रुद्राक्ष-माहात्म्य-वर्णन

श्लोक 1 (devibhagavatam.11.3.1)

श्रीनारायण उवाच । (शुद्धं स्मार्तं चाचमनं पौराणं वैदिकं तथा । तान्त्रिकं श्रौतमित्याहुः षड्विधं श्रुतिचोदितम् ॥ विण्मूत्रादिकशौचं च शुद्धं च परिकीर्तितम् । स्मार्तं पौराणिकं कर्म आचान्ते विधिपूर्वकम् ॥ वैदिकं श्रौत्रमित्यादि ब्रह्मयज्ञादिपूर्वकम् । अस्त्रविद्यादिकं कर्म तान्त्रिको विधिरुच्यते ॥) स्मृत्वा चोङ्कारगायत्रीं निबध्नीयाच्छिखां तथा । पुनराचम्य हृदयं बाहू स्कन्धौ च संस्पृशेत्

śrīnārāyaṇa uvāca (śuddhaṁ smārtaṁ cācamanaṁ paurāṇaṁ vaidikaṁ tathā tāntrikaṁ śrautamityāhuḥ ṣaḍvidhaṁ śruticoditam viṇmūtrādikaśaucaṁ ca śuddhaṁ ca parikīrtitam smārtaṁ paurāṇikaṁ karma ācānte vidhipūrvakam vaidikaṁ śrautramityādi brahmayajñādipūrvakam astravidyādikaṁ karma tāntriko vidhirucyate ) smṛtvā coṅkāragāyatrīṁ nibadhnīyācchikhāṁ tathā punarācamya hṛdayaṁ bāhū skandhau ca saṁspṛśet

श्रीनारायण ने कहा — (शुद्ध, स्मार्त, पौराणिक, वैदिक, तांत्रिक और श्रौत — इस प्रकार श्रुति द्वारा कहा गया आचमन छः प्रकार का है। मलमूत्रादि की शुद्धि 'शुद्ध' आचमन कहलाती है; किसी कर्म के अंत में विधिपूर्वक किया जाने वाला आचमन स्मार्त और पौराणिक है; ब्रह्मयज्ञ आदि से पूर्व किया जाने वाला वैदिक और श्रौत कहलाता है; तथा अस्त्रविद्या आदि कर्मों में किया जाने वाला आचमन तांत्रिक विधि कहलाता है।) ओंकार और गायत्री का स्मरण करके शिखा बाँधे, फिर पुनः आचमन करके हृदय, दोनों भुजाओं और दोनों कंधों का स्पर्श करे।

श्लोक 2 (devibhagavatam.11.3.2)

क्षुते निष्ठीवने चैव दन्तोच्छिष्टे तथानृते । पतितानां च सम्भाषे दक्षिणं श्रवणं स्पृशेत्

kṣute niṣṭhīvane caiva dantocchiṣṭe tathānṛte patitānāṁ ca sambhāṣe dakṣiṇaṁ śravaṇaṁ spṛśet

छींकने पर, थूकने पर, दाँतों में जूठन रह जाने पर, झूठ बोलने पर, तथा पतितों से बातचीत करने पर दाहिने कान का स्पर्श करे।

श्लोक 3 (devibhagavatam.11.3.3)

अग्निरापश्च वेदाश्च सोमः सूर्योऽनिलस्तथा । सर्वे नारद विप्रस्य कर्णे तिष्ठन्ति दक्षिणे

agnirāpaśca vedāśca somaḥ sūryo'nilastathā sarve nārada viprasya karṇe tiṣṭhanti dakṣiṇe

हे नारद! अग्नि, जल, वेद, सोम, सूर्य और वायु — ये सभी ब्राह्मण के दाहिने कान में निवास करते हैं।

श्लोक 4 (devibhagavatam.11.3.4)

ततस्तु गत्वा नद्यादौ प्रातःस्नानं विशोधनम् । समाचरेन्मुनिश्रेष्ठ देहसंशुद्धिहेतवे

tatastu gatvā nadyādau prātaḥsnānaṁ viśodhanam samācarenmuniśreṣṭha dehasaṁśuddhihetave

फिर हे मुनिश्रेष्ठ! नदी आदि के तट पर जाकर देह की शुद्धि के लिए विशोधक प्रातःस्नान करे।

श्लोक 5 (devibhagavatam.11.3.5)

अत्यन्तमलिनो देहो नवद्वारैर्मलं वहन् । सदाऽऽस्ते तच्छोधनाय प्रातःस्नानं विधीयते

atyantamalino deho navadvārairmalaṁ vahan sadā''ste tacchodhanāya prātaḥsnānaṁ vidhīyate

यह शरीर अत्यंत मलिन है, नौ द्वारों से निरंतर मल वहन करता रहता है; उसकी शुद्धि के लिए ही प्रातःस्नान विहित किया गया है।

श्लोक 6 (devibhagavatam.11.3.6)

अगम्यागमनात्पापं यच्च पापं प्रतिग्रहात् । रहस्याचरितं पापं मुच्यते स्नानकर्मणा

agamyāgamanātpāpaṁ yacca pāpaṁ pratigrahāt rahasyācaritaṁ pāpaṁ mucyate snānakarmaṇā

अगम्यागमन से लगा पाप, अनुचित प्रतिग्रह से लगा पाप, तथा गुप्त रूप से किया गया पाप — ये सब स्नानकर्म से छूट जाते हैं।

श्लोक 7 (devibhagavatam.11.3.7)

अस्नातस्य क्रियाः सर्वा भवन्ति विफला यतः । तस्मात्प्रातश्चरेत्स्नानं नित्यमेव दिने दिने

asnātasya kriyāḥ sarvā bhavanti viphalā yataḥ tasmātprātaścaretsnānaṁ nityameva dine dine

क्योंकि जो स्नान नहीं करता, उसके सभी कर्म निष्फल हो जाते हैं, इसलिए प्रतिदिन नियमपूर्वक प्रातःस्नान करना चाहिए।

श्लोक 8 (devibhagavatam.11.3.8)

दर्भयुक्तश्चरेत्स्नानं तथा सन्ध्याभिवन्दनम् । सप्ताहं प्रातरस्नायी सन्ध्याहीनस्त्रिभिर्दिनैः

darbhayuktaścaretsnānaṁ tathā sandhyābhivandanam saptāhaṁ prātarasnāyī sandhyāhīnastribhirdinaiḥ

दर्भ हाथ में लेकर स्नान करे, और उसी प्रकार संध्यावंदन भी करे। जो प्रातःकाल स्नान न करे, वह सात दिन के लिए, और संध्या न करने वाला तीन दिन के लिए अशुद्ध रहता है।

श्लोक 9 (devibhagavatam.11.3.9)

द्वादशाहमनग्निः सन्द्विजः शूद्रत्वमाप्नुयात् । अल्पत्वाद्धोमकालस्य बहुत्वात्स्नानकर्मणः

dvādaśāhamanagniḥ sandvijaḥ śūdratvamāpnuyāt alpatvāddhomakālasya bahutvātsnānakarmaṇaḥ

जो द्विज बारह दिनों तक अग्निहीन रहता है, वह शूद्रत्व को प्राप्त हो जाता है — क्योंकि होम का काल अल्प होता है, जबकि स्नानकर्म का काल विस्तृत है।

श्लोक 10 (devibhagavatam.11.3.10)

प्रातर्न तु तथा स्नायाद्धोमकाले विगर्हितः । गायत्र्यास्तु परं नास्ति इह लोके परत्र च

prātarna tu tathā snāyāddhomakāle vigarhitaḥ gāyatryāstu paraṁ nāsti iha loke paratra ca

किन्तु इतना विस्तार से स्नान न करे कि होम का समय निंदनीय रूप से बीत जाए। गायत्री से बढ़कर इस लोक अथवा परलोक में कुछ भी नहीं है।

श्लोक 11 (devibhagavatam.11.3.11)

गायन्तं त्रायते यस्माद्गायत्रीत्यभिधीयते । प्रणवेन तु संयुक्तां व्याहृतित्रयसंयुताम्

gāyantaṁ trāyate yasmādgāyatrītyabhidhīyate praṇavena tu saṁyuktāṁ vyāhṛtitrayasaṁyutām

जो गाने वाले की रक्षा करती है (गायन्तं त्रायते), इसीलिए वह 'गायत्री' कही जाती है — प्रणव से युक्त और तीनों व्याहृतियों (भूः, भुवः, स्वः) से संयुक्त,

श्लोक 12 (devibhagavatam.11.3.12)

वायुं वायौ जयेद्विप्रः प्राणसंयमनत्रयात् । ब्राह्मणः श्रुतिसम्पन्नः स्वधर्मनिरतः सदा

vāyuṁ vāyau jayedvipraḥ prāṇasaṁyamanatrayāt brāhmaṇaḥ śrutisampannaḥ svadharmanirataḥ sadā

उसके द्वारा द्विज प्राणायाम की त्रिविध साधना से (बाह्य) वायु को (आंतरिक) वायु में विजित करता है। जो ब्राह्मण श्रुति-संपन्न है और सदा अपने धर्म में तत्पर रहता है,

श्लोक 13 (devibhagavatam.11.3.13)

स वैदिकं जपेन्मन्त्रं लौकिकं न कदाचन । गौशृङ्गे सर्षपो यावत् तावद्येषां न स स्थिरः

sa vaidikaṁ japenmantraṁ laukikaṁ na kadācana gauśṛṅge sarṣapo yāvat tāvadyeṣāṁ na sa sthiraḥ

वह वैदिक मंत्र का ही जप करे, लौकिक मंत्र का कभी नहीं। गाय के सींग पर जितनी देर सरसों का दाना टिकता है, उतनी ही अस्थिर स्थिति उन [अन्यथाचारी] द्विजों की होती है।

श्लोक 14 (devibhagavatam.11.3.14)

न तारयन्त्युभौ पक्षौ पितॄनेकोत्तरं शतम् । सगर्भो जपसंयुक्तस्त्वगर्भो ध्यानमात्रकः

na tārayantyubhau pakṣau pitṝnekottaraṁ śatam sagarbho japasaṁyuktastvagarbho dhyānamātrakaḥ

दोनों पक्षों में की गई गायत्री-साधना एक सौ एक पीढ़ियों के पितरों को तार देती है। जो जप-सहित प्राणायाम है, वह 'सगर्भ' कहलाता है; जो केवल ध्यानमात्र है, वह 'अगर्भ' है।

श्लोक 15 (devibhagavatam.11.3.15)

स्नानाङ्गतर्पणं कृत्वा देवर्षिपितृतोषकम् । शुद्धे वस्त्रे परीधाय जलाद्बहिरुपागतः

snānāṅgatarpaṇaṁ kṛtvā devarṣipitṛtoṣakam śuddhe vastre parīdhāya jalādbahirupāgataḥ

स्नान के अंगभूत तर्पण को करके, जो देवता, ऋषि और पितरों को संतुष्ट करता है, तथा शुद्ध वस्त्र धारण कर जल से बाहर निकलकर —

श्लोक 16 (devibhagavatam.11.3.16)

विभूतिधारणं कार्यं रुद्राक्षाणां च धारणम् । क्रमयोगेन कर्तव्यं सर्वदा जपसाधकैः

vibhūtidhāraṇaṁ kāryaṁ rudrākṣāṇāṁ ca dhāraṇam kramayogena kartavyaṁ sarvadā japasādhakaiḥ

विभूति धारण करनी चाहिए, और रुद्राक्ष भी धारण करने चाहिए; जप-साधकों को यह सदैव क्रमानुसार करना चाहिए।

श्लोक 17 (devibhagavatam.11.3.17)

रुद्राक्षान्कण्ठदेशे दशनपरिमिता- न्मस्तके विंशती द्वे षट् षट् कर्णप्रदेशे करयुगलकृते द्वादश द्वादशैव । बाह्वोरिन्दोः कलाभिर्नयनयुगकृते त्वेकमेकं शिखायां वक्षस्यष्टाधिकं यः कलयति शतकं स स्वयं नीलकण्ठः

rudrākṣānkaṇṭhadeśe daśanaparimitā- nmastake viṁśatī dve ṣaṭ ṣaṭ karṇapradeśe karayugalakṛte dvādaśa dvādaśaiva bāhvorindoḥ kalābhirnayanayugakṛte tvekamekaṁ śikhāyāṁ vakṣasyaṣṭādhikaṁ yaḥ kalayati śatakaṁ sa svayaṁ nīlakaṇṭhaḥ

जो कंठ में दाँतों की गिनती के बराबर (बत्तीस) रुद्राक्ष, मस्तक पर बाईस, प्रत्येक कान पर छह-छह, प्रत्येक हाथ में बारह-बारह, दोनों भुजाओं पर चंद्रमा की कलाओं (सोलह-सोलह) के बराबर, दोनों नेत्रों के लिए एक-एक, शिखा पर एक, और वक्षस्थल पर एक सौ आठ रुद्राक्ष धारण करता है, वह स्वयं नीलकंठ (शिव) के समान हो जाता है।

श्लोक 18 (devibhagavatam.11.3.18)

बद्ध्वा स्वर्णेन रुद्राक्षं रजतेनाथवा मुने । शिखायां धारयेन्नित्यं कर्णयोर्वा समाहितः

baddhvā svarṇena rudrākṣaṁ rajatenāthavā mune śikhāyāṁ dhārayennityaṁ karṇayorvā samāhitaḥ

हे मुने! सोने या चाँदी में रुद्राक्ष को जड़वाकर, समाहित चित्त से सदा शिखा पर या कानों में धारण करे।

श्लोक 19 (devibhagavatam.11.3.19)

यज्ञोपवीते हस्ते वा कण्ठे तुन्देऽथवा नरः । श्रीमत्पञ्चाक्षरेणैव प्रणवेन तथापि वा

yajñopavīte haste vā kaṇṭhe tunde'thavā naraḥ śrīmatpañcākṣareṇaiva praṇavena tathāpi vā

यज्ञोपवीत में, हाथ में, कंठ में अथवा उदर पर मनुष्य श्रीयुक्त पंचाक्षर मंत्र से, अथवा प्रणव मंत्र से भी उसे धारण करे।

श्लोक 20 (devibhagavatam.11.3.20)

निर्व्याजभक्त्या मेधावी रुद्राक्षं धारयेन्मुदा । रुद्राक्षधारणं साक्षाच्छिवज्ञानस्य साधनम्

nirvyājabhaktyā medhāvī rudrākṣaṁ dhārayenmudā rudrākṣadhāraṇaṁ sākṣācchivajñānasya sādhanam

निष्कपट भक्ति से बुद्धिमान पुरुष प्रसन्नतापूर्वक रुद्राक्ष धारण करे; रुद्राक्ष-धारण साक्षात् शिव-ज्ञान का साधन है।

श्लोक 21 (devibhagavatam.11.3.21)

रुद्राक्षं यच्छिखायां तत्तारतत्त्वमिति स्मरेत् । कर्णयोरुभयोर्ब्रह्मन् देवं देवीं च भावयेत्

rudrākṣaṁ yacchikhāyāṁ tattāratattvamiti smaret karṇayorubhayorbrahman devaṁ devīṁ ca bhāvayet

शिखा पर धारण किया गया रुद्राक्ष 'तारक-तत्त्व' (मुक्तिदायी प्रणव) का स्मरण कराता है — ऐसा जानना चाहिए। हे ब्रह्मन्! दोनों कानों में देव और देवी की भावना करे।

श्लोक 22 (devibhagavatam.11.3.22)

यज्ञोपवीते वेदांश्च तथा हस्ते दिशः स्मरेत् । कण्ठे सरस्वतीं देवीं पावकं चापि भावयेत्

yajñopavīte vedāṁśca tathā haste diśaḥ smaret kaṇṭhe sarasvatīṁ devīṁ pāvakaṁ cāpi bhāvayet

यज्ञोपवीत में वेदों का, हाथ में दिशाओं का स्मरण करे; कंठ में देवी सरस्वती और अग्नि की भावना करे।

श्लोक 23 (devibhagavatam.11.3.23)

सर्वाश्रमाणां वर्णानां रुद्राक्षाणां च धारणम् । कर्तव्यं मन्त्रतः प्रोक्तं द्विजानां नान्यवर्णिनाम्

sarvāśramāṇāṁ varṇānāṁ rudrākṣāṇāṁ ca dhāraṇam kartavyaṁ mantrataḥ proktaṁ dvijānāṁ nānyavarṇinām

सभी आश्रमों और वर्णों के लिए रुद्राक्ष धारण करना कर्तव्य है; परन्तु मंत्रपूर्वक धारण करना द्विजों के लिए कहा गया है, अन्य वर्णों के लिए नहीं।

श्लोक 24 (devibhagavatam.11.3.24)

रुद्राक्षधारणाद्रुद्रो भवत्येव न संशयः । पश्यन्नपि निषिद्धांश्च तथा शृण्वन्नपि स्मरन्

rudrākṣadhāraṇādrudro bhavatyeva na saṁśayaḥ paśyannapi niṣiddhāṁśca tathā śṛṇvannapi smaran

रुद्राक्ष धारण करने से मनुष्य निःसंदेह रुद्र ही हो जाता है — चाहे वह निषिद्ध वस्तुओं को देख रहा हो, सुन रहा हो, या स्मरण कर रहा हो,

श्लोक 25 (devibhagavatam.11.3.25)

जिघ्रन्नपि तथा चाश्नन् प्रलपन्नपि सन्ततम् । कुर्वन्नपि सदा गच्छन्विसृजन्नपि मानवः

jighrannapi tathā cāśnan pralapannapi santatam kurvannapi sadā gacchanvisṛjannapi mānavaḥ

सूँघ रहा हो, खा रहा हो, निरंतर बोल रहा हो, कोई कर्म कर रहा हो, सदा चल रहा हो, अथवा मलत्याग कर रहा हो — ऐसा मनुष्य [अशुद्ध नहीं होता]।

श्लोक 26 (devibhagavatam.11.3.26)

रुद्राक्षधारणादेव सर्वपापैर्न लिप्यते । अनेन भुक्तं देवेन भुक्तं यत्तु तथा भवेत्

rudrākṣadhāraṇādeva sarvapāpairna lipyate anena bhuktaṁ devena bhuktaṁ yattu tathā bhavet

रुद्राक्ष-धारण मात्र से वह सब पापों से लिप्त नहीं होता। उसके द्वारा जो कुछ खाया गया, वह मानो स्वयं देव द्वारा ही खाया गया,

श्लोक 27 (devibhagavatam.11.3.27)

पीतं रुद्रेण तत्पीतं घ्रातं घ्रातं शिवेन तत् । रुद्राक्षधारणे लज्जा येषामस्ति महामुने

pītaṁ rudreṇa tatpītaṁ ghrātaṁ ghrātaṁ śivena tat rudrākṣadhāraṇe lajjā yeṣāmasti mahāmune

जो पिया गया, वह मानो रुद्र द्वारा ही पिया गया; जो सूँघा गया, वह मानो शिव द्वारा ही सूँघा गया। हे महामुने! जिन्हें रुद्राक्ष धारण करने में लज्जा आती है,

श्लोक 28 (devibhagavatam.11.3.28)

तेषां नास्ति विनिर्मोक्षः संसाराज्जन्मकोटिभिः । रुद्राक्षधारिणं दृष्ट्वा परिवादं करोति यः

teṣāṁ nāsti vinirmokṣaḥ saṁsārājjanmakoṭibhiḥ rudrākṣadhāriṇaṁ dṛṣṭvā parivādaṁ karoti yaḥ

उनका करोड़ों जन्मों में भी संसार से विमोक्ष नहीं होता। जो रुद्राक्षधारी को देखकर उसकी निंदा करता है,

श्लोक 29 (devibhagavatam.11.3.29)

उत्पत्तौ तस्य साङ्कर्यमस्त्वेवेति विनिश्चयः । रुद्राक्षधारणादेव रुद्रो रुद्रत्वमाप्नुयात्

utpattau tasya sāṅkaryamastveveti viniścayaḥ rudrākṣadhāraṇādeva rudro rudratvamāpnuyāt

उसके अगले जन्म में संकरता (वर्णसंकरता) होगी — यह निश्चित है। रुद्राक्ष-धारण मात्र से रुद्र भी अपने रुद्रत्व को प्राप्त करते हैं,

श्लोक 30 (devibhagavatam.11.3.30)

मुनयः सत्यसङ्कल्पा ब्रह्मा ब्रह्मत्वमागतः । रुद्राक्षधारणाच्छ्रेष्ठं न किञ्चिदपि विद्यते

munayaḥ satyasaṅkalpā brahmā brahmatvamāgataḥ rudrākṣadhāraṇācchreṣṭhaṁ na kiñcidapi vidyate

सत्यसंकल्प मुनि तथा ब्रह्मा भी अपने-अपने पद (मुनित्व और ब्रह्मत्व) को इसी से प्राप्त हुए हैं। रुद्राक्ष-धारण से बढ़कर कुछ भी विद्यमान नहीं है।

श्लोक 31 (devibhagavatam.11.3.31)

रुद्राक्षधारिणे भक्त्या वस्त्रं धान्यं ददाति यः । सर्वपापविनिर्मुक्तः शिवलोकं स गच्छति

rudrākṣadhāriṇe bhaktyā vastraṁ dhānyaṁ dadāti yaḥ sarvapāpavinirmuktaḥ śivalokaṁ sa gacchati

जो भक्तिपूर्वक रुद्राक्षधारी को वस्त्र अथवा अन्न देता है, वह समस्त पापों से मुक्त होकर शिवलोक को प्राप्त होता है।

श्लोक 32 (devibhagavatam.11.3.32)

रुद्राक्षधारिणं श्राद्धे भोजयेत विमोदतः । पितृलोकमवाप्नोति नात्र कार्या विचारणा

rudrākṣadhāriṇaṁ śrāddhe bhojayeta vimodataḥ pitṛlokamavāpnoti nātra kāryā vicāraṇā

जो श्राद्ध में रुद्राक्षधारी को प्रसन्नतापूर्वक भोजन कराता है, वह पितृलोक को प्राप्त होता है — इसमें कोई संदेह नहीं करना चाहिए।

श्लोक 33 (devibhagavatam.11.3.33)

रुद्राक्षधारिणः पादौ प्रक्षाल्याद्भिः पिबेन्नरः । सर्वपापविनिर्मुक्तः शिवलोके महीयते

rudrākṣadhāriṇaḥ pādau prakṣālyādbhiḥ pibennaraḥ sarvapāpavinirmuktaḥ śivaloke mahīyate

जो मनुष्य रुद्राक्षधारी के चरण धोकर उस जल को पीता है, वह समस्त पापों से मुक्त होकर शिवलोक में महिमामंडित होता है।

श्लोक 34 (devibhagavatam.11.3.34)

हारं वा कटकं वापि सुवर्णं वा द्विजोत्तमः । रुद्राक्षसहितं भक्त्या धारयन् रुद्रतामियात्

hāraṁ vā kaṭakaṁ vāpi suvarṇaṁ vā dvijottamaḥ rudrākṣasahitaṁ bhaktyā dhārayan rudratāmiyāt

श्रेष्ठ द्विज हार, कड़ा अथवा स्वर्णाभूषण को रुद्राक्ष के साथ भक्तिपूर्वक धारण करते हुए रुद्रत्व को प्राप्त होता है।

श्लोक 35 (devibhagavatam.11.3.35)

रुद्राक्षं केवलं वापि यत्र कुत्र महामते । समन्त्रकं वा मन्त्रेण रहितं भाववर्जितम्

rudrākṣaṁ kevalaṁ vāpi yatra kutra mahāmate samantrakaṁ vā mantreṇa rahitaṁ bhāvavarjitam

हे महामते! चाहे केवल रुद्राक्ष ही कहीं भी धारण किया गया हो, मंत्रसहित हो या मंत्ररहित, अथवा भावरहित भी क्यों न हो,

श्लोक 36 (devibhagavatam.11.3.36)

यो वा को वा नरो भक्त्या धारयेल्लज्जयापि वा । सर्वपापविनिर्मुक्तः सम्यग्ज्ञानमवाप्नुयात्

yo vā ko vā naro bhaktyā dhārayellajjayāpi vā sarvapāpavinirmuktaḥ samyagjñānamavāpnuyāt

जो भी कोई मनुष्य भक्तिपूर्वक अथवा संकोचवश भी उसे धारण करता है, वह समस्त पापों से मुक्त होकर सम्यक् ज्ञान प्राप्त करता है।

श्लोक 37 (devibhagavatam.11.3.37)

अहो रुद्राक्षमाहात्म्यं मया वक्तुं न शक्यते । तस्मात्सर्वप्रयत्नेन कुर्याद्रुद्राक्षधारणम्

aho rudrākṣamāhātmyaṁ mayā vaktuṁ na śakyate tasmātsarvaprayatnena kuryādrudrākṣadhāraṇam

अहो! रुद्राक्ष का माहात्म्य मुझसे भी पूर्णतः कहा नहीं जा सकता। इसलिए सब प्रकार के प्रयत्न से रुद्राक्ष धारण करना चाहिए।