भस्म-धारण-माहात्म्य-वर्णन

श्लोक 1 (devibhagavatam.11.12.1)

श्रीनारायण उवाच । देवर्षे शृणु तत्सर्वं भस्मोद्धूलनजं फलम् । सरहस्यविधानं च सर्वकामफलप्रदम्

śrīnārāyaṇa uvāca devarṣe śṛṇu tatsarvaṁ bhasmoddhūlanajaṁ phalam sarahasyavidhānaṁ ca sarvakāmaphalapradam

श्रीनारायण ने कहा — हे देवर्षे! भस्म-उद्धूलन से उत्पन्न होने वाला वह समस्त फल सुनो, उसकी गुह्य विधि सहित, जो सभी कामनाओं का फल देने वाली है।

श्लोक 2 (devibhagavatam.11.12.2)

कपिलायाः शकृत्स्वच्छं गृहीत्वा गगनेऽपतत् । न क्लिन्नं नापि कठिनं न दुर्गन्धं न चोषितम्

kapilāyāḥ śakṛtsvacchaṁ gṛhītvā gagane'patat na klinnaṁ nāpi kaṭhinaṁ na durgandhaṁ na coṣitam

कपिला गाय के स्वच्छ गोबर को, जो गिरते समय ही आकाश में ग्रहण किया गया हो — न गीला, न कठोर, न दुर्गंधयुक्त, न सूखा हुआ —

श्लोक 3 (devibhagavatam.11.12.3)

उपर्यधः परित्यज्य गह्णीयात्पतितं यदि । पिण्डीकृत्य शिवाग्न्यादौ तत्क्षिपेन्मूलमन्त्रितम्

uparyadhaḥ parityajya gahṇīyātpatitaṁ yadi piṇḍīkṛtya śivāgnyādau tatkṣipenmūlamantritam

ऊपर-नीचे के [अशुद्ध] भाग को त्यागकर, यदि वह गिरा हुआ शुद्ध भाग हो तो ही ग्रहण करे; उसे गोला बनाकर मूलमंत्र से अभिमंत्रित कर शिवाग्नि आदि में डाल दे।

श्लोक 4 (devibhagavatam.11.12.4)

आदाय वाससाऽऽच्छाद्य भस्माधाने विनिक्षिपेत् । सुकृते सुदृढे शुद्धे क्षालिते प्रोक्षिते शुभे

ādāya vāsasā''cchādya bhasmādhāne vinikṣipet sukṛte sudṛḍhe śuddhe kṣālite prokṣite śubhe

उसे लेकर वस्त्र से ढककर भस्म रखने के पात्र में डाल दे — जो सुनिर्मित, दृढ़, शुद्ध, धुला हुआ, अभिमंत्रित जल से सिंचित और शुभ हो।

श्लोक 5 (devibhagavatam.11.12.5)

विन्यस्य मन्त्री मन्त्रेण पात्रे भस्म विनिक्षिपेत् । तैजसं दारवं चाथ मृण्मयं चैलमेव च

vinyasya mantrī mantreṇa pātre bhasma vinikṣipet taijasaṁ dāravaṁ cātha mṛṇmayaṁ cailameva ca

मंत्रज्ञ साधक मंत्र सहित उस भस्म को पात्र में रखे — जो धातु, काष्ठ, मिट्टी अथवा वस्त्र से बना हो,

श्लोक 6 (devibhagavatam.11.12.6)

अन्यद्वा शोभनं शुद्धं भस्माधारं प्रकल्पयेत् । क्षौमे चैवातिशुद्धे वा धनवद्भस्म निक्षिपेत्

anyadvā śobhanaṁ śuddhaṁ bhasmādhāraṁ prakalpayet kṣaume caivātiśuddhe vā dhanavadbhasma nikṣipet

अथवा कोई अन्य सुंदर, शुद्ध भस्म-पात्र बनाए। रेशमी वस्त्र में अथवा अत्यंत शुद्ध किसी वस्तु में, धन के समान भस्म रखे।

श्लोक 7 (devibhagavatam.11.12.7)

प्रस्थितो भस्म गृह्णीयात्स्वयं चानुचरोऽपि वा । न चायुक्तकरे दद्यान्न चाशुचितले क्षिपेत्

prasthito bhasma gṛhṇīyātsvayaṁ cānucaro'pi vā na cāyuktakare dadyānna cāśucitale kṣipet

यात्रा पर निकलने वाला व्यक्ति भस्म स्वयं ग्रहण करे, अथवा उसका अनुचर भी ले जा सकता है। इसे अयोग्य हाथ में न दे, न अशुद्ध भूमि पर डाले,

श्लोक 8 (devibhagavatam.11.12.8)

न संस्पृशेत्तु नीचाङ्गैर्न क्षिपेन्न च लङ्घयेत् । तस्माद्भसितमादाय विनियुञ्जीत मन्त्रितम्

na saṁspṛśettu nīcāṅgairna kṣipenna ca laṅghayet tasmādbhasitamādāya viniyuñjīta mantritam

न इसे निम्न अंगों (पैरों) से स्पर्श करे, न लापरवाही से फेंके, न इसके ऊपर से लांघे। इसलिए भस्म को लेकर उसे मंत्रित करके ही यथोचित प्रयोग करे।

श्लोक 9 (devibhagavatam.11.12.9)

विभूतिधारणविधिः स्मृतिप्रोक्तो मयेरितः । यदीयाचरणेनैव शिवतुल्यो न संशयः

vibhūtidhāraṇavidhiḥ smṛtiprokto mayeritaḥ yadīyācaraṇenaiva śivatulyo na saṁśayaḥ

यह विभूति-धारण की विधि मेरे द्वारा स्मृति के अनुसार कही गई है; इसके आचरण मात्र से मनुष्य शिव के समान हो जाता है, इसमें संदेह नहीं।

श्लोक 10 (devibhagavatam.11.12.10)

शैवैः सम्पादितं भस्म वैदिकैः शिवसन्निधौ । भक्त्या परमया ग्राह्यं प्रार्थयित्वा तु पूजयेत्

śaivaiḥ sampāditaṁ bhasma vaidikaiḥ śivasannidhau bhaktyā paramayā grāhyaṁ prārthayitvā tu pūjayet

वैदिक शैवों द्वारा शिव की उपस्थिति में तैयार किया गया भस्म परम भक्ति से ग्रहण करना चाहिए; प्रार्थना करके उससे पूजा करे।

श्लोक 11 (devibhagavatam.11.12.11)

तन्त्रोक्तवर्त्मना सिद्धं भस्म तान्त्रिकपूजकैः । यत्रकुत्रापि दत्तं चेत्तद्ग्राह्यं नैव वैदिकैः

tantroktavartmanā siddhaṁ bhasma tāntrikapūjakaiḥ yatrakutrāpi dattaṁ cettadgrāhyaṁ naiva vaidikaiḥ

तंत्रोक्त विधि से तांत्रिक पूजकों द्वारा सिद्ध किया गया भस्म, चाहे कहीं भी और किसी के द्वारा दिया गया हो, वैदिकों को ग्रहण नहीं करना चाहिए,

श्लोक 12 (devibhagavatam.11.12.12)

शूद्रैः कापालिकैर्वाथ पाखण्डैरपरैस्तु तत् । त्रिपुण्ड्रं धारयेद्भक्त्या मनसापि न लङ्घयेत्

śūdraiḥ kāpālikairvātha pākhaṇḍairaparaistu tat tripuṇḍraṁ dhārayedbhaktyā manasāpi na laṅghayet

और न ही शूद्रों, कापालिकों अथवा अन्य पाखंडियों द्वारा दिया गया भस्म। त्रिपुण्ड्र को भक्तिपूर्वक धारण करे, और मन से भी इसकी अवहेलना न करे।

श्लोक 13 (devibhagavatam.11.12.13)

श्रुत्या विधीयते यस्मात्तत्त्यागी पतितो भवेत् । त्रिपुण्ड्रधारणं भक्त्या तथा देहावगुण्ठनम्

śrutyā vidhīyate yasmāttattyāgī patito bhavet tripuṇḍradhāraṇaṁ bhaktyā tathā dehāvaguṇṭhanam

चूँकि यह श्रुति द्वारा विहित है, इसलिए इसे त्यागने वाला पतित हो जाता है। त्रिपुण्ड्र का भक्तिपूर्वक धारण, और उसी प्रकार देह पर भस्म-लेपन —

श्लोक 14 (devibhagavatam.11.12.14)

द्विजः कुर्याद्धि मन्त्रेण तत्त्यागी पतितो भवेत् । उद्धूलनं त्रिपुण्ड्रं च भक्त्या नैवाचरन्ति ये

dvijaḥ kuryāddhi mantreṇa tattyāgī patito bhavet uddhūlanaṁ tripuṇḍraṁ ca bhaktyā naivācaranti ye

द्विज को मंत्रपूर्वक करना चाहिए; इसे त्यागने वाला पतित हो जाता है। जो उद्धूलन और त्रिपुण्ड्र भक्तिपूर्वक नहीं करते,

श्लोक 15 (devibhagavatam.11.12.15)

तेषां नास्ति विनिर्मोक्षः संसाराज्जन्मकोटिभिः । येन भस्मोक्तमार्गेण धृतं न मुनिपुङ्गव

teṣāṁ nāsti vinirmokṣaḥ saṁsārājjanmakoṭibhiḥ yena bhasmoktamārgeṇa dhṛtaṁ na munipuṅgava

उनका करोड़ों जन्मों में भी संसार से विमोक्ष नहीं होता। हे मुनिपुंगव! जिसने भस्म को कहे गए मार्ग से धारण नहीं किया,

श्लोक 16 (devibhagavatam.11.12.16)

तस्य विद्धि मुने जन्म निष्कलं सौकरं यथा । येषां वपुर्मनुष्याणां त्रिपुण्ड्रेण विना स्थितम्

tasya viddhi mune janma niṣkalaṁ saukaraṁ yathā yeṣāṁ vapurmanuṣyāṇāṁ tripuṇḍreṇa vinā sthitam

हे मुने! जानो कि उसका जन्म सूअर के समान निष्फल है। जिन मनुष्यों का शरीर त्रिपुण्ड्र से रहित रहता है,

श्लोक 17 (devibhagavatam.11.12.17)

श्मशानसदृशं तत्स्यान्न प्रेक्ष्यं पुण्यकृज्जनैः । धिग्भस्मरहितं भालं धिग्ग्राममशिवालयम्

śmaśānasadṛśaṁ tatsyānna prekṣyaṁ puṇyakṛjjanaiḥ dhigbhasmarahitaṁ bhālaṁ dhiggrāmamaśivālayam

वह श्मशान के समान है, जिसे पुण्यात्मा जन देखना भी नहीं चाहते। भस्मरहित ललाट को धिक्कार! शिवालय-विहीन ग्राम को धिक्कार!

श्लोक 18 (devibhagavatam.11.12.18)

धिगनीशार्चनं जन्म धिग्विद्यामशिवाश्रयाम् । त्रिपुण्ड्रं ये विनिन्दन्ति निन्दन्ति शिवमेव ते

dhiganīśārcanaṁ janma dhigvidyāmaśivāśrayām tripuṇḍraṁ ye vinindanti nindanti śivameva te

ईश्वर की पूजा से रहित जन्म को धिक्कार! शिव के आश्रय बिना विद्या को धिक्कार! जो त्रिपुण्ड्र की निंदा करते हैं, वे शिव की ही निंदा करते हैं।

श्लोक 19 (devibhagavatam.11.12.19)

धारयन्ति च ये भक्त्या धारयन्ति तमेव ते । यथा कृशानुरहितो भूधरो न विराजते

dhārayanti ca ye bhaktyā dhārayanti tameva te yathā kṛśānurahito bhūdharo na virājate

और जो इसे भक्तिपूर्वक धारण करते हैं, वे स्वयं शिव को ही धारण करते हैं। जैसे अग्निरहित पर्वत शोभा नहीं देता,

श्लोक 20 (devibhagavatam.11.12.20)

अशेषसाधनेऽप्येवं भस्महीनं शिवार्चनम् । उद्धूलनं त्रिपुण्ड्रं च श्रद्धया नाचरन्ति ये

aśeṣasādhane'pyevaṁ bhasmahīnaṁ śivārcanam uddhūlanaṁ tripuṇḍraṁ ca śraddhayā nācaranti ye

वैसे ही अन्य समस्त साधनों के होते हुए भी भस्मरहित शिवपूजा शोभाहीन है। जो श्रद्धापूर्वक उद्धूलन और त्रिपुण्ड्र नहीं करते,

श्लोक 21 (devibhagavatam.11.12.21)

तैः पूर्वाचरितं सर्वं विपरीतं भवेदपि । भस्मना वेदमन्त्रेण त्रिपुण्ड्रस्य च धारणम्

taiḥ pūrvācaritaṁ sarvaṁ viparītaṁ bhavedapi bhasmanā vedamantreṇa tripuṇḍrasya ca dhāraṇam

उनके द्वारा पूर्व में किए गए सभी [शुभ कर्म] भी विपरीत परिणाम देने वाले हो जाते हैं। भस्म और वेदमंत्र से त्रिपुण्ड्र-धारण —

श्लोक 22 (devibhagavatam.11.12.22)

विना वेदोचिताचारं स्मार्तस्यानर्थकारणम् । कृतं स्यादकृतं तेन श्रुतमप्यश्रुतं भवेत्

vinā vedocitācāraṁ smārtasyānarthakāraṇam kṛtaṁ syādakṛtaṁ tena śrutamapyaśrutaṁ bhavet

वेदोचित आचार के बिना स्मार्त पुरुष के लिए अनर्थ का कारण बन जाता है। इसके अभाव में किया गया कर्म भी न किए गए के समान हो जाता है, और सुना हुआ भी न सुने के समान हो जाता है।

श्लोक 23 (devibhagavatam.11.12.23)

अधीतमनधीतं च त्रिपुण्ड्रं यो न धारयेत् । वृथा वेदा वृथा यज्ञा वृथा दानं वृथा तपः

adhītamanadhītaṁ ca tripuṇḍraṁ yo na dhārayet vṛthā vedā vṛthā yajñā vṛthā dānaṁ vṛthā tapaḥ

जो त्रिपुण्ड्र धारण नहीं करता, उसका अध्ययन भी अनध्ययन के समान हो जाता है। उसके लिए वेद व्यर्थ हैं, यज्ञ व्यर्थ हैं, दान व्यर्थ है, तप व्यर्थ है,

श्लोक 24 (devibhagavatam.11.12.24)

वृथा व्रतोपवासेन त्रिपुण्ड्रं यो न धारयेत् । भस्मधारणकं त्यक्त्वा मुक्तिमिच्छति यः पुमान्

vṛthā vratopavāsena tripuṇḍraṁ yo na dhārayet bhasmadhāraṇakaṁ tyaktvā muktimicchati yaḥ pumān

और व्रत-उपवास भी व्यर्थ हैं। जो पुरुष भस्म-धारण को त्यागकर मुक्ति की इच्छा करता है,

श्लोक 25 (devibhagavatam.11.12.25)

विषपानेन नित्यत्वं कुरुते ह्यात्मनो हि सः । स्रष्टा सृष्टिच्छलेनाह त्रिपुण्ड्रस्य च धारणम्

viṣapānena nityatvaṁ kurute hyātmano hi saḥ sraṣṭā sṛṣṭicchalenāha tripuṇḍrasya ca dhāraṇam

वह वास्तव में विष पीकर अमरत्व चाहने के समान है। सृष्टि के छल से सृष्टिकर्ता ने त्रिपुण्ड्र-धारण की घोषणा तब की, जब —

श्लोक 26 (devibhagavatam.11.12.26)

ससर्ज स ललाटं हि तिर्यगूर्ध्वं न वर्तुलम् । तिर्यग्रेखाः प्रदृश्यन्ते ललाटे सर्वदेहिनाम्

sasarja sa lalāṭaṁ hi tiryagūrdhvaṁ na vartulam tiryagrekhāḥ pradṛśyante lalāṭe sarvadehinām

उसने ललाट को ही तिरछा और ऊर्ध्व रूप में रचा, गोल नहीं; सभी प्राणियों के ललाट पर तिरछी रेखाएँ स्वाभाविक रूप से दिखाई देती हैं।

श्लोक 27 (devibhagavatam.11.12.27)

तथापि मानवा मूर्खा न कुर्वन्ति त्रिपुण्ड्रकम् । न तद्ध्यानं न तन्मोक्षं न तज्ज्ञानं न तत्तपः

tathāpi mānavā mūrkhā na kurvanti tripuṇḍrakam na taddhyānaṁ na tanmokṣaṁ na tajjñānaṁ na tattapaḥ

फिर भी मूर्ख मनुष्य त्रिपुण्ड्र धारण नहीं करते। इसके बिना वह ध्यान, ध्यान नहीं है; वह मोक्ष, मोक्ष नहीं है; वह ज्ञान, ज्ञान नहीं है; वह तप, तप नहीं है —

श्लोक 28 (devibhagavatam.11.12.28)

विना तिर्यक्त्रिपुण्ड्रं च विप्रेण यदनुष्ठितम् । वेदस्याध्ययने शूद्रो नाधिकारी यथा भवेत्

vinā tiryaktripuṇḍraṁ ca vipreṇa yadanuṣṭhitam vedasyādhyayane śūdro nādhikārī yathā bhavet

जो भी द्विज तिरछे त्रिपुण्ड्र के बिना करे। जैसे शूद्र वेद-अध्ययन का अधिकारी नहीं होता,

श्लोक 29 (devibhagavatam.11.12.29)

त्रिपुण्ड्रेण विना विप्रो नाधिकारी शिवार्चने । प्राङ्मुखश्चरणौ हस्तौ प्रक्षाल्याचम्य पूर्ववत्

tripuṇḍreṇa vinā vipro nādhikārī śivārcane prāṅmukhaścaraṇau hastau prakṣālyācamya pūrvavat

वैसे ही त्रिपुण्ड्र के बिना ब्राह्मण शिव-पूजा का अधिकारी नहीं होता। पूर्व दिशा की ओर मुख कर, पैर और हाथ धोकर, पूर्ववत् आचमन करके —

श्लोक 30 (devibhagavatam.11.12.30)

प्राणानायम्य सङ्कल्प्य भस्मस्नानं समाचरेत् । आदाय भसितं शुद्धमग्निहोत्रसमुद्भवम्

prāṇānāyamya saṅkalpya bhasmasnānaṁ samācaret ādāya bhasitaṁ śuddhamagnihotrasamudbhavam

प्राणों को संयत कर संकल्प करके भस्मस्नान करे। अग्निहोत्र से उत्पन्न शुद्ध भस्म को लेकर —

श्लोक 31 (devibhagavatam.11.12.31)

ईशानेन तु मन्त्रेण स्वमूर्धनि विनिक्षिपेत् । तत आदाय तद्भस्म मुखे च पुरुषेण तु

īśānena tu mantreṇa svamūrdhani vinikṣipet tata ādāya tadbhasma mukhe ca puruṣeṇa tu

ईशान-मंत्र से उसे अपने मस्तक पर रखे; फिर उस भस्म को लेकर पुरुष (तत्पुरुष)-मंत्र से मुख पर,

श्लोक 32 (devibhagavatam.11.12.32)

अघोराख्येण हृदये गुह्ये वामाह्वयेन च । सद्योजाताभिधानेन भस्म पादद्वये क्षिपेत्

aghorākhyeṇa hṛdaye guhye vāmāhvayena ca sadyojātābhidhānena bhasma pādadvaye kṣipet

अघोर नामक मंत्र से हृदय पर, वाम नामक मंत्र से गुह्य स्थान पर, तथा सद्योजात नामक मंत्र से दोनों पैरों पर भस्म लगाए।

श्लोक 33 (devibhagavatam.11.12.33)

सर्वाङ्गं प्रणवेनैव मन्त्रेणोद्धूलनं ततः । एतदाग्नेयकं स्नानमुदितं परमर्षिभिः

sarvāṅgaṁ praṇavenaiva mantreṇoddhūlanaṁ tataḥ etadāgneyakaṁ snānamuditaṁ paramarṣibhiḥ

फिर प्रणव-मंत्र से ही सम्पूर्ण अंगों का उद्धूलन करे। यह 'आग्नेय' स्नान परम ऋषियों द्वारा कहा गया है।

श्लोक 34 (devibhagavatam.11.12.34)

सर्वकर्मसमृद्ध्यर्थं कुर्यादादाविदं बुधः । ततः प्रक्षाल्य हस्तादीनुपस्पृश्य यथाविधि

sarvakarmasamṛddhyarthaṁ kuryādādāvidaṁ budhaḥ tataḥ prakṣālya hastādīnupaspṛśya yathāvidhi

बुद्धिमान पुरुष को सभी कर्मों की सिद्धि के लिए इसे सबसे पहले करना चाहिए। फिर हाथ आदि धोकर, विधिपूर्वक अंगों का स्पर्श कर —

श्लोक 35 (devibhagavatam.11.12.35)

तिर्यक्त्रिपुण्ड्रं विधिना ललाटे हृदये गले । पञ्चभिर्ब्रह्मभिर्वापि कृतेन भसितेन च

tiryaktripuṇḍraṁ vidhinā lalāṭe hṛdaye gale pañcabhirbrahmabhirvāpi kṛtena bhasitena ca

पंचब्रह्म-मंत्रों से बनाई गई भस्म से विधिपूर्वक ललाट, हृदय और कंठ पर तिरछा त्रिपुण्ड्र लगाए।

श्लोक 36 (devibhagavatam.11.12.36)

घृतमेतत्त्रिपुण्ड्रं स्यात्सर्वकर्मसु पावनम् । शूद्रैरन्त्यजहस्तस्थं न धार्यं भस्म च क्वचित्

ghṛtametattripuṇḍraṁ syātsarvakarmasu pāvanam śūdrairantyajahastasthaṁ na dhāryaṁ bhasma ca kvacit

घी से मिश्रित यह त्रिपुण्ड्र सभी कर्मों में पवित्र करने वाला होता है। शूद्र अथवा अंत्यज के हाथ से छुआ हुआ भस्म कभी भी धारण नहीं करना चाहिए।

श्लोक 37 (devibhagavatam.11.12.37)

भस्मना साग्निहोत्रेण लिप्तः कर्म समाचरेत् । अन्यथा सर्वकर्माणि न फलन्ति कदाचन

bhasmanā sāgnihotreṇa liptaḥ karma samācaret anyathā sarvakarmāṇi na phalanti kadācana

अग्निहोत्र से उत्पन्न भस्म से अनुलिप्त होकर ही कोई कर्म करना चाहिए; अन्यथा कोई भी कर्म कभी फलित नहीं होता।

श्लोक 38 (devibhagavatam.11.12.38)

सत्यं शौचं जपो होमस्तीर्थं देवादिपूजनम् । तस्य व्यर्थमिदं सर्वं यस्त्रिपुण्ड्रं न धारयेत्

satyaṁ śaucaṁ japo homastīrthaṁ devādipūjanam tasya vyarthamidaṁ sarvaṁ yastripuṇḍraṁ na dhārayet

सत्य, शौच, जप, होम, तीर्थ-यात्रा, देवादि-पूजन — यह सब उसके लिए व्यर्थ है, जो त्रिपुण्ड्र धारण नहीं करता।

श्लोक 39 (devibhagavatam.11.12.39)

त्रिपुण्ड्रधृग्विप्रवरो यो रुद्राक्षधरः शुचिः । स हन्ति रोगदुरितव्याधिदुर्भिक्षतस्करान्

tripuṇḍradhṛgvipravaro yo rudrākṣadharaḥ śuciḥ sa hanti rogaduritavyādhidurbhikṣataskarān

जो श्रेष्ठ विप्र त्रिपुण्ड्रधारी, रुद्राक्षधारी और शुद्ध है, वह रोग, दुर्भाग्य, व्याधि, दुर्भिक्ष और चोरों का नाश करता है;

श्लोक 40 (devibhagavatam.11.12.40)

समाप्नोति परं ब्रह्म यतो नावर्तते पुनः । स पङ्क्तिपावनः श्राद्धे पूज्यो विप्रैः सुरैरपि

samāpnoti paraṁ brahma yato nāvartate punaḥ sa paṅktipāvanaḥ śrāddhe pūjyo vipraiḥ surairapi

वह परम ब्रह्म को प्राप्त होता है, जहाँ से वह पुनः नहीं लौटता। वह पंक्ति को पवित्र करने वाला है, श्राद्ध में विप्रों और देवताओं द्वारा भी पूज्य है।

श्लोक 41 (devibhagavatam.11.12.41)

श्राद्धे यज्ञे जपे होमे वैश्वदेवे सुरार्चने । धृतत्रिपुण्ड्रः पूतात्मा मृत्युं जयति मानवः । भस्मधारणमाहात्म्यं भूयोऽपि कथयामि ते

śrāddhe yajñe jape home vaiśvadeve surārcane dhṛtatripuṇḍraḥ pūtātmā mṛtyuṁ jayati mānavaḥ bhasmadhāraṇamāhātmyaṁ bhūyo'pi kathayāmi te

श्राद्ध में, यज्ञ में, जप में, होम में, वैश्वदेव में, तथा देवार्चन में — त्रिपुण्ड्रधारी, पवित्रात्मा मनुष्य मृत्यु पर विजय पाता है। भस्म-धारण का यह माहात्म्य मैं तुम्हें और आगे भी कहूँगा।