नहुष का स्वर्ग से पतन

श्लोक 1 (devibhagavatam.6.9.1)

व्यास उवाच । तां वीक्ष्य विपुलापाङ्गीं रहः शोकसमन्विताम् । आखण्डलः प्रियां भार्यां विस्मितश्चाब्रवीत्तदा

vyāsa uvāca | tāṁ vīkṣya vipulāpāṅgīṁ rahaḥ śokasamanvitām | ākhaṇḍalaḥ priyāṁ bhāryāṁ vismitaścābravīttadā

व्यास ने कहा — विशाल नेत्रों वाली, एकांत में शोकमग्न उस प्रियतमा को देखकर, आखण्डल (इन्द्र) विस्मित होकर तब बोले।

श्लोक 2 (devibhagavatam.6.9.2)

कथमत्रागता कान्ते कथं ज्ञातस्त्वया ह्यहम् । दुर्ज्ञेयः सर्वभूतानां संस्थितोऽस्मि शुभानने

kathamatrāgatā kānte kathaṁ jñātastvayā hyaham | durjñeyaḥ sarvabhūtānāṁ saṁsthito'smi śubhānane

'हे प्रिये! तुम यहाँ कैसे आईं? तुमने मुझे कैसे जान लिया? हे शुभानने! मैं तो समस्त प्राणियों के लिए दुर्ज्ञेय होकर यहाँ स्थित हूँ।'

श्लोक 3 (devibhagavatam.6.9.3)

शच्युवाच । देव देव्याः प्रसादेन ज्ञातोऽस्यद्य भवानिह । पुनस्तस्याः प्रसादेन प्राप्तास्मि त्वां दिवस्पते

śacyuvāca | deva devyāḥ prasādena jñāto'syadya bhavāniha | punastasyāḥ prasādena prāptāsmi tvāṁ divaspate

शची ने कहा — 'हे देव! देवी की कृपा से ही आज आप यहाँ ज्ञात हुए; और उन्हीं की कृपा से, हे दिवस्पते! मैं आपको पुनः प्राप्त हो सकी हूँ।'

श्लोक 4 (devibhagavatam.6.9.4)

नहुषो नाम राजर्षिः स्थापितो भवदासने । त्रिदशैर्मुनिभिश्चैव स मां बाधति नित्यशः

nahuṣo nāma rājarṣiḥ sthāpito bhavadāsane | tridaśairmunibhiścaiva sa māṁ bādhati nityaśaḥ

'नहुष नामक राजर्षि को देवताओं और मुनियों ने आपके आसन पर स्थापित कर दिया है; वह मुझे निरंतर सताता है।'

श्लोक 5 (devibhagavatam.6.9.5)

पतिं मां कुरु चार्वङ्गिः तुरासाहं सुराधिपम् । एवं वदति मां पाप्मा किं करोमि बलार्दन

patiṁ māṁ kuru cārvaṅgiḥ turāsāhaṁ surādhipam | evaṁ vadati māṁ pāpmā kiṁ karomi balārdana

'"हे सुन्दरांगी! मुझे पति बनाओ, मैं ही तुराषाट्, देवाधिप हूँ" — ऐसा वह पापी मुझसे कहता है। हे बलार्दन! मैं क्या करूँ?'

श्लोक 6 (devibhagavatam.6.9.6)

इन्द्र उवाच । कालाकाङ्क्षी वरारोहे संस्थितोऽस्मि यदृच्छया । तथा त्वमपि कल्याणि सुस्थिरं स्वमनः कुरु

indra uvāca | kālākāṅkṣī varārohe saṁsthito'smi yadṛcchayā | tathā tvamapi kalyāṇi susthiraṁ svamanaḥ kuru

इन्द्र ने कहा — 'हे वरारोहे! मैं समय की प्रतीक्षा में यादृच्छिक रूप से यहाँ स्थित हूँ; हे कल्याणि! तुम भी अपने मन को दृढ़ बनाए रखो।'

श्लोक 7 (devibhagavatam.6.9.7)

व्यास उवाच । इत्युक्ता तेन सा देवी पतिनातिप्रशंसिना । निःश्वसन्त्याह तं शक्रं वेपमानातिदुःखिता

vyāsa uvāca | ityuktā tena sā devī patinātipraśaṁsinā | niḥśvasantyāha taṁ śakraṁ vepamānātiduḥkhitā

व्यास ने कहा — अपने अत्यंत प्रशंसा करने वाले पति द्वारा ऐसा कहे जाने पर, वह देवी, सिसकते हुए, कांपते हुए, अत्यंत दुःखी होकर शक्र से बोली।

श्लोक 8 (devibhagavatam.6.9.8)

कथं तिष्ठे महाभाग पापात्मा मां वशानुगाम् । करिष्यति मदोन्मत्तो वरदानेन गर्वितः

kathaṁ tiṣṭhe mahābhāga pāpātmā māṁ vaśānugām | kariṣyati madonmatto varadānena garvitaḥ

'हे महाभाग! मैं कैसे टिकी रहूँ? वह पापात्मा, वरदान से उन्मत्त और गर्वित होकर, मुझे अपने वश में करने वाला है।'

श्लोक 9 (devibhagavatam.6.9.9)

देवाश्च मुनयः सर्वे मामूचुस्तद्भयाकुलाः । तं भजस्व वरारोहे देवराजं स्मरातुरम्

devāśca munayaḥ sarve māmūcustadbhayākulāḥ | taṁ bhajasva varārohe devarājaṁ smarāturam

'और देवगण तथा समस्त मुनि, उसके भय से व्याकुल होकर मुझसे बोले — "हे वरारोहे! उस काम-पीड़ित देवराज को स्वीकार करो।"'

श्लोक 10 (devibhagavatam.6.9.10)

बृहस्पतिस्तु शत्रुघ्न वाडवो बलवर्जितः । कथं मां रक्षितुं शक्तो भवेद्देवानुगः सदा

bṛhaspatistu śatrughna vāḍavo balavarjitaḥ | kathaṁ māṁ rakṣituṁ śakto bhaveddevānugaḥ sadā

'हे शत्रुघ्न! शक्तिहीन बृहस्पति, जो सदा देवों के अधीन ही रहता है, भला मेरी रक्षा करने में कैसे समर्थ हो सकता है?'

श्लोक 11 (devibhagavatam.6.9.11)

तस्माच्चिन्तास्ति महती नार्यहं वशवर्तिनी । अनाथा किं करिष्यामि विपरीते विधौ विभो

tasmāccintāsti mahatī nāryahaṁ vaśavartinī | anāthā kiṁ kariṣyāmi viparīte vidhau vibho

'अतः मुझे अत्यंत चिंता है — मैं एक स्त्री हूँ, पराधीन। हे विभो! अनाथ होकर मैं क्या करूँ, जब भाग्य ही प्रतिकूल हो गया है?'

श्लोक 12 (devibhagavatam.6.9.12)

नार्यस्म्यहं न कुलटा त्वच्चित्तातिपतिव्रता । नास्ति मे शरणं तत्र यो मां रक्षति दुःखिताम्

nāryasmyahaṁ na kulaṭā tvaccittātipativratā | nāsti me śaraṇaṁ tatra yo māṁ rakṣati duḥkhitām

'मैं एक (सती) नारी हूँ, कुलटा नहीं, तुम्हारे प्रति चित्त से अत्यंत पतिव्रता; मुझे कहीं ऐसी शरण नहीं जो दुःखी मुझे संरक्षण दे।'

श्लोक 13 (devibhagavatam.6.9.13)

इन्द्र उवाच । उपायं प्रब्रवीम्यद्य तं कुरुष्व वरानने । शीलं ते दुःखिते काले परित्रातं भविष्यति

indra uvāca | upāyaṁ prabravīmyadya taṁ kuruṣva varānane | śīlaṁ te duḥkhite kāle paritrātaṁ bhaviṣyati

इन्द्र ने कहा — 'हे वरानने! मैं आज तुम्हें एक उपाय बताता हूँ, उसे अपनाओ। दुःख के इस समय में तुम्हारा शील ही तुम्हारी रक्षा करेगा।'

श्लोक 14 (devibhagavatam.6.9.14)

परेण रक्षिता नारी न भवेच्च पतिव्रता । उपायैः कोटिभिः कामभिन्नचित्तातिचञ्चला

pareṇa rakṣitā nārī na bhavecca pativratā | upāyaiḥ koṭibhiḥ kāmabhinnacittāticañcalā

'दूसरे द्वारा संरक्षित नारी पतिव्रता नहीं बनती; करोड़ों उपायों से भी काम से भिन्न-चित्त, अत्यंत चंचल स्त्री (सुरक्षित नहीं होती)।'

श्लोक 15 (devibhagavatam.6.9.15)

शीलमेव हि नारीणां सदा रक्षति पापतः । तस्मात्त्वं शीलमास्थाय स्थिरा भव शुचिस्मिते

śīlameva hi nārīṇāṁ sadā rakṣati pāpataḥ | tasmāttvaṁ śīlamāsthāya sthirā bhava śucismite

'स्त्रियों की रक्षा शील ही सदा पाप से करता है; अतः हे शुचिस्मिते! शील का आश्रय लेकर स्थिर बनी रहो।'

श्लोक 16 (devibhagavatam.6.9.16)

यदा त्वां नहुषो राजा बलादाकर्षयेत्खलः । तदा त्वं समयं कृत्वा गजं वञ्चय भूपतिम्

yadā tvāṁ nahuṣo rājā balādākarṣayetkhalaḥ | tadā tvaṁ samayaṁ kṛtvā gajaṁ vañcaya bhūpatim

'जब दुष्ट राजा नहुष तुम्हें बलपूर्वक अपनी ओर खींचे, तब शर्त रखकर उस भूपति को हाथी (के सामान्य वाहन) से हटाकर छल लो।'

श्लोक 17 (devibhagavatam.6.9.17)

एकान्ते तत्समीपे त्वं गत्वा वद मदालसे । ऋषियानेन दिव्येन मामुपैहि जगत्पते

ekānte tatsamīpe tvaṁ gatvā vada madālase | ṛṣiyānena divyena māmupaihi jagatpate

'एकांत में उसके समीप जाकर, हे मदालसे! कहो — "हे जगत्पते! ऋषियों द्वारा वहन किए गए दिव्य यान से मेरे पास आओ।"'

श्लोक 18 (devibhagavatam.6.9.18)

एवं तव वशे प्रीता भविष्यामीति मे ततम् । इति तं वद सुश्रोणि तदा तु परिमोहितः

evaṁ tava vaśe prītā bhaviṣyāmīti me tatam | iti taṁ vada suśroṇi tadā tu parimohitaḥ

'"इस प्रकार प्रसन्न होकर मैं तुम्हारे वश में हो जाऊँगी" — यह मेरा दृढ़ निश्चय है; हे सुश्रोणि! उससे यही कहो; तब वह पूर्णतः मोहित होकर —'

श्लोक 19 (devibhagavatam.6.9.19)

कामान्धः स मुनीन् याने योजयिष्यति पार्थिवः । अवश्यं तापसो भूपं शापदग्धं करिष्यति

kāmāndhaḥ sa munīn yāne yojayiṣyati pārthivaḥ | avaśyaṁ tāpaso bhūpaṁ śāpadagdhaṁ kariṣyati

'— वह कामान्ध राजा मुनियों को अपने यान में जोत लेगा; कोई तपस्वी निश्चय ही उस राजा को शाप से भस्म कर देगा।'

श्लोक 20 (devibhagavatam.6.9.20)

साहाय्यं जगदम्बा ते करिष्यति न संशयः । जगदम्बापदस्मर्तुः सङ्कटं न कदाचन

sāhāyyaṁ jagadambā te kariṣyati na saṁśayaḥ | jagadambāpadasmartuḥ saṅkaṭaṁ na kadācana

'जगदम्बा निःसंदेह तुम्हारी सहायता करेगी; जगदम्बा का स्मरण करने वाले पर संकट कभी नहीं टिकता।'

श्लोक 21 (devibhagavatam.6.9.21)

यदि जायेत तच्चापि ज्ञेयं तत्स्वस्तये किल । तस्मात्सर्वप्रयत्नेन मणिद्वीपाधिवासिनीम्

yadi jāyeta taccāpi jñeyaṁ tatsvastaye kila | tasmātsarvaprayatnena maṇidvīpādhivāsinīm

'और यदि कोई विपत्ति भी आए, तो जान लो कि वह भी तुम्हारे कल्याण के लिए ही है। अतः सम्पूर्ण प्रयत्न से मणिद्वीप-निवासिनी —'

श्लोक 22 (devibhagavatam.6.9.22)

भज त्वं भुवनेशानीं गुरुवाक्यानुसारतः । व्यास उवाच । इत्याख्याता शची तेन जगाम नहुषं प्रति

bhaja tvaṁ bhuvaneśānīṁ guruvākyānusārataḥ | vyāsa uvāca | ityākhyātā śacī tena jagāma nahuṣaṁ prati

'— उस भुवनेश्वरी को, गुरु के वचनानुसार भजो।' व्यास ने कहा — इस प्रकार उनके द्वारा बताए जाने पर शची नहुष के पास गई।

श्लोक 23 (devibhagavatam.6.9.23)

तथेत्युक्त्वातिविश्वस्ता भाविकार्ये कृतोद्यमा । नहुषस्तां समालोक्य मुदितो वाक्यमब्रवीत्

tathetyuktvātiviśvastā bhāvikārye kṛtodyamā | nahuṣastāṁ samālokya mudito vākyamabravīt

'ऐसा ही हो' कहकर, अत्यंत विश्वस्त होकर, आगामी कार्य के लिए उद्यत होकर वह गई; नहुष उसे देखकर प्रसन्नतापूर्वक बोला।

श्लोक 24 (devibhagavatam.6.9.24)

स्वागतं सत्यवचनैस्त्वदधीनोऽस्मि कामिनि । दासोऽहं तव सत्येन पालितं वचनं त्वया

svāgataṁ satyavacanaistvadadhīno'smi kāmini | dāso'haṁ tava satyena pālitaṁ vacanaṁ tvayā

नहुष ने कहा — 'हे कामिनी! स्वागत है, सत्यवचनों से मैं तुम्हारे अधीन हूँ; मैं तुम्हारा सत्य के कारण दास हूँ, तुमने अपना वचन निभाया।'

श्लोक 25 (devibhagavatam.6.9.25)

यदागता समीपे मे तुष्टोऽस्मि मितभाषिणि । न च व्रीडा त्वया कार्या भक्तं मां भज सुस्मिते

yadāgatā samīpe me tuṣṭo'smi mitabhāṣiṇi | na ca vrīḍā tvayā kāryā bhaktaṁ māṁ bhaja susmite

'हे मितभाषिणी! जब से तुम मेरे पास आई हो, मैं संतुष्ट हूँ; तुम्हें कोई लज्जा नहीं करनी चाहिए, हे सुस्मिते! मुझ भक्त को स्वीकार करो।'

श्लोक 26 (devibhagavatam.6.9.26)

कार्यं वद विशालाक्षि करिष्यामि तव प्रियम् । शच्युवाच । सर्वं कृतं त्वया कार्यं मम कृत्रिमवासव

kāryaṁ vada viśālākṣi kariṣyāmi tava priyam | śacyuvāca | sarvaṁ kṛtaṁ tvayā kāryaṁ mama kṛtrimavāsava

'हे विशालाक्षि! अपनी इच्छा कहो, मैं तुम्हारा प्रिय कार्य करूँगा।' शची ने कहा — 'हे कृत्रिम वासव! आपने मेरा सारा कार्य कर दिया है।'

श्लोक 27 (devibhagavatam.6.9.27)

मनोरथोऽस्ति मे देव शृणु चित्तेऽधुना विभो । वाञ्छितं कुरु कल्याण त्वद्वशाहमतः परम्

manoratho'sti me deva śṛṇu citte'dhunā vibho | vāñchitaṁ kuru kalyāṇa tvadvaśāhamataḥ param

'हे देव! मेरे मन में एक इच्छा है, हे विभो! अब सुनिए। हे कल्याण! मेरी अभीष्ट पूर्ण कीजिए, तत्पश्चात् मैं आपके वश में हो जाऊँगी।'

श्लोक 28 (devibhagavatam.6.9.28)

ब्रवीमि मानसोत्साहं त्वं तं कर्तुमिहार्हसि । नहुष उवाच । कार्यं त्वं ब्रूहि चन्द्रास्ये करोमि तव वाञ्छितम्

bravīmi mānasotsāhaṁ tvaṁ taṁ kartumihārhasi | nahuṣa uvāca | kāryaṁ tvaṁ brūhi candrāsye karomi tava vāñchitam

'मैं अपने मन का उत्साह बताती हूँ, आपको इसे यहाँ पूर्ण करना चाहिए।' नहुष ने कहा — 'हे चन्द्रास्ये! अपना कार्य बताओ, मैं तुम्हारी अभीष्ट पूर्ण करूँगा।'

श्लोक 29 (devibhagavatam.6.9.29)

अलभ्यमपि दास्यामि तुभ्यं सुभ्रु वदस्व माम् । शच्युवाच । कथं ब्रवीमि राजेन्द्र प्रत्ययो नास्ति मे तव

alabhyamapi dāsyāmi tubhyaṁ subhru vadasva mām | śacyuvāca | kathaṁ bravīmi rājendra pratyayo nāsti me tava

'हे सुभ्रु! जो अलभ्य भी हो, वह भी मैं तुम्हें दूँगा, मुझसे कहो।' शची ने कहा — 'हे राजेन्द्र! मैं कैसे कहूँ? मुझे आप पर विश्वास नहीं है।'

श्लोक 30 (devibhagavatam.6.9.30)

शपथं कुरु राजेन्द्र यत्करोमि प्रियं तव । राजानः सत्यवचसो दुर्लभा एव भूतले

śapathaṁ kuru rājendra yatkaromi priyaṁ tava | rājānaḥ satyavacaso durlabhā eva bhūtale

'हे राजेन्द्र! शपथ लीजिए कि आप मेरा प्रिय करेंगे; सत्यवादी राजा तो पृथ्वीतल पर दुर्लभ ही हैं।'

श्लोक 31 (devibhagavatam.6.9.31)

पश्चाद्ब्रवीम्यहं राजन् ज्ञात्वा सत्येन यन्त्रितम् । कृते चेद्वाञ्छिते भूप सदा ते वशवर्तिनी

paścādbravīmyahaṁ rājan jñātvā satyena yantritam | kṛte cedvāñchite bhūpa sadā te vaśavartinī

'हे राजन्! सत्य से बँधा हुआ जानकर ही मैं बाद में कहूँगी। हे भूप! यदि मेरी इच्छा पूर्ण हो जाए, तो मैं सदा आपके वश में रहूँगी।'

श्लोक 32 (devibhagavatam.6.9.32)

भविष्यामि तुराषाड् वै सत्यमेतद्वचो मम । नहुष उवाच । अवश्यमेव कर्तव्यं वचनं तव सुन्दरि

bhaviṣyāmi turāṣāḍ vai satyametadvaco mama | nahuṣa uvāca | avaśyameva kartavyaṁ vacanaṁ tava sundari

'हे तुराषाट्! यह मेरा वचन सत्य है।' नहुष ने कहा — 'हे सुंदरी! तुम्हारा वचन अवश्य ही पूर्ण किया जाएगा।'

श्लोक 33 (devibhagavatam.6.9.33)

शपामि सुकृतेनाहं यज्ञदानकृतेन वै । शच्युवाच । इन्द्रस्य हरयो वाहा गजश्चैव रथस्तथा

śapāmi sukṛtenāhaṁ yajñadānakṛtena vai | śacyuvāca | indrasya harayo vāhā gajaścaiva rathastathā

'मैं यज्ञ और दान से अर्जित पुण्य की शपथ लेता हूँ।' शची ने कहा — 'इन्द्र के वाहन हरि (अश्व) हैं, तथा गज और रथ भी —'

श्लोक 34 (devibhagavatam.6.9.34)

गरुडो वासुदेवस्य यमस्य महिषस्तथा । वृषभः शङ्करस्यापि ब्रह्मणो वरटापतिः

garuḍo vāsudevasya yamasya mahiṣastathā | vṛṣabhaḥ śaṅkarasyāpi brahmaṇo varaṭāpatiḥ

'— वासुदेव का गरुड़ है, यम का महिष है; शंकर का वृषभ है, और ब्रह्मा का हंसों का स्वामी (हंस) है —'

श्लोक 35 (devibhagavatam.6.9.35)

मयूरः कार्तिकेयस्य गजास्यस्य तु मूषकः । इच्छाम्यहमपूर्वं वै वाहनं ते सुराधिप

mayūraḥ kārtikeyasya gajāsyasya tu mūṣakaḥ | icchāmyahamapūrvaṁ vai vāhanaṁ te surādhipa

'— कार्तिकेय का मयूर है, और गजमुख (गणेश) का मूषक है। हे सुराधिप! मैं आपके लिए एक अपूर्व वाहन चाहती हूँ।'

श्लोक 36 (devibhagavatam.6.9.36)

यन्न विष्णोर्न रुद्रस्य नासुराणां न रक्षसाम् । वहन्तु त्वां महाराज मुनयः संशितव्रताः

yanna viṣṇorna rudrasya nāsurāṇāṁ na rakṣasām | vahantu tvāṁ mahārāja munayaḥ saṁśitavratāḥ

'— जो न विष्णु का हो, न रुद्र का, न असुरों का, न राक्षसों का। हे महाराज! कठोर व्रतधारी मुनिगण आपको वहन करें।'

श्लोक 37 (devibhagavatam.6.9.37)

सर्वे शिबिकया राजन्नेतद्धि मम वाञ्छितम् । सर्वदेवाधिकं त्वां वै जानामि वसुधाधिप

sarve śibikayā rājannetaddhi mama vāñchitam | sarvadevādhikaṁ tvāṁ vai jānāmi vasudhādhipa

'हे राजन्! सभी शिविका द्वारा वहन करें — यही मेरी इच्छा है; हे वसुधाधिप! मैं आपको समस्त देवताओं से श्रेष्ठ जानती हूँ।'

श्लोक 38 (devibhagavatam.6.9.38)

तेन ते तेजसो वृद्धिं वाञ्छाम्यहमतन्द्रिता । व्यास उवाच । तस्यास्तद्वचनं श्रुत्वा प्रहस्य ज्ञानदुर्बलः

tena te tejaso vṛddhiṁ vāñchāmyahamatandritā | vyāsa uvāca | tasyāstadvacanaṁ śrutvā prahasya jñānadurbalaḥ

'इसी कारण मैं अथक भाव से आपके तेज की वृद्धि चाहती हूँ।' व्यास ने कहा — उसके इस वचन को सुनकर, ज्ञान में दुर्बल वह हँसकर —

श्लोक 39 (devibhagavatam.6.9.39)

मोहितस्तु महादेव्या कृतमोहेन तत्क्षणम् । उवाच वचनं भूपः संस्तुवन्वासवप्रियाम्

mohitastu mahādevyā kṛtamohena tatkṣaṇam | uvāca vacanaṁ bhūpaḥ saṁstuvanvāsavapriyām

— महादेवी द्वारा उत्पन्न मोह से उसी क्षण मोहित होकर, वह राजा वासवप्रिया की प्रशंसा करते हुए बोला।

श्लोक 40 (devibhagavatam.6.9.40)

नहुष उवाच । सत्यमुक्तं त्वया तन्वि वाहनं रुचिरं मम । करिष्यामि सुकेशान्ते वचनं तव सर्वथा

nahuṣa uvāca | satyamuktaṁ tvayā tanvi vāhanaṁ ruciraṁ mama | kariṣyāmi sukeśānte vacanaṁ tava sarvathā

नहुष ने कहा — 'हे तन्वि! तुमने सत्य कहा, मेरे लिए यह वाहन अत्यंत रुचिकर है। हे सुकेशान्ते! मैं तुम्हारा वचन सर्वथा पूर्ण करूँगा।'

श्लोक 41 (devibhagavatam.6.9.41)

न ह्यल्पवीर्यो भवति यो वाहान्कुरुते मुनीन् । अहमारुह्य यानेन त्वामेष्यामि शुचिस्मिते

na hyalpavīryo bhavati yo vāhānkurute munīn | ahamāruhya yānena tvāmeṣyāmi śucismite

'जो मुनियों को ही वाहन बना ले, वह अल्पवीर्य नहीं हो सकता; हे शुचिस्मिते! उसी यान पर चढ़कर मैं तुम्हारे पास आऊँगा।'

श्लोक 42 (devibhagavatam.6.9.42)

सप्तर्षयो मां वक्ष्यन्ति सर्वे देवर्षयस्तथा । समर्थं त्रिषु लोकेषु ज्ञात्वा मां तपसाधिकम्

saptarṣayo māṁ vakṣyanti sarve devarṣayastathā | samarthaṁ triṣu lokeṣu jñātvā māṁ tapasādhikam

'सप्तर्षि और समस्त देवर्षि मुझे वहन करेंगे, मुझे त्रिलोक में समर्थ और तप में अधिक जानकर।'

श्लोक 43 (devibhagavatam.6.9.43)

व्यास उवाच । इत्युक्त्वा तां सुसन्तुष्टो विससर्ज हरिप्रियाम् । मुनीनाहूय सर्वास्तानित्युवाच स्मरान्वितः

vyāsa uvāca | ityuktvā tāṁ susantuṣṭo visasarja haripriyām | munīnāhūya sarvāstānityuvāca smarānvitaḥ

व्यास ने कहा — ऐसा कहकर, अत्यंत संतुष्ट होकर, उसने हरिप्रिया (शची) को जाने दिया; और समस्त मुनियों को बुलाकर, कामासक्त होकर वह बोला।

श्लोक 44 (devibhagavatam.6.9.44)

नहुष उवाच । अहमिन्द्रोऽद्य भो विप्राः सर्वशक्तिसमन्वितः । कार्यमत्र प्रकुर्वन्तु भवन्तो विगतस्मयाः

nahuṣa uvāca | ahamindro'dya bho viprāḥ sarvaśaktisamanvitaḥ | kāryamatra prakurvantu bhavanto vigatasmayāḥ

नहुष ने कहा — 'हे विप्रो! मैं आज इन्द्र हूँ, सर्वशक्तिसम्पन्न; आप सब अपना अहंकार त्यागकर यहाँ यह कार्य सम्पन्न करें।'

श्लोक 45 (devibhagavatam.6.9.45)

इन्द्रासनं मया प्राप्तं नेन्द्राणी मामुपैति च । आकारिता च मां सूते प्रेमपूर्वमिदं वचः

indrāsanaṁ mayā prāptaṁ nendrāṇī māmupaiti ca | ākāritā ca māṁ sūte premapūrvamidaṁ vacaḥ

'मैंने इन्द्र का आसन प्राप्त किया, फिर भी इन्द्राणी मेरे पास नहीं आई; बुलाए जाने पर उसने मुझसे प्रेमपूर्वक यह वचन कहा —'

श्लोक 46 (devibhagavatam.6.9.46)

मुनियानेन देवेन्द्र मामुपैहि सुराधिप । देवदेव महाराज मत्प्रियं कुरु मानद

muniyānena devendra māmupaihi surādhipa | devadeva mahārāja matpriyaṁ kuru mānada

'"हे देवेन्द्र! मुनि-यान द्वारा मेरे पास आओ, हे सुराधिप! हे देवदेव! हे महाराज! हे मानद! मेरा प्रिय करो।"'

श्लोक 47 (devibhagavatam.6.9.47)

एतत्कार्यं मुनिश्रेष्ठा ममात्यन्तं दुरासदम् । भवद्भिस्तु प्रकर्तव्यं सर्वथैव दयालुभिः

etatkāryaṁ muniśreṣṭhā mamātyantaṁ durāsadam | bhavadbhistu prakartavyaṁ sarvathaiva dayālubhiḥ

'हे मुनिश्रेष्ठो! यह कार्य मेरे लिए अत्यंत दुःसाध्य है; आप दयालुओं को ही सर्वथा इसे सम्पन्न करना चाहिए।'

श्लोक 48 (devibhagavatam.6.9.48)

मनो दहति मे कामः शक्रपत्न्यां प्रवर्तितम् । भवन्तः शरणं मेऽद्य कुरुध्वं कार्यमद्भुतम्

mano dahati me kāmaḥ śakrapatnyāṁ pravartitam | bhavantaḥ śaraṇaṁ me'dya kurudhvaṁ kāryamadbhutam

'शक्रपत्नी में लगी हुई काम-वासना मेरे मन को जला रही है; आप ही आज मेरी शरण हैं, यह अद्भुत कार्य सम्पन्न कीजिए।'

श्लोक 49 (devibhagavatam.6.9.49)

अगस्तिप्रमुखास्तस्य श्रुत्वा वाक्यमसत्करम् । अङ्गीचक्रुश्च भावित्वात्कृपया परमर्षयः

agastipramukhāstasya śrutvā vākyamasatkaram | aṅgīcakruśca bhāvitvātkṛpayā paramarṣayaḥ

अगस्ति आदि प्रमुख महर्षियों ने उसका अशिष्ट वचन सुनकर, दैवयोग को जानते हुए, दया से यह स्वीकार कर लिया।

श्लोक 50 (devibhagavatam.6.9.50)

अङ्गीकृतेऽथ तद्वाक्ये मुनिभिस्तत्त्वदर्शिभिः । मुदं प्राप नृपः कामं पौलोमीकृतमानसः

aṅgīkṛte'tha tadvākye munibhistattvadarśibhiḥ | mudaṁ prāpa nṛpaḥ kāmaṁ paulomīkṛtamānasaḥ

तत्त्वदर्शी मुनियों द्वारा उसका वचन स्वीकार किए जाने पर, पौलोमी में मन लगाए हुए वह राजा काम से हर्षित हो उठा।

श्लोक 51 (devibhagavatam.6.9.51)

आरुह्य शिबिकां रम्यां संस्थितस्त्वरयान्वितः । वाहात्कृत्वा मुनीन्दिव्यान्सर्प सर्पेति चाब्रवीत्

āruhya śibikāṁ ramyāṁ saṁsthitastvarayānvitaḥ | vāhātkṛtvā munīndivyānsarpa sarpeti cābravīt

सुंदर शिविका पर आरूढ़ होकर, शीघ्रता से बैठकर, दिव्य मुनियों को अपना वाहन बनाकर वह 'सर्प! सर्प!' (शीघ्र चलो! शीघ्र चलो!) कहने लगा।

श्लोक 52 (devibhagavatam.6.9.52)

कामार्तः सोऽस्मृशन्मूढः पादेन मुनिमस्तकम् । अगस्तिं तापसश्रेष्ठं लोपामुद्रापतिं तदा

kāmārtaḥ so'smṛśanmūḍhaḥ pādena munimastakam | agastiṁ tāpasaśreṣṭhaṁ lopāmudrāpatiṁ tadā

काम-पीड़ित वह मूर्ख अपने पैर से मुनि के सिर का स्पर्श कर बैठा — तपस्वियों में श्रेष्ठ, लोपामुद्रा-पति अगस्ति के —

श्लोक 53 (devibhagavatam.6.9.53)

वातापिभक्षकर्तारं समुद्रस्यापि शोषकम् । कशया ताडयामास पञ्चबाणशराहतः

vātāpibhakṣakartāraṁ samudrasyāpi śoṣakam | kaśayā tāḍayāmāsa pañcabāṇaśarāhataḥ

— वातापि को खा जाने वाले, समुद्र को भी सुखा देने वाले उस अगस्ति को; काम के बाणों से आहत होकर उसने कोड़े से प्रहार किया।

श्लोक 54 (devibhagavatam.6.9.54)

इन्द्राणीहृतचित्तोऽसौ सर्पेति प्रब्रुवन्मुनिम् । तं शशाप मुनिः क्रुद्धः कशाघातमनुस्मरन्

indrāṇīhṛtacitto'sau sarpeti prabruvanmunim | taṁ śaśāpa muniḥ kruddhaḥ kaśāghātamanusmaran

इन्द्राणी में चित्त हरा गया वह, मुनि को 'सर्प! सर्प!' कहते हुए; क्रोधित मुनि ने कोड़े के प्रहार का स्मरण कर उसे शाप दे दिया।

श्लोक 55 (devibhagavatam.6.9.55)

सर्पो भव दुराचार वने घोरवपुर्महान् । बहुवर्षसहस्राणि यत्र क्लेशो महान्भवेत्

sarpo bhava durācāra vane ghoravapurmahān | bahuvarṣasahasrāṇi yatra kleśo mahānbhavet

'हे दुराचारी! वन में एक भीषण, विशाल सर्प बन जाओ, जहाँ अनेक सहस्र वर्षों तक तुम्हें महान् क्लेश होगा।'

श्लोक 56 (devibhagavatam.6.9.56)

विचरिष्यसि वीर्येण पुनः स्वर्गमवाप्स्यसि । दृष्ट्वा युधिष्ठिरं नाम तव मोक्षो भविष्यति

vicariṣyasi vīryeṇa punaḥ svargamavāpsyasi | dṛṣṭvā yudhiṣṭhiraṁ nāma tava mokṣo bhaviṣyati

'तुम अपने पराक्रम से वहाँ विचरण करोगे; तत्पश्चात् तुम पुनः स्वर्ग प्राप्त करोगे। युधिष्ठिर नामक व्यक्ति को देखने पर तुम्हारा मोक्ष होगा।'

श्लोक 57 (devibhagavatam.6.9.57)

प्रश्नानामुत्तरं श्रुत्वा धर्मपुत्रमुखात्ततः । व्यास उवाच । एवं शप्तः स राजर्षिः स्तुत्वा तं मुनिसत्तमम्

praśnānāmuttaraṁ śrutvā dharmaputramukhāttataḥ | vyāsa uvāca | evaṁ śaptaḥ sa rājarṣiḥ stutvā taṁ munisattamam

'— धर्मपुत्र के मुख से अपने प्रश्नों के उत्तर सुनकर।' व्यास ने कहा — इस प्रकार शापित होकर वह राजर्षि उस मुनिश्रेष्ठ की स्तुति करके —

श्लोक 58 (devibhagavatam.6.9.58)

स्वर्गात्पपात सहसा सर्परूपधरोऽभवत् । बृहस्पतिस्ततो गत्वा तरसा मानसं प्रति

svargātpapāta sahasā sarparūpadharo'bhavat | bṛhaspatistato gatvā tarasā mānasaṁ prati

— स्वर्ग से अकस्मात् गिर पड़ा और सर्परूप को प्राप्त हो गया। तब बृहस्पति शीघ्र मानसरोवर की ओर जाकर —

श्लोक 59 (devibhagavatam.6.9.59)

इन्द्राय सर्ववृत्तान्तं कथयामास विस्तरात् । तच्छ्रुत्वा मघवा राज्ञः स्वर्गात्प्रच्यवनादिकम्

indrāya sarvavṛttāntaṁ kathayāmāsa vistarāt | tacchrutvā maghavā rājñaḥ svargātpracyavanādikam

— और इन्द्र को सम्पूर्ण वृत्तान्त विस्तार से सुनाया। राजा के स्वर्ग से पतन आदि की बात सुनकर मघवान् —

श्लोक 60 (devibhagavatam.6.9.60)

मुदितोऽभून्महाराज स्थितस्तत्रैव वासवः । देवाश्च मुनयो दृष्ट्वा नहुषं पतितं भुवि

mudito'bhūnmahārāja sthitastatraiva vāsavaḥ | devāśca munayo dṛṣṭvā nahuṣaṁ patitaṁ bhuvi

— प्रसन्न हुआ, हे महाराज! और वहीं स्थित रहा; तथा नहुष को भूमि पर गिरा हुआ देखकर देवगण और मुनिगण —

श्लोक 61 (devibhagavatam.6.9.61)

जग्मुः सर्वेऽपि तत्रैव यत्रेन्द्रः सरसि स्थितः । तमाश्वास्य सुराः सर्वे मुनिभिः सहितास्तदा

jagmuḥ sarve'pi tatraiva yatrendraḥ sarasi sthitaḥ | tamāśvāsya surāḥ sarve munibhiḥ sahitāstadā

— सभी वहीं गए, जहाँ इन्द्र सरोवर में स्थित थे; तब समस्त देवगण मुनियों सहित उन्हें सांत्वना देकर —

श्लोक 62 (devibhagavatam.6.9.62)

स्वर्गे समानयामासुर्मानपूर्वं शचीपतिम् । समागतं ततः शक्रं सर्वे ते मुनयः सुराः

svarge samānayāmāsurmānapūrvaṁ śacīpatim | samāgataṁ tataḥ śakraṁ sarve te munayaḥ surāḥ

— तथा शचीपति को सम्मानपूर्वक स्वर्ग में ले आए। तब शक्र के लौट आने पर वे समस्त मुनि और देवगण —

श्लोक 63 (devibhagavatam.6.9.63)

स्थापयित्वाऽऽसने पश्चादभिषेकं दधुः शिवम् । इन्द्रोऽपि स्वासनं प्राप्य शच्या सह सुरालये

sthāpayitvā''sane paścādabhiṣekaṁ dadhuḥ śivam | indro'pi svāsanaṁ prāpya śacyā saha surālaye

— उन्हें आसन पर स्थापित कर तत्पश्चात् मंगलमय अभिषेक किया। इन्द्र भी अपना आसन प्राप्त कर, शची सहित देवलोक में —

श्लोक 64 (devibhagavatam.6.9.64)

चिक्रीड नन्दने रम्ये कानने प्रेमयुक्तया । व्यास उवाच । एवमिन्द्रेण सम्प्राप्तं दुःखं परमदारुणम्

cikrīḍa nandane ramye kānane premayuktayā | vyāsa uvāca | evamindreṇa samprāptaṁ duḥkhaṁ paramadāruṇam

— नन्दनवन के रम्य कानन में प्रेमयुक्त होकर क्रीड़ा करने लगे। व्यास ने कहा — इस प्रकार इन्द्र को अत्यंत भीषण दुःख प्राप्त हुआ —

श्लोक 65 (devibhagavatam.6.9.65)

हत्वासुरं कामरूपं विश्वरूपं महामुनिम् । पुनर्देव्याः प्रसादेन स्वस्थानं प्राप्तवान्नृप

hatvāsuraṁ kāmarūpaṁ viśvarūpaṁ mahāmunim | punardevyāḥ prasādena svasthānaṁ prāptavānnṛpa

— काम-रूप-धारी असुर, महामुनि विश्वरूप के वध से; परन्तु हे राजन्! देवी की कृपा से वह पुनः अपने स्थान को प्राप्त हुआ।

श्लोक 66 (devibhagavatam.6.9.66)

एतत्ते सर्वमाख्यातं वृत्रासुरवधाश्रयम् । यत्पृष्टोऽहं त्वया राजन् कथानकमनुत्तमम्

etatte sarvamākhyātaṁ vṛtrāsuravadhāśrayam | yatpṛṣṭo'haṁ tvayā rājan kathānakamanuttamam

'हे राजन्! यह सब वृत्रासुर-वध से संबंधित वृत्तान्त, जो आपने मुझसे पूछा था, वह यह अनुपम कथानक आपको सुना दिया गया।'

श्लोक 67 (devibhagavatam.6.9.67)

यादृशं कुरुते कर्म तादृशं फलमाप्नुयात् । अवश्यमेव भोक्तव्यं कृतं कर्म शुभाशुभम्

yādṛśaṁ kurute karma tādṛśaṁ phalamāpnuyāt | avaśyameva bhoktavyaṁ kṛtaṁ karma śubhāśubham

'जैसा कर्म मनुष्य करता है, वैसा ही फल उसे प्राप्त होता है; किए हुए कर्म का फल, शुभ हो या अशुभ, अवश्य ही भोगना पड़ता है।'