ऋषियों का प्रश्न और त्रिशिरा के विरुद्ध षड्यंत्र

श्लोक 1 (devibhagavatam.6.1.1)

ऋषय ऊचुः । सूत सूत महाभाग मिष्टं ते वचनामृतम् । न तृप्ताः स्मो वयं पीत्वा द्वैपायनकृतं शुभम्

ṛṣaya ūcuḥ | sūta sūta mahābhāga miṣṭaṁ te vacanāmṛtam | na tṛptāḥ smo vayaṁ pītvā dvaipāyanakṛtaṁ śubham

ऋषियों ने कहा — हे सूत, हे सूत, महाभाग्यशाली! आपकी वाणी अमृत के समान मधुर है। द्वैपायन-रचित इस मंगलमय अमृत को पीकर भी हम तृप्त नहीं हुए।

श्लोक 2 (devibhagavatam.6.1.2)

पुनस्त्वां प्रष्टुमिच्छामः कथां पौराणिकीं शुभाम् । वेदेऽपि कथितां रम्यां प्रसिद्धां पापनाशिनीम्

punastvāṁ praṣṭumicchāmaḥ kathāṁ paurāṇikīṁ śubhām | vede'pi kathitāṁ ramyāṁ prasiddhāṁ pāpanāśinīm

हम पुनः आपसे एक शुभ पौराणिक कथा पूछना चाहते हैं, जो वेद में भी कही गई है, रम्य, प्रसिद्ध और पापनाशिनी है।

श्लोक 3 (devibhagavatam.6.1.3)

वृत्रासुर इति ख्यातो वीर्यवांस्त्वष्टुरात्मजः । स कथं निहतः सङ्ख्ये वासवेन महात्मना

vṛtrāsura iti khyāto vīryavāṁstvaṣṭurātmajaḥ | sa kathaṁ nihataḥ saṅkhye vāsavena mahātmanā

वृत्रासुर नामक जो पराक्रमी त्वष्टा-पुत्र प्रसिद्ध था, वह महात्मा वासव (इन्द्र) द्वारा युद्ध में किस प्रकार मारा गया?

श्लोक 4 (devibhagavatam.6.1.4)

त्वष्टा वै सुरपक्षीयस्तत्पुत्रो बलवत्तरः । शक्रेण घातितः कस्माद्ब्रह्मयोनिर्महाबलः

tvaṣṭā vai surapakṣīyastatputro balavattaraḥ | śakreṇa ghātitaḥ kasmādbrahmayonirmahābalaḥ

त्वष्टा तो देवपक्ष के थे, फिर उनका पुत्र, जो उनसे भी अधिक बलवान्, ब्राह्मण-वंशोत्पन्न महाबली था, शक्र द्वारा किस कारण मारा गया?

श्लोक 5 (devibhagavatam.6.1.5)

देवाः सत्त्वगुणोत्पना मानुषा राजसाः स्मृताः । तिर्यञ्चस्तामसाः प्रोक्ताः पुराणागमवादिभिः

devāḥ sattvaguṇotpanā mānuṣā rājasāḥ smṛtāḥ | tiryañcastāmasāḥ proktāḥ purāṇāgamavādibhiḥ

पुराण और आगमों के वक्ताओं ने देवताओं को सत्त्वगुण से उत्पन्न, मनुष्यों को रजोगुणी और पशु-पक्षियों को तमोगुणी बताया है।

श्लोक 6 (devibhagavatam.6.1.6)

विरोधोऽत्र महान् भाति नूनं शतमखेन ह । छलेन बलवान् वृत्रः शक्रेण विनिपातितः

virodho'tra mahān bhāti nūnaṁ śatamakhena ha | chalena balavān vṛtraḥ śakreṇa vinipātitaḥ

यहाँ तो एक बड़ा विरोधाभास प्रतीत होता है — शतमख (इन्द्र) ने बलवान वृत्र को छल से गिरा दिया।

श्लोक 7 (devibhagavatam.6.1.7)

विष्णुः प्रेरयिता तत्र स तु सत्त्वधरः परः । प्रविष्टः पविमध्ये स छद्मना भगवान् प्रभुः

viṣṇuḥ prerayitā tatra sa tu sattvadharaḥ paraḥ | praviṣṭaḥ pavimadhye sa chadmanā bhagavān prabhuḥ

उस कार्य में विष्णु ही प्रेरक थे, जो सत्त्वगुण धारण करने वाले परम प्रभु हैं; वे भगवान छल से वज्र के मध्य में प्रविष्ट हुए।

श्लोक 8 (devibhagavatam.6.1.8)

सन्धिं विधाय स ह्येवं मन्त्रितोऽसौ महाबलः । हरिभ्यां सत्यमुत्सृज्य जलफेनेन शातितः

sandhiṁ vidhāya sa hyevaṁ mantrito'sau mahābalaḥ | haribhyāṁ satyamutsṛjya jalaphenena śātitaḥ

सन्धि करके वह महाबली इस प्रकार मंत्रणा में फँसाया गया; सत्य को त्यागकर दोनों हरियों (विष्णु और इन्द्र) ने उसे जल-फेन द्वारा नष्ट किया।

श्लोक 9 (devibhagavatam.6.1.9)

कृतमिन्द्रेण हरिणा किमेतत्सूत साहसम् । महान्तोऽपि च मोहेन वञ्चिताः पापबुद्धयः

kṛtamindreṇa hariṇā kimetatsūta sāhasam | mahānto'pi ca mohena vañcitāḥ pāpabuddhayaḥ

हे सूत! इन्द्र और हरि द्वारा किया गया यह कैसा दुःसाहस है? महान् व्यक्ति भी मोहवश छलकर पापबुद्धि हो जाते हैं।

श्लोक 10 (devibhagavatam.6.1.10)

अन्यायवर्तिनोऽत्यर्थं भवन्ति सुरसत्तमाः । सदाचारेण युक्तेन देवाः शिष्टत्वमागताः

anyāyavartino'tyarthaṁ bhavanti surasattamāḥ | sadācāreṇa yuktena devāḥ śiṣṭatvamāgatāḥ

सुरश्रेष्ठ अत्यंत अन्यायपूर्ण आचरण करने वाले हो गए; जबकि देवगण सदाचार से युक्त होकर शिष्टता को प्राप्त हुए थे।

श्लोक 11 (devibhagavatam.6.1.11)

एवं विशिष्टधर्मेण शिष्टत्वं कीदृशं पुनः । हत्वा वृत्रं तु विश्वस्तं शक्रेण छद्मना पुनः

evaṁ viśiṣṭadharmeṇa śiṣṭatvaṁ kīdṛśaṁ punaḥ | hatvā vṛtraṁ tu viśvastaṁ śakreṇa chadmanā punaḥ

तो फिर विशिष्ट धर्म से प्राप्त वह शिष्टता कैसी, जब शक्र ने विश्वासपात्र वृत्र को पुनः छल से मार डाला?

श्लोक 12 (devibhagavatam.6.1.12)

प्राप्तं पापफलं नो वा ब्रह्महत्यासमुद्भवम् । किं च त्वया पुरा प्रोक्तं वृत्रासुरवधः कृतः

prāptaṁ pāpaphalaṁ no vā brahmahatyāsamudbhavam | kiṁ ca tvayā purā proktaṁ vṛtrāsuravadhaḥ kṛtaḥ

क्या उसे ब्रह्महत्या से उत्पन्न पापफल प्राप्त हुआ या नहीं? और आपने पहले भी कहा था कि वृत्रासुर का वध किया गया —

श्लोक 13 (devibhagavatam.6.1.13)

श्रीदेव्या इति तच्चापि चित्तं मोहयतीह नः । सूत उवाच । शृण्वन्तु मुनयो वृत्तं वृत्रासुरवधाश्रयम्

śrīdevyā iti taccāpi cittaṁ mohayatīha naḥ | sūta uvāca | śṛṇvantu munayo vṛttaṁ vṛtrāsuravadhāśrayam

— श्री देवी के द्वारा; यह बात भी हमारे मन को यहाँ भ्रमित करती है। सूत ने कहा — मुनिगण वृत्रासुर के वध से सम्बन्धित वृत्तान्त सुनें।

श्लोक 14 (devibhagavatam.6.1.14)

यथेन्द्रेण च सम्प्राप्तं दुःखं हत्यासमुद्भवम् । एवमेव पुरा पृष्टो व्यासः सत्यवतीसुतः

yathendreṇa ca samprāptaṁ duḥkhaṁ hatyāsamudbhavam | evameva purā pṛṣṭo vyāsaḥ satyavatīsutaḥ

— किस प्रकार इन्द्र को उस हत्या से उत्पन्न दुःख प्राप्त हुआ। पूर्वकाल में भी सत्यवती-पुत्र व्यास से ठीक इसी प्रकार पूछा गया था।

श्लोक 15 (devibhagavatam.6.1.15)

पारीक्षितेन राज्ञापि स यदाह च तद्ब्रुवे । जनमेजय उवाच । कथं वृत्रासुरः पूर्वं हतो मघवता मुने

pārīkṣitena rājñāpi sa yadāha ca tadbruve | janamejaya uvāca | kathaṁ vṛtrāsuraḥ pūrvaṁ hato maghavatā mune

— पारीक्षित राजा (जनमेजय) द्वारा भी; उन्होंने जो कहा था, वही मैं कहता हूँ। जनमेजय ने कहा — हे मुनि! पूर्वकाल में मघवान् द्वारा वृत्रासुर किस प्रकार मारा गया था?

श्लोक 16 (devibhagavatam.6.1.16)

सहायं विष्णुमासाद्य छद्मना सात्त्विकेन ह । कथं च देव्या निहतो दैत्योऽसौ केन हेतुना

sahāyaṁ viṣṇumāsādya chadmanā sāttvikena ha | kathaṁ ca devyā nihato daityo'sau kena hetunā

सात्त्विक विष्णु को सहायक बनाकर छल से (वृत्र मारा गया) — और वह दैत्य देवी द्वारा किस कारण से मारा गया?

श्लोक 17 (devibhagavatam.6.1.17)

कथमेकवधो द्वाभ्यां कृतः स्यान्मुनिपुङ्गव । तदेतच्छ्रोतुमिच्छामि परं कौतूहलं हि मे

kathamekavadho dvābhyāṁ kṛtaḥ syānmunipuṅgava | tadetacchrotumicchāmi paraṁ kautūhalaṁ hi me

हे मुनिश्रेष्ठ! एक ही वध दो व्यक्तियों द्वारा कैसे किया जा सकता है? मैं यह सुनना चाहता हूँ, क्योंकि मुझे इसकी अत्यंत उत्सुकता है।

श्लोक 18 (devibhagavatam.6.1.18)

महतां चरितं शृण्वन् को विरज्येत मानवः । कथयाम्बावैभवं त्वं वृत्रासुरवधाश्रितम्

mahatāṁ caritaṁ śṛṇvan ko virajyeta mānavaḥ | kathayāmbāvaibhavaṁ tvaṁ vṛtrāsuravadhāśritam

महापुरुषों का चरित्र सुनकर कौन मनुष्य विरक्त होगा? आप माता (जगदम्बा) के उस वैभव को कहिए, जो वृत्रासुर-वध से सम्बद्ध है।

श्लोक 19 (devibhagavatam.6.1.19)

व्यास उवाच । धन्योऽसि राजंस्तव बुद्धिरीदृशी जाता पुराणश्रवणेऽतिसादरा । पीत्वामृतं देववरास्तु सर्वथा पाने वितृष्णाः प्रभवन्ति वै पुनः

vyāsa uvāca | dhanyo'si rājaṁstava buddhirīdṛśī jātā purāṇaśravaṇe'tisādarā | pītvāmṛtaṁ devavarāstu sarvathā pāne vitṛṣṇāḥ prabhavanti vai punaḥ

व्यास ने कहा — हे राजन्! आप धन्य हैं, जो पुराण-श्रवण में आपकी ऐसी अत्यंत श्रद्धायुक्त बुद्धि उत्पन्न हुई है। देवश्रेष्ठ भी अमृत पीकर सर्वथा पुनः पीने की तृष्णा से रहित हो जाते हैं।

श्लोक 20 (devibhagavatam.6.1.20)

दिने दिने तेऽधिकभक्तिभावः कथासु राजन् महनीयकीर्तेः । श्रोता यदैकप्रवणः शृणोति वक्ता तदा प्रीतमना ब्रवीति

dine dine te'dhikabhaktibhāvaḥ kathāsu rājan mahanīyakīrteḥ | śrotā yadaikapravaṇaḥ śṛṇoti vaktā tadā prītamanā bravīti

हे राजन्! महनीय कीर्ति वाले की कथाओं के प्रति दिन-प्रतिदिन आपकी भक्ति-भावना बढ़ती जा रही है। जब श्रोता एकाग्रचित्त होकर सुनता है, तभी वक्ता प्रसन्नमन से कहता है।

श्लोक 21 (devibhagavatam.6.1.21)

युद्धं पुरा वासववृत्रयोर्यद् वेदे प्रसिद्धं च तथा पुराणे । दुःखं सुरेन्द्रेण तथैव लब्धं हत्वा रिपुं त्वाष्ट्रमपापमेव

yuddhaṁ purā vāsavavṛtrayoryad vede prasiddhaṁ ca tathā purāṇe | duḥkhaṁ surendreṇa tathaiva labdhaṁ hatvā ripuṁ tvāṣṭramapāpameva

वासव और वृत्र का जो प्राचीन युद्ध वेद तथा पुराण दोनों में प्रसिद्ध है, और जिस दुःख को सुरेन्द्र ने त्वष्टा-पुत्र निष्पाप शत्रु का वध करके प्राप्त किया —

श्लोक 22 (devibhagavatam.6.1.22)

चित्रं किमत्र नृपते हरिवज्रभृद्भ्यां यच्छद्मना विनिहतस्त्रिशिरोऽथ वृत्रः । मायाबलेन मुनयोऽपि विमोहितास्ते चक्रुश्च निन्द्यमनिशं किल पापभीताः

citraṁ kimatra nṛpate harivajrabhṛdbhyāṁ yacchadmanā vinihatastriśiro'tha vṛtraḥ | māyābalena munayo'pi vimohitāste cakruśca nindyamaniśaṁ kila pāpabhītāḥ

हे राजन्! इसमें क्या आश्चर्य है कि हरि और वज्रधारी (इन्द्र) ने छल से त्रिशिरा और फिर वृत्र को मार डाला? माया के बल से मुनि भी मोहित होकर पापभीत रहते हुए निरंतर निंदनीय कार्य करते रहे।

श्लोक 23 (devibhagavatam.6.1.23)

विष्णुः सदैव कपटेन जघान दैत्यान् सत्त्वात्ममूर्तिरपि मोहमवाप्य कामम् । कोऽन्योऽस्ति तां भगवतीं मनसापि जेतुं शक्तः समस्तजनमोहकरीं भवानीम्

viṣṇuḥ sadaiva kapaṭena jaghāna daityān sattvātmamūrtirapi mohamavāpya kāmam | ko'nyo'sti tāṁ bhagavatīṁ manasāpi jetuṁ śaktaḥ samastajanamohakarīṁ bhavānīm

विष्णु सत्त्वस्वरूप होते हुए भी सदैव कपट से दैत्यों का वध करते हैं, स्वेच्छा से मोह को प्राप्त होकर। समस्त प्राणियों को मोहित करने वाली उस भगवती भवानी को मन से भी जीतने में और कौन समर्थ है?

श्लोक 24 (devibhagavatam.6.1.24)

मत्स्यादियोनिषु सहस्रयुगेषु सद्यः साक्षाद्भवत्यपि यया विनियोजितोऽत्र । नारायणो नरसखो भगवाननन्तः कार्यं करोति विहिताविहितं कदाचित्

matsyādiyoniṣu sahasrayugeṣu sadyaḥ sākṣādbhavatyapi yayā viniyojito'tra | nārāyaṇo narasakho bhagavānanantaḥ kāryaṁ karoti vihitāvihitaṁ kadācit

जिसके द्वारा नियुक्त होकर स्वयं नारायण — नर के सखा, अनन्त भगवान् — मत्स्य आदि योनियों में सहस्रों युगों तक साक्षात् अवतरित होते हैं, वे कभी-कभी विहित और अविहित दोनों प्रकार के कार्य करते हैं।

श्लोक 25 (devibhagavatam.6.1.25)

देहं धनं गृहमिदं स्वजना मदीयं पुत्राः कलत्रमिति मोहमुपेत्य सर्वः । पुण्यं करोत्यथ च पापचयं करोति मायागुणैरतिबलैर्विकलीकृतो यत्

dehaṁ dhanaṁ gṛhamidaṁ svajanā madīyaṁ putrāḥ kalatramiti mohamupetya sarvaḥ | puṇyaṁ karotyatha ca pāpacayaṁ karoti māyāguṇairatibalairvikalīkṛto yat

'यह शरीर, धन, घर, स्वजन, पुत्र और पत्नी मेरे हैं' — इस प्रकार मोह को प्राप्त होकर सभी प्राणी पुण्य भी करते हैं और पापों का संचय भी करते हैं, क्योंकि वे माया के अत्यंत बलवान् गुणों से विवश हो जाते हैं।

श्लोक 26 (devibhagavatam.6.1.26)

न जातु मोहं क्षपितुं नरः क्षमः कश्चिद्भवेद्भूप परावरार्थवित् । विमोहितस्तैस्त्रिभिरेव मूलतो वशीकृतात्मा जगतीतले भृशम्

na jātu mohaṁ kṣapituṁ naraḥ kṣamaḥ kaścidbhavedbhūpa parāvarārthavit | vimohitastaistribhireva mūlato vaśīkṛtātmā jagatītale bhṛśam

हे राजन्! पर और अपर तत्त्व को जानने वाला भी कोई मनुष्य कदापि मोह को नष्ट करने में समर्थ नहीं होता; उन तीनों गुणों से मूल से ही मोहित होकर, इस पृथ्वीतल पर वह अत्यंत वशीभूत बना रहता है।

श्लोक 27 (devibhagavatam.6.1.27)

अथ तौ मायया विष्णुवासवौ मोहितौ भृशम् । जघ्नतुश्छद्मना वृत्रं स्वार्थसाधनतत्परौ

atha tau māyayā viṣṇuvāsavau mohitau bhṛśam | jaghnatuśchadmanā vṛtraṁ svārthasādhanatatparau

तब माया से अत्यंत मोहित हुए विष्णु और वासव, अपने-अपने स्वार्थ-सिद्धि में तत्पर होकर, छल से वृत्र को मार डाला।

श्लोक 28 (devibhagavatam.6.1.28)

तदहं सम्प्रवक्ष्यामि वृत्तान्तमवनीपते । कारणं पूर्ववैरस्य वृत्रवासवयोर्मिथः

tadahaṁ sampravakṣyāmi vṛttāntamavanīpate | kāraṇaṁ pūrvavairasya vṛtravāsavayormithaḥ

हे अवनीपते! अब मैं वह वृत्तान्त सुनाऊँगा — वृत्र और वासव के परस्पर पूर्ववैर का कारण।

श्लोक 29 (devibhagavatam.6.1.29)

त्वष्टा प्रजापतिर्ह्यासीद्देवश्रेष्ठो महातपाः । देवानां कार्यकर्ता च निपुणो ब्राह्मणप्रियः

tvaṣṭā prajāpatirhyāsīddevaśreṣṭho mahātapāḥ | devānāṁ kāryakartā ca nipuṇo brāhmaṇapriyaḥ

त्वष्टा एक प्रजापति थे, देवताओं में श्रेष्ठ, महान् तपस्वी, देवकार्यों को सम्पन्न करने वाले, निपुण और ब्राह्मणप्रिय।

श्लोक 30 (devibhagavatam.6.1.30)

स पुत्रं वै त्रिशिरसमिन्द्रद्वेषात्किलासृजत् । विश्वरूपेति विख्यातं नाम्ना रूपेण मोहनम्

sa putraṁ vai triśirasamindradveṣātkilāsṛjat | viśvarūpeti vikhyātaṁ nāmnā rūpeṇa mohanam

उन्होंने इन्द्र के प्रति द्वेष के कारण ही त्रिशिर नामक पुत्र उत्पन्न किया, जो विश्वरूप नाम से विख्यात था और रूप से अत्यंत मोहक था।

श्लोक 31 (devibhagavatam.6.1.31)

त्रिभिः स वदनैः श्रेष्ठैर्व्यरोचत मनोहरैः । त्रिभिर्भिन्नानि कार्याणि मुखैः समकरोन्मुनिः

tribhiḥ sa vadanaiḥ śreṣṭhairvyarocata manoharaiḥ | tribhirbhinnāni kāryāṇi mukhaiḥ samakaronmuniḥ

वह तीन उत्तम और मनोहर मुखों से सुशोभित होता था; उन तीनों मुखों से वह मुनि तीन भिन्न-भिन्न कार्य किया करता था।

श्लोक 32 (devibhagavatam.6.1.32)

वेदानेकेन सोऽधीते सुरां चैकेन सोऽपिबत् । तृतीयेन दिशः सर्वा युगपच्च निरीक्षते

vedānekena so'dhīte surāṁ caikena so'pibat | tṛtīyena diśaḥ sarvā yugapacca nirīkṣate

एक मुख से वह वेदों का अध्ययन करता, दूसरे से सुरापान करता, और तीसरे मुख से एक साथ ही समस्त दिशाओं को देखता था।

श्लोक 33 (devibhagavatam.6.1.33)

त्रिशिरा भोगमुत्सृज्य तपश्चक्रे सुदुष्करम् । तपस्वी स मृदुर्दान्तो धर्ममेव समाश्रितः

triśirā bhogamutsṛjya tapaścakre suduṣkaram | tapasvī sa mṛdurdānto dharmameva samāśritaḥ

त्रिशिरा ने भोग को त्यागकर अत्यंत कठोर तपस्या की; वह तपस्वी, कोमल स्वभाव वाला और जितेन्द्रिय, केवल धर्म का ही आश्रय लिए हुए था।

श्लोक 34 (devibhagavatam.6.1.34)

पञ्चाग्निसाधनं काले पादपाग्रे निवेशनम् । जलमध्ये निवासं च हेमन्ते शिशिरे तथा

pañcāgnisādhanaṁ kāle pādapāgre niveśanam | jalamadhye nivāsaṁ ca hemante śiśire tathā

वह समय पर पंचाग्नि-साधना करता, वृक्ष की चोटी पर खड़ा रहता, तथा हेमन्त और शिशिर ऋतुओं में जल के मध्य निवास करता था।

श्लोक 35 (devibhagavatam.6.1.35)

निराहारो जितात्मासौ त्यक्तसर्वपरिग्रहः । तपश्चचार मेधावी दुष्करं मन्दबुद्धिभिः

nirāhāro jitātmāsau tyaktasarvaparigrahaḥ | tapaścacāra medhāvī duṣkaraṁ mandabuddhibhiḥ

निराहार रहकर, जितेन्द्रिय होकर, समस्त परिग्रह त्यागकर, वह बुद्धिमान ऐसी दुष्कर तपस्या करता रहा, जो मंदबुद्धि पुरुषों के लिए असंभव थी।

श्लोक 36 (devibhagavatam.6.1.36)

तं च दृष्ट्वा तपस्यन्तं खेदमाप शचीपतिः । विषादमगमत्तत्र शक्रोऽयं मास्मभूदिति

taṁ ca dṛṣṭvā tapasyantaṁ khedamāpa śacīpatiḥ | viṣādamagamattatra śakro'yaṁ māsmabhūditi

उसे इस प्रकार तपस्या करते देखकर शचीपति (इन्द्र) खिन्न हो उठे; शक्र वहाँ विषाद को प्राप्त हुए, यह सोचकर कि 'यह मेरा विनाश न कर दे।'

श्लोक 37 (devibhagavatam.6.1.37)

दृष्ट्वा तस्य तपो वीर्यं सत्यं चामिततेजसः । चिन्तां च महतीं प्राप ह्यनिशं पाकशासनः

dṛṣṭvā tasya tapo vīryaṁ satyaṁ cāmitatejasaḥ | cintāṁ ca mahatīṁ prāpa hyaniśaṁ pākaśāsanaḥ

उसके तप, पराक्रम, सत्यनिष्ठा और अपार तेज को देखकर पाकशासन (इन्द्र) निरंतर महान् चिंता में डूब गए।

श्लोक 38 (devibhagavatam.6.1.38)

विवर्धमानस्त्रिशिरा मामयं शातयिष्यति । नोपेक्ष्यः सर्वथा शत्रुर्वर्धमानबलो बुधैः

vivardhamānastriśirā māmayaṁ śātayiṣyati | nopekṣyaḥ sarvathā śatrurvardhamānabalo budhaiḥ

'यह बढ़ता हुआ त्रिशिरा मुझे नष्ट कर देगा' — बुद्धिमानों का कथन है कि बढ़ते हुए बल वाले शत्रु की कभी भी उपेक्षा नहीं करनी चाहिए।

श्लोक 39 (devibhagavatam.6.1.39)

तस्मादुपायः कर्तव्यस्तपोनाशाय साम्प्रतम् । कामस्तु तपसां शत्रुः कामान्नश्यति वै तपः

tasmādupāyaḥ kartavyastaponāśāya sāmpratam | kāmastu tapasāṁ śatruḥ kāmānnaśyati vai tapaḥ

'अतः अब उसके तप के नाश के लिए उपाय करना चाहिए; क्योंकि काम ही तप का शत्रु है — काम से ही तप नष्ट होता है।'

श्लोक 40 (devibhagavatam.6.1.40)

तथैवाद्य प्रकर्तव्यं भोगासक्तो भवेद्यथा । इति सञ्चिन्त्य मनसा बुद्धिमान्बलमर्दनः

tathaivādya prakartavyaṁ bhogāsakto bhavedyathā | iti sañcintya manasā buddhimānbalamardanaḥ

'ऐसा ही आज करना चाहिए, जिससे वह भोग में आसक्त हो जाए' — मन में ऐसा विचार कर, वह बुद्धिमान बलमर्दन (इन्द्र) ने...

श्लोक 41 (devibhagavatam.6.1.41)

आज्ञापयत्सोऽप्सरसस्त्वाष्ट्रपुत्रप्रलोभने । उर्वशीं मेनकां रम्भां घृताचीं च तिलोत्तमाम्

ājñāpayatso'psarasastvāṣṭraputrapralobhane | urvaśīṁ menakāṁ rambhāṁ ghṛtācīṁ ca tilottamām

...अप्सराओं को त्वष्टापुत्र के प्रलोभन के लिए आज्ञा दी — उर्वशी, मेनका, रम्भा, घृताची और तिलोत्तमा को।

श्लोक 42 (devibhagavatam.6.1.42)

समाहूयाब्रवीच्छक्रस्तास्तदा रूपगर्विताः । प्रियं कुरुध्वं मे सर्वाः कार्येऽद्य समुपस्थिते

samāhūyābravīcchakrastāstadā rūpagarvitāḥ | priyaṁ kurudhvaṁ me sarvāḥ kārye'dya samupasthite

शक्र ने उन रूपगर्विता अप्सराओं को बुलाकर कहा — 'आज इस उपस्थित कार्य में तुम सब मेरा प्रिय करो।'

श्लोक 43 (devibhagavatam.6.1.43)

यत्तो मेऽद्य महाञ्छत्रुस्तपस्तपति दुर्जयः । कार्यं कुरुत गच्छध्वं प्रलोभयत माचिरम्

yatto me'dya mahāñchatrustapastapati durjayaḥ | kāryaṁ kuruta gacchadhvaṁ pralobhayata māciram

'मेरा वह महान् दुर्जय शत्रु आज सतर्क होकर तप कर रहा है; जाओ, यह कार्य करो, बिना विलंब किए उसे प्रलोभित करो।'

श्लोक 44 (devibhagavatam.6.1.44)

शृङ्गारवेषैर्विविधैर्हावैर्देहसमुद्भवैः । प्रलोभयत भद्रं वः शमयध्वं ज्वरं मम

śṛṅgāraveṣairvividhairhāvairdehasamudbhavaiḥ | pralobhayata bhadraṁ vaḥ śamayadhvaṁ jvaraṁ mama

'नाना प्रकार के शृंगारिक वेशों और शरीर से उत्पन्न भाव-भंगिमाओं से उसे प्रलोभित करो — तुम्हारा कल्याण हो — और मेरे इस ज्वर को शांत करो।'

श्लोक 45 (devibhagavatam.6.1.45)

अस्वस्थोऽहं महाभागास्तस्य ज्ञात्वा तपोबलम् । बलवानासनं मेऽद्य ग्रहीष्यत्यविलम्बितः

asvastho'haṁ mahābhāgāstasya jñātvā tapobalam | balavānāsanaṁ me'dya grahīṣyatyavilambitaḥ

'हे महाभागाओ! उसके तपोबल को जानकर मैं अस्वस्थ हूँ; वह बलवान् शीघ्र ही बिना विलंब मेरा सिंहासन छीन लेगा।'

श्लोक 46 (devibhagavatam.6.1.46)

भयं मे समुपायातं क्षिप्रं नाशयताबलाः । उपकुर्वन्तु सहिताः कार्येऽद्य समुपस्थिते

bhayaṁ me samupāyātaṁ kṣipraṁ nāśayatābalāḥ | upakurvantu sahitāḥ kārye'dya samupasthite

'मुझ पर भय आ पड़ा है, हे नारियो, उसे शीघ्र नष्ट करो; तुम सब मिलकर इस उपस्थित कार्य में सहायता करो।'

श्लोक 47 (devibhagavatam.6.1.47)

तच्छ्रुत्वा वचनं नार्य ऊचुस्तं प्रणताः पुरः । मा भयं कुरु देवेश यतिष्यामः प्रलोभने

tacchrutvā vacanaṁ nārya ūcustaṁ praṇatāḥ puraḥ | mā bhayaṁ kuru deveśa yatiṣyāmaḥ pralobhane

यह वचन सुनकर, वे नारियाँ उनके सामने प्रणाम करके बोलीं — 'हे देवेश! भय मत कीजिए, हम प्रलोभन में प्रयत्न करेंगी।'

श्लोक 48 (devibhagavatam.6.1.48)

यथा न स्याद्भयं तस्मात्तथा कार्यं महाद्युते । नृत्यगीतविहारैश्च मुनेस्तस्य प्रलोभने

yathā na syādbhayaṁ tasmāttathā kāryaṁ mahādyute | nṛtyagītavihāraiśca munestasya pralobhane

'हे महाद्युते! जिस प्रकार उससे कोई भय न रहे, वैसा ही किया जाएगा — नृत्य, गीत और विलास द्वारा उस मुनि के प्रलोभन में।'

श्लोक 49 (devibhagavatam.6.1.49)

कटाक्षैरङ्गभेदैश्च मोहयित्वा मुनिं विभो । लोलुपं वशमस्माकं करिष्यामो नियन्त्रितम्

kaṭākṣairaṅgabhedaiśca mohayitvā muniṁ vibho | lolupaṁ vaśamasmākaṁ kariṣyāmo niyantritam

'हे विभो! कटाक्षों और नाना अंग-भंगिमाओं से उस मुनि को मोहित करके हम उसे लोलुप बनाकर पूर्णतः अपने वश में कर लेंगी।'

श्लोक 50 (devibhagavatam.6.1.50)

व्यास उवाच । इत्याभाष्य हरिं नार्यो ययुस्त्रिशिरसोऽन्तिकम् । कुर्वन्त्यो विविधान्भावान्कामशास्त्रोचितानपि

vyāsa uvāca | ityābhāṣya hariṁ nāryo yayustriśiraso'ntikam | kurvantyo vividhānbhāvānkāmaśāstrocitānapi

व्यास ने कहा — इन्द्र से ऐसा कहकर वे स्त्रियाँ त्रिशिरा के समीप गईं, कामशास्त्र-अनुकूल विविध भाव प्रदर्शित करती हुईं।

श्लोक 51 (devibhagavatam.6.1.51)

गायन्त्यस्तालभेदैस्ता नृत्यन्त्यः पुरतो मुनेः । तं प्रलोभयितुं चक्रुर्नानाभावान्वराङ्गनाः

gāyantyastālabhedaistā nṛtyantyaḥ purato muneḥ | taṁ pralobhayituṁ cakrurnānābhāvānvarāṅganāḥ

वे सुंदरी स्त्रियाँ विभिन्न तालों में गाती और मुनि के सामने नृत्य करती हुईं, उसे प्रलोभित करने के लिए नाना भाव प्रदर्शित करने लगीं।

श्लोक 52 (devibhagavatam.6.1.52)

नापश्यत्स तपोराशिरङ्गनानां विडम्बनम् । इन्द्रियाणि वशे कृत्वा मूकान्धबधिरः स्थितः

nāpaśyatsa taporāśiraṅganānāṁ viḍambanam | indriyāṇi vaśe kṛtvā mūkāndhabadhiraḥ sthitaḥ

वह तपोराशि उन स्त्रियों के प्रदर्शन को देख ही नहीं पाया; इन्द्रियों को वश में करके वह मूक, अंधे और बहरे के समान स्थित रहा।

श्लोक 53 (devibhagavatam.6.1.53)

दिनानि कतिचित्तस्थुर्नार्यस्तस्याश्रमे वरे । कुर्वन्त्यो गाननृत्यादिप्रपञ्चानतिमोहदान्

dināni katicittasthurnāryastasyāśrame vare | kurvantyo gānanṛtyādiprapañcānatimohadān

वे नारियाँ उसके उत्तम आश्रम में कई दिनों तक ठहरीं, गान-नृत्य आदि अत्यंत मोहक प्रपंच करती रहीं।

श्लोक 54 (devibhagavatam.6.1.54)

न चचाल यदा कामं ध्यानाच्च त्रिशिरा मुनिः । परावृत्य तदा देव्यः पुनः शक्रमुपस्थिताः

na cacāla yadā kāmaṁ dhyānācca triśirā muniḥ | parāvṛtya tadā devyaḥ punaḥ śakramupasthitāḥ

जब त्रिशिरा मुनि अपने ध्यान से रत्ती भर भी विचलित नहीं हुए, तब वे देवियाँ लौटकर पुनः शक्र के पास पहुँचीं।

श्लोक 55 (devibhagavatam.6.1.55)

कृताञ्जलिपुटाः सर्वा देवराजमथाब्रुवन् । श्रान्ता दीना भयत्रस्ता विवर्णवदना भृशम्

kṛtāñjalipuṭāḥ sarvā devarājamathābruvan | śrāntā dīnā bhayatrastā vivarṇavadanā bhṛśam

थकी हुई, दीन, भयभीत और अत्यंत विवर्ण मुख वाली वे सभी देवियाँ हाथ जोड़कर देवराज से बोलीं।

श्लोक 56 (devibhagavatam.6.1.56)

देवदेव महाराज यत्नश्च परमः कृतः । न स शक्यो दुराधर्षो धैर्याच्चालयितुं विभो

devadeva mahārāja yatnaśca paramaḥ kṛtaḥ | na sa śakyo durādharṣo dhairyāccālayituṁ vibho

'हे देवदेव, हे महाराज! हमने पूर्ण प्रयत्न किया; परंतु हे विभो! वह दुराधर्ष उससे धैर्य से विचलित नहीं किया जा सका।'

श्लोक 57 (devibhagavatam.6.1.57)

उपायोऽन्यः प्रकर्तव्यः सर्वथा पाकशासन । नास्माकं बलमेतस्मिंस्तापसे विजितेन्द्रिये

upāyo'nyaḥ prakartavyaḥ sarvathā pākaśāsana | nāsmākaṁ balametasmiṁstāpase vijitendriye

'हे पाकशासन! अब कोई अन्य उपाय ही करना चाहिए; इस जितेन्द्रिय तपस्वी के आगे हमारा कोई बल नहीं चलता।'

श्लोक 58 (devibhagavatam.6.1.58)

दिष्ट्या वयं न शप्ताः स्म यदनेन महात्मना । मुनिना वह्नितुल्येन तपसा द्योतितेन हि

diṣṭyā vayaṁ na śaptāḥ sma yadanena mahātmanā | muninā vahnitulyena tapasā dyotitena hi

'सौभाग्य से, तपस्या से अग्नितुल्य देदीप्यमान उस महात्मा मुनि ने हमें शाप नहीं दिया।'

श्लोक 59 (devibhagavatam.6.1.59)

विसृज्याप्सरसः शक्रश्चिन्तयामास मन्दधीः । तस्यैव च वधोपायं पापबुद्धिरसाम्प्रतम्

visṛjyāpsarasaḥ śakraścintayāmāsa mandadhīḥ | tasyaiva ca vadhopāyaṁ pāpabuddhirasāmpratam

अप्सराओं को विदा करके, मंदबुद्धि शक्र अब पापबुद्धि होकर उसी के वध का उपाय सोचने लगा।

श्लोक 60 (devibhagavatam.6.1.60)

विसृज्य लोकलज्जां स तथा पापभयं भृशम् । चकार पापबुद्धिं तु तद्वधाय महीपते

visṛjya lokalajjāṁ sa tathā pāpabhayaṁ bhṛśam | cakāra pāpabuddhiṁ tu tadvadhāya mahīpate

हे महीपते! लोक-लज्जा और पाप-भय दोनों को त्यागकर, उस पापबुद्धि शक्र ने त्रिशिरा के वध का ही निश्चय कर लिया।