालये कुर्यान्न वल्मीके न शाद्वले

na phālakṛṣṭe na jale na citāyāṁ na parvate jīrṇadevālaye kuryānna valmīke na śādvale

जोते हुए खेत में, जल में, चिता पर, पर्वत पर, जीर्ण देवालय में, वल्मीक पर, और हरी दूब वाले स्थान पर मलत्याग न करे।

श्लोक 11 (devibhagavatam.11.2.11)

न ससत्त्वेषु गर्तेषु न गच्छन्न पथि स्थितः । सन्ध्ययोरुभयोर्जप्ये भोजने दन्तधावने

na sasattveṣu garteṣu na gacchanna pathi sthitaḥ sandhyayorubhayorjapye bhojane dantadhāvane

जीवों से युक्त गड्ढों में, चलते हुए, अथवा मार्ग पर खड़े होकर भी न करे; दोनों संध्याओं के समय, जप में, भोजन में, दंतधावन में,

श्लोक 12 (devibhagavatam.11.2.12)

पितृकार्ये च दैवे च तथा मूत्रपुरीषयोः । उत्साहे मैथुने वापि तथा वै गुरुसन्निधौ

pitṛkārye ca daive ca tathā mūtrapurīṣayoḥ utsāhe maithune vāpi tathā vai gurusannidhau

पितृकार्य में, देवकार्य में, तथा दूसरे के मूत्र-पुरीष के समय, उत्सव में, मैथुन में, और गुरु की उपस्थिति में भी न करे।

श्लोक 13 (devibhagavatam.11.2.13)

यागे दाने ब्रह्मयज्ञे द्विजो मौनं समाचरेत् । देवता ऋषयः सर्वे पिशाचोरगराक्षसाः

yāge dāne brahmayajñe dvijo maunaṁ samācaret devatā ṛṣayaḥ sarve piśācoragarākṣasāḥ

यज्ञ में, दान में और ब्रह्मयज्ञ में द्विज मौन धारण करे। [मलत्याग से पूर्व प्रार्थना करे —] 'हे समस्त देवगण, ऋषिगण, पिशाच, नाग और राक्षसो!

श्लोक 14 (devibhagavatam.11.2.14)

इतो गच्छन्तु भूतानि बहिर्भूमिं करोम्यहम् । इति सम्प्रार्थ्य पश्चात्तु कुर्याच्छौचं यथाविधि

ito gacchantu bhūtāni bahirbhūmiṁ karomyaham iti samprārthya paścāttu kuryācchaucaṁ yathāvidhi

यहाँ से हट जाओ, मैं बाहर भूमि पर [मलत्याग] करता हूँ' — ऐसी प्रार्थना करके फिर विधिपूर्वक शौच करे।

श्लोक 15 (devibhagavatam.11.2.15)

वाय्वग्नी विप्रमादित्यमापः पश्यंस्तथैव गाः । न कदाचन कुर्वीत विण्मूत्रस्य विसर्जनम्

vāyvagnī vipramādityamāpaḥ paśyaṁstathaiva gāḥ na kadācana kurvīta viṇmūtrasya visarjanam

वायु, अग्नि, ब्राह्मण, सूर्य, जल तथा गौओं को देखते हुए कभी भी मलमूत्र का विसर्जन न करे।

श्लोक 16 (devibhagavatam.11.2.16)

उदङ्मुखो दिवा कुर्याद्रात्रौ चेद्दक्षिणामुखः । तत आच्छाद्य विण्मूत्रं लोष्ठपर्णतृणादिभिः

udaṅmukho divā kuryādrātrau ceddakṣiṇāmukhaḥ tata ācchādya viṇmūtraṁ loṣṭhaparṇatṛṇādibhiḥ

दिन में उत्तर की ओर मुख करके और रात्रि में दक्षिण की ओर मुख करके करे; उसके बाद मलमूत्र को मिट्टी के ढेले, पत्तों, तिनकों आदि से ढक दे।

श्लोक 17 (devibhagavatam.11.2.17)

गृहीतलिङ्ग उत्थाय स गच्छेद्वारिसन्निधौ । पात्रे जलं गहीत्वा तु गच्छेदन्यत्र चैव हि

gṛhītaliṅga utthāya sa gacchedvārisannidhau pātre jalaṁ gahītvā tu gacchedanyatra caiva hi

लिंग को पकड़कर उठे और जल के समीप जाए; बर्तन में जल लेकर वह अन्यत्र चला जाए।

श्लोक 18 (devibhagavatam.11.2.18)

गृहीत्वा मृत्तिकां कूलाच्छ्वेतां ब्राह्मणसत्तमः । रक्तां पीतां तथा कृष्णां गृह्णीयुश्चान्यवर्णकाः

gṛhītvā mṛttikāṁ kūlācchvetāṁ brāhmaṇasattamaḥ raktāṁ pītāṁ tathā kṛṣṇāṁ gṛhṇīyuścānyavarṇakāḥ

श्रेष्ठ ब्राह्मण नदी-तट से श्वेत मिट्टी ले; रक्तवर्ण, पीतवर्ण तथा कृष्णवर्ण मिट्टी क्रमशः अन्य वर्णों के लोग लें।

श्लोक 19 (devibhagavatam.11.2.19)

अथवा या यत्र देशे सैव ग्राह्या द्विजोत्तमैः । अन्तर्जलाद्देवगृहाद्वल्मीकान्मूषकोत्करात्

athavā yā yatra deśe saiva grāhyā dvijottamaiḥ antarjalāddevagṛhādvalmīkānmūṣakotkarāt

अथवा जिस प्रदेश में जो मिट्टी उपलब्ध हो, वही श्रेष्ठ द्विजों को ग्रहण करनी चाहिए — किन्तु जल के भीतर की, देवालय की, वल्मीक की, या चूहे के बिल की मिट्टी नहीं,

श्लोक 20 (devibhagavatam.11.2.20)

कृतशौचावशिष्टाच्च न ग्राह्याः पञ्चमृत्तिकाः । मूत्रात्तु द्विगुणं शौचे मैथुने त्रिगुणं स्मृतम्

kṛtaśaucāvaśiṣṭācca na grāhyāḥ pañcamṛttikāḥ mūtrāttu dviguṇaṁ śauce maithune triguṇaṁ smṛtam

और न ही किसी के शौचकर्म से बची हुई मिट्टी लेनी चाहिए — ये पाँच प्रकार की मिट्टियाँ त्याज्य हैं। मूत्रत्याग के बाद शौच में दुगुनी और मैथुन के बाद तिगुनी मिट्टी स्मरण की गई है।

श्लोक 21 (devibhagavatam.11.2.21)

एका लिङ्गे करे तिस्र उभयोर्मृद्द्वयं स्मृतम् । मूत्रशौचं समाख्यातं शौचे तद् द्विगुणं स्मृतम्

ekā liṅge kare tisra ubhayormṛddvayaṁ smṛtam mūtraśaucaṁ samākhyātaṁ śauce tad dviguṇaṁ smṛtam

लिंग के लिए एक भाग, हाथ के लिए तीन भाग, और दोनों के लिए दो भाग मिट्टी स्मरण की गई है — यह मूत्रशौच कहा गया; मलशौच में यह मात्रा दुगुनी मानी गई है।

श्लोक 22 (devibhagavatam.11.2.22)

विट्शौचे लिङ्गदेशे तु प्रदद्यान्मृत्तिकाद्वयम् । पञ्चापाने दशैकस्मिन्नुभयोः सप्त मृत्तिकाः

viṭśauce liṅgadeśe tu pradadyānmṛttikādvayam pañcāpāne daśaikasminnubhayoḥ sapta mṛttikāḥ

मलशौच में लिंग-स्थान पर दो भाग मिट्टी लगाए, गुदा पर पाँच, एक हाथ पर दस, और दोनों हाथों के लिए सात भाग मिट्टी लगाए।

श्लोक 23 (devibhagavatam.11.2.23)

वामपादं पुरस्कृत्य पश्चाद्दक्षिणमेव च । प्रत्येकं च चतुर्वारं मृत्तिकां लेपयेत्सुधीः

vāmapādaṁ puraskṛtya paścāddakṣiṇameva ca pratyekaṁ ca caturvāraṁ mṛttikāṁ lepayetsudhīḥ

पहले बायाँ पैर और फिर दायाँ पैर आगे करके, बुद्धिमान पुरुष प्रत्येक को चार-चार बार मिट्टी से मले।

श्लोक 24 (devibhagavatam.11.2.24)

एवं शौचं गृहस्थस्य द्विगुणं ब्रह्मचारिणः । त्रिगुणं वानप्रस्थस्य यतीनां च चतुर्गुणम्

evaṁ śaucaṁ gṛhasthasya dviguṇaṁ brahmacāriṇaḥ triguṇaṁ vānaprasthasya yatīnāṁ ca caturguṇam

गृहस्थ का शौच इस प्रकार है; ब्रह्मचारी का इससे दुगुना, वानप्रस्थी का तिगुना, और यतियों का चौगुना।

श्लोक 25 (devibhagavatam.11.2.25)

आर्द्रामलकमाना तु मृत्तिका शौचकर्मणि । प्रत्येकं तु सदा ग्राह्या नातो न्यूना कदाचन

ārdrāmalakamānā tu mṛttikā śaucakarmaṇi pratyekaṁ tu sadā grāhyā nāto nyūnā kadācana

शौचकर्म में प्रत्येक बार ली जाने वाली मिट्टी गीले आँवले के बराबर होनी चाहिए, इससे कम कभी नहीं लेनी चाहिए।

श्लोक 26 (devibhagavatam.11.2.26)

एतद्दिवा स्याद्विट्शौचं तदर्धं निशि कीर्तितम् । आतुरस्य तदर्धं तु मार्गस्थस्य तदर्धकम्

etaddivā syādviṭśaucaṁ tadardhaṁ niśi kīrtitam āturasya tadardhaṁ tu mārgasthasya tadardhakam

यह मलशौच दिन के लिए है; रात्रि में इसका आधा कहा गया है; रोगी के लिए उसका भी आधा, और यात्रा में स्थित पुरुष के लिए उससे भी आधा।

श्लोक 27 (devibhagavatam.11.2.27)

स्त्रीशूद्राणामशक्तानां बालानां शौचकर्मणि । यथा गन्धक्षयः स्यात्तु तथा कुर्यादसङ्ख्यकम्

strīśūdrāṇāmaśaktānāṁ bālānāṁ śaucakarmaṇi yathā gandhakṣayaḥ syāttu tathā kuryādasaṅkhyakam

स्त्रियों, शूद्रों, असमर्थ जनों और बालकों के शौचकर्म में निश्चित संख्या के बिना ही तब तक करना चाहिए जब तक गंध का नाश न हो जाए।

श्लोक 28 (devibhagavatam.11.2.28)

गन्धलेपक्षयो यावत्तावच्छौचं विधीयते । सर्वेषामेव वर्णानामित्याह भगवान्मनुः

gandhalepakṣayo yāvattāvacchaucaṁ vidhīyate sarveṣāmeva varṇānāmityāha bhagavānmanuḥ

भगवान मनु ने कहा है कि सभी वर्णों के लिए शौच तब तक विहित है, जब तक गंध और लेप का क्षय न हो जाए।

श्लोक 29 (devibhagavatam.11.2.29)

वामहस्तेन शौचं तु कुर्याद्वै दक्षिणेन न । नाभेरधो वामहस्तो नाभेरूर्ध्वं तु दक्षिणः

vāmahastena śaucaṁ tu kuryādvai dakṣiṇena na nābheradho vāmahasto nābherūrdhvaṁ tu dakṣiṇaḥ

शौच बाएँ हाथ से ही करना चाहिए, दाहिने हाथ से कभी नहीं; नाभि से नीचे बायाँ हाथ और नाभि से ऊपर दायाँ हाथ काम में लिया जाता है।

श्लोक 30 (devibhagavatam.11.2.30)

शौचकर्मणि विज्ञेयो नान्यथा द्विजपुङ्गवैः । जलपात्रं न गृह्णीयाद्विण्मूत्रोत्सर्जने बुधः

śaucakarmaṇi vijñeyo nānyathā dvijapuṅgavaiḥ jalapātraṁ na gṛhṇīyādviṇmūtrotsarjane budhaḥ

श्रेष्ठ द्विजों को शौचकर्म में यही विधि जाननी चाहिए, अन्यथा नहीं। बुद्धिमान पुरुष मलमूत्र त्याग के समय जलपात्र हाथ में न रखे।

श्लोक 31 (devibhagavatam.11.2.31)

गृह्णीयाद्यदि मोहेन प्रायश्चित्तं चरेत्ततः । मोहाद्वाप्यथवाऽऽलस्यान्न कुर्याच्छौचमात्मनः

gṛhṇīyādyadi mohena prāyaścittaṁ carettataḥ mohādvāpyathavā''lasyānna kuryācchaucamātmanaḥ

यदि भूलवश उसे पकड़ ले, तो प्रायश्चित्त करे। मोहवश अथवा आलस्यवश जो अपना शौचकर्म नहीं करता —

श्लोक 32 (devibhagavatam.11.2.32)

जलाहारस्त्रिरात्रः स्यात्ततो जापाच्च शुध्यति । देशकालद्रव्यशक्तिस्वोपपत्तीश्च सर्वशः

jalāhārastrirātraḥ syāttato jāpācca śudhyati deśakāladravyaśaktisvopapattīśca sarvaśaḥ

उसे तीन रात्रि तक केवल जलाहार पर रहना चाहिए, तत्पश्चात् जप द्वारा वह शुद्ध होता है। देश, काल, द्रव्य, अपनी शक्ति और उपयुक्तता को सब प्रकार से जानकर —

श्लोक 33 (devibhagavatam.11.2.33)

ज्ञात्वा शौचं प्रकर्तव्यमालस्यं नात्र धारयेत् । पुरीषोत्सर्जने कुर्याद् गण्डूषान्द्वादशैव तु

jñātvā śaucaṁ prakartavyamālasyaṁ nātra dhārayet purīṣotsarjane kuryād gaṇḍūṣāndvādaśaiva tu

शौच करना चाहिए, इसमें आलस्य कभी न रखे। मलत्याग के बाद बारह गंडूष (कुल्ले) करने चाहिए,

श्लोक 34 (devibhagavatam.11.2.34)

चतुरो मूत्रविक्षेपे नातो न्यूनान्कदाचन । अधोमुखं नरः कृत्वा त्यजेत्तं वामतः शनैः

caturo mūtravikṣepe nāto nyūnānkadācana adhomukhaṁ naraḥ kṛtvā tyajettaṁ vāmataḥ śanaiḥ

और मूत्रत्याग के बाद चार, इससे कम कभी नहीं। मनुष्य को मुख नीचे किए हुए धीरे-धीरे बाईं ओर जल गिराना चाहिए।

श्लोक 35 (devibhagavatam.11.2.35)

आचम्य च ततः कुर्याद्दन्तधावनमादरात् । कण्टकिक्षीरवृक्षोत्थं द्वादशाङ्गुलमव्रणम्

ācamya ca tataḥ kuryāddantadhāvanamādarāt kaṇṭakikṣīravṛkṣotthaṁ dvādaśāṅgulamavraṇam

इसके बाद आचमन करके आदरपूर्वक दंतधावन करे — कँटीले, दूधवाले वृक्ष से प्राप्त, बारह अंगुल लंबी, बिना दोष वाली दातुन से,

श्लोक 36 (devibhagavatam.11.2.36)

कनिष्ठिकाग्रवत्स्थूलं पूर्वार्धे कृतकूर्चकम् । करञ्जोदुम्बरौ चूतः कदम्बो लोध्रचम्पकौ । बदरीति द्रुमाश्चेति प्रोक्ता दन्तप्रधावने

kaniṣṭhikāgravatsthūlaṁ pūrvārdhe kṛtakūrcakam karañjodumbarau cūtaḥ kadambo lodhracampakau badarīti drumāśceti proktā dantapradhāvane

जो कनिष्ठिका की नोक के समान मोटी हो और जिसका अगला भाग कूँची के समान बना हो। दंतधावन के लिए करंज, गूलर, आम, कदंब, लोध्र, चंपा और बेर — ये वृक्ष कहे गए हैं।

श्लोक 37 (devibhagavatam.11.2.37)

अन्नाद्याय व्यूहध्वंसे सोमो राजायमागमत् । स मे मुखं प्रक्षाल्य तेजसा च भगेन च

annādyāya vyūhadhvaṁse somo rājāyamāgamat sa me mukhaṁ prakṣālya tejasā ca bhagena ca

[दातुन करते समय यह मंत्र बोले —] 'अन्न के लिए, अंधकार के व्यूह के विनाश हेतु, यह राजा सोम आया है। उन्होंने मेरे मुख को तेज और सौभाग्य से प्रक्षालित करके —

श्लोक 38 (devibhagavatam.11.2.38)

आयुर्बलं यशो वर्चः प्रजाः पशुवसूनि च । ब्रह्मप्रज्ञां च मेधां च त्वन्नो देहि वनस्पते

āyurbalaṁ yaśo varcaḥ prajāḥ paśuvasūni ca brahmaprajñāṁ ca medhāṁ ca tvanno dehi vanaspate

हे वनस्पति! हमें आयु, बल, यश, तेज, संतान, पशु और धन प्रदान करो, तथा ब्रह्मप्रज्ञा और मेधा भी हमें दो।'

श्लोक 39 (devibhagavatam.11.2.39)

अभावे दन्तकाष्ठस्य प्रतिषिद्धदिनेषु च । अपां द्वादशगण्डूषैर्विदध्याद्दन्तधावनम्

abhāve dantakāṣṭhasya pratiṣiddhadineṣu ca apāṁ dvādaśagaṇḍūṣairvidadhyāddantadhāvanam

दातुन के अभाव में तथा जिन दिनों उसका प्रयोग वर्जित है, उन दिनों बारह गंडूष जल से ही दंतधावन कर लेना चाहिए।

श्लोक 40 (devibhagavatam.11.2.40)

रवेर्दिने यः कुरुते प्राणी दन्तस्य धावनम् । सविता भक्षितस्तेन स्वकुलं तेन घातितम्

raverdine yaḥ kurute prāṇī dantasya dhāvanam savitā bhakṣitastena svakulaṁ tena ghātitam

जो प्राणी रविवार के दिन दातुन से दाँत साफ करता है, उसके द्वारा मानो सूर्य ही भक्षित होते हैं और उसका अपना कुल भी नष्ट हो जाता है।

श्लोक 41 (devibhagavatam.11.2.41)

प्रतिपद्दर्शषष्ठीषु नवम्येकादशीरवौ । दन्तानां काष्ठसंयोगाद्दहत्यासप्तमं कुलम्

pratipaddarśaṣaṣṭhīṣu navamyekādaśīravau dantānāṁ kāṣṭhasaṁyogāddahatyāsaptamaṁ kulam

प्रतिपदा, अमावस्या, षष्ठी, नवमी, एकादशी और रविवार को दातुन का प्रयोग करने से मनुष्य सातवीं पीढ़ी तक अपने कुल को जला डालता है।

श्लोक 42 (devibhagavatam.11.2.42)

कृत्वालं पादशौचं ह्यमलमथ जलं त्रिःपिबेद् द्विर्विमृज्य तर्जन्याङ्गुष्ठवत्या सजलमभिमृशे- न्नासिकारन्ध्रयुग्मम् । अङ्गुष्ठानामिकाभ्यां नयनयुगयुतं कर्णयुग्मं कनिष्ठा- ङ्गुष्ठाभ्यां नाभिदेशे हृदयमथ तले- नाङ्गुलीभिः शिरांसि

kṛtvālaṁ pādaśaucaṁ hyamalamatha jalaṁ triḥpibed dvirvimṛjya tarjanyāṅguṣṭhavatyā sajalamabhimṛśe- nnāsikārandhrayugmam aṅguṣṭhānāmikābhyāṁ nayanayugayutaṁ karṇayugmaṁ kaniṣṭhā- ṅguṣṭhābhyāṁ nābhideśe hṛdayamatha tale- nāṅgulībhiḥ śirāṁsi

पैरों को भलीभाँति धोकर, फिर शुद्ध जल तीन बार पीकर और दो बार होंठ पोंछकर, अंगूठे-सहित तर्जनी से जलयुक्त होकर दोनों नासिका-छिद्रों का स्पर्श करे; अंगूठे और अनामिका से दोनों नेत्रों को, कनिष्ठिका और अंगूठे से दोनों कानों को, तथा नाभि-प्रदेश और हृदय को, और अंततः हथेली से समस्त अंगुलियों द्वारा सिर का स्पर्श करे।