देवी गीता में बाह्य पूजाविधि का वर्णन

श्लोक 1 (devibhagavatam.7.40.1)

श्री देव्युवाच । प्रातरुत्थाय शिरसि संस्मरेत्पद्ममुज्ज्वलम् । कर्पूराभं स्मरेत्तत्र श्रीगुरुं निजरूपिणम्

śrī devyuvāca | prātarutthāya śirasi saṁsmaretpadmamujjvalam | karpūrābhaṁ smarettatra śrīguruṁ nijarūpiṇam

श्रीदेवी ने कहा — प्रातः उठकर मस्तक में उज्ज्वल कमल का स्मरण करना चाहिए; वहाँ कर्पूर के समान श्वेत, अपने ही स्वरूप वाले श्रीगुरु का स्मरण करना चाहिए।

श्लोक 2 (devibhagavatam.7.40.2)

सुप्रसन्नं लसद्भूषाभूषितं शक्तिसंयुतम् । नमस्कृत्य ततो देवीं कुण्डलीं संस्मरेद्बुधः

suprasannaṁ lasadbhūṣābhūṣitaṁ śaktisaṁyutam | namaskṛtya tato devīṁ kuṇḍalīṁ saṁsmaredbudhaḥ

अत्यन्त प्रसन्न, चमकते आभूषणों से विभूषित, शक्ति सहित उन्हें प्रणाम करके, तत्पश्चात् बुद्धिमान साधक को कुण्डलिनी देवी का स्मरण करना चाहिए।

श्लोक 3 (devibhagavatam.7.40.3)

प्रकाशमानां प्रथमे प्रयाणे प्रतिप्रयाणेऽप्यमृतायमानाम् । अन्तः पदव्यामनुसञ्चरन्तीमानन्दरूपामबलां प्रपद्ये

prakāśamānāṁ prathame prayāṇe pratiprayāṇe'pyamṛtāyamānām | antaḥ padavyāmanusañcarantīmānandarūpāmabalāṁ prapadye

प्रथम प्रयाण में प्रकाशमान, प्रतिप्रयाण में भी अमृतमय होती हुई, अन्तः-मार्ग में संचरित होती हुई, आनन्द-स्वरूपा उस देवी की मैं शरण लेता हूँ।

श्लोक 4 (devibhagavatam.7.40.4)

ध्यात्वैवं तच्छिखामध्ये सच्चिदानन्दरूपिणीम् । मां ध्यायेदथ शौचादिक्रियाः सर्वाः समापयेत्

dhyātvaivaṁ tacchikhāmadhye saccidānandarūpiṇīm | māṁ dhyāyedatha śaucādikriyāḥ sarvāḥ samāpayet

इस प्रकार उस शिखा के मध्य में सच्चिदानन्द-स्वरूपा मुझ का ध्यान करके, फिर शौच आदि समस्त क्रियाओं को पूर्ण करना चाहिए।

श्लोक 5 (devibhagavatam.7.40.5)

अग्निहोत्रं ततो हूत्वा मत्प्रीत्यर्थं द्विजोत्तमः । होमान्ते स्वासने स्थित्वा पूजासङ्कल्पमाचरेत्

agnihotraṁ tato hūtvā matprītyarthaṁ dvijottamaḥ | homānte svāsane sthitvā pūjāsaṅkalpamācaret

तत्पश्चात् श्रेष्ठ द्विज मुझे प्रसन्न करने के लिए अग्निहोत्र करे; हवन के अन्त में अपने आसन पर बैठकर पूजा का संकल्प करे।

श्लोक 6 (devibhagavatam.7.40.6)

भूतशुद्धिं पुरा कृत्वा मातृकान्यासमेव च । हृल्लेखामातृकान्यासं नित्यमेव समाचरेत्

bhūtaśuddhiṁ purā kṛtvā mātṛkānyāsameva ca | hṛllekhāmātṛkānyāsaṁ nityameva samācaret

पहले भूतशुद्धि करके, तथा मातृका-न्यास करके, हृल्लेखा-मातृका-न्यास सदा ही करना चाहिए।

श्लोक 7 (devibhagavatam.7.40.7)

मूलाधारे हकारं च हृदये च रकारकम् । भ्रूमध्ये तद्वदीकारं ह्रीङ्कारं मस्तके न्यसेत्

mūlādhāre hakāraṁ ca hṛdaye ca rakārakam | bhrūmadhye tadvadīkāraṁ hrīṅkāraṁ mastake nyaset

मूलाधार में 'ह' कार, हृदय में 'र' कार, भ्रूमध्य में 'ई' कार, और मस्तक में सम्पूर्ण 'ह्रीं' कार को स्थापित करना चाहिए।

श्लोक 8 (devibhagavatam.7.40.8)

तत्तन्मन्त्रोदितानन्यान्न्यासान्सर्वान्समाचरेत् । कल्पयेत्स्वात्मनो देहे पीठं धर्मादिभिः पुनः

tattanmantroditānanyānnyāsānsarvānsamācaret | kalpayetsvātmano dehe pīṭhaṁ dharmādibhiḥ punaḥ

उस-उस मन्त्र में कहे गए अन्य समस्त न्यासों को भी करना चाहिए; फिर अपने ही शरीर में धर्म आदि द्वारा पीठ की कल्पना करनी चाहिए।

श्लोक 9 (devibhagavatam.7.40.9)

ततो ध्यायेन्महादेवीं प्राणायामैर्विजृम्भिते । हृदम्भोजे मम स्थाने पञ्चप्रेतासने बुधः

tato dhyāyenmahādevīṁ prāṇāyāmairvijṛmbhite | hṛdambhoje mama sthāne pañcapretāsane budhaḥ

तत्पश्चात् प्राणायाम से विकसित हृदय-कमल में, मेरे स्थान में, पंच-प्रेत-आसन पर बुद्धिमान साधक को महादेवी का ध्यान करना चाहिए।

श्लोक 10 (devibhagavatam.7.40.10)

ब्रह्मा विष्णुश्च रुद्रश्च ईश्वरश्च सदाशिवः । एते पञ्च महाप्रेताः पादमूले मम स्थिताः

brahmā viṣṇuśca rudraśca īśvaraśca sadāśivaḥ | ete pañca mahāpretāḥ pādamūle mama sthitāḥ

ब्रह्मा, विष्णु, रुद्र, ईश्वर और सदाशिव — ये पाँचों महाप्रेत मेरे चरणों के मूल में स्थित हैं।

श्लोक 11 (devibhagavatam.7.40.11)

पञ्चभूतात्मका ह्येते पञ्चावस्थात्मका अपि । अहं त्वव्यक्तचिद्रूपा तदतीतास्ति सर्वथा

pañcabhūtātmakā hyete pañcāvasthātmakā api | ahaṁ tvavyaktacidrūpā tadatītāsti sarvathā

ये पाँचों तत्त्व पंचभूत-स्वरूप हैं, तथा पंचावस्था-स्वरूप भी हैं; परन्तु मैं अव्यक्त चिद्रूपा हूँ, और सर्वथा उनसे परे हूँ।

श्लोक 12 (devibhagavatam.7.40.12)

ततो विष्टरतां याताः शक्तितन्त्रेषु सर्वदा । ध्यात्वैवं मानसैर्भोगैः पूजयेन्मां जपेदपि

tato viṣṭaratāṁ yātāḥ śaktitantreṣu sarvadā | dhyātvaivaṁ mānasairbhogaiḥ pūjayenmāṁ japedapi

इसलिए वे शक्ति-तन्त्रों में सदा मेरे आसन का रूप धारण करते हैं। इस प्रकार ध्यान करके, मानसिक भोगों से मेरी पूजा करनी चाहिए, और जप भी करना चाहिए।

श्लोक 13 (devibhagavatam.7.40.13)

जपं समर्प्य श्रीदेव्यै ततोऽर्घ्यस्थापनं चरेत् । पात्रासादनकं कृत्वा पूजाद्रव्याणि शोधयेत्

japaṁ samarpya śrīdevyai tato'rghyasthāpanaṁ caret | pātrāsādanakaṁ kṛtvā pūjādravyāṇi śodhayet

जप को श्रीदेवी को अर्पित कर, तत्पश्चात् अर्घ्य-स्थापन करना चाहिए। पात्रों की स्थापना करके पूजा की सामग्री को शुद्ध करना चाहिए।

श्लोक 14 (devibhagavatam.7.40.14)

जलेन तेन मनुना चास्त्रमन्त्रेण देशिकः । दिग्बन्धं च पुरा कृत्वा गुरून्नत्वा ततः परम्

jalena tena manunā cāstramantreṇa deśikaḥ | digbandhaṁ ca purā kṛtvā gurūnnatvā tataḥ param

उस जल को उसी मन्त्र और अस्त्र-मन्त्र से शुद्ध कर, पहले दिग्बन्धन करके, तत्पश्चात् गुरुओं को नमन कर —

श्लोक 15 (devibhagavatam.7.40.15)

तदनुज्ञां समादाय बाह्यपीठे ततः परम् । हृदिस्थां भवितां मूर्तिं मम दिव्यां मनोहराम्

tadanujñāṁ samādāya bāhyapīṭhe tataḥ param | hṛdisthāṁ bhavitāṁ mūrtiṁ mama divyāṁ manoharām

उनकी अनुमति लेकर, तत्पश्चात् बाह्य पीठ पर, हृदय में स्थित होने वाली मेरी दिव्य, मनोहर मूर्ति को —

श्लोक 16 (devibhagavatam.7.40.16)

आवाहयेत्ततः पीठे प्राणस्थापनविद्यया । असनावाहने चार्घ्यं पाद्याद्याचमनं तथा

āvāhayettataḥ pīṭhe prāṇasthāpanavidyayā | asanāvāhane cārghyaṁ pādyādyācamanaṁ tathā

प्राण-स्थापन-विधि से उस पीठ पर आवाहित करना चाहिए; आसन और आवाहन के साथ अर्घ्य, पाद्य आदि, आचमन भी —

श्लोक 17 (devibhagavatam.7.40.17)

स्नानं वासोद्वयं चैव भूषणानि च सर्वशः । गन्धपुष्पं यथायोग्यं दत्त्वा देव्यै स्वभक्तितः

snānaṁ vāsodvayaṁ caiva bhūṣaṇāni ca sarvaśaḥ | gandhapuṣpaṁ yathāyogyaṁ dattvā devyai svabhaktitaḥ

स्नान, दोनों वस्त्र, और सभी आभूषण; यथोचित गन्ध और पुष्प भी अपनी भक्ति के अनुसार देवी को अर्पित करके —

श्लोक 18 (devibhagavatam.7.40.18)

यन्त्रस्थानामावृतीनां पूजनं सम्यगाचरेत् । प्रतिवारमशक्तानां शुक्रवारो नियम्यते

yantrasthānāmāvṛtīnāṁ pūjanaṁ samyagācaret | prativāramaśaktānāṁ śukravāro niyamyate

यन्त्र में स्थित आवरण-देवताओं की भली-भाँति पूजा करनी चाहिए। जो प्रत्येक दिन ऐसा करने में असमर्थ हैं, उनके लिए शुक्रवार निश्चित है।

श्लोक 19 (devibhagavatam.7.40.19)

मूलदेवीप्रभारूपाः स्मर्तव्या अङ्गदेवताः । तत्प्रभापटलव्याप्तं त्रैलोक्यं च विचिन्तयेत्

mūladevīprabhārūpāḥ smartavyā aṅgadevatāḥ | tatprabhāpaṭalavyāptaṁ trailokyaṁ ca vicintayet

अंग-देवताओं का स्मरण मूल देवी की ही प्रभा-स्वरूप में करना चाहिए; और तीनों लोकों को उसी प्रभा-समूह से व्याप्त हुआ मानना चाहिए।

श्लोक 20 (devibhagavatam.7.40.20)

पुनरावृत्तिसहितां मूलदेवीं च पूजयेत् । गन्धादिभिः सुगन्धैस्तु तथा पुष्पैः सुवासितैः

punarāvṛttisahitāṁ mūladevīṁ ca pūjayet | gandhādibhiḥ sugandhaistu tathā puṣpaiḥ suvāsitaiḥ

फिर आवरण-देवताओं सहित मूल देवी की पूजा करनी चाहिए, सुगन्धित गन्ध आदि से, तथा सुवासित पुष्पों से —

श्लोक 21 (devibhagavatam.7.40.21)

नैवेद्यैस्तर्पणैश्चैव ताम्बूलैर्दक्षिणादिभिः । तोषयेन्मां त्वत्कृतेन नाम्नां साहस्रकेण च

naivedyaistarpaṇaiścaiva tāmbūlairdakṣiṇādibhiḥ | toṣayenmāṁ tvatkṛtena nāmnāṁ sāhasrakeṇa ca

नैवेद्य, तर्पण, ताम्बूल, दक्षिणा आदि से, और तुम्हारे द्वारा रचित सहस्रनाम से मुझे सन्तुष्ट करना चाहिए।

श्लोक 22 (devibhagavatam.7.40.22)

कवचेन च सूक्तेनाहं रुद्रेभिरिति प्रभो । देव्यथर्वशिरोमन्त्रैर्हृल्लेखोपनिषद्भवैः

kavacena ca sūktenāhaṁ rudrebhiriti prabho | devyatharvaśiromantrairhṛllekhopaniṣadbhavaiḥ

हे प्रभो, कवच से, 'रुद्रैः अहम्' आदि सूक्त से, देवी-अथर्वशीर्ष मन्त्रों से, तथा हृल्लेखोपनिषद् में उत्पन्न मन्त्रों से —

श्लोक 23 (devibhagavatam.7.40.23)

महाविद्यामहामन्त्रैस्तोषयेन्मां मुहुर्मुहुः । क्षमापयेज्जगद्धात्रीं प्रेमार्द्रहृदयो नरः

mahāvidyāmahāmantraistoṣayenmāṁ muhurmuhuḥ | kṣamāpayejjagaddhātrīṁ premārdrahṛdayo naraḥ

महाविद्या-महामन्त्रों से भी मुझे बार-बार सन्तुष्ट करना चाहिए। प्रेम से आर्द्र हृदय वाला मनुष्य जगत् की धात्री से क्षमा-याचना करे —

श्लोक 24 (devibhagavatam.7.40.24)

पुलकाङ्कितसर्वाङ्गैर्बाष्परुद्धाक्षिनिःस्वनः । नृत्यगीतादिघोषेण तोषयेन्मां मुहुर्मुहुः

pulakāṅkitasarvāṅgairbāṣparuddhākṣiniḥsvanaḥ | nṛtyagītādighoṣeṇa toṣayenmāṁ muhurmuhuḥ

समस्त अंगों में रोमांच से युक्त, अश्रुओं से अवरुद्ध नेत्रों और स्वर वाला — नृत्य, गीत आदि के घोष से मुझे बार-बार सन्तुष्ट करना चाहिए।

श्लोक 25 (devibhagavatam.7.40.25)

वेदपारायणैश्चैव पुराणैः सकलैरपि । प्रतिपाद्या यतोऽहं वै तस्मात्तैस्तोषयेत्तु माम्

vedapārāyaṇaiścaiva purāṇaiḥ sakalairapi | pratipādyā yato'haṁ vai tasmāttaistoṣayettu mām

वेदों के पारायण से, और समस्त पुराणों से भी, क्योंकि मैं ही उनके द्वारा प्रतिपादित होती हूँ, इसलिए उनसे भी मुझे सन्तुष्ट करना चाहिए।

श्लोक 26 (devibhagavatam.7.40.26)

निजं सर्वस्वमपि मे सदेहं नित्यशोऽर्पयेत् । नित्यहोमं ततः कुर्याद्ब्राह्मणांश्च सुवासिनीः

nijaṁ sarvasvamapi me sadehaṁ nityaśo'rpayet | nityahomaṁ tataḥ kuryādbrāhmaṇāṁśca suvāsinīḥ

अपना सर्वस्व, अपना शरीर सहित, सदा मुझे अर्पित करना चाहिए। तत्पश्चात् नित्य-होम करना चाहिए, और ब्राह्मणों तथा सुहागिन स्त्रियों को —

श्लोक 27 (devibhagavatam.7.40.27)

बटुकान्पामरानन्यान्देवीबुद्।ह्ध्या तु भोजयेत् । नत्वा पुनः स्वहृदये व्युत्क्रमेण विसर्जयेत्

baṭukānpāmarānanyāndevībud|hdhyā tu bhojayet | natvā punaḥ svahṛdaye vyutkrameṇa visarjayet

बालकों, और अन्य साधारण जनों को भी देवी की ही बुद्धि से भोजन कराना चाहिए। फिर प्रणाम कर, विसर्जन के विपरीत क्रम से देवी को पुनः अपने हृदय में विसर्जित करना चाहिए।

श्लोक 28 (devibhagavatam.7.40.28)

सर्वं हृल्लेखया कुर्यात् पूजनं मम सुब्रत । हृल्लेखा सर्वमन्त्राणां नायिका परमा स्मृता

sarvaṁ hṛllekhayā kuryāt pūjanaṁ mama subrata | hṛllekhā sarvamantrāṇāṁ nāyikā paramā smṛtā

हे उत्तम व्रतधारी, मेरी सारी पूजा हृल्लेखा के द्वारा ही करनी चाहिए; हृल्लेखा को समस्त मन्त्रों की परम नायिका माना गया है।

श्लोक 29 (devibhagavatam.7.40.29)

हृल्लेखादर्पणे नित्यमहं तत्प्रतिबिम्बिता । तस्माद्धृल्लेखया दत्तं सर्वमन्त्रैः समर्पितम्

hṛllekhādarpaṇe nityamahaṁ tatpratibimbitā | tasmāddhṛllekhayā dattaṁ sarvamantraiḥ samarpitam

हृल्लेखा के दर्पण में मैं सदा प्रतिबिम्बित रहती हूँ; इसलिए हृल्लेखा द्वारा जो अर्पित किया जाता है, वह समस्त मन्त्रों द्वारा अर्पित किए जाने के समान है।

श्लोक 30 (devibhagavatam.7.40.30)

गुरुं सम्पूज्य भूषाद्यैः कृतकृत्यत्वमावहेत् । य एवं पूजयेद्देवीं श्रीमद्भुवनसुन्दरीम्

guruṁ sampūjya bhūṣādyaiḥ kṛtakṛtyatvamāvahet | ya evaṁ pūjayeddevīṁ śrīmadbhuvanasundarīm

गुरु का आभूषण आदि से सम्यक् पूजन करके कृतकृत्यता को प्राप्त करना चाहिए। जो इस प्रकार श्रीभुवनसुन्दरी देवी की पूजा करता है —

श्लोक 31 (devibhagavatam.7.40.31)

न तस्य दुर्लभं किञ्चित्कदाचित्क्वचिदस्ति हि । देहान्ते तु मणिद्वीपं मम यात्येव सर्वथा

na tasya durlabhaṁ kiñcitkadācitkvacidasti hi | dehānte tu maṇidvīpaṁ mama yātyeva sarvathā

उसके लिए कहीं भी, कभी भी, कुछ भी दुर्लभ नहीं है; और देहान्त होने पर वह सर्वथा मेरे मणिद्वीप को ही प्राप्त होता है।

श्लोक 32 (devibhagavatam.7.40.32)

ज्ञेयो देवीस्वरूपोऽसौ देवा नित्यं नमन्ति तम् । इति ते कथितं राजन् महादेव्याः प्रपूजनम्

jñeyo devīsvarūpo'sau devā nityaṁ namanti tam | iti te kathitaṁ rājan mahādevyāḥ prapūjanam

उसे देवी-स्वरूप ही जानना चाहिए, और देवगण सदा उसे नमन करते हैं। हे राजन्, इस प्रकार मैंने तुम्हें महादेवी की पूजा-विधि बताई।

श्लोक 33 (devibhagavatam.7.40.33)

विमृश्यैतदशेषेणाप्यधिकारानुरूपतः । कुरु मे पूजनं तेन कृतार्थस्त्वं भविष्यसि

vimṛśyaitadaśeṣeṇāpyadhikārānurūpataḥ | kuru me pūjanaṁ tena kṛtārthastvaṁ bhaviṣyasi

इस सम्पूर्ण विधि पर विचार कर, अपने अधिकार के अनुरूप मेरी पूजा करो; उससे तुम कृतार्थ हो जाओगे।

श्लोक 34 (devibhagavatam.7.40.34)

इदं तु गीताशास्त्रं मे नाशिष्याय वदेत् क्वचित् । नाभक्ताय प्रदातव्यं न धूर्ताय च दुर्हृदे

idaṁ tu gītāśāstraṁ me nāśiṣyāya vadet kvacit | nābhaktāya pradātavyaṁ na dhūrtāya ca durhṛde

यह मेरा गीता-शास्त्र किसी अशिष्य से कभी नहीं कहना चाहिए; न इसे अभक्त को देना चाहिए, न धूर्त को, न दुष्ट हृदय वाले को।

श्लोक 35 (devibhagavatam.7.40.35)

एतत्प्रकाशनं मातुरुद्घाटनमुरोजयोः । तस्मादवश्यं यत्नेन गोपनीयमिदं सदा

etatprakāśanaṁ māturudghāṭanamurojayoḥ | tasmādavaśyaṁ yatnena gopanīyamidaṁ sadā

इसका प्रकाशन माता के वक्षःस्थल को उघाड़ने के समान है; इसलिए इसे सदा अवश्य ही यत्नपूर्वक गुप्त रखना चाहिए।

श्लोक 36 (devibhagavatam.7.40.36)

देयं भक्ताय शिष्याय ज्येष्ठपुत्राय चैव हि । सुशीलाय सुवेषाय देवीभक्तियुताय च

deyaṁ bhaktāya śiṣyāya jyeṣṭhaputrāya caiva hi | suśīlāya suveṣāya devībhaktiyutāya ca

इसे भक्त को, शिष्य को, ज्येष्ठ पुत्र को ही देना चाहिए; सुशील, सुयोग्य, और देवी-भक्ति से युक्त व्यक्ति को ही देना चाहिए।

श्लोक 37 (devibhagavatam.7.40.37)

श्राद्धकाले पठेदेतद्ब्राह्मणानां समीपतः । तृप्तास्तत्पितरः सर्वे प्रयान्ति परमं पदम्

śrāddhakāle paṭhedetadbrāhmaṇānāṁ samīpataḥ | tṛptāstatpitaraḥ sarve prayānti paramaṁ padam

श्राद्ध के समय इसे ब्राह्मणों के समक्ष पढ़ना चाहिए; इससे तृप्त होकर उसके सभी पितर परम पद को प्राप्त होते हैं।

श्लोक 38 (devibhagavatam.7.40.38)

व्यास उवाच । इत्युक्त्वा सा भगवती तत्रैवान्तरधीयत । देवाश्च मुदिताः सर्वे देवीदर्शनतोऽभवन्

vyāsa uvāca | ityuktvā sā bhagavatī tatraivāntaradhīyata | devāśca muditāḥ sarve devīdarśanato'bhavan

व्यास जी ने कहा — यह कहकर वह भगवती वहीं अन्तर्धान हो गईं, और देवी के दर्शन से सभी देवता आनन्दित हुए।

श्लोक 39 (devibhagavatam.7.40.39)

ततो हिमालये जज्ञे देवी हैमवती तु सा । या गौरीति प्रसिद्धासीद्दत्ता सा शङ्कराय च

tato himālaye jajñe devī haimavatī tu sā | yā gaurīti prasiddhāsīddattā sā śaṅkarāya ca

तत्पश्चात् वह देवी हिमालय के घर हैमवती के रूप में जन्मीं, जो गौरी नाम से प्रसिद्ध हुईं, और शंकर को अर्पित की गईं।

श्लोक 40 (devibhagavatam.7.40.40)

ततः स्कन्दः समुद्भूतस्तारकस्तेन पातितः । समुद्रमन्थने पूर्वं रत्नान्यासुर्नराधिप

tataḥ skandaḥ samudbhūtastārakastena pātitaḥ | samudramanthane pūrvaṁ ratnānyāsurnarādhipa

तत्पश्चात् स्कन्द का जन्म हुआ, और उनके द्वारा तारक का वध हुआ। हे राजन्, इससे पहले समुद्र-मन्थन में अनेक रत्न उत्पन्न हुए थे।

श्लोक 41 (devibhagavatam.7.40.41)

तत्र देवैः स्तुता देवी लक्ष्मीप्राप्त्यर्थमादरात् । तेषामनुग्रहार्थाय निर्गता तु रमा ततः

tatra devaiḥ stutā devī lakṣmīprāptyarthamādarāt | teṣāmanugrahārthāya nirgatā tu ramā tataḥ

वहाँ लक्ष्मी की प्राप्ति के लिए देवताओं ने आदरपूर्वक देवी की स्तुति की थी; उनके अनुग्रह के लिए ही रमा उस समुद्र से प्रकट हुई थीं।

श्लोक 42 (devibhagavatam.7.40.42)

वैकुण्ठाय सुरैर्दत्ता तेन तस्य शमोऽभवत् । इति ते कथितं राजन् देवीमाहात्म्यमुत्तमम्

vaikuṇṭhāya surairdattā tena tasya śamo'bhavat | iti te kathitaṁ rājan devīmāhātmyamuttamam

देवताओं ने उन्हें वैकुण्ठ को अर्पित किया, जिससे उनका कल्याण हुआ। हे राजन्, इस प्रकार मैंने तुम्हें देवी की उत्तम महिमा कह सुनाई।

श्लोक 43 (devibhagavatam.7.40.43)

गौरीलक्ष्म्योः समुद्भूतिविषयं सर्वकामदम् । न वाच्यं त्वेतदन्यस्मै रहस्यं कथितं यतः

gaurīlakṣmyoḥ samudbhūtiviṣayaṁ sarvakāmadam | na vācyaṁ tvetadanyasmai rahasyaṁ kathitaṁ yataḥ

गौरी और लक्ष्मी की उत्पत्ति का यह विषय समस्त कामनाओं को पूर्ण करने वाला है; यह किसी अन्य से नहीं कहना चाहिए, क्योंकि यह रहस्य के रूप में कहा गया है।

श्लोक 44 (devibhagavatam.7.40.44)

गीता रहस्यभूतेयं गोपनीया प्रयत्नतः । सर्वमुक्तं स्मसेन यत्पृष्टं तत्त्वयानघ

gītā rahasyabhūteyaṁ gopanīyā prayatnataḥ | sarvamuktaṁ smasena yatpṛṣṭaṁ tattvayānagha

यह गीता एक गूढ़ रहस्य है, जिसे यत्नपूर्वक गुप्त रखना चाहिए। हे निष्पाप, तुमने जो कुछ पूछा था, वह सब मैंने संक्षेप में कह दिया।

श्लोक 45 (devibhagavatam.7.40.45)

पवित्रं पावनं दिव्यं किं भूयः श्रोतुमिच्छसि

pavitraṁ pāvanaṁ divyaṁ kiṁ bhūyaḥ śrotumicchasi

यह पवित्र, पावन और दिव्य है — अब और क्या सुनना चाहते हो?