वृत्र को ब्रह्मा की आराधना हेतु त्वष्टा का उपदेश

श्लोक 1 (devibhagavatam.6.3.1)

व्यास उवाच । कृतस्वस्त्ययनो वृत्रो ब्राह्मणैर्वेदपारगैः । निर्जगाम रथारूढो हन्तुं शक्रं महाबलः

vyāsa uvāca | kṛtasvastyayano vṛtro brāhmaṇairvedapāragaiḥ | nirjagāma rathārūḍho hantuṁ śakraṁ mahābalaḥ

व्यास ने कहा — वेदपारंगत ब्राह्मणों द्वारा स्वस्तिवाचन कराकर, महाबली वृत्र रथ पर आरूढ़ होकर शक्र का वध करने के लिए निकल पड़ा।

श्लोक 2 (devibhagavatam.6.3.2)

तदैव राक्षसाः क्रूराः पुरा देवपराजिताः । समाजग्मुश्च सेवार्थं वृत्रं ज्ञात्वा महाबलम्

tadaiva rākṣasāḥ krūrāḥ purā devaparājitāḥ | samājagmuśca sevārthaṁ vṛtraṁ jñātvā mahābalam

उसी समय, पूर्व में देवताओं से पराजित हुए क्रूर राक्षस, महाबली वृत्र के विषय में जानकर उसकी सेवा के लिए एकत्रित हो गए।

श्लोक 3 (devibhagavatam.6.3.3)

इन्द्रदूतास्तु तं दृष्ट्वा युद्धाय तु समागतम् । वेगादागत्य वृत्तान्तं शशंसुस्तस्य चेष्टितम्

indradūtāstu taṁ dṛṣṭvā yuddhāya tu samāgatam | vegādāgatya vṛttāntaṁ śaśaṁsustasya ceṣṭitam

इन्द्र के दूतों ने उसे युद्ध के लिए आते देखकर, वेगपूर्वक आकर उसकी सारी गतिविधि का वृत्तान्त सुनाया।

श्लोक 4 (devibhagavatam.6.3.4)

दूता ऊचुः । स्वामिञ्छीघ्रमिहायाति वृत्रो नाम रिपुस्तव । बलवान्स्यन्दने रूढस्त्वष्ट्रा चोत्पादितः किल

dūtā ūcuḥ | svāmiñchīghramihāyāti vṛtro nāma ripustava | balavānsyandane rūḍhastvaṣṭrā cotpāditaḥ kila

दूतों ने कहा — 'हे स्वामी! वृत्र नामक आपका शत्रु शीघ्र यहाँ आ रहा है — बलवान्, रथ पर आरूढ़, त्वष्टा द्वारा उत्पन्न किया गया।'

श्लोक 5 (devibhagavatam.6.3.5)

अविचारेण नाशार्थं तव क्रोधान्वितेन वै । पुत्रघाताभितप्तेन दुःसहो राक्षसैर्युतः

avicāreṇa nāśārthaṁ tava krodhānvitena vai | putraghātābhitaptena duḥsaho rākṣasairyutaḥ

'बिना विचार किए, क्रोध से भरे हुए, पुत्रवध से संतप्त होकर, वह आपके नाश के लिए राक्षसों सहित असह्य रूप में आ रहा है —'

श्लोक 6 (devibhagavatam.6.3.6)

यत्नं कुरु महाभाग शीघ्रमायाति साम्प्रतम् । मेरुमन्दरसङ्काशो घोरशब्दोऽतिदारुणः

yatnaṁ kuru mahābhāga śīghramāyāti sāmpratam | merumandarasaṅkāśo ghoraśabdo'tidāruṇaḥ

'हे महाभाग! प्रयत्न कीजिए, वह अभी शीघ्र ही आ रहा है — मेरु और मन्दर पर्वत के समान विशाल, भयंकर गर्जना करने वाला, अत्यंत भीषण।'

श्लोक 7 (devibhagavatam.6.3.7)

एतस्मिन्नन्तरे तत्र भीता देवगणा भृशम् । आगत्योचुः सुरपतिं शृण्वन्तं दूतभाषितम्

etasminnantare tatra bhītā devagaṇā bhṛśam | āgatyocuḥ surapatiṁ śṛṇvantaṁ dūtabhāṣitam

इसी बीच वहाँ अत्यंत भयभीत देवगण आकर देवराज से बोले, जो दूतों की बात सुन रहे थे।

श्लोक 8 (devibhagavatam.6.3.8)

गणाः ऊचुः । मघवन् दुर्निमित्तानि भवन्ति त्रिदशालये । बहूनि भयशंसीनि पक्षिणां विरुतानि च

gaṇāḥ ūcuḥ | maghavan durnimittāni bhavanti tridaśālaye | bahūni bhayaśaṁsīni pakṣiṇāṁ virutāni ca

गणों ने कहा — 'हे मघवन्! देवलोक में अनेक अपशकुन हो रहे हैं — बहुत से भय सूचित करने वाले, तथा पक्षियों की चीत्कारें।'

श्लोक 9 (devibhagavatam.6.3.9)

काकगृध्रास्तथा श्येनाः कङ्काद्या दारुणाः खगाः । रुदन्ति विकृतैः शब्दैरुत्कारैर्भवनोपरि

kākagṛdhrāstathā śyenāḥ kaṅkādyā dāruṇāḥ khagāḥ | rudanti vikṛtaiḥ śabdairutkārairbhavanopari

कौवे, गिद्ध, बाज, बगुले आदि भयंकर पक्षी विकृत और चीत्कारपूर्ण स्वरों में भवनों के ऊपर रो रहे हैं।

श्लोक 10 (devibhagavatam.6.3.10)

चीचीकूचीति निनदान् कुर्वन्ति विहगा भृशम् । वाहनानां च नेत्रेभ्यो जलधाराः पतन्त्यधः

cīcīkūcīti ninadān kurvanti vihagā bhṛśam | vāhanānāṁ ca netrebhyo jaladhārāḥ patantyadhaḥ

पक्षी 'चीं-चीं-कूं' की तीव्र ध्वनि कर रहे हैं, और वाहनों की आँखों से जल की धाराएँ नीचे बह रही हैं।

श्लोक 11 (devibhagavatam.6.3.11)

श्रूयतेऽतिमहाञ्छब्दो रुदतीनां निशासु च । राक्षसीनां महाभाग भवनोपरि दारुणः

śrūyate'timahāñchabdo rudatīnāṁ niśāsu ca | rākṣasīnāṁ mahābhāga bhavanopari dāruṇaḥ

हे महाभाग! रात्रि में भवनों के ऊपर राक्षसियों के रोदन का अत्यंत भीषण और महान् शब्द सुनाई देता है।

श्लोक 12 (devibhagavatam.6.3.12)

प्रपतन्ति ध्वजास्तूर्णं विना वातेन मानद । प्रभवन्ति महोत्पाता दिवि भूम्यन्तरिक्षजाः

prapatanti dhvajāstūrṇaṁ vinā vātena mānada | prabhavanti mahotpātā divi bhūmyantarikṣajāḥ

हे मानद! बिना वायु के ही ध्वजाएँ शीघ्रता से गिर रही हैं; आकाश, पृथ्वी और अंतरिक्ष में महान् उत्पात उत्पन्न हो रहे हैं।

श्लोक 13 (devibhagavatam.6.3.13)

कृष्णाम्बरधरा नार्यो भ्रमन्ति च गृहे गृहे । यान्तु यान्तु गृहात्तूर्णं कुर्वन्त्यो विकृताननाः

kṛṣṇāmbaradharā nāryo bhramanti ca gṛhe gṛhe | yāntu yāntu gṛhāttūrṇaṁ kurvantyo vikṛtānanāḥ

काले वस्त्र पहने स्त्रियाँ घर-घर घूम रही हैं, विकृत मुख किए हुए 'शीघ्र घर छोड़ो, छोड़ो' ऐसा कहती हुईं।

श्लोक 14 (devibhagavatam.6.3.14)

रात्रौ स्वप्नेषु कान्तानां सुप्तानां निजमन्दिरे । केशाँल्लुनन्ति राक्षस्यो भीषयन्त्यो भृशातुराः

rātrau svapneṣu kāntānāṁ suptānāṁ nijamandire | keśā~llunanti rākṣasyo bhīṣayantyo bhṛśāturāḥ

रात्रि में अपने ही घर में सोई हुई पत्नियों के स्वप्नों में, अत्यंत पीड़ित करती हुई राक्षसियाँ उनके केश नोंचकर उन्हें भयभीत करती हैं।

श्लोक 15 (devibhagavatam.6.3.15)

एवंविधानि देवेश भूकम्पोल्कादयस्तथा । गोमायवो रुदन्ति स्म निशायां भवनाङ्गणे

evaṁvidhāni deveśa bhūkampolkādayastathā | gomāyavo rudanti sma niśāyāṁ bhavanāṅgaṇe

हे देवेश! इसी प्रकार भूकम्प, उल्का-पात आदि हो रहे हैं, तथा रात्रि में भवनों के आँगन में सियार रो रहे हैं।

श्लोक 16 (devibhagavatam.6.3.16)

सरटानां च जालानि प्रभवन्ति गृहे गृहे । अङ्गप्रस्फुरणादीनि दुर्निमित्तानि सर्वशः

saraṭānāṁ ca jālāni prabhavanti gṛhe gṛhe | aṅgaprasphuraṇādīni durnimittāni sarvaśaḥ

घर-घर में छिपकलियों के समूह प्रकट हो रहे हैं, और अंग-स्फुरण आदि अपशकुन सर्वत्र हो रहे हैं।

श्लोक 17 (devibhagavatam.6.3.17)

व्यास उवाच । इति तेषां वचः श्रुत्वा चिन्तामाप सुरेश्वरः । बृहस्पतिं समाहूय पप्रच्छ च मनोगतम्

vyāsa uvāca | iti teṣāṁ vacaḥ śrutvā cintāmāpa sureśvaraḥ | bṛhaspatiṁ samāhūya papraccha ca manogatam

व्यास ने कहा — उनके ये वचन सुनकर देवेश्वर चिन्ता में पड़ गए; बृहस्पति को बुलाकर उन्होंने अपने मन की बात पूछी।

श्लोक 18 (devibhagavatam.6.3.18)

इन्द्र उवाच । ब्रह्मन् किमुत घोराणि निमित्तानि भवन्ति वै । वाताश्च दारुणा वान्ति प्रपतन्त्युलकाः खतः

indra uvāca | brahman kimuta ghorāṇi nimittāni bhavanti vai | vātāśca dāruṇā vānti prapatantyulakāḥ khataḥ

इन्द्र ने कहा — 'हे ब्रह्मन्! ये भयंकर अपशकुन क्यों हो रहे हैं? भीषण वायु चल रही है, और आकाश से उल्काएँ गिर रही हैं।'

श्लोक 19 (devibhagavatam.6.3.19)

सर्वज्ञोऽसि महाभाग समर्थो विघ्ननाशने । बुद्धिमाञ्छास्त्रतत्त्वज्ञो देवतानां गुरुस्तथा

sarvajño'si mahābhāga samartho vighnanāśane | buddhimāñchāstratattvajño devatānāṁ gurustathā

'हे महाभाग! आप सर्वज्ञ हैं, विघ्नों के नाश में समर्थ हैं, बुद्धिमान्, शास्त्र-तत्त्वज्ञ और देवताओं के गुरु भी हैं।'

श्लोक 20 (devibhagavatam.6.3.20)

कुरु शान्तिं विधानज्ञ शत्रुक्षयविधायिनीम् । यथा मे न भवेद्दुःखं तथा कार्यं विधीयताम्

kuru śāntiṁ vidhānajña śatrukṣayavidhāyinīm | yathā me na bhavedduḥkhaṁ tathā kāryaṁ vidhīyatām

'हे विधानज्ञ! शत्रु-नाश करने वाली शान्ति कीजिए, जिससे मुझे कोई दुःख न हो, वैसा ही कार्य कीजिए।'

श्लोक 21 (devibhagavatam.6.3.21)

बृहस्पतिरुवाच । किं करोमि सहस्राक्ष त्वयाद्य दुष्कृतं कृतम् । अनागसं मुनिं हत्वा किं फलं समुपार्जितम्

bṛhaspatiruvāca | kiṁ karomi sahasrākṣa tvayādya duṣkṛtaṁ kṛtam | anāgasaṁ muniṁ hatvā kiṁ phalaṁ samupārjitam

बृहस्पति ने कहा — 'हे सहस्राक्ष! मैं क्या करूँ? आज तुमने यह दुष्कर्म किया है। एक निरपराध मुनि को मारकर तुमने कौन-सा फल पाया?'

श्लोक 22 (devibhagavatam.6.3.22)

अत्युग्रं पुण्यपापानां फलं भवति सत्वरम् । विचार्य खलु कर्तव्यं कार्यं तद्भूतिमिच्छता

atyugraṁ puṇyapāpānāṁ phalaṁ bhavati satvaram | vicārya khalu kartavyaṁ kāryaṁ tadbhūtimicchatā

'पुण्य और पाप का फल अत्यंत उग्र होता है और शीघ्र ही प्राप्त होता है; अतः अपनी भलाई चाहने वाले को सोच-विचार कर ही कार्य करना चाहिए।'

श्लोक 23 (devibhagavatam.6.3.23)

परोपतापनं कर्म न कर्तव्यं कदाचन । न सुखं विन्दते प्राणी परपीडापरायणः

paropatāpanaṁ karma na kartavyaṁ kadācana | na sukhaṁ vindate prāṇī parapīḍāparāyaṇaḥ

'दूसरों को संताप देने वाला कर्म कभी नहीं करना चाहिए; पर-पीड़ा में तत्पर प्राणी कभी सुख नहीं पाता।'

श्लोक 24 (devibhagavatam.6.3.24)

मोहाल्लोभाद्ब्रह्महत्या कृता शक्र त्वयाधुना । तस्य पापस्य सहसा फलमेतदुपागतम्

mohāllobhādbrahmahatyā kṛtā śakra tvayādhunā | tasya pāpasya sahasā phalametadupāgatam

'हे शक्र! मोह और लोभ से तुमने अभी-अभी ब्रह्महत्या की है; उसी पाप का यह फल शीघ्र ही तुम पर आ गया है।'

श्लोक 25 (devibhagavatam.6.3.25)

अवध्यः सर्वदेवानां जातोऽसौ वृत्रसंज्ञकः । हन्तुं त्वां स समायाति दानवैर्बहुभिर्वृतः

avadhyaḥ sarvadevānāṁ jāto'sau vṛtrasaṁjñakaḥ | hantuṁ tvāṁ sa samāyāti dānavairbahubhirvṛtaḥ

'वह वृत्र नामक जो उत्पन्न हुआ है, वह समस्त देवताओं के लिए अवध्य है; वह अनेक दानवों से घिरा हुआ तुम्हें मारने के लिए आ रहा है।'

श्लोक 26 (devibhagavatam.6.3.26)

आयुधानि च सर्वाणि वज्रतुल्यानि वासव । त्वष्ट्रा दत्तानि दिव्यानि गृहीत्वा समुपस्थितः

āyudhāni ca sarvāṇi vajratulyāni vāsava | tvaṣṭrā dattāni divyāni gṛhītvā samupasthitaḥ

'हे वासव! त्वष्टा द्वारा दिए गए वज्र के समान सभी दिव्य अस्त्र लेकर वह उपस्थित हो चुका है।'

श्लोक 27 (devibhagavatam.6.3.27)

समागच्छति दुर्धर्षो रथारूढः प्रतापवान् । देवेन्द्र प्रलयं कुर्वन्नास्य मृत्युर्भविष्यति

samāgacchati durdharṣo rathārūḍhaḥ pratāpavān | devendra pralayaṁ kurvannāsya mṛtyurbhaviṣyati

'हे देवेन्द्र! वह दुर्धर्ष, रथारूढ़, प्रतापी, प्रलय करता हुआ आ रहा है — उसकी मृत्यु नहीं होगी।'

श्लोक 28 (devibhagavatam.6.3.28)

कोलाहलस्तदा जातस्तथा ब्रुवति वाक्पतौ । गन्धर्वाः किन्नरा यक्षा मुनयश्च तपोधनाः

kolāhalastadā jātastathā bruvati vākpatau | gandharvāḥ kinnarā yakṣā munayaśca tapodhanāḥ

वाक्पति (बृहस्पति) के ऐसा कहते ही वहाँ कोलाहल मच गया; गंधर्व, किन्नर, यक्ष तथा तपोधन मुनिगण —

श्लोक 29 (devibhagavatam.6.3.29)

सदनानि विहायैवामराः सर्वे पलायिताः । तद्दृष्ट्वा महदाश्चर्यं शक्रश्चिन्तापरायणः

sadanāni vihāyaivāmarāḥ sarve palāyitāḥ | taddṛṣṭvā mahadāścaryaṁ śakraścintāparāyaṇaḥ

— समस्त देवगण अपने-अपने भवनों को छोड़कर भाग खड़े हुए। इस महान् आश्चर्य को देखकर शक्र चिन्तामग्न हो गया।

श्लोक 30 (devibhagavatam.6.3.30)

आज्ञापयामास तदा सेनोद्योगाय सेवकान् । आनयध्वं वसून् रुद्रानश्विनौ च दिवाकरान्

ājñāpayāmāsa tadā senodyogāya sevakān | ānayadhvaṁ vasūn rudrānaśvinau ca divākarān

उन्होंने तब सेना तैयार करने के लिए सेवकों को आज्ञा दी — 'वसुओं, रुद्रों, अश्विनीकुमारों और सूर्यपुत्रों को लाओ।'

श्लोक 31 (devibhagavatam.6.3.31)

पूषणं च भगं वायुं कुबेरं वरुणं यमम् । विमानेषु समारुह्य सायुधाः सुरसत्तमाः

pūṣaṇaṁ ca bhagaṁ vāyuṁ kuberaṁ varuṇaṁ yamam | vimāneṣu samāruhya sāyudhāḥ surasattamāḥ

'तथा पूषा, भग, वायु, कुबेर, वरुण, यम को भी — श्रेष्ठ देवगण शस्त्रों सहित विमानों पर आरूढ़ हों।'

श्लोक 32 (devibhagavatam.6.3.32)

समागच्छन्तु तरसा शत्रुरायाति साम्प्रतम् । इत्याज्ञाप्य सुरपतिः समारुह्य गजोत्तमम्

samāgacchantu tarasā śatrurāyāti sāmpratam | ityājñāpya surapatiḥ samāruhya gajottamam

'वे शीघ्र आ जाएँ, क्योंकि शत्रु अभी आ रहा है।' ऐसी आज्ञा देकर देवराज श्रेष्ठ गज पर आरूढ़ हुए।

श्लोक 33 (devibhagavatam.6.3.33)

बृहस्पतिं पुरोधाय निर्गतो निजमन्दिरात् । तथैव त्रिदशाः सर्वे स्वं स्वं वाहनमास्थिताः

bṛhaspatiṁ purodhāya nirgato nijamandirāt | tathaiva tridaśāḥ sarve svaṁ svaṁ vāhanamāsthitāḥ

बृहस्पति को आगे रखकर वे अपने भवन से निकले; उसी प्रकार समस्त देवगण भी अपने-अपने वाहन पर आरूढ़ हुए।

श्लोक 34 (devibhagavatam.6.3.34)

युद्धाय कृतसङ्कल्पा निर्ययुः शस्त्रपाणयः । वृत्रोऽथ दानवैर्युक्तः सम्प्राप्तो मानसोत्तरम्

yuddhāya kṛtasaṅkalpā niryayuḥ śastrapāṇayaḥ | vṛtro'tha dānavairyuktaḥ samprāpto mānasottaram

युद्ध के लिए संकल्पबद्ध होकर, शस्त्र हाथ में लिए वे निकल पड़े; इधर वृत्र दानवों सहित मानसोत्तर पर्वत पर जा पहुँचा।

श्लोक 35 (devibhagavatam.6.3.35)

पर्वतं देवतावासं रम्यं पादपशोभितम् । इन्द्रोऽप्यागत्य सङ्ग्रामं चकार मानसोत्तरे

parvataṁ devatāvāsaṁ ramyaṁ pādapaśobhitam | indro'pyāgatya saṅgrāmaṁ cakāra mānasottare

— यह पर्वत देवताओं का निवासस्थान, रम्य और वृक्षों से सुशोभित था। इन्द्र भी वहाँ पहुँचकर मानसोत्तर पर्वत पर युद्ध करने लगे।

श्लोक 36 (devibhagavatam.6.3.36)

पर्वते देवतायुक्तो वाचस्पतिपुरःसरः । तत्राभूद्दारुणं युद्धं वृत्रवासवयोस्तदा

parvate devatāyukto vācaspatipuraḥsaraḥ | tatrābhūddāruṇaṁ yuddhaṁ vṛtravāsavayostadā

उस पर्वत पर देवताओं सहित, वाचस्पति (बृहस्पति) को आगे रखकर, वहाँ वृत्र और वासव के मध्य भीषण युद्ध हुआ।

श्लोक 37 (devibhagavatam.6.3.37)

गदासिपरिघैः पाशैर्बाणैः शक्तिपरश्वधैः । मानुषेण प्रमाणेन सङ्ग्रामः शरदां शतम्

gadāsiparighaiḥ pāśairbāṇaiḥ śaktiparaśvadhaiḥ | mānuṣeṇa pramāṇena saṅgrāmaḥ śaradāṁ śatam

गदा, खड्ग, परिघ, पाश, बाण, शक्ति और परशुओं से — मानव-गणना के अनुसार यह संग्राम सौ वर्षों तक चला।

श्लोक 38 (devibhagavatam.6.3.38)

बभूव भयदो नॄणामृषीणां भावितात्मनाम् । वरुणः प्रथमं भग्नस्ततो वायुगणः किल

babhūva bhayado nṝṇāmṛṣīṇāṁ bhāvitātmanām | varuṇaḥ prathamaṁ bhagnastato vāyugaṇaḥ kila

यह मनुष्यों और भावित आत्मा वाले ऋषियों को भी भयभीत करने वाला हो गया; पहले वरुण पराजित हुए, फिर वायुगण भी।

श्लोक 39 (devibhagavatam.6.3.39)

यमो विभावसुः शक्रः सर्वे ते निर्गता रणात् । पलायनपरान् दृष्ट्वा देवानिन्द्रपुरोगमान्

yamo vibhāvasuḥ śakraḥ sarve te nirgatā raṇāt | palāyanaparān dṛṣṭvā devānindrapurogamān

यम, विभावसु (अग्नि) और शक्र — वे सब युद्ध से भाग निकले। इन्द्र-प्रधान देवताओं को पलायन करते देखकर —

श्लोक 40 (devibhagavatam.6.3.40)

वृत्रोऽपि पितरं प्रागादाश्रमस्थं मुदान्वितम् । प्रणम्य प्राह त्वष्टारं पितः कार्यं मया कृतम्

vṛtro'pi pitaraṁ prāgādāśramasthaṁ mudānvitam | praṇamya prāha tvaṣṭāraṁ pitaḥ kāryaṁ mayā kṛtam

वृत्र भी आश्रम में स्थित पिता के पास प्रसन्नतापूर्वक गया, और त्वष्टा को प्रणाम कर बोला — 'हे पिता! मैंने अपना कार्य पूर्ण कर दिया।'

श्लोक 41 (devibhagavatam.6.3.41)

देवा विनिर्जिताः सर्वे सेन्द्राः समरसंस्थिताः । विद्रुतास्ते गताः स्थानं यथा सिंहान्मृगा गजाः

devā vinirjitāḥ sarve sendrāḥ samarasaṁsthitāḥ | vidrutāste gatāḥ sthānaṁ yathā siṁhānmṛgā gajāḥ

'समर में डटे हुए इन्द्र सहित सभी देवता पराजित हो गए; जैसे सिंह से मृग और हाथी भागते हैं, वैसे ही वे भागकर अपने-अपने स्थान चले गए।'

श्लोक 42 (devibhagavatam.6.3.42)

इन्द्रः पदातिरगमन्मयानीतो गजोत्तमः । ऐरावतोऽयं भगवन् गृहाण द्विरदोत्तमम्

indraḥ padātiragamanmayānīto gajottamaḥ | airāvato'yaṁ bhagavan gṛhāṇa dviradottamam

'इन्द्र पैदल ही चला गया; मैंने यह श्रेष्ठ ऐरावत हाथी ले लिया है — हे भगवन्! इस श्रेष्ठ गजराज को ग्रहण कीजिए।'

श्लोक 43 (devibhagavatam.6.3.43)

न हतास्ते मया यस्मादयुक्तं भीतमारणम् । आज्ञापय पुनस्तात किं करोमि तवेप्सितम्

na hatāste mayā yasmādayuktaṁ bhītamāraṇam | ājñāpaya punastāta kiṁ karomi tavepsitam

'मैंने उन्हें मारा नहीं, क्योंकि भयभीत होकर भागते हुए का वध करना उचित नहीं है; हे तात! पुनः आज्ञा दीजिए, आपकी इच्छानुसार मैं क्या करूँ?'

श्लोक 44 (devibhagavatam.6.3.44)

निर्जरा निर्गताः सर्वे भयभीता श्रमातुराः । इन्द्रोऽप्यैरावतं त्यक्त्वा भयभीतः पलायितः

nirjarā nirgatāḥ sarve bhayabhītā śramāturāḥ | indro'pyairāvataṁ tyaktvā bhayabhītaḥ palāyitaḥ

समस्त देवगण भयभीत और थके हुए भाग निकले; इन्द्र भी ऐरावत को छोड़कर भय से भागा।

श्लोक 45 (devibhagavatam.6.3.45)

व्यास उवाच । इति पुत्रवचः श्रुत्वा त्वष्टा प्राह मुदान्वितः । पुत्रवानद्य जातोऽस्मि सफलं मम जीवितम्

vyāsa uvāca | iti putravacaḥ śrutvā tvaṣṭā prāha mudānvitaḥ | putravānadya jāto'smi saphalaṁ mama jīvitam

व्यास ने कहा — पुत्र के इन वचनों को सुनकर त्वष्टा प्रसन्नतापूर्वक बोले — 'आज मैं वास्तव में पुत्रवान् हुआ हूँ, मेरा जीवन सफल हुआ।'

श्लोक 46 (devibhagavatam.6.3.46)

त्वयाहं पावितः पुत्र गतो मे मानसो ज्वरः । निश्चलं मे मनो जातं दृष्ट्वा वीर्यं तवाद्भुतम्

tvayāhaṁ pāvitaḥ putra gato me mānaso jvaraḥ | niścalaṁ me mano jātaṁ dṛṣṭvā vīryaṁ tavādbhutam

'हे पुत्र! तुमने मुझे पवित्र कर दिया, मेरा मानसिक ज्वर दूर हो गया। तुम्हारे अद्भुत पराक्रम को देखकर मेरा मन स्थिर हो गया है।'

श्लोक 47 (devibhagavatam.6.3.47)

शृणु वक्ष्याम्यहं पुत्र हितं तेऽद्य निशामय । तपः कुरु महाभाग सावधानः स्थिरासनः

śṛṇu vakṣyāmyahaṁ putra hitaṁ te'dya niśāmaya | tapaḥ kuru mahābhāga sāvadhānaḥ sthirāsanaḥ

'हे पुत्र! सुनो, मैं आज तुम्हारे हित की बात कहूँगा, ध्यान से सुनो। हे महाभाग! सावधान होकर स्थिर आसन में बैठकर तप करो।'

श्लोक 48 (devibhagavatam.6.3.48)

विश्वासो नैव कर्तव्यः केषाञ्चित्पाकशासनः । शत्रुस्ते छलकर्तास्ति नानाभेदविशारदः

viśvāso naiva kartavyaḥ keṣāñcitpākaśāsanaḥ | śatruste chalakartāsti nānābhedaviśāradaḥ

'किन्हीं पर विश्वास कदापि नहीं करना चाहिए — पाकशासन (इन्द्र) तुम्हारा शत्रु है, वह छलिया और नाना प्रकार के भेद में निपुण है।'

श्लोक 49 (devibhagavatam.6.3.49)

तपसा प्राप्यते लक्ष्मीस्तपसा राज्यमुत्तमम् । तपसा बलवृद्धिः स्यात्सङ्ग्रामे विजयस्तथा

tapasā prāpyate lakṣmīstapasā rājyamuttamam | tapasā balavṛddhiḥ syātsaṅgrāme vijayastathā

'तप से लक्ष्मी प्राप्त होती है, तप से उत्तम राज्य मिलता है; तप से बल की वृद्धि होती है, और युद्ध में विजय भी।'

श्लोक 50 (devibhagavatam.6.3.50)

आराध्य द्रुहिणं देवं लब्ध्वा वरमनुत्तमम् । जहि शक्रं दुराचारं ब्रह्महत्यासमावृतम्

ārādhya druhiṇaṁ devaṁ labdhvā varamanuttamam | jahi śakraṁ durācāraṁ brahmahatyāsamāvṛtam

'ब्रह्मा देव की आराधना करके और अनुपम वर प्राप्त करके, दुराचारी, ब्रह्महत्या से आवृत शक्र का वध करो।'

श्लोक 51 (devibhagavatam.6.3.51)

सावधानः स्थिरो भूत्वा दातारं भज शङ्करम् । वाञ्छितं स वरं दद्यात्सन्तुष्टश्चतुराननः

sāvadhānaḥ sthiro bhūtvā dātāraṁ bhaja śaṅkaram | vāñchitaṁ sa varaṁ dadyātsantuṣṭaścaturānanaḥ

'सावधान और स्थिर होकर उस वरदाता कल्याणकारी ब्रह्मा की उपासना करो; प्रसन्न होने पर वह चतुरानन अभीष्ट वर प्रदान करेंगे।'

श्लोक 52 (devibhagavatam.6.3.52)

तोषयित्वा विश्वयोनिं ब्रह्माणममितौजसम् । अविनाशित्वमासाद्य जहि शक्रं कृतागसम्

toṣayitvā viśvayoniṁ brahmāṇamamitaujasam | avināśitvamāsādya jahi śakraṁ kṛtāgasam

'विश्व के उद्गम-स्थान, अपार तेजस्वी ब्रह्मा को संतुष्ट करके, अविनाशित्व प्राप्त कर अपराधी शक्र का वध करो।'

श्लोक 53 (devibhagavatam.6.3.53)

वैरं मनसि मे पुत्र वर्तते सुतघातजम् । न शान्तिमनुगच्छामि न स्वपामि सुखेन ह

vairaṁ manasi me putra vartate sutaghātajam | na śāntimanugacchāmi na svapāmi sukhena ha

'हे पुत्र! मेरे मन में पुत्रवध से उत्पन्न वैर अभी भी बना हुआ है; मुझे न शांति मिलती है और न ही मैं सुखपूर्वक सो पाता हूँ।'

श्लोक 54 (devibhagavatam.6.3.54)

तापसो मे हतः पुत्रो निरागाः पाप्मना यतः । न विन्दामि सुखं वृत्र त्वं मामुद्धर दुःखितम्

tāpaso me hataḥ putro nirāgāḥ pāpmanā yataḥ | na vindāmi sukhaṁ vṛtra tvaṁ māmuddhara duḥkhitam

'मेरा निरपराध तपस्वी पुत्र उस पापी के द्वारा मार डाला गया; हे वृत्र! मुझे कोई सुख नहीं मिलता — तुम मुझ दुःखी को उबारो।'

श्लोक 55 (devibhagavatam.6.3.55)

व्यास उवाच । तदाकर्ण्य पितुर्वाक्यं वृत्रः क्रोधयुतस्तदा । आज्ञामादाय च पितुर्जगाम तपसे मुदा

vyāsa uvāca | tadākarṇya piturvākyaṁ vṛtraḥ krodhayutastadā | ājñāmādāya ca piturjagāma tapase mudā

व्यास ने कहा — पिता के इन वचनों को सुनकर वृत्र क्रोध से भर गया; पिता की आज्ञा लेकर वह प्रसन्नतापूर्वक तपस्या करने चला गया।

श्लोक 56 (devibhagavatam.6.3.56)

गन्धमादनमासाद्य पुण्यां देवधुनीं शुभाम् । स्नात्वा कुशासनं कृत्वा संस्थितश्च स्थिरासनः

gandhamādanamāsādya puṇyāṁ devadhunīṁ śubhām | snātvā kuśāsanaṁ kṛtvā saṁsthitaśca sthirāsanaḥ

गन्धमादन पर्वत पर पहुँचकर, पवित्र और शुभ देवनदी (गंगा) में स्नान कर, कुशासन बनाकर वह स्थिर आसन में बैठ गया।

श्लोक 57 (devibhagavatam.6.3.57)

त्यक्त्वान्नं वारिपानं च योगाभ्यासपरायणः । ध्यायन्विश्वसृजं चित्ते सोपविष्टः स्थिरासने

tyaktvānnaṁ vāripānaṁ ca yogābhyāsaparāyaṇaḥ | dhyāyanviśvasṛjaṁ citte sopaviṣṭaḥ sthirāsane

अन्न और जलपान दोनों त्यागकर, योगाभ्यास में तत्पर होकर, हृदय में विश्वस्रष्टा (ब्रह्मा) का ध्यान करते हुए वह स्थिर आसन में बैठा रहा।

श्लोक 58 (devibhagavatam.6.3.58)

मघवा तं तपस्यन्तं ज्ञात्वा चिन्तातुरो ह्यभूत् । गन्धर्वान्प्रेषयामास विघ्नार्थं पाकशासनः

maghavā taṁ tapasyantaṁ jñātvā cintāturo hyabhūt | gandharvānpreṣayāmāsa vighnārthaṁ pākaśāsanaḥ

मघवान् ने उसे तप करते हुए जानकर अत्यंत चिंतित हो उठे; पाकशासन ने विघ्न डालने के लिए गंधर्वों को भेजा।

श्लोक 59 (devibhagavatam.6.3.59)

यक्षांश्च पन्नगान्सर्पान्किन्नरानमितौजसः । विद्याधरानप्सरसो देवदूताननेकशः

yakṣāṁśca pannagānsarpānkinnarānamitaujasaḥ | vidyādharānapsaraso devadūtānanekaśaḥ

तथा यक्षों, नागों, सर्पों, अपार तेजस्वी किन्नरों, विद्याधरों, अप्सराओं और अनेक देवदूतों को भी भेजा।

श्लोक 60 (devibhagavatam.6.3.60)

उपायास्तैः कृताः सम्यक् तपोविघ्नाय मायिभिः । न चचाल ततो ध्यानात्त्वाष्ट्रः परमतापसः

upāyāstaiḥ kṛtāḥ samyak tapovighnāya māyibhiḥ | na cacāla tato dhyānāttvāṣṭraḥ paramatāpasaḥ

उन मायावियों ने तप में विघ्न डालने के लिए भली-भाँति सभी उपाय किए; फिर भी त्वाष्ट्र (वृत्र), परम तपस्वी, ध्यान से रत्ती भर भी विचलित नहीं हुआ।