राजा सुरथ एवं वैश्य समाधि की देवी-भक्ति से इष्ट-प्राप्ति

श्लोक 1 (devibhagavatam.5.35.1)

व्यास उवाच । इति तस्य वचः श्रुत्वा दुःखितौ वैश्यपार्थिवौ । प्रणिपत्य मुनिं प्रीत्या प्रश्रयावनतौ भृशम्

vyāsa uvāca | iti tasya vacaḥ śrutvā duḥkhitau vaiśyapārthivau | praṇipatya muniṁ prītyā praśrayāvanatau bhṛśam

व्यास जी ने कहा — उनके इस वचन को सुनकर दुखी वैश्य और राजा दोनों ने प्रेमपूर्वक मुनि को प्रणाम किया, विनयपूर्वक अत्यंत झुककर।

श्लोक 2 (devibhagavatam.5.35.2)

हर्षेणोत्फुल्लनयनावूचतुर्वाक्यकोविदौ । कृताञ्जलिपुटौ शान्तौ भक्तिप्रवणचेतसौ

harṣeṇotphullanayanāvūcaturvākyakovidau | kṛtāñjalipuṭau śāntau bhaktipravaṇacetasau

हर्ष से खिले हुए नेत्रों वाले, वाक्पटु, हाथ जोड़े हुए, शांत, भक्ति में लीन चित्त वाले वे दोनों बोले —

श्लोक 3 (devibhagavatam.5.35.3)

भगवन्पावितावद्य शान्तौ दीनौ शुचान्वितौ । तव सूक्तसरस्वत्या गङ्गयेव भगीरथः

bhagavanpāvitāvadya śāntau dīnau śucānvitau | tava sūktasarasvatyā gaṅgayeva bhagīrathaḥ

"हे भगवन्! हम आज पवित्र हो गए, शांत हुए — जो पहले दीन और शोकाकुल थे — आपकी वाणी की उस सुभाषित गंगा से, जैसे भगीरथ गंगा से पवित्र हुए थे।"

श्लोक 4 (devibhagavatam.5.35.4)

साधवः सम्भवन्तीह परोपकृतितत्पराः । अकृत्रिमगुणारामाः सुखदाः सर्वदेहिनाम्

sādhavaḥ sambhavantīha paropakṛtitatparāḥ | akṛtrimaguṇārāmāḥ sukhadāḥ sarvadehinām

"इस संसार में साधुजन दूसरों के उपकार में तत्पर होकर जन्म लेते हैं, स्वाभाविक गुणों से युक्त, सभी प्राणियों को सुख देने वाले।"

श्लोक 5 (devibhagavatam.5.35.5)

पूर्वपुण्यप्रसङ्गेन प्राप्तोऽयमाश्रमः शुभः । तवावाभ्यां महाभाग महादुःखविनाशकः

pūrvapuṇyaprasaṅgena prāpto'yamāśramaḥ śubhaḥ | tavāvābhyāṁ mahābhāga mahāduḥkhavināśakaḥ

"हे महाभाग! पूर्वजन्म के पुण्य के प्रभाव से हम दोनों को यह शुभ आश्रम प्राप्त हुआ है, जो हमारे महान दुःख का नाशक है।"

श्लोक 6 (devibhagavatam.5.35.6)

भवन्ति मानवा भूमौ बहवः स्वार्थतत्पराः । परार्थसाधने दक्षाः केचित्क्वापि भवादृशाः

bhavanti mānavā bhūmau bahavaḥ svārthatatparāḥ | parārthasādhane dakṣāḥ kecitkvāpi bhavādṛśāḥ

"इस पृथ्वी पर अनेक मनुष्य केवल अपने स्वार्थ में तत्पर होते हैं; परंतु परोपकार में निपुण, आप जैसे लोग कहीं-कहीं ही कदाचित् मिलते हैं।"

श्लोक 7 (devibhagavatam.5.35.7)

दुःखितोऽहं मुनिश्रेष्ठ वैश्योऽयं चातिदुःखितः । उभौ संसारसन्तप्तौ तवाश्रमपदे मुदा

duḥkhito'haṁ muniśreṣṭha vaiśyo'yaṁ cātiduḥkhitaḥ | ubhau saṁsārasantaptau tavāśramapade mudā

"हे मुनिश्रेष्ठ! मैं दुखी हूँ, और यह वैश्य भी अत्यंत दुखी है। हम दोनों संसार से संतप्त होकर प्रसन्नतापूर्वक आपके आश्रम में आए हैं।"

श्लोक 8 (devibhagavatam.5.35.8)

दर्शनादेव हे विद्वन् गतं दुःखमिहावयोः । देहजं मानसं वाक्यश्रवणादेव साम्प्रतम्

darśanādeva he vidvan gataṁ duḥkhamihāvayoḥ | dehajaṁ mānasaṁ vākyaśravaṇādeva sāmpratam

"हे विद्वन्! आपके दर्शन मात्र से ही हमारा शारीरिक दुःख दूर हो गया है, और अब आपकी वाणी सुनने से ही मानसिक दुःख भी दूर हो गया है।"

श्लोक 9 (devibhagavatam.5.35.9)

धन्यावावां कृतकृत्यौ जातौ सूक्तिसुधारसात् । पावितौ भवता ब्रह्मन् कृपया करुणार्णव

dhanyāvāvāṁ kṛtakṛtyau jātau sūktisudhārasāt | pāvitau bhavatā brahman kṛpayā karuṇārṇava

"हे ब्रह्मन्! हे करुणार्णव! हम दोनों धन्य हो गए, कृतकृत्य हो गए, आपकी वाणी के अमृतरस से, आपकी कृपा से पवित्र हुए।"

श्लोक 10 (devibhagavatam.5.35.10)

गृहाणास्मत्करौ साधो नय पारं भवार्णवे । मग्नौ श्रान्ताविति ज्ञात्वा मन्त्रदानेन साम्प्रतम्

gṛhāṇāsmatkarau sādho naya pāraṁ bhavārṇave | magnau śrāntāviti jñātvā mantradānena sāmpratam

"हे साधो! हमारे हाथ थाम लीजिए, हमें भवसागर से पार ले जाइए। हमें डूबा और थका जानकर अब मंत्र-दान द्वारा —"

श्लोक 11 (devibhagavatam.5.35.11)

तपः कृत्वातिविपुलं समाराध्य सुखप्रदाम् । सम्प्राप्य दर्शनं भूयो यास्यावो निजमन्दिरम्

tapaḥ kṛtvātivipulaṁ samārādhya sukhapradām | samprāpya darśanaṁ bhūyo yāsyāvo nijamandiram

"— अत्यंत विशाल तप करके, उस सुखदायिनी की आराधना करके, फिर से उनका दर्शन प्राप्त करके ही हम अपने-अपने घरों को जाएँगे।"

श्लोक 12 (devibhagavatam.5.35.12)

वदनात्तव सम्प्राप्य देवीमन्त्रं नवाक्षरम् । स्मरणञ्ज करिष्यावो निराहारौ धृतव्रतौ

vadanāttava samprāpya devīmantraṁ navākṣaram | smaraṇañja kariṣyāvo nirāhārau dhṛtavratau

"आपके मुख से नवाक्षर देवी-मंत्र प्राप्त करके, हम निराहार रहकर, व्रत धारण करके उनका निरंतर स्मरण करेंगे।"

श्लोक 13 (devibhagavatam.5.35.13)

व्यास उवाच । इति सञ्चोदितस्ताभ्यां सुमेधा मुनिसत्तमः । ददौ मन्त्रं शुभं ताभ्यां ध्यानबीजपुरःसरम्

vyāsa uvāca | iti sañcoditastābhyāṁ sumedhā munisattamaḥ | dadau mantraṁ śubhaṁ tābhyāṁ dhyānabījapuraḥsaram

व्यास जी ने कहा — उन दोनों द्वारा इस प्रकार प्रेरित होकर मुनिश्रेष्ठ सुमेधा ने उन्हें ध्यान और बीजाक्षर सहित शुभ मंत्र प्रदान किया।

श्लोक 14 (devibhagavatam.5.35.14)

तौ च प्राप्य मुनेर्मन्त्रं सम्मन्त्र्य गुरुदैवतौ । जग्मतुर्वैश्यराजानौ नदीतीरमनुत्तमम्

tau ca prāpya munermantraṁ sammantrya gurudaivatau | jagmaturvaiśyarājānau nadītīramanuttamam

मुनि से मंत्र प्राप्त करके, गुरु को ही अपना देव मानकर, वे वैश्य और राजा दोनों एक उत्तम नदी-तट की ओर चल पड़े।

श्लोक 15 (devibhagavatam.5.35.15)

एकान्ते विजने स्थाने कृत्वाऽऽसनपरिग्रहम् । उपविष्टौ स्थिरप्रज्ञौ तावतीव कृशोदरौ

ekānte vijane sthāne kṛtvā''sanaparigraham | upaviṣṭau sthiraprajñau tāvatīva kṛśodarau

वहाँ एकांत, निर्जन स्थान में आसन ग्रहण करके, स्थिर बुद्धि वाले वे दोनों अत्यंत कृशोदर होकर बैठ गए।

श्लोक 16 (devibhagavatam.5.35.16)

मन्त्रजाप्यरतौ शान्तौ चरित्रत्रयपाठकौ । निन्यतुर्मासमेकं तु तत्र ध्यानपरायणौ

mantrajāpyaratau śāntau caritratrayapāṭhakau | ninyaturmāsamekaṁ tu tatra dhyānaparāyaṇau

शांत, मंत्र-जप में रत, देवी के तीनों चरित्रों का पाठ करते हुए वे दोनों वहाँ एक महीना ध्यानपरायण होकर बिताया।

श्लोक 17 (devibhagavatam.5.35.17)

तयोर्मासव्रतेनैव जाता प्रीतिरनुत्तमा । पादाम्बुजे भवान्यास्तु स्थिरा बुद्धिस्तथाप्यलम्

tayormāsavratenaiva jātā prītiranuttamā | pādāmbuje bhavānyāstu sthirā buddhistathāpyalam

उस मासव्रत मात्र से ही उन दोनों में सर्वोच्च प्रीति उत्पन्न हो गई, और भवानी के चरण-कमलों में उनकी बुद्धि पूर्णतः स्थिर हो गई।

श्लोक 18 (devibhagavatam.5.35.18)

कदाचित्पादयोर्गत्वा मुनेस्तस्य महात्मनः । कृतप्रणामावागत्य तस्थतुश्च कुशासने

kadācitpādayorgatvā munestasya mahātmanaḥ | kṛtapraṇāmāvāgatya tasthatuśca kuśāsane

एक बार उन महात्मा मुनि के चरणों में जाकर, प्रणाम करके, वे लौटकर कुशासन पर बैठ गए।

श्लोक 19 (devibhagavatam.5.35.19)

नान्यकार्यपरौ क्वापि बभूवतुः कदाचन । देवीध्यानपरौ नित्यं जपमन्त्ररतौ सदा

nānyakāryaparau kvāpi babhūvatuḥ kadācana | devīdhyānaparau nityaṁ japamantraratau sadā

वे कभी किसी अन्य कार्य में नहीं लगे; सदा देवी के ध्यान में लीन, सदा जप-मंत्र में रत रहे।

श्लोक 20 (devibhagavatam.5.35.20)

एवं जाते तदा पूर्णे तत्र संवत्सरे नृप । बभूवतुः फलाहारं त्यक्त्वा पर्णाशनौ नृप

evaṁ jāte tadā pūrṇe tatra saṁvatsare nṛpa | babhūvatuḥ phalāhāraṁ tyaktvā parṇāśanau nṛpa

हे राजन्! इस प्रकार जब वहाँ एक पूरा वर्ष बीत गया, तब उन दोनों ने फलाहार त्यागकर केवल पत्ते खाने लगे।

श्लोक 21 (devibhagavatam.5.35.21)

वर्षमेकं तपस्तत्र चक्रतुर्वैश्यपार्थिवौ । शुष्कपर्णाशनौ दान्तौ जपध्यानपरायणौ

varṣamekaṁ tapastatra cakraturvaiśyapārthivau | śuṣkaparṇāśanau dāntau japadhyānaparāyaṇau

वैश्य और राजा दोनों ने वहाँ एक वर्ष और तप किया, सूखे पत्ते खाकर, इंद्रियों को वश में रखते हुए, जप-ध्यान में परायण।

श्लोक 22 (devibhagavatam.5.35.22)

पूर्णे वर्षद्वये जाते कदाचिद्दर्शनञ्च तौ । प्रापतुः स्वप्नमध्ये तु भगवत्या मनोहरम्

pūrṇe varṣadvaye jāte kadāciddarśanañca tau | prāpatuḥ svapnamadhye tu bhagavatyā manoharam

दो वर्ष पूरे होने पर, एक बार उन्हें स्वप्न में भगवती का मनोहर दर्शन प्राप्त हुआ।

श्लोक 23 (devibhagavatam.5.35.23)

रक्ताम्बरधरां देवीं चारुभूषणभूषिताम् । कदाचिनॄपतिः स्वप्नेऽप्यपश्यज्जगदम्बिकाम्

raktāmbaradharāṁ devīṁ cārubhūṣaṇabhūṣitām | kadācinṝpatiḥ svapne'pyapaśyajjagadambikām

लाल वस्त्र धारण किए, सुंदर आभूषणों से सुशोभित देवी को — इस प्रकार एक बार राजा ने स्वप्न में ही जगदंबिका को देखा।

श्लोक 24 (devibhagavatam.5.35.24)

वीक्ष्य स्वप्ने च तौ देवीं प्रीतियुक्तौ बभूवतुः । जलाहारैस्तृतीये तु स्थितौ संवत्सरे तु तौ

vīkṣya svapne ca tau devīṁ prītiyuktau babhūvatuḥ | jalāhāraistṛtīye tu sthitau saṁvatsare tu tau

स्वप्न में देवी को देखकर वे दोनों अत्यंत प्रसन्न हुए; और तीसरे वर्ष वे केवल जल पीकर रहने लगे।

श्लोक 25 (devibhagavatam.5.35.25)

एवं वर्षत्रयं कृत्वा ततस्तौ वैश्यपार्थिवौ । चक्रतुस्तौ तदा चिन्तां चित्ते दर्शनलालसौ

evaṁ varṣatrayaṁ kṛtvā tatastau vaiśyapārthivau | cakratustau tadā cintāṁ citte darśanalālasau

इस प्रकार तीन वर्ष पूरे करके वैश्य और राजा दोनों, प्रत्यक्ष दर्शन के लिए अत्यंत आतुर होकर, मन में विचार करने लगे —

श्लोक 26 (devibhagavatam.5.35.26)

प्रत्यक्षं दर्शनं देव्या न प्राप्तं शान्तिदं नृणाम् । देहत्यागं करिष्यावो दुःखितौ भृशमातुरौ

pratyakṣaṁ darśanaṁ devyā na prāptaṁ śāntidaṁ nṛṇām | dehatyāgaṁ kariṣyāvo duḥkhitau bhṛśamāturau

"देवी का प्रत्यक्ष, शांतिदायक दर्शन अब तक नहीं मिला — अब हम अपना शरीर त्याग देंगे," ऐसा कहते हुए वे अत्यंत दुखी और व्याकुल हो गए।

श्लोक 27 (devibhagavatam.5.35.27)

इति सञ्चिन्त्य मनसा राजा कुण्डं चकार ह । त्रिकोणं सुस्थिरं सौम्यं हस्तमात्रप्रमाणतः

iti sañcintya manasā rājā kuṇḍaṁ cakāra ha | trikoṇaṁ susthiraṁ saumyaṁ hastamātrapramāṇataḥ

मन में ऐसा विचार करके राजा ने एक हाथ भर लंबा-चौड़ा, त्रिकोण, दृढ़, सौम्य होमकुंड बनाया।

श्लोक 28 (devibhagavatam.5.35.28)

संस्थाप्य पावकं राजा तथा वैश्योऽतिभक्तिमान् । जुहावासौ निजं मांसं छित्त्वा छित्त्वा पुनः पुनः

saṁsthāpya pāvakaṁ rājā tathā vaiśyo'tibhaktimān | juhāvāsau nijaṁ māṁsaṁ chittvā chittvā punaḥ punaḥ

अग्नि प्रज्वलित करके राजा ने, और अत्यंत भक्तिमान वैश्य ने भी, बार-बार अपना ही मांस काट-काटकर उसमें आहुति देनी शुरू की।

श्लोक 29 (devibhagavatam.5.35.29)

तथा वैश्योऽपि दीप्तेऽग्नौ स्वमांसं प्राक्षिपत्तदा । रुधिरेण बलिं चास्यै ददतुस्तौ कृतोद्यमौ

tathā vaiśyo'pi dīpte'gnau svamāṁsaṁ prākṣipattadā | rudhireṇa baliṁ cāsyai dadatustau kṛtodyamau

वैश्य ने भी उसी प्रकार अपना मांस प्रज्वलित अग्नि में डाला; और व्रतपूर्वक संकल्प लेकर उन दोनों ने देवी को अपने रक्त की बलि भी अर्पित की।

श्लोक 30 (devibhagavatam.5.35.30)

तदा भगवती दत्त्वा प्रत्यक्षं दर्शनं तयोः । प्राह प्रीतिभरोद्भ्रान्तौ दृष्ट्वा तौ दुःखितौ भृशम्

tadā bhagavatī dattvā pratyakṣaṁ darśanaṁ tayoḥ | prāha prītibharodbhrāntau dṛṣṭvā tau duḥkhitau bhṛśam

तब भगवती ने उन दोनों को प्रत्यक्ष दर्शन देकर, उन्हें प्रेम से अभिभूत, अत्यंत दुखी देखकर उनसे कहा।

श्लोक 31 (devibhagavatam.5.35.31)

देव्युवाच । वरं वरय भो राजन् यत्ते मनसि वाञ्छितम् । तुष्टाहं तपसा तेऽद्य भक्तोऽसि त्वं मतो मम

devyuvāca | varaṁ varaya bho rājan yatte manasi vāñchitam | tuṣṭāhaṁ tapasā te'dya bhakto'si tvaṁ mato mama

देवी ने कहा — "हे राजन्! जो तुम्हारे मन में वांछित हो, वह वर माँगो। मैं आज तुम्हारे तप से प्रसन्न हूँ, तुम मेरे भक्त माने गए हो।"

श्लोक 32 (devibhagavatam.5.35.32)

वैश्यं प्राह तदा देवी प्रसन्नाहं महामते । किं तेऽभीष्टं ददाम्यद्य प्रार्थयाशु मनोगतम्

vaiśyaṁ prāha tadā devī prasannāhaṁ mahāmate | kiṁ te'bhīṣṭaṁ dadāmyadya prārthayāśu manogatam

फिर देवी ने वैश्य से कहा — "हे महामते! मैं भी तुमसे प्रसन्न हूँ। तुम्हें क्या अभीष्ट है? मैं आज ही दूँगी, शीघ्र अपने मनोगत की प्रार्थना करो।"

श्लोक 33 (devibhagavatam.5.35.33)

व्यास उवाच । तच्छ्रुत्वा वचनं राजा तामुवाच मुदान्वितः । देहि मेऽद्य निजं राज्यं हतशत्रुबलं बलात्

vyāsa uvāca | tacchrutvā vacanaṁ rājā tāmuvāca mudānvitaḥ | dehi me'dya nijaṁ rājyaṁ hataśatrubalaṁ balāt

व्यास जी ने कहा — उनका यह वचन सुनकर राजा ने प्रसन्नतापूर्वक उनसे कहा — "आज मुझे मेरा राज्य दो, शत्रु-सेना को बलपूर्वक नष्ट करके।"

श्लोक 34 (devibhagavatam.5.35.34)

तमुवाच तदा देवी गच्छ राजन् निजं गृहम् । शत्रवः क्षीणसत्त्वास्ते गमिष्यन्ति पराजिताः

tamuvāca tadā devī gaccha rājan nijaṁ gṛham | śatravaḥ kṣīṇasattvāste gamiṣyanti parājitāḥ

तब देवी ने उससे कहा — "हे राजन्! अपने घर जाओ। तुम्हारे शत्रु, बल क्षीण होकर, पराजित होकर चले जाएँगे।"

श्लोक 35 (devibhagavatam.5.35.35)

मन्त्रिणस्ते समागम्य ते पतिष्यन्ति पादयोः । कुरु राज्यं महाभाग नगरे स्वं यथासुखम्

mantriṇaste samāgamya te patiṣyanti pādayoḥ | kuru rājyaṁ mahābhāga nagare svaṁ yathāsukham

"तुम्हारे मंत्री तुमसे आकर तुम्हारे चरणों में गिरेंगे। हे महाभाग! अपने नगर में स्थित होकर सुखपूर्वक अपना राज्य करो।"

श्लोक 36 (devibhagavatam.5.35.36)

कृत्वा राज्यं सुविपुलं वर्षाणामयुतं नृप । देहान्ते जन्म सम्प्राप्य सूर्याच्च भविता मनुः

kṛtvā rājyaṁ suvipulaṁ varṣāṇāmayutaṁ nṛpa | dehānte janma samprāpya sūryācca bhavitā manuḥ

"हे राजन्! दस हजार वर्षों तक विशाल राज्य करके, देहांत के बाद जन्म प्राप्त करके तुम सूर्यवंश के मनु बनोगे।"

श्लोक 37 (devibhagavatam.5.35.37)

व्यास उवाच । वैश्यस्तामप्युवाचेदं कृताञ्जलिपुटः शुचिः । न मे गृहेण कार्यं वै न पुत्रेण धनेन वा

vyāsa uvāca | vaiśyastāmapyuvācedaṁ kṛtāñjalipuṭaḥ śuciḥ | na me gṛheṇa kāryaṁ vai na putreṇa dhanena vā

व्यास जी ने कहा — वैश्य ने भी हाथ जोड़कर, पवित्र होकर उनसे कहा — "मुझे न घर से प्रयोजन है, न पुत्र से, न धन से —"

श्लोक 38 (devibhagavatam.5.35.38)

सर्वं बन्धकरं मातः स्वप्नवन्नश्वरं स्फुटम् । ज्ञानं मे देहि विशदं मोक्षदं बन्धनाशनम्

sarvaṁ bandhakaraṁ mātaḥ svapnavannaśvaraṁ sphuṭam | jñānaṁ me dehi viśadaṁ mokṣadaṁ bandhanāśanam

"— हे मातः! यह सब बंधनकारी है, स्वप्न के समान स्पष्टतः नश्वर है। मुझे निर्मल ज्ञान दीजिए, जो मोक्षदायक और बंधन-नाशक हो।"

श्लोक 39 (devibhagavatam.5.35.39)

असारेऽस्मिंश्च संसारे मूढा मज्जन्ति पामराः । पण्डिताः सन्तरन्तीह तस्मान्नेच्छन्ति संसृतिम्

asāre'smiṁśca saṁsāre mūḍhā majjanti pāmarāḥ | paṇḍitāḥ santarantīha tasmānnecchanti saṁsṛtim

"इस असार संसार में मूर्ख, तुच्छ लोग ही डूबते हैं; विद्वान इसे पार कर जाते हैं, इसलिए वे इस संसृति की इच्छा नहीं रखते।"

श्लोक 40 (devibhagavatam.5.35.40)

व्यास उवाच । तदाकर्ण्य महामाया वैश्यं प्राह पुरःस्थितम् । वैश्यवर्य तव ज्ञानं भविष्यति न संशयः

vyāsa uvāca | tadākarṇya mahāmāyā vaiśyaṁ prāha puraḥsthitam | vaiśyavarya tava jñānaṁ bhaviṣyati na saṁśayaḥ

व्यास जी ने कहा — यह सुनकर महामाया ने सामने खड़े वैश्य से कहा — "हे वैश्यश्रेष्ठ! तुम्हें ज्ञान अवश्य प्राप्त होगा, इसमें संशय नहीं।"

श्लोक 41 (devibhagavatam.5.35.41)

इति दत्त्वा वरं ताभ्यां तत्रैवान्तरधीयत । अदर्शनं गतायां तु राजा तं मुनिसत्तमम्

iti dattvā varaṁ tābhyāṁ tatraivāntaradhīyata | adarśanaṁ gatāyāṁ tu rājā taṁ munisattamam

इस प्रकार उन दोनों को वर देकर वे वहीं अंतर्धान हो गईं। उनके अदृश्य हो जाने पर राजा ने उस मुनिश्रेष्ठ को —

श्लोक 42 (devibhagavatam.5.35.42)

प्रणम्य हयमारुह्य गमनाय मनो दधे । तदैव तस्य सचिवास्तत्रागत्य नृपं प्रजाः

praṇamya hayamāruhya gamanāya mano dadhe | tadaiva tasya sacivāstatrāgatya nṛpaṁ prajāḥ

— प्रणाम करके, घोड़े पर चढ़कर जाने का विचार किया। उसी समय उसके मंत्री और प्रजाजन वहाँ राजा के पास आकर —

श्लोक 43 (devibhagavatam.5.35.43)

प्रणेमुर्विनयोपेतास्तमूचुः प्राञ्जलिस्थिताः । राजंस्ते शत्रवः सर्वे पापाच्च निहता रणे

praṇemurvinayopetāstamūcuḥ prāñjalisthitāḥ | rājaṁste śatravaḥ sarve pāpācca nihatā raṇe

विनयपूर्वक प्रणाम करके, हाथ जोड़कर खड़े होकर बोले — "हे राजन्! आपके सभी पापी शत्रु युद्ध में मारे जा चुके हैं —"

श्लोक 44 (devibhagavatam.5.35.44)

राज्यं निष्कण्टकं भूप कुरुष्व पुरमास्थितः । तच्छ्रुत्वा वचनं राजा नत्वा तं मुनिसत्तमम्

rājyaṁ niṣkaṇṭakaṁ bhūpa kuruṣva puramāsthitaḥ | tacchrutvā vacanaṁ rājā natvā taṁ munisattamam

"— हे भूप! राज्य निष्कंटक हो गया है, नगर में स्थित होकर शासन कीजिए।" यह सुनकर राजा ने उस मुनिश्रेष्ठ को प्रणाम करके —

श्लोक 45 (devibhagavatam.5.35.45)

आपूच्छ्य निर्ययौ तत्र मन्त्रिभिः परिवारितः । सम्प्राप्य च निजं राज्यं दारान्स्वजनबान्धवान्

āpūcchya niryayau tatra mantribhiḥ parivāritaḥ | samprāpya ca nijaṁ rājyaṁ dārānsvajanabāndhavān

उनसे विदा लेकर, मंत्रियों से घिरा हुआ वहाँ से चल पड़ा; और अपना राज्य, पत्नी, स्वजन-बांधवों को प्राप्त करके —

श्लोक 46 (devibhagavatam.5.35.46)

बुभुजे पृथिवीं सर्वां ततः सागरमेखलाम् । वैश्योऽपि ज्ञानमासाद्य मुक्तसङ्गः समन्ततः

bubhuje pṛthivīṁ sarvāṁ tataḥ sāgaramekhalām | vaiśyo'pi jñānamāsādya muktasaṅgaḥ samantataḥ

— फिर उसने समुद्र-मेखला वाली संपूर्ण पृथ्वी का भोग किया। वैश्य भी ज्ञान प्राप्त करके, सर्वथा आसक्ति से मुक्त होकर —

श्लोक 47 (devibhagavatam.5.35.47)

कालातिवाहनं तत्र मुक्तबन्धश्चकार ह । तीर्थेषु विचरन्गायन्भगवत्या गुणानथ

kālātivāhanaṁ tatra muktabandhaścakāra ha | tīrtheṣu vicarangāyanbhagavatyā guṇānatha

— वहाँ बंधनमुक्त होकर अपना शेष जीवन तीर्थों में विचरण करते हुए, भगवती के गुणों का गान करते हुए बिताया।

श्लोक 48 (devibhagavatam.5.35.48)

एतत्ते कथितं देव्याश्चरितं परमाद्भुतम् । आराधनफलप्राप्तिर्यथावद्भूपवैश्ययोः

etatte kathitaṁ devyāścaritaṁ paramādbhutam | ārādhanaphalaprāptiryathāvadbhūpavaiśyayoḥ

यह देवी का परम अद्भुत चरित्र मैंने तुम्हें बताया — राजा और वैश्य दोनों को यथावत् आराधना का फल प्राप्त हुआ।

श्लोक 49 (devibhagavatam.5.35.49)

दैत्यानां हननं प्रोक्तं प्रादुर्भावस्तथा शुभः । एवम्प्रभावा सा देवी भक्तानामभयप्रदा

daityānāṁ hananaṁ proktaṁ prādurbhāvastathā śubhaḥ | evamprabhāvā sā devī bhaktānāmabhayapradā

दैत्यों का वध और उनका शुभ प्राकट्य भी बताया गया। ऐसा ही प्रभाव है उस देवी का, जो भक्तों को अभय देने वाली है।

श्लोक 50 (devibhagavatam.5.35.50)

यः शृणोति नरो नित्यमेतदाख्यानमुत्तमम् । सम्प्राप्नोति नरः सत्यं संसारसुखमद्भुतम्

yaḥ śṛṇoti naro nityametadākhyānamuttamam | samprāpnoti naraḥ satyaṁ saṁsārasukhamadbhutam

जो मनुष्य नित्य इस उत्तम आख्यान को सुनता है, वह निश्चय ही अद्भुत सांसारिक सुख प्राप्त करता है।

श्लोक 51 (devibhagavatam.5.35.51)

ज्ञानदं मोक्षदं चैव कीर्तिदं सुखदं तथा । पावनं श्रवणान्नूनमेतदाख्यानमद्भुतम्

jñānadaṁ mokṣadaṁ caiva kīrtidaṁ sukhadaṁ tathā | pāvanaṁ śravaṇānnūnametadākhyānamadbhutam

यह अद्भुत आख्यान ज्ञान देने वाला, मोक्ष देने वाला, कीर्ति और सुख देने वाला है; और सुनने मात्र से ही निश्चय ही पवित्र करने वाला है।

श्लोक 52 (devibhagavatam.5.35.52)

अखिलार्थप्रदं न्नॄणां सर्वधर्मसमावृतम् । धर्मार्थकाममोक्षाणां कारणं परमं मतम्

akhilārthapradaṁ nnṝṇāṁ sarvadharmasamāvṛtam | dharmārthakāmamokṣāṇāṁ kāraṇaṁ paramaṁ matam

यह मनुष्यों को समस्त प्रयोजन देने वाला, संपूर्ण धर्म से युक्त है; धर्म, अर्थ, काम और मोक्ष — इन चारों का यह परम कारण माना गया है।

श्लोक 53 (devibhagavatam.5.35.53)

सूत उवाच । जनमेजयेन राज्ञासौ पृष्टः सत्यवतीसुतः । उवाच संहितां दिव्यां व्यासः सर्वार्थतत्त्ववित्

sūta uvāca | janamejayena rājñāsau pṛṣṭaḥ satyavatīsutaḥ | uvāca saṁhitāṁ divyāṁ vyāsaḥ sarvārthatattvavit

सूत जी ने कहा — राजा जनमेजय द्वारा इस प्रकार पूछे जाने पर, सर्वार्थ के तत्त्व को जानने वाले सत्यवती-पुत्र व्यास जी ने यह दिव्य संहिता कही।

श्लोक 54 (devibhagavatam.5.35.54)

चरितं चण्डिकायास्तु शुम्भदैत्यवधाश्रितम् । कथयामास भगवान्कृष्णः कारुणिको मुनिः । इति वः कथितः सारः पुराणानां मुनीश्वराः

caritaṁ caṇḍikāyāstu śumbhadaityavadhāśritam | kathayāmāsa bhagavānkṛṣṇaḥ kāruṇiko muniḥ | iti vaḥ kathitaḥ sāraḥ purāṇānāṁ munīśvarāḥ

भगवान कृष्ण, वह करुणामय मुनि, ने इस प्रकार शुम्भ नामक दैत्य के वध पर आधारित चंडिका का चरित्र सुनाया। हे मुनीश्वरो! इस प्रकार पुराणों का यह सार तुम्हें सुनाया गया।