हरिश्चन्द्र को जलोदर-व्याधि की प्राप्ति

श्लोक 1 (devibhagavatam.7.15.1)

व्यास उवाच । प्रवृत्ते सदने तस्य राज्ञः पुत्रमहोत्सवे । आजगाम तदा पाशी विप्रवेषधरः शुभः

vyāsa uvāca pravṛtte sadane tasya rājñaḥ putramahotsave ājagāma tadā pāśī vipraveṣadharaḥ śubhaḥ

व्यास जी ने कहा — जब राजा के पुत्र-महोत्सव का आयोजन चल रहा था, तब वहाँ विप्र-वेषधारी, शुभ पाशधारी वरुण देव आ पहुँचे।

श्लोक 2 (devibhagavatam.7.15.2)

स्वस्तीत्युक्त्वा नृपं प्राह वरुणोऽहं निशामय । पुत्रो जातस्तवाधीश यजानेन नृपाशु माम्

svastītyuktvā nṛpaṁ prāha varuṇo'haṁ niśāmaya putro jātastavādhīśa yajānena nṛpāśu mām

"स्वस्ति हो" कहकर उन्होंने राजा से कहा — "मैं वरुण हूँ, सुनो। हे अधीश! तुम्हारे पुत्र हो गया है; हे राजन्! शीघ्र मुझे उसी से यजन करो।

श्लोक 3 (devibhagavatam.7.15.3)

सत्यं कुरु वचो राजन् यत्प्रोक्तं भवतः पुरा । वन्ध्यत्वं तु गतं तेऽद्य वरदानेन मे किल

satyaṁ kuru vaco rājan yatproktaṁ bhavataḥ purā vandhyatvaṁ tu gataṁ te'dya varadānena me kila

हे राजन्! जो वचन तुमने पहले कहा था, उसे सत्य करो। मेरे वरदान से आज तुम्हारा वंध्यत्व निश्चय ही दूर हो गया है।"

श्लोक 4 (devibhagavatam.7.15.4)

इति तस्य वचः श्रुत्वा राजा चिन्तां चकार ह । कथं हन्मि सुतं जातं जलजेन समाननम्

iti tasya vacaḥ śrutvā rājā cintāṁ cakāra ha kathaṁ hanmi sutaṁ jātaṁ jalajena samānanam

उनका यह वचन सुनकर राजा को चिंता हुई — "कमल के समान मुख वाले इस अभी जन्मे पुत्र को मैं कैसे मार सकता हूँ?

श्लोक 5 (devibhagavatam.7.15.5)

लोकपालः समायातो विप्रवेषेण वीर्यवान् । न देवहेलनं कार्यं सर्वथा शुभमिच्छता

lokapālaḥ samāyāto vipraveṣeṇa vīryavān na devahelanaṁ kāryaṁ sarvathā śubhamicchatā

यह लोकपाल स्वयं विप्र-वेष में पराक्रमी होकर आया है। कल्याण चाहने वाले को कभी भी देव का तिरस्कार नहीं करना चाहिए।

श्लोक 6 (devibhagavatam.7.15.6)

पुत्रस्नेहः सुदुश्छेद्यः सर्वथा प्राणिभिः सदा । किं करोमि कथं मे स्यात्सुखं सन्ततिसम्भवम्

putrasnehaḥ suduśchedyaḥ sarvathā prāṇibhiḥ sadā kiṁ karomi kathaṁ me syātsukhaṁ santatisambhavam

पुत्र-स्नेह सदा सभी प्राणियों के लिए अत्यंत छेदने में कठिन होता है। मैं क्या करूँ, मुझे संतान से होने वाला सुख कैसे प्राप्त हो?"

श्लोक 7 (devibhagavatam.7.15.7)

धैर्यमालम्ब्य भूपालस्तं नत्वा प्रतिपूज्य च । उवाच वचनं श्लक्ष्णं युक्तं विनयपूर्वकम्

dhairyamālambya bhūpālastaṁ natvā pratipūjya ca uvāca vacanaṁ ślakṣṇaṁ yuktaṁ vinayapūrvakam

धैर्य धारण करके राजा ने उन्हें प्रणाम करके और सत्कारपूर्वक विनम्रता के साथ यह कोमल, उचित वचन कहा।

श्लोक 8 (devibhagavatam.7.15.8)

राजोवाच - देवदेव तवानुज्ञां करोमि करुणानिधे । वेदोक्तेन विधानेन मखं च बहुदक्षिणम्

rājovāca - devadeva tavānujñāṁ karomi karuṇānidhe vedoktena vidhānena makhaṁ ca bahudakṣiṇam

राजा ने कहा — "हे देवदेव! हे करुणानिधे! मैं आपकी आज्ञा मानता हूँ — वेदोक्त विधि से बहुदक्षिणा युक्त यज्ञ करूँगा,

श्लोक 9 (devibhagavatam.7.15.9)

पुत्रे जाते दशाहेन कर्मयोग्यो भवेत्पिता । मासेन शुध्येज्जननी दम्पती तत्र कारणम्

putre jāte daśāhena karmayogyo bhavetpitā māsena śudhyejjananī dampatī tatra kāraṇam

— परन्तु पुत्र के जन्म पर पिता दस दिन बाद ही (सूतक-निवृत्ति से) कर्म के योग्य होता है; माता एक मास में शुद्ध होती है — दम्पति के लिए यही कारण है।

श्लोक 10 (devibhagavatam.7.15.10)

सर्वज्ञोऽसि प्रचेतस्त्वं धर्मं जानासि शाश्वतम् । कृपां कुरु त्वं वारीश क्षमस्व परमेश्वर

sarvajño'si pracetastvaṁ dharmaṁ jānāsi śāśvatam kṛpāṁ kuru tvaṁ vārīśa kṣamasva parameśvara

हे प्रचेतस्! आप सर्वज्ञ हैं, आप शाश्वत धर्म को जानते हैं। हे वारीश! आप कृपा कीजिए, हे परमेश्वर! क्षमा कीजिए।"

श्लोक 11 (devibhagavatam.7.15.11)

व्यास उवाच । इत्युक्तस्तु प्रचेतास्तं प्रत्युवाच जनाधिपम् । स्वस्ति तेऽस्तु गमिष्यामि कुरु कार्याणि पार्थिव

vyāsa uvāca ityuktastu pracetāstaṁ pratyuvāca janādhipam svasti te'stu gamiṣyāmi kuru kāryāṇi pārthiva

व्यास जी ने कहा — इस प्रकार कहे जाने पर प्रचेता ने उस राजा से कहा — "तुम्हारा कल्याण हो, मैं जाता हूँ, हे पार्थिव! अपने कार्य करो।

श्लोक 12 (devibhagavatam.7.15.12)

आगमिष्यामि मासान्ते यष्टव्यं सर्वथा त्वया । कृत्वौत्थानिकमाचारं पुत्रस्य नृपसत्तम

āgamiṣyāmi māsānte yaṣṭavyaṁ sarvathā tvayā kṛtvautthānikamācāraṁ putrasya nṛpasattama

मैं महीने के अंत में आऊँगा; हे नृपसत्तम! पुत्र की उत्थान-विधि (सूतक-निवारण) पूर्ण करके तुम्हें अवश्य यज्ञ करना होगा।"

श्लोक 13 (devibhagavatam.7.15.13)

इत्युक्त्वा श्लक्ष्णया वाचा राजानं यादसां पतिः । हरिश्चन्द्रो मुदं प्राप गते पाशिनि पार्थिवः

ityuktvā ślakṣṇayā vācā rājānaṁ yādasāṁ patiḥ hariścandro mudaṁ prāpa gate pāśini pārthivaḥ

जल के स्वामी ने इस प्रकार कोमल वाणी में राजा से कहकर विदा ली; पाशधारी के जाने पर राजा हरिश्चन्द्र को हर्ष प्राप्त हुआ।

श्लोक 14 (devibhagavatam.7.15.14)

कोटिशः प्रददौ गास्ता घटोध्नीर्हेमपूरिताः । विप्रेभ्यो वेदविद्भ्यश्च तथैव तिलपर्वतान्

koṭiśaḥ pradadau gāstā ghaṭodhnīrhemapūritāḥ viprebhyo vedavidbhyaśca tathaiva tilaparvatān

उन्होंने करोड़ों गायें, घड़े-भर दूध देने वाली, तथा स्वर्ण-पूरित पात्र और तिल के पर्वत विप्रों तथा वेदज्ञों को दान में दिए।

श्लोक 15 (devibhagavatam.7.15.15)

राजा पुत्रमुखं दृष्ट्वा सुखमाप महत्तरम् । नामास्य रोहितश्चेति चकार विधिपूर्वकम्

rājā putramukhaṁ dṛṣṭvā sukhamāpa mahattaram nāmāsya rohitaśceti cakāra vidhipūrvakam

पुत्र का मुख देखकर राजा को अत्यंत सुख प्राप्त हुआ; उन्होंने विधिपूर्वक उसका नाम रोहित रखा।

श्लोक 16 (devibhagavatam.7.15.16)

पूर्णे मासे ततः पाशी विप्रवेषेण भूपतेः । आजगाम गृहे सद्यो यजस्वेति ब्रुवन्मुहुः

pūrṇe māse tataḥ pāśī vipraveṣeṇa bhūpateḥ ājagāma gṛhe sadyo yajasveti bruvanmuhuḥ

महीना पूर्ण होने पर पाशधारी वरुण विप्र-वेष में राजा के घर तुरन्त पहुँचे, बार-बार कहते हुए — "अब यजन करो।"

श्लोक 17 (devibhagavatam.7.15.17)

वीक्ष्य तं नृपतिर्देवं निमग्नः शोकसागरे । प्रणिपत्य कृतातिथ्यं तमुवाच कृताञ्जलिः

vīkṣya taṁ nṛpatirdevaṁ nimagnaḥ śokasāgare praṇipatya kṛtātithyaṁ tamuvāca kṛtāñjaliḥ

उस देवता को देखकर शोक-सागर में डूबे हुए राजा ने प्रणाम करके, अतिथि-सत्कार करके, हाथ जोड़कर उनसे कहा —

श्लोक 18 (devibhagavatam.7.15.18)

दिष्ट्या देव त्वमायातो गृहं मे पावितं प्रभो । मखं करोमि वारीश विधिवद्वाञ्छितं तव

diṣṭyā deva tvamāyāto gṛhaṁ me pāvitaṁ prabho makhaṁ karomi vārīśa vidhivadvāñchitaṁ tava

"सौभाग्य से हे देव! आप आए, मेरा घर पवित्र हो गया, हे प्रभो! हे वारीश! मैं विधिपूर्वक आपकी इच्छानुसार यज्ञ करूँगा।

श्लोक 19 (devibhagavatam.7.15.19)

अदन्तो न पशुः श्लाघ्य इत्याहुर्वेदवादिनः । तस्माद्दन्तोद्भवे तेऽहं करिष्यामि महामखम्

adanto na paśuḥ ślāghya ityāhurvedavādinaḥ tasmāddantodbhave te'haṁ kariṣyāmi mahāmakham

'दाँत रहित पशु प्रशंसनीय नहीं है' — ऐसा वेदवादी कहते हैं। इसलिए दाँत निकलने पर मैं आपके लिए महायज्ञ करूँगा।"

श्लोक 20 (devibhagavatam.7.15.20)

व्यास उवाच । इत्युक्तस्तेन वरुणस्तथेत्युक्त्वा ययावथ । हरिश्चन्द्रो मुदं प्राप्य विजहार गृहाश्रमे

vyāsa uvāca ityuktastena varuṇastathetyuktvā yayāvatha hariścandro mudaṁ prāpya vijahāra gṛhāśrame

व्यास जी ने कहा — इस प्रकार कहे जाने पर वरुण "तथास्तु" कहकर चले गए; हरिश्चन्द्र प्रसन्नता पाकर घर में विहार करने लगे।

श्लोक 21 (devibhagavatam.7.15.21)

पुनर्दन्तोद्भवं ज्ञात्वा प्रचेता द्विजरूपवान् । आजगाम गृहे तस्य कुरु कार्यमिति ब्रुवन्

punardantodbhavaṁ jñātvā pracetā dvijarūpavān ājagāma gṛhe tasya kuru kāryamiti bruvan

दाँत फिर से निकल आने की बात जानकर द्विज-रूपधारी प्रचेता उसके घर फिर से आए, कहते हुए — "अब कार्य करो।"

श्लोक 22 (devibhagavatam.7.15.22)

भूपालोऽपि जलाधीशं वीक्ष्य प्राप्तं द्विजाकृतिम् । प्रणम्यासनसम्मानैः पूजयामास सादरम्

bhūpālo'pi jalādhīśaṁ vīkṣya prāptaṁ dvijākṛtim praṇamyāsanasammānaiḥ pūjayāmāsa sādaram

द्विज-रूप में आए जलाधीश को देखकर राजा ने भी प्रणाम करके आदरपूर्वक आसन आदि सम्मानों से उनका पूजन किया।

श्लोक 23 (devibhagavatam.7.15.23)

स्तुत्वा प्रोवाच वचनं विनयानतकन्धरः । करोमि विधिवत्कामं मखं प्रबलदक्षिणम्

stutvā provāca vacanaṁ vinayānatakandharaḥ karomi vidhivatkāmaṁ makhaṁ prabaladakṣiṇam

स्तुति करके, विनम्रतापूर्वक गर्दन झुकाए हुए उन्होंने कहा — "मैं विधिपूर्वक प्रबल दक्षिणा वाला यज्ञ करूँगा।

श्लोक 24 (devibhagavatam.7.15.24)

बालोऽप्यकृतचौलोऽयं गर्भकेशो न सम्मतः । यज्ञार्थे पशुकरणे मया वृद्धमुखाच्छ्रुतम्

bālo'pyakṛtacaulo'yaṁ garbhakeśo na sammataḥ yajñārthe paśukaraṇe mayā vṛddhamukhācchrutam

परन्तु यह बालक अभी अकृतचौल है, जन्म के बाल अभी बने हुए हैं, जो सम्मत नहीं हैं। यज्ञ हेतु पशु बनाने में मैंने वृद्धों के मुख से यह सुना है —

श्लोक 25 (devibhagavatam.7.15.25)

तावत्क्षमस्व वारीश विधिं जानासि शाश्वतम् । कर्तव्यः सर्वथा यज्ञो मुण्डनान्ते शिशोः किल

tāvatkṣamasva vārīśa vidhiṁ jānāsi śāśvatam kartavyaḥ sarvathā yajño muṇḍanānte śiśoḥ kila

— अतः तब तक क्षमा कीजिए, हे वारीश! आप शाश्वत विधि जानते हैं। बालक का मुंडन होने के बाद ही सर्वथा यज्ञ करना चाहिए।"

श्लोक 26 (devibhagavatam.7.15.26)

तस्येति वचनं श्रुत्वा प्रचेताः प्राह तं पुनः । प्रतारयसि मां राजन् पुनः पुनरिदं ब्रुवन्

tasyeti vacanaṁ śrutvā pracetāḥ prāha taṁ punaḥ pratārayasi māṁ rājan punaḥ punaridaṁ bruvan

उसका यह वचन सुनकर प्रचेता ने उससे पुनः कहा — "हे राजन्! तुम मुझे बार-बार यह कहकर धोखा दे रहे हो।

श्लोक 27 (devibhagavatam.7.15.27)

अपि ते सर्वसामग्री वर्तते नृपतेऽधुना । पुत्रस्नेहनिबद्धस्त्वं वञ्चयस्येव साम्प्रतम्

api te sarvasāmagrī vartate nṛpate'dhunā putrasnehanibaddhastvaṁ vañcayasyeva sāmpratam

हे राजन्! क्या अभी तुम्हारे पास सारी सामग्री है? पुत्र-स्नेह में बंधे होकर तुम अभी मानो मुझे ठग रहे हो।

श्लोक 28 (devibhagavatam.7.15.28)

क्षौरकर्मविधिं कृत्वा न कर्तासि मखं यदि । तदाहं दारुणं शापं दास्ये कोपसमन्वितः

kṣaurakarmavidhiṁ kṛtvā na kartāsi makhaṁ yadi tadāhaṁ dāruṇaṁ śāpaṁ dāsye kopasamanvitaḥ

यदि क्षौरकर्म-विधि करके भी तुम यज्ञ नहीं करोगे, तो मैं क्रोधित होकर तुम्हें भयंकर शाप दूँगा।

श्लोक 29 (devibhagavatam.7.15.29)

अद्य गच्छामि राजेन्द्र वचनात्तव मानद । न मृषा वचनं कार्यं त्वयेक्ष्वाकुकुलोद्भव

adya gacchāmi rājendra vacanāttava mānada na mṛṣā vacanaṁ kāryaṁ tvayekṣvākukulodbhava

हे राजेन्द्र! हे मानद! तुम्हारे वचन पर मैं आज जाता हूँ, परन्तु, हे इक्ष्वाकुकुलोद्भव! तुम्हें अपना वचन झूठा नहीं करना चाहिए।"

श्लोक 30 (devibhagavatam.7.15.30)

इत्याभाष्य ययावाशु प्रचेता नृपतेर्गृहात् । राजा परमसन्तुष्टो ननन्द भवने तदा

ityābhāṣya yayāvāśu pracetā nṛpatergṛhāt rājā paramasantuṣṭo nananda bhavane tadā

ऐसा कहकर प्रचेता राजा के घर से शीघ्र चले गए; राजा अत्यंत संतुष्ट होकर उस समय महल में आनंदित हुए।

श्लोक 31 (devibhagavatam.7.15.31)

चूडाकरणकाले तु प्रवृत्ते परमोत्सवे । सम्प्राप्तस्तरसा पाशी भवनं नृपतेः पुनः

cūḍākaraṇakāle tu pravṛtte paramotsave samprāptastarasā pāśī bhavanaṁ nṛpateḥ punaḥ

जब चूडाकरण का समय आया और परम उत्सव चल रहा था, तब पाशधारी फिर से शीघ्रता से राजा के महल में पहुँचे।

श्लोक 32 (devibhagavatam.7.15.32)

यदाङ्के सुतमादाय राज्ञी नृपतिसन्निधौ । उपविष्टा क्रियाकाले तदैव वरुणोऽभ्यगात्

yadāṅke sutamādāya rājñī nṛpatisannidhau upaviṣṭā kriyākāle tadaiva varuṇo'bhyagāt

जब रानी गोद में पुत्र को लेकर राजा के समीप संस्कार के समय बैठी थीं, तभी वरुण देव वहाँ आ पहुँचे —

श्लोक 33 (devibhagavatam.7.15.33)

कुरु कर्मेति विस्पष्टं वचनं कथयन्नृपम् । विप्ररूपधरः श्रीमान् प्रत्यक्ष इव पावकः

kuru karmeti vispaṣṭaṁ vacanaṁ kathayannṛpam viprarūpadharaḥ śrīmān pratyakṣa iva pāvakaḥ

— "अब कार्य करो" ऐसा स्पष्ट वचन राजा से कहते हुए, विप्र-रूपधारी श्रीमान्, मानो साक्षात् अग्नि हों।

श्लोक 34 (devibhagavatam.7.15.34)

नृपतिस्त्वं समालोक्य बभूवातीव विह्वलः । नमश्चकार तं भीत्या कृताञ्जलिपुटः पुरः

nṛpatistvaṁ samālokya babhūvātīva vihvalaḥ namaścakāra taṁ bhītyā kṛtāñjalipuṭaḥ puraḥ

उन्हें देखकर राजा अत्यंत विह्वल हो गए, और भय से हाथ जोड़कर सामने खड़े होकर उन्हें प्रणाम किया।

श्लोक 35 (devibhagavatam.7.15.35)

विधिवत्पूजयित्वा तं राजोवाच विनीतवान् । स्वामिन् कार्यं करोम्यद्य मखस्य विधिपूर्वकम्

vidhivatpūjayitvā taṁ rājovāca vinītavān svāmin kāryaṁ karomyadya makhasya vidhipūrvakam

विधिपूर्वक उनका पूजन करके विनम्र राजा ने कहा — "हे स्वामिन्! मैं आज यज्ञ का कार्य विधिपूर्वक करूँगा —

श्लोक 36 (devibhagavatam.7.15.36)

वक्तव्यमस्ति तत्रापि शृणुष्वैकमना विभो । युक्तं चेन्मन्यसे स्वामिंस्तद् ब्रवीमि तवाग्रतः

vaktavyamasti tatrāpi śṛṇuṣvaikamanā vibho yuktaṁ cenmanyase svāmiṁstad bravīmi tavāgrataḥ

— परन्तु उसमें भी एक बात कहनी है, हे विभो! एकाग्रचित्त होकर सुनिए। यदि आप उचित मानें, हे स्वामिन्, तो मैं आपके सामने वह कहता हूँ।

श्लोक 37 (devibhagavatam.7.15.37)

ब्राह्मणः क्षत्रियो वैश्यस्त्रयो वर्णा द्विजातयः । संस्कृताश्चान्यथा शूद्रा एवं वेदविदो विदुः

brāhmaṇaḥ kṣatriyo vaiśyastrayo varṇā dvijātayaḥ saṁskṛtāścānyathā śūdrā evaṁ vedavido viduḥ

ब्राह्मण, क्षत्रिय और वैश्य — ये तीन वर्ण द्विज कहलाते हैं, जब संस्कारित हों; अन्यथा वे शूद्र के समान होते हैं — ऐसा वेदज्ञ जानते हैं।

श्लोक 38 (devibhagavatam.7.15.38)

तस्मादयं सुतो मेऽद्य शुद्रवद्वर्तते शिशुः । उपनीतः क्रियार्हः स्यादिति वेदेषु निर्णयः

tasmādayaṁ suto me'dya śudravadvartate śiśuḥ upanītaḥ kriyārhaḥ syāditi vedeṣu nirṇayaḥ

इसलिए यह मेरा पुत्र, यह बालक आज शूद्र के समान है। उपनयन होने पर ही यह क्रिया के योग्य होगा — यह वेदों में निर्णय है।

श्लोक 39 (devibhagavatam.7.15.39)

राज्ञामेकादशे वर्षे सदोपनयनं स्मृतम् । अष्टमे ब्राह्मणानां च वैश्यानां द्वादशे किल

rājñāmekādaśe varṣe sadopanayanaṁ smṛtam aṣṭame brāhmaṇānāṁ ca vaiśyānāṁ dvādaśe kila

राजाओं का उपनयन ग्यारहवें वर्ष में सदा बताया गया है; ब्राह्मणों का आठवें वर्ष में, और वैश्यों का बारहवें वर्ष में।

श्लोक 40 (devibhagavatam.7.15.40)

दयसे यदि देवेश दीनं मां सेवकं तव । तदोपनीय कर्तास्मि पशुना यज्ञमुत्तमम्

dayase yadi deveśa dīnaṁ māṁ sevakaṁ tava tadopanīya kartāsmi paśunā yajñamuttamam

हे देवेश! यदि आप मुझ दीन सेवक पर दया करते हैं, तो उपनयन के बाद मैं पशु सहित उत्तम यज्ञ अवश्य करूँगा।

श्लोक 41 (devibhagavatam.7.15.41)

लोकपालोऽसि धर्मज्ञ सर्वशास्त्रविशारद । मन्यसे मद्वचः सत्यं तद् गच्छ भवनं विभो

lokapālo'si dharmajña sarvaśāstraviśārada manyase madvacaḥ satyaṁ tad gaccha bhavanaṁ vibho

हे धर्मज्ञ! आप लोकपाल हैं, सर्वशास्त्रविशारद हैं। यदि आप मेरे वचन को सत्य मानते हैं, तो हे विभो, अपने भवन को जाइए।"

श्लोक 42 (devibhagavatam.7.15.42)

व्यास उवाच । इति तस्य वचः श्रुत्वा दयावान् यादसां पतिः । ओमित्युक्त्वा ययावाशु प्रसन्नवदनो नृपः

vyāsa uvāca iti tasya vacaḥ śrutvā dayāvān yādasāṁ patiḥ omityuktvā yayāvāśu prasannavadano nṛpaḥ

व्यास जी ने कहा — उसका यह वचन सुनकर दयालु जल के स्वामी ने "ओम्" कहकर तुरन्त प्रस्थान किया, और राजा का मुख प्रसन्न हो गया।

श्लोक 43 (devibhagavatam.7.15.43)

गतेऽथ वरुणो राजा बभूवातिमुदान्वितः । सुखं प्राप्य सुतस्यैवं राजा मुदमवाप ह

gate'tha varuṇo rājā babhūvātimudānvitaḥ sukhaṁ prāpya sutasyaivaṁ rājā mudamavāpa ha

वरुण के जाने पर राजा अत्यंत हर्षित हो गए; अपने पुत्र के लिए इस प्रकार सुख पाकर राजा को बड़ा आनंद प्राप्त हुआ।

श्लोक 44 (devibhagavatam.7.15.44)

चकार राजकार्याणि हरिश्चन्द्रस्तदा नृपः । कालेन व्रजता पुत्रो बभूव दशवार्षिकः

cakāra rājakāryāṇi hariścandrastadā nṛpaḥ kālena vrajatā putro babhūva daśavārṣikaḥ

राजा हरिश्चन्द्र तब राज-कार्यों में लग गए। समय बीतते-बीतते पुत्र दस वर्ष का हो गया।

श्लोक 45 (devibhagavatam.7.15.45)

तस्योपवीतसामग्रीं विभूतिसदृशीं नृपः । चकार ब्राह्मणैः शिष्टैरन्वितः सचिवैस्तथा

tasyopavītasāmagrīṁ vibhūtisadṛśīṁ nṛpaḥ cakāra brāhmaṇaiḥ śiṣṭairanvitaḥ sacivaistathā

शिष्ट ब्राह्मणों तथा मंत्रियों के साथ राजा ने उसके उपवीत (यज्ञोपवीत) की वैभवशाली सामग्री तैयार करवाई।

श्लोक 46 (devibhagavatam.7.15.46)

एकादशे सुतास्याब्दे व्रतबन्धविधौ नृपः । विदधे विधिवत्कार्यं चित्ते चिन्तातुरः पुनः

ekādaśe sutāsyābde vratabandhavidhau nṛpaḥ vidadhe vidhivatkāryaṁ citte cintāturaḥ punaḥ

पुत्र के ग्यारहवें वर्ष में व्रतबंध (उपनयन) की विधि में राजा ने पुनः चिंता से आकुल होते हुए विधिपूर्वक कार्य सम्पन्न कराया।

श्लोक 47 (devibhagavatam.7.15.47)

वर्तमाने तथा कार्ये उपनीते कुमारके । आजगामाथ वरुणो विप्रवेषधरस्तदा

vartamāne tathā kārye upanīte kumārake ājagāmātha varuṇo vipraveṣadharastadā

जब यह कार्य चल रहा था और कुमार का उपनयन हो चुका था, तभी वरुण फिर विप्र-वेष धारण किए हुए आ पहुँचे।

श्लोक 48 (devibhagavatam.7.15.48)

तं वीक्ष्य नृपतिस्तूर्णं प्रणम्य पुरतः स्थितः । कृताञ्जलिपुटः प्रीतः प्रत्युवाच सुरोत्तमम्

taṁ vīkṣya nṛpatistūrṇaṁ praṇamya purataḥ sthitaḥ kṛtāñjalipuṭaḥ prītaḥ pratyuvāca surottamam

उन्हें देखकर राजा तुरन्त प्रणाम करके सामने खड़े हुए, और हाथ जोड़े हुए प्रसन्नतापूर्वक उन श्रेष्ठ देव से बोले —

श्लोक 49 (devibhagavatam.7.15.49)

देव दत्तोपवीतोऽयं पशुयोग्योऽस्ति मे सुतः । प्रसादात्तव मे शोको गतो वन्ध्यापवादजः

deva dattopavīto'yaṁ paśuyogyo'sti me sutaḥ prasādāttava me śoko gato vandhyāpavādajaḥ

"हे देव! उपवीत धारण किए हुए यह मेरा पुत्र अब पशु बनाने योग्य है। आपकी कृपा से वंध्यत्व के अपवाद से उत्पन्न मेरा शोक दूर हो गया है।

श्लोक 50 (devibhagavatam.7.15.50)

कर्तुमिच्छाम्यहं यज्ञं प्रभूतवरदक्षिणम् । समये शृणु धर्मज्ञ सत्यमद्य ब्रवीम्यहम्

kartumicchāmyahaṁ yajñaṁ prabhūtavaradakṣiṇam samaye śṛṇu dharmajña satyamadya bravīmyaham

मैं प्रचुर वरदान-दक्षिणा वाला यज्ञ करना चाहता हूँ। हे धर्मज्ञ! समय पर सुनिए, आज मैं आपसे सत्य कहता हूँ —

श्लोक 51 (devibhagavatam.7.15.51)

समावर्तनकर्मान्ते करिष्यामि तवेप्सितम् । ममोपरि दयां कृत्वा तावत्त्वं क्षन्तुमर्हसि

samāvartanakarmānte kariṣyāmi tavepsitam mamopari dayāṁ kṛtvā tāvattvaṁ kṣantumarhasi

— समावर्तन-संस्कार के अंत में मैं आपकी इच्छा पूर्ण करूँगा। मुझ पर दया करके तब तक क्षमा करने योग्य हैं आप।"

श्लोक 52 (devibhagavatam.7.15.52)

वरुण उवाच । प्रतारयसि मां राजन् पुत्रप्रेमाकुलो भृशम् । मुहुर्मुहुर्मतिं कृत्वा युक्तियुक्तां महामते

varuṇa uvāca pratārayasi māṁ rājan putrapremākulo bhṛśam muhurmuhurmatiṁ kṛtvā yuktiyuktāṁ mahāmate

वरुण ने कहा — "हे राजन्! पुत्र-प्रेम से अत्यंत व्याकुल होकर तुम बार-बार युक्तिसंगत बहाना बनाकर मुझे धोखा दे रहे हो, हे महामते!

श्लोक 53 (devibhagavatam.7.15.53)

गच्छाम्यद्य महाराज वचसा तव नोदितः । आगमिष्यामि समये समावर्तनकर्मणि

gacchāmyadya mahārāja vacasā tava noditaḥ āgamiṣyāmi samaye samāvartanakarmaṇi

हे महाराज! तुम्हारे वचन से प्रेरित होकर मैं आज जाता हूँ; समावर्तन-संस्कार के समय पर मैं फिर आऊँगा।"

श्लोक 54 (devibhagavatam.7.15.54)

इत्युक्त्वा प्रययौ पाशी तपापृच्छ्य विशाम्पते । राजा प्रमुदितः कार्यं चकार च यथोत्तरम्

ityuktvā prayayau pāśī tapāpṛcchya viśāmpate rājā pramuditaḥ kāryaṁ cakāra ca yathottaram

ऐसा कहकर, हे प्रजापते! पाशधारी विदा लेकर चले गए। राजा अत्यंत प्रसन्न होकर पूर्ववत् अपने कार्य करते रहे।

श्लोक 55 (devibhagavatam.7.15.55)

आगतं वरुणं दृष्ट्वा कुमारोऽतिविचक्षणः । यज्ञस्य समयं ज्ञात्वा तदा चिन्तातुरोऽभवत्

āgataṁ varuṇaṁ dṛṣṭvā kumāro'tivicakṣaṇaḥ yajñasya samayaṁ jñātvā tadā cintāturo'bhavat

वरुण के बार-बार आने को देखकर, यज्ञ का प्रयोजन समझकर, वह अत्यंत चतुर कुमार चिंताकुल हो उठा।

श्लोक 56 (devibhagavatam.7.15.56)

शोकस्य कारणं राज्ञः पर्यपृच्छदितस्ततः । ज्ञात्वात्मवधमायुष्मन् गमनाय मतिं दधौ

śokasya kāraṇaṁ rājñaḥ paryapṛcchaditastataḥ jñātvātmavadhamāyuṣman gamanāya matiṁ dadhau

उसने इधर-उधर से राजा के शोक का कारण पूछा; हे आयुष्मन्! अपनी ही हत्या की बात जानकर उसने जाने का निश्चय कर लिया।

श्लोक 57 (devibhagavatam.7.15.57)

निश्चयं परमं कृत्वा सम्मन्त्र्य सचिवात्मजैः । प्रययौ नगरात्तस्मान्निर्गत्य वनमप्यसौ

niścayaṁ paramaṁ kṛtvā sammantrya sacivātmajaiḥ prayayau nagarāttasmānnirgatya vanamapyasau

परम निश्चय करके, मंत्री-पुत्रों से मंत्रणा करके वह नगर से निकलकर वन की ओर चल पड़ा।

श्लोक 58 (devibhagavatam.7.15.58)

गते पुत्रे नृपः कामं दुःखितोऽभूद् भृशं तदा । प्रेरयामास दूतान्स्वांस्तस्यान्वेषणकाम्यया

gate putre nṛpaḥ kāmaṁ duḥkhito'bhūd bhṛśaṁ tadā prerayāmāsa dūtānsvāṁstasyānveṣaṇakāmyayā

पुत्र के चले जाने पर राजा उस समय अत्यंत दुःखी हो गए; उन्होंने उसकी खोज की इच्छा से अपने दूतों को भेजा।

श्लोक 59 (devibhagavatam.7.15.59)

एवं गतेऽथ कालेऽसौ वरुणस्तद्गृहं गतः । राजानं शोकसन्तप्तं कुरु यज्ञमिति ब्रुवन्

evaṁ gate'tha kāle'sau varuṇastadgṛhaṁ gataḥ rājānaṁ śokasantaptaṁ kuru yajñamiti bruvan

इस प्रकार समय बीतने पर वरुण उसके घर गए और शोकसंतप्त राजा से कहने लगे — "यज्ञ करो।"

श्लोक 60 (devibhagavatam.7.15.60)

राजा प्रणम्य तं प्राह देवदेव करोमि किम् । न जाने क्वापि पुत्रो मे गतस्त्वद्य भयाकुलः

rājā praṇamya taṁ prāha devadeva karomi kim na jāne kvāpi putro me gatastvadya bhayākulaḥ

राजा ने उन्हें प्रणाम करके कहा — "हे देवदेव! मैं क्या करूँ? मेरा पुत्र आज भय से व्याकुल होकर कहाँ गया, मुझे नहीं पता।

श्लोक 61 (devibhagavatam.7.15.61)

सर्वत्र गिरिदुर्गेषु मुनीनामाश्रमेषु च । अन्वेषितो मे दूतैस्तु न प्राप्तो यादसाम्पते

sarvatra giridurgeṣu munīnāmāśrameṣu ca anveṣito me dūtaistu na prāpto yādasāmpate

हे यादसांपते! सभी पर्वत-दुर्गों में और मुनियों के आश्रमों में मेरे दूतों द्वारा उसे खोजा गया, पर वह नहीं मिला।

श्लोक 62 (devibhagavatam.7.15.62)

आज्ञापय महाराज किं करोमि गते सुते । न मे दोषोऽत्र सर्वज्ञ भाग्यदोषस्तु सर्वथा

ājñāpaya mahārāja kiṁ karomi gate sute na me doṣo'tra sarvajña bhāgyadoṣastu sarvathā

हे महाराज! आज्ञा दीजिए, पुत्र के चले जाने पर मैं क्या करूँ? हे सर्वज्ञ! इसमें मेरा कोई दोष नहीं है, यह सर्वथा भाग्य का ही दोष है।"

श्लोक 63 (devibhagavatam.7.15.63)

व्यास उवाच । इति भूपवचः श्रुत्वा प्रचेताः कुपितो भृशम् । शशाप च नृपं क्रोधाद्वञ्चितस्तु पुनः पुनः

vyāsa uvāca iti bhūpavacaḥ śrutvā pracetāḥ kupito bhṛśam śaśāpa ca nṛpaṁ krodhādvañcitastu punaḥ punaḥ

व्यास जी ने कहा — राजा का यह वचन सुनकर प्रचेता अत्यंत क्रुद्ध हो गए, और बार-बार ठगे जाने पर क्रोध से उन्होंने राजा को शाप दे दिया —

श्लोक 64 (devibhagavatam.7.15.64)

नृपतेऽहं त्वया यस्माद्वचसा च प्रवञ्चितः । तस्माज्जलोदरो व्याधिस्त्वां तुदत्वतिदारुणः

nṛpate'haṁ tvayā yasmādvacasā ca pravañcitaḥ tasmājjalodaro vyādhistvāṁ tudatvatidāruṇaḥ

"हे नृपते! चूँकि तुमने मुझे अपने वचनों से बार-बार धोखा दिया है, इसलिए तुम्हें अत्यंत भयंकर जलोदर रोग पीड़ित करे।"

श्लोक 65 (devibhagavatam.7.15.65)

व्यास उवाच । इति शप्तो महीपालः कुपितेन प्रचेतसा । पीडितोऽभूत्तदा राजा व्याधिना दुःखदेन तु

vyāsa uvāca iti śapto mahīpālaḥ kupitena pracetasā pīḍito'bhūttadā rājā vyādhinā duḥkhadena tu

व्यास जी ने कहा — इस प्रकार क्रुद्ध प्रचेता द्वारा शापित होकर वह राजा उस दुःखदायी रोग से पीड़ित हो गया।

श्लोक 66 (devibhagavatam.7.15.66)

एवं शप्त्वा नृपं पाशी जगाम निजमास्पदम् । राजा प्राप्य महाव्याधिं बभूवातीव दुःखितः

evaṁ śaptvā nṛpaṁ pāśī jagāma nijamāspadam rājā prāpya mahāvyādhiṁ babhūvātīva duḥkhitaḥ

इस प्रकार राजा को शाप देकर पाशधारी अपने धाम को चले गए। राजा उस महाव्याधि को प्राप्त करके अत्यंत दुःखी हो गए।