सत्यव्रत को राजनीति का उपदेश

श्लोक 1 (devibhagavatam.7.11.1)

जनमेजय उवाच । वसिष्ठेन च शप्तोऽसौ त्रिशङ्कुर्नृपतेः सुतः । कथं शापाद्विनिर्मुक्तस्तन्मे ब्रूहि महामते

janamejaya uvāca vasiṣṭhena ca śapto'sau triśaṅkurnṛpateḥ sutaḥ kathaṁ śāpādvinirmuktastanme brūhi mahāmate

जनमेजय ने कहा — वसिष्ठ द्वारा शापित राजा-पुत्र त्रिशंकु शाप से कैसे मुक्त हुए? हे महामते! मुझे यह बताइए।

श्लोक 2 (devibhagavatam.7.11.2)

व्यास उवाच । सत्यव्रतस्तथा शप्तः पिशाचत्वमवाप्तवान् । तस्मिन्नेवाश्रमे तस्थौ देवीभक्तिपरायणः

vyāsa uvāca satyavratastathā śaptaḥ piśācatvamavāptavān tasminnevāśrame tasthau devībhaktiparāyaṇaḥ

व्यास जी ने कहा — इस प्रकार शापित होकर सत्यव्रत पिशाचत्व को प्राप्त हुए; वे उसी आश्रम में देवी-भक्ति में तत्पर होकर रहे।

श्लोक 3 (devibhagavatam.7.11.3)

कदाचिन्नृपतिस्तत्र जप्त्वा मन्त्रं नवाक्षरम् । होमार्थं ब्राह्मणान्गत्वा प्रणम्योवाच भक्तितः

kadācinnṛpatistatra japtvā mantraṁ navākṣaram homārthaṁ brāhmaṇāngatvā praṇamyovāca bhaktitaḥ

एक बार उस राजा ने वहाँ नवाक्षर मंत्र का जप करके होम हेतु ब्राह्मणों के पास जाकर प्रणाम करते हुए भक्तिपूर्वक कहा।

श्लोक 4 (devibhagavatam.7.11.4)

भूमिदेवाः शृणुध्वं वै वचनं प्रणतस्य मे । ऋत्विजो मम सर्वेऽत्र भवन्तः प्रभवन्तु ह

bhūmidevāḥ śṛṇudhvaṁ vai vacanaṁ praṇatasya me ṛtvijo mama sarve'tra bhavantaḥ prabhavantu ha

"हे भूमिदेवो! मुझ प्रणत के वचन सुनिए। आप सभी यहाँ मेरे ऋत्विज बनने में समर्थ हों।

श्लोक 5 (devibhagavatam.7.11.5)

जपस्य च दशांशेन होमः कार्यो विधानतः । भवद्भिः कार्यसिद्ध्यर्थं वेदविद्भिः कृपापरैः

japasya ca daśāṁśena homaḥ kāryo vidhānataḥ bhavadbhiḥ kāryasiddhyarthaṁ vedavidbhiḥ kṛpāparaiḥ

जप के दशांश से विधिपूर्वक होम किया जाना चाहिए, वेदज्ञ, कृपापरायण आप लोगों द्वारा — कार्य-सिद्धि के लिए।

श्लोक 6 (devibhagavatam.7.11.6)

सत्यव्रतोऽहं नृपतेः पुत्रो ब्रह्मविदांवराः । कार्यं मम विधातव्यं सर्वथा सुखहेतवे

satyavrato'haṁ nṛpateḥ putro brahmavidāṁvarāḥ kāryaṁ mama vidhātavyaṁ sarvathā sukhahetave

हे ब्रह्मवेत्ताओं में श्रेष्ठ! मैं राजा का पुत्र सत्यव्रत हूँ। मेरे सुख के लिए यह कार्य सर्वथा सम्पन्न किया जाना चाहिए।"

श्लोक 7 (devibhagavatam.7.11.7)

तच्छ्रुत्वा ब्राह्मणास्तत्र तमूचुर्नृपतेः सुतम् । शप्तस्त्वं गुरुणा प्राप्तं पिशाचत्वं त्वयाधुना

tacchrutvā brāhmaṇāstatra tamūcurnṛpateḥ sutam śaptastvaṁ guruṇā prāptaṁ piśācatvaṁ tvayādhunā

यह सुनकर वहाँ ब्राह्मणों ने राजा के पुत्र से कहा — "तुम अपने गुरु द्वारा शापित हुए हो, और अभी पिशाचत्व को प्राप्त हो।

श्लोक 8 (devibhagavatam.7.11.8)

न यागार्होऽसि तस्मात्त्वं वेदेष्वनधिकारतः । पिशाचत्वमनुप्राप्तं सर्वलोकेषु गर्हितम्

na yāgārho'si tasmāttvaṁ vedeṣvanadhikārataḥ piśācatvamanuprāptaṁ sarvalokeṣu garhitam

इसलिए तुम यज्ञ के अधिकारी नहीं हो, वेदों में अनधिकारी हो। पिशाचत्व प्राप्त होना समस्त लोकों में निंदनीय है।"

श्लोक 9 (devibhagavatam.7.11.9)

व्यास उवाच । तन्निशम्य वचस्तेषां राजा दुःखमवाप ह । धिग्जीवितमिदं मेऽद्य किं करोमि वने स्थितः

vyāsa uvāca tanniśamya vacasteṣāṁ rājā duḥkhamavāpa ha dhigjīvitamidaṁ me'dya kiṁ karomi vane sthitaḥ

व्यास जी ने कहा — उनका यह वचन सुनकर राजा को दुःख हुआ — "धिक्कार है आज मेरे इस जीवन को! वन में रहकर मैं क्या करूँ?

श्लोक 10 (devibhagavatam.7.11.10)

पित्रा चाहं परित्यक्तः शप्तश्च गुरुणा भृशम् । राज्याद्भ्रष्टः पिशाचत्वमनुप्राप्तः करोमि किम्

pitrā cāhaṁ parityaktaḥ śaptaśca guruṇā bhṛśam rājyādbhraṣṭaḥ piśācatvamanuprāptaḥ karomi kim

पिता ने मुझे त्याग दिया, गुरु ने भी अत्यंत शाप दिया। राज्य से भ्रष्ट होकर, पिशाचत्व को प्राप्त होकर, मैं क्या करूँ?"

श्लोक 11 (devibhagavatam.7.11.11)

तदा पृथुतरां कृत्वा चितां काष्ठैर्नृपात्मजः । सस्मार चण्डिकां देवीं प्रवेशमनुचिन्तयन्

tadā pṛthutarāṁ kṛtvā citāṁ kāṣṭhairnṛpātmajaḥ sasmāra caṇḍikāṁ devīṁ praveśamanucintayan

तब उस राजपुत्र ने लकड़ियों से एक बड़ी चिता बनाकर, अग्नि में प्रवेश का विचार करते हुए चण्डिका देवी का स्मरण किया।

श्लोक 12 (devibhagavatam.7.11.12)

स्मृता देवीं महामायां चितां प्रज्वलितां पुरः । कृत्वा स्नात्वा प्रवेशार्थं स्थितः प्राञ्जलिरग्रतः

smṛtā devīṁ mahāmāyāṁ citāṁ prajvalitāṁ puraḥ kṛtvā snātvā praveśārthaṁ sthitaḥ prāñjaliragrataḥ

महामाया देवी का स्मरण करके, सामने जलती हुई चिता बनाकर, स्नान करके, प्रवेश के लिए हाथ जोड़े हुए वे खड़े हो गए।

श्लोक 13 (devibhagavatam.7.11.13)

ज्ञात्वा भगवती तं तु मर्तुकामं महीपतिम् । आजगाम तदाऽऽकाशं प्रत्यक्षं तस्य चाग्रतः

jñātvā bhagavatī taṁ tu martukāmaṁ mahīpatim ājagāma tadā''kāśaṁ pratyakṣaṁ tasya cāgrataḥ

मरने की इच्छा रखने वाले उस राजा को जानकर भगवती देवी उसी क्षण आकाश में उसके सामने प्रत्यक्ष प्रकट हुईं।

श्लोक 14 (devibhagavatam.7.11.14)

दत्त्वाथ दर्शनं देवी तमुवाच नृपात्मजम् । सिंहारूढा महाराज मेघगम्भीरया गिरा

dattvātha darśanaṁ devī tamuvāca nṛpātmajam siṁhārūḍhā mahārāja meghagambhīrayā girā

हे महाराज! सिंह पर आरूढ़ देवी ने दर्शन देकर मेघ-गम्भीर वाणी में उस राजपुत्र से यह कहा।

श्लोक 15 (devibhagavatam.7.11.15)

देव्युवाच - किं ते व्यवसितं साधो हुताशे मा तनुं त्यज । स्थिरो भव महाभाग पिता ते जरसान्वितः

devyuvāca - kiṁ te vyavasitaṁ sādho hutāśe mā tanuṁ tyaja sthiro bhava mahābhāga pitā te jarasānvitaḥ

देवी ने कहा — "हे साधो! तूने क्या ठान लिया है? अग्नि में शरीर मत त्याग। हे महाभाग! स्थिर रह — तेरा पिता वृद्धावस्था से युक्त हो गया है।

श्लोक 16 (devibhagavatam.7.11.16)

राज्यं दत्त्वा वने तुभ्यं गन्तास्ति तपसे किल । विषादं त्यज हे वीर परश्वोऽहनि भूपते

rājyaṁ dattvā vane tubhyaṁ gantāsti tapase kila viṣādaṁ tyaja he vīra paraśvo'hani bhūpate

वह राज्य तुझे देकर तपस्या के लिए वन में जाएगा। हे वीर! विषाद त्याग दे — परसों ही, हे भूपते —

श्लोक 17 (devibhagavatam.7.11.17)

नेतुं त्वामागमिष्यन्ति सचिवाश्व पितुस्तव । मत्प्रसादात्पिता च त्वामभिषिच्य नृपासने

netuṁ tvāmāgamiṣyanti sacivāśva pitustava matprasādātpitā ca tvāmabhiṣicya nṛpāsane

— तुझे लाने के लिए तेरे पिता के मंत्री आएँगे। मेरी कृपा से तेरा पिता तुझे राज-सिंहासन पर अभिषिक्त करके —

श्लोक 18 (devibhagavatam.7.11.18)

जित्वा कामं ब्रह्मलोकं गमिष्येत्येष निश्चयः । व्यास उवाच । इत्युक्त्वा तं तदा देवी तत्रैवान्तरधीयत

jitvā kāmaṁ brahmalokaṁ gamiṣyetyeṣa niścayaḥ vyāsa uvāca ityuktvā taṁ tadā devī tatraivāntaradhīyata

— काम को जीतकर ब्रह्मलोक जाएगा — यह निश्चित है।" व्यास जी ने कहा — ऐसा कहकर देवी वहीं अंतर्धान हो गईं।

श्लोक 19 (devibhagavatam.7.11.19)

राजपुत्रो विरमितो मरणात्पावकात्ततः । अयोध्यायां तदाऽऽगत्य नारदेन महात्मना

rājaputro viramito maraṇātpāvakāttataḥ ayodhyāyāṁ tadā''gatya nāradena mahātmanā

राजपुत्र को इस प्रकार अग्नि में मरने से रोक दिया गया। फिर वे महात्मा नारद अयोध्या में जाकर —

श्लोक 20 (devibhagavatam.7.11.20)

वृत्तान्तः कथितः सर्वो राज्ञे सत्वरमादितः । श्रुत्वा राजाथ पुत्रस्य तं तथा मरणोद्यमम्

vṛttāntaḥ kathitaḥ sarvo rājñe satvaramāditaḥ śrutvā rājātha putrasya taṁ tathā maraṇodyamam

— राजा को यह सारा वृत्तान्त आदि से लेकर तुरन्त बता दिया। पुत्र के इस मृत्यु-प्रयास को सुनकर राजा —

श्लोक 21 (devibhagavatam.7.11.21)

खेदमाधाय मनसि शुशोच बहुधा नृपः । सचिवानाह धर्मात्मा पुत्रशोकपरिप्लुतः

khedamādhāya manasi śuśoca bahudhā nṛpaḥ sacivānāha dharmātmā putraśokapariplutaḥ

— मन में खेद धारण करके अनेक प्रकार से शोक करने लगे; पुत्र-शोक से व्याकुल उस धर्मात्मा ने मंत्रियों से कहा।

श्लोक 22 (devibhagavatam.7.11.22)

ज्ञातं भवद्भिरत्युग्रं पुत्रस्य मम चेष्टितम् । त्यक्तो मया वने धीमान्पुत्रः सत्यव्रतो मम

jñātaṁ bhavadbhiratyugraṁ putrasya mama ceṣṭitam tyakto mayā vane dhīmānputraḥ satyavrato mama

"आप लोगों को ज्ञात हुआ ही होगा मेरे पुत्र की यह अत्यंत उग्र स्थिति। मेरा बुद्धिमान पुत्र सत्यव्रत मेरे द्वारा वन में त्यागा गया —

श्लोक 23 (devibhagavatam.7.11.23)

आज्ञयासौ गतः सद्यो राज्यार्हः परमार्थवित् । स्थितस्तत्रैव विज्ञाने धनहीनः क्षमान्वितः

ājñayāsau gataḥ sadyo rājyārhaḥ paramārthavit sthitastatraiva vijñāne dhanahīnaḥ kṣamānvitaḥ

— मेरी ही आज्ञा से वह तुरन्त चला गया, वह राज्य के योग्य, परमार्थवेत्ता, वहीं उस ज्ञान में स्थित रहा, धनहीन होकर भी क्षमाशील बना रहा।

श्लोक 24 (devibhagavatam.7.11.24)

वसिष्ठेन तथा शप्तः पिशाचसदृशः कृतः । सोऽद्य दुःखेन सन्तप्तः प्रवेष्टुञ्च हुताशनम्

vasiṣṭhena tathā śaptaḥ piśācasadṛśaḥ kṛtaḥ so'dya duḥkhena santaptaḥ praveṣṭuñca hutāśanam

वसिष्ठ ने भी उसे शाप देकर पिशाच के समान बना दिया। आज दुःख से संतप्त होकर वह अग्नि में प्रवेश करने को उद्यत हुआ था —

श्लोक 25 (devibhagavatam.7.11.25)

उद्यतः श्रीमहादेव्या निषिद्धः संस्थितः पुनः । तस्माद् गच्छन्तु तं शीघ्रं ज्येष्ठपुत्रं महाबलम्

udyataḥ śrīmahādevyā niṣiddhaḥ saṁsthitaḥ punaḥ tasmād gacchantu taṁ śīghraṁ jyeṣṭhaputraṁ mahābalam

— किन्तु श्री महादेवी द्वारा रोके जाने पर वह पुनः जीवित रह गया। अतः शीघ्र जाइए और उस महाबली ज्येष्ठ पुत्र को —

श्लोक 26 (devibhagavatam.7.11.26)

आश्वास्य वचनैरत्र तरसैवानयन्त्विह । अभिषिच्य सुतं राज्ये औरसं पालनक्षमम्

āśvāsya vacanairatra tarasaivānayantviha abhiṣicya sutaṁ rājye aurasaṁ pālanakṣamam

— यहाँ वचनों से सांत्वना देकर शीघ्रता से ले आइए। अपने औरस, राज्य-योग्य पुत्र को राज्य में अभिषिक्त करके —

श्लोक 27 (devibhagavatam.7.11.27)

वनं यास्यामि शान्तोऽहं तपसे कृतनिश्चयः । इत्युक्त्वा मन्त्रिणः सर्वान्प्रेषयामास पार्थिवः

vanaṁ yāsyāmi śānto'haṁ tapase kṛtaniścayaḥ ityuktvā mantriṇaḥ sarvānpreṣayāmāsa pārthivaḥ

— मैं शांत होकर तपस्या का निश्चय कर वन को जाऊँगा।" ऐसा कहकर उस राजा ने सभी मंत्रियों को भेज दिया,

श्लोक 28 (devibhagavatam.7.11.28)

तस्यैवानयनार्थं हि प्रीतिप्रवणमानसः । ते गत्वा तं समाश्वास्य मन्त्रिणः पार्थिवात्मजम्

tasyaivānayanārthaṁ hi prītipravaṇamānasaḥ te gatvā taṁ samāśvāsya mantriṇaḥ pārthivātmajam

— स्नेह से भरे हृदय से, उसे लाने के लिए ही। वे मंत्री जाकर, उस राजपुत्र को सांत्वना देकर —

श्लोक 29 (devibhagavatam.7.11.29)

अयोध्यायां महात्मानं मानपूर्वं समानयन् । दृष्ट्वा सत्यव्रतं राजा दुर्बलं मलिनाम्बरम्

ayodhyāyāṁ mahātmānaṁ mānapūrvaṁ samānayan dṛṣṭvā satyavrataṁ rājā durbalaṁ malināmbaram

— उस महात्मा को सम्मानपूर्वक अयोध्या में ले आए। दुर्बल, मलिन वस्त्रों वाले सत्यव्रत को देखकर —

श्लोक 30 (devibhagavatam.7.11.30)

जटाजूटधरं क्रूरं चिन्तातुरमचिन्तयत् । किं कृतं निष्ठुरं कर्म मया पुत्रो विवासितः

jaṭājūṭadharaṁ krūraṁ cintāturamacintayat kiṁ kṛtaṁ niṣṭhuraṁ karma mayā putro vivāsitaḥ

— जटाजूटधारी, भयंकर और चिंतायुक्त उसे देखकर राजा ने सोचा — "मैंने पुत्र को निर्वासित करके यह कैसा निष्ठुर कर्म किया,

श्लोक 31 (devibhagavatam.7.11.31)

राज्यार्हश्चातिमेधावी जानता धर्मनिश्चयम् । इति सञ्चिन्त्य मनसा तमालिङ्य महीपतिः

rājyārhaścātimedhāvī jānatā dharmaniścayam iti sañcintya manasā tamāliṅya mahīpatiḥ

— जो राज्य के योग्य, अत्यंत बुद्धिमान और धर्म-निश्चय को जानने वाला था।" ऐसा मन में सोचकर उस भूपति ने उसे गले लगाया,

श्लोक 32 (devibhagavatam.7.11.32)

आसने स्वसमीपशे समाश्वास्योपवेशयत् । उपविष्टं सुतं राजा प्रेमपूर्वमुवाच ह

āsane svasamīpaśe samāśvāsyopaveśayat upaviṣṭaṁ sutaṁ rājā premapūrvamuvāca ha

— अपने पास के आसन पर सांत्वना देकर बिठाया। बैठे हुए पुत्र से राजा ने प्रेमपूर्वक यह कहा —

श्लोक 33 (devibhagavatam.7.11.33)

प्रेमगद्गदया वाचा नीतिशास्त्रविशारदः । राजोवाच - पुत्र धर्मे मतिः कार्या माननीया मुखोद्भवाः

premagadgadayā vācā nītiśāstraviśāradaḥ rājovāca - putra dharme matiḥ kāryā mānanīyā mukhodbhavāḥ

— प्रेम से गद्गद वाणी में, नीतिशास्त्र में निपुण उस राजा ने कहा — "हे पुत्र! धर्म में मन लगाना चाहिए; ब्राह्मणों का सम्मान करना चाहिए,

श्लोक 34 (devibhagavatam.7.11.34)

न्यायागतं धनं ग्राह्यं रक्षणीयाः सदा प्रजाः । नासत्यं क्वापि वक्तव्यं नामार्गे गमनं क्वचित्

nyāyāgataṁ dhanaṁ grāhyaṁ rakṣaṇīyāḥ sadā prajāḥ nāsatyaṁ kvāpi vaktavyaṁ nāmārge gamanaṁ kvacit

न्यायपूर्वक प्राप्त धन ही ग्रहण करना चाहिए, प्रजा की सदा रक्षा करनी चाहिए। कभी भी असत्य नहीं बोलना चाहिए, न कभी कुमार्ग पर चलना चाहिए।

श्लोक 35 (devibhagavatam.7.11.35)

शिष्टप्रोक्तं प्रकर्तव्यं पूजनीयास्तपस्विनः । हन्तव्या दस्यवः क्रूरा इन्द्रियाणां तथा जयः

śiṣṭaproktaṁ prakartavyaṁ pūjanīyāstapasvinaḥ hantavyā dasyavaḥ krūrā indriyāṇāṁ tathā jayaḥ

शिष्ट पुरुषों द्वारा कहा गया करना चाहिए, तपस्वियों की पूजा करनी चाहिए। क्रूर डाकुओं का वध करना चाहिए, तथा इन्द्रियों पर विजय पानी चाहिए।

श्लोक 36 (devibhagavatam.7.11.36)

कर्तव्यं कार्यसिद्ध्यर्थं राज्ञा पुत्र सदैव हि । मन्त्रस्तु सर्वथा गोप्यः कर्तव्यः सचिवैः सह

kartavyaṁ kāryasiddhyarthaṁ rājñā putra sadaiva hi mantrastu sarvathā gopyaḥ kartavyaḥ sacivaiḥ saha

हे पुत्र! राजा को सदैव कार्य-सिद्धि के लिए यत्न करना चाहिए। मंत्रणा सदा गुप्त रखनी चाहिए, मंत्रियों के साथ ही करनी चाहिए।

श्लोक 37 (devibhagavatam.7.11.37)

नोपेक्ष्योऽल्पोऽपि कृतिना रिपुः सर्वात्मना सुत । न विश्वसेत्परासक्तं सचिवं च तथा नतम्

nopekṣyo'lpo'pi kṛtinā ripuḥ sarvātmanā suta na viśvasetparāsaktaṁ sacivaṁ ca tathā natam

हे पुत्र! बुद्धिमान को छोटे-से-छोटे शत्रु की भी उपेक्षा नहीं करनी चाहिए; परायी ओर आसक्त अथवा अत्यंत विनम्र मंत्री पर भी विश्वास नहीं करना चाहिए।

श्लोक 38 (devibhagavatam.7.11.38)

चाराः सर्वत्र योक्तव्याः शत्रुमित्रेषु सर्वथा । धर्मे मतिः सदा कार्या दानं दद्याच्च नित्यशः

cārāḥ sarvatra yoktavyāḥ śatrumitreṣu sarvathā dharme matiḥ sadā kāryā dānaṁ dadyācca nityaśaḥ

शत्रु और मित्र दोनों में हर जगह गुप्तचर नियुक्त करने चाहिए। मन सदा धर्म में लगाना चाहिए, तथा निरन्तर दान देना चाहिए।

श्लोक 39 (devibhagavatam.7.11.39)

शुष्कवादो न कर्तव्यो दुष्टसङ्गं च वर्जयेत् । यष्टव्या विविधा यज्ञाः पूजनीया महर्षयः

śuṣkavādo na kartavyo duṣṭasaṅgaṁ ca varjayet yaṣṭavyā vividhā yajñāḥ pūjanīyā maharṣayaḥ

व्यर्थ विवाद नहीं करना चाहिए, और दुष्टों के संग को त्याग देना चाहिए। विविध यज्ञ करने चाहिए, महर्षियों की पूजा करनी चाहिए।

श्लोक 40 (devibhagavatam.7.11.40)

न विश्वसेत्स्त्रियं क्वापि स्त्रैणं द्यूतरतं नरम् । अत्यादरो न कर्तव्यो मृगयायां कदाचन

na viśvasetstriyaṁ kvāpi straiṇaṁ dyūtarataṁ naram atyādaro na kartavyo mṛgayāyāṁ kadācana

किसी स्त्री पर, स्त्रियों के वशीभूत पुरुष पर, अथवा जुए में रत मनुष्य पर कभी विश्वास नहीं करना चाहिए। मृगया (शिकार) में भी अत्यधिक अनुराग कभी नहीं करना चाहिए।

श्लोक 41 (devibhagavatam.7.11.41)

द्यूते मद्ये तथा गेये नूनं वारवधूषु च । स्वयं तद्विमुखो भूयात् प्रजास्तेभ्यश्च रक्षयेत्

dyūte madye tathā geye nūnaṁ vāravadhūṣu ca svayaṁ tadvimukho bhūyāt prajāstebhyaśca rakṣayet

जुआ, मद्यपान, गायन-वादन तथा वेश्याओं से स्वयं विमुख रहना चाहिए, और प्रजा को भी इनसे बचाना चाहिए।

श्लोक 42 (devibhagavatam.7.11.42)

ब्राह्मे मुहूर्ते कर्तव्यमुत्थानं सर्वथा सदा । स्नानादिकं सर्वविधिं विधाय विधिवद्यथा

brāhme muhūrte kartavyamutthānaṁ sarvathā sadā snānādikaṁ sarvavidhiṁ vidhāya vidhivadyathā

ब्राह्म मुहूर्त में सदैव उठना चाहिए। स्नान आदि सम्पूर्ण विधि विधिपूर्वक करके —

श्लोक 43 (devibhagavatam.7.11.43)

पराशक्तेः परां पूजां भक्त्या कुर्यात्सुदीक्षितः । पुत्रैतज्जन्मसाफल्यं पराशक्तेः पदार्चनम्

parāśakteḥ parāṁ pūjāṁ bhaktyā kuryātsudīkṣitaḥ putraitajjanmasāphalyaṁ parāśakteḥ padārcanam

— सुदीक्षित होकर भक्तिपूर्वक परा शक्ति की परम पूजा करनी चाहिए। हे पुत्र! इस जन्म की सफलता परा शक्ति के चरणों की पूजा में ही है।

श्लोक 44 (devibhagavatam.7.11.44)

सकृत्कृत्वा महापूजां दैवीपादजलं पिबन् । न जातु जननीगर्भे गच्छेदिति विनिश्चयः

sakṛtkṛtvā mahāpūjāṁ daivīpādajalaṁ piban na jātu jananīgarbhe gacchediti viniścayaḥ

एक बार भी महापूजा करके देवी के चरणोदक को पीने वाला व्यक्ति फिर कभी माता के गर्भ में नहीं जाता — यह निश्चित है।

श्लोक 45 (devibhagavatam.7.11.45)

सर्वं दृश्यं महादेवी द्रष्टा साक्षी च सैव हि । इति तद्भावभरितस्तिष्ठेन्निर्भयचेतसा

sarvaṁ dṛśyaṁ mahādevī draṣṭā sākṣī ca saiva hi iti tadbhāvabharitastiṣṭhennirbhayacetasā

यह सारा दृश्यमान जगत् महादेवी ही है, वही द्रष्टा और साक्षी भी है; इस भावना से परिपूर्ण होकर निर्भय चित्त से रहना चाहिए।

श्लोक 46 (devibhagavatam.7.11.46)

कृत्वा नित्यविधिं सम्यग्गन्तव्यं सदसि द्विजान् । समाहूय च प्रष्टव्यो धर्मशास्त्रविनिर्णयः

kṛtvā nityavidhiṁ samyaggantavyaṁ sadasi dvijān samāhūya ca praṣṭavyo dharmaśāstravinirṇayaḥ

नित्य-विधि सम्यक् रूप से करके सभा में जाना चाहिए। द्विजों को बुलाकर धर्मशास्त्र के निर्णय के विषय में पूछना चाहिए।

श्लोक 47 (devibhagavatam.7.11.47)

सम्पूज्य ब्राह्मणान्पूज्यान्वेदवेदान्तपारगान् । गोभूहिरण्यादिकं च देयं पात्रेषु सर्वदा

sampūjya brāhmaṇānpūjyānvedavedāntapāragān gobhūhiraṇyādikaṁ ca deyaṁ pātreṣu sarvadā

वेद-वेदान्त में पारंगत पूज्य ब्राह्मणों का पूजन करके, गौ, भूमि, स्वर्ण आदि सुयोग्य पात्रों को सदा देना चाहिए।

श्लोक 48 (devibhagavatam.7.11.48)

अविद्वान्ब्राह्मणः कोऽपि नैव पूज्यः कदाचन । आहारादधिकं नैव देयं मूर्खाय कर्हिचित्

avidvānbrāhmaṇaḥ ko'pi naiva pūjyaḥ kadācana āhārādadhikaṁ naiva deyaṁ mūrkhāya karhicit

कोई भी अविद्वान ब्राह्मण कभी पूजनीय नहीं है। किसी मूर्ख को कभी आहार से अधिक कुछ नहीं देना चाहिए।

श्लोक 49 (devibhagavatam.7.11.49)

न वा लोभात्त्वया पुत्र कर्तव्यं धर्मलङ्घनम् । अतः परं न कर्तव्यं क्वचिद्विप्रावमाननम्

na vā lobhāttvayā putra kartavyaṁ dharmalaṅghanam ataḥ paraṁ na kartavyaṁ kvacidviprāvamānanam

हे पुत्र! लोभ के कारण भी तुम्हें धर्म का उल्लंघन नहीं करना चाहिए। इससे बढ़कर विप्रों का अपमान भी कभी नहीं करना चाहिए।

श्लोक 50 (devibhagavatam.7.11.50)

ब्राह्मणा भूमिदेवाश्च माननीयाः प्रयत्नतः । कारणं क्षत्रियाणां च द्विजा एव न संशयः

brāhmaṇā bhūmidevāśca mānanīyāḥ prayatnataḥ kāraṇaṁ kṣatriyāṇāṁ ca dvijā eva na saṁśayaḥ

भूमि के देवता ब्राह्मणों का प्रयत्नपूर्वक सम्मान करना चाहिए; निःसंदेह द्विज ही क्षत्रियों की उत्पत्ति के कारण हैं।

श्लोक 51 (devibhagavatam.7.11.51)

अद्भ्योऽग्निर्ब्रह्मणः क्षत्रमश्मनो लोहमुत्थितम् । तेषां सर्वत्रगं तेजः स्वासु योनिषु शाम्यति

adbhyo'gnirbrahmaṇaḥ kṣatramaśmano lohamutthitam teṣāṁ sarvatragaṁ tejaḥ svāsu yoniṣu śāmyati

जैसे जल से अग्नि, ब्राह्मण से क्षत्रिय, और पत्थर से लोहा उत्पन्न होता है — उनका सर्वत्रगामी तेज अपनी ही उत्पत्ति-स्थली में शांत होता है।

श्लोक 52 (devibhagavatam.7.11.52)

तस्माद्राज्ञा विशेषेण माननीया मुखोद्भवाः । दानेन विनयेनैव सर्वथा भूतिमिच्छता

tasmādrājñā viśeṣeṇa mānanīyā mukhodbhavāḥ dānena vinayenaiva sarvathā bhūtimicchatā

इसलिए ऐश्वर्य चाहने वाले राजा को विशेष रूप से मुख से उत्पन्न ब्राह्मणों का दान और विनय से सर्वथा सम्मान करना चाहिए।

श्लोक 53 (devibhagavatam.7.11.53)

दण्डनीतिः सदा कार्या धर्मशास्त्रानुसारतः । कोशस्य सङ्ग्रहः कार्यो नूनं न्यायागतस्य ह

daṇḍanītiḥ sadā kāryā dharmaśāstrānusārataḥ kośasya saṅgrahaḥ kāryo nūnaṁ nyāyāgatasya ha

दण्ड-नीति सदा धर्मशास्त्र के अनुसार ही करनी चाहिए; और कोश का संग्रह निश्चय ही न्यायपूर्वक अर्जित धन से ही करना चाहिए।"