त्रिशिरा-वध के पश्चात् वृत्र की उत्पत्ति

श्लोक 1 (devibhagavatam.6.2.1)

व्यास उवाच । अथ स लोभमुपेत्य सुराधिपः समधिगम्य गजासनसंस्थितः । त्रिशिरसं प्रति दुष्टमतिस्तदा मुनिमपश्यदमेयपराक्रमम्

vyāsa uvāca | atha sa lobhamupetya surādhipaḥ samadhigamya gajāsanasaṁsthitaḥ | triśirasaṁ prati duṣṭamatistadā munimapaśyadameyaparākramam

व्यास ने कहा — तब वह देवाधिप (इन्द्र), लोभ से ग्रस्त होकर, गजरूप आसन पर आरूढ़ हो, दुष्ट बुद्धि से त्रिशिरा मुनि के पास पहुँचा, जिसका पराक्रम अपार था।

श्लोक 2 (devibhagavatam.6.2.2)

तमभिवीक्ष्य दृढासनसंस्थितं जितगिरं सुसमाधिवशं गतम् । रविविभावसुसन्निभमोजसा सुरपतिः परमापदमभ्यगात्

tamabhivīkṣya dṛḍhāsanasaṁsthitaṁ jitagiraṁ susamādhivaśaṁ gatam | ravivibhāvasusannibhamojasā surapatiḥ paramāpadamabhyagāt

उसे दृढ़ आसन में स्थित, वाणी को वश में किए, गहन समाधि में लीन, सूर्य और अग्नि के समान तेजस्वी देखकर, देवराज परम भय को प्राप्त हुआ।

श्लोक 3 (devibhagavatam.6.2.3)

कथमसौ विनिहन्तुमहो मया मुनिरपापमतिः किल सम्मतः । रिपुरयं सुसमिद्धतपोबलः कथमुपेक्ष्य इहासनकामुकः

kathamasau vinihantumaho mayā munirapāpamatiḥ kila sammataḥ | ripurayaṁ susamiddhatapobalaḥ kathamupekṣya ihāsanakāmukaḥ

'अहो! मैं इस निष्पाप, आदरणीय मुनि को कैसे मार डालूँ? किंतु यह मेरा शत्रु, प्रज्वलित तपोबल से युक्त है — मेरे आसन का अभिलाषी, इसकी उपेक्षा कैसे करूँ?'

श्लोक 4 (devibhagavatam.6.2.4)

इति विचिन्त्य पविं परमायुधं प्रति मुमोच मुनिं तपसि स्थितम् । शशिदिवाकरसन्निभमाशुगं त्रिशिरसं सुरसङ्घपतिः स्वयम्

iti vicintya paviṁ paramāyudhaṁ prati mumoca muniṁ tapasi sthitam | śaśidivākarasannibhamāśugaṁ triśirasaṁ surasaṅghapatiḥ svayam

ऐसा विचार कर, देवसमूह के स्वामी ने स्वयं ही चन्द्र-सूर्य के समान तेजस्वी, वेगवान् वज्र नामक परम अस्त्र तपोलीन त्रिशिरा मुनि पर छोड़ दिया।

श्लोक 5 (devibhagavatam.6.2.5)

तदभिघातहतः स धरातले किल पपात ममार च तापसः । शिखरिणः शिखरं कुलिशार्दितं निपतितं भुवि चाद्भुतदर्शनम्

tadabhighātahataḥ sa dharātale kila papāta mamāra ca tāpasaḥ | śikhariṇaḥ śikharaṁ kuliśārditaṁ nipatitaṁ bhuvi cādbhutadarśanam

उस प्रहार से आहत होकर वह तपस्वी पृथ्वी पर गिर पड़ा और मर गया — मानो वज्र से खण्डित पर्वत का शिखर भूमि पर गिरा हो, एक अद्भुत दृश्य।

श्लोक 6 (devibhagavatam.6.2.6)

तं निहत्य मुदमाप सुरेश\- श्चुक्रुशुश्च मुनयस्तु संस्थिताः । हा हतेति भृशमार्तनिःस्वनाः किं कृतं शतमखेन पापिना

taṁ nihatya mudamāpa sureśa\- ścukruśuśca munayastu saṁsthitāḥ | hā hateti bhṛśamārtaniḥsvanāḥ kiṁ kṛtaṁ śatamakhena pāpinā

उसे मारकर देवेश्वर तो प्रसन्न हुआ, परन्तु वहाँ उपस्थित मुनिगण अत्यंत पीड़ा से चिल्ला उठे — 'हा! यह मारा गया! पापी शतमख ने यह क्या किया!'

श्लोक 7 (devibhagavatam.6.2.7)

विनापराधं तपसां निधिर्हतः शचीपतिः पापमतिर्दुरात्मा । फलं किलायं तरसा कृतस्य प्राप्नोतु पापी हननोद्भवस्य

vināparādhaṁ tapasāṁ nidhirhataḥ śacīpatiḥ pāpamatirdurātmā | phalaṁ kilāyaṁ tarasā kṛtasya prāpnotu pāpī hananodbhavasya

'बिना किसी अपराध के तपस्या के इस भण्डार को मार डाला गया; पापबुद्धि, दुरात्मा शचीपति — इस पापी को इस हत्या से उत्पन्न फल शीघ्र ही मिले!'

श्लोक 8 (devibhagavatam.6.2.8)

तं निहत्य तरसा सुरराजो निर्जगाम निजमन्दिरमाशु । स हतोऽपि विरराज महात्मा जीवमान इव तेजसां निधिः

taṁ nihatya tarasā surarājo nirjagāma nijamandiramāśu | sa hato'pi virarāja mahātmā jīvamāna iva tejasāṁ nidhiḥ

उसे शीघ्र मारकर देवराज तुरंत अपने भवन को चला गया; परन्तु मारा जाकर भी वह महात्मा, तेज का भण्डार, जीवित के समान ही शोभायमान रहा।

श्लोक 9 (devibhagavatam.6.2.9)

तं दृष्ट्वा पतितं भूमौ जीवन्तमिव वृत्रहा । चिन्तामापातिखिन्नाङ्गः किं वा जीवेदयं पुनः

taṁ dṛṣṭvā patitaṁ bhūmau jīvantamiva vṛtrahā | cintāmāpātikhinnāṅgaḥ kiṁ vā jīvedayaṁ punaḥ

उसे भूमि पर गिरा हुआ, फिर भी जीवित-सा देखकर, वृत्रहा (इन्द्र) अत्यंत चिन्ता से खिन्नांग होकर सोचने लगा — 'कहीं यह पुनः जीवित तो नहीं हो जाएगा?'

श्लोक 10 (devibhagavatam.6.2.10)

विमृश्य मनसातीव तक्षाणं पुरतः स्थितम् । मघवा वीक्ष्य तं प्राह स्वकार्यसदृशं वचः

vimṛśya manasātīva takṣāṇaṁ purataḥ sthitam | maghavā vīkṣya taṁ prāha svakāryasadṛśaṁ vacaḥ

मन में अत्यंत विचार कर, मघवान् ने सामने खड़े तक्ष (शिल्पी) को देखकर अपने प्रयोजन के अनुरूप वचन कहे।

श्लोक 11 (devibhagavatam.6.2.11)

तक्षंश्छिन्धि शिरांस्यस्य कुरुष्व वचनं मम । मा जीवतु महातेजा भाति जीवन्निव स्वयम्

takṣaṁśchindhi śirāṁsyasya kuruṣva vacanaṁ mama | mā jīvatu mahātejā bhāti jīvanniva svayam

'हे तक्ष! इसके शिरों को काट दो, मेरी आज्ञा मानो; यह महातेजस्वी जीवित न रहे — यह स्वयं जीवित-सा प्रतीत हो रहा है।'

श्लोक 12 (devibhagavatam.6.2.12)

इत्याकर्ण्य वचस्तस्य तक्षोवाच विगर्हयन् । तक्षोवाच । महास्कन्धो भृशं भाति परशुर्न तरिष्यति

ityākarṇya vacastasya takṣovāca vigarhayan | takṣovāca | mahāskandho bhṛśaṁ bhāti paraśurna tariṣyati

उसका वचन सुनकर तक्ष ने निंदापूर्वक कहा। तक्ष ने कहा — 'इसके कंधे अत्यंत विशाल हैं, मेरा फरसा इन्हें काट नहीं पाएगा।'

श्लोक 13 (devibhagavatam.6.2.13)

ततो नाहं करिष्यामि कार्यमेतद्विगर्हितम् । त्वया वै निन्दितं कर्म कृतं सद्भिर्विगर्हितम्

tato nāhaṁ kariṣyāmi kāryametadvigarhitam | tvayā vai ninditaṁ karma kṛtaṁ sadbhirvigarhitam

'अतः मैं यह निंदनीय कार्य नहीं करूँगा; आपने ही यह निंदित कर्म किया है, जो सज्जनों द्वारा गर्हित है।'

श्लोक 14 (devibhagavatam.6.2.14)

अहं बिभेमि पापाद्वै मृतस्यैव च मारणे । मृतोऽयं मुनिरस्त्येव शिरसः कृन्तनेन किम्

ahaṁ bibhemi pāpādvai mṛtasyaiva ca māraṇe | mṛto'yaṁ munirastyeva śirasaḥ kṛntanena kim

'मैं तो मृत को पुनः मारने के पाप से डरता हूँ; यह मुनि पहले से ही मृत है — फिर सिर काटने से क्या लाभ?'

श्लोक 15 (devibhagavatam.6.2.15)

भयं किं तेऽत्र सञ्जातं पाकशासन कथ्यताम् । इन्द्र उवाच । सजीव इव देहोऽयमाभाति विशदाकृतिः

bhayaṁ kiṁ te'tra sañjātaṁ pākaśāsana kathyatām | indra uvāca | sajīva iva deho'yamābhāti viśadākṛtiḥ

'हे पाकशासन! आपको यहाँ किस बात का भय उत्पन्न हुआ है? कहिए।' इन्द्र ने कहा — 'यह शरीर स्वच्छ आकृति के साथ जीवित के समान ही प्रतीत हो रहा है।'

श्लोक 16 (devibhagavatam.6.2.16)

तस्माद्बिभेमि मा जीवेन्मुनिः शत्रुरयं मम । तक्षोवाच । नात्र किं त्रपसे विद्वन् क्रूरेणानेन कर्मणा

tasmādbibhemi mā jīvenmuniḥ śatrurayaṁ mama | takṣovāca | nātra kiṁ trapase vidvan krūreṇānena karmaṇā

'इसलिए मुझे भय है — यह मुनि, मेरा शत्रु, कहीं पुनः जीवित न हो जाए।' तक्ष ने कहा — 'हे विद्वन्! क्या आपको इस क्रूर कर्म में कोई लज्जा नहीं होती?'

श्लोक 17 (devibhagavatam.6.2.17)

ऋषिपुत्रमिमं हत्वा ब्रह्महत्याभयं न किम् । इन्द्र उवाच । प्रायश्चित्तं करिष्यामि पश्चात्पापक्षयाय वै

ṛṣiputramimaṁ hatvā brahmahatyābhayaṁ na kim | indra uvāca | prāyaścittaṁ kariṣyāmi paścātpāpakṣayāya vai

'इस ऋषिपुत्र को मारकर क्या आपको ब्रह्महत्या का भय नहीं है?' इन्द्र ने कहा — 'मैं बाद में पाप-क्षय के लिए प्रायश्चित्त करूँगा।'

श्लोक 18 (devibhagavatam.6.2.18)

शत्रुस्तु सर्वथा वध्यश्छलेनापि महामते । तक्षोवाच । त्वं लोभाभिहतः पापं करोषि मघवन्निह

śatrustu sarvathā vadhyaśchalenāpi mahāmate | takṣovāca | tvaṁ lobhābhihataḥ pāpaṁ karoṣi maghavanniha

'हे महामते! शत्रु का वध तो सर्वथा करना ही चाहिए, चाहे छल से ही क्यों न हो।' तक्ष ने कहा — 'हे मघवन्! लोभ से अभिभूत होकर आप यहाँ पाप कर रहे हैं।'

श्लोक 19 (devibhagavatam.6.2.19)

तं विनाहं कथं पापं करोमि वद मे विभो । इन्द्र उवाच । मखेषु खलु भागं ते करिष्यामि सदैव हि

taṁ vināhaṁ kathaṁ pāpaṁ karomi vada me vibho | indra uvāca | makheṣu khalu bhāgaṁ te kariṣyāmi sadaiva hi

'उसके बिना मैं कैसे पाप कर रहा हूँ? हे विभो, मुझे बताओ।' इन्द्र ने कहा — 'मैं तुम्हें सदा के लिए यज्ञों में भाग दूँगा।'

श्लोक 20 (devibhagavatam.6.2.20)

शिरः पशोस्तु ते भागं यज्ञे दास्यन्ति मानवाः । शुल्केनानेन छिन्धि त्वं शिरांस्यस्य कुरु प्रियम्

śiraḥ paśostu te bhāgaṁ yajñe dāsyanti mānavāḥ | śulkenānena chindhi tvaṁ śirāṁsyasya kuru priyam

'यज्ञ में मनुष्य तुम्हें पशु का सिर भाग रूप में देंगे; इस शुल्क के बदले तुम इसके शिरों को काट दो और मेरा प्रिय करो।'

श्लोक 21 (devibhagavatam.6.2.21)

व्यास उवाच । एतच्छ्रुत्वा महेन्द्रस्य वचस्तक्षा मुदान्वितः । कुठारेण शिरांस्यस्य चकर्त सुदृढेन हि

vyāsa uvāca | etacchrutvā mahendrasya vacastakṣā mudānvitaḥ | kuṭhāreṇa śirāṁsyasya cakarta sudṛḍhena hi

व्यास ने कहा — महेन्द्र के इस वचन को सुनकर तक्ष प्रसन्न होकर सुदृढ़ फरसे से उसके शिरों को काट डाला।

श्लोक 22 (devibhagavatam.6.2.22)

छिन्नानि त्रीणि शीर्षाणि पतितानि यदा भुवि । तेभ्यस्तु पक्षिणः क्षिप्रं विनिष्पेतुः सहस्रशः

chinnāni trīṇi śīrṣāṇi patitāni yadā bhuvi | tebhyastu pakṣiṇaḥ kṣipraṁ viniṣpetuḥ sahasraśaḥ

जब वे तीनों कटे हुए शिर भूमि पर गिरे, तब उनसे शीघ्र ही सहस्रों पक्षी निकल पड़े।

श्लोक 23 (devibhagavatam.6.2.23)

कलविङ्कास्तित्तिरयस्तथैव च कपिञ्जलाः । पृथक्पृथग्विनिष्पेतुर्मुखतस्तरसा तदा

kalaviṅkāstittirayastathaiva ca kapiñjalāḥ | pṛthakpṛthagviniṣpeturmukhatastarasā tadā

गौरैया, तीतर तथा कपिञ्जल (चकोर) पक्षी उस समय पृथक्-पृथक् मुखों से शीघ्रतापूर्वक निकल पड़े।

श्लोक 24 (devibhagavatam.6.2.24)

येन वेदानधीते स्म सोमं च पिबते तथा । तस्माद्वक्त्रात्किलोत्पेतुः सद्य एव कपिञ्जलाः

yena vedānadhīte sma somaṁ ca pibate tathā | tasmādvaktrātkilotpetuḥ sadya eva kapiñjalāḥ

जिस मुख से वह वेदों का अध्ययन करता था और सोमपान करता था, उसी मुख से तत्काल कपिञ्जल पक्षी निकल पड़े।

श्लोक 25 (devibhagavatam.6.2.25)

येन सर्वा दिशः कामं पिबन्निव निरीक्षते । तस्मात्तु तित्तिरास्तत्र निःसृतास्तिग्मतेजसः

yena sarvā diśaḥ kāmaṁ pibanniva nirīkṣate | tasmāttu tittirāstatra niḥsṛtāstigmatejasaḥ

जिस मुख से वह सभी दिशाओं को इच्छानुसार मानो पीता हुआ देखता था, उससे वहाँ तीव्र तेज वाले तीतर पक्षी निकले।

श्लोक 26 (devibhagavatam.6.2.26)

यत्सुरापं तु तद्वक्त्रं तस्मात्तु चटकाः किल । विनिष्पेतुस्त्रिशिरस एवं ते विहगा नृप

yatsurāpaṁ tu tadvaktraṁ tasmāttu caṭakāḥ kila | viniṣpetustriśirasa evaṁ te vihagā nṛpa

और जिस मुख से वह सुरापान करता था, उससे गौरैया पक्षी निकले — हे राजन्! इस प्रकार त्रिशिरा से ये पक्षी उत्पन्न हुए।

श्लोक 27 (devibhagavatam.6.2.27)

एवंविनिःसृतान्दृष्ट्वा तेभ्यः शक्रस्तदाण्डजान् । मुमोद मनसा राजन् जगाम त्रिदिवं पुनः

evaṁviniḥsṛtāndṛṣṭvā tebhyaḥ śakrastadāṇḍajān | mumoda manasā rājan jagāma tridivaṁ punaḥ

इस प्रकार उनसे निकले उन पक्षियों को देखकर शक्र मन में प्रसन्न हुआ, हे राजन्, और पुनः त्रिदिव (स्वर्ग) को चला गया।

श्लोक 28 (devibhagavatam.6.2.28)

गते शक्रे तु तक्षापि स्वगृहं तरसा ययौ । यज्ञभागं परं लब्ध्वा मुदमाप महीपते

gate śakre tu takṣāpi svagṛhaṁ tarasā yayau | yajñabhāgaṁ paraṁ labdhvā mudamāpa mahīpate

शक्र के चले जाने पर तक्ष भी शीघ्र अपने घर चला गया; यज्ञ का वह श्रेष्ठ भाग पाकर, हे राजन्, वह प्रसन्न हुआ।

श्लोक 29 (devibhagavatam.6.2.29)

इन्द्रोऽथ स्वगृहं गत्वा हत्वा शत्रुं महाबलम् । मेने कृतार्थमात्मानं ब्रह्महत्यामचिन्तयन्

indro'tha svagṛhaṁ gatvā hatvā śatruṁ mahābalam | mene kṛtārthamātmānaṁ brahmahatyāmacintayan

इन्द्र तब अपने भवन को जाकर, महाबली शत्रु का वध कर, स्वयं को कृतार्थ मानने लगा, ब्रह्महत्या का कोई विचार न करते हुए।

श्लोक 30 (devibhagavatam.6.2.30)

तं श्रुत्वा निहतं त्वष्टा पुत्रं परमधार्मिकम् । चुकोपातीव मनसा वचनं चेदमब्रवीत्

taṁ śrutvā nihataṁ tvaṣṭā putraṁ paramadhārmikam | cukopātīva manasā vacanaṁ cedamabravīt

अपने परम धार्मिक पुत्र को मारा गया सुनकर त्वष्टा मन में अत्यंत क्रुद्ध हो उठे और ये वचन कहे।

श्लोक 31 (devibhagavatam.6.2.31)

अनागसं मुनिं यस्मात्पुत्रं निहतवान्मम । तस्मादुत्पादयिष्यामि तद्वधार्थं सुतं पुनः

anāgasaṁ muniṁ yasmātputraṁ nihatavānmama | tasmādutpādayiṣyāmi tadvadhārthaṁ sutaṁ punaḥ

'चूँकि उसने मेरे निरपराध मुनि-पुत्र को मार डाला है, अतः मैं उसके वध के लिए पुनः एक पुत्र उत्पन्न करूँगा।'

श्लोक 32 (devibhagavatam.6.2.32)

सुराः पश्यन्तु मे वीर्यं तपसश्च बलं तथा । जानातु सर्वं पापात्मा स्वकृतस्य फलं महत्

surāḥ paśyantu me vīryaṁ tapasaśca balaṁ tathā | jānātu sarvaṁ pāpātmā svakṛtasya phalaṁ mahat

'देवगण मेरे पराक्रम और तपोबल को देखें; वह पापात्मा अपने किए हुए कर्म का महान् फल भली-भाँति जान ले।'

श्लोक 33 (devibhagavatam.6.2.33)

इत्युक्त्वाग्निं जुहावाथ मन्त्रैराथर्वणोदितैः । पुत्रस्योत्पादनार्थाय त्वष्टा क्रोधसमाकुलः

ityuktvāgniṁ juhāvātha mantrairātharvaṇoditaiḥ | putrasyotpādanārthāya tvaṣṭā krodhasamākulaḥ

ऐसा कहकर, क्रोध से व्याकुल त्वष्टा ने पुत्रोत्पत्ति के लिए अथर्ववेदोक्त मंत्रों से अग्नि में हवन किया।

श्लोक 34 (devibhagavatam.6.2.34)

कृते होमेऽष्टरात्रं तु सन्दीप्ताच्च विभावसोः । प्रादुर्बभूव तरसा पुरुषः पावकोपमः

kṛte home'ṣṭarātraṁ tu sandīptācca vibhāvasoḥ | prādurbabhūva tarasā puruṣaḥ pāvakopamaḥ

आठ रात्रि तक होम किए जाने पर, प्रज्वलित अग्नि से अकस्मात् अग्नि के समान एक पुरुष प्रकट हुआ।

श्लोक 35 (devibhagavatam.6.2.35)

तं दृष्ट्वाग्रे सुतं त्वष्टा तेजोबलसमन्वितम् । वेगात्प्रकटितं वह्नेर्दीप्यमानमिवानलम्

taṁ dṛṣṭvāgre sutaṁ tvaṣṭā tejobalasamanvitam | vegātprakaṭitaṁ vahnerdīpyamānamivānalam

तेजोबल से युक्त उस पुत्र को अपने समक्ष देखकर, जो अग्नि से वेगपूर्वक प्रकट हुआ था और स्वयं अग्नि के समान दीप्तिमान् था,

श्लोक 36 (devibhagavatam.6.2.36)

उवाच वचनं त्वष्टा सुतं वीक्ष्य पुरःस्थितम् । इन्द्रशत्रो विवर्धस्व प्रतापात्तपसो मम

uvāca vacanaṁ tvaṣṭā sutaṁ vīkṣya puraḥsthitam | indraśatro vivardhasva pratāpāttapaso mama

त्वष्टा ने अपने सामने खड़े पुत्र को देखकर कहा — 'हे इन्द्रशत्रु! मेरे तप के प्रताप से वृद्धि को प्राप्त हो!'

श्लोक 37 (devibhagavatam.6.2.37)

इत्युक्ते वचने त्वष्ट्रा क्रोधप्रज्वलितेन च । सोऽवर्धत दिवं स्तब्ध्वा वैश्वानरसमद्युतिः

ityukte vacane tvaṣṭrā krodhaprajvalitena ca | so'vardhata divaṁ stabdhvā vaiśvānarasamadyutiḥ

क्रोध से प्रज्वलित त्वष्टा द्वारा ऐसा वचन कहे जाने पर, वह पुत्र आकाश को व्याप्त करते हुए वैश्वानर (अग्नि) के समान तेजस्वी होकर बढ़ने लगा।

श्लोक 38 (devibhagavatam.6.2.38)

जातः स पर्वताकारः कालमृत्युसमः स्वराट् । किं करोमीति तं प्राह पितरं परमातुरम्

jātaḥ sa parvatākāraḥ kālamṛtyusamaḥ svarāṭ | kiṁ karomīti taṁ prāha pitaraṁ paramāturam

पर्वताकार, काल-मृत्यु के समान, स्वराट् बनकर उत्पन्न हुआ वह पुत्र, अत्यंत व्याकुल अपने पिता से बोला — 'मैं क्या करूँ?'

श्लोक 39 (devibhagavatam.6.2.39)

कुरु मे नामकं नाथ कार्यं कथय सुव्रत । चिन्तातुरोऽसि कस्मात्त्वं ब्रूहि मे शोककारणम्

kuru me nāmakaṁ nātha kāryaṁ kathaya suvrata | cintāturo'si kasmāttvaṁ brūhi me śokakāraṇam

'हे नाथ! मेरा नामकरण कीजिए और मेरा कार्य बताइए, हे सुव्रत! आप किस कारण चिंतित हैं? मुझे अपने शोक का कारण बताइए।'

श्लोक 40 (devibhagavatam.6.2.40)

नाशयाम्यद्य ते शोकमिति मे व्रतमाहितम् । तेन जातेन किं भूयः पिता भवति दुःखितः

nāśayāmyadya te śokamiti me vratamāhitam | tena jātena kiṁ bhūyaḥ pitā bhavati duḥkhitaḥ

'मैं आज ही आपके शोक का नाश करूँगा, यह मेरा दृढ़ व्रत है। ऐसे पुत्र के जन्म से क्या लाभ, जिससे पिता फिर भी दुःखी ही रहे?'

श्लोक 41 (devibhagavatam.6.2.41)

पिबामि सागरं सद्यश्चूर्णयामि धराधरान् । उद्यन्तं वारयाम्यद्य तरणिं तिग्मतेजसम्

pibāmi sāgaraṁ sadyaścūrṇayāmi dharādharān | udyantaṁ vārayāmyadya taraṇiṁ tigmatejasam

'मैं तत्काल समुद्र को पी जाऊँगा, पर्वतों को चूर्ण कर दूँगा, और आज उगते हुए तीव्र तेज वाले सूर्य को भी रोक दूँगा।'

श्लोक 42 (devibhagavatam.6.2.42)

हन्मीन्द्रं ससुरं सद्यो यमं वा देवतान्तरम् । क्षिपामि सागरे सर्वान्समुत्पाट्य च मेदिनीम्

hanmīndraṁ sasuraṁ sadyo yamaṁ vā devatāntaram | kṣipāmi sāgare sarvānsamutpāṭya ca medinīm

'मैं तत्काल इन्द्र को सभी देवों सहित, या यम को, अथवा किसी अन्य देवता को मार डालूँगा; मैं पृथ्वी को समूल उखाड़कर सबको समुद्र में फेंक दूँगा।'

श्लोक 43 (devibhagavatam.6.2.43)

इत्याकर्ण्य वचस्तस्य त्वष्टा पुत्रस्य पेशलम् । प्रत्युवाचातिमुदितस्तं सुतं पर्वतोपमम्

ityākarṇya vacastasya tvaṣṭā putrasya peśalam | pratyuvācātimuditastaṁ sutaṁ parvatopamam

अपने पुत्र के इन सुंदर वचनों को सुनकर, त्वष्टा अत्यंत हर्षित होकर उस पर्वत-सदृश पुत्र को उत्तर देने लगे।

श्लोक 44 (devibhagavatam.6.2.44)

वृजिनात्त्रातुमधुना यस्माच्छक्तोऽसि पुत्रक । तस्माद्वृत्र इति ख्यातं तव नाम भविष्यति

vṛjināttrātumadhunā yasmācchakto'si putraka | tasmādvṛtra iti khyātaṁ tava nāma bhaviṣyati

'हे पुत्र! चूँकि तुम अब मुझे संकट से बचाने में समर्थ हो, इसलिए तुम्हारा नाम वृत्र के नाम से विख्यात होगा।'

श्लोक 45 (devibhagavatam.6.2.45)

भ्राता तव महाभाग त्रिशिरा नाम तापसः । त्रीणि तस्य च शीर्षाणि ह्यभवन्वीर्यवन्ति च

bhrātā tava mahābhāga triśirā nāma tāpasaḥ | trīṇi tasya ca śīrṣāṇi hyabhavanvīryavanti ca

'हे महाभाग! तुम्हारा एक भाई था, त्रिशिरा नामक तपस्वी; उसके तीनों शिर अत्यंत पराक्रमी थे।'

श्लोक 46 (devibhagavatam.6.2.46)

वेदवेदाङ्गतत्त्वज्ञः सर्वविद्याविशारदः । संस्थितस्तपसि प्रायस्त्रिलोकीविस्मयप्रदे

vedavedāṅgatattvajñaḥ sarvavidyāviśāradaḥ | saṁsthitastapasi prāyastrilokīvismayaprade

'वह वेद-वेदांगों के तत्त्व का ज्ञाता, समस्त विद्याओं में निपुण था, और प्रायः त्रिलोक को विस्मित करने वाली तपस्या में लीन रहता था।'

श्लोक 47 (devibhagavatam.6.2.47)

शक्रेण तु हतः सोऽद्य वज्रघातेन साम्प्रतम् । विनापराधं सहसा छिन्नानि मस्तकानि च

śakreṇa tu hataḥ so'dya vajraghātena sāmpratam | vināparādhaṁ sahasā chinnāni mastakāni ca

'अभी हाल ही में शक्र ने वज्र के प्रहार से उसे मार डाला; बिना किसी अपराध के, उसके शिर अकस्मात् काट दिए गए।'

श्लोक 48 (devibhagavatam.6.2.48)

तस्मात्त्वं पुरुषव्याघ्र जहि शक्रं कृतागसम् । ब्रह्महत्यायुतं पापं निस्त्रपं दुर्मतिं शठम्

tasmāttvaṁ puruṣavyāghra jahi śakraṁ kṛtāgasam | brahmahatyāyutaṁ pāpaṁ nistrapaṁ durmatiṁ śaṭham

'अतः हे पुरुषश्रेष्ठ! तुम उस अपराधी शक्र को मार डालो — जो निर्लज्ज, दुर्मति, शठ और ब्रह्महत्या के पाप से युक्त है।'

श्लोक 49 (devibhagavatam.6.2.49)

इत्युक्त्वा च तदा त्वष्टा पुत्रशोकसमाकुलः । आयुधानि च दिव्यानि चकार विविधानि च

ityuktvā ca tadā tvaṣṭā putraśokasamākulaḥ | āyudhāni ca divyāni cakāra vividhāni ca

ऐसा कहकर, पुत्रशोक से व्याकुल त्वष्टा ने तब नाना प्रकार के दिव्य अस्त्र-शस्त्र बनाए।

श्लोक 50 (devibhagavatam.6.2.50)

ददावस्मै सहस्राक्षवधाय प्रबलानि च । खड्गशूलगदाशक्तितोमरप्रमुखानि वै

dadāvasmai sahasrākṣavadhāya prabalāni ca | khaḍgaśūlagadāśaktitomarapramukhāni vai

उसने इसे सहस्राक्ष (इन्द्र) के वध के लिए शक्तिशाली अस्त्र दिए — खड्ग, शूल, गदा, शक्ति, तोमर आदि।

श्लोक 51 (devibhagavatam.6.2.51)

शार्ङ्ग धनुस्तथा बाणं परिघं पट्टिशं तथा । चक्रं दिव्यं सहस्रारं सुदर्शनसमप्रभम्

śārṅga dhanustathā bāṇaṁ parighaṁ paṭṭiśaṁ tathā | cakraṁ divyaṁ sahasrāraṁ sudarśanasamaprabham

शार्ङ्ग धनुष तथा बाण, परिघ और पट्टिश, तथा सुदर्शन के समान तेजस्वी दिव्य सहस्रार चक्र।

श्लोक 52 (devibhagavatam.6.2.52)

तूणीरौ चाक्षयौ दिव्यौ कवचं चातिसुन्दरम् । रथं मेघप्रतीकाशं दृढं भारसहं जवम्

tūṇīrau cākṣayau divyau kavacaṁ cātisundaram | rathaṁ meghapratīkāśaṁ dṛḍhaṁ bhārasahaṁ javam

दो अक्षय दिव्य तरकश तथा अत्यंत सुंदर कवच; मेघ के समान चमकने वाला, दृढ़, भारवहन में सक्षम और वेगवान् रथ।

श्लोक 53 (devibhagavatam.6.2.53)

युद्धोपकरणं सर्वं कृत्वा पुत्राय पार्थिव । दत्त्वासौ प्रेरयामास त्वष्टा क्रोधसमन्वितः

yuddhopakaraṇaṁ sarvaṁ kṛtvā putrāya pārthiva | dattvāsau prerayāmāsa tvaṣṭā krodhasamanvitaḥ

हे पार्थिव! युद्ध की सभी सामग्री बनाकर अपने पुत्र को देकर, क्रोध से युक्त त्वष्टा ने उसे युद्ध के लिए भेज दिया।